Rojnameya Evro » درباس مسته‌فا https://rojnameyaevro.com/ku Tue, 26 May 2026 11:48:54 +0000 ar hourly 1 https://wordpress.org/?v=4.0.38 پـارتـی مولكێ هەمی كـوردسـتانێ‌ یـە https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d9%85%d9%88%d9%84%d9%83%db%8e-%d9%87%db%95%d9%85%db%8c-%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86%db%8e%e2%80%8c-%db%8c%d9%80%db%95/255055/ https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d9%85%d9%88%d9%84%d9%83%db%8e-%d9%87%db%95%d9%85%db%8c-%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86%db%8e%e2%80%8c-%db%8c%d9%80%db%95/255055/#comments Mon, 03 Nov 2025 21:19:44 +0000 https://rojnameyaevro.com/ku/?p=255055 د. درباس مستەفا

هەر ژ دەمێ دامەزراندنا پارتیا دیمۆكراتا كوردستانێ و هەتا ئەڤرۆ، پارتی د خزمەتا هەمی تەخ و چینێن گەلێ كوردستانێ دا بوویە، ئەوێ خوە ژ بەرەڤانیكرن و هاریكاریێ و قوربانیدانێ نەدایە پاش، هەردەم د چەپەرێن بەرەڤانیێ ژ ئیرادە و كەرامەتا خەلكێ خوە بێی جوداهیا هزر و بیرێن ڤی جەماوەری دا بوویە، ئانكو پارتی د ناڤ جڤاكێ دا چو جاران بەرەڤانی ژ ئەندامێن خوە ب تنێ نەكریە، بەلكو پارێزڤانا هەمی خەلكێ كوردستانێ د هەر ئالیەكی دا بوویە، بێی ل بەر چاڤگرتنا هزر و بیران یان ئایدیۆلۆژیێن جودا ژ رێبارا پارتی و بارزانی.
هەر نەخوەشیەك، دەردەسەریەك و ئاتافەك ب سەر ڤی مللەتی دا هاتبت، پارتی ل نیڤا مەیدانێ ل بەرانبەر راوەستیایە و ل بەرخوەدایە و نەهامەت ژ سەر خەلكی دایە ئالیەكی و بزاڤكرینە ب رەحەتی ڤی كاروانی بگەهینتە كنارەكی تەنا و ئارام، قوربانی و خوەگۆریكرنێن پارتی د ڤی واری دا نائێنە هەژمارتن، شۆرەشێن كوردی ژی ڤێ دیدەڤانیێ بۆ پارتیا دیمۆكراتا كوردستانێ ددن كو د هەمی واران دا سەركێش و سەروەر بوویە.
دەمێ ئەم ل دیرۆكا بزاڤا ئازادیخوازار گەلێ كورد دنێڕن، ئەم پارتی ب تنێ د قادا خەباتێ دا دبینن كو تاكە حزبە بەرەڤانی ژ خەلكێ كوردستانێ كری و شەهید و قوربانی بۆ داین، ژ بۆ پاراستنا گەلێ كورد ژ هەمی دژمن و نەیاران، تاكە حزبا كوردیە هەر ژ رۆژا دامەزراندنا خوە و هەتا ئەڤرۆ ژی سەنگەرێن بەرخوەدانێ بەرنەداینە و چەپەرێن خوە نەگوهۆڕینە و چو جاران خیانەت ل ئەڤی مللەتی نەكریە و هەردەم ئارمانجا پارتی رزگاركرنا گەلێ كوردستانێ ژ دژمنان و ئاڤاكرنا دەولەتا كوردی بوویە..
دەستكەڤتێن پارتی بۆ مللەتی د هەمی بیاڤان دا د دیار و ئاشكرانە، بەرهەمێ خەباتا وێ حوكمەت و پەرلەمانە، ریفڕاندۆم و شۆرەشێن ئیلۆنێ و گولانێنە، سەرۆكێ پارتی رێبەر و رێناس و لێڤەگەرێ تەڤ كوردانە، لەوما ل سەر مە پێدڤیە ئەم وەكو مللەت ژی مافێ پارتی ژ سەر ملێن خوە راكن، ئەو ژی چۆنا مەیە بۆ سەر سندۆقێن هلبژارتنان ل رۆژا دەنگدانێ و هلبژارتنا نوونەرێن پارتی بۆ پەرلەمانێ ئیراقێ یە، گەلەك گرنگە ئەم دلسۆز و وەفادار بن ل گەل پارتیا خوە و وێ خوینێ ژ بیر نەكن یا ژ بۆ مە وەك مللەتێ كورد رێتی، ب هەمی هێزا خوە ڤە بەرەڤانی ژ ڤی مللەتی كری، هەر ژ شۆرشێن ئیلۆن و گولانێ و هەتا گەهشتیە سەرهلدانێ و شەڕ داعشێن تیرۆرست و تۆماركرنا داستانێن پردێ و سحێلا كو بووینە خالێن وەرچەرخانێ د ناڤ شۆرەشا گەلێ مە دا و هەبوون و كەرامەتا مللەتێ كورد ژ دژمنان پاراستی و بۆ هەمی دۆست و دژمنان سەلماندی كو ب تنێ پارتیە بەرەڤانیێ ژ هەبوونا گەلێ كورد و قەوارەیی وی یێ سیاسی دكت كو حوكمەت و پەرلەمانێ كوردستانێ نوونەراتیا ڤێ یەكێ دكن و حوكمداریا هەرێما كوردستانێنە.
دەنگدانا مە ل رۆژا 11 چریا ئێكێ بۆ پارتی، چپكەك ژ وەفاداری و دلسۆزیێیە بۆ خوینا شەهیدان و ئەڤێ پارتیا پێشەنگ یا بەردەوام كار و خەباتێ بۆ مللەتی د هەمی واران دا پێشكێش دكت، لەورا دبێژم كوردستان مولكێ پارتیە، ژ بەر كو هەردەم پارتیە پارێزڤانی ل ڤی مللەتی كری، هەر و هەر یا بەرهەڤە هەر قوربانیەكا هەبت گۆری ڤی مللەتی و دەستكەڤتێن وی بكت. ب دەستڤەئینانا پتریا دەنگێن هەرێما كوردستانێ‌ و دەڤەرێ ژ دەرڤەی ئیدارەیا هەرێمێ دێ پارتی ب هێزتر كت، ئەڤە ژی دێ پارتی ل بەغدا ب هێز ئێخت و دێ بتە ئەگەرێ ب هێزبوونا كوردان ل بەغدا، هەروەسا ب هێزبوونا پێگەهێ حوكمەتا هەرێما كوردستانێ ژی بەرانبەر بەغدا و دێ هەمی كوردان ل پەرلەمانێ ئیراقێ پێگەه و پەیڤا خوە هەبت.

