12 فیدراسیۆنێن وەرزش یێن كوردستانێ دێ پشتەڤانییا دارایی وەرگرن
قەیس وەیس:
ب فەرمی لژنەیا ئۆلمپییا كوردستانێ شایستەیێن دارایی بۆ 12 فیدارسیۆنێن وەرزشی خەرج كرن ئەوا ب پشتەڤانییا مەسرۆر بارزانی سەرۆكێ حوكمەتا هەرێما كوردستانێ ل دووڤ بەرنامەیێ گەشپێدانا كابینەیا نوو یا حوكمەتا هەرێمێ ئەوا پشككەكا پشتەڤانییا دارایی بۆ لژنەیا ئۆلمپیا كوردستانێ هاتییە تەرخانكرن.
ل دووڤ زانیارییان ئەوا ژلایێ راگەهاندنا لژنەیا ئۆلمپی هاتینە راگەهاندن كو ب فەرمی بڕیار هاتیە دان ب خەرجكرنا شایستەیێن دارایی بۆ 12 فیدارسیۆنێن كوردستانێ هاتیە دەركرن ب مەرەما بڕێڤەبرنا كار و چالاكیێن خوە بۆ داهاتی ئەو ژی، باسكێت بۆل، جۆدۆ، تایكواندۆ، پایسكلان، شەترەنج، سەول و كانۆ، تەپا دەستی، یاریێن مەیدانێ، خوەلێگدان، بادمینتۆن، كاراتێ و سۆار چاكیێ.
هەروەسان دیار كر د ماوەیێ بۆری دا هندەك فیدراسیۆنێن وەرزشی ب پشتەڤانییا لژنەیا ئۆلمپی چالاكیێن خوە كرینە و د ڤێ حەفتیێ دا دێ ل دووڤ خشتەكێ تایبەت ئەو فیدراسیۆنێن شایستەیێن خوە وەرگرن دێ دەست ب چالاكیێن خوە ل سەر ئاستێ باژێرێن هەرێمێ كەن ئەڤچەندە ژی بۆ زێدەتر لڤین و پشتەڤانییا وەرزشێ یە ل كوردستانێ و دیا كر ژی لژنەیا ئۆلمپی وەكو دامەزرێنەرا وەرزشێ ل هەرێما كوردستانێ كار و چالاكیێن خوە ب پشتەڤانییا دارایی یا كابینا نەهێ یا حوكمەتا هەرێما كوردستانێ شیانە بەرنامەیی بۆ دانانا چالاكیێن فیدراسیۆنێن دیاركری ب دانیت.
