Rojnameya Evro » بیلال ئومان ئیسلام https://rojnameyaevro.com/ku Wed, 04 Nov 2026 13:11:11 +0000 ar hourly 1 https://wordpress.org/?v=4.0.38 مەترسییا چەکێ بێ مولەت بومبەکا چاندی یە د ناڤ جڤاکێ دا https://rojnameyaevro.com/ku/%d9%85%db%95%d8%aa%d8%b1%d8%b3%db%8c%db%8c%d8%a7-%da%86%db%95%da%a9%db%8e-%d8%a8%db%8e-%d9%85%d9%88%d9%84%db%95%d8%aa-%d8%a8%d9%88%d9%85%d8%a8%db%95%da%a9%d8%a7-%da%86%d8%a7%d9%86%d8%af%db%8c-%db%8c/273130/ https://rojnameyaevro.com/ku/%d9%85%db%95%d8%aa%d8%b1%d8%b3%db%8c%db%8c%d8%a7-%da%86%db%95%da%a9%db%8e-%d8%a8%db%8e-%d9%85%d9%88%d9%84%db%95%d8%aa-%d8%a8%d9%88%d9%85%d8%a8%db%95%da%a9%d8%a7-%da%86%d8%a7%d9%86%d8%af%db%8c-%db%8c/273130/#comments Wed, 04 Nov 2026 10:31:54 +0000 https://rojnameyaevro.com/ku/?p=273130 بیلال ئوسمان ئیسلام

دیاردەیا هەبوونا چەکێ بێ مولەت و بەلاڤبوونا وی د دەستێ وەلاتیان دا، بوویە ئێک ژ مەزنترین گەف و ئاستەنگێن ئەمنی، جڤاکی و دەروونی ل سەر ئارامی و تەناهییا جڤاکی، ئەڤ دیاردەیە نە بتنێ هەڕەشەیە ل سەر ژیانا تاکان، بەلکو بوویە ئەگەرێ پەرەسەندنا تاوانان، کێشەیێن جڤاکی و تۆلڤەکرنێن خێزانی، چەکێ بێ مولەت ژ ئەگەرێ پاشمایێن شەڕێن دەڤەرێ، کولتوورێ شاش و دەستکەفتنا ب ساناهی ل بازاڕێن نەیاسایی د ناڤ مالان دا ماینە و ئەڤ چەندە بوویە ئەگەر کو هەر ناکۆکییەکا بچویک یا جڤاکی بگوهۆڕیتە روودانەکا کوشتنێ یان خوینڕشتنێ، زێدەباری وێ خەم و نەهامەتییا ب ئەگەرێ تەقەیا ئاهەنگان یان بێئاگەهبوونا زارۆیان ل دەمێ دەستکاریێ رووی ددەت، ژ لایەکێ دی ڤە هەبوونا چەکی د دەستێ خەلکی دا سەروەرییا یاسایێ لاواز دکەت و گیانێ تۆلڤەکرنێ دئێخیتە جهێ پەنابرنا بۆ دادگەهان، ژ بەر هندێ پێدڤییە دەزگەهێن ئەمنی ب توندی چاڤدێرییا بازاڕان بکەن، سزایێن گران ل سەر هەلگرتن و بازرگانیکرنا چەکی بسەپینن، و کەمپینێن هۆشیاریێ د ناڤبەرا مالبات، قوتابخانە و دەزگەهێن راگەهاندنێ دا کارابکەن دا کو هزر و باوەرییا پەنابرن بۆ چەکی بنبڕ ببیت، ئارامییا جڤاکی ب چەکهەلگرتنا وەلاتیان ناهێتە پاراستن، بەلکو ب باوەرییا ب یاسایێ و چەسپاندنا دادپەروەریێ دئێتە دەستەبەرکرن، ژ بەر کو هەر پارچە چەکەکێ بێ موولەت، وەک بۆمبەکا چاندییە و چاڤەڕێی دەلیڤەیەکێ یە بۆ تەقینێ . رزگاربوون ژ ڤێ نەهامەتیێ پێدڤی ب شۆڕشەکا هزری و وژدانی یا جڤاکی هەیە، پێدڤییە هەر تاکەکێ جڤاکێ، سەرۆک خێزان، مامۆستا، وتاربێژ و رەوشەنبیر بدەنە دیارکرن کو چەک نیشانا مێرخاسی و زەلامینیێ نینە، بەلکو نیشانا زالکرنا ترسی و تۆندوتیژیێ یە، سەربەرزی و هێزا مرۆڤی د زانست، رەوشت و لێبۆڕینێ دا یە، نە د کلاشنکۆف و دەبانجەیەکێ دا کو بەرهەمێ وێ بتنێ پاشڤەمایین و تۆڵڤەکرنە، هیڤیدارین هەمی لایەک ب خوە دەستپێشخەریێ بکەت و مالێن خوە ژ ڤان بۆمبێن چاندی پاقژ بکەت، دا کو زاڕۆیێن مە د بن سیبەرا ئاشتی و تەناهییێ دا مەزن ببن، نە د ناڤ دەنگێ دڕندانەیێ گولـلە و رۆندكێن پەشیمانیێ دا.