]]> https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d9%85%d9%88%d9%84%d9%83%db%8e-%d9%87%db%95%d9%85%db%8c-%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86%db%8e%e2%80%8c-%db%8c%d9%80%db%95/255055/feed/ 0 ئه‌ده‌بیات ل سه‌ر ده‌مێ كۆرۆنایێ https://rojnameyaevro.com/ku/%d8%a6%d9%87%e2%80%8c%d8%af%d9%87%e2%80%8c%d8%a8%db%8c%d8%a7%d8%aa-%d9%84-%d8%b3%d9%87%e2%80%8c%d8%b1-%d8%af%d9%87%e2%80%8c%d9%85%db%8e-%d9%83%db%86%d8%b1%db%86%d9%86%d8%a7%db%8c%db%8e/182245/ https://rojnameyaevro.com/ku/%d8%a6%d9%87%e2%80%8c%d8%af%d9%87%e2%80%8c%d8%a8%db%8c%d8%a7%d8%aa-%d9%84-%d8%b3%d9%87%e2%80%8c%d8%b1-%d8%af%d9%87%e2%80%8c%d9%85%db%8e-%d9%83%db%86%d8%b1%db%86%d9%86%d8%a7%db%8c%db%8e/182245/#comments Mon, 13 Jul 2020 19:33:32 +0000 http://evronews.net/ku/?p=182245 درباس مسته‌فا
پشتی ده‌ركه‌تنا ڤایرۆسێ كۆرۆنایێ ل باژێرێ ووهانا یێ چینێ و به‌لاڤبوونا وی ل پتریا وه‌لاتێن جیهانێ، خه‌لك نه‌چار كریه‌ كۆ د مالێن خوه‌دا بمینن و ژ مال ده‌رنه‌كه‌ڤن، ل گه‌له‌ك وه‌لاتان قه‌ده‌غه‌یا هاتن و چۆنێ ب ئێكجاری هاتیه‌ راگه‌هاندن و وه‌لات هه‌می هاتیه‌ كره‌نتینه‌كرن. ئه‌ڤ په‌شیكا كۆرۆنایێ یا ب سه‌ر جیهانێ دا هاتی، چو ئاتافێن وه‌كی وێ كوژه‌ك ب سه‌ر خه‌لكی دا نه‌هاتینه‌، ئه‌ڤێ چه‌ندێ ترس و خه‌مه‌كا مه‌زن بۆ خه‌لكی هه‌میێ چێكریه‌، جارا ئێكێیه‌ كۆ مرۆڤ ب ڤی ره‌نگی د مالدا بێنه‌ كره‌نتینه‌كرن و د ناڤ چار دیواران دا گرێدای بمینن، ئه‌ڤه‌ ژی بوویه‌ ئه‌گه‌ر كۆ خه‌لك ل شوونگره‌كی بگه‌رن، دا چه‌نده‌كێ خه‌م كۆڤان و ده‌ردێن خوه‌ پێ بره‌ڤینن.
شاعر و ئه‌دیب و نڤیسه‌ر هه‌می ده‌مان ژ خه‌لكه‌كی دی، پتر هه‌ست ب ئێش و ئازاران و نه‌خوه‌شیان دكن، هه‌ر زوو دشێن ب شێوه‌كێ جوان و په‌یڤێن نازك و ل هه‌ڤهاتی ده‌ربڕینێ ژ وێ ره‌وشێ بكن كۆ ئه‌و چه‌ند راسته‌وخوه‌ كارتێكرنێ ل یێ به‌رانبه‌ر بكت. هۆسا شاعران ده‌ست ب نڤیسینا شعر و حه‌یرانۆكان و هه‌تا كورته‌ چیرۆكان ژی كرن و ب به‌ژن و بالا كۆرۆنایێ به‌رهه‌مێن خوه‌ ڤه‌هینان، ئه‌ڤ به‌رهه‌مه‌ ژی ل تۆڕێن جڤاكی ب ره‌نگه‌كی به‌رفره‌ه هاتنه‌ به‌لاڤكرن، نه‌مازه‌ ل فێسبۆكێ و جه‌ماوه‌ره‌كی باش بۆ خوه‌ په‌یدا كر، هه‌تا گه‌له‌ك كه‌سێن نه‌شاعر ژی بزاڤكرن هنده‌ك په‌یڤێن جوان و لێكدای ل به‌رپه‌ڕێن خوه‌ یێن ئه‌لكترۆنی به‌لاڤ بكن.
هه‌كه‌ ئه‌م بپرسن و بێژن بۆچی شعرێ ده‌ستپێ كر؟ و زوو به‌لاڤ بوو، خه‌لكی پێشوازیه‌كا گه‌رم لێ كر…؟
یا خویایه‌ كۆ شعر ره‌گه‌زه‌كی ئه‌ده‌بیه‌، د ناخێ مرۆڤی دا هونه‌رێ جوانیێیه‌، په‌یڤێن نازك و شرین و سڤكن، ژ ده‌ڤی ده‌ردكه‌ڤن و ب دلی ڤه‌ دئێنه‌ نووساندن، ل ره‌وش نه‌خوه‌ش و ده‌راڤێن ته‌نگ، هێز و شیانان ددنه‌ مرۆڤی، هیڤی و ئومێدان په‌یدا دكن، ب ڤی ئاوایی شعرێ خوه‌ هاڤێته‌ مه‌یدانێ. ڤێ دیاردێ ب ره‌نگه‌كێ به‌رفره‌ه ل ناڤ تۆرێن جڤاكی ده‌نگڤه‌دا، تشتێ جوان و بالكێش، ب ئێش و ده‌رده‌سه‌ریێن ڤایرۆسێ كۆرۆنایێ ئیناینه‌ سه‌رێ خه‌لكی د ناڤ دا ره‌نگڤه‌دان، خوه‌شی و ئارامیه‌ك به‌خشی خوانده‌ڤانان، هۆسا خه‌لكه‌كی پێشواری ب گه‌رمی لێ كر…
تشتێ ل تورێن جڤاكی به‌لاڤ دبت، به‌رده‌وان ل جهێ خوه‌ نامینت، رۆژانه‌ یێ دئێته‌ نوو كرن و تشته‌كێ دی یێ جهێ وی دگرت، له‌وما مه‌ ل رۆژناما ئه‌ڤرۆ ب فه‌ر دیت كۆ ئه‌و تشتێ ئه‌ده‌بی (شعر، چیرۆك، په‌خشان، حه‌یرانۆك… هتد) ل سه‌ر هاتنا ڤایرۆسێ كۆرۆنایێ هه‌ر ژ ده‌ستپێكێ هاتیه‌ نڤیسین، ئه‌م گۆشه‌یه‌كێ بۆ ڤه‌كن و ل رۆژنامێ به‌لاڤ بكن، چنكو وه‌كو ئه‌رشیف و وه‌كو پشكه‌ك ژ ره‌گه‌زێن ئه‌ده‌بی یێ نڤیسی، هه‌ر و هه‌ر ل به‌رده‌ست دێ مینت، ڤه‌كۆله‌ر یان خوانده‌ڤان ژی، ل پاشه‌رۆێ دێ مفای ژێ بینن…
له‌ورا ئه‌م داخوارێ ژ هه‌می شاعر و چیرۆكنڤیس و نڤیسه‌ران ب گشتی دكن كۆ هه‌ر كه‌سه‌كێ تشته‌كێ جوان د ڤی واری دا نڤیسی بت، بۆ مه‌ بهنێرت دا ل رۆژنامێ به‌لاڤ بكن.
خودێ گه‌لێ مه‌ و هه‌می مرۆڤانیێ ژ ڤێ په‌شیكێ بپارێزت و جاره‌كا دی خوه‌شی و ته‌ناهی و هیڤیان ل هه‌می جیهانێ به‌لاڤ بكت.

