Rojnameya Evro » عەبدولرەحمان مەحموود https://rojnameyaevro.com/ku Thu, 22 Oct 2026 07:46:14 +0000 ar hourly 1 https://wordpress.org/?v=4.0.38 کـاریگەرییـا گرانبوونا بهایـێ دۆلاری ل سـەر ژیـانـا هـەڤوەلاتیان https://rojnameyaevro.com/ku/%da%a9%d9%80%d8%a7%d8%b1%db%8c%da%af%db%95%d8%b1%db%8c%db%8c%d9%80%d8%a7-%da%af%d8%b1%d8%a7%d9%86%d8%a8%d9%88%d9%88%d9%86%d8%a7-%d8%a8%d9%87%d8%a7%db%8c%d9%80%db%8e-%d8%af%db%86%d9%84%d8%a7%d8%b1/271531/ https://rojnameyaevro.com/ku/%da%a9%d9%80%d8%a7%d8%b1%db%8c%da%af%db%95%d8%b1%db%8c%db%8c%d9%80%d8%a7-%da%af%d8%b1%d8%a7%d9%86%d8%a8%d9%88%d9%88%d9%86%d8%a7-%d8%a8%d9%87%d8%a7%db%8c%d9%80%db%8e-%d8%af%db%86%d9%84%d8%a7%d8%b1/271531/#comments Sun, 11 Oct 2026 21:36:51 +0000 https://rojnameyaevro.com/ku/?p=271531 عەبدولرەحمان مەحموود

گرانبوونا بهایێ دۆلاری ژ نشکەکێڤە ل هەمبەر دینارێ ئیراقی، ڕەنگە کارڤەدانێن مەزن ژێ دروست ببن و دوور نینە ڕەوشا ئابووریا خەلکێ ئیراقێ ب گشتی بەرب مال وێرانیەکا مەزنڤە بچیت، نەخاسمە خەلکێ هەژار و کێم دەرامەت دێ خویکەکا مەزن ژڤێ گرانبوونا بهایێ دۆلاری دەت، چونکی ئەڤ گرانبوونە ب شێوەیەکێ بەرچاڤ دێ کارتێکرنێ ل سەر ڕەوشا ژیانا رۆژانە یا هەڤوەلاتیان کەت، بەلێ تەخا ژهەمیان زێدەتر بکەڤیتە بەر کاریگەریا ڤێ گرانبوونێ، ئەو ژی هەردوو تەخێن کێم دەرامەت و مووچەخۆرانە، یا دیارە داهاتێ ڤان هەرد و تەخان یێ سنووردارە و هەر بلندبوونەکا د بهایێ دۆلاری دا دروست ببیت، زەرەرمەندێن سەرەکی ژ ڤێ گرانبوونێ دێ ئەڤ هەردو تەخەبن، گەر تەماشەکەین بازارێ ئیراقێ و هەرێما کوردستانێ؛ پشت بەستنەکا تەمام ل سەر کەلوپەلێن ژ دەرڤە دکەن و وان هەموو کەل و پەلێن ژ دەرڤە دئینن ب دۆلاری دکڕن، بێگومان ئەڤەژی دێ بیتە ئەگەرێ بلندبوونا بهایێ گشت پێدڤیێن بنەڕەتی یێن مینا خوارن و ڤەخوارنێ و دەرمانا و دهەمان دەم دا دێ بیتە سەدەما کێمبوونا ئالۆگوڕیا بازارکرنێ، چونکی تەڤایا مووچەخۆرێن ئیراقێ ب یێن هەرێما کوردستانێ ڤە مووچە یێن خۆ ب دینارێ ئیراقی وەردگرن، دەمێ بهایێ دۆلاری بلند دبیت، ئێکسەر کاریگەریێ ل بهایێ راستەقینە یێ مووچەی دکەت؛ واتە مووچە هەمان ژمارەیە، بەلێ ب وی پارەی ژ جارێن بەری گرانبوونا دۆلاری، کێمتر کەل و پەل پێ دهێنە کڕین، ئەڤجار تەخێن داهاتێ وان دیارکری یان کێم دەرامەت دێ زێدەتر تووشی گرفتاری و ئالۆزیێن دژوارێن ژیانێ بن و نەشێن وەکی جاران هەر ب وی مووچەی هەموو پێدڤیێن خۆ دابین بکەن، هەلبەت کێمبوونا فرۆشتنێ، ژبەر کێمبوونا شیانا کڕینا کەل و پەلان ل دەف هەڤوەلاتیان، دێ بازاڕ خاڤ و سست بیت و کاسپکار و بازڕگان ژی ژڤێ ئێکێ دێ زەرەرمەند بن، ژ ئەنجامێ نە جهگیریا بازاری، دێ بۆ وان ژی یا ئالۆز بیت کا دێ کەل و پەلان ب چو بهای کڕن و فرۆشن، هەر دیسا کرێیا خانیان و خزمەتگوزاریێن تایبەت کو پتریا جاران ب دۆلاری یان ب بهایەکێ گرێدای دۆلاری ڤە دهێنە دیارکرن، ئەڤ گرانبوونە ژی دێ بارگرانیەکا دی یا مەزن ئێخیتە سەر ملێن هەڤوەلاتیان، ئەڤجار گرانبوونا بهایێ دۆلاری ژ هەمی لایەکی ڤە دێ بارێ ل سەر ملێن هەڤوەلاتیان گەلەک گران کەت و جڤاک ب گشتی دێ بەرە ب هەژاریێ ڤە چیت و هەتا وی ڕادەی مرۆڤی شیانێن دابینکرنا سەرەتایترین پێدڤیێن ژیانا خۆ یا ڕۆژانە نەبن، ئەڤە ژی ڤەدگەڕیت بۆ وێ ئێکێ، ئیراق ب هەرێما کوردستانێ ڤە بەرهەمێ وان یێ ناڤخۆیی یێ کێمە و پڕانیا تشتێ وان ژ وەلاتێن دەوروبەر دئینن و ب ڤی ڕەنگی خەلک نەشێت وەک پێدڤی پێدڤیێن خۆ دابین بکەن و دێ کەڤنە د ناڤا شۆکا ژیانەکا ب زەحمەت دا، ئەڤجا ژ ئەنجامێ ڤێ گرانیا بهایێ دۆلاری، هەر تشتەک دێ گرانیەکا بەرچاڤ بخۆڤە بینیت و خەلک نەشێت دەبارا ژیانا خۆ ب شێوەیەکێ ئاسایی و تەندروست بڕێڤە ببەت و هەر ژ ئەنجامێ ڤێ گرانیێ ڕەنگە ئاریشێن جڤاکی سەرهەلبدەن و جادەیا ئیراقی ژی بڕیارا خۆ ل سەر ڤێ گرانیا بهایێ دۆلاری بدەت و بهێنە سەرجادەیان و دژی ڤێ بڕیارێ هەلویستێ خۆ ڕابگەهینن، تاکو حوکمەتا ئیراقێ نەچار بکەن ژ ڤێ بڕیارا خۆ یا شاش پاشگەز ببن، بەری بەرژەنگێن خڕاب ژ ڤێ بڕیارا گرانکرنا بهایێ دۆلاری دروست ببن.

