Rojnameya Evro » دلۆڤان ئاكرەیی https://rojnameyaevro.com/ku Wed, 14 Oct 2026 10:30:17 +0000 ar hourly 1 https://wordpress.org/?v=4.0.38 ٣٤ سالیا دامەزراندنا رادیۆیا دهۆک، وەرارەکا دیرۆکی و ستراتیژی د راگەهاندنا کوردی دا https://rojnameyaevro.com/ku/%d9%a3%d9%a4-%d8%b3%d8%a7%d9%84%db%8c%d8%a7-%d8%af%d8%a7%d9%85%db%95%d8%b2%d8%b1%d8%a7%d9%86%d8%af%d9%86%d8%a7-%d8%b1%d8%a7%d8%af%db%8c%db%86%db%8c%d8%a7-%d8%af%d9%87%db%86%da%a9%d8%8c-%d9%88%db%95/271780/ https://rojnameyaevro.com/ku/%d9%a3%d9%a4-%d8%b3%d8%a7%d9%84%db%8c%d8%a7-%d8%af%d8%a7%d9%85%db%95%d8%b2%d8%b1%d8%a7%d9%86%d8%af%d9%86%d8%a7-%d8%b1%d8%a7%d8%af%db%8c%db%86%db%8c%d8%a7-%d8%af%d9%87%db%86%da%a9%d8%8c-%d9%88%db%95/271780/#comments Wed, 14 Oct 2026 08:37:30 +0000 https://rojnameyaevro.com/ku/?p=271780 دلۆڤان ئاکرەیی

دەمێ ئەم ل تاڤا دیرۆکا پڕ سەروەری و خەباتا ڕادیۆیا دهۆک دنێرین و ڤێ هەلکەفتێ ل بیر دهینێن، ل یادا ٣٤ سالیا دامەزراندنا وێ یا پیرۆز دگەهینە وێ ڕاستییا بەرچاڤ، کو ئەڤ دەزگەهە نە تنێ بلندگۆیەکێ بەلاڤکرنا دەنگوباسی بوویە، بەلکو قوتابخانەیەکا ئەکادیمی، نەخشەسازەکێ هوشیارییا جڤاکی و ستوونەکا ژ سەرەکییێن زمان و کولتوورێ کوردی بوویە ل دەڤەرێ. رادیۆیا دهۆک، ژ رۆژا ئێکێ یا پێکئینانا وێ ڤە، بوویە ناسنامەیا ڕەسەنا دەنگ و ڕەنگێ خەلکێ ڤی باژێری و پێگەهەک بۆ پێشکێشکرنا پەیاما ڕاستگۆیی و نیشتمانپەروەریێ. رادیۆیا دهۆک د قووناغەکا زۆر هەستیار و چەڤنگر یا دیرۆکا بزاڤا ڕزگاریخوازییا گەلێ کوردستانێ دا هاتە دامەزراندن و ئەڤ دەزگەهە ب هەڤکاری و بڕیارا ڕژد یا سەرکردایەتییا سیاسی و رەوشەنبیرییا دەڤەرێ هاتییە ئاڤاکرن، دا کو ببیتە پرەکا پەیوەندیێ د ناڤبەرا گەهاندنا ڕوودانان و بلندکرنا هۆشیارییا نیشتمانی دا و ب ڕێکا تێپەڕبوونا ٣٤ سالان، ئەڤ رادیۆیە ژ ئالییێ تەکنۆلۆژی، کارگێڕی و هونەرێ بڵاڤکرنێ ڤە گەلەک قووناغێن وەرارێ بڕینە، ژ پەخشانێن دەستپێکێ یێن سنووردار هەتا ڤەگۆهاستنا دیجیتالی و پەخشا سەرپێچی ییا مودێڕن، شیایە هەردەم خۆ ل گەل پێشکەفتنێن سەردەمی بگونجینیت و پێگەهێ هەری باندۆر د هەڤکێشەیێن ڕاگەیاندنا هەرێمی دا هەبیت. پشکا دەنگوباس سەنتەرێ دروستی و لێگەرینێ بوویە و ئەڤ پشکە ب ڕۆلێ خۆ یێ پیشەیی یێ گرنگ دهێتە ناسکرن کو د جیهانەکێ دا کو زانیاری و ژێدەر تێکەڵ دبن، پشکا دەنگوباس ل رادیۆیا دهۆک هەردەم بنەمایێن باوەری، لەزاتییا ب هەڤسەنگ، و گرنگیدان ب بوویەرێن سیاسی و ئابووری و جڤاکی کرینە بنەمایێ کارییا خۆ و وەرگێڕان و ئامادەکرنا نووچەیان ب زاراڤێ بادینییێ پەتی و زانستی و کار بۆ بلندکرنا هۆشیارییا وەرگرێن کوردی کریە. ڕادیۆیا دهۆک هەر ژ دەستپێکێ ڤە ژینگەهەکا گونجای بۆ گۆتارێن سیاسی یێن هەڤسەنگ و دیسان تێگەهشتنەکا کوور یا رەوشەنبیری دابینکرییە و ب رێکا ڤەکۆلینێن سیاسی، گۆتارێن دیرۆکی، و ناساندنا پڕۆژەیێن هزری ب ڕێکا ڤەکۆلەر و شارەزایێن دەڤەرێ، ئەڤ رادیۆیە کرییە پشکەک ژ ناڤەندا بڕیارا ڕووناکبیری ل دهۆکێ. بەرنامەیێن رۆژانە یێن ڤێ ڕادیۆیێ حۆدیکێن ڕاستەقینە نە بۆ ژیانا وەلاتیان ژ بەرنامەیێن خزمەتگوزاری یێن گشتی یێن کو ڕاستەوخۆ دەنگێ خەلکێ گەهاندنە بەرپرسان، هەتا بەرنامەیێن سیاسی و دیرۆکی و تەندروستی، خێزانی، و گەنجان، هەموو ب هۆشیارییەکا بلند و ژێرخانییەکا زانستی هاتینە ئاڤاکرن. ئێک ژ تایبەتمەندیێن هەرە مەزن و شانازیدەر یێن رادیۆیا دهۆک، گرنگیدانا بێوێنە بوویە ب هونەر، ئاواز و سترانێن کوردی یێن رەسەن، د دەمەکێ دا کو رۆژهەلاتا ناڤەڕاست و جیهان ڕووبەڕووی پێلەکا تێکدانا چەترێن هونەری و فەرهەنگی بوون، ئەڤ رادیۆیە ب ڕێکا ئەرشیڤەکا زێڕین و هۆنەرپەروەر، دەنگێ مەزنترین هونەرمەندێن دەڤەرێ و کوردستانێ دپاراست و بەلاڤ دکر و ئاوازێن ڕەسەن یێن بەهدینان و دەنگێ فلکلۆرا نەتەوەیی ل ڤێرێ بڕستەکا ژیانێ یا نوی وەرگرت، ب ئاوایەکی کو رادیۆیا دهۆک بوو ب لانکا پاراستنا کلتۆرێ دەڤەرێ و ڕێگری کرن لە داڕمانا ڕەسەناتییا هونەری. د چەرخێ دیجیتاڵی و سەردەمێ تەکنۆلۆژیایێ دا، رادیۆیا دهۆک بتنێ وەک دەنگەکی ل سەر فریکۆانسێن ئاسمانی نەمایە، بەلکو ب شێوەیەکێ ئەکادمی و زانستی پێنگاڤ بەرەڤ پلاتفۆرمێن سۆشیال میدیایێ و راگەهاندنا تێکەڵ (Multimedia) هەڤپێچ کرینە و بەلاڤکرنا دیمەن، ڤیدیۆ، پشکێن بەرنامەیان، پۆستێن هۆشیاری و راپۆرتێن مەزن ل سەر تورێن جڤاکی، دیدەڤانیا وێ چەندێ ددەن کە ئیدارە و ستافێ ڤێ ڕادیۆیێ خوە ل گەل زمانێ سەردەمی و پێدڤیێن تەکنیکی یێن جیهانا نۆکە گونجاندییە، و ب ڤی چەڤنگی شیایە پشتراست بکەت کو پەیاما وێ گەهشتییە هەموو چین و توێژێن جڤاکی، ب تایبەت نفشێ نوو. ٣٤ سالیا دامەزراندنا رادیۆیا دهۆک، نە تنێ بیرئینانەکا ساڵانەیە، بەلکو هەڵسەنگاندنەکە بۆ ڕێڕەوەکێ پڕ ژ قوربانیدان، داهێنان و خزمه‌تا بەردەوام. ئەڤ کاروانە مەزنە نیشان ددەت کو دەزگەهێن ڕاگەیاندنێ دەمێ ل سەر بنەمایێن زانستی، ئەکادمی، و نیشتمانی دهێنە ئاڤاکرن، دشێن ببنە بنەمایەکێ بێسنوور بۆ هۆشیارکرنا جڤاکی و ئاڤاکرنا ئاڕاستەیا سیاسی و رەوشەنبیری یا نەتەوەیەکێ، بلا ڕادیۆیا دهۆک هەردەم بلند و ڕووناک بژیت وەک چرایێ ڕێیا ڕاستی و ڕەسەناتیا کوردی.