]]> https://rojnameyaevro.com/ku/%d8%a6%d9%87%e2%80%8c%d8%af%d9%87%e2%80%8c%d8%a8%db%8c%d8%a7%d8%aa-%d9%84-%d8%b3%d9%87%e2%80%8c%d8%b1-%d8%af%d9%87%e2%80%8c%d9%85%db%8e-%d9%83%db%86%d8%b1%db%86%d9%86%d8%a7%db%8c%db%8e/182245/feed/ 0 دیاردا گۆتنێن كرێت نیشانا مرۆڤێن نساخه‌ https://rojnameyaevro.com/ku/%d8%af%db%8c%d8%a7%d8%b1%d8%af%d8%a7-%da%af%db%86%d8%aa%d9%86%db%8e%d9%86-%d9%83%d8%b1%db%8e%d8%aa-%d9%86%db%8c%d8%b4%d8%a7%d9%86%d8%a7-%d9%85%d8%b1%db%86%da%a4%db%8e%d9%86-%d9%86%d8%b3%d8%a7%d8%ae/112000/ https://rojnameyaevro.com/ku/%d8%af%db%8c%d8%a7%d8%b1%d8%af%d8%a7-%da%af%db%86%d8%aa%d9%86%db%8e%d9%86-%d9%83%d8%b1%db%8e%d8%aa-%d9%86%db%8c%d8%b4%d8%a7%d9%86%d8%a7-%d9%85%d8%b1%db%86%da%a4%db%8e%d9%86-%d9%86%d8%b3%d8%a7%d8%ae/112000/#comments Sun, 06 May 2018 18:05:24 +0000 http://evronews.net/ku/?p=112000 درباس مسته‌فا
دیاردا گۆتنا قه‌سه‌ و خه‌به‌رێن كرێت و شكاندنا خه‌لكی، نه‌ ژ كه‌لتورێ ده‌ڤه‌را به‌هدینانه‌، دبت ئه‌ڤ دیارده‌یه‌ پتر ل ناڤ ده‌ڤه‌رێن كرمانجیا ژێری و ب تایبه‌تی ل تۆرێن جڤاكی هه‌بت!
حزب و رێكخستی و سه‌نته‌ر و.. هتد، ئه‌وێن ل ده‌ڤه‌رێن كرمانجیا ژێری ژ كه‌ڤن وه‌ره‌ و یێن ل ڤان دوماهیان ژی هاتینه‌ دانان، نه‌شیاینه‌، ب دروستی جهێ پێن خوه‌ ل ده‌ڤه‌را به‌هدینان بكن!له‌وما به‌رده‌وام بزاڤ و خه‌بات كرینه‌ ب هه‌ر رێیه‌كا هه‌بت، هه‌بوونا خوه‌ ل ده‌ڤه‌رێ بچه‌سپینن، لێ نه‌شیاینه‌، ئه‌ڤه‌ ژی دبت بۆ چه‌ند ئه‌گه‌ران بت (مه‌ نه‌ڤێت ئه‌م ل ڤێرێ به‌حسێ ڤان ئه‌گه‌ران بكن، چنكو نه‌ بابه‌تێ مه‌یه‌)، لێ ل سه‌رده‌مێ به‌رفره‌هبوونا ده‌زگه‌هێن میدیایی و ب تایبه‌تی سۆشیال میدیایێ، وان شیان ب سانه‌هی بگه‌هنه‌ تاكێ ده‌ڤه‌را به‌هدینان و هزروبیرێن خوه‌ و ئه‌وا وان ڤیایی ب ڤێ رێیێ زووتر ب سانه‌هیتر ل ناڤ خه‌لكی به‌لاڤ بكن.
هه‌ر كه‌سه‌كێ پچه‌كێ ل ره‌وشتێ تاكێ ده‌ڤه‌را به‌هدینان شاره‌زابت، دزانت كه‌سه‌كه‌ گه‌له‌ك رێزێ ل یێ به‌رانبه‌ری خوه‌ دگرت، ب چو ره‌نگان زوو ب زوو بێی ئه‌گه‌ر وی ناشكێنت و قه‌سێن كرێت نابێژتێ، هه‌لبه‌ت ئه‌ڤه‌ سیمایه‌كه‌ ل نك رێژه‌یا هه‌را پتر ل ده‌ڤه‌را به‌هدینان، ب دیتنا من گۆتن و شكاندنا ئێكدو پتر ل ده‌ڤه‌را كرمانجیا ژێری (سۆرانى ئاخێڤ) یا به‌ربه‌لاڤه‌، ژ به‌ر كو ده‌مێ وان نه‌شیایی ب رێیا سیاسه‌ت و ئایدیۆلۆژیێن خوه‌ یێن جودا جهێ خوه‌ د ناڤ خه‌لكی دا بكن، هۆسا سه‌متا خوه‌ گوهارتن و ب رێیا تۆرێن جڤاكی شیاین ئه‌وا د دلێ وان دا د ناڤ خه‌لكی دا به‌لاڤ بكن، ئه‌و ژی شكاندنا یێ به‌رانبه‌ر و گۆتنا قه‌سه‌ و خه‌به‌رێن كرێت و نه‌جوان، هه‌تا دگه‌هته‌ وی راده‌ی گه‌له‌ك جاران ب بێ به‌ختی به‌حسێ شه‌ره‌ف و نامووسا كه‌سێن دیارێن جڤاكی دكن، گونه‌ها وان چنكو نه‌ ل گه‌ل حزب یان رێكخستی یان ژی هزروبیرێن وانن.
ئه‌ڤرۆ هه‌كه‌ ئه‌م ل تۆرێن جڤاكی و ب تایبه‌تی ل فێسبۆكێ و وان سایت و په‌یچێن (وان یان یێن سیبه‌ر و نێزیكی وان) دێ ڤێ دیاردا ب ترس و نه‌شرین ب رۆهنی و ئاشكرایی بینن.
د ناڤ تۆرا جڤاكی دا ب هزاران كه‌سان بۆ خوه‌ فێسۆك و تویته‌ر و.. هتد، یێن چێكرین و گه‌له‌كان ناڤێن ئاشۆپی و ناسناڤێن (گوند، باژێر، عه‌شیره‌ت و.. هتد)دا بۆ خوه‌ داناینه‌! ڤێجا پتریا خه‌لكی ڤان كه‌سان نانیاست، چنكو نه‌ ناڤێن دروستن و د بێ بنیاتن، له‌وما وێره‌كی بۆ چێدبت و هه‌ر قه‌سه‌كا كرێت بێته‌ به‌ر ده‌ڤێ وان دبێژنه‌ خه‌لكی. بۆ نموونه‌، ئێكی كه‌ره‌ب ژ یێ دی ڤه‌دبن یان حزب و ئالیێن جودا یێ پالدایی كه‌سه‌كی تایبه‌ت بشكێنت، ڤێجا ئه‌ڤ كه‌سه‌ (به‌رپرسه‌كی سیاسی یان یێ حوكمه‌تێ بت، یان ژی هه‌ر تاكه‌كێ دی یێ جڤاكێ بت)، لێ نه‌ ل گه‌ل هزروبێن وان بت، ب ره‌نگه‌كێ گه‌له‌ك كرێت و بێ ره‌وشت دێ به‌حسێ ڤی كه‌سی كن و ب ده‌هان تشتێن دره‌و و نه‌وه‌یی دێ ب دووڤه‌نن، هه‌تا د گه‌له‌ك حاله‌تان دا به‌حسێ نامووسا وی ژی دكن، هۆسا هه‌می هه‌ڤال و لایه‌نگه‌رێن وان ئه‌و ژی ب كۆره‌یی، دێ په‌سنا گۆتنێن ئه‌ڤێ قه‌سه‌سه‌قه‌ت كن، بێی كو وان ئێك پێزانین ژی ل سه‌ر وی كه‌سی هه‌بن و هه‌می دبنه‌ ده‌هۆل قوتێن كه‌سێ خراب و پشته‌ڤانێن ئاخڤتنێن وی، نه‌ ژ به‌ر تشته‌كی، ب تنێ سایتێ حزبا وان یان كه‌سانه‌كی پالدایێ وان یێ ب ڤێ كریارا كرێت رابووی!.
ئه‌ڤه‌ دیارده‌كا ب ترسه‌، رۆژانه‌ یا ل ده‌ڤه‌را مه‌ زێده‌ و به‌ربه‌لاڤ دبت! ئه‌ڤ كه‌سێن ب ڤی ره‌نگی د ده‌روونێ خوه‌دا د نه‌خوه‌شن و هه‌كه‌ چاره‌ك بۆ نه‌ئێته‌ دانان دێ جڤاكێ هه‌میێ ڤه‌گرت، ره‌وش پتر دێ به‌ر ب ئالۆزیێ ڤه‌ چت، هه‌روه‌سا دێ بنه‌ ئه‌گه‌رێ نه‌ئارامیا جادێ ژی، به‌رده‌وام خه‌لك دێ دودل و نیگه‌ران بت و كه‌ساتیا تاكی ژی دێ یا هه‌ژهه‌ژۆك بت و ئێدی زوو ب زوو باوه‌ری ل نك وی نامینت.له‌ورا دبێژم: هه‌ر تاكه‌كی د ناڤ دڤاكێ دا و ل هه‌ر ئاسته‌كی جهێ رێز و حورمه‌تێیه‌، نابت ب سانه‌هی و ل دووڤ گێول و حه‌زا هنده‌كان رێز و كه‌رامه‌تا وی دبن هه‌ر بهانه‌كێ دا بێته‌ شكاندن، هیڤیه‌ ئه‌م رێزی ل ئێكدو بگرن و هه‌كه‌ مه‌ دیتن و تێبینیێن جودا ل سه‌ر هه‌ر ئێكی هه‌بن، ب رێیا گه‌نگه‌شه‌ و ره‌خنه‌یا ئاڤاكه‌ر و كه‌رب و كینێ و دوور ژ شكاندنێ ئه‌م ل هه‌ڤدو بگرن و چاره‌سه‌ریان ژی ژێرا بدانن..

]]> https://rojnameyaevro.com/ku/%d8%af%db%8c%d8%a7%d8%b1%d8%af%d8%a7-%da%af%db%86%d8%aa%d9%86%db%8e%d9%86-%d9%83%d8%b1%db%8e%d8%aa-%d9%86%db%8c%d8%b4%d8%a7%d9%86%d8%a7-%d9%85%d8%b1%db%86%da%a4%db%8e%d9%86-%d9%86%d8%b3%d8%a7%d8%ae/112000/feed/ 0 سه‌یدایێ جه‌گه‌رخوین د ناڤبه‌را دینداریێ و نه‌ته‌وه‌په‌رستیێدا https://rojnameyaevro.com/ku/%d8%b3%d9%87%e2%80%8c%db%8c%d8%af%d8%a7%db%8c%db%8e-%d8%ac%d9%87%e2%80%8c%da%af%d9%87%e2%80%8c%d8%b1%d8%ae%d9%88%db%8c%d9%86-%d8%af-%d9%86%d8%a7%da%a4%d8%a8%d9%87%e2%80%8c%d8%b1%d8%a7-%d8%af%db%8c/71007/ https://rojnameyaevro.com/ku/%d8%b3%d9%87%e2%80%8c%db%8c%d8%af%d8%a7%db%8c%db%8e-%d8%ac%d9%87%e2%80%8c%da%af%d9%87%e2%80%8c%d8%b1%d8%ae%d9%88%db%8c%d9%86-%d8%af-%d9%86%d8%a7%da%a4%d8%a8%d9%87%e2%80%8c%d8%b1%d8%a7-%d8%af%db%8c/71007/#comments Tue, 01 Nov 2016 06:47:01 +0000 http://evronews.net/ku/?p=71007 سه‌یدایێ جه‌گه‌رخوین ئێك ژ شاعرێن كورد یێن خه‌باتكه‌ر وشۆره‌شگێره‌ كو هه‌مى ژیانا خوه‌ بۆ ئازادى و رزگاریا كورد و كوردستانێ ته‌رخانكریه‌. دیوانا (خوه‌شخوان) كو ڕامانا وێ ئه‌وه‌ (شعرێن بژاره‌، یان ژێگرتی، یان هلبژارتی) ئه‌ڤه‌ دیوانا وى یا ئێكێ بوویه‌، ل سالا 1927ێ یا هاتیه‌ نڤیسین. لێ بۆ ده‌مێ چه‌ندین سالان به‌رزه‌بوویه‌، و ل نك مه‌لایه‌كى هاتیه‌ دیتن، كو ئه‌وى ل نك خوه‌ پاراستبوو، لێ به‌ری مالئاڤاهیا جه‌گه‌رخوینى دایه‌ ده‌ست وى، پاشی ئه‌وى ژی جاره‌كا دى ئه‌ڤ دیوانه‌ نووژه‌نكریه‌ڤه‌. ئه‌ڤ دیوانه‌ ب هه‌لكه‌ڤتا بۆرینا 32 ل سه‌ر مالئاڤاهیا وى بۆ جارا ئێكێ ل 2016 ل دهۆكێ هاتیه‌ چاپكرن.
چه‌ند پرسیاره‌ك ل دۆر ڤێ دیوانێ:
*ل ده‌ستپێكا دیوانێ جه‌گه‌رخوین دبێژت كو وى ئه‌ڤ شعره‌ به‌رى (40-50) سالان یێن نڤیسین، ئانكو ل دووماهیا سالێن حه‌فتیان ئه‌ڤ دیوانه‌ یا هاتیه‌ دیتن. ل ڤێرێ پرسیار ئه‌وه‌، بۆچى هه‌تا وى ده‌مى ل نك خوه‌ پاراستینه‌ و ل دووماهیێ جاره‌كا دى سه‌ر ژ نوو نڤیسینه‌ڤه‌؟ بۆچی هنده‌ك ژ وان شعران د ناڤ دیوانێن خوه‌دا به‌لاڤكرینه‌؟ جه‌گه‌رخوین د ڤێ دیوانێ دا چ تشت ئازراندینه‌ و بابه‌تێن وێ به‌حسێ چ دكن؟
* ئه‌رێ نه‌به‌لاڤكرنا وان شعران ژ به‌ر ناڤه‌رۆك یان روخسارێ وان بوویه‌؟ ئانكو ژ ئالیێ هزر و بیران ڤه‌ نه‌ ل ئاستێ پێدڤینه‌؟
دبت باوه‌ریا وى ب بابه‌تێن ناڤه‌رۆكا وان شعران هاتبته‌ گوهارتن، چونكو پتریا وان به‌حسێ دینینه‌. هه‌روه‌سا ب دیتنا مه‌ بارا پتر ژ به‌ر ناڤه‌رۆكا شعرانه‌، نه‌كو روخسارێ، ژ به‌ر كو ژ ئالیێ روخسارى و ناڤه‌رۆكێ ڤه‌ هنده‌ك شعرێن وى هه‌كه‌ ژ یێن به‌لاڤبوویی بلندتر نه‌بن، چو ژ ئاستێ وان كێمتر نینن. دیسا ره‌وشا جه‌گه‌رخوین یا ئابوورى و مادى هه‌رده‌م یا لاوازبوو، شیان نه‌بوون ل وى ده‌مى به‌رهه‌مێن خوه‌ چاپ بكت، هه‌كه‌ دا ڤان شعرا به‌لاڤ كت.

