وەزارەتا پێشمەرگەی بڕیاربوو ئێرشا سەرانسەری بھێتەکرن
ئەڤرۆ نیۆز، قائید میرۆ
وەزارەتا پێشمەرگەی دیارکر، بڕیار وەسابو ئەڤرۆ ل ھەموو میحوەران پێشمەرگە بەرەف پێشڤە بچیت، بەلێ ئەف پلان ل ھەموو میحوەران نەھاتە بجە ئینان، ئەڤێ ژی ئەگەرێن خوە ھەنە.
عەمید ھەلگورد حیکمەت، رێڤەبەرێ گشتیێ راگەھاندنا وەزارەتا پێشمەرگەی ب ئەڤرۆ نیۆز راگەھاند، کو بڕیار و پین وەسا ھاتبوونە دانان ئەڤرۆ ھێزێن پێشمەرگەی ل ھەموو میحوەران ئێرشی سەر چەکدارێن داعش بکەن و دەڤەرێن بن کۆنتڕۆلا وان بھێنە پاقژکرن، بەلێ دیارە تنێ ئەف پلانا ئێرشکرنێ ل زوممار ھاتیە بجە ئینان.
عەمید ھەلگوردی گۆتژی” ئەگەرێن ئێرش نەکرنێ ل میحوەرێن پێشمەرگەی دیارنینە، چونکو پەیوەندی بڤان میحوەرانڤە ھەیە و ئەو دشێن دەمێن پێدڤی پلانا خوە راگرن، بەلێ ل زوممار پێشمەرگەی سەرکەفتنەکا مەزن بدەستڤە ئینایە و د پێشڤەچوونێ دا نە.