]]> https://rojnameyaevro.com/ku/%d9%a3%d9%a4-%d8%b3%d8%a7%d9%84%db%8c%d8%a7-%d8%af%d8%a7%d9%85%db%95%d8%b2%d8%b1%d8%a7%d9%86%d8%af%d9%86%d8%a7-%d8%b1%d8%a7%d8%af%db%8c%db%86%db%8c%d8%a7-%d8%af%d9%87%db%86%da%a9%d8%8c-%d9%88%db%95/271780/feed/ 0 دیاردەیا هەدەردانا ئاڤێ https://rojnameyaevro.com/ku/%d8%af%db%8c%d8%a7%d8%b1%d8%af%db%95%db%8c%d8%a7-%d9%87%db%95%d8%af%db%95%d8%b1%d8%af%d8%a7%d9%86%d8%a7-%d8%a6%d8%a7%da%a4%db%8e/270496/ https://rojnameyaevro.com/ku/%d8%af%db%8c%d8%a7%d8%b1%d8%af%db%95%db%8c%d8%a7-%d9%87%db%95%d8%af%db%95%d8%b1%d8%af%d8%a7%d9%86%d8%a7-%d8%a6%d8%a7%da%a4%db%8e/270496/#comments Mon, 28 Sep 2026 06:40:25 +0000 https://rojnameyaevro.com/ku/?p=270496 دلۆڤان ئاكرەیی

ماوەیەكە د ناڤ جڤاكی دا، دیاردەیا ب هەدەردانا ئاڤێ ب بێ ئەگەر (ب تایبەت شوشتنا جادە و كۆلانان ژلایێ هندەك وەلاتیان ڤە) بوویە جهێ دلگرانییا پتریا مە و ئەڤ ئاریشەیە نە بتنێ هەدەردانا سامانەكێ سروشتی یە، بەلكو كاریگەریێن نەرێنی ل سەر ژینگەهێ و ژێرخانا باژێری ژی دروست دكەت.
كاریگەریێن نەرێنی یێن ڤێ دیاردەیێ: كێمبوونا ئاڤا ڤەخوارنێ: بكارئینانا ئاڤا تۆرا گشتی بۆ مەبەستێن نە پێدڤی، دبیتە ئەگەرێ كێمبوونا رێژەیا ئاڤێ ل دەڤەرێن دی، تێكچوونا ژێرخانا باژێری: ئاڤا زێدە یا ل سەر جادەیان دچیتە د تۆرەیێن ئاڤڕێژان دا، ئەڤەژی دبیتە ئەگەرێ تێكچوونا چینێن ڤەكۆلینا جادەیان و دروستبوونا چاڵ و كووران.
پیسبوونا ژینگەهێ: شوشتنا بێ پلان یا جادە و كۆلانان، چپكێن پیساتی و پیش و پەلەخی تێكەل دكەت و ڤەدگۆهێزیت بۆ سەر ڕوویێ ئەردی و ڕێورەوان.
رێكێن چارەسەركرنێ و هۆشیاركرنێ: هۆشیاریا جڤاكی: گرنگە كار ل سەر هۆشیاركرنا جڤاكی بهێتە كرن، ب ڕێكا ئایینگەهـ، مۆهلەت و تۆڕێن جڤاكی دا كو بهێتە دیاركرن ئاڤ سامانەكێ گشتییە و پاراستنا وێ ئەركەكێ ئایینی و نیشتمانییە.
رێكارێن یاسایی: پێدڤییە لایەنێن پەیوەندیدار (ژوان ژی باژێرڤانی و پۆلیسێن ژینگەهێ) سزایێن دارایی یێن توند ب سەر وان كەسان دا سەپێنن یێن ب بێ ئەگەر ئاڤێ هەدەر ددەن.
رێكارێن جێگر: هەكە پێدڤی بیت جادە بهێنە پاقژكرن، بلا ب ڕێكا بەلاڤكەرێن ئاڤێ یێن تایبەت (تانكێن ئاڤێ یێن باژێرڤانیێ) و ب ڕێژەیەكا گونجای بیت، نەك ب لولەیێن ئاڤا ڤەخوارنێ یێن ڕاستەوخۆ.
دیڤچوون: لیژنەیێن تایبەت بهێنە پێكئینان بۆ راكرن و نەهێلانا وان هێلێن زێدەیێن دۆر ل چاڤێ قانوونێ هاتینە كێشان و ب رێكێن نەیاسایی هاتیە گرێدان ب تانكی و بۆ هەدەردانێ دهێنە ب كارئینان و پێدڤی یە رێژەیا ژمارەیا ئەندامێن خێزانێ ببیتە پیڤەر یان ب هویری پشكنینا هێلێن زێدە بهێتە كرن دا كو ئەو ئاڤا زێدە یا ڤان گەڕەكان بۆ گەڕەك و خێزانەكا دی مفای لێ ببینیت.

]]> https://rojnameyaevro.com/ku/%d8%af%db%8c%d8%a7%d8%b1%d8%af%db%95%db%8c%d8%a7-%d9%87%db%95%d8%af%db%95%d8%b1%d8%af%d8%a7%d9%86%d8%a7-%d8%a6%d8%a7%da%a4%db%8e/270496/feed/ 0 ڕیفراندۆم؛ سەنەد و گرۆڤەیەک ڕەسەن د لاپەڕێن دیرۆکێ دا https://rojnameyaevro.com/ku/%da%95%db%8c%d9%81%d8%b1%d8%a7%d9%86%d8%af%db%86%d9%85%d8%9b-%d8%b3%db%95%d9%86%db%95%d8%af-%d9%88-%da%af%d8%b1%db%86%da%a4%db%95%db%8c%db%95%da%a9-%da%95%db%95%d8%b3%db%95%d9%86-%d8%af-%d9%84%d8%a7/270399/ https://rojnameyaevro.com/ku/%da%95%db%8c%d9%81%d8%b1%d8%a7%d9%86%d8%af%db%86%d9%85%d8%9b-%d8%b3%db%95%d9%86%db%95%d8%af-%d9%88-%da%af%d8%b1%db%86%da%a4%db%95%db%8c%db%95%da%a9-%da%95%db%95%d8%b3%db%95%d9%86-%d8%af-%d9%84%d8%a7/270399/#comments Sun, 27 Sep 2026 07:24:34 +0000 https://rojnameyaevro.com/ku/?p=270399 دلۆڤان ئاکرەیی

ڕاپرسییا سەربەخۆیا کوردستانێ، کو د ٢٥ێ ئیلۆنا ٢٠١٧ێ دا هاتە ئەنجامدان، نە تنێ وەرچەرخانەکا سادە یا هەلبژارتنێ بوو، بەلکو گۆپیتکا خەباتەکا دێرین و ئیرادەیەکا نەتەوەیی یا پۆلایین بوو بۆ دیارکرنا چارەنڤیسێ. ئەڤ ڕوودانا دیرۆکی د ناڤا کایەیا سیاسی و ڕەوشەنبیر یا ئیراقێ و دەڤەرا مەزنتر دا، ب خۆ فرەهیا خواستێن گەلەکا هاتە نیاسین کو دێمۆکراسی و مافێن مرۆڤ وەک بنەمایێن ژیانەکا ژهەژی بۆ خۆ دبینیت و دەنگدان ب ڕێژەیا ٩٢.٧٪ بۆ «بەڵێ»، نەخشەیا هزری و سیاسی یا هەرێمێ هژاند و دەنگێ نەتەوەیەکێ گەهاندە کەنارێن جیهانێ.
ب ڤەدیتنا ڕەهەندێن سیاسی و رەوشەنبیر، ڕیفراندۆم ژ نەچارییەکا دیرۆکی و هەلوەستەکێ نەتەوەیی یێ ئاراستەکری سەر هەلدات، پەیڕەوکرنا مافێ ڕەوا و بنیاتێ گەلان ل گورەی یاسا و پەیمانێن نێڤدەولەتی، بۆ گرێدانا قەوارە و پێگەهێ سیاسی، قەیرانێن کۆچبەرکرنێ، پێشێلکرنا دەستوورێ ئیراقێ، و بڕینا بێبەهانە یا پشکەکا مەزن ژ بودجە و مووچەیێن هەرێما کوردستانێ ل سالا ٢٠١٤ێ، ئەو ڕاستی دیارکر کو هەڤپشکیا سیاسی ل گەل بەغدا گەهشتیە بنبەستەکا تەمام. لەورا، ئارمانجا سەرەکی هەروەسا ڤەژاندن و مسۆگەرکرنا ئارامیێ بوو بۆ هەمی پێکهاتەیێن نەتەوەیی و ئایینی (کورد، تورکمان، کلد، ئاشووری، سریانی، عەرەب، ئێزدی، مەسیحی، کاکەیی و شبک) د ناڤ چوارچووڤەیێ دەولەتەکا مەدەنی و دادپەروەر دا.
هەرچەندە ئاراستەیێن سیاسی یێن نێڤدەولەتی گوهۆڕین ل سەر ڕەوشێ دروستکرن، لێ دەستکەفتێن مەعنەوی و نەتەوەیی یێن ڕیفراندۆمێ ب هەستیارترین قۆناغێن خەباتێ دهێنە هەژمارتن، کو تێدا سەلماندنا ئیرادەیا پۆلایین و نیشاندانا دەنگێ ڕاستەقینە یێ گەلی بۆ جیهانێ ب ڕەنگەکێ بوو کو ئیرادەیا نەتەوەیی ب هیچ هێزەکێ ناهێتە ژێبرن یان ژ ناڤبرن، بڕیارا ڕیفراندۆمێ پرسا کوردی وەک پرسەکا سەرەکی ئێخستە ناڤ ناڤەندێن بڕیارێ یێن نێڤدەولەتی و ل بڕیارگەهێن جیهانی دەنگڤەدانا مەزن هەبوو، هەروەسا دەرگەهەک بۆ گۆتوبێژێن تێر و تەسەل د ناڤا خزمەتکارێن ڕەوشەنبیر، نڤیسکار و ئەکادیمیان دا ل بارەی دەولەتداری، دیمۆکراسی و مافێن مرۆڤی ڤەکر.
بۆ گەهشتن ب ئارمانجێن بلند و ژیانەکا سەقامگیر، پێدڤیە هەڵسەنگاندنەکا زانستی بۆ پێنگاڤێن بهێتە کرن، ژ وان ژی ئێکڕێزییا ناڤمالیا کوردی و ئێکگرتنا گۆتارێ، چونکی دژوارترین ئالنگاری نەبوونا ئێکڕێزییا سیاسی یا تەمامە، و هێز و ئالیێن سیاسی یێن کوردستانێ دڤێت بەرژەوەندیێن نەتەوەیی و نیشتمانی بکەنە بنەمایێ بلندترین کارێ خۆ و ناکۆکیێن حزبایەتی و تەسک ل پاش بهێلن، هەروەسا ئەنجامدانا دانوستاندنێن بڕێبەر و زانستی ل گەل حوکمەتا ناڤەندی ل بەغدا و هێزێن هەرێمی و نێڤدەولەتی ل سەر بنەمایێ دانپێدان ب مافێن دەستووری و دیرۆکی یێن گەلێ کوردستانێ، زێدەباری پێشڤەبرنا کەرتی ئابووری، پەروەردەیی، دادپەروەرییا جڤاکی و ئازادیێن ڕەوشەنبیر و ڕاگەیاندنێ ب ڕەنگەکێ کو باوەریا تاکەکەسی ب قەوارێ بهێزتر لێ بکەت و پێدڤیە سەرکرداتیا سیاسی و ئالیێن کورستانی ب ڕۆحیەتەکا بەرپرسیار دەرباز ببن، پەیامێن ئاشتیخوازانە و ئاڤاکەر پێشکێش بکەن و ترسا ئالیێن دەرەکی بشکێنن، چونکی گەلێ کوردستانێ د هەمی وەرچەرخانان دا سەلماندیە کو کەلها هەرە بهێزە بۆ پاراستنا دەستکەفتان، و هشیاریا ڕەوشەنبیر و نەتەوەیی یا جەماوەری بنەمایێ سەرەکی یێ بەردەوامیا خەباتێ یە و ئەنجامێ وێ ڕیفراندۆمێ وەک سەنەدەکا ڕەسەن و گرۆڤەیەکێ باوەرپێکری و ڕاستەقینە، د ناڤ لاپەرێن دیرۆکێ دا ب پیتێن زێرین هاتیە پاراستن و ل دەمێ پێدڤی دهێتە دەرخستن و کار پێ هێتە کرن.

