هەژمارەكا پڕۆژەیان ل سنوورێ دەڤەرداریێن سێمێلێ و ئاكرێ دێ هێنە بجهئینان
پارێزگارێ دهۆكێ ب گوژمێ پتری چار ملیار دیناران هەژمارەكا پڕۆژەیێن خزمەتگوزاری ل سنوورێ هەردو دەڤەرداریێن سێمێلێ و ئاكرێ رەوانەی بجهئینانێ كرن.
د. عەلی تەتەر، پارێزگارێ دهۆكێ دوهی رۆژا سێشەمبی 3ی ئیلۆنا 2024ێ ب گوژمێ چار ملیار و ٧٠٢ ملیۆن و ٦٨١ هزار دیناران چەندین پڕۆژەیێن خزمەتگوزاری، وەكو: دروستكرنا جاددەیێن هاتنوچوونێ و دابینكرنا ئاڤێ و ئاڤڕێژان بۆ هەردو دەڤەرداریێن ئاكرێ و سێمێلێ رەوانەی بجهـئینانێ كرن.
ئەو پڕۆژەیێن دوهی پارێزگارێ دهۆكێ ل سنوورێ هەردو دەڤەرداریێن سێمێلێ و ئاكرێ رەوانەی بجهئینانێ كرین، پێك دهێن ژ:
ـ پڕۆژەیێ دروستكرنا دو جاددەیان ل گەل ئاڤڕێژان ل ناوچەداریا خانكێ یا سەر ب دەڤەرداریا سێمێلێ ڤە.
ـ چارەسەركرن و دابینكرنا ئاڤا ڤەخوارنێ بۆ چەندین گەرەك و گوندان ل سنوورێ دەڤەرداریا ئاكرێ.
ـ پڕۆژەیێ چێكرنا رێكا دووڕیانا زاوا بۆ كەمپا شاریا ب درێژاهیا شەش كیلۆمەتران.
ـ پڕۆژەیێ چێكرنا رێكێن ناڤخوەیی ل گەل ئاڤڕێژان ل سەنتەرێ ناوچەداریا خانكێ ل گەل چێكرنا رێكا دەریایا خانكێ یا سەر ب دەڤەرداریا سێمێلێ ڤە.