]]> https://rojnameyaevro.com/ku/%da%a9%d9%80%d8%a7%d8%b1%db%8c%da%af%db%95%d8%b1%db%8c%db%8c%d9%80%d8%a7-%da%af%d8%b1%d8%a7%d9%86%d8%a8%d9%88%d9%88%d9%86%d8%a7-%d8%a8%d9%87%d8%a7%db%8c%d9%80%db%8e-%d8%af%db%86%d9%84%d8%a7%d8%b1/271531/feed/ 0 پرسا ڤەکێشانا هێزێن هەڤپەیمانان و کاریگەریا وان ل سەر ئاساییشا هەرێما کوردستانێ https://rojnameyaevro.com/ku/%d9%be%d8%b1%d8%b3%d8%a7-%da%a4%db%95%da%a9%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d9%87%db%95%da%a4%d9%be%db%95%db%8c%d9%85%d8%a7%d9%86%d8%a7%d9%86-%d9%88-%da%a9%d8%a7%d8%b1-2/271337/ https://rojnameyaevro.com/ku/%d9%be%d8%b1%d8%b3%d8%a7-%da%a4%db%95%da%a9%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d9%87%db%95%da%a4%d9%be%db%95%db%8c%d9%85%d8%a7%d9%86%d8%a7%d9%86-%d9%88-%da%a9%d8%a7%d8%b1-2/271337/#comments Thu, 08 Oct 2026 08:16:14 +0000 https://rojnameyaevro.com/ku/?p=271337 عەبدولرەحمان مەحموود

پرسا ڤەکێشانا هێزێن هەڤپەیمانان بتایبەتی هێزێن ئەمریکی ژ ئیراقێ و هەرێما کوردستانێ ئێک ژ گرنگترین و هەستیارترین بابەتێن ڕۆژەڤێ یە، ئەڤ پێنگاڤە زەنگەکا مەترسیدارە بۆ سەر پاشەڕۆژا سەقامگیریا دەڤەرێ و ڕاستەوخۆ دێ کارتێکرنێ ل سەر ئاسایش و پێگەهێ سیاسی و سەربازی یێ هەرێما کوردستانێ کەت، بێگومان هەبوونا هێزێن ئەمریکی ل ئیراقێ و هەرێما کوردستانێ وەک هەڤسەنگیەکا ستراتیجی بوویە، بۆ ڕێگریکرن ل سەر دووبارە سەرهلدانا گرۆپێن توندڕەو یێن وەک داعشێ. ڤەکێشانا ڤان هێزان دێ بیتە ئەگەرێ مەترسی و دروستبوونا ڤالاهیەکا مەزن د بیاڤێ ئاسایشا دەڤەرێ دا، هەروەکو سەرۆک بارزانی چەندین جاران ئاماژە ب مەترسیا ڤەکێشانا ڤان هێزا کری، کو ب نەمانا هێزێن هەڤپەیمانان نەدوورە جارەک دی ناڤچە بکەڤیتە بەر گەف و هێرشێن گرۆپێن تیرۆرستی و سەرهلدانا دوبارە یا داعشێ، کو گرۆپێن چەکدار یێن دەرڤەی یاسایێ، یان رێکخراوێن تیرۆریستی دشێن جارەکا دی ڤێ دەڤەرێ بکاربینن بۆ لێدان ل سەقامگیریا هەرێمێ و ناڤچێ بگشتی، دڤی دەمێ هوسان هەستیار دا پێشمەرگە و هێزێن ئاساییشا هەرێما کوردستانێ پتر ژ هەردەمەکی، پێدڤی ب مەشق و راهێنان و پڕچەککرن و هەماهەنگیا هەوالگێریا ئەمریکانە، نەمانا ڤێ پشتەڤانیێ ب شێوەیەکێ ڕاستەوخۆ دێ کاریگەریێ ل سەرشیانێن بەرگریێ یێن هەرێمێ بەرامبەر گەفێن ناڤخۆیی و دەرڤە کەت، دیسان کارتێکرن ل سەر هەڤسەنگیا هەرێمایەتی ب ڤەکێشانا ئەمریکا، ڕووبەرێ چاڤدێری و کاریگەریا هێزێن هەرێمایەتی بتایبەت ئێران و تورکیا دێ زێدەتر بیت، ئەڤ ئێکە هێزا سیاسی و سەربازی یا هەرێما کوردستانێ دێ سنوردار کەت و دشێت فشارێن سیاسی و ئابووری ل سەر قەوارێ هەرێمێ زێدەتر بکەت، هەلبەت پێدڤیا خۆڕێکخستن و ئێکگرتنا ناڤخۆیی یا لایەنێن سیاسی یێن کوردستانێ بۆ بەرهنگاربوونا ڤان ئالنگاریان دنها دا، تاکە ڕێکە کو بشێت سنورێن خۆ بپارێزیت ژ هەر مەترسیەکا ل ڕۆژەڤێ سەرهلبدەت، پڕچەککرنا سەرجەم هێزێن پێشمەرگەی و بهێزکرنا دامەزراوەیێن ئاسایشێ و دروستکرنا ئێک هەلویستیا سیاسی ئەڤە دشێت ببیتە سیهوانەیەکا بهێز بۆ پاراستنا ئاسایشا هەرێمێ ل قۆناغا پشتی ڤەکێشانا هێزێن ئەمریکی، ڕاستە ڤەکێشانا ئەمریکا ئەگەر چو دێ ئاستەنگ و گەفێن مەزن ل سەر دەڤەرێ دروست کەت، بەلێ د هەمان دەم دا ئەزموونەکا جدی یە بۆ هەرێما کوردستانێ کو زێدەتر پشت ب شیانێن خۆ یێن ناڤخۆیی ب بەستیت و ب دبلۆماسیەتەکا ژیرانە هەڤسەنگیا پێگەهێ خۆ ل ڕۆژهەلاتا ناڤەڕاست بپارێزیت، خویایە ب دەرکەفتنا هێزێن ئەمریکی، سەنگا سیاسی و سەربازی ل بەغدا زێدەتر دکەڤێتە بن کاریگەریا هێز و ئالیێن نێزیکی ئێرانێ، ئەڤ ئێکە مەترسیێ زێدەتر لێ دکەت ل سەر مافێن دەستووری یێن خەلکێ کوردستانێ، دڤی دەمی دا هەرێما کوردستانێ دێ ڕوی ب ڕوی فشارێن مەزنتر یێن دارایی و سەربازی بیت ژ لایێ حوکمەتا ناڤەندی و هێزێن حەشدا شەعبی ڤە، یا زانایە کو هەبوونا هێزێن سەربازی یێن ئەمریکا وەک گرەنتیەکا سەقامگیریێ دهاتە دیتن کو کۆمپانیێن بیانی یێن پەترۆلێ و وەبەرهێنەران پتر قەست بکەنە هەرێمێ، نەمانا ڤێ چاڤدێریێ دشێت ببیتە ئەگەرێ ڤەکێشانا ڤان کۆمپانیا و سەرمایەداران، کو ئەڤە ژی دبیت گورزەکێ مەزن ل ژێرخانا ئابووری یا هەرێما کوردستانێ بدەت، بۆ دوورکەفتن ژ تێکچوونا ئاسایشا هەرێمێ، پێدڤیە هەرێما کوردستانێ ستراتیجیەتەکا نوو یا دبلۆماسی پەیڕەو بکەت، ئەوژی بهێزکرنا پەیوەندیان دگەل وەلاتێن بیانی، نەخاسمە فڕەنسا و ئەلمانیا بۆ پاراستنا پشتەڤانیا سیاسی و مرۆڤی و دروستکرنا هەڤسەنگیەکا ژیرانە دگەل وەلاتێن هەڤسو بتایبەت تورکیا و ئێرانێ، تاکو بشێت قەوارێ هەرێمێ ژ هەر مەترسیەکا پشتی ڤەکێشانا هێزێن هەڤپەیمانان بپارێزیت.