]]> https://rojnameyaevro.com/ku/%da%95%db%8c%d9%81%d8%b1%d8%a7%d9%86%d8%af%db%86%d9%85%d8%9b-%d8%b3%db%95%d9%86%db%95%d8%af-%d9%88-%da%af%d8%b1%db%86%da%a4%db%95%db%8c%db%95%da%a9-%da%95%db%95%d8%b3%db%95%d9%86-%d8%af-%d9%84%d8%a7/270399/feed/ 0 شـۆڕشـا ئیلۆنـێ.. داسـتانا به‌رخـۆدانێ، هزرا نه‌ته‌وه‌یی و ڕێچكا سه‌ربه‌خۆییێ https://rojnameyaevro.com/ku/%d8%b4%d9%80%db%86%da%95%d8%b4%d9%80%d8%a7-%d8%a6%db%8c%d9%84%db%86%d9%86%d9%80%db%8e-%d8%af%d8%a7%d8%b3%d9%80%d8%aa%d8%a7%d9%86%d8%a7-%d8%a8%d9%87%e2%80%8c%d8%b1%d8%ae%d9%80%db%86%d8%af%d8%a7%d9%86/269814/ https://rojnameyaevro.com/ku/%d8%b4%d9%80%db%86%da%95%d8%b4%d9%80%d8%a7-%d8%a6%db%8c%d9%84%db%86%d9%86%d9%80%db%8e-%d8%af%d8%a7%d8%b3%d9%80%d8%aa%d8%a7%d9%86%d8%a7-%d8%a8%d9%87%e2%80%8c%d8%b1%d8%ae%d9%80%db%86%d8%af%d8%a7%d9%86/269814/#comments Mon, 14 Sep 2026 10:15:25 +0000 https://rojnameyaevro.com/ku/?p=269814 دلــۆڤـان ئـاكـره‌یی

شۆڕشا ئیلۆنێ، یاكو ل 11 ئیلۆنا 1961 ب بڕیار و سه‌ركردایه‌تییا رابه‌رێ مه‌زن مه‌لا مسته‌فا بارزانی ده‌ستپێكر، نه‌ تنێ هه‌لوه‌سته‌كا له‌شكری بوو هه‌ڤبه‌ری سته‌مكاریێ، به‌لكو په‌یدابوونا ڕامانه‌كا نوویا نه‌ته‌وه‌یی و شۆڕشه‌كا هزری، سیاسی و ڕه‌وشه‌نبیری بوو كو مۆركا خۆ ل قۆناغه‌كا زێڕین یا دیرۆكا گه‌لێ كورد دا و ئه‌ڤ شۆڕشه‌ بوو په‌ناگه‌ها هه‌می بهایێن بلند، هێلا سۆر یا پاراستنا بوونا سه‌ربه‌خۆ و شۆناسا نه‌ته‌وه‌یی و كه‌لها پۆلایین كو هێزێن داگیركه‌ر نه‌شیان چ جاران ئیراده‌یا وێ بشكێنن.
د جیهانا سیاسه‌ت و خه‌باتێن ڕزگاریخوازی دا، كێم شۆڕش هه‌بووینه‌ كو هنداڤ تاقیكرنێن هۆڤانه‌ و پیلانێن ناڤخوه‌یی و نێڤده‌وله‌تی دا وه‌كی شۆڕشا ئیلۆنێ ببنه‌ خۆدان به‌رخۆدانه‌كا هۆسا مه‌زن، ڕژێمێن ئێك ل دووڤ ئێك یێن ئیراقێ ب هه‌می هێزا خۆ و ب پشته‌ڤانیا ئامرازێن جه‌نگی یێن پێشكه‌تی هه‌ولدان ئیراده‌یا گه‌لێ كورد و پێشمه‌رگه‌ی بشكێن، لێ چیایێن كوردستانێ، ل ژێر سه‌ركردایه‌تییا بارزانی، بوونه‌ گۆڕستانا ئارمانجێن شۆڤینیستانه‌.
خوینا پڕ بها یا سه‌دان شه‌هیدێن نه‌مر، كۆچبه‌ركرنا ب كۆم، وێرانییا گوندان و كاره‌ساتا ئه‌نفال و راگوهاستان، نه‌ تنێ ئیراده‌یا گه‌لێ مه‌ لاواز نه‌كر، به‌لكو پێل ب پێل ڕوحیه‌تا قوربانیدان و ڤیانه‌كا كویر بۆ خاك و ئاخێ د ناڤ كه‌سایه‌تییا تاكێ كورد دا چاند و ل ڤێرێ یه‌ كو خه‌باتا چه‌كداری تێكه‌ل ب هوشیارییه‌كا ڕه‌وشه‌نبیری و سیاسی بوو، چونكی پێشمه‌رگه‌ی نه‌ تنێ تفه‌نگ د ده‌ستێ خۆ دا بوو، به‌لكو هه‌لگرێ په‌یاما ئازادی، دادپه‌روه‌ری و دیموكراسیێ ژی بوو.
شۆڕشا ئیلۆنێ د ناڤبه‌را ته‌مه‌نێ خۆ یێ پڕ سه‌روه‌ری دا، چه‌ندین وه‌رچه‌رخانێن مه‌زن یێن سیاسی و فیكری ئافراندن كو بوونه‌ بنیاتێ سه‌ره‌كی یێ هه‌می پێشكه‌فتنێن ل پاشه‌رۆژێ دیاربووین:
ڕێككه‌فتناما 11 ئادارا 1970 كو بۆ جارا ئێكێ‌ د دیرۆكا ده‌وله‌تا ئیراقێ دا، حوكمه‌ت ناچاربوو دانپێدانێ ب فه‌رمی ب مافێن نه‌ته‌وه‌یی یێن گه‌لێ كورد و خۆ د موختاریا كوردستانێ بكه‌ت، ئه‌ڤه‌ بوو تاقیگه‌ها ئێكه‌م یا دانپێدانێ ب كیانێ سیاسی و ئیداری یێ هه‌رێما كوردستانێ و شۆڕشێ ژینگه‌یه‌كا هۆسا ئافراند كو تێدا په‌یڤ، هۆزان، ئاواز و ڕۆژنامه‌گه‌ری (وه‌كی ده‌نگێ شۆڕشا ئیلۆنێ) بوونه‌ چه‌كێ هوشیاركرنا جڤاكێ و زمانێ كوردی پێگه‌هه‌كێ بلند و پیرۆز ل ناڤه‌ندێن هزری و جڤاكی دا په‌یدا كر و شۆڕشێ نیشا دا كو پرسا كوردی پرسا مافه‌كێ ڕه‌وا یه‌ و نه‌شێت ب رێیا توندوتیژیێ و ژناڤبرنێ بهێته‌ چاره‌سه‌ركرن و ب وێ چه‌ندێ مۆركا خۆ ل سه‌ر نڤیسینا دیرۆكا ده‌ڤه‌رێ هێلا.
ئارمانجێن شۆڕشا ئیلۆنێ تنێ چاره‌سه‌ریێن ده‌مكی نه‌بوون، به‌لكو بڕیاره‌كا ستراتیژی بوو بۆ مسۆگه‌ركرنا چه‌سپاندنا ناسنامه‌یا نه‌ته‌وه‌یی ل سه‌ر بنه‌مایێن دیموكراسییێ بۆ هه‌می ئیراقێ و مافێ چاره‌نڤیسێ بۆ گه‌لێ كورد و شۆڕشێ فێركر كو ئاشتی و پێكڤه‌ژیان تنێ ل وی ده‌می سه‌رده‌كه‌ڤن كو مافێ مرۆڤی و مافێ نه‌ته‌وه‌یی یێ ئێكدو بێته‌ قه‌بوولكرن، ژ ڕوویێ سیاسی و هزری ڤه‌، شۆڕشێ نه‌خشه‌یا ڕێیا خه‌باتا سڤیل و دیپلۆماسی ژی راستڤه‌كر و كره‌ میناكه‌كا بلند بۆ هه‌می بزاڤێن ئازادیخواز ل ده‌ڤه‌رێ و ئه‌ڤڕۆكه‌، ده‌مێ ئه‌م ل ڤێ دیرۆكا پیرۆز دزڤڕین، ده‌ستكه‌فتێن مه‌زن یێن هه‌رێما كوردستانێ، بوونا قه‌واره‌یا ده‌ستووری، په‌رله‌مان، حوكمه‌ت و دامه‌زراوه‌یێن نیشتمانی، هه‌می مێوه‌ و به‌ركه‌فتێن وی ڕووبارێن خوینێنه‌ كو ل سه‌رده‌مێ شۆڕشا ئیلۆنێ و شۆڕشێن دی هاتینه‌ ڕشتن و ئه‌ركێ ئه‌ڤڕۆ یێ گه‌نج، ڕه‌وشه‌نبیر و سه‌ركرده‌یێن مه‌ ئه‌وه‌ كو ڤێ میراتێ بپارێزێن و پارێزگارییێ ل قه‌واره‌یا هه‌رێمێ بكه‌ن و ب هه‌سته‌كێ نیشتمانیێ بلند و پڕ ژ باوه‌ری، هیڤییان بۆ پاشه‌رۆژه‌كا گه‌شتر و ئارامتر بۆ نفشێن بهێت مسۆگه‌ر بكه‌ن، شۆڕشا ئیلۆنێ ب گۆتنه‌كا ئێكجار ساده‌؛ نه‌ تنێ ناڤه‌كێ دیرۆكی یه‌، به‌لكو ناسنامه‌ و مۆرالا به‌رده‌وامیا ژیانا مه‌ یه‌ ب سه‌ربه‌رزی.

