٣٥% خەلكێ دهۆكێ سابوونا حەلەبێ ب كاردئینن
هەرهین محەمەد:
حەزژێكەرێن سابوونا حەلەبێ دكەڤن دا هەبوویە و ب كارئینایە، ژبەركو رێژا مادەیێن كێمیایی تێدا یا كێمە و ژ مادەیێن سرۆشتی دهێتە درۆستكرن و ل بەرامبەر فرۆشیارەكێ تایبەت ب فرۆتنا بەرهەمێن سابوونا حەلەبێ ژی دبێژیت: بكرێن سابوونا حەلەبێ ژ كەڤن دا دانعەمرن و نوكە گەنجان ژی بەرێ خوە دایە ڤی بەرهەمی و ژبەر نوشداران ژی تەكەز ل سەر ئەڤی بەرهەمی كریە كو بەرهەمەكێ بێ زیانە و مفایێن خوە هەنە بۆ پیستی و پرچێ.
بارزان لوقمان، خودانێ جهێ شیفا یێ فرۆتنا سابوونێن حەلەبێ گۆت: نوكە رێژەیا كرینا سابوونا حەلەبێ زێدەتر لێهاتیە و نێزیكی 35% ژ خەلكێ دهۆكێ ب كار دئینن، هەروەسا ئەو رەوشەنبیری ل دەڤ خەلكێ مە چێبوویە وەكو وەلاتێ سوریێ سابوونا حەلەبێ ب كاردئینن و بۆ وان دیاربوویە ئەڤ سابوونە سرۆشتی یە و ژ زەیتا دارا (غار) دهێتە درۆستكرن و چو زیانێن خوە نینن.
زێدەتر گۆت: بكرێن سابوونا حەلەبێ ژ كەڤن هەتا نوكە كەسانێن دانعەمرن و ل ڤێ دووماهیێ ژی گەنجان ژی بەرێ خوە دایە ڤێ سابوونێ ب كاردئینن و گەلەك جورێن سابوونا حەلەبێ دهێنە درۆستكرن و هەر جۆرەكی رێژا مفای جوداترە ژ جۆرێ دی و ب بێهنێن جودا وەكو زەیتا غار و لەڤەندەر و وەردە جوری و كولیلكا سپی و یاسەمینا دیمەشقی و ئاڤا گۆلایە.
ناڤبری خویاژی كر، بەری نوكە ئەڤ هەموو جورێن سابوونێ ل وەلاتێ حەلەبێ دهاتە چێكرن و كارگەها مە ل وێرێ بوو و پشتی كاودانێن وی باژێری نەخوەش بووین مە كارگەها خوە ژ حەلەبێ ڤەگوهاستیە وەلاتێ لوبنانێ و هەیڤانە نێزیكی شەش تەنێن سابوونێ بۆ مە دهێن ل دووڤ داخوازییا و ئەم بەلاڤدكەین ل سەر وان جهێن سابوونا حەلەبێ دفرۆشن و ئەڤ سابینە ژی هەموو ب رێكێن فەرمی دهێتە دهۆكێ و ل خالێن سنوری ژی دهێتە پشكنین كرن و گۆت: سابوونا حەلەبێ چ زیانێن خوە نینن و هەتا ئەو ب خوە ژی بكاردئینن و وان ژی تەكەز ل سەر هندێ كریە ژ بۆ پیستی و پرچێ مفایێن خوە هەنە.
هەر ل هەمان جه ژنەكێ گۆت: ل دەستپێكی ب تنێ من شاموب كاردئینان و وان گەلەك كارتێكرن ل پیست و پرچێ من و گەلەك جاران ژی چوومە نك نوشداری ژ بۆ چارەسەریێ، بەلێ یا بێ مفا بۆ پشتی من سابوونا حەلەبێ ب كارئینایی من گەلەك مفا ژێ دیتیە و سابوونا حەلەبێ ژی گەلەك جورن ئەو جۆر من ب خوە ئینایە وەكو شامپویێ یا رۆنە و مادەیێن كێم یایی دناڤ دا نین و شیرەتا من بۆ هەموو كەسان ئەوە دەمێ بەرهەمەكی دكرن ل دەستپێكێ بزانن كا ئەرێ رێژا چەند مادێ كێمیا یی تێدایە دا ل دووماهیێ كارتێكرنێ ل سەر ئەوان نەكەت و دبینم ئەو كەسێن پرچا خوە چاندی پتریا ئەوان شامپو و جێلی ب كارئیناینە.
