ل دهۆكێ‌ نه‌خۆشخانه‌ك بۆ پێشوازی و چاره‌سه‌ركرنا نه‌خۆشێن كۆلێرایێ‌ دهێته‌ ته‌رخانكرن

ل دهۆكێ‌ نه‌خۆشخانه‌ك بۆ پێشوازی و چاره‌سه‌ركرنا نه‌خۆشێن كۆلێرایێ‌ دهێته‌ ته‌رخانكرن

10

دهۆك، له‌زگین جوقی:

به‌رپرسێ‌ راگه‌هاندنێ‌ ل رێڤه‌به‌ریا گشتی یا ساخله‌میا پارێزگه‌ها دهۆكێ‌ دیار كر، ئاماده‌كاریێن به‌رهه‌نگاریا كۆلێرایێ‌  هاتینه‌ كرن، بۆ ڤێ‌ مه‌ره‌مێ‌ ژی نه‌خۆشخانا لالاڤ ل دهۆكێ‌ بۆ پێشوازی و چاره‌سه‌ركرنا حاله‌تێن دژوار یێن زكچوونێ‌ هاتیه‌ ته‌رخانكرن.

حه‌مزه‌ ره‌زیكی، به‌رپرسێ‌ راگه‌هاندنێ‌ ل رێڤه‌به‌ریا گشتی یا ساخله‌میا پارێزگه‌ها دهۆكێ‌ بۆ رۆژناما ئه‌ڤرۆ دیار كر، هه‌موو كه‌ره‌سته‌ و ده‌رمانێن پێدڤی بۆ چاره‌سه‌ركرنا نه‌خۆشێن كۆلێرایێ‌ ل ده‌زگه‌هێن ساخله‌میێ‌ هاتینه‌ دابینكرن، د. ئه‌فراسیاب موسا، رێڤه‌به‌رێ‌ گشتی یێ‌ ساخله‌میا پارێزگه‌ها دهۆكێ‌ ژی دگه‌ل ریڤه‌به‌ریا كاروبارێن خوه‌پاراستنا ساخله‌میێ‌ و رێڤه‌به‌رێن نه‌خۆشخانه‌یێن دهۆكێ‌ ئاماده‌كاریێن باش ئه‌نجامداینه‌ بۆ پێشوازی و چاره‌سه‌ركرنا نه‌خۆشان”.

گۆتژی: “هێشتا ئه‌م نه‌گه‌هشتینه‌ قووناغا مه‌ترسیێ‌، لێ‌ پێدڤیه‌ كار بكه‌ین و بشێین كۆنترۆلا ره‌وشێ‌ بكه‌ین، هه‌ڤكاریه‌كا باش دگه‌ل هه‌موو لایه‌نێن په‌یوه‌ندیدار دهێته‌ كرن بۆ به‌رهه‌نگاریا كۆلێرایێ‌، جهێن  گشتی وه‌كو خوارنگه‌ه پێدڤیه‌ گرنگیێ‌ ب پاقژیێ‌ بده‌ن و هشیاریا وه‌لاتیان ل دۆر نه‌خۆشیێ‌ بهێته‌ كرن”.

ره‌زیكی، خویا كر كو هه‌ر نه‌خۆشه‌كێ‌ گومان ل سه‌ر هه‌بیت، ئێكسه‌ر نموونه‌ دێ‌ ژێ‌ هێنه‌ وه‌رگرتن بۆ پشكنینێ‌، داكو یا پێدڤی بۆ نه‌خۆشی بهێته‌ كرن و بڕیار هاته‌ دان نه‌خۆشخانا لالاڤ ل دهۆكێ‌ بۆ پێشوازی و چاره‌سه‌ركرنا حاله‌تێن دژوار یێن زكچوونێ‌ بهێته‌ ته‌رخانكرن.

کۆمێنتا تە