]]> https://rojnameyaevro.com/ku/%d9%be%d8%b1%d8%b3%d8%a7-%da%a4%db%95%da%a9%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d9%87%db%95%da%a4%d9%be%db%95%db%8c%d9%85%d8%a7%d9%86%d8%a7%d9%86-%d9%88-%da%a9%d8%a7%d8%b1-2/271337/feed/ 0 مرۆڤێن بەرژەوەندیخواز https://rojnameyaevro.com/ku/%d9%85%d8%b1%db%86%da%a4%db%8e%d9%86-%d8%a8%db%95%d8%b1%da%98%db%95%d9%88%db%95%d9%86%d8%af%db%8c%d8%ae%d9%88%d8%a7%d8%b2/271083/ https://rojnameyaevro.com/ku/%d9%85%d8%b1%db%86%da%a4%db%8e%d9%86-%d8%a8%db%95%d8%b1%da%98%db%95%d9%88%db%95%d9%86%d8%af%db%8c%d8%ae%d9%88%d8%a7%d8%b2/271083/#comments Tue, 06 Oct 2026 08:58:20 +0000 https://rojnameyaevro.com/ku/?p=271083 عەبدولرەحمان مەحموود

د جڤاكێ‌ مە دا مرۆڤێن بەرژەوەندخواز زۆر بووینە و بتنێ وی دەمی ل دەرگەهێن مە ددەن ئەو دەمێ كارەك ب مرۆڤی هەبیت، دەمێ دزانن تو دشێی مفایەكی بگەهینیێ، ب زمانەكێ شرین و پەسنێن زێدە خۆ نێزیكی مرۆڤی دكەن، بەلێ هەكە زانی تو یێ درەوشەكا خراب دا، یان تو نەشێی چو خزمەتان پێشكێشی وان بكەی، ئێدی تو ل دوورێن خۆ نابینی و بتنێ ملێن خۆ د دەنە ملێن كەسێن بهێز، هەموو پێكولێن وان ئەون مفای ژ دەوروبەرێن خۆ بینن، ژ بۆ ڤێ ئێكێ ب هەر ڕەنگەكێ هەبیت دێ خۆ نێزیكی مرۆڤی كەن، لێ هەكە نەشیان وێ ب دەست خۆ ڤە بینن یا وان بڤێت؛ دێ خۆ ژ مرۆڤی دووركەن و چو پەیوەندیەكێ دناڤبەرا مرۆڤی و خۆ دا ناهێلن، ئەڤە ژی دیاردەكا كرێتە و كارتێكرنەكا ڕاستەوخۆ ل سەر پەیوەندیێن تاك ب تاكێ جڤاكی دكەن و دبیتە ئەگەرێ وێ ئێكێ، خاڤبوون د پەیوەندیێن جڤاكی دا دروست ببیت و مرۆڤ ئێدی ب ساناهی پەوەندیان دگەل كەسێ گرێ نەدەت و دووراتیەكێ دناڤبەرا خۆ و تاكێن كومەلگەهێ دا دروست بكەت، هەلبەت د ژیانێ دا ئەم تووشی چەندین جۆرێن مرۆڤان دبین، هندەك ژ وان وەك سیبەرا مرۆڤی نە، بتنێ ل دەمێ خۆشی و دەستكەفتان دیار دبن، لێ هەردەمێ ئەور هاتن و تاریاتیێ جیهان گرت، ئەو ژی بەرزەدبن، ئەڤە ئەو مرۆڤێن بەرژەوەندخوازن یێن كو پەیوەندیێن وان ل سەر بنەمایێ مفای دهێنە ئاڤاكرن، نەك ل سەر بنەمایێ وەفاداریێ، ئەڤجار مرۆڤێن بڤی ڕەنگی دڤێت گەلەك لێ د هشیار بین و هەر زوی مرۆڤ ڤان جۆرە كەسان بنیاسیت، تاكو بشێت خۆ ژ خەفك و داڤێن وان ب پارێزیت.
مخابن ئەڤ جۆرێ مرۆڤان كارتێكرنێ ل سەر ڕەفتارێن كەسانێن ناڤا جڤاكی دا دكەن و دبنە ئەگەرێ خاڤبوونا پەیوەندیان و نەمانا هەستێ هاریكاری و خۆبەخشیێ و دبنە فاكتەرێ دروستبوونا جڤاكەكێ مادی، كو تێدا بەهایێن ئەخلاقی دهێنە ژ دەست دان و دبنە قوربانی بۆ ب دەستڤەئینانا داهاتەكی، یان ژی پلە و پۆستەكی، ئەڤجادڤێت سنووران بۆ ڤان جۆرە مرۆڤان دانین و ڕێ نەدەین بتنێ بۆ مەرەم و بەرژەوەندیێن خۆ تێكەلیێ دگەل مرۆڤی بكەن.