]]> https://rojnameyaevro.com/ku/%d8%b4%d9%80%db%86%da%95%d8%b4%d9%80%d8%a7-%d8%a6%db%8c%d9%84%db%86%d9%86%d9%80%db%8e-%d8%af%d8%a7%d8%b3%d9%80%d8%aa%d8%a7%d9%86%d8%a7-%d8%a8%d9%87%e2%80%8c%d8%b1%d8%ae%d9%80%db%86%d8%af%d8%a7%d9%86/269814/feed/ 0 برینەكـا كـەڤن و خـەتیریەك بـۆ ئـازادیـێ https://rojnameyaevro.com/ku/%d8%a8%d8%b1%db%8c%d9%86%db%95%d9%83%d9%80%d8%a7-%d9%83%d9%80%db%95%da%a4%d9%86-%d9%88-%d8%ae%d9%80%db%95%d8%aa%db%8c%d8%b1%db%8c%db%95%d9%83-%d8%a8%d9%80%db%86-%d8%a6%d9%80%d8%a7%d8%b2%d8%a7%d8%af/269051/ https://rojnameyaevro.com/ku/%d8%a8%d8%b1%db%8c%d9%86%db%95%d9%83%d9%80%d8%a7-%d9%83%d9%80%db%95%da%a4%d9%86-%d9%88-%d8%ae%d9%80%db%95%d8%aa%db%8c%d8%b1%db%8c%db%95%d9%83-%d8%a8%d9%80%db%86-%d8%a6%d9%80%d8%a7%d8%b2%d8%a7%d8%af/269051/#comments Tue, 01 Sep 2026 11:29:26 +0000 https://rojnameyaevro.com/ku/?p=269051 دلۆڤان ئاكرەیی

ئەنفالا بەهدینان قووناغەكا ژ هەرە مەترسیدار و دلتەزێن یا پڕۆسەیا ژناڤبرنا ب كۆم یا گەلێ كوردستانێ بوو، كو ژ لایێ رژێما بەعس یا بەری نوكە ڤە ل ئیراقێ هاتە ئەنجامدان.
ل دەمەكێ كو قووناغێن پێشتر یێن ئەنفالێ ل ناڤچە و دەڤەرێن دی یێن كوردستانێ هاتبوونە ئەنجامدان، بەلێ دوژمنێن ئازادیێ پێلا خۆ گەهاندە بەهدینان و گەلەك دەڤەرێن پارێزگەها دهۆكێ ژی بوونە ئارمانجێن پیس و هزرێن وان یێن تاری.
پڕۆسا ئەنفالا بەهدینان ئێك ژ تاریكترین و ترسناكترین لاپەڕەیێن دیرۆكا گەلێ كوردستانێ یە، تراژیدیایەكا كو هەموو پەرێن وژدانا مرۆڤایەتیێ هەژاند و بیرەوەریەكا تاڵ و ژبیرنەكریە و ئەڤ كارەساتە نەك تنێ ژناڤبرنا جەستەیی یا مرۆڤان بوو، بەلكو هەولەك بوو ژ بۆ ژناڤبرنا ناسنامە و چاند و هەبوونا نەتەوەیی یا كوردان ب هەموو هێزا چەكی و شیانێن خۆ یێن سەربازی ژلایێ رژێما دكتاتۆرا بەرێ یا ئیراقێ ڤە.
دیمەنێن وی سەردەمێ پڕن ژ ئازار و رەنجێ، كۆچبەریا بەلاڤ یا دەربەدەریێ ب سەر سەد هزار مرۆڤێن سڤیل دا، رێیێن سەخت و زڤستانا ساڕ، نەبوونا خوارن و دەرمانان ل سەر سنووران و ژ هەمیێ دلتەزێنتر، جوداكرنا مێر و گەنجان بۆ جهێن نادیار و ب كۆم گولبارانكرن و زیندە ب چاككرنا وان ل بیابانێن بێ‌ خۆدایێن ئیراقێ.
ئەڤ دیمەنە نە ژ بیركرنینە و نە ژی د دەستهەلاتا هیچ كەسەكی دایە ژ هزر و بیرێن مە برەڤن.
ژ بۆ كو ئەڤ ڕوودانە چ جاران دوبارە نەبن، پێدڤییە پشكداریا وێ وەك وانەیەكا هەردەمی د ناڤ پڕۆگرامێن خواندنێ دا ل هەمی قووناغان بهێتە گۆتن. چاندنا ڤی راستیێ د مەژی و هزرا زارۆكێن مە دا، زامەنكرنا پاراستنا ناسنامەیێ و دروستكرنا ئیرادەكا پولایینە بەر ب سەربەستی و رەهاییەكا ئێكجاری ڤە و ب ڤی رەنگی، ئەقلیەتا زۆرداریێ دێ هێتە نیاسین و ڤەگوهاستنا گۆتنێن دیرۆكی بۆ نفشێ نوو دێ بیتە مەتالەكێ مەزن.
دیرۆكێ هەردەم سەلماندییە كو دەسهەلات و سیستەمێن زۆردار و خوێنڕێژ، چەندە مەزن و ب هێز ژی بن، د دوماهیێ دا دێ گەهنە سزایێ خۆ و دزبلدانا دیرۆكێ دا ب ناڤەكی رەش دێ هێنە ناسین، چونكو وەكی گۆتی: زالم دو جاران دێ هێتە سزادان، ل سەر دونیایێ و ل بن دونیایێ.
سروشت، دارستان و كانیێن دەڤەرا بەهدینان ب تەڤایی هاتنە ژەهركرن و ژناڤبرن ب مەرەما ڤالاكرنا دەڤەرێ.
ئەنفالا بەهدینان برینەكا قوولە د دیرۆكا گەلێ كورد دا و هێشتا شوینوارێن وێ یێن دەروونی و جڤاكی د ناڤ خەلكێ دەڤەرێ دا مایینە، چونكی گەلەك ژ خێزانان هێشتا چارەنڤیسێ مالباتێن خۆ نەزانن و پێدڤییە هەردەم بهێتە بیرا مە، داكو مرۆڤایەتی هەرگیز نەهێلیت تاوانێن وەسا دوبارە ببن.
سەركرداتیا رژێما بەعس ئەنفالكر، بەلكو ب خۆ گەهشتنە سزایێ خۆ و كەفتنە زبلدانا دیرۆكێ، ل دەمێ كو گەلێ كورد ب هەموو سەربۆر و قوربانیێن خۆڤە رۆژ بۆ رۆژێ ب هێزتر ل سەر پێیێن خۆ راوەستییا.
سەروەریا ڕێز و نەمرینێ بۆ گیانێ پاك و پیرۆزێ تەڤایا ئەنفالكریا و شەهیدێن رێكا رزگارییا كوردستانێ، ئەوێن هەردەم ب هزر و رێبازا خۆ یا نەتەوەیی رێیا خەبات و خۆڕاگریێ بۆ گەلێ مە رۆناهی كرین.
سلاڤ ل خۆڕاگری، سەبر و هەدارا پڕ بەرخوەدان یا هەموو مالبات، دایك و خویشك و كەسوكارێن ئەنفالكرییان. گومان تێدا نینە، ب بەرخوەدان و ئیرادەیا پۆلایینا میللەتێ مە، زولم و زۆرداری دێ ژناڤچیت و رۆژا ئازادی و سەربەستیێ دێ هەمی جهـ و لایەنێن كوردستانێ رۆهن كەت.

