سویسرا چاره‌نڤیسێ به‌رازیل وه‌ك یێ ئه‌لمانیا و ئه‌رژه‌نتین لێكر
ئه‌ڤرۆ نیوز، زنار:
هه‌لبژارتیێ سویسرا شیا خاله‌كا گرنگ ژ هه‌لبژارتیێ به‌رازیل چێكه‌ت پشتى نه چاركرى ب گۆله‌كێ وه‌كهه‌ڤ ببن د چارچوڤێ یاریێن گه‌را ئێكێ دا ژ كوما پێنجێ دا و چاره‌نڤیسێ وێ ژى وه‌كى یێ ئه‌لمانیا و ئه‌رژه‌نتین لێكر.
د نیڤا ئێكێ دا هه‌لبژارتیێ به‌رازیل شیا ئاسته‌كێ باش پێشكێش بكه‌ت و كونترولا یاریێ بكه‌ن و ئه‌ڤ چه‌نده ژى بۆ ئه‌گه‌ر یاریزانێ هێلا ناڤین كوتینیو ب شوته‌كا جوان گۆلا ئێكێ بۆ وه‌لاتێ خوه به‌رازیل توماربكه‌ت ل ده‌قیقه‌یا 20 ژ یاریێ پشتى ڤێ گۆلێ هه‌ردو هه‌لژارتى یارى ل نیڤا یاریگه‌هێ دكر هه‌تا نیڤا ئێكێ ب پێشكه‌فتنا به‌رازیل ب گۆله‌كێ بێ به‌رامبه‌ر ب دوماهى هاتى.
د نیڤا دویێ دا هه‌ردو هه‌لبژارتى باشتر هاتنه د یاریێ دا لێ د بلندكرنا كورنه‌ره‌كێ دا یاریزانى سویسرى زوبێر شیا گۆلا وه‌كهه‌ڤیێ بۆ وه‌لاتێ خوه تومار بكه‌ت، پشتى ڤێ گۆلێ هه‌لبژارتیێ به‌رازیل ب رێكا هێرشبه‌رێ خوه نیمارى هه‌مى بزاڤ كرن پێخه‌مه‌ت توماركرنا گۆلا دویێ لێ ژبه‌ر وێ به‌ره‌ڤانیا دژوار و رێكخستى یا یاریزانێن سویسرا به‌رازیل نه‌شیا خوه نێزیكى گۆلا وێ بكه‌ت له‌ورا هه‌مى بزاڤێن وان بێ دوماهى بون و ئه‌نجامێ یاریێ وه‌ك خوه ما ب وه‌كهه‌ڤى ب گۆله‌كێ بۆ هه‌ردو هه‌لبژارتیان.
