نـه‌ ئــارامم   

نـه‌ ئــارامم   

3

له‌زگین گراڤی

ژڤی دلی پرسیارا دكم

گازندا  دكم

ژ گلله‌یان دویر دویر دچم

خوه‌ ووندا دكم

ژبێ زاریێ . . دبێژمێ

دلۆ دلۆ  نـه‌ ئــارامم .

 

هزر دكم كه‌س نزانت

نـه‌ ئــارامم

به‌لێ ب ڕاست ئه‌ز دزانم

چه‌ند نه‌ خوه‌شم

چه‌ند ب ئێشم

به‌خت ڕه‌شم

نـه‌ ئــارامم .

 

گه‌له‌ك جارا

ژڤان هزرا ، ژڤان بیرا

ب دامایی وه‌ك ئێخسیرا

ژ دلێ خوه‌ پرسیار دكم

بیانی مه‌ ؟

یان ژی ئه‌زێ بۆ ده‌مه‌كێ

ئاكنجی مه‌؟

وه‌لاتێ من چ ناڤ هه‌یه‌؟!

بێ ئه‌درێسه‌ . . ل كیڤه‌یه‌ ؟

مال و كه‌س و بنگه‌هێ من

ل نه‌خشه‌یان دا به‌رزه‌یه‌ .

 

ئه‌رێ . . ئه‌رێ

به‌لێ دلۆ، پرسیارا من

وه‌كی به‌رێ

نـه‌ ئــارامم  .

کۆمێنتا تە