]]> https://rojnameyaevro.com/ku/%d8%a8%d8%b1%db%8c%d9%86%db%95%d9%83%d9%80%d8%a7-%d9%83%d9%80%db%95%da%a4%d9%86-%d9%88-%d8%ae%d9%80%db%95%d8%aa%db%8c%d8%b1%db%8c%db%95%d9%83-%d8%a8%d9%80%db%86-%d8%a6%d9%80%d8%a7%d8%b2%d8%a7%d8%af/269051/feed/ 0 پـارتـى دیمۆكـراتـى كـوردسـتان بـۆ پاراستنا مـافێن ڕەوایێن كـوردستانـێ پەیدابوویە https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%d9%89-%d8%af%db%8c%d9%85%db%86%d9%83%d9%80%d8%b1%d8%a7%d8%aa%d9%80%d9%89-%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d8%a8%d9%80%db%86-%d9%be/268329/ https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%d9%89-%d8%af%db%8c%d9%85%db%86%d9%83%d9%80%d8%b1%d8%a7%d8%aa%d9%80%d9%89-%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d8%a8%d9%80%db%86-%d9%be/268329/#comments Mon, 17 Aug 2026 23:07:27 +0000 https://rojnameyaevro.com/ku/?p=268329 دلۆڤان ئاكرەیی

د دیرۆكا پڕ ل خەبات و بەرخۆدانا گەلێ كورد دا، ناڤێ مستەفا بارزانی و پارتیا دیمۆكراتا كوردستانێ (پارتی) دو ڕوویێن ئێك دراڤن؛ ئێك ژ وان ڕێبەرەكێ مەزن و سیمبۆلێ نەتەوەیی یە و یا دوویێ ژی قەوارەیا سیاسی و ڕێكخراوا پێشەنگە كو ئارمانجا وێ هیڤیێن نەتەوەیەكی بكەتە پراكتیك و بەرنامەیەكێ سەردەمیانە.
ل ١٦ێ تەباخا سالا ١٩٤٦، ل ژێر سەركرداتییا ڕێبەرێ نەتەوەیی مستەفا بارزانی، پارتیا دیمۆكراتا كوردستانا ئیراقێ هاتە دامەزراندن و ئەڤ ڕوودانا دیرۆكی ل قووناغەكا زۆر هەستیار و ئالۆز دا هات، ل دوماهییا جیهانگیریا دوویێ و پشتی داڕمانا كۆمارا كوردستان ل مەهاباد.
پارتی نەهاتە دامەزراندن تنێ بۆ بەرسڤدانا ڕەوشەكا دەمەكی، بەلكو هات دا كو وەرچەڕخانەكا ریشەیی د شێوازێ خەباتا كوردی دا دروست بكەت، خەبات ژ شێوازێن عەشیرەتی، لۆكال و بەرتەنگ ڤەگوهاستە سەر تابلۆیەكا نیشتمانی، فراوان و ڕێكخراو، تاكو ببیتە پڕا گەهاندنا دەنگێ مافخوازێ گەلێ كورد بۆ هەموو ناڤەندێن ناڤخۆیی و نێڤدەولەتی.
مەلا مستەفا بارزانی تنێ سەركردەكێ سیاسی نەبوو، بەلكو دامەزرێنەرێ «ڕێبازا بارزانی» بوو، ڕێبازەك كو بنیاتێ وێ ل سەر كەرامەتا نەتەوەیی، ئیرادا نەشكەستی، و باوەربوون ب ئازادی و دیمۆكراتیێ هاتیە ئاڤاكرن.
بارزانیێ نەمر میناكەكا بلندتر پێشكێشكر ل سەر تێكۆشانێ، كو تێدا پێشمەرگە وەك قوربانیدەر و پارێزەرێ خاك و نەتەوەیی هاتە ناساندن. سەركردایەتیكرنا شۆڕشا ئەیلولێ یا مەزن ژ لایێ جەنابێ وی یێ خۆدێ ژێ رازی ڤە، ئاماژەیەك بوو بۆ كووراتیا ئیرادەیا گەلەكی كو نەدڤیا دەست ژ مافێن خۆ یێن ڕەوا بەردەت.
ئەڤ شۆڕشە ب هەموو قوربانیێن خۆڤە گەهشتە گۆپیتكا خۆ بۆ دەستڤەئینانا ڕێككەڤتناما ئادارێ یا دیرۆكی ل سالا ١٩٧٠، كو تێدا بۆ ئێكجار دانپێدان ب پشكەكا مەزن ژ مافێن نەتەوەیی یێن كورد ل ئیراقێ هاتە كرن.
دیرۆكا پارتی و ڕێبازا بارزانی پڕە ل قوربانیێن گرانبەها، گەلێ كوردستانێ و هێزا پێشمەرگەی د ڕێكا پاراستنا ئارمانجێن نەتەوەیی دا دەربەدەری، مالوێرانی، گوندێن خرابكری و هەتا پیلانێن ژناڤبرنا نەتەوەیی دیتن و د ڤان هەموو تاقیكرنان دا، ئیرادا خەباتێ ژێر نەبوو، و باوەربوون ب ڕێبازا بارزانی بوو كەلهەكا پولایین كو پاراستنا ناسنامەیا نەتەوەیی یا كورد كر.
ئەڤرۆ، دیرۆكا پارتی و مستەفا بارزانی بوویە پشكەك ژ شانازییا دیرۆكا گەلێ كورد و ئەڤ كاروانە ل سەر دەستێ ڕێبەرایەتییا نوو، سەرۆك مەسعود بارزانی بەردەوامیێ ب خۆڤە دبینیت بۆ پاراستنا قەوارەیا هەرێما كوردستانێ، داكۆكیكرن ل مافێن دەستووری و مسۆگەركرنا ئارامی و پێشكەفتنێ بۆ خەلكێ كوردستانێ، دا كو ئەو پەیاما نەتەوەیی یا كو ل سالا ١٩٤٦ هاتبوو بنەجهكرن، بەردەوام ب پێشكەفتن بەر ب پێش ڤە بچیت.
دامەزراندنا پارتیا دیمۆكراتا كوردستانێ (پارتی) بەریا ٨٠ سالان ب ڕێبەری و بڕیارا ڤەژەنا نەتەوەیی یا ڕێبەرێ مەزن مستەفا بارزانی كو هەڤدەمە ل گەل رۆژا ژ دایكبوونا سەرۆك بارزانی، بووینە وەرچەرخان، د دیرۆك و وەرارا گەلێ كوردستانێ ل تەڤایا پارچەیێن كوردستانێ.
سەرۆك مەسعود بارزانی قوتابیێ قوتابخانەیا بارزانی درێژەپێدەرێ هەمان ئایدۆلۆژی و بیر باوەر و خواندنە د پڕسا گەلێ كوردستانێ و ب ڕێكا سیاسەتا خۆ یا ب حەكیمانە، هزرەكا ستراتیژی و ژیرییەكا بلند ئالا خەباتێ هەلگرتیە و پارتی و تەمامیا بزاڤا ڕزگاریخوازا كوردستانێ گەهاندە قووناغێن هەرە هەستیار و نێڤدەولەتی.
گاڤ و سیاسەتا سەرۆك بارزانی هەردەم ل دۆر چەقەكێ سەرەكی بوویە، كو ئەو ژی باوەربوون ب نەرمییا سیاسی، دیمۆكراسی و ژ هەمیێ گرنگتر ئێكگرتن و ئێكڕێزییا نەتەوەیی بوویە، ژبەركو ب باوەرا جەنابێ وی، هێزا كوردی بتنێ د هەڤپەیمانی و ئێكگرتنا ڕیزێن ناڤخۆیی دا تێر دبوو.
ئەڤ تێڕوانینا بلند و گشتگیر یا سەرۆك بارزانی سنوورێن باشوورێ كوردستانێ تێپەڕ كرن و ڕەهەندەكێ نەتەوەیی یێ گشتگیر ل خۆ گرت و ڕۆلێ جەنابێ وی ل پرسێن كوردان ل هەمی پارچەیێن كوردستانێ و دیاسپۆرایێ (پارچەیا پێنجێ) بوویە پرەكا باوەری و پشتەڤانیێ:
ل باكوورێ كوردستانێ: ب هەڵوێستێن هەڤسەنگ، جهێ باوەرییا هەردو ئالییان بوو بۆ پشتەڤانیا پرۆسەیێن ئاشتیێ و چارەسەریا سیاسی.
ل ڕۆژئاڤایێ كوردستانێ: وەك ڕێبەرەكێ خەمخۆر، ڕۆلێ ناڤبژیوانی و پشتەڤانیا مەزن گێڕا بۆ پاراستنا مافێن گەلێ مە ل دەمێن تەنگاڤی و قەیرانان.
ل ڕۆژهەڵاتێ كوردستانێ: ب رێزگرتن و پشتەڤانییا مرۆڤدۆستانە، هەردەم داكۆكیكارێ مافێن ڕەوا یێن خەلكێ رۆژهەلات بوویە.
ل پارچەیا پێنجێ (دیاسپۆرا): سەرۆك بارزانی گرنگییەكا تایبەت ددەتە كوردێن دەرڤەی ولاتی، چونكی وان وەكی نوونەرێن راستەقینە یێن چاند، دۆز و سیاسەتا كوردی ل ناڤەندێن بڕیارا جیهانی دبینیت، كو شیانێن ئاڤاكرنا پەیوەندیێن دیپلۆماسی یێن بهێز هەنە.
ب ڤی ڕەنگی، پارتی وەك پشكەك ژ لەشێ نەتەوەیا كورد، ل سەر ڕێبازا بارزانی و ب سەركردایەتییا سەرۆك مەسعود بارزانی، بەردەوامە ل سەر پاراستنا قەوارەیا سیاسی و دەستكەڤتیێن هەرێما كوردستانێ و ب پێنگاڤێن ئاقلمەندانە خەباتێ بۆ مسۆگەركرنا ئارامی، پێشكەفتن و ئارمانجێن بلندێن نەتەوەیی دكەت.