* گرنگیا به‌لاڤكرنا ڤان شعران:
1- گرنگیا وان ژ وێ چه‌ندێ دئێت، كو هێشتا جه‌گه‌رخوین ئایدیۆلۆژیا خوه‌ نه‌گوهارتیه‌، دیسا كا ل وى ده‌مى جه‌گه‌رخوین چاوا هزر دكر، ده‌مێ مه‌لا و د سه‌قایێ مزگه‌فتان دا دژیا، كو پتر هزرێن وى دینى و نه‌ته‌وى بوون، ئانكو هزركرنا وى ب گشتى د چ چارچۆڤه‌دا دزڤڕى و پاشى چ لێ هات.
2- ئه‌ڤ دیوانه‌ ده‌ستپێكا شاعریه‌تا جه‌گه‌رخوینى یه‌، ڤه‌كۆله‌ر و ره‌خنه‌گر دشێن پتر مفای ژ ڤێ چه‌ندێ ببینن، كا وی چاوا ده‌ست ب نڤیسینا شعرێ كریه‌.
3- هه‌روه‌سا هه‌كه‌ ئێكێ بڤێت بزانت، كا شعرا جه‌گه‌رخوین چاوا وه‌رار كریه‌ و قۆناغێن وه‌رارا شعرێن وى ژ ئالیێ ناڤه‌رۆك و روخسارێ چاوابوویه‌.
4- خالا گرنگ ئه‌وه‌، ئه‌ڤ دیوانه‌ قۆناغه‌كا ڤه‌شارتی ژ ژیانا جه‌گه‌رخوین بۆ مه‌ ئاشكرا دكت، كو هێشتا ئه‌و یێ دینداره‌، به‌رى كو هزر و بیرێن خوه‌ بگوهۆڕت.
5- هه‌كه‌ مرۆڤ ڤێ دیوانێ ل گه‌ل یێن وى به‌لاڤكرین ب تایبه‌ت یا (ئاگر و پرووسك و سه‌ورا ئازادی) به‌رهه‌ڤ بكت، قۆناغێن ژیانا وی یا هزرى و شعرى ژى دێ بۆ مه‌ خویا بن، چاوا؟ جه‌گه‌رخوین د ڤێ دیوانێ دا وه‌كو فه‌قی و مه‌لایه‌ك دئێته‌ به‌رچاڤ. لێ د دیوانا ئێكێ (ئاگر و پرووسك)دا ئالیێ شعرى ل نك جه‌گه‌رخوین پتر پێگه‌هشتیه‌، و ژ ئالیێ هزرى ڤه‌ ژى پتر چاڤێن وی ل دنیایێ ڤه‌بووینه‌ و یێ ژ چارچۆڤێ مزگه‌فتێ و سه‌قایێ فه‌قیاتی و گوندی ده‌ركه‌ڤتی، دیسا د دیوانا (سه‌رورا ئازادی)دا نیشانێن یاخیبوونێ ل نك جه‌گه‌رخوین دیار بووینه‌ و پتر یێ به‌ر ب ماركیسیه‌تێ ڤه‌ چۆیی و ل سه‌ر هزر و بیرێن خوه‌ یێن كه‌ڤن یێ یاخی بووی.

شرۆڤه‌كرنا چه‌ند نموونه‌كا ژ دیوانا خوه‌شخوان:
د ناڤبه‌را سه‌یدایێ جه‌گه‌رخوین و شێخ و مه‌لاندا هه‌رده‌م جڕه‌ و جه‌ده‌له‌كا ئه‌زه‌لى هه‌بوویه‌، ژ به‌ر كو ئه‌وى ره‌فتار و فێلێن وان باش دزانین، له‌وما جه‌گه‌رخوین به‌رده‌وام ره‌خنه‌ و گله‌ و گازنده‌ ژ وان دكرن. هۆسا ئه‌وى دیوانا خوه‌ ب شعرا (شێخ)ى ده‌ستپێكریه‌، وه‌كو دبێژت:

ئه‌ی شێخێ صاحبێ تاج
وه‌ی ره‌ببێ قه‌ومێ كورمانج

ماده‌م تو سه‌ر ب تاجی
چمان تو بێ ره‌واجی؟

هه‌تا..
پێ كه‌شف و ره‌مز و رازه‌ك

جنه‌ت بده‌ مه‌ گازه‌ك

هه‌رچی كۆ بوویه‌ شێخه‌
خوه‌دێ به‌لا خوه‌ لێخه‌

بپ 10 * ل دۆر مه‌لا ژى دبێژت:
دائم بكه‌ عیباده‌ت
بێ كێر و بێ عیناده‌ت

بگر ب شوور و قورئان
هێژا دبی مسلمان

بپ11
فه‌قی ژى وه‌كو سالكێ ته‌رقێ و هه‌رده‌م ل سه‌ر شۆپا سه‌یدایێ خوه‌ دچت، جاره‌كێ ب تنێ ژى هزرا خوه‌ ناكت، كو ب هوورى و كوورى به‌رێ خوه‌ بده‌ته‌ راستیان. له‌وما سه‌یدایێ جه‌گه‌رخوین گازندان ژ وان دكت و دبێژته‌ وان ب عه‌قل و سه‌بربن و باش بخوونن، دا هوون ببن سه‌رمیر و پاشا:
ئه‌ی فه‌قی ئه‌ی براده‌ر!
ئه‌ی خوه‌نده‌واری ئه‌زبه‌ر!

چمان تو پڕ دخوینی
مه‌حرووم ژ خه‌گ دمینی؟

هه‌تا…
چما نه‌بینی له‌ژژه‌ت

چما دكێشی ژلله‌ت؟

هه‌رچی كۆ ئه‌و فه‌قینه‌
بێ عه‌قل و بێ مه‌ژینه‌

بپ12
دیسا گازندا ژ شاه و سه‌ردارێن كوردان دكت، و دبێژت: هه‌كه‌ ژ راست هوون شاهن، نابت هوون خوه‌ بینه‌ رێزا شڤان و گاڤانان، یان كه‌سێن بێ ده‌ستهلات د ناڤ جڤاكێ دا، وه‌كو دبێژت:

پاشا ئه‌گه‌ر تو شاهی
بێ ته‌خت و بێ كولاهی

نابی تو ره‌نگێ گاڤان
سه‌ردارێ سه‌د ده‌واران

هه‌تا…
بێ حوكم و نه‌هی و ئه‌مری

هه‌تا نه‌خوه‌ش تو دمری

هه‌ر چی كۆ بوویه‌ پاشا
بزانه‌ ئه‌و نه‌ باشه‌

بپ 13
د ڤێ دیوانێ دا سه‌یدایێ جه‌گه‌رخوین مینا شاعرێن كلاسیكێن كورد، شعر ب پتر ژ زمانه‌كی نڤیسینه‌، ئانكو ب (كوردى، عه‌ره‌بی، فارسی و توركى)، وه‌كى دبێژت:
گه‌ر فورسی: (ازین جامى دلم تشدمست)

گه‌ر كوردی: وه‌رین جامێ مه‌یا ساده‌ و نووره‌ست
گه‌ر عه‌ره‌بی: (لا تقفوا كاس مدامی)
گه‌ر پڕ تو نزانی: مه‌سكنێ خه‌لقێ مه‌قامی

