هەر ژ 100 هزار كەسان 151 كەس ل هەرێمێ‌ تووشی پەنجەشێرێ...

هەر ژ 100 هزار كەسان 151 كەس ل هەرێمێ‌ تووشی پەنجەشێرێ دبن

8

هەولێر، قائید میرۆ:

وەزیرێ ساخلەمیێ ل حوكمەتا هەرێما كوردستانێ ئاشكرا كر، رێژەیا تووشبوون ب پەنجەشیرێ ل هەرێما كوردستانێ گەلەك ژ ستانداردێ جیهانی كێمترە و كێمترین مرن ژی ل هەرێما كوردستانێ هەیە.
دكتۆر سامان بەرزنجی، وەزیرێ ساخلەمیێ بۆ رۆژناما ئەڤرۆ دیاركر، زۆرترین نەخۆشێن پەنجەشیرێ ل دەڤەرێن ناڤەڕاست و باشوورێ ئیراقێ سەرەدانا باژێڕێ هەولێرێ دكەن، ب مەرەما وەرگرتنا چارەسەریان، لەوڕا رێژەیا تۆماركرنا پەنجەشیرێ ل هەولێرێ یا بلندە، چونكی وەلاتیێن دەرڤەی هەرێمێ سەرەدانا نەخۆشخانەیێن هەولێرێ دكەن و گۆت: «ل گورەی ستاندەردێ جیهانی، ژ هەر 100 هزار كەسان 190 كەس تووشی پەنجەشیرێ دبن، بەلێ ل هەرێما كوردستانێ رێژەیا توشبوونێ‌ ژ هەر 100 هزار كەسان 151 كەسن».
گۆتژی: «رێژەیا مرنێ ژ گەرێ پەنجەشیرێ ل هەرێما كوردستانێ ل هەموو پارێزگەهێن ئیراقێ كێمترە، هەروەسا رێژەیا تووشبوون ب نەخوشیا پەنجەشیرێ ل هەرێما كوردستانێ گەلەك كێمترە ژ رێژەیا ستاندەرد، كو هاتیە دیاركرن».

کۆمێنتا تە