Rojnameya Evro » عـابد دهـۆكـی https://rojnameyaevro.com/ku Mon, 21 Sep 2026 22:13:06 +0000 ar hourly 1 https://wordpress.org/?v=4.0.38 ئـەڤـە (23) سالن حوكمەتا ئیراقـێ‌ خـۆ ل كۆمكوژیـا دۆمـان نەكریە خـودان https://rojnameyaevro.com/ku/%d8%a6%d9%80%db%95%da%a4%d9%80%db%95-23-%d8%b3%d8%a7%d9%84%d9%86-%d8%ad%d9%88%d9%83%d9%85%db%95%d8%aa%d8%a7-%d8%a6%db%8c%d8%b1%d8%a7%d9%82%d9%80%db%8e%e2%80%8c-%d8%ae%d9%80%db%86-%d9%84-%d9%83%db%86/270130/ https://rojnameyaevro.com/ku/%d8%a6%d9%80%db%95%da%a4%d9%80%db%95-23-%d8%b3%d8%a7%d9%84%d9%86-%d8%ad%d9%88%d9%83%d9%85%db%95%d8%aa%d8%a7-%d8%a6%db%8c%d8%b1%d8%a7%d9%82%d9%80%db%8e%e2%80%8c-%d8%ae%d9%80%db%86-%d9%84-%d9%83%db%86/270130/#comments Mon, 21 Sep 2026 21:48:24 +0000 https://rojnameyaevro.com/ku/?p=270130 عـابد دهـۆكـی

ل سالا (2003) ل شەش پارێزگەهێن ئیراقێ‌، هژمارەكا زۆر یا قەرەچان بنبڕكرن، ئانكو ب شێوەیێ‌ كۆم ژناڤبرن، هاتنە كوشتن و ب شەفەران خانیێن وان خرابكرن، ئاگر بەردا خانیێن وان و قوتابخانە خرابكرن، خانی ب سەر زاڕۆك و خێزانان دا ئینانە خار، گەلەك ژ وان ڕەڤین چوونە (سووریێ‌ و ئوردنێ‌)، گەلەك ژی هاتنە هەولێرێ‌ و شێخان وان گوندێن دەوروبەری مووسل ئاكنجیبوون، ئەڤ كوشتنە ژی ل سەر دەستێ‌ سوپایێ‌ مەهدی هاتنە كرن، كو ئەو ژی ب فەتوایێن زانایێن ئایینی بوون، وی سوپای گەلەك زولم و زۆڕی ل وان قەرەچان كر و گەلەك زاڕۆك و ژن پیر و گەنج هاتینە كوشتن، هەتا گەهشتیە دەستدرێژیێن سكسی ژی ل گەل ژنان هاتنە كرن و بەلگە د دەستێن مە دا هەنە و ئەڤە (23) سال د سەر ڕا دەربازبوون هێشتا حوكمەتا ئیراقێ‌ یا بێ‌ دەنگە و چو دووڤچوون و ڤەكۆلین بۆ ڤێ‌ كەیسێ‌ نەهاتینە كرن، ئانكو دیاربوو حوكمەت یا بەرهەڤ نەبوو خۆ ل وان كەسان بكەتە خۆدان و بۆ ڤێ‌ كەیسێ‌ نەتەوێن ئێكگرتنی و گەلەك كەنالێن راگەهاندنێ‌ و رۆژنامەیان راپۆرت ل سەر چێكرینە، هەر وەسا (سوپایێ‌ مەهدی) ژی د ڕاپۆرتەكێ‌ دا دانپێدان ب ڤێ‌ چەندێ‌ كریە و كەسێن ل مووسل هاتینە كوشتن گەلەكن، ژ وان: (جەودەت رەشید ئیسلام) كو ل پیشەسازیا مووسل كوشتن و كرنە د پشتا ترومبێلێ‌ دا، هەروەسا (حەسەن فەتاح و شوكری خەیات) و گەلەكێن دی ب دەستێن میلیشاتێن ژ دەرڤەی قانوونێ‌ هاتنە كوشتن، هەروەسا گەف ل (قاسم ئەحمەد عەلی و غازی ئیسماعیل و رزوان ئەحمەد سالح و حازم كەریم) ژی هاتنە كرن و بۆ ڤێ‌ كەیسێ‌ ریهسپێن قەرەچان ناڤێن وان كەسان زانین و دا چن سكالایەكێ‌ ل دەف رێكخراوا مافێن مرۆڤی ل سەر تۆمار بكەن، لێ‌ ل بن گەفێن چەكی فشار خستنە سەر و گۆتنێ‌ هەكە بچن سكالایێ‌ تۆمار بكەن دێ‌ هەوە ژی كوژین، لەورا ئەو ژی نەشیان بچن سكالایێ‌ تۆمار بكەن.
ل ڤێرە ئەم وەكو رێكخراوا (سەڕاد) بۆ پاراستنا مافێن قەرەچان ل كوردستانێ‌ و ئیراقێ‌ داخوازێ‌ ژ هەموو وەلاتێن جیهانی دكەین، ب تایبەت ژی نەتەوێن ئێكگرتی و ئەمریكا و هەموو وەلاتێن زلهێز بهێنە سەرخەت و قەرەچان بپارێزن، چونكو هەتا ئەڤرۆ ل ئیراقێ‌ یێن دهێنە بنبڕكرن، بۆ زانین هەتا نوكە گەلەك قەرەچ د بێ‌ ناسنامەنە و گەلەكان ژی ناسنامەیێن وان یێن پارێزگەهێن ناڤەڕاست و ژێریا ئیراقێنە، بۆ زانین ل ژێریا ئیراقێ‌ بۆ دەمێ‌ (14) سالان زاڕۆكێن قەرەچان ژ خواندنێ‌ بێ‌ بەهر كربوون و نەدهێلان بچنە قوتابخانەیان، دوبارە داخوازێ‌ ژ هەموو وەلاتێن جیهانێ‌ دكەین هەر زوو وەرنە سەرخەت، چنكو قەرەچ ل ئیراقێ‌ یێن تووشی كارەساتان دبن، ژ وان نەدانا ناسنامەیان كو هەتا ڤێگاڤێ‌ (ئستیسنائن).
* سەرۆكێ‌ رێكخراوا (سەڕاد) بۆ پاراستنا مافێن قەرەچان ل كوردستانێ‌ و ئیراقێ‌

]]> https://rojnameyaevro.com/ku/%d8%a6%d9%80%db%95%da%a4%d9%80%db%95-23-%d8%b3%d8%a7%d9%84%d9%86-%d8%ad%d9%88%d9%83%d9%85%db%95%d8%aa%d8%a7-%d8%a6%db%8c%d8%b1%d8%a7%d9%82%d9%80%db%8e%e2%80%8c-%d8%ae%d9%80%db%86-%d9%84-%d9%83%db%86/270130/feed/ 0