پرۆفیسۆر دكتۆر كه‌یوان: 100% ئه‌ز دژی ڤه‌كرنا خولێن بهێنڤه‌دانا هاڤینێ‌ مه‌ و...

پرۆفیسۆر دكتۆر كه‌یوان: 100% ئه‌ز دژی ڤه‌كرنا خولێن بهێنڤه‌دانا هاڤینێ‌ مه‌ و ب كاره‌كێ‌ باش نابینم

12

سلێمانی، عه‌زیز هه‌ورامی:

هه‌ر سال د بهێنڤه‌دانا وه‌رزێ‌ هاڤینێ‌ دا ، خواندن ل هه‌موو كوردستانێ‌ خولێن خواندنا پڕوگرمی دهێنه‌ ڤه‌كرن، پڕۆفیسۆره‌ك ڤێ‌ چه‌ندێ‌ ب مه‌ترسی دزانیت و دبێژیت دڤێت ڕێ‌ ل به‌رامبه‌ری ڤه‌كرنا ڤان خولا بهێته‌ گرتن.

پرۆفیسۆر دكتۆر كه‌یوان ئازاد ب تایبه‌تی بۆ رۆژناما ئه‌ڤرۆ راگه‌هاند، ڤه‌كرنا خولێن پڕۆگرامێ‌ خواندنێ‌ بۆ قوتابیان د وه‌رزێ‌ هاڤینی دا سه‌د ل سه‌دێ‌ ئه‌ز دژی وێمه‌ و باره‌كێ‌ باش ژی نابینم، هه‌كه‌ بشێم دێ‌ وان خولا ڕاگرم ژ به‌ر كومه‌كا هۆكاران، قوتابی دده‌مێ‌ نه‌ه هه‌یڤاندا مژوولی خواندنێ‌ بوویه‌ یێ‌ ماندی بووی ، ئه‌و دو هه‌یڤێن مایی دڤێت بهێنڤه‌دانه‌كێ‌ بكه‌ت، بۆ هندێ‌ مێشكێ‌ وی ئارام ببیت، قوتابی دشێت بچیته‌ خوله‌كا دیتر یا خولێن موزیكێ‌ و باشنڤیسینێ‌ وان خولێن ده‌رڤه‌یی خواندنێ‌ بۆ هندێ‌ بهێنڤه‌دانه‌كێ‌ بۆ مێشكێ‌ خوه‌ چێ‌ كه‌ت، و ل گه‌ل خواندنا خوه‌ فێری تشته‌كێ‌ دیتر ببیت.

دكتور كه‌یوان ئازاد گۆت: قوتابی دڤێت دده‌مێ‌ بهێنڤه‌دانا خواندنا هاڤینێ‌ دا یێ‌ ژ خواندنێ‌ دوور بیت و تێكه‌لیێ‌ ل گه‌ل خیزانا خوه‌دا بكه‌ت، ب ڤه‌كرنا ڤان جوره‌ خولان ئالیه‌كێ‌ دیتر یێ‌ بازرگانی تێدا هه‌یه‌، و ئه‌و ماموستایێن بۆ كوژمه‌كێ‌ پاره‌ی ڤی كاری ئه‌نجامدده‌ن، بووینه‌ بازرگانێن ته‌مام، راسته‌ هنده‌ك قوتابیان مفا ژێوه‌رگرتیه‌، به‌لێ‌ ل سه‌ر حسابا مێشك و ماندی بوونا قوتابی بوویه‌، ژیان بتنێ‌ ب خواندنێ‌ یا گرێدایی نینه‌، ژیان كومه‌كا پێڤه‌ران بخوڤه‌ دگریتن، ژوانا گه‌شت و سه‌یران و هزركرنا دڕاهێنانێن له‌شی و دیسان هزركرنا د وان پیشه‌ و كارێن دیتر دا یێن ده‌رڤه‌یی خواندنێ‌.

پڕۆفیسۆر و دكتوری هه‌روه‌سا خوه‌یاكر، ئه‌ڤ جوره‌ خوله‌ بووینه‌ ئه‌گه‌ری ژناڤبرنا ده‌مێ‌ مرۆڤی بو وان كه‌سان یێن به‌رده‌وام د ناڤا خێزانێ‌ دا دخوینن، چونكی دڤێت خێزان ئاگه‌هداری زارۆیێن خوه‌ بیت، له‌ورا په‌یوه‌ندیێن جڤاكی ژی ب ته‌مامی هاتینه‌ لاوازكرن، ئه‌ڤ دیارده‌ یا زێده‌ بووی و چه‌ند ساله‌ بیرهاتنێن مرۆڤایه‌تی نه‌ماینه‌ و به‌رده‌وام مژوویلی خواندنێ‌ نه‌، و خێزان هاتینه‌ دابڕكرن ژ هه‌ڤ دوو، هه‌موو بووینه‌ رۆبۆت و به‌ده‌ست نه‌ریتێن ده‌ستكاری یێن سه‌قه‌ت.