حاجه‌ت مه‌ ب مه‌ی نینه‌، ئه‌گه‌ر كۆمكی كوردا

بێ وه‌عڤ و نه‌صیحه‌ت ب ته‌بایی خوه‌ ب هه‌ڤ دا

بپ22
ل جهه‌كى دیتر دبێژت:
ما ده‌م وه‌یه‌ ئه‌ی دلۆ نه‌زانۆ

(هل تدری بما حكى اللسانُ؟)

فۆرتان تو مه‌كن ل ده‌ر جیهان ده‌م
(به‌ن توركچه‌، عه‌ره‌بچه‌ كوردچه‌ بیلمه‌م)

بپ 69
جه‌گه‌رخوین و دین:
هندی مه‌ جه‌گه‌رخوین د به‌رهه‌مێن خوه‌ یێن چاپكری دا نیاسی، هه‌رده‌م ژ هه‌می ئالیان ڤه‌ هێرش یێن كرینه‌ سه‌ر دینى و ئه‌و یێ ب ئه‌گه‌رێ سه‌ره‌كی یێ پاشڤه‌مانا كوردان ل قه‌له‌مدای، د پتریا دیوانێن خوه‌دا بیاڤه‌كی باش یێ دایه‌ شعرێن دینی و فه‌لسه‌فى… هتد. لێ د ڤێ دیوانێ دا مرۆڤ جه‌گه‌رخوینه‌كى جودا ژ هه‌مى به‌رهه‌مێن وى دبینت، مینا مرۆڤه‌كى خودێنیاس و دیندار خویا دكت، د چه‌ندین شعران دا په‌سنا خودێ و پێغه‌مبه‌رى و دینێ ئیسلامێ دكت، بۆ نموونه‌ دبێژت:
خوه‌شخوانێ دبێم ب ناڤێ باری

سه‌د جاری دكم ژ باری زاری

باری ژ مه‌ زێده‌یه‌ ب گوڤتار
په‌سنێ ته‌ بكم ب شبهێ ئه‌غیار

بپ68
دبێژت:
یا ره‌ب تو ب حه‌ققێ سه‌رمه‌دی كی

یا ره‌ب تو ب حه‌ققێ ئه‌حمه‌دی كی

یا ره‌ب تو ب حه‌ققێ چه‌رخێ گه‌ردوون
سه‌د عه‌فوێ بڕێژه‌ سه‌ر جه‌گه‌رخوون

بپ133
* سه‌یدایێ جه‌گه‌رخوین د ڤێ دیوانێدا دو شعرێن جوان ل سه‌ر پێغه‌مبه‌رێ مه‌ محه‌مه‌د (سلاڤێن خودێ ل سه‌ربن) نڤیسینه‌، كو ئه‌ڤ دیارده‌ د چو دیوانێن وی یێن دی دا نینه‌. یا ئێكێ ب ناڤێ (محه‌مه‌دێ پێغامبه‌ر) كو گه‌له‌ك ب جوانی په‌سنا وى دكت، و ب خوه‌شتڤی و شاهسوار سالۆخه‌ دكت. هه‌روه‌سا ب هیڤیه‌ كو ئه‌و رۆژا قیامه‌تێ شفاعه‌تێ بۆ وى بكت و ل گه‌ل خوه‌ ببته‌ به‌هشتێ، ده‌مێ دبێژت:
منم پڕ غه‌ریبم ژ دلبه‌ر فه‌له‌ك!

ژ هجرا حه‌بیبم د دل من په‌له‌ك

ژ وان چه‌شمێ ئه‌بله‌ق ژ دێمێ خرۆش
ل دل قه‌هوه‌یا ته‌لخێ من دایه‌ جۆش

 

بپ 21
هه‌ر دیسا د شعره‌كا دی دا هه‌ر ب ناڤێ (موحه‌ممه‌د په‌یغامبه‌ر) دبێژت:
ئه‌ی پادشه‌هێ ل ده‌ر مه‌دینی

وه‌ی خوسره‌وێ ته‌ختكێ ئه‌ڤینی

راجی به‌ ژ بۆ مه‌ ده‌ر حسابێ
دا باری نه‌كت ل مه‌ عیتابێ

مه‌علوومه‌ چما دخوم جه‌فائێ

بێ عه‌قل و هه‌وه‌س دكم سه‌مائێ

دا باری ژ من ببیته‌ راچى
وه‌ختێ كۆ دبی ژ بۆ مه‌ قاچى

بپ71
* جه‌گه‌رخوین د ڤێ دیوانێ دا ب كێ داخباره‌؟
داخباریا جه‌گه‌رخوین د ڤێ دیوانێ دا ب رۆهنی دیار دبت كو ب خانى یێ داخباربوو، و د بن كارتێكرنا وی دایه‌، نه‌مازه‌ ئه‌و شعرێن وی یێن نه‌ته‌وی، دیسا د بن بادۆرا مه‌یێ جزیری دایه‌، ل ده‌مێ نڤیسینا شعرێن دلداری و سۆفیگه‌ری، ل په‌ى شۆپا وى چۆیه‌..
میناك بۆ ل دووڤ شۆپا مه‌لایێ جزیرى:
الله؟! مه‌ ژ عه‌كسا صه‌نه‌مێ دی بوو ته‌جه‌لا

زانی مه‌ صه‌نه‌م ژات و عه‌ره‌چ تێك ب فه‌نایه‌

من وه‌خته‌ غه‌له‌گ پێشی صه‌نه‌م سه‌جده‌ ببرنا
له‌و نوورێ صه‌مه‌د ده‌ر صه‌نه‌مێ شوعله‌ ڤه‌دایه‌

بپ54
میناك بۆ لاساییكرنا ئه‌حه‌دێ خانى:
گه‌ر دێ هه‌بووا مه‌ ژی مه‌عاشه‌ك

بێ ئاڤ ب گه‌ڕاندنا مه‌ ئاشه‌ك

لێ من ژ خوه‌ ڕه‌ نه‌دی خودانه‌ك
هه‌تتا كو ڤه‌بی ژ من زه‌مانه‌ك

بپ 126
*د ناڤ هنده‌ك شعران دا ل دوماهیا وان مێژووا مشه‌ختى دانایه‌، ئه‌ڤه‌ ژى جهێ سرنج و دووڤچوونێ یه‌ كو ڤه‌كۆله‌ر ل دووڤ بچن و گرێیا وان مێژوویان ڤه‌كن، دا خویا بت كا ئه‌و مێژوو چنه‌، ئه‌رێ یێن نڤیسینا وان شعرانه‌، یان تشته‌كی دى نه‌؟ هه‌روه‌سا ل دوماهیا شعره‌كێ نڤیسیه‌ (26 سالی بووم)..
بۆ میناك دبێژت:
ڤێ ژ یاران هێڤی سه‌د جاری دكم

زێده‌ سه‌د شوكری ژ حه‌ق باری دكم

كو د هه‌شت و سێسه‌د و چل و هه‌زار

بوو ژ مووسایێ (هه‌ساری) ئه‌ڤ دیار

بپ123 دبێژت:
(أشهد بالله) نه‌دی من كه‌س ب مپلــێ ته‌ جوان

موخته‌صه‌ر ئین نوورێ چه‌شمێ سوخته‌ئێ حه‌سساری بوو

به‌س ب حه‌ققی خوه‌ گهشتم گه‌ر جه‌فا و گه‌ر به‌لا
عشقێ مووسا سێسه‌د و چلل و هه‌زار و چاری بوو
بپ41

ئه‌ڤه‌ و زێده‌بارى ب ده‌هان بابه‌تێن دى، وه‌كو (نه‌ته‌وى، غه‌زه‌ل، ئێكگرتن و هشیاركرنا ملله‌تێ كورد، خواندن و زانین، رووره‌شكرنا توركان، مه‌ینۆشى.. هتد).

