Rojnameya Evro » ئازاد محەمەد https://rojnameyaevro.com/ku Mon, 01 Jun 2026 07:08:02 +0000 ar hourly 1 https://wordpress.org/?v=4.0.38 وەرزش د کارنامەیا کابینەیا نەهێ یا حوکمەتا هەرێما کوردستانێ دا https://rojnameyaevro.com/ku/%d9%88%db%95%d8%b1%d8%b2%d8%b4-%d8%af-%da%a9%d8%a7%d8%b1%d9%86%d8%a7%d9%85%db%95%db%8c%d8%a7-%da%a9%d8%a7%d8%a8%db%8c%d9%86%db%95%db%8c%d8%a7-%d9%86%db%95%d9%87%db%8e-%db%8c%d8%a7-%d8%ad%d9%88%da%a9/248934/ https://rojnameyaevro.com/ku/%d9%88%db%95%d8%b1%d8%b2%d8%b4-%d8%af-%da%a9%d8%a7%d8%b1%d9%86%d8%a7%d9%85%db%95%db%8c%d8%a7-%da%a9%d8%a7%d8%a8%db%8c%d9%86%db%95%db%8c%d8%a7-%d9%86%db%95%d9%87%db%8e-%db%8c%d8%a7-%d8%ad%d9%88%da%a9/248934/#comments Wed, 23 Jul 2025 00:22:08 +0000 https://rojnameyaevro.com/ku/?p=248934 ئازاد محەمەد