 

]]> https://rojnameyaevro.com/ku/%d9%85%d8%b1%db%86%da%a4%db%8e%d9%86-%d8%a8%db%95%d8%b1%da%98%db%95%d9%88%db%95%d9%86%d8%af%db%8c%d8%ae%d9%88%d8%a7%d8%b2/271083/feed/ 0 پرسا ڤەکێشانا هێزێن هەڤپەیمانان و کاریگەریا وان ل سەر ئاساییشا هەرێما کوردستانێ https://rojnameyaevro.com/ku/%d9%be%d8%b1%d8%b3%d8%a7-%da%a4%db%95%da%a9%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d9%87%db%95%da%a4%d9%be%db%95%db%8c%d9%85%d8%a7%d9%86%d8%a7%d9%86-%d9%88-%da%a9%d8%a7%d8%b1/270975/ https://rojnameyaevro.com/ku/%d9%be%d8%b1%d8%b3%d8%a7-%da%a4%db%95%da%a9%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d9%87%db%95%da%a4%d9%be%db%95%db%8c%d9%85%d8%a7%d9%86%d8%a7%d9%86-%d9%88-%da%a9%d8%a7%d8%b1/270975/#comments Mon, 05 Oct 2026 09:46:47 +0000 https://rojnameyaevro.com/ku/?p=270975 عەبدولرەحمان مەحموود

پرسا ڤەکێشانا هێزێن هەڤپەیمانان بتایبەتی هێزێن ئەمریکی ژ ئیراقێ و هەرێما کوردستانێ ئێک ژ گرنگترین و هەستیارترین بابەتێن ڕۆژەڤێ یە، ئەڤ پێنگاڤە زەنگەکا مەترسیدارە بۆ سەر پاشەڕۆژا سەقامگیریا دەڤەرێ و ڕاستەوخۆ دێ کارتێکرنێ ل سەر ئاسایش و پێگەهێ سیاسی و سەربازی یێ هەرێما کوردستانێ کەت، بێگومان هەبوونا هێزێن ئەمریکی ل ئیراقێ و هەرێما کوردستانێ وەک هەڤسەنگیەکا ستراتیجی بوویە، بۆ ڕێگریکرن ل سەر دووبارە سەرهلدانا گرۆپێن توندڕەو یێن وەک داعشێ. ڤەکێشانا ڤان هێزان دێ بیتە ئەگەرێ مەترسی و دروستبوونا ڤالاهیەکا مەزن د بیاڤێ ئاسایشا دەڤەرێ دا، هەروەکو سەرۆک بارزانی چەندین جاران ئاماژە ب مەترسیا ڤەکێشانا ڤان هێزا کری، کو ب نەمانا هێزێن هەڤپەیمانان نەدوورە جارەک دی ناڤچە بکەڤیتە بەر گەف و هێرشێن گرۆپێن تیرۆرستی و سەرهلدانا دوبارە یا داعشێ، کو گرۆپێن چەکدار یێن دەرڤەی یاسایێ، یان رێکخراوێن تیرۆریستی دشێن جارەکا دی ڤێ دەڤەرێ بکاربینن بۆ لێدان ل سەقامگیریا هەرێمێ و ناڤچێ بگشتی، دڤی دەمێ هوسان هەستیار دا پێشمەرگە و هێزێن ئاساییشا هەرێما کوردستانێ پتر ژ هەردەمەکی، پێدڤی ب مەشق و راهێنان و پڕچەککرن و هەماهەنگیا هەوالگێریا ئەمریکانە، نەمانا ڤێ پشتەڤانیێ ب شێوەیەکێ ڕاستەوخۆ دێ کاریگەریێ ل سەرشیانێن بەرگریێ یێن هەرێمێ بەرامبەر گەفێن ناڤخۆیی و دەرڤە کەت، دیسان کارتێکرن ل سەر هەڤسەنگیا هەرێمایەتی ب ڤەکێشانا ئەمریکا، ڕووبەرێ چاڤدێری و کاریگەریا هێزێن هەرێمایەتی بتایبەت ئێران و تورکیا دێ زێدەتر بیت، ئەڤ ئێکە هێزا سیاسی و سەربازی یا هەرێما کوردستانێ دێ سنوردار کەت و دشێت فشارێن سیاسی و ئابووری ل سەر قەوارێ هەرێمێ زێدەتر بکەت، هەلبەت پێدڤیا خۆڕێکخستن و ئێکگرتنا ناڤخۆیی یا لایەنێن سیاسی یێن کوردستانێ بۆ بەرهنگاربوونا ڤان ئالنگاریان دنها دا، تاکە ڕێکە کو بشێت سنورێن خۆ بپارێزیت ژ هەر مەترسیەکا ل ڕۆژەڤێ سەرهلبدەت، پڕچەککرنا سەرجەم هێزێن پێشمەرگەی و بهێزکرنا دامەزراوەیێن ئاسایشێ و دروستکرنا ئێک هەلویستیا سیاسی ئەڤە دشێت ببیتە سیهوانەیەکا بهێز بۆ پاراستنا ئاسایشا هەرێمێ ل قۆناغا پشتی ڤەکێشانا هێزێن ئەمریکی، ڕاستە ڤەکێشانا ئەمریکا ئەگەر چو دێ ئاستەنگ و گەفێن مەزن ل سەر دەڤەرێ دروست کەت، بەلێ د هەمان دەم دا ئەزموونەکا جدی یە بۆ هەرێما کوردستانێ کو زێدەتر پشت ب شیانێن خۆ یێن ناڤخۆیی ب بەستیت و ب دبلۆماسیەتەکا ژیرانە هەڤسەنگیا پێگەهێ خۆ ل ڕۆژهەلاتا ناڤەڕاست بپارێزیت، خویایە ب دەرکەفتنا هێزێن ئەمریکی، سەنگا سیاسی و سەربازی ل بەغدا زێدەتر دکەڤێتە بن کاریگەریا هێز و ئالیێن نێزیکی ئێرانێ، ئەڤ ئێکە مەترسیێ زێدەتر لێ دکەت ل سەر مافێن دەستووری یێن خەلکێ کوردستانێ، دڤی دەمی دا هەرێما کوردستانێ دێ ڕوی ب ڕوی فشارێن مەزنتر یێن دارایی و سەربازی بیت ژ لایێ حوکمەتا ناڤەندی و هێزێن حەشدا شەعبی ڤە، یا زانایە کو هەبوونا هێزێن سەربازی یێن ئەمریکا وەک گرەنتیەکا سەقامگیریێ دهاتە دیتن کو کۆمپانیێن بیانی یێن پەترۆلێ و وەبەرهێنەران پتر قەست بکەنە هەرێمێ، نەمانا ڤێ چاڤدێریێ دشێت ببیتە ئەگەرێ ڤەکێشانا ڤان کۆمپانیا و سەرمایەداران، کو ئەڤە ژی دبیت گورزەکێ مەزن ل ژێرخانا ئابووری یا هەرێما کوردستانێ بدەت، بۆ دوورکەفتن ژ تێکچوونا ئاسایشا هەرێمێ، پێدڤیە هەرێما کوردستانێ ستراتیجیەتەکا نوو یا دبلۆماسی پەیڕەو بکەت، ئەوژی بهێزکرنا پەیوەندیان دگەل وەلاتێن بیانی، نەخاسمە فڕەنسا و ئەلمانیا بۆ پاراستنا پشتەڤانیا سیاسی و مرۆڤی و دروستکرنا هەڤسەنگیەکا ژیرانە دگەل وەلاتێن هەڤسو بتایبەت تورکیا و ئێرانێ، تاکو بشێت قەوارێ هەرێمێ ژ هەر مەترسیەکا پشتی ڤەکێشانا هێزێن هەڤپەیمانان بپارێزیت.

