مۆبایل دبیته پرۆجێكتهر؟
ته جارهكێ هزرا خوه كریه كو ل جهێ ل سهر مۆبایلا خوه تهماشهیی ڤیدیۆیهكێ بكهیی، بێخیه دیوارهكی و ب رهنگهكێ مهزن وهكو شاشێن پرۆجێكهران یان سینهمایان تهماشه بكهیی، چو پێ نهڤێت دێ كارهكێ گهلهك خوهش بیت.
نها گهلهك ئهپ كهفتینه د بازاری دا و بانگهشهیا وێ چهندێ دكهن كو ئێدی ئهڤ بهرنامه دشێن جهێ پرۆجێكتهری بگرن و ب وی كاری راببن، بهلێ د راستی دا ئهو دشێن وی كاری بكهن؟
ل ڤێره دێ بۆ ههوه دیار كهین كا ئایا چو بهرنامه ههنه دشێن ڤی كاری ئهنجام بدهن یان نه.
د راستی دا، چو بهرنامێن فری د ئهپل ستوری و ئهپل ئای دی ژی دا نینن ئانكو بۆ ههردو سیستهمێن ئهندرۆید و ئای ئو ئێس، كو بشێن ڤی كارێ ل خوارێ ئهنجام بدهن.
د ناڤا بهرنامێن ب پاره ژی دا، بهرنامێ ڤیدیۆ پرۆجێكتهر یێ ههیی كو ئهو بانگهشهیا وێ چهندێ دكهت كو ب رێیا فلاشێ مۆبایلێ ئهو دشێت وی كاری ئهنجام بدهت، بهلێ هێش ئهڤێ ئهپلیكهیشنێ ژی چو سهركهفتن نهئینایه و ب تنێ بانگهشهیه.
فلاشێ مۆبایلێ ب تنێ وهكو لێتهكی یه، چاوان دشیان دایه ئهو ڤی كاری بكهت و نهبوونا تشتهكێ وهسان د ستورێن فهرمی یێن سیستهمێن ئهندرۆید و ئای ئو ئێس ئهپلێن ژ ڤی رهنگی دئێخیته بن گۆمانێ.
بۆ بكارئینانا مۆبایلێ وهكو پرۆجێكهر، تاك پێدڤی ب وهرگرهكی یان وایفای یا ههر تشتهكی ژی ڤی رهنگی ههیه كو نها دشیان دایه ب گهلهك رێیان مۆبایلا خوه ل گهل ئامیرێ تلهڤزیۆنێ گرێدهیی و د وێ رێ دا تهماشهی تشتێ ته بڤێت بكهیی.
