61 هزار خێزانێن باكور و رۆژئاڤا هاریكاریێن دەزگەهێ خێرخوازیا بارزانی وەرگرتن
سولین سلێمان
د ئێكەم رۆژا بیڤەلەرزا توركیا و سوریێ دەزگەها خێرخازیا بارزانی هەولێن خوە ئێخستینە كاری ژ بۆ گەهاندنا هاریكاریا ژ بۆ زیانڤێكەفتیێن بیڤەلەرزا مەها شۆباتێ.
ئەندامەكێ كارگێریا دەزگەها خێرخوازیا بارزانی د دیدارەكێدا بۆ رۆژناما ئەڤرۆ دیار كر: پشتی رێكەفتا شەشا مەها 2 د دەمێ وێ روودانا مەزن دا، هەر د ئێكەم رۆژ دا تیمێن مە راستەخۆ گەهشتنە وەلاتێ توركیا و سوریێ ل رۆژئاڤا و باكورێ كوردستانێ و مە دەست ب هاریكاریێن خوە كرن.
كارزان نوری ئەندامێ دەستەیا كارگێریا دەزگەها خێرخازیا بارزانی بۆ رۆژناما ئەڤرۆ گۆت: دەزگەهێ خێرخوازیا بارزانی ئێكەمین رێكخراوا مروڤی و جیهانی بوو د رێكەفتا 10 مەها شوباتێ گەهشتنە سنورێن وەلاتێ سوریێ و عەفرین و ئەڤ چەندە نوچەیەكا زۆر خۆشبوو ژ بۆ خەلكێ وێ.
د وی دەمیدا هاریكاریێن مە تا نۆكە ژی د بەردەوامن و سۆپاس بۆ خودێ مە شیایە د زۆربەیا وان جهان دا كار بكەین ئەوێن زەرەرمەند بووین، بۆ نموونە هژمارا ئەو خێزانێن مفاداربووین ل عەنتابێ زێدەتری 35 هزار خێزان بووینە، ل ساسمسۆ دێ ژی زێدەتر ژ 26 هزار خێزان بوینە، ل ئورفا ژی 12 هزار خێزان، ل دیاربەكرێ 137 هزار خێزان، ل ئەدەنا نەهـ هزار، ل مەناتیا شەش هزار، ل مەرەشێ ژی 157 هزار خێزان، ل ئەسكەندەرون ٦٣ هزار و ل عەفرین 161 هزار و ل سلۆپی و قزلتەپە كۆ كێمتر ئەو زەرەزمەند ببوون و تێدا 1250 خێزان مفاداربون. سەرجەمێ گشتی 61 هزار هزار خێزان مفاداربۆینە ل هەمی هاریكاریێن دەزگەهێ خێرخازیا بارزانی و ئەو هاریكاری ژی دابینكرنا خوارنا گەرم و جلوبەرگ و هاریكاریێن پزیشكی و پارەیێ كاش بووینە.
ئاشكرا ژی كر: تیمێن مە ل دەزگەهێ خێرخوازیا بارزانی دیرۆكەكا دی یا سەربلند توماركر ب بوونا خوە دگەل برایێن خۆ ل رۆژئاڤا و باكورا كوردستانێ، مە ب ئەركێ خۆ زانیە هاریكاریا مرۆڤی بكەین.
