كۆنفرانسەك ل دۆر نەخۆشیا ڤەگر یا (خوریكا مەیموونكان) هاتە گێڕان
ب ئامادەبوونا ماجد سەید سالح، جێگرێ پارێزگارێ دهۆكێ دوهی 30/9/2024 كۆنفرانسەكێ زانستی ژ لایێ سەندیكا نۆشدارێن ڤتێرنەری و سەندیكا نۆشدارێن كوردستانێ تایێ دهۆكێ ب هەڤكاری ل گەل هەردو كۆلیژێن نۆشداری یێن زانكۆیا دهۆك و زانكۆیا زاخۆ ل دۆر ڕوو ب ڕووبوونا مەترسیا بەربەلاڤبوونا نەخۆشیا «خۆریكا مەیمینكان» هاتە گێڕان، كو نەخوشیا ناڤبری ل چەندین وەلاتێن جیهانێ بەلاڤبوویە و ژ گیانەوەران بۆ مرۆڤان دهێتە ڤەگوهاستن
كۆنفراسێ ناڤبری ب مەرەما بلندكرنا ئاستێ زانستی و زانیاریان ل دۆر نەخوشیێن ڤەگر یێن راستەوخۆ مەترسیێ ل سەر ئاسایشا ساخلەمیێ پەیدا دكەن و پاراستنا گیانێ وەلاتیان ب رێكا نێزیكبوونا كەسێن ئەكادیمی و پیشەیی و لایەنێن ڤێتێرنەری و ساخلەمی هاتیبوو رێكخستن.
جێگرێ پارێزگاری ل دۆر بابەتێ گرنگ یێ كۆنفرانسی بناڤێ پارێزگارێ دهۆكێ دەستخوشی ل رێكخستنا ڤێ چالاكیێ كر و گۆت: «كابینەیا نەهێ یا حوكمەتا هەرێما كوردستانێ گرنگیێ ب كەرتێ ساخلەمیێ ددەت و د ڤی بیاڤی دا پشتەڤانیا كارگێریا پارێزگەها دهۆكێ بۆ رێگریكرن ل هاتن و بەلاڤبوونا نەخوشیا ناڤبری یا مەترسیدار و هەر بزاڤەكا گرنگ، ب تایبەت د وارێ ساخلەمیێ دا نیشا دا.