 

]]> https://rojnameyaevro.com/ku/%d9%85%db%95%d8%aa%d8%b1%d8%b3%db%8c%db%8c%d8%a7-%da%86%db%95%da%a9%db%8e-%d8%a8%db%8e-%d9%85%d9%88%d9%84%db%95%d8%aa-%d8%a8%d9%88%d9%85%d8%a8%db%95%da%a9%d8%a7-%da%86%d8%a7%d9%86%d8%af%db%8c-%db%8c/273130/feed/ 0 داخۆیانیا سەرۆكێ نەوەی نوێ خیانەتەكا سیاسی یە ل هەمبەر خوینا شەهیدان و بازرگانیكرنە ب پاشەڕۆژا هەرێمێ https://rojnameyaevro.com/ku/%d8%af%d8%a7%d8%ae%db%86%db%8c%d8%a7%d9%86%db%8c%d8%a7-%d8%b3%db%95%d8%b1%db%86%d9%83%db%8e-%d9%86%db%95%d9%88%db%95%db%8c-%d9%86%d9%88%db%8e-%d8%ae%db%8c%d8%a7%d9%86%db%95%d8%aa%db%95%d9%83%d8%a7/265000/ https://rojnameyaevro.com/ku/%d8%af%d8%a7%d8%ae%db%86%db%8c%d8%a7%d9%86%db%8c%d8%a7-%d8%b3%db%95%d8%b1%db%86%d9%83%db%8e-%d9%86%db%95%d9%88%db%95%db%8c-%d9%86%d9%88%db%8e-%d8%ae%db%8c%d8%a7%d9%86%db%95%d8%aa%db%95%d9%83%d8%a7/265000/#comments Tue, 30 Jun 2026 11:37:26 +0000 https://rojnameyaevro.com/ku/?p=265000 بیلال ئوسمان ئیسلام