د دەمێ بوری دا یاریزانێ کورد کێمترین ڕۆل و پێگەهــ وەکۆ یاریزانێ پیشەکار ل یانەیێن دەرڤەی کوردستانێ هەتا ل نافخۆیێ کورستانێ ژی هەبوو، زێدەتر یانەیێن کوردستانێ ژبۆی کو وەرگرتنا پێگەهەکێ بهێزتر د خولا نایابا ئیراقێ پشتا خۆ ب یاریزانێن عەرەب و هندەک ژ یاریزانێ پیشەکار یێ دەرڤەی ئیراقێ د بەست، ژ بلی ب دەستئینانا خولا عێراڤێ نەشیان و نەهاتە دیتن کو یانەکا کوردی ببیتە قارەمانا کۆپا دی یا دەرڤەی ئیراقێ، د هەمان دەمدا پارە و بودجەیەکا گەلەک بۆ دهاتە دابینکردن، ئەڤە ژی بوویە ئەگەرەک بۆ هندێ کو هاندەر و میدیا رەخنەیێ ل رێڤەبرنا یانەیان بگرن.
د سەردەمێ کابینەیا نەهێ یا جەنابێ بەڕێز مەسرور بارزانی دا گرنگییەکا جودا و بهێز ب ژێرخانا وەرزشی دهاتە دان وەکی دروستکرنا یاریگەهێن مەزن ئەڤە ژی پێنگاڤەکا مەزنە ژبۆ دروستبوونا یاریزانێن بەهرەمەند و ژێهاتی و هەروەسا نووژەنکرنا چیمەنێ یاریگەهێن نێڤدەولەتی یا دهۆک و زاخۆ هەولێر و گرنگیەکا زۆر ب پێشڤەبرنا ئاستێ یارزانێن کورد دا، تایبەت ئەو یاریزانێن د یاریێن تاک ئانکو یاریێن کۆمەڵ کو دبنە قارەمان دهاتنە خەلاتکرن ل سەر ڕاسپاردەیا جەنابێ بەڕێز مەسرور بارزانی سەرۆکێ حکومەتا هەرێما کوردستانێ، ب ئاوایەکی بەشەک د بارودۆخێن نوکە دا بەرەڤاژی بوونە، یانەیێن دەرڤەی هەرێما کوردستانێ بۆ دروستکرنا تیپەکا ب هێز کو شیانێ ڕکابەریێ هەبیت دێ هێن بۆ هەرێما کوردستانێ دەست ب برن ئانکو سەرنجا وان لەسەر یاریزانێن کوردە، یاریزانێن کورد ب یاریکرن د خولا نایابا کوردستانێ شیاینە هێز و شیانێن خۆ نیشا هەمی ئیراقێ بدەن، ئەڤە ژی بوویە ئەگەرەک بۆ هندێ کو یانەیێن ئیراقێ گەلەک جارا چاڤێ وان بچیتە سەر خولا کوردستانێ و یانەیێن کوردی بۆ هندێ کو یاریزانێ بهێز بدەستڤەبینن، خولا نایابا کوردستانێ گرنگەیەکا زۆر یا هاتییە پێدان ژ لایێ بڕێڤەبرن و هونەری و تەکنیکیێ ڤە، گەلەک جارا بینەرێ یارییێن خولا نایابا کوردستانێ ل خولا ئەستێرێن ئیراقێ زێدەترە، ئەڤە ژی بەلگەیێ وێ هندێ بۆمە دیاردکەت کو خولا نایابا کوردستانێ گرنگییەکا تمام هاتییە پێدان، بێ دو دلی د پاشەڕۆژێ دا بۆ زێدەتر بەر ب پێشڤەچوونا وەرزشێ و پشتەڤانییەکا زێدەتر دهێتە پێدان ژ لایێ جەنابێ بەڕێز مەسرور بارزانی سەرۆکێ حکومەتا هەرێما کوردستانێ، ژبەر ئەو کارێن کو د کابینەیا نەهێ د پلانێ داهەبوون د کابینەیا داهاتی دا تمام درێژە پێ بهێتەدان.
یانەیێن کوردستانی کو پشکدارن د خولا ئیراقێ پێگەهێن گەلەک ب هێز هەنە د روویێ ئەدایێ یاریکرنێ و پشتەڤانییا جەماوەری دا، هەروەکی یانەیا زاخۆ د وەرزێ 2024-2025 دا پلەیا سێیێ د خولا ئەستێرێن ئیراقێ ب دەستڤەئینایی و هەردو یانەیێن دهۆک و زاخۆ ل سەر کیستێ ئەلقوە جەوییە و شوڕتە گەهشتنە فیناڵا کۆپا ئیراقێ، ئەڤە ژی دەستکەفت و پێشکەفتنەکا مەزنە بۆ وەرزشا کوردستانێ، ژبلی هندێ دهۆک ل جاما کۆپا کەنداڤی دا کو زۆربەیا یاریزانێ وێ کورد بوون ئاستەکێ بلند پێشکێش دکر و بووینە قارەمانێن کۆپایی کو دبیتە جارا ئێکێ د دیرۆکا کوردستانێ و ئیراقێ دا، یانەیێن نەورۆز و هەولێر ب پێکهاتەیەکا نیڤ کورد د ڕکابەریێ دان و ئاستێ وان یێ باشە.
هندەک ژ ڤان کاران بۆ چارەسەریا قەیرانا دارایی یا یانەیان ڤەدگەریت کو ل سەر بریارا سەرۆکێ حکومەتا هەرێما کوردستانێ بودجە بۆ هاتیە دابینکرن بۆ چارەسەرکرنا کێشەیێن دارایی یێن یانەیان.
ل داهاتی دا دڤێت ب هەمان هێز و گڕوتین پشتەڤانی بۆ وەرزشڤان و یانەیێن کوردستانێ بهێتەکرن، ژبۆ وێ یەکێ کو زێدەتر بەر ب پێشڤەچوونا وەرزشا نافخۆی و دروستکرنا یاریزانێن بەهرەدارێ کوردی یێن نافخۆی.

 

]]> https://rojnameyaevro.com/ku/%d9%88%db%95%d8%b1%d8%b2%d8%b4-%d8%af-%da%a9%d8%a7%d8%b1%d9%86%d8%a7%d9%85%db%95%db%8c%d8%a7-%da%a9%d8%a7%d8%a8%db%8c%d9%86%db%95%db%8c%d8%a7-%d9%86%db%95%d9%87%db%8e-%db%8c%d8%a7-%d8%ad%d9%88%da%a9/248934/feed/ 0