ئەرێ دیاریێن حەج و عمرێ ژی وەكو خوارنا تازیان قەدەغە بكەن باشتر نابیت؟!
شاهۆ فەرید
ئەداكرنا حەج و عومرێ فەرز و سونەتە لسەر هەر تاكەكێ موسلمان سەرەدانكرنا شینوار و جهێن پیرۆزیێن مەكەهێ و مەدینێ و دیتنا كەعەبە یا پیرۆز تایبەتیا خوە هەیە، نوكە دا بهایی گەشتێن و سەردانكرنێ بهایەكێ گونجایە چ رێكا فرۆكێ یان پاس و ئوتومبێلان بیت، هەر كەسەكێ حەز هەبیت دشێت سەرەدانێ بۆ بكەت و مەزاختیەكێ كێم ژی بۆ خوە ل وێرێ بكەت، بەلێ مەزاختێ هەرە زێدە دانا ئەڤان دیاریا یە كو هەر كەسەكێ پشتی ڤەگەریانێ دیێ بینی مرۆڤ و هەڤالێن وی یێن نێزیك سەرەدانكرن و بارگرانی بۆ وان چێكرن، هەر خێزانەك یان هەڤال و دۆستان دەمەكێ قەستكرن گەلەك جاران تێچۆیێ وان دیاریی و خوارن و ڤەخوارنیێن پێشكێشی مێهڤانان دكەن خودان دشێت عومرەكا دی پێ بكەت، من خوە سەرەدانا جهەكێ فرۆتنا دیاریێن حەج و عومرێ كر و پسیارا خودانی كر ئەرێ نوكە خەلك چاوا ئەڤان دیاریا دكرن و چاوا پێشكێشی مێهڤانان دكەن، گۆتەمن هەر كەسێ قەستا مالا خودێ دكەت بۆئەداكرنا حەجێ با عومرێ دیاریێن نێزیك بۆ زارۆك و هەڤژین و برا و خویشك….هتد ل گەل خوە دئینت، بەری ڤەگریتە مال دێ قەستا مەكەن بۆ كرینا دیاریێن مایی وەكو خۆرمایی و ئاڤا زمزم و تزبی و شەملك و كولاڤ و سیواك و بهێنخۆشكەران ژ دەف مە دبەن و جاران هەبوویە دو تا سیێ جارا قەستامە كرینە بۆ كرینا دیاریا، هەر ئێك ژیی دووڤ پێچیبوونا خوە ناكریت، بەلكو زێدتر دبەن و بارێ خوە گران دكەن و جار هەبوویە دەین برینە، بهایێ كەلوپەلێ دیاریا گونجا بوویە ژ جارا چونكو جهیێن وان زێدەبووینە، یێ هەرێ كێم دیاریا بكرییت بهایێ سەد هزار دینارانە هەتا 200 دۆلاران هەنە ژیێ بهایەكێ پتر دكرن، نوكە دا هندەك جۆرێن بۆكسێن دیاریان ژی دەركەفتینە گەلەك شێواز و قەبارەیان بۆ پێشكێكرنا ئەوان دیاریان هەنە تشتان ژ مە دكرن و داخواز دكەن ئەم بۆ وان بەرهەڤبكەین دووڤ داخوازیێ، ئەرێ ئەڤە چ مەزاختێ زێدەیە دكەن مایێ حەژ تە بكەت دێ بۆ دیاریا قەستا تەكەت خوەزی وەكو خوارنا تازیا قەدەغەكریێن بڕیارەك سەر ڤێ چەندێ ژی هاتبادان چونكو نوكە باریێ خەلكێ خوەیێ گرانە و مووچە گیرۆ دبیت، ڤێجا یێ دەلیڤەك بۆ هات قەست بكەت دێ خوە قەرزدار كەت ژبەردیاریا بلا ئەڤێ شەرمێ پاڤێژیین، چونكو ئەڤە تشتەكێ گەلەكێ زێدەیە، هندەك كەس هەنە بێ كەس بزانیت دچن و دهێن دا كەس قەستا وی نەكەت و بارگرانی بۆ چێنەبیت.