]]> https://rojnameyaevro.com/ku/%d8%b3%d9%87%e2%80%8c%db%8c%d8%af%d8%a7%db%8c%db%8e-%d8%ac%d9%87%e2%80%8c%da%af%d9%87%e2%80%8c%d8%b1%d8%ae%d9%88%db%8c%d9%86-%d8%af-%d9%86%d8%a7%da%a4%d8%a8%d9%87%e2%80%8c%d8%b1%d8%a7-%d8%af%db%8c/71007/feed/ 0 كێ باكورێ كوردستانێ كاڤل و وێران كرPKKێ یان توركان؟! https://rojnameyaevro.com/ku/%d9%83%db%8e-%d8%a8%d8%a7%d9%83%d9%88%d8%b1%db%8e-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%83%d8%a7%da%a4%d9%84-%d9%88-%d9%88%db%8e%d8%b1%d8%a7%d9%86-%d9%83%d8%b1pkk%db%8e-%db%8c/65233/ https://rojnameyaevro.com/ku/%d9%83%db%8e-%d8%a8%d8%a7%d9%83%d9%88%d8%b1%db%8e-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%83%d8%a7%da%a4%d9%84-%d9%88-%d9%88%db%8e%d8%b1%d8%a7%d9%86-%d9%83%d8%b1pkk%db%8e-%db%8c/65233/#comments Sun, 12 Jun 2016 12:47:58 +0000 http://evronews.net/ku/?p=65233 شۆره‌ش و خه‌بات ل هه‌ر پارچه‌كا كوردستانێ، مافه‌كێ سروشتی و ره‌وایێ گه‌لێ كورده‌. شۆره‌ش و به‌رخوه‌دان ژ بۆنا ئازادی و سه‌رفرازیا گه‌له‌، ژ بۆ خوه‌شكرنا ژیانا هه‌می ملله‌تی و گه‌هشتنا ئارمانجانه‌، دا كو به‌ر ب كنارێن دووماهیێ یێن ته‌ناهیێ ڤه‌ ببه‌ت. هه‌كه‌ ئه‌و شۆره‌ش د به‌رژه‌وه‌ندیا ملله‌تی و پارستنا سه‌ر و مال و سامان و ژیانا وی دا نه‌بیت! شۆره‌ش به‌روڤاژی دژی ملله‌تیه‌، چونكو دێ زیان و نه‌خوه‌شی و ده‌ربه‌ده‌ری و مالوێرانیێ گه‌هینتێ، كو د راستی دا دڤێت ئارمانج و به‌رێخودانا وێ ئه‌و نه‌بیت.
دیمه‌نێ ڤێ دووماهیێ یێن باژێرێ گه‌ڤه‌ڕێ و به‌ری وی یێن گه‌له‌ك ده‌ڤه‌رێن دی یێن باكورێ كوردستانێ، ئاگری دئێخته‌ دل و جانێ هه‌ر كه‌سه‌كی، كو توركان چ ئینایه‌ سه‌رێ وان ده‌ڤه‌ران ژ مالوێرانی، كاڤلكرن، ده‌ربه‌ده‌ری و.. هتد. ل ڤێرێ چه‌ند پرسه‌ك وه‌كو كورده‌ك خوه‌ د مه‌ژیێ مرۆڤی دا دهلاڤێن، ئه‌رێ ل باكورێ كوردستانێ ئه‌ڤه‌ ئارمانجا شۆره‌شا كوردیه‌؟! ئه‌رێ ئه‌ڤه‌نه‌ ئه‌و سۆز و په‌یمان یێن PKK سه‌رێ چه‌ندین سالانه‌ دده‌ته‌ خه‌لكی؟ ئه‌رێ ئه‌ڤه‌ ئه‌و پلانن یێن رێبه‌رێن شۆره‌شێ – ئه‌وێن ژ درووشمێ خوه‌ یێ چه‌ندین سالان كوردستانا مه‌زن لێڤه‌بووین و ماینه‌ ب خوه‌سه‌ریا دیمۆكراتیك ڤه‌، كو كه‌س نزانیت چی یه‌، هه‌كه‌ ئه‌و ب خوه‌ نه‌بن- كو ل شوونا توركێن زالم و زۆردار كوردستانێ ژ ناڤببن و كاڤل بكه‌ن؟! ئه‌رێ شه‌رێ ل ناڤ مال و باژێران چ مفا گه‌هانده‌ خه‌لكی و دۆزا گه‌لێ مه‌ ل باكورێ كوردستانێ؟ ئه‌ڤه‌ و چه‌ندین پرسێن دی كو بێنه‌كرن، یا ژ هه‌میا گرنگتر ئه‌وه‌، كی ئه‌گه‌ربوو ئه‌ڤ چه‌نده‌ ل ناڤ باژێران بێته‌ ئه‌نجامدان، PKK یان حوكمه‌تا تورك؟!
هه‌كه‌ بزڤڕین چه‌نده‌كێ ب كورتی به‌حسێ شۆره‌شێن كوردی ل باشوورێ كوردستانێ بكه‌ین، كو ئێك تمامكه‌را یا دی بوویه‌، و ڤه‌قه‌تیان نه‌كه‌تیه‌ بزاڤا رزگاریخوازا گه‌لێ مه‌. ب درێژیا پتر ژ نیڤ چه‌رخی بارزانیێ نه‌مر سه‌ركێشێ شۆره‌شا كوردی بوویه‌، بزاڤ و خه‌باتێن بێ راوه‌ستیان كرینه‌، به‌ری هینگێ ژی شۆره‌شێن بارزان و یا شێخ مه‌حموود، چوجا ڤان شۆره‌شان شه‌ر و كوشتن نه‌ئیناینه‌ د ناڤ باژێران دا، كو ژ ئه‌گه‌رێ مال و مولكێ كاڤل و وێران ببت. دیسا ل شۆره‌شێن ئیلۆن و گولانا پێشكه‌ڤتنخواز ژی، كو گه‌له‌ك جاران پێشمه‌گه‌ و شۆره‌ش د گوپیتا سه‌ركه‌فتنێ دابووینه‌ و دربێن مه‌زن ل رژێما به‌عس ددان و د شیان دا بوویه‌ باژێرێن مه‌زن ژی بگرن و رزگار بكه‌ن، لێ ئه‌ڤ چه‌نده‌ نه‌دكرن، دا زیان نه‌گه‌هته‌ خه‌لكێ سڤیل و ده‌رفه‌ت بۆ دوژمنی په‌یدا نه‌بیت، ب بهانه‌یا هه‌بوونا پێشمه‌رگه‌ی ل ناڤ باژێران و شه‌ری بێخته‌ د باژێری دا و كوشتارێن مه‌زن ئه‌نجام بده‌ت و مالێن خه‌لكی خراب بكه‌ت و دزی و تالان و جه‌رده‌یێ بكه‌ت!
ئه‌ڤه‌ ژی خاله‌كا ئیجابیه‌ د ناڤ به‌رپه‌رێن پتریا شۆره‌شێن كوردی دا ل باشوورێ كوردستانێ، گه‌ره‌كه‌ ل باكور مفا بۆ خوه‌ ژێ وه‌رگرتبایه‌، نه‌به‌رۆڤاژی كربا! كو شه‌ر خسته‌ د ناڤ مال و باژێران دا، و ئه‌نجام ژی ئه‌م یێن ل سه‌ر شاشێن TV رۆژانه‌ دبینن، كا چ ب سه‌رێ خه‌لكێ هه‌ژار و په‌ریشان و بێ خودان دا هاتیه‌.
ئه‌ڤ شه‌رێن دووماهیێ یێن PKKێ ل باژێران كرین، ب تنێ زیان گه‌هاندیه‌ وه‌لاتیان و باژێرێن كوردان، ئه‌وان ئه‌و كر یا حوكمه‌تا توركیا دڤیا! كو هێجه‌ت و بهانه‌ك هه‌بیت، باژێرێن كوردان پێ خراب بكه‌ت، هه‌ر وه‌كی به‌ری هینگێ ب سه‌دان گوندێن كوردان كاڤل و وێرانكرین، ب بهانه‌یا هه‌بوونا PKKێ ل وان ده‌ڤه‌ران، لێ ل باژێران نه‌دكاری وێ یه‌كێ بكه‌ت، چونكو چو بهانه‌ و ئه‌گه‌ر د ده‌ست دا نه‌بوون. به‌لێ PKKێ ب سه‌رهشكی و نه‌رێزانیا خوه‌ و هه‌روه‌سا گوهدانا سه‌رانێن وێ بۆ كه‌سێن ده‌ره‌كی، ره‌وش ب ئاقاره‌كی نه‌دیارڤه‌ بر و رێ دا حوكمه‌تا زالما توركیا و سه‌رۆكێ وێ ئه‌ردۆگان، ئه‌وێ نه‌خوه‌شیا سولتانیێ گرتی، و خه‌ونان ب ڤه‌گێڕانا ده‌ستهه‌لاتا ئمپراتۆریا ئۆسمانی ڤه‌دبینت، كو هێریشان بینه‌ سه‌ر باژێرێن كوردان و كاڤل و وێران بكه‌ن.
هه‌ر چاوا بیت، ل گۆر دیتنا من PKK ئه‌گه‌رێ سه‌ره‌كی یێ ڤی شه‌رێ ل ناڤ باژێرانه‌. چاوا؟ ئه‌وێ دكاری پشتی تێكچوونا پرۆسا ئاشتیێ و نه‌مانا ئاگربه‌ستێ، جاره‌كا دی شه‌ری بزڤرینته‌ چیا، ب ره‌نگه‌كی وه‌سا كو چو زه‌ره‌ر و زیان نه‌گه‌هشتبانه‌ خه‌لكێ سڤیل.
هه‌رده‌م دوژمن و نه‌یارێن مه‌ كوردان د بیاڤێ ته‌كتیك و سیاسی دا، ژ مه‌ دشاره‌زا و زیره‌كترن، ژ به‌ر كو هندی سه‌ربورێن هاتینه‌ سه‌ر ملله‌تێ كورد، مه‌ بۆ خوه‌ چو مفا ژێ وه‌رنه‌گرتیه‌، ژ مه‌دحا پێڤه‌تر!! ئه‌م گه‌له‌ك د وارێ یاریێن سیاسی دا دخشیم و نه‌زانن، حوكمه‌تا تورك ب زانیبوون شه‌ر ب PKKێ دا كرن! لێ ئه‌ڤ جاره‌ چاوا شه‌ر ده‌ست پێ بكه‌ت؟ هه‌ر وه‌كو وێ دڤێت، ئانكو ل ناڤ باژێران بیت، دا كێمتر زیان ب حوكمه‌تێ بكه‌ڤیت و زیاندارێ مه‌زن ملله‌تێ كورد بیت! ب ڤی ئاوایی شه‌ری ده‌ست پێ كر، چه‌ندین باژێر وێران بوون، ب هزاران وه‌لاتی كۆچبه‌ر و ده‌ربه‌ده‌ر بوون و مولك و مالێن خوه‌ بجه هێلان، ب ده‌هان خه‌لكێ سڤیل و بێ گونه‌ه هاتنه‌ كوشتن.
ل دووماهیێ دبێژم دبیت ئه‌ڤ ئۆپه‌راسیۆنێن كاڤلكرنا باكورێ كوردستانێ ژ مێژه‌ د سه‌ر و خه‌یالێن ده‌ستهه‌لاتا توركیا دا هه‌بن و ئێك ژ پلانێن وێ یێن گرنگ بن! لێ ئه‌وێ ئه‌و ده‌رفه‌ت و رێ و بهانه‌ نه‌ددیتن كو ڤێ مه‌ره‌ما خوه‌ پێ بجه بینیت، دیسا رێبه‌رێن PKKێ ل قه‌ندیلی و ل ناڤخوه‌یی ژی نه‌شیان مفای ژ پێڤاژۆیا ئاشتیێ ب (باشی و خرابی) یێن وێڤه‌ وه‌ربگرن, له‌ورا هۆسا ئه‌نجام بوونه‌ كاڤلكرنا چه‌ندین باژێرێن كوردان و یێ زیانڤێكه‌تی هه‌ر ما گه‌ل و وه‌لات.

