مخابن هەموو كەس ل تیڤیان دەردكەڤن
هەرهین محەمەد:
سترانبێژ (موەفەق گۆران) د دیدارەكێ دا بۆ رۆژناما ئەڤرۆ گۆت: من مفایەكێ وەسا یێ مەزن ژ چوونا دەواتان نەكریە و نوكە ژی كێم دچمە دەواتان و من پتر مەزاختی ل بەرهەم و كلیپێن خوە كرینە و چێكرنا كلیپ و بەرهەمان ژی دڤێت سپۆنسەر هەبن و هەبوونا وان ژی دڤێت مرۆڤ گەلەك لێ بگەریێت و بەری بچمە دەواتان ژی ئەز یێ بەرنیاس یووم و من بەرهەم چێدكرن و دبینم من پەیاما خوە ب یەرهەم و كلیپ و سترانان گەهاندیە.
ل دۆر نووترین دەنگوباسێن خوە یێن هونەری گۆت: نوكە چ كارێن دەستنیشانكری نینن وەكو بەرهەم.
گازندا هەموو هونەرمەندان ئەوە هەیڤانە مووچەك هەبیت خۆ هەكە داهاتەكێ كێم ژی بیت كو و هەیڤانە بهێتە دان و ئەو بشێن بژین، چونكو هەمو سترانبێژ ناچنە دەواتان ئەو سترانبێژە دێ چەوا ژیانا خوە ب رێڤەبەن و دیسان وەزارەتا رەوشەنبیری چڤدێریا سوشیالێ بكەت نە هەركەسەكێ ڤیا بیتە میدیاكارو سترانبێژ و ب دەربارەی تیڤیان ژی من چ ل سەر نینە بەلێ دبێژم مخابن هەموو كەس ل شاشەیێن تیڤیان دەردكەڤن، چونكو هندەك بووینە سترانبێژ ئەوان چ پەیوەندی ب سترانگۆتنێ ڤە نینە .
