هندەك مەدیاكار رادەستی ژیواری بووینە
بێوار حەمدی:
مەدیاكار (شاسوار حازم) د دیدارەكێ دا بۆ رۆژنامەیا ئەڤرۆ دیاكر كو ئەڤە نێزیكی سێزدە سالانە ئەو دبۆارێ راگەهاندنێ دا كاردكەت و ب كارێ خوە یێ دلخۆش و ئارامە.
شاسواری گۆت: راگەهاندن حەزا من بوویە و من خوە تێدا دیتیە، لەورا من هەلبژارتیە، ب دیتنا من راگەهاندن حەزە، پاشی برێیا فێربوون و لێگەڕیان و سەربۆڕان مرۆڤ دشێت خوە تێدا ببینیت و ئاڤا بكەت و لێبۆرین ڤە هندەك ژ مەدیاكار و دەزگەهێن راگەهاندنێ رادەستی ژیواری و بینەران بووینە و كەفتینە بن بارێ لایك و كۆمێنتان، لەورا گرنگە جارەكا دی راگەهاندن بكەڤیتە سەر رێیا خوە یا راست و دروست دا ب ئەركێ خوە راببیت، بەلێ گوهۆڕین ب كەسەكی ب تنێ ڤە ناهێن، لەورا گرنگە دەزگەهێن راگەهاندنێ و جهێن شولەژێ پێكڤە كاربكەن ژبۆ نەهێلانا ڤێ گێلەشۆكا هەی.