د دەمەكێ دا كو هەرێما كوردستانێ د بن فشارێن دژوار یێن ناڤخۆیی و دەرەكی دا دەربازدبیت و نەیارێن ڤێ قەوارەیێ ل دەلیڤەیەكێ دگەرن بۆ لاوازكرن یان ژناڤبرنا قەوارێ دەستوور یێ هەرێمێ، سەرۆكێ جوولانەوەیا نەوەی نوێ ب گۆتارەكا تێكدەرانە دهێتە مەیدانێ، داخۆییا وی یا ئەڤ جارە كو دبێژیت: «یان سەرۆكاتیا حوكمەتێ بۆ مەیە یان ژی هەرێم نامینیت «، نەتنێ لادانەكا سیاسی یا ئاشكرایە، بەلكو بازرگانیكرنەكا بێ شەرمانەیە ب چارەنڤیسێ نەتەوەیەكی و خیانەتەكا مەزنە ل هەنبەر وێ خوینا هاتیە بۆ ئاڤەدانكرنا ڤێ قەوارەیێ ڕشتن.
ئەو قەوارەیێ ئەڤڕۆ ناڤێ وێ «هەرێما كوردستانێ» یە، دۆكانەكا حزبی یان كۆمپانیەكا بازرگانی نینە هەتا كەسەك بهێت و مەرجێ مان یان نەمانا وێ ب كورسیا خۆ یا دەستهەلاتێ ڤە گرێ بدەت، ئەڤ خاك و كیانە ب درووشمێن فەیسبووكی و ڕیكلامێن سۆشیال میدیایێ ئاڤانەبوویە، ئەڤە بەرهەمێ ڕویبارەك ژ خوینا شەهیدێن ئەنفال و كیمباران و ئەشكەنجەدان و ب دەهان هزار پێشمەرگێن قارەمانە كو ل چیایێن بلند و د سەنگەرێن شەرەفێ دا گیانێ خۆ بەخشییە دا كو گەلێ كورد ببیتە خۆدان قەوارە، كێمكرن و كورتكرنا ڤێ مێژوویا پڕ ژ خەبات و قوربانیدانێ د قووناغەكا پۆست و پۆزیشنێن كەسی دا، سڤكایەتیا هەرە مەزنە ب پیرۆزیێن نیشتمانی د هەنبەر دا دهێتە كرن، ئەڤ جۆرە داخۆیانیە نیشاددەت كا چەند ئەقلیەتەكا سست و برسییا دەسهەلاتێ د پشت ڤێ جوولانەوەیێ دا هەیە، كو ئامادەیە قەوارەیێ وەلاتەكێ ڕاستەقینە بكەتە قوربانی خەونێن خۆ یێن دەسهەلاتداریێ.
ئەڤ گۆتارا تێكدەرانە پەردێ ژ سەر ڕوویێ ڕاستەقینێ خەلكخەلەتاندنێ لاددەت، ل كیش وەلات و فەلسەفەیا سیاسی دا هاتیە كو چارەنڤیسێ گەل و پاراستنا ئاخ و كەرامەتا نەتەوەیەكی ب جێبەجێكرن یان جێبەجێنەكرنا مەرەمێن كەسی یێن سەركردەكێ حزبی ڤە بهێتە گرێدان، ئەڤ ئاخفتنە نەك تنێ خزمەتا نەیارێن دەرەكی یێن هەرێمێ دكەت، بەلكو ئاراستەكرنا تیرێن ژەهراوی یە بۆ ناخێ جڤاكێ دا كو نائومێدیێ د ناڤ گەنجان دا بەلاڤ بكەن، د ڕاستی دا هەولدانەكە بۆ ڕەشكرنا هەموو دەستكەفتێن دەستووری و سیاسی یێن گەلێ كورد ل پێناڤ دەستكەفتەكێ دەمكی.
پێدڤیە ل سەر جڤاكا كوردستانێ، ڕۆژنامەڤان، پێشمەرگە، و كەسوكارێن سەربلند یێن شەهیدان، ب توندی ل هەنبەر ڤێ گۆتارا مەترسیدار رابوەستن، پێدڤیە هوشیاریەكا نیشتمانی یا دژوار هەبیت كو ڕێ ب هیچ بازرگانەكێ سیاسی نەهێتەدان پیرۆزیێن گەلی بۆ مەرەمێن حزبی بەرزە بكەت، هەرێما كوردستانێ ب ئیرادەیا گەلێ خۆ و ب زەندوبازكێن هێزێن پێشمەرگەی دێ یا بەردەوام و سەرپێ بیت، لێدوانێن «بۆگەن» و نەزۆك یێن ب ڤی شێوەی دێ چنە د زبلدانا مێژوویێ دا، ئەوا كو هەر دێ مینیت دیسا خوینا گەشا شەهیدان و شكۆیا قەوارەیێ هەرێما كوردستانێ یە.

]]> https://rojnameyaevro.com/ku/%d8%af%d8%a7%d8%ae%db%86%db%8c%d8%a7%d9%86%db%8c%d8%a7-%d8%b3%db%95%d8%b1%db%86%d9%83%db%8e-%d9%86%db%95%d9%88%db%95%db%8c-%d9%86%d9%88%db%8e-%d8%ae%db%8c%d8%a7%d9%86%db%95%d8%aa%db%95%d9%83%d8%a7/265000/feed/ 0 تەكنەلۆژیا.. ئەو شیرێ جیهان نێزیك كری و مرۆڤ ژ ئێك دوورخستین! https://rojnameyaevro.com/ku/%d8%aa%db%95%d9%83%d9%86%db%95%d9%84%db%86%da%98%db%8c%d8%a7-%d8%a6%db%95%d9%88-%d8%b4%db%8c%d8%b1%db%8e-%d8%ac%db%8c%d9%87%d8%a7%d9%86-%d9%86%db%8e%d8%b2%db%8c%d9%83-%d9%83%d8%b1%db%8c-%d9%88/258331/ https://rojnameyaevro.com/ku/%d8%aa%db%95%d9%83%d9%86%db%95%d9%84%db%86%da%98%db%8c%d8%a7-%d8%a6%db%95%d9%88-%d8%b4%db%8c%d8%b1%db%8e-%d8%ac%db%8c%d9%87%d8%a7%d9%86-%d9%86%db%8e%d8%b2%db%8c%d9%83-%d9%83%d8%b1%db%8c-%d9%88/258331/#comments Sat, 07 Feb 2026 21:43:55 +0000 https://rojnameyaevro.com/ku/?p=258331 بیلال ئومان ئیسلام