]]> https://rojnameyaevro.com/ku/%d9%be%d8%b1%d8%b3%d8%a7-%da%a4%db%95%da%a9%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d9%87%db%95%da%a4%d9%be%db%95%db%8c%d9%85%d8%a7%d9%86%d8%a7%d9%86-%d9%88-%da%a9%d8%a7%d8%b1/270975/feed/ 0 ڕیفراندۆم؛ پێنگاڤەک بەر ب دەولەتبوونێ ڤە https://rojnameyaevro.com/ku/%da%95%db%8c%d9%81%d8%b1%d8%a7%d9%86%d8%af%db%86%d9%85%d8%9b-%d9%be%db%8e%d9%86%da%af%d8%a7%da%a4%db%95%da%a9-%d8%a8%db%95%d8%b1-%d8%a8-%d8%af%db%95%d9%88%d9%84%db%95%d8%aa%d8%a8%d9%88%d9%88%d9%86/270405/ https://rojnameyaevro.com/ku/%da%95%db%8c%d9%81%d8%b1%d8%a7%d9%86%d8%af%db%86%d9%85%d8%9b-%d9%be%db%8e%d9%86%da%af%d8%a7%da%a4%db%95%da%a9-%d8%a8%db%95%d8%b1-%d8%a8-%d8%af%db%95%d9%88%d9%84%db%95%d8%aa%d8%a8%d9%88%d9%88%d9%86/270405/#comments Sun, 27 Sep 2026 07:30:06 +0000 https://rojnameyaevro.com/ku/?p=270405 عەبدولرەحمان مەحموود

ڕیفراندۆم یان ڕاپرسیا گشتی، ئێک ژ دیارترین و بلندترین ئامرازێن دیموکراسیە ل جیهانا نوی و پێنگاڤەکا گرنگا سیاسیە دا کو ملەتەک ب ڕەنگەکێ راستەوخۆ دەنگێ خۆ بۆ بڕیاردانێ ل سەر پاشەڕۆژا خۆ بدەت، گەلێ کورد سالەها سالە ل ژێر زۆلم و ستەما دوژمنان دا دنالیت و هزارەها شەهید ژ پێخەمەت سەربەخۆیی و ئازادیا خۆ داینە، پشتی ژناڤچوونا ڕژێما بەغدا ل سالا ٢٠٠٣ێ گەلێ کورد بپشكداریەکا کارا د ئاڤاکرنا ئیراقا نوو و دارشتنا دەستوورێ وێ دا کر، لێ سەرانێن ئیراقێ هەر ب هزرا خۆ یا شۆفینی سەرەدەری دگەل هەرێما کوردستانێ دکر، ئەڤ ئەزموونا زێدەتر ژ چەند سالێن حوکمڕانیێ دگەل بەغدا نیشا دا کو هزرکرنا مەرکەزی و پەراوێزئێخستنا هەڤبەشیێ ل ئیراقێ هێشتا یا زالە، بگرە ژ بڕینا بودجەی هەتا پشتگوه هاڤێتنا مادەیێ ١٤٠ێ یێ دەستووری، ژبەر بێهیڤیبوونا سەرکردایەتیا کوردی ب حوکمەتا ئیراقێ و نیازێن وانێن خڕاب ل هەمبەری گەلێ کورد، سەرکردایەتیا سیاسیا کوردستانێ بڕیارا ئەنجامدانا ڕیفراندۆمێ ل ٢٥ی ئیلۆنا سالا ٢٠١٧ ێ دا، خویایە ریفراندۆما سەربەخۆیا هەرێما کوردستانێ ئێک ژ دیارترین و بهێزترین پێنگاڤان بوو، بۆ بدەستڤەئینانا خەونا مەزنا گەلێ کورد، کو ئەوژی دەولەتبوونە، د ڤی کەتواری دا، بڕیارا ئەنجامدانا ڕیفراندۆمێ نە بڕیارەکا بێ هزرکرن یان هەلچوونەکا سیاسی بوو، بەلکو جێبەجێکرنا مافەکێ دەستووری و نێڤدەولەتی بوو، دڤێ ڕۆژا دیرۆکی دا، خەلکێ کوردستانێ ژ هەمی ئول و نەتەوەیان ب دلەکێ گەش و ب گەرم و گۆڕی و هیڤیێن مەزن بڕیارا خۆ یا نەتەوەیی دا و ب ڕێژەیا زێدەتر ژ ٩٢٪ دەنگ ب «بەلێ» بۆ سەربەخۆییێ دا، ئەڤ ڕێژە بەلگەیەک بوو کۆ ئیرادەیا نەتەوەیی یا کوردان ل سەر گەهشتن ب ڕزگاریێ و دروستکرنا دەولەتەکا سەربەخۆ نەهاتیە شکاندن، ئەگەر چو پشتی ڕیفراندۆمێ، بەغدا و گوهۆڕینێن جیوپۆلیتیکی یێن هەرێمی و نێڤدەولەتی بوونە ئەگەرێ سەپاندنا گۆشەگیری و سزایێن ئابۆری و سەربازی ل سەر هەرێمێ، لێ ئەنجامێ ڕیفراندۆمێ وەک بەلگەنامەیەکا قانوونی و دیرۆکی یا نەمر مایە و دێ هەر مینیت، هەلبەت ڕیفراندۆمێ نیشا دا کۆ پرسا دەولەتبوونا کوردستانێ نە بتنێ درووشمەکێ حزبایەتی یە، بەلکو داخوازیەکا جەماوەری و ڕەوا یا ملەتەکی یە و سەلماند کۆ ڕێکا دەولەتبوونێ ڕێکەکا پر ژ ئالنگاری و قوربانیدانێ یە، ئەڤ پێنگاڤە بووە بەشەک ژ کۆلتورێ سیاسی و بڕیارا نەتەوەیی یا کوردان، کۆ د پاشەڕۆژێ دا دێ وەک بنەمایەکێ بهێز بۆ هەر بزاڤ و دبلۆماسیەتەکا ڕزگاریخوازانە مینیت، هەلبەت پرسا دیارکرنا مافێ چاره‌نڤیسێ؛ ئێکە ژ سه‌ره‌کیترین و سەرەتاترین مافێن هەر نەتەوەیەکی ل جیهانێ، کورد ژی وەک نەتەوەیەک نابیت ژ ڤی مافێ هە بهێتە زڕبەهرکرن، یان ئەڤ مافە ژێ بهێتە ستاندن، بێگومان ئه‌نجامدانا ڕیفراندۆمێ د وی دەمی دا، نه‌ بتنێ ڕوودانەکا سیاسی یا سرۆشتی بوو، بەلکو هێمایه‌کێ مەزن و دیار بوو بۆ دەربڕینا ملەتەکی ژبۆ ئازادی و سەربەخۆیی یێ، گەلێ کورد ژی وەکی هەر نەتەوەیەکێ دی، ب درێژاهیا دیرۆکێ ڕوی ب ڕوی نەدادپەروەری و بێ بەشکرن ژ مافێن سەرەتایی و ژێبرنا ناسنامەیێ بوویە، ژ بەر ڤێ چەندێ، پەنابرن بۆ ڕیفراندۆمێ پێنگاڤەکا شارستانی و دیمۆکراتی بوو، دا کو خەلک ب شێوازەکێ ئاشتیانە بڕیارێ ل سەر پاشەڕۆژا خۆ بدەت، دیسان ڕیفراندۆمێ نیشا دا کو داخوازیا ئازادیێ نە درووشمەکێ دەمکی یە، بەلکو هیڤی و ئارمانجەکا خۆڕستیە د ناخێ هەر تاکەکێ کورد دا، ئەڤێ ڕوودانێ سەلماند کو دێ هەمی دەما ملەتێ کورد دۆزا خۆ ب ڕێکارێن دیمۆکراتی بەرەڤ پێشڤە بەت.