]]> https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%d9%89-%d8%af%db%8c%d9%85%db%86%d9%83%d9%80%d8%b1%d8%a7%d8%aa%d9%80%d9%89-%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d8%a8%d9%80%db%86-%d9%be/268329/feed/ 0 ئـەنفال و كـۆمكـوژی بـەردەوامە https://rojnameyaevro.com/ku/%d8%a6%d9%80%db%95%d9%86%d9%81%d8%a7%d9%84-%d9%88-%d9%83%d9%80%db%86%d9%85%d9%83%d9%80%d9%88%da%98%db%8c-%d8%a8%d9%80%db%95%d8%b1%d8%af%db%95%d9%88%d8%a7%d9%85%db%95/267324/ https://rojnameyaevro.com/ku/%d8%a6%d9%80%db%95%d9%86%d9%81%d8%a7%d9%84-%d9%88-%d9%83%d9%80%db%86%d9%85%d9%83%d9%80%d9%88%da%98%db%8c-%d8%a8%d9%80%db%95%d8%b1%d8%af%db%95%d9%88%d8%a7%d9%85%db%95/267324/#comments Mon, 03 Aug 2026 22:57:15 +0000 https://rojnameyaevro.com/ku/?p=267324 دلـۆڤـان ئـاكـرەیـی

ئەنفال و كۆمكوژی ب دووماهی نەهاتینە، شێواز و ڕەنگ گوهۆڕینە، لێ ئارمانج ئێكە! ئەگەر دیرۆكا نەخۆش و پڕ ژ قوربانیا گەلی كورد بژمێرین، ئەم دبینین كو كۆمەڵكوژی، جینۆساید و شالاوێن ئەنفالێن ڕەش ب تنێ ل سالێن دەربازبووی و ب كۆمكوژییا بارزانییان یان كیمیابارانكرنا هەلەبجەی ب دیماهیك ناهێن؛ بەلكو ئەڤ سیاسەتا ڕەگەزپەرست و تێكدەرە هەتا نوكە ژی ب شێواز، ڕەنگ و ڕێبازێن جودا و ب رێكا فشارێن سیاسی، ئابووری، دەستووری و ئەمنی ل دژی هەرێما كوردستانێ و خەلكێ وێ یێ بێتاوان بەردەوامە.
كۆمەلكوژیا نوكە یا ل دژی هەرێما كوردستانێ هێتەكرن، نە ب تنێ فیشەك و تۆپ بارانە، بەلكو كومكۆژیا ب پلە و بەندا ئابووری، بڕینا لق و پۆپێن ژیانێ و دەست ب سەرداگرتنا مافێن رەوا یێن خەلكێ كوردستانێ یە.
بەردەوامیدان ب رێگری كرن و قەدەغەكرنا ڤەگەڕانا خەلكێ ڤەگوهاستی و ستەملێكری بۆ دەڤەرێن خۆ یێن ڕەسەن، و ڕێگریكرن لە ئاڤەدانكرنا وان جهێن دیرۆكی.
پشتگوه ـ خستن و ڕەتكرنا جێبەجێكرنا ماددەیا ١٤٠ یا دەستووری، یا كو بوویە فاكتەرەكێ سەرەكی بۆ هەلاویستن و پاشخستن و دەست ب سەر داگرتنا مافێن دیرۆكی یێن دەڤەرێن كوردستانیێن دەرڤەی ئیدارەیا هەرێمێ.
پێگیرنەبوون ب پڕەنسیپێن فیدرالی و دروستكرنا توڕ و ئاستەنگان ل ڕێیا پێشڤەبرن و فرۆتنا پەترۆل و سامانێن سروشتی یێن هەرێما كوردستانێ. سزایێن ئابووری و سیستەماتیك ب كێمكرن، پاشخستن و نەهنارتنا پشكا بودجە و شایستەیێن مالی یێن هەرێما كوردستانێ ژ بەغدا ڤە، كو باندۆرەكا نەرێنی ل سەر هەمی كەرتێ گشتی هەی.
بەردەوام بكارئینانا مووچەی و ژیان و گوزەرانا مووچەخۆر، فەرمانبەر و خانەنشینێن هەرێمێ وەكو كارتەكا فشارا سیاسی و یاریپێكرنێ ل دژی قەوارەیا دەستوورییا هەرێمێ.
تێكدانا سەقامگیرییا ئەمنی و هەرێمی ب رێكا هنارتنا درۆن، مووشەك و گرۆپێن تێكدەر بۆ ڤێ دەڤەرا ئاراما هەرێمێ، د پێناڤی ژناڤبرنا ژێرخانا ئابووری و وێرانكرنا ئارامیا وەلاتییان دا.
نەدانا پشكا هەرێمێ وەك پارێزگەهێن دی یێن ئیراقێ ژ پەتڕۆل، غاز و سۆتەمەنییێ ب بهایێ پالپشتیكری و جیاكارییا ڕوویار ل دژی وەلاتییێن هەرێمێ.
بێبەشكرنا گەنج و دەرچوویێن زانكۆ و پەیمانگەهێن كوردستانێ ژ مافێ دامەزراندنێ ل سەر ئاستێ دەزگەهێن فیدرالی ب ڕێژەیەكا دادپەروەرانە و ل گۆرەی هەژمارا ئاكنجێیان.
نەهنارتن، پاشخستن و ڕاگرتنا پارە و شایستەیێن مالی یێن گەنمێ جۆتیارێن هەرێما كوردستانێ، یێن كو سال بە سال ماندووبوونا وان دهێتە پشتگوە خستن و ئابوورێ جووتیاران تووشی زیانێن مەزن دبن. ئەڤە و دەهان ئاریشە و كێشەیێن هەلاویستیێن دی نیشاددەن كو سیاسەتا برسیكرن، ژناڤبرن و ستەمكاریا ل دژی هەرێما كوردستانێ نەهاتیە راوەستاندن و هەتا نوكە ژی بەردەوامە. لێ ب هەبوونا خۆڕاگری، ئیرادەیا پولایین و هشیاریا خەلكێ كوردستانێ، هەرێما مە دێ هەردەم سەربەرز بیت و ژ ڤان تاقیبوون و فشارێن مەزن سەركەفتی دەردكەڤیت.

]]> https://rojnameyaevro.com/ku/%d8%a6%d9%80%db%95%d9%86%d9%81%d8%a7%d9%84-%d9%88-%d9%83%d9%80%db%86%d9%85%d9%83%d9%80%d9%88%da%98%db%8c-%d8%a8%d9%80%db%95%d8%b1%d8%af%db%95%d9%88%d8%a7%d9%85%db%95/267324/feed/ 0 لەرزینێن سیاسەتا نێڤدەولەتی، پەیوەندییێن تەهران و واشنتۆنێ و ڕۆلێ ئارامكەر یێ كوردستانێ https://rojnameyaevro.com/ku/%d9%84%db%95%d8%b1%d8%b2%db%8c%d9%86%db%8e%d9%86-%d8%b3%db%8c%d8%a7%d8%b3%db%95%d8%aa%d8%a7-%d9%86%db%8e%da%a4%d8%af%db%95%d9%88%d9%84%db%95%d8%aa%db%8c%d8%8c-%d9%be%db%95%db%8c%d9%88%db%95%d9%86/266640/ https://rojnameyaevro.com/ku/%d9%84%db%95%d8%b1%d8%b2%db%8c%d9%86%db%8e%d9%86-%d8%b3%db%8c%d8%a7%d8%b3%db%95%d8%aa%d8%a7-%d9%86%db%8e%da%a4%d8%af%db%95%d9%88%d9%84%db%95%d8%aa%db%8c%d8%8c-%d9%be%db%95%db%8c%d9%88%db%95%d9%86/266640/#comments Sun, 26 Jul 2026 07:57:08 +0000 https://rojnameyaevro.com/ku/?p=266640 دلـۆڤـان ئـاكـرەیی

