لقێ ١٨ خەلاتێ رێزلێنانێ پێكشێشی هەژمارەكا ڕێكخراو و كادران كر
ئامێدیێ، مەحمود نهێلی:
ب بەرهەڤبوونا سەباح بەیتوللا، جێگرێ بەرپرسێ مەكتەبا رێكخستنا پارتی ل پارێزگەها دهۆكێ و بەرەڤان حەمدی، بەرپرسێ لقێ ١٨ یێ پارتی و كارگێریا لقێ و دەستەیێن كارگێریێن لژنە و رێكخراوان و پتر ژ ٦٠٠ كادران د رێورەسمەكی دا رێز ل هەژمارەكا ڕێكخراو و بنكە و كادران هاتە گرتن، كو د چارچوڤێ پرۆسەیەكا هەلسەنگاندنێ دا بۆ پێنج مەهان رێزێن پێشكەفتی ل سەر ئاستێ لقێ ب دەستڤەئینا بوون و دەستخوەشی لێ هاتە كرن و هاتنە خەلاتكرن.
بەرەڤان حەمدی، بەرپرسێ لقێ 18 د پەیڤەكێ دا ل دۆر هندەك تەوەرێن جودا باس ل گورانكاریێن دەڤەرێ و رەوشا هەرێما كوردستانێ و جیهانێ كر، دیسا باس ل كار و ئەركێن پارتایەتی یێن كادری د قووناغێن جودا دا و بجهئینانا بڕیارێن كۆنگرەیێ ١٤ێ یێ پارتی دا كر.
بەرپرسێ لقێ 18 دەستخوەشی ل تەڤایا كادران كر و ڕێز و سوپاسی ئاراستە كرن ژ بۆ خەمخوری و دلسۆزیا وان د كار و ئەركێن خوە دا و تەكەز كر كو قووناغا داهاتی ل گورەی پلانەكا گونجای دێ یا جودابیت ب بزاڤ و چالاكیان و دەركەفتن ژ بارەگایان بۆ ناڤا خەلكی و گۆت: «هیمەت و وەستیانەكا زێدەتر ژ مە هەمیان دهێتە خواستن ژ بۆ سەركەفتنەكا مەزن و بەردەوامیدان ب پرۆسەیا ئاڤەدانی و وەرار و پێشكەفتنا كوردستانێ و بەرسینگگرتنا مەترسیان و گەهشتن ب هیڤی و ئومێدێن مەزنتر».