د سەدێ بیست و ئێكێ دا، تەكنەلۆژیا تنێ ئامرازەك نینە بۆ كاركرنێ، بەلكو بوویە پارچەكا سەرەكی و دانەبڕاو ژ ژیانا مە یا رۆژانە، ژ وێ گاڤا ئەم سپێدێ ل بەر دەنگێ مۆبایلێن خۆ رادبین هەتا ئەو دەمێ شەڤێ ئەم ل بەر شاشەیان دنڤین، ئەم د ناڤ جیهانەكا دیجیتاڵی دا دژین، ئەڤ شۆڕشا تەكنەلۆژی گۆڕانكاریێن مەزن د سیما و پێكهاتێ جڤاكی دا چێكرینە و كارتێكرنەكا كویر ل سەر پەیوەندیێن مرۆڤایەتی دروست كریە، كو وەك شمشێرەكێ دو دەڤ كار دكەت.
لایەنێن گەش: ئاسانكاری و دەلیڤەیێن نوی
تەكنەلۆژیایێ ژیانا مە گەلەك ب ساناهی كر و گەلەك كارێن ب زەحمەت بۆ مە ئاسان كرینە، مەزنترین مفا ئەوە كو ئێدی جیهان هەمی یا د ناڤ دەستێن مە دا، ئەم دشێین ب ڕێیا ئینتەرنێتێ فێری هەر تشتەكێ ببین بێی كو بچینە جهێن دوور، ژ لایێ ساخلەمیێ ڤە، ئامێرێن نوی یێن پزیشكی بووینە ئەگەر كو گەلەك نەخۆشی بهێنە چارەسەركرن و ژیانا مرۆڤان بهێتە پاراستن هەروەسا تەكنەلۆژیایێ دەرگەهێن كار و دەلیڤەیێن نوی بۆ گەنجان ڤەكرینە كو دشێن ژ ناڤمالێن خۆ كار بكەن و داهاتەكی بۆ خۆ پەیدا بكەن ب كورتی، تەكنەلۆژیا بوویە هاریكارەكێ مەزن دا كو مرۆڤ ب كێمترین دەم بگەهیتە ئارمانجێن خۆ.
لایەنێ تاری: دابڕانا د ناڤ قەرەبالغیێ دا
سەرباری ڤان هەمی ئاسانكاریان، تەكنەلۆژیایێ كۆمەكا ئالۆزیان ژی بۆ بەها و نەریتێن جڤاكی دروست كرینە، ئێك ژ وان مەترسیان «ژێكڤەبوونا جڤاكی»یە، مرۆڤ گەلەك یێ د ناڤ جیهانا خەیالی دا نوقم بووی و پەیوەندیێن راستەوخۆ یێن د ناڤبەرا خێزان و هەڤالان دا لاواز بووینە، ئامار نیشان ددەن كو ئالۆدەبوونا ل سەر سۆشیاڵ میدیایێ هەستێ «تەنێبوونێ» د ناڤ گەنجان دا ب ڕێژەیا پتر ژ 30% زێدە كریە، زێدەباری هندێ بكارئینانا زێدە یا شاشەیان ب شەڤێ و كوالێتییا خەوێ ب ڕێژەیا 40% كێم دكەت و كارتێكرنەكا نەرێنی ل سەر ساخلەمیا دەروونی دروست دكەت.
هەڤسەنگی كلیلیا ژیانێ یە
نابیت ئەم بێژین تەكنەلۆژیا ب تەمامی یا «باشە» یان «خرابە»، چونكی ئەو تنێ ئامرازەكە د دەستێ مە دا، ئەوا پاشەڕۆژا جڤاكێ مە دیار دكەت، ئاستێ هوشیاریا مە یە د بكارئینانا وێ دا. بۆ هندێ كو جڤاكەكێ ساخلەم مە هەبیت، پێدڤیە ئەم فێری «رەوشتێ دیجیتاڵی» ببین و بزانین كا كەنگی پێدڤیە شاشەیان بكوژینین و ڤەگەرین ناڤ ژیانا راستەقینە، پاشەڕۆژ یا وان كەسانە یێن دزانن كا چاوا د ناڤبەرا «شاشەیێن سار» و «پەیوەندیێن گەرمێن مرۆڤایەتی» دا هەڤسەنگیێ ڕابگرن.

]]> https://rojnameyaevro.com/ku/%d8%aa%db%95%d9%83%d9%86%db%95%d9%84%db%86%da%98%db%8c%d8%a7-%d8%a6%db%95%d9%88-%d8%b4%db%8c%d8%b1%db%8e-%d8%ac%db%8c%d9%87%d8%a7%d9%86-%d9%86%db%8e%d8%b2%db%8c%d9%83-%d9%83%d8%b1%db%8c-%d9%88/258331/feed/ 0