ل جیهانا كو ب لەز د گوهۆڕین دا و هەڤڕكییێن زلهێزان تێدا ژ نەخشەیا ئاسایی دەرباز بووینە، دۆسەیا پەیوەندییێن د ناڤبەرا ئێرانێ و ئەمریكایێ وەكی ئێك ژ ئالۆزترین گرێیێن سیاسەتا نێڤدەولەتی هێشتا ل جهێ خۆ مایە و ئەڤ پەیوەندییە، یا كو هەردەم ل سەر هێلا نازك یا د ناڤبەرا دیپلۆماسییا سار و تەقینا لەشكری دا لڤین كرییە، نوكە گەهشتییە قۆناغەكا دیرۆكی یا چارەنڤێساز و ئالۆزییێن نوكە نە بتنێ سنوورێن ناڤخۆیی یێن ئێرانێ پارڤەدكەن، بەلكو ڕەهەندێن وان گەهشتینە قووناغا، نەخشەیا جیۆپۆلیتیكا ڕۆژهەڵاتا ناڤەڕاست، ژ گەرویا هۆرمز هەتا دگەهیتە قەوارەیا هەرێما كوردستانێ و ئاسایشا وەلاتێن كەنداڤێ عەرەبی.
بنەمایێ بنەڕەتی یێ ناكۆكییا د ناڤبەرا تاران و واشنتۆنێ دا، ب تەمامی ل سەر تەوەرا مۆدێلا بەرقەراركرنا هێزێ ل دەڤەرێ ئاڤا بوویە و ژ ئالییەكێ ڤە، بەرنامەیێ ناڤۆكی یێ ئێرانێ وەك چەكەكێ دوسەرە، هەم بۆ چەسپاندنا پێگەهێ ناڤۆكی یێ رژێمێ بكاردئێت، هەم ژی ب ترساندنا سیستەمێ ئاسایشا نێڤدەولەتی و هەڤپشكێن ئەمریكا ل دەڤەرێ دایە. ژ ئالییەكێ دی ڤە، توورەیا فراوان یا هێزێن وەكالەت یێن كو ئیران ل ئیراق، سووریێ، لبنان و یەمەن بڕێڤە دبەت، بوویە ئەگەر كو دەڤەر ببیتە گۆرەپانا تاقیكرنا هێزا مەزن و ئەڤ سیاسەتە، كێماسییێن ئابوورییێن ئێرانێ دادپوشیت، لێ د هەمان دەم دا دەڤەرێ بەر ب رەوشەكێ ڤە دبەت كو ئارامیا ئابووری و سیاسی تێدا بنپێ دبێت. د ڤی بێسەروبەرییا ئالۆز دا، جوگرافیا كوردستانێ و وەلاتێن كەنداڤی ب بێخواست بووینە پشكەك ژ مەترسیێن ڤێ هەڤڕكییێ. هێرشێن مووشەكی و درۆنی یێن سەر هەرێما كوردستانێ، ب بهانەیا ئارمانجگرتنا مولگەیێن نەیاران یان بنكەیێن ئەمریكی، پەیامەكا ڕۆهنە كو تاران ب رێیا ڤان لێدانان دوپاتیێ ل سەر پێگەهێ خۆ یێ مەیدانی دكەت. هەروەسا ل دەمێن لێكتێگەهشتن تێكدچن، وەلاتێن كەنداڤی ب ڕێیا فشارێن هەڤپشكێن ئیرانی دهێنە ئارمانجگرتن. ئارمانجا ڤی ستراتیژیی ئاشكرایە، چونكی ئەگەر ئیران تووشی قەیرانێ ببیت، نەخۆشی و ئالۆزی دڤێت ل هەمی دەڤەرێ بەلاڤ ببن.
دەرتەنگا هۆرمز، وەكی گورچیسكا ئابوورییا جیهانی، هەردەم كارتا ب هێز یا ئیرانێ بوویە و هەڕەشەیا گرتنا ڤی گەرویێ، نە تنێ گەفەكە ل سەر كەنداڤی، بەلكو ئامیرەیێ سزادانا ئابوورییا جیهانییە، بەلێ د هەمان دەم دا، ڤێ كارتا مەترسیدار شۆنوارەكا بەروڤاژی ژی هەیە؛ گرتنا گەرویا هورمز بڕیارەكە كو زلهێزێن جیهانی ناچار دكەت ب بژاردەیا شەڕێ بێسنوور و تێكشكاندنا سەربازییا ئیرانی بەرسڤێ بدەن، چونكی بازرگانییا ناڤدەولەتی و ئەولەكارییا ئێنرژییێ هێلا سوورە بۆ ئاڤەدانییا جیهانێ.
سیاسەتا تیرۆركرن و ژناڤبرنا سەركردەیێن سەربازی و سیاسی یێن ئیرانێ، هەرچەندە زیانەكا مەزن ب پەیكەرێ ئەولەكارییا تارانێ گەهاندیە، لێ دیرۆكا سیاسیا دەڤەرێ نیشا ددەت كو ئەڤ جۆرە لێدانە نەبوونە ئەگەرێ ڕووخانا سیستەمێ، بەلكو بووینە پالدەرەك بۆ دروستكرنا تووڕەییەكا ب هێز و ڤەگەراندنا تۆلڤەكرنا پاشەڤە و ب رێكا ئامرازێن توندتر، سیستەمەكێ ئایینی و خۆسەپێن ب ئاسانی ب ڤان ڕێكاران ژناڤناچیت، هەتا قۆناغەكا كو تێكچوونا ناڤخۆیی ژ ناڤخوە ڤە دەست پێ بكەت.
پاشەرۆژا ئێرانێ ل سەر دو ئارستەیان راوەستاییە؛ ئێك ژ وان گەهشتنە ب قووناغەكێ كو ژ نەچاری سەرۆكایەتی و ڕێبەریا وێ ناچار ببن دەست ژ هندەك پشكان بەردەن و بچنە د ژێر مەرجێن ڕێكەڤتنەكا نێڤدەولەتی دا، و یا دووڤدا ژی سیناریۆیا ڕۆخیان و گوهۆڕینا ڕژێمێ ب ئێك جارییە ل ڕێكا شۆڕشەكا ناڤخۆیی یان فشارەكا مەزنا دەرەكی، لێ ئەڤ بژاردەیە پڕە ژ مەترسییێن بێسەروبوونێ، چونكی نەبوونا سیستەمەكێ جێگیر ل وەلاتی دكەتە گۆڕەپانا پارچەبوونا دەڤەرێ.
چارەسەرییا بنەڕەتی یا ڤێ قەیرانێ نە د لەشكەركێشییا كوشندە دایە و نە ژی د پاشڤەگۆتنا بەردەوام د بەرانبەر مەرجێن تارانێ دا، بەلكو چارەسەری د دروستكرنا سیستەمەكێ ئاسایشا هەڤپشك و هەڤسەنگ د ناڤبەرا ئێرانێ و وەلاتێن كەنداڤی دا بێ دەستوەردانا تێكدەرانە دایە؛ ڕێكارەك كو تێدا ئیران ژ هەناردەكرنا قەیرانان دەست بەردەت، و جیهان ژی ڕێزێ ل سەروەری و ئارامیا دەڤەرێ بگرێت، داكو دەڤەر ژ ڤێ بازنەیا شەر و وێرانكارییێ دەرباز ببت.
ل ناڤبەرا ڤێ بێسەرۆبەری یا پڕ لە مەترسی و هەڤڕكییێن هەرێمی، هەرێما كوردستانێ، ب پێشەنگیا سیاسەتا حەكیمانە و دووربین یا سەرۆك مەسعوود بارزانی، ڕۆلەكێ زێڕین و هەڤسەنگ دگێریت و سەرۆك بارزانی هەردەم ب بینینەكا نەتەوەیی و نێڤدەولەتی، هەوڵ دایە كوردستانێ ژ پشكداریكردنێ د ئاگرێ شەر و ئالۆزییێن دەڤەرێ بپارێزێت، و د هەمان دەم دا هەرێمێ بێخیتە جهەكێ ب باوەری كو ببیتە پرەكا پەیوەندییێ و ئارامیێ و دویر ل قەیرانان ل ڕۆژهەڵاتا ناڤەڕاست و د سیاسەتا سەرۆك بارزانی دا جەنابێ وی هەردەم دوپاتی ل سەر چارەسەرییا ئاشتیانە، دیالۆكێ، و پاراستنا سەقامگیرییا ناڤخۆیی یا هەرێما كوردستانێ كریە، كو ئەڤە ژی نە تنێ بوویە ئەگەرێ پاراستنا قەوارەیا دەستوورییا هەرێمێ، بەلكو بوویە ئامرازەك كو كوردستان وەك فاكتەرەكێ سەرەكی یێ ئارامی و هەڤپشكەكێ ب باوەری بۆ جڤاكێ نێڤدەولەتی ل بەرانبەر تەقینێن دەڤەری بهێتە ناسین.

]]> https://rojnameyaevro.com/ku/%d9%84%db%95%d8%b1%d8%b2%db%8c%d9%86%db%8e%d9%86-%d8%b3%db%8c%d8%a7%d8%b3%db%95%d8%aa%d8%a7-%d9%86%db%8e%da%a4%d8%af%db%95%d9%88%d9%84%db%95%d8%aa%db%8c%d8%8c-%d9%be%db%95%db%8c%d9%88%db%95%d9%86/266640/feed/ 0 خـواكـوڕك؛ ئـەفسانـەیا ئیرادەیا نـەتـەوەیی و بنەمایێ دەولـەتبوونا كوردستانـێ https://rojnameyaevro.com/ku/%d8%ae%d9%80%d9%88%d8%a7%d9%83%d9%80%d9%88%da%95%d9%83%d8%9b-%d8%a6%d9%80%db%95%d9%81%d8%b3%d8%a7%d9%86%d9%80%db%95%db%8c%d8%a7-%d8%a6%db%8c%d8%b1%d8%a7%d8%af%db%95%db%8c%d8%a7-%d9%86%d9%80%db%95/266370/ https://rojnameyaevro.com/ku/%d8%ae%d9%80%d9%88%d8%a7%d9%83%d9%80%d9%88%da%95%d9%83%d8%9b-%d8%a6%d9%80%db%95%d9%81%d8%b3%d8%a7%d9%86%d9%80%db%95%db%8c%d8%a7-%d8%a6%db%8c%d8%b1%d8%a7%d8%af%db%95%db%8c%d8%a7-%d9%86%d9%80%db%95/266370/#comments Tue, 21 Jul 2026 11:33:16 +0000 https://rojnameyaevro.com/ku/?p=266370 دلـۆڤـان ئـاكـرەیی

د نوكە دا بیرەوەریا ئێك ژ دیارترین و گرنگترین داستانێن بەرەڤانیا مللەتێ كورد دەربازدبن كو داستانا خواكوڕكێ یە، ئەڤ داستانە د دیرۆكا خەباتا رزگاریخوازا كوردستانێ دا ب وێنەیەكێ كێم دهێتە هژمارتن، كو تێدا پێشمەرگێن كوردستانێ د ماوەیێ كێمتر ل دو مەهان دا، هێرشێن بەرفرهێن سوپایێ ئیراقێ تێكشكاندن كو ئەڤە د دەمەكێ دا بوو كو رژێما بەعس، ل گەل هەموو شیانێن لەشكری و چەكێ كیمیاوی، دخواست ئیرادەیا پێشمەرگەی بشكێنیت.
ل ١٩ێ تەمموزا ١٩٨٨، رژێما بەعس ب مەرەما ڤالاكرنا دەڤەرێن ئازادكری یێن شۆرشا كوردستانێ، هێرشەكا بەرفرەه بۆ سەر خواكوڕكێ دەستپێكر و پێشمەرگێن لەشكرێ شۆرشگێرێ كوردستانێ ب سەركردایەتیا راستەوخۆ یا سەرۆك مەسعود بارزانی، ل هەنبەر سوپایەكێ راوەستان كو د وی دەمی دا ب «پێنجەم سوپایا جیهانێ» دهاتە ناساندن.
پێشمەرگەی ژبلی شكاندنا هێرشێ، دەستكەفتێن مەزن د وارێ چەك و تەقەمەنیان دا بدەستڤەئینان و وێ تێگەهشتنا بەغدا پوچ كر كو دخواستن ب راگرتنا شەڕێ ئیراقێ – ئیرانێ، شۆرشا كوردستانێ ژی دویماهی پێ بینن و د دەمەكی دا كو رژێمێ زنجیرە هێرشێن ئەنفالێن بێ رەوشت و كیمیا بارانكرنا هەلەبجە ئەنجامدابوون و خواكوڕك بوو مزگینیا مان و نەمانێ و سەرەرای كاڤلكرنا گوندان و ئاوارەكرنا خەلكی، بەرەڤانیا پێشمەرگەی ل خواكوڕكێ، ب هێزترین پەیاما بەرخۆدانێ بوو بۆ هەموو جیهانێ كو پەیاما سەربەخۆیا خەباتا رەوا یا كورد و گیانێ بەرەڤانیێ تێدا دەركەفت.
ل ١٤ێ تەباخا ١٩٨٨، د ناڤ سەنگەرێن بەرەڤانیێ دا، پەیڤا سەرۆك بارزانی بۆ پێشمەرگەی بوو خالەكا وەرچەرخانێ و سەرۆك بارزانی پێشبینیا وێ چەندێ كر كو د ماوەیەكێ كێم دا رەوشا ناڤخۆیی یا ئیراقێ ب گشتی دێ هێتە گوهۆرین و رژێم دێ تووشی قەیرانێن ئابووری و جڤاكی بیت و یان دێ ناچاربیت ب خۆدا بچیت یان دەست ژ سوپایێ خۆ بشۆت و ئەڤ پەیڤە نەبتنێ رێنماییەكا لەشكری بوو، بەلكو دیتنەكا سیاسی یا دویربین بوو، كو گڕوتینەكا مەزن دایە بەر دلێ پێشمەرگەی بۆ سەركەفتنێ ل هەنبەر ستەمكاریێ.
داستانا خواكوڕكێ دیتنا سیاسی یا شۆرشا كوردستانێ سەلماند كو ئیرادەیا مللەتێ كورد، چەند زۆرداری ل سەر بهێتەكرن، هەر یا بەردەوامە و دێ هەر یا سەركەفتنێ بیت و ئەڤڕۆ، كو هەرێما كوردستانێ وەك كیانەكێ فەرمی و دەستووری ل سەر نەخشەیێ سیاسی یێ جیهانێ دیارە، ئەم دشێین بێژین كو ئەڤ ئیرادەیا ل خواكوڕكێ ل هەنبەر رژێمەكا دیكتاتۆر راوەستیای، بوویە بنیاتێ دەولەتبوونێ و پێشكەفتنێ و سیاسەتا حەكیمانەیا سەرۆك مەسعود بارزانی، كو ل خواكوڕكێ ب ئیرادەیا شەڕی دەستپێكری، ئەڤڕۆ ب رێكا دپلۆماسیەتێ، پاراستنا ئێكگرتنا هەرێمێ، و ئاڤەدانكرنا ڤێ ئاخێ یا بەردەوامە و ئەو ئازادیا ئەم ل كوردستانێ دبینین، د ناڤ رەوشەنبیری، ئازادیا دەربڕینێ و پێشكەفتنا ئابووری دا، هەموو د درێژاهیا وێ خەباتێ دانە كو سەركردایەتیا سەرۆك بارزانی ب دیتنا خۆ یا ستراتیژی، كوردستان ژ قەیرانێن نێڤدەولەتی پاراست و ب رێیەكا ئارام بەر ب پاشەرۆژەكا گەشتر بر.