]]> https://rojnameyaevro.com/ku/%d9%83%db%8e-%d8%a8%d8%a7%d9%83%d9%88%d8%b1%db%8e-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%83%d8%a7%da%a4%d9%84-%d9%88-%d9%88%db%8e%d8%b1%d8%a7%d9%86-%d9%83%d8%b1pkk%db%8e-%db%8c/65233/feed/ 0 ئه‌ڤ مودیر به‌له‌دیه‌ ژ كه‌وكه‌به‌ك دیه‌ https://rojnameyaevro.com/ku/%d8%a6%d9%87%e2%80%8c%da%a4-%d9%85%d9%88%d8%af%db%8c%d8%b1-%d8%a8%d9%87%e2%80%8c%d9%84%d9%87%e2%80%8c%d8%af%db%8c%d9%87%e2%80%8c-%da%98-%d9%83%d9%87%e2%80%8c%d9%88%d9%83%d9%87%e2%80%8c%d8%a8%d9%87/38809/ https://rojnameyaevro.com/ku/%d8%a6%d9%87%e2%80%8c%da%a4-%d9%85%d9%88%d8%af%db%8c%d8%b1-%d8%a8%d9%87%e2%80%8c%d9%84%d9%87%e2%80%8c%d8%af%db%8c%d9%87%e2%80%8c-%da%98-%d9%83%d9%87%e2%80%8c%d9%88%d9%83%d9%87%e2%80%8c%d8%a8%d9%87/38809/#comments Sat, 12 Sep 2015 16:40:30 +0000 http://evronews.net/ku/?p=38809 ئه‌وێ ڤان رۆژان ل ناڤ سنۆرێ باژیرڤانیا دهۆكێ هاتن و چوونێ بكت، دێ چه‌نده‌كێ حیبه‌تی بت و پاشی هه‌ست ب كه‌یف و خوه‌شیه‌كێ كت ژی. ژ به‌ر كو مرۆڤ یێ دبینت گوهۆڕینه‌ك یا ل ناڤ باژێری دبت، ئه‌و ژی ژ ئه‌گه‌رێ وی كارێ ل سه‌نته‌ر و تاخێن باژێرێ دهۆكێ دئێته‌ كرن كو چه‌ندین جاده‌ یێن دئێنه‌ قیركرن و شوسته‌ ژی یێن ب ره‌نگه‌كێ قه‌شه‌نگ یێن دئێنه‌ دانان، هه‌ڤالنۆ نه‌میننه‌ مه‌نده‌هۆش! نوكه‌ د ڤێ ره‌وشا بێ پاره‌یی و ئالۆزدا چه‌ندین جادێن باژێرێ دهۆكێ ب شێوه‌كێ جوان یێن دئێنه‌ قیركرن و كار رۆژانه‌ ژی یێ به‌رده‌وامه‌.. هه‌كه‌ ئه‌م پرسیاره‌كێ ژ خوه‌ و به‌رپرس و كاربده‌ستێن به‌ری نوكه‌ بكن، ئه‌رێ ئه‌ڤی مودیر به‌له‌دیێ دهۆكێ یێ نوكه‌ ئه‌ڤ پاره‌ ژ كیڤه‌ ئینایه‌، ڤان كاران پێ دكت، یان هه‌ر ئه‌و بودجا به‌رێ یه‌؟ جامێری دزانت چاوا و ل كیرێ و كه‌نگی بمه‌زێخت، یا ئه‌م گوهلێ دبن ئه‌ڤه‌ ده‌مه‌كه‌ بودجه‌ نینه‌(وه‌كو ئه‌و دبێژن). پا ئه‌و چاوا كار دكت؟! ب راستی ڤان كارێن جوان چه‌نده‌كێ ئه‌ز زڤڕاندمه‌ رۆژانێن بۆری و من هزرێن خوه‌ د ره‌وشا ئاڤه‌دانیا باژێرێ دهۆكێ دا كرن كو ئه‌ڤه‌ ده‌مه‌كی درێژه‌ دهۆك هه‌ر وه‌كو تو دبێژی هێشتا یا ل سالێن نۆتاندا به‌رانبه‌ری باژێرێن (هه‌ولێر و سلێمانیێ) و چو پێشڤه‌چوونا شارستانی ب خوه‌ڤه‌ نه‌دیتیه‌.. به‌ری چه‌ند سالان بودجه‌ به‌رده‌وام دهات (هه‌ر كه‌سی ئاگه‌ه ژ بودجێ نه‌بوو)، زێده‌باری پارێ پارێزگه‌هان كو ئه‌و ژ حوكمه‌تا فیدرال دهات. ب هه‌بوونا ڤی پارێ مه‌زن، لێ ژ ئالیێ ئاڤه‌دانیێ و ژێرخانا ئابووری ڤه‌ دهۆكێ پێنگاڤێن ژ هه‌ژی نه‌هاڤێتینه‌ كو مرۆڤ هه‌ست بكت گوهۆڕین یێن ب سه‌ر ڤی باژێرێ جانفیدا دا هاتین! دبت گه‌له‌ك ئاڤاهیێن بلند و شوقه‌ هاتبنه‌ ئاڤاكرن! (ئه‌و ژی خه‌لكی یێن بۆ خوه‌ ئاڤاكرین) لێ مه‌به‌ستا من د ڤێ یه‌كێ دا كا حوكمه‌تا ناڤخوه‌یی یا دهۆكێ (یا به‌ری نوكه‌) چ بۆ باژێری، وه‌كو باژێرڤانی و گوهۆڕینا سه‌روسیمایێ باژێری ژ ئالیێ خزمه‌تگوزاری و ئاڤه‌دانیێ ڤه‌! كا ئه‌و پارێ ب ملیۆنان دهات؟ كا پرۆژێن حوكمه‌تێ یێن ستراتیژی و ژێرخانه‌یی بۆ خه‌لكێ دهۆكێ؟! كا كار و خزمه‌تێن هه‌وه‌ كو خه‌لك بێژت ئه‌ڤه‌ ل سه‌ر ده‌مێ كابینا ناڤخوه‌ییا بۆری یێن هاتینه‌ چێكرن و (خوه‌زیێن وێ و كارێن وێ بۆ مه‌ كرین) دیرۆك ره‌حمێ ب كه‌سێ نابت و. .. !! نوكه‌ ده‌مێ مرۆڤ د هنده‌ك جادێن دهۆكێ را دچت، باوه‌ر ناكت كو ئه‌ڤه‌ هه‌ر ئه‌و جادا به‌ری هنگێ پڕی كه‌ندوكۆر كو وه‌كی ده‌هواتیان ملێن خوه‌ دابوونه‌ ئێك و ته‌ نه‌دزانی دێ كه‌نگی ژێ ده‌رباز بی، ژ به‌ر كو دل و هناڤێن مرۆڤی تێكددان!. من ئه‌ڤ مودیر به‌له‌دیه‌ نه‌دیتیه‌ و هه‌ر نانیاسم ژی! لێ بۆ خودێ یێ كار دكت. ده‌مێ د ڤێ ره‌وشا هۆسا ئالۆز و بێ پاره‌یی دا ئه‌ڤان كاران دبینت، هندی دونیایه‌كێ كه‌یفا مرۆڤی دئێت، باوه‌ریا مه‌ ب پاشه‌رۆژا ڤی ملله‌تی دئێت كو هێشتا كه‌سێن باش و ب وژدان ماینه‌ خه‌مه‌كێ ژ ڤی باژێری بخون، و ژ ڤێ چه‌ندێ ژی بۆ مه‌ خویا دبت بودجه‌ نه‌ هه‌می تشته‌! كو مه‌ هه‌می كارێن خوه‌ یێ راوه‌ستاندین و پێڤه‌داله‌قاندین!! و هه‌ر یێن دبێژن دێ كن به‌س هه‌تا بودجه‌ بێت. ئه‌ڤه‌ یێ شۆل دكت و بودجه‌ ژی نه‌هاتیه‌ و نزانت كا كه‌نگی دێ ئێت، ڤێجا پاره‌ ژ كیڤه‌ ئینابن ده‌ستێن وی د خوه‌ش بن و یێن ل پشت وی ژی، چونكو هه‌ر بۆ خزمه‌تا مه‌ هه‌میانه‌. ل دووماهیێ دێ بێژم، نه‌خشه‌ ل مودیر به‌له‌دیێن جیرانێن ته‌ و ب تایبه‌تی ژی به‌له‌دی یا سێمێلێ.