مامۆستایێ‌ زانكۆیێ‌ ئاشكرا كر وگۆت: ل وه‌لاتێن ئه‌مریكا و ئه‌ورۆپا و ئاسیا ژی خولێن خواندنێ‌ نینه‌، بتنێ‌ ل هه‌رێما كوردستانێ‌ ئه‌ڤ جورێن خولا ل بهێنڤه‌دانا هاڤینێ‌ دهێنه‌ ڤه‌كرن، ل وه‌لاتێن بیانی خولێن جودا جودا هه‌نه‌، به‌لێ‌ دبیاڤێ‌ ئامیره‌كێ‌ مۆزیكێ‌ دا یا وه‌رزشێ‌ یان كۆمپیوته‌ری دا، د كار و زمانه‌كێ‌ دیتر دا قوتابی فێر ببیت، وشێوازێ‌ پویوه‌ندیێن جڤاكی ئاستێ‌ زانینێ‌ و ره‌وشتێ‌ مرۆڤایه‌تی خولێن فێربوونا زانستێ‌ سیاسی ئه‌و جوره‌ خوله‌ ژ ده‌رڤه‌یی خواندنێ‌ دهێنه‌ ڤه‌كرن، پێدڤی یه‌ قوتابی بچیته‌ خوله‌كا مفدار پشتی ده‌رچوونێ‌ مفایێ‌ بۆ ب رێڤه‌برنا ژیان ژێ‌ وه‌ربگریت، خوه‌ ئه‌گه‌ر نه‌هاته‌ دامه‌زارندن ژی ژ ئالیێ‌ حكومه‌تێ‌ ڤه‌.

پ.د. ئازاد كه‌یوان دیاركر، ئه‌و پسپۆرێن ده‌مێ‌ پڕۆگرامێ‌ خواندنێ‌ د دنانن بۆ هندێ‌ د نه‌ه هه‌ڤیاندا بخوینن، پرسیار بۆ قوتابی دهێنه‌ دانان ل قۆناغا دستپێكێ‌ هه‌تا زانكۆیێ‌، دڤێت ماموستا 60 خوله‌كان دانیت، 20 بۆ مامۆستایی تێدا باخڤیت، 20 بۆ قوتابی تێدا بنڤیسیت، 20 بۆ ژی بۆ هزركرنا قوتابی بهێلیتن.

هه‌روه‌سا پرۆفیسَورێ‌ ناڤبری گۆت: پڕۆگرامێ‌ خواندنێ‌ ده‌مێ‌ دهێته‌ دانان دڤێت بزانین بۆ چو ته‌مه‌ن هاتیه‌ دانان، بۆ كیش قۆناغا خواندنێ‌، ده‌مێ‌ وانا چه‌نده‌ ئه‌و بابه‌تێن بۆ هاتینه‌ دانان ب چه‌ند خوله‌كان بهێته‌ گه‌هاندن وتێگه‌هشتن هه‌بیت، به‌لێ‌ تۆ دخوله‌كێ‌ دا هه‌می پرۆگرامێ‌ ب قوتابیه‌كێ‌ ده‌یه‌ خواندن و دحه‌فتیه‌كێ‌ دا، ودده‌مێ‌ دو ده‌مژێران دا ئه‌و وانه‌ بهێنه‌ گۆتن، ئه‌و چو مێشكه‌ قوتابی هه‌ی، چونكی وانا بخوه‌ بۆ 40 خوله‌كان هاتینه‌ دانان ومێشك قه‌بوول بكه‌ت، ئه‌ڤه‌ ژی ل سه‌ر مێشك وهزركرنا قوتابیێ‌ بیر تیژ دراوه‌ستیتن، له‌ورا ئه‌ڤه‌ گه‌له‌ك یا شاشه‌ و بتنێ‌ ئارمانج ژی وه‌رگرتنا پاره‌یه‌ و كاره‌كێ‌ بازرگانی یه‌.

مامۆستایێ‌ زاكۆیێ‌ ئه‌و چه‌نده‌ ژی نه‌ڤشارت و گۆت: هه‌ر ئێك ژ كه‌رتێن په‌روه‌درێ‌ و خواندنا بلند، هه‌ر ده‌مێ‌ سه‌ره‌ده‌ریا پاره‌ی تێدا هاته‌ كرن، ئه‌ڤه‌ یا ب مه‌ترسیداره‌ ، چونكی تۆ دێ‌ به‌ره‌بابه‌كی په‌ره‌وه‌رده‌كه‌ی و پێگه‌هینی كو دێ‌ ل سه‌ رحسابا پاره‌كی بیت، دڤێت ده‌وله‌ت سه‌رپه‌رشتیا ڤێ‌ چه‌ندێ‌ بكه‌ت، ساخله‌می یا د بوارێ‌ ب پاره‌ یدا و یاری ب ساخله‌میا مرۆڤان دهێته‌ كرن، ئاسایش و ئه‌من یا بووریه‌ ب پاره‌ زیان ب ئاسایشێ‌ دێ‌ كه‌ڤیتن، پلاندانان ده‌مێ‌ پلانا وه‌لاتی دهێته‌ دانان ، نابیت سه‌رده‌ریا پیڤه‌رێ‌ پاره‌ی ل گه‌ل بهێته‌ كرن، له‌وڕا وه‌ك پرۆفیسۆره‌ك ئه‌ز پێشنیاز دكه‌م ئه‌ڤ جوره‌ خولێن پڕۆگرامێ‌ خواندنێ‌ بهێنه‌ ڕاگرتن.

کۆمێنتا تە