]]> https://rojnameyaevro.com/ku/%da%95%db%8c%d9%81%d8%b1%d8%a7%d9%86%d8%af%db%86%d9%85%d8%9b-%d9%be%db%8e%d9%86%da%af%d8%a7%da%a4%db%95%da%a9-%d8%a8%db%95%d8%b1-%d8%a8-%d8%af%db%95%d9%88%d9%84%db%95%d8%aa%d8%a8%d9%88%d9%88%d9%86/270405/feed/ 0 شـۆڕشـا ئیلۆنـێ؛ هێما و سیمبۆلا ئیراده‌ و خۆڕاگرییا گـه‌لێ كـورد https://rojnameyaevro.com/ku/%d8%b4%d9%80%db%86%da%95%d8%b4%d9%80%d8%a7-%d8%a6%db%8c%d9%84%db%86%d9%86%d9%80%db%8e%d8%9b-%d9%87%db%8e%d9%85%d8%a7-%d9%88-%d8%b3%db%8c%d9%85%d8%a8%db%86%d9%84%d8%a7-%d8%a6%db%8c%d8%b1%d8%a7%d8%af/269804/ https://rojnameyaevro.com/ku/%d8%b4%d9%80%db%86%da%95%d8%b4%d9%80%d8%a7-%d8%a6%db%8c%d9%84%db%86%d9%86%d9%80%db%8e%d8%9b-%d9%87%db%8e%d9%85%d8%a7-%d9%88-%d8%b3%db%8c%d9%85%d8%a8%db%86%d9%84%d8%a7-%d8%a6%db%8c%d8%b1%d8%a7%d8%af/269804/#comments Mon, 14 Sep 2026 10:10:42 +0000 https://rojnameyaevro.com/ku/?p=269804 عه‌بدولره‌حمان مه‌حموود

