هه‌ولێر دێ‌ ل دو چه‌به‌را هه‌ڤڕكیێ‌ بۆ ناسناڤا كه‌ت

هه‌ولێر دێ‌ ل دو چه‌به‌را هه‌ڤڕكیێ‌ بۆ ناسناڤا كه‌ت

5

ئه‌ڤرۆ، هه‌ولێر، سولین سلێمان

د داخویانیه‌كێ‌ دا ئه‌ندامێ‌ ده‌سته‌یا كارگێریا یانا هه‌ولێر یا وه‌رزشی بۆ رۆژناما ئه‌ڤرۆ دیاركر پرۆسه‌یا ئینانا یاریزانێن خودان شیان و پیشه‌كار به‌رده‌وامن پێخه‌مه‌ت باشترین به‌رهه‌ڤی بۆ وه‌رزێ‌ نوو یێ‌ خولا پلا نایاب ئیراقێ‌ و پلا ئێكا كوردستانێ‌ و دێ‌ ئارمانجێن مه‌ بۆ هه‌ردو خولا هه‌ڤڕكی بن.

زێده‌تر ئه‌حمه‌د شكۆر گۆت: ل دووڤ پلانا كارگێریا یانێ‌ ل گه‌ل راهێنه‌رێ‌ تیما ته‌پا پێی یا خولا ئیراقێ‌ هه‌تا نوكه‌ سێ‌ یاریزانێن پیشه‌كار ئیناینه‌ دناڤ رێزێن تیمێ‌ دا و گرێبه‌ست ل گه‌ل 14 یاریزانێن خودان شیان ئیمزاكرینه‌ و دیسان پێكهاتیێ‌ تیما هه‌تا 15 یاریزان دێ‌ خه‌لكێ‌ هه‌ولێر و ده‌وروبه‌ران بن و بۆ خولا كوردستانێ‌ ژی باشترین شێوه‌ دێ‌ به‌رهه‌ڤیان كه‌ین و ئارمانجا مه‌ ڤه‌گه‌ڕاندنا هێز و ناڤێ‌ یانا هه‌ولێره‌ د هه‌ردو خولان دا كو بشێوه‌ باشتر ژ وه‌رزێ‌ بوری له‌ورا دێ‌ بۆ هه‌ڤركیێ‌ و ناسناڤی پشكداربین، هه‌رچه‌نده‌ پلان و تیمێن مه‌ د نوو نه‌ وده‌م پێ‌ دڤێت.

ژلایه‌كێ‌ دووڤه‌ ناڤهاتی ئه‌وچه‌نده‌ ژی دیاركر تیما وان د خولا پلا ئێك دایه‌ و ئه‌و نه‌جهێ‌ وێ‌ یێ‌ دروسته‌ و چاڤه‌ڕێ‌ بڕیارێن ئێكه‌تیا ته‌پا پێێ‌ یا كوردستانێ‌ نه‌ ژبۆ دیاركرنا ژڤان و سیسته‌مێ‌ خولێ‌ و دێ‌ هه‌موو بزاڤێن وان دروستكرنا تیمه‌كا بهێزه‌ و گۆت: سۆپاسیا حوكمه‌تا هه‌رێما كوردستانێ‌ دكه‌ین كو به‌رده‌وام پشته‌ڤانیا مه‌ دكه‌ن ئه‌ڤچه‌نده‌ ژی پالده‌ره‌ زێده‌تر خوه‌ زه‌حمه‌ت ب ده‌ین باشترین شێوه‌ بۆ ناڤێ‌ هه‌ولێرێ‌ كاربكه‌ین.

کۆمێنتا تە