]]> https://rojnameyaevro.com/ku/%d8%ae%d9%80%d9%88%d8%a7%d9%83%d9%80%d9%88%da%95%d9%83%d8%9b-%d8%a6%d9%80%db%95%d9%81%d8%b3%d8%a7%d9%86%d9%80%db%95%db%8c%d8%a7-%d8%a6%db%8c%d8%b1%d8%a7%d8%af%db%95%db%8c%d8%a7-%d9%86%d9%80%db%95/266370/feed/ 0 دبلۆماسیيا گوپیتكی، كەتواركرنا تەباییێ و ڤەگەڕاندنا باوەریێ د ناڤبەرا پـارتـی و ئێكەتـیێ دا https://rojnameyaevro.com/ku/%d8%af%d8%a8%d9%84%db%86%d9%85%d8%a7%d8%b3%db%8c%d9%8a%d8%a7-%da%af%d9%88%d9%be%db%8c%d8%aa%d9%83%db%8c%d8%8c-%d9%83%db%95%d8%aa%d9%88%d8%a7%d8%b1%d9%83%d8%b1%d9%86%d8%a7-%d8%aa%db%95%d8%a8%d8%a7/266137/ https://rojnameyaevro.com/ku/%d8%af%d8%a8%d9%84%db%86%d9%85%d8%a7%d8%b3%db%8c%d9%8a%d8%a7-%da%af%d9%88%d9%be%db%8c%d8%aa%d9%83%db%8c%d8%8c-%d9%83%db%95%d8%aa%d9%88%d8%a7%d8%b1%d9%83%d8%b1%d9%86%d8%a7-%d8%aa%db%95%d8%a8%d8%a7/266137/#comments Tue, 14 Jul 2026 22:47:44 +0000 https://rojnameyaevro.com/ku/?p=266137 دلۆڤان ئاكرەیی

د دەمەكێ دا كو پرۆسێسا سیاسی ل هەرێما كوردستانێ پێدڤی ب پێداچوونەڤێ و نووكرنا وزەیا حوكمڕانیێ هەیە، ڕەزامەندیا هەردو جەمسەرێن سەرەكی یێن بڕیارێ (پارتی دیموكراتی كوردستان و ئێكەتی نیشتمانیی كوردستان) ل سەر ئەنجامدانا كۆمبوونا گوپیتكی، وەك وەرچەرخانەكا ستراتیژی و گرنگ دهێتە لێكدان.
ئەڤ كۆمبوونا گوپیتكی، ئەنجامێ دەستپێشخەرییا فەرمی و بەردەوام یا جەنابی سەرۆك مەسعود بارزانی بەر ب قۆناغا كەتواربوونێ چوویە، هیڤی و گەشبینیەكا نوو د ناڤ تەخ و چینێن جڤاكی دا پەیدا كریە، ل سەر ئاستێ بلند، جەنابی سەرۆك مەسعود بارزانی ژ لایێ پارتی ڤە و بافڵ جەلال ژ لایێ ئێكەتی ڤە ڕەزامەندیا خۆ ل سەر ڤێ كۆمبوونێ دیاركریە.
ب سازكرنا ڤێ كۆمبوونێ، دێ دوبارە ئاڤاكرنا باوەریا دەنگدەری زڤریت و ئەو بەربەستێن سیاسی یێن كەڤن یێن بووینە ئەگەرێ سستبوونا باوەریێ ل دەف وەلاتیان دێ خاڤ بن و ژ ناڤ چن و ئەڤ گوپیتكە دیالۆگە دێ پڕێن ڤەكۆلینێ و پشتڕاستیێ د ناڤبەرا جەماوەر و بڕیاردەران دا نوو كەتەڤە و پەرلەمان وەك ناڤەند و هێمایێ شەرعی یێ تەبایێ، دێ ببیتە مەیدانا گۆتۆبێژ و لێكگۆهۆرینا نێرین و بۆچوونان، دا كو یاسادانان پاشكۆیا ململانێیان نەبیت، هەروەسا ئاڤاكرنا حوكمەتەكا هەڤپشك، بهێز و دلسۆز پێدڤی ب وێ چەندێ هەیە كو دەروازەیێ پێكهێنانا كابینەیا نوو د ناڤ هۆلا پەرلەمانی دا و ب دیالۆگەكا شەفاف بهێتە دیاركرن.
بۆ سەرخستنا ڤێ پرۆسێسێ، ئێكگرتن و تەبایی ڕێكا ڕزگاربوونا ڕاستەقینە یە و ئاڤاكرنا حوكمەتەكا نوو و نیشتیمانی، پێدڤی ب پالپشتی و پشتەڤانیكرنا هەمی حزب و لایەنێن سیاسی یێن كوردستانێ هەیە، دا كو ب ئێك دەنگ و ئێك هەلوەست بەر ب پاشەڕۆژێ بچن و د ڤێ چارچووڤەیێ دا، ڕۆلێ دیرۆكی و نیشتیمانی یێ پارتی دیموكراتی كوردستان وەك هێزا پێشەنگ یا گۆڕەپانێ دیار دبیت؛ چونكی پارتی هەردەم بەرژەوەندیا بلند یا نیشتیمانی كێشایە پێش بەرژەوەندیێن حزبی و ڕەنگە ئەڤ جارە ژی، بۆ پاراستنا دەستكەڤتێن دەستووری یێن هەرێما كوردستانێ و بۆ بهێزبوونا ناڤمالیا كوردی، پارتی ئامادە بیت دەستان ل پشكەك ژ شایستە و مافێن خۆ بەردەت و ئەڤ نەرمیبوونا سیاسی، نیشانا بەرپرسیاریەتەكا مەزنە بۆ بەرهەمهێنانا تەباییەكا بەردەوام.
كۆمبوونا گوپیتكی د ناڤبەرا پارتی و ئێكەتی دا، بتنێ ڕێككەفتنەكا حزبی نینە، بەلكو مەتالەكێ پۆلایینە بۆ پاراستنا قەوارەیێ دەستووری یێ هەرێما كوردستانێ ل هەنبەر لێشاوا گوهۆرینێن جیوپۆلۆتیكی یێن دەڤەرێ. ئەنجامدانا ڤێ كۆمبوونا گوپیتكی دێ سەلمینیت كو ئەقلێ داهێنەر و بەرپرسیاریەتیا نەتەوەیی، هەردەم باشترین بژاردەیە بۆ ڤەدیتنا خالێن هەڤپشك.
ب ڤێ گۆتارا مێدیایی و ڕەوشەنبیری، ئەڤ پێنگاڤە دێ ڕێ خۆش كەت بۆ وێ چەندێ كو كابینەیا دەهێ ب ڕوئیەتەكا نوو، بەهێز و بەرهەمدار پێشوازیێ ل مافێن ڕەوایێن وەلاتیان بكەت؛ دا كو سەرۆكێ كاروانێ ئاڤەدانیێ، بەرێز مەسرۆر بارزانی، پاپۆرا پرۆژەیان ل هەمی باژێر و باژارۆكێن كوردستانێ ڕاگریت و هەمی دەڤەر ئاڤەدانی و ڤەژاندنا زێدەتر ب خۆڤە ببینن.

]]> https://rojnameyaevro.com/ku/%d8%af%d8%a8%d9%84%db%86%d9%85%d8%a7%d8%b3%db%8c%d9%8a%d8%a7-%da%af%d9%88%d9%be%db%8c%d8%aa%d9%83%db%8c%d8%8c-%d9%83%db%95%d8%aa%d9%88%d8%a7%d8%b1%d9%83%d8%b1%d9%86%d8%a7-%d8%aa%db%95%d8%a8%d8%a7/266137/feed/ 0