شۆره‌شا ١١ ئیلوونێ، وه‌رچه‌رخانه‌كا دیرۆك ی بوو د ناڤ به‌رپه‌ڕێن بزاڤا ئازادیخوازا گه‌لێ كورد دا، ئێك ژ مه‌زنترین و به‌رفره‌هترین شۆرشێن دیرۆكا نوو یا گه‌لێ كوردستانێ یه‌، كو ل سالا ١٩٦١ێ ب سه‌ركردایه‌تیا ڕابه‌رێ گه‌لێ كورد مه‌لا مسته‌فا بارزانی ب دژی زۆرداری و نه‌دادپه‌روه‌ریا ده‌ستهه‌لاتدارێن ئیراقێ ده‌ست پێكر. ئه‌ڤ شۆرشه‌ نه‌ بتنێ به‌رسڤه‌ك بوو، بۆ ڕاگرتنا مافێن نه‌ته‌وه‌یه‌كی، به‌لكو بزاڤه‌كا ڕێكخستی بوو ژبۆ چه‌سپاندنا ئازادی و سه‌رفرازیا كوردان، هه‌لبه‌ت شۆڕشا ئیلۆنێ ئێك ژ مه‌زنترین و بزاڤێن ڕزگاریخوازیا گه‌لێ كورد بوو د وی ده‌می دا و ئه‌ڤ شۆڕشه‌ بوو ناڤه‌نده‌ك بۆ ئێك گرتنا هه‌موو پێك هاته‌ و ده‌ڤه‌رێن كوردستانێ ل بن ئێك ئالا و ئارمانج، خۆیایه‌ شۆڕشا ئیلۆنێ گه‌له‌ك زێده‌تر بوو ژ خه‌باته‌كا چه‌كداری؛ ئه‌ڤه‌ هێما و سیمبۆلا ئیراده‌، خۆراگری و ناسنامه‌یا نه‌ته‌وه‌یی یا گه‌لێ كورد بوو، كو ل ژێر بارودۆخه‌كێ گرانێ سیاسی و سه‌ربازی دا، مله‌تێ كورد نیشادا كو هیڤی و حه‌زا وان بۆ ئازادی و سه‌رفرازیێ ب چو تۆپ و چه‌كان ناكه‌ڤیت و چو جاران هیڤیێن وان بۆ ئازادی و بده‌ستڤه‌ئینانا مافێن گه‌لێ وان نامرن و هه‌رده‌م ل پێناڤی ب ده‌ستڤه‌ئینانا ئارمانجان دێ د چه‌په‌رێن به‌رخودان و خۆڕاگریێ دابن داك و د ناڤا ژیانه‌كا ژ هه‌ژی و ب ڕۆمه‌ت دا ل بن چه‌تر و سیبه‌را ئالایێ كورد و كوردینیێ ژیانێ ببه‌ن سه‌ر، شۆڕشا ئیلۆنێ شۆڕشه‌ك سه‌رتاسه‌ری بوو، بۆ ئێكه‌م جار ته‌ڤایا ته‌خ و چینێن جڤاكی بگره‌ ژ جۆتیار، ره‌وشه‌نبیر، سه‌رۆك هۆز و گه‌نج، هه‌موو پێكڤه‌ د خه‌نده‌كه‌كێ دا بۆ ده‌ستڤه‌ئینانا مافێن ڕه‌وا یێن گه‌لێ كورد خه‌بات كر، شۆڕشا ئیلۆنێ بۆ ئه‌گه‌رێ وێ ئێكێ جڤاكا نیڤده‌وله‌تی ل مافێن گه‌لێ كورد بهێته‌ ده‌نگ و دان ب مافێن گه‌لێ كورد بهێته‌دان، ژ ڤه‌ڕێژا خۆڕاگریا مله‌تێ كورد و چاڤنه‌ترسیا پێشمه‌رگه‌ی دچه‌په‌رێن به‌رگریێ دا، هێزا به‌غدا نه‌چاركر كو ل سالا ١٩٧٠ ب فه‌رمی دانپێدانێ ب ئۆتونۆمیا باشوورێ كوردستانێ بكه‌ت، كو ئه‌ڤه‌ ده‌ستكه‌فته‌كا دیرۆكی یا بێ وێنه‌ بوو، ناڤێ پێشمه‌رگه‌ی د ڤێ شۆڕشێ دا بوو نیشانا پاراستنا ئاخ و كه‌رامه‌تا مله‌تی و ئیراده‌یه‌ك چێكر كو هه‌تا ئیرۆ ژی د هزرا جڤاكا كوردی دا یا ساخه‌، ئه‌ڤرۆ ژی، بیرهاتنا شۆڕشا ئیلۆنێ وه‌ك ی چاڤكانیا ئیلهامێ یه‌ بۆ پاراستنا ده‌ستكه‌فتان و به‌رده‌وامیدان ب روحا خۆڕاگریێ به‌رانبه‌ر هه‌ر هه‌ره‌شه‌ و ئاسته‌نگه‌كا ل سه‌ر كیانێ كوردستانێ، ئه‌ڤێ شۆڕشێ سه‌لماند كو ده‌مێ ئیراده‌ ل ده‌ف مله‌ته‌كی هه‌بیت، چو زۆرداری نه‌شێت خه‌ونا ئازادیێ ژ ناڤ ببه‌ت، شۆڕشا ئیلۆنێ سنوورێن جوگرافی و ده‌ڤه‌رداری به‌زاندن و خه‌لكێ به‌هدینان، سۆران و گه‌رمیان ل بن چه‌تره‌كا سیاسی و سه‌ربازی كۆمكرن و ل ده‌ڤه‌رێن ڕزگاركری و دام و ده‌زگه‌هێن كارگێڕی، دادوه‌ری و په‌روه‌رده‌یی ب زمانێ كوردی هاتنه‌ ڕێكخستن كو ئه‌ڤه‌ بناغه‌یه‌ك بوو ژبۆ خۆ بڕێڤه‌برنا سه‌ربه‌خۆ، دیسا ژ ئه‌نجامێ ده‌ستپێكرنا شۆڕشا ئیلۆنێ؛ بۆ ئێكه‌م جار پرسا كوردی ل باشوورێ كوردستانێ ژ ئاسته‌كێ ده‌ڤه‌ری ب بوو بابه‌ته‌كێ سیاسی ل سه‌ر ئاستێ نیڤده‌وله‌تی و ڕاگه‌هاندنا جیهانی، مۆرالا خۆڕاگریێ ل هه‌نبه‌ر هه‌ڤسه‌نگیا هێزێ تایبه‌تمه‌ندیا هه‌ره‌ دیار یا ڤێ بزاڤێ ئه‌ڤه‌ بوو كو هێزا پێشمه‌رگه‌ی ژ لایێ چه‌ك و جبه‌خانێ ڤه‌ هه‌ڤبه‌ر نه‌بوو ب سۆپایێ ده‌وله‌تێ، به‌لێ سه‌ركه‌فتنا بزاڤێ ل سه‌ر بنه‌مایێ باوه‌ریا بیروباوه‌ری و ئیراده‌یا گه‌لی بوو، ئه‌ڤ روحه‌ بوو هێڤێنێ هه‌موو راپه‌ڕین و بزاڤێن پاشتر ل كوردستانێ و خۆڕاگری و قاره‌مانی و چاڤنه‌ترسیا گه‌لێ كورد بۆ هه‌می جیهانێ سه‌لماندك و د هه‌ر كاودانه‌كێ سه‌خت و دژوار دا بن، ده‌ست ژ ماف و ئازادیا خۆ به‌رناده‌ن و خۆچه‌ماندن د فه‌رهه‌نگا وانا سیاسی دا نینه‌ و هه‌تا دوماهیك دلۆپا خوینا خۆ دێ به‌ره‌ڤانیێ ژ ئاخ و كه‌رامه‌ت و ده‌ستكه‌فتێن گه‌لێ خۆ كه‌ن.

