هەكە رۆژانە مۆزیكێ نە ژەنم تووڕە دبم
هەرهین محەمەد:
لێدەرێ سازێ (بلند ئامێدی) د ددیدارەكێ دا بۆ رۆژناما ئەڤرۆ گۆت: ل دەستپێكێ دایك و مۆزیك هەردو بۆ من ژیانن و ب هەبوونا هەردویان مرۆڤ بەردەوامێ د دەتە ژیانێ و هەردەمێ مرۆڤی هەست ب تنێ بوونێ كر دایك و مۆزیك سەبرێ ددەنە مرۆڤی و دەمێ مۆزیكێ دژەنم هەست ب خۆشبێ دكەم و دچمە جیهانەكا دی و هەرخەم و نەخۆشیەكا من هەبیت ژبیردكەم و نەشێم دەستان ژ مۆزیكێ بەردەم، چونكو وەكو پارچەكێ یە ژ لەشێ من و تێكەلی خوینا من بوویە و هەكە رۆژێ دو سێ دەمژمێران مۆزیكێ نە ژەنم تۆرەدبم.
بلندی گۆت: ب دیتنا من ئاستێ مۆزیكێ ل دەڤەرا بەهدینان گەلەك لاواز بوویە و ئەگەرێ ڤێ چەندێ ژی ژ نەبوونا پشتەڤانیێ یە و هەكە پشتەڤانیا هونەرمەندان ب گشتی بهێتە كرن دێ نوویاتیان كەن و دبیت گەلەك گەنجێن دی بهێنە دمەیدانا هونەری دا.