]]> https://rojnameyaevro.com/ku/%d8%a6%d9%87%e2%80%8c%da%a4-%d9%85%d9%88%d8%af%db%8c%d8%b1-%d8%a8%d9%87%e2%80%8c%d9%84%d9%87%e2%80%8c%d8%af%db%8c%d9%87%e2%80%8c-%da%98-%d9%83%d9%87%e2%80%8c%d9%88%d9%83%d9%87%e2%80%8c%d8%a8%d9%87/38809/feed/ 0 ئه‌رێ ده‌وله‌تا كوردی دێ ل كوردستانێ یان ل ئه‌مریكا ئێته‌ راگه‌هاندن؟ https://rojnameyaevro.com/ku/%d8%a6%d9%87%e2%80%8c%d8%b1%db%8e-%d8%af%d9%87%e2%80%8c%d9%88%d9%84%d9%87%e2%80%8c%d8%aa%d8%a7-%d9%83%d9%88%d8%b1%d8%af%db%8c-%d8%af%db%8e-%d9%84-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e/28173/ https://rojnameyaevro.com/ku/%d8%a6%d9%87%e2%80%8c%d8%b1%db%8e-%d8%af%d9%87%e2%80%8c%d9%88%d9%84%d9%87%e2%80%8c%d8%aa%d8%a7-%d9%83%d9%88%d8%b1%d8%af%db%8c-%d8%af%db%8e-%d9%84-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e/28173/#comments Thu, 07 May 2015 08:34:18 +0000 http://evronews.net/ku/?p=28173 ئێك ژ ئارمانجێن پتریا شۆره‌شێن كوردی یێن هه‌ڤچه‌رخێن ئێك ل دووڤ ئێك كو بزاڤ و خه‌بات بۆ كری، ئاڤاكرنا ده‌وله‌تا كوردی بوویه‌، ڤێجا ئه‌ڤ ئارمانجه‌ د ستراتیژیا وێ یا نێزك دا بووبت، یان دوور، لێ فه‌رهه‌نگا وێ یا سیاسی ژێ ڤالا نه‌بوویه‌. ده‌وله‌تا كوردی هه‌رده‌م ل هزر و خه‌یال و مێشكێ هه‌ر تاكه‌كێ كورد یێ شه‌ره‌فمه‌ندابوویه‌. ب هزاران شه‌هید د به‌ر ڤێ دۆزا ره‌وادا كرینه‌ گۆری، ب هزاران گوند و مال كاڤل و وێران بووینه‌،.. . راگه‌هاندنا ده‌وله‌تا كوردی ئێك ژ مافێن راسته‌قینێن گه‌لێ كورده‌، مینا هه‌ر گه‌له‌كێ دیتر، چونكو مه‌ هه‌می بنه‌مایێن ده‌وله‌تبوونێ یێن هه‌ین، ئه‌ڤه‌ ژی وێ چه‌ندێ ددته‌ مه‌ كو باوه‌ری ب خوه‌بوون ل نك تاكێ كورد دروست ببت و خوه‌ ل به‌ر هه‌ر پێشهاته‌كێ بگرت. مه‌به‌ستا من ژ ڤی بابه‌تی ئه‌وه‌، ئه‌وێ چه‌ندێ بدم خویاكرن كو ده‌م بۆ ده‌می و ل هنده‌ك بیره‌وه‌ریان و ب تایبه‌تی یێن نه‌ته‌وی گه‌ل كه‌س ل تۆرێن جڤاكی و راگه‌هاندێ دبێژن كو سه‌رۆك مه‌سعود بارزانێ دێ ده‌وله‌تا كوردی راگه‌هینت، بۆ نموونه‌ هه‌رده‌مێ نه‌ورۆز نێزیك بوو، گه‌له‌ك كه‌س ریكلاما راگه‌هاندنا ده‌وله‌تا كوردی دكن و دبێژن كو سه‌رۆك دێ ل ڤێ نه‌ورۆزێ راگه‌هنیت، نه‌ورۆز ژی دئێت و دبۆرت و ده‌وله‌ت نائێته‌ راگه‌هاندن و شكه‌ستنه‌كا ده‌روونی بۆ خه‌كه‌كێ ساده‌و سڤیل چێدبت، ئه‌ز د وێ باوه‌ریێ دا مه‌ كو سه‌رۆكی ئاگه‌ه ژ ڤان جۆره‌ پرۆپاكندان نینه‌، لێ دبت نه‌حه‌زێن وی ڤێ چه‌ندێ دكن، داكو سه‌نگا وی د ناڤ جه‌ماوه‌ری دا كێم بكن، چونكو ئه‌و نه‌حه‌ز و دژمن باش دزانن كو تنێ سه‌رۆك بارزانیه‌ ئه‌و وێره‌كی هه‌ی كو ده‌وله‌تا كوردی رابگه‌هینت و ئه‌ڤ ژی ئێك ژ هه‌ره‌ هیڤیێن وی یێن مه‌زن گرنگه‌ د ژیانێ دا كو هه‌كه‌ رۆژه‌ك ژ ژییێ وی بمینت ئه‌و دێ تێدا ده‌وله‌تا كوردی راگه‌هینت. نوكه‌ سه‌رۆك یێ ل ئه‌مریكا و خه‌لكی وه‌سا یا خوه‌ به‌رهه‌ڤكری، یان وه‌سا هزر دكن كو سه‌رۆك دێ ژ ئه‌مریكا ده‌وله‌تا كوردی راگه‌هینت! ئه‌ڤه‌ ژی وه‌سا نینه‌، راسته‌ چۆنا وی بۆ ئه‌مریكا گه‌له‌ك هیڤیی و ئومێد ل گه‌ل خوه‌ برینه‌ كو ل وێره‌ ل گه‌ل مه‌زنه‌به‌رپرسێن ئه‌مریكی گه‌نگه‌شێ ل سه‌ر بكن، و ب هیڤیه‌ دێ رایه‌دارێن كۆچكا سپی پشته‌ڤانیه‌كا باش ل وان پێشنیازێن وی گرن، ب تایبه‌تی ژی مه‌سه‌لا دژی تیرۆرێ و هاریكاریا پێشمه‌رگه‌هی، هه‌روه‌سا سه‌ربخوه‌یا كوردستانێ ژی دێ ئێك ژ مژارێن سه‌رۆكی بت ل گه‌ل وان، یا راست د ڤی واری دا ئه‌وه‌، كو سه‌رۆك ده‌وله‌تا كوردی ل واشنتن راناگه‌هینت، به‌لكو هه‌كه‌ ئه‌ڤ یه‌كه‌ بوو راستی و پشته‌ڤانی لێ هاته‌كرن، دێ ئێت و ل كوردستانێ و د ناڤ جه‌رگێ په‌رله‌مانێ كوردستانێ دا راگه‌هینت، چونكو جهێ راگه‌هاندنا ده‌وله‌تا كوردی كوردستانه‌، نه‌كو ئه‌مریكایه‌. له‌وما هه‌كه‌ سه‌رۆكی ل ڤێ گه‌شتا خوه‌ بۆ ئه‌مریكا ده‌وله‌ت رانه‌گه‌هاند، بلا ئه‌م بێ هیڤی و ئومێد نه‌بن و بێژن ده‌وله‌ت پاشكه‌ت و دیسا ده‌رفه‌ت هات و وی رانه‌گه‌هاند و پاشخست، دڤێت ئه‌م د وێ باوه‌ریێ دابن كو هه‌كه‌ ده‌م گونجای بت بۆ ده‌وله‌تبوونێ، چوجا سه‌رۆك بارزانی ده‌فه‌تا راگه‌هاندنا ده‌وله‌تا كوردی ژ ده‌ست نادت. ل دووماهیێ دبێژم كو ئێك ژ هیڤیێن من یێن هه‌ری مه‌زن د ڤێ ژیانێ دا ئه‌وه‌ كو ده‌وله‌تا كوردی ژ ئالیێ سه‌رۆك بارزانی ڤه‌ بێته‌ راگه‌هاندن و ئالایێ پیرۆزێ كوردستانێ ب ده‌ستێن وی یێن هێشتا توز و بارووتا چه‌په‌رێن شه‌رێ دژی تیرۆرستێن داعش پێڤه‌ بێته‌ بلندكرن. دڤێت ئه‌م پڕ ب باوه‌ر بن كو ل ده‌مه‌كێ نێزیك و ب ئێكبوون و ئێكرێزیا گه‌لێ مه‌ ئه‌ڤ چه‌نده‌ دێ ئێته‌ ب جهئینان.

]]> https://rojnameyaevro.com/ku/%d8%a6%d9%87%e2%80%8c%d8%b1%db%8e-%d8%af%d9%87%e2%80%8c%d9%88%d9%84%d9%87%e2%80%8c%d8%aa%d8%a7-%d9%83%d9%88%d8%b1%d8%af%db%8c-%d8%af%db%8e-%d9%84-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e/28173/feed/ 0