پڕۆژەیێ كەسككرنا 100 دۆنەمێن ئەردی ل دەرگەهێ دهۆكێ دەستپێكر
ب چاڤدێری و ئامادەبوونا د. عەلی تەتەر، پارێزگارێ دهۆكێ و جێگرێ بالیۆزێ هۆلەندا ل ئیراقێ و رێكخراوا كار یا نێڤدەولەتی ILo و رێڤەبەریێن پەیوەندیدار، ل رۆژا 16/11/2023 هەوا كەسككرنا 100 دۆنەمێن ئەردی ل دەرگەهێ باژێرێ دهۆكێ دەستپێكر.
د ڤێ هەوێ دا بۆ دەمێ سێ هەیڤان ئەو دەڤەرە ب هزارەها داران دێ هێتە كەسكرن.
دیسا هەر ل هەمان رۆژ و ب سەرپەرشتیا د. عەلی تەتەر، پارێزگارێ دهۆكێ و ب ئامادەبوونا جێگرێ پارێزگاری بۆ كاروبارێن تەكنیكی و شارەزا و رێڤەبەریێن پەیوەندیدار كۆمبوونەك ل دۆر رەوشا ئاڤێ ل پارێزگەها دهۆكێ هاتە ئەنجامدان.
د كۆمبوونێ دا باس ل كێمبوونا ئاڤێ ژ ژێدەرێن ئاڤێ هاتە كرن و پشتی هەلسەنگاندن و دانوستاندنان بڕیار هاتەدان پلانەكا ب لەز ب كوالێتیەكا گۆنجای بۆ چارەكرنا ئاریشەیێن ئاڤێ بهێتە دروستكرن، هەروەسا لایەنێن پشكدار د كۆمبوونێ دا دۆپاتی ل هشیاریا گشتی ل دۆر بابەتێن ئاڤێ و مەترسیێن وێ د داهاتی دا هاتە كرن.
