ساخلەمی یا خەمسارە
وەكو ئەم هەموو دزانین ل دووف مەرجێن ساخلەمیێ پێدڤیە ئەو كەسێن ل بەر خوارنگەه و كافی و نانپێژی و سەمونخانەیان و هندەك جهێن دی كاردكەن، هەردەم ریهێن وان دتڕاشی بن، هەروەسا كولاڤەك ل سەرێ وی هەبیت ژنوو مافێ هەیە ل وی جهی كاربكەت و هەتا بەری چەندین سالان ئەڤ بڕیارە ل وان جهان دهاتە پەیرەوكرن و تیمێن ساخلەمیێ ب هووری چاڤدێریا وان دكر و هەركەسەكێ ریهێن وی یان پرچا وی یا درێژبا دا دەلیڤەیا كاری نە د دایێ، هەروەسا دا ئەو جه هێتە سزادان، لێ مخابن ئەڤە چەند سالە نە ئەو سیكە نە ئەو بازاڕ و پرانیا كەسێن نوكە ل وان جهان كاردكەن ریهێن وان د بەردای و درێژن كو ب راستی ژی ئەڤە چەندە یا دوورە ژ هەموو بنەمایێن ساخلەمیێ و نابیت ئەڤ چەندە هەبیت، لەورا ئەز دبێژم ساخلەمی یا خەمساڕە، چنكو كارێ وان دووفچوونا وان جه و وان كەسانە و نابیت ئەڤ بەرەللایە هەبیت، چنكو كارێ وان گرێدای ساخلەمیا مرۆڤانە و خەلكەك هەموو یێ ل سەر بەختێ بوون، بۆ نموونە هەكە ل ناپێژیێ ئەو كەسێ هەڤیری دشێلیت، هەروەسا ئەوكەسێ نانی پێڤە ددەت یان ژێڤەدكەت خودان ریهبیت مانە كارەساتە، چنكو ئەو یێ ل هنداڤ تەستا هەڤیری، یان تەنیرا گەرم، چو پێ نەڤێت ل وی دەمێ د موویێن ریهێن وی سۆژن و كەڤنە د ناڤ تەنیرێ دا، یان هەتا تەستا هەڤیری ژی و من ئەز ب خوە گەلەك جاران چوویمە نانپێژی و سەمۆنخانەیان من دیتە هەكە نە هەموو ژی بەلكو پتریا وان كەسێن ل وێرێ كاردكەن خودان ریهێن، هەروەسا كۆلاڤ ژی د سەری نیین، هەروەسا من ب خوە ل خوارنگەهەكێ دیت ئەو كەسێ كەبابان چێدكەن ریهێن وی ددرێژن و ب دەستی گۆشت ب شیشكان ڤە دكر و ب راستی ژی مرۆڤ نەشێت بڤی رەنگی وێ خوارنێ بخۆت، بۆ زانین كەسێن ریهدرێژ ل پرانیا خوارنگەهان ڤە هەنە، لێ خەلكەك زوو ب زوو نابینیت چنكو د لێلانگەهان ڤەنە،لەورا داخوازا من ژ رێڤەبەریا گشتی یا ساخلەمیێ ل پارێزگەها دهۆكێ ئەوە ب رژدی ل سەر ڤێ چەندێ راوەستن، چنكو ساخلەمیا مرۆڤان ژ هەموو تشتان گرنگترە و نابیت ئەڤ بەرەللایە هەبیت.