]]> https://rojnameyaevro.com/ku/%d8%b4%d9%80%db%86%da%95%d8%b4%d9%80%d8%a7-%d8%a6%db%8c%d9%84%db%86%d9%86%d9%80%db%8e%d8%9b-%d9%87%db%8e%d9%85%d8%a7-%d9%88-%d8%b3%db%8c%d9%85%d8%a8%db%86%d9%84%d8%a7-%d8%a6%db%8c%d8%b1%d8%a7%d8%af/269804/feed/ 0 ترس ژ نەخۆشیان https://rojnameyaevro.com/ku/%d8%aa%d8%b1%d8%b3-%da%98-%d9%86%db%95%d8%ae%db%86%d8%b4%db%8c%d8%a7%d9%86/269213/ https://rojnameyaevro.com/ku/%d8%aa%d8%b1%d8%b3-%da%98-%d9%86%db%95%d8%ae%db%86%d8%b4%db%8c%d8%a7%d9%86/269213/#comments Thu, 03 Sep 2026 08:18:03 +0000 https://rojnameyaevro.com/ku/?p=269213 عەبدولرەحمان مەحموود

د ژیانێ دا چو تشتەك ژ ساخلەمیا مرۆڤی د گرنگتر نینن، هەموو دەما چاڤێ مرۆڤی ل وێ ئێكێ یە كا دێ چەوا شێت خۆ ژ هەر نەخۆشیەكێ پارێزیت، دا هەردەم لەش ساخ و ساخلەم بمینیت و ب ساخلەمیەكا باش بمینیت، چونكو ئەو دەمێ‌ ساخلەمیا مرۆڤی تێكچوو، بێگومان مرۆڤ د هەمبێزا خۆشیان د ا دەردكەڤیت و دبیتە مێهڤانێ ئێش و ئازاران، لەومان ژ هەر تشتەكی گرنگتر دڤێت چاڤێ مە ل ساخلەمیا مە بیت و هەر چو تشتەكێ دژی ساخلەمیا مەبیت خۆ ژێ دووربێخین، لێ ئەڤ چەندە ژی نابیتە ئەگەرێ وێ ئێكێ كو مرۆڤ چو دەمەكی دژیانا خۆ دا تووشی نەخۆشیەكێ نەبیت و هەردەم ساخلەم بژیت، بەلكو ژیان وەسانە بێی نەخۆشی دەرباز ناببیت، لێ یا گرنگ ئەوە نەخۆش زوی ل ساخلەمیا خۆ ب پڕسیت و بچیتە دەف نۆژدارەكێ تایبەتمەند دا هەر زوو چارەسەریا وی بهێتەكرن، هەلبەت گەلەك نەخۆش هەنە ژ ئەگەرێ ترسا وان ژ نەخۆشیان ئەو وێرەكی یە نینە بچیتە دەف نۆژداری و هندەك پشكنینان بكەت، ئەو وەسان هزر دكەت نەكو ئێشەكا دۆمدرێژ یا ئەو ژێ دترسیت لێ هەبیت و هوسا دێ كەڤیتە بن كارتێكرنا ڤێ نە خۆشیێ و ژ ترسا ڤێ نەخۆشیێ دێ پتر فشار و كارتێكرنێ ل ساخلەمی و دەروونێ وی كەت، لێ ئەڤە نابیتە كارەكێ دروست مرۆڤ خۆ ڤەهێلیت و كەمتر خەمیێ بكەت و زوو قەستا دەف نۆژدارەكی نەكەت، بەلكو یا دروست ئەوە، هندی مرۆڤ بشێت د دەسپێكێت دیاربوونا ئێشێ، هندی بشێت زوو قەستا نۆژداری بكەت، داكو هەر زوو مرۆڤ چارەسەریێ وەربگریت و ئەو ئێشە بهێتە كونترولكرن، نەخاسمە هەكە ئێش یا دۆمدرێژ بیت، چونكو هەكە مرۆڤی د دەمێ خۆ دا چارەسەریا نەخۆشیا خۆ نەكر، ئەڤ ترسە دێ ژ سنوورێ خۆ یێ دروست دەركەڤیت و دێ بیتە ترسەكا بەردەام ل دەف مرۆڤی، نە دوورە مرۆڤ ل دووماهیێ تووشی گرێكێن دەروونی ببیت، ئەڤجا هوشیاریا عەقلی و هەڤسەنگی دناڤبەرا ساخلەمیێ و ژیانا ب ئارامی  كلیلا سەرەكی یا ژیانەكا بەختەوەرە.

]]> https://rojnameyaevro.com/ku/%d8%aa%d8%b1%d8%b3-%da%98-%d9%86%db%95%d8%ae%db%86%d8%b4%db%8c%d8%a7%d9%86/269213/feed/ 0 شۆڕەشا دیجیتالی، فاكتەرێ نەهێلانا گوهێ گوهداریێ و خاڤكرنا پەیوەندیێن جڤاكی https://rojnameyaevro.com/ku/%d8%b4%db%86%da%95%db%95%d8%b4%d8%a7-%d8%af%db%8c%d8%ac%db%8c%d8%aa%d8%a7%d9%84%db%8c%d8%8c-%d9%81%d8%a7%d9%83%d8%aa%db%95%d8%b1%db%8e-%d9%86%db%95%d9%87%db%8e%d9%84%d8%a7%d9%86%d8%a7-%da%af%d9%88/269171/ https://rojnameyaevro.com/ku/%d8%b4%db%86%da%95%db%95%d8%b4%d8%a7-%d8%af%db%8c%d8%ac%db%8c%d8%aa%d8%a7%d9%84%db%8c%d8%8c-%d9%81%d8%a7%d9%83%d8%aa%db%95%d8%b1%db%8e-%d9%86%db%95%d9%87%db%8e%d9%84%d8%a7%d9%86%d8%a7-%da%af%d9%88/269171/#comments Wed, 02 Sep 2026 09:21:49 +0000 https://rojnameyaevro.com/ku/?p=269171 عەبدولرەحمان مەحموود

سەردەمەكێ سەیرە ئەڤرۆ ئەم كەفتینە تێدا، د جڤاكا ڤی سەردەمی دا پتر ئەم دئاخڤین ل جهێ ئەم گوهداریێ بكەین، گەر تەماشە بكەین ل سەر دەمێ بابكالان هەمی دەما مرۆڤ خوازیار و پەرووشێ وێ ئێكێ بوو كەسەك هەبیت هندەك شیرەت و ئامۆژگاریێن باش ل مرۆڤی بكەت و بەرێ مرۆڤی بدەتە وێ ڕێكێ یا سەركەفتن سەرفەرازیا هەر مرۆڤەكی د دویڤ دا دهێت، هەر چو شیرەتا ل مرۆڤی هاتبا كرن پڕانیا كەسانێن وی سەردەمێ گوهداری بۆ دكر و ئەو شیرەت دكرنە تاج و د دانانە سەر سەرێ خۆ، چونكی وان باش دزانی ب گوهدان و گوهداریا شیرەتان دێ هەمی ڕێك و قولاچكێن تاری یێن ژیانێ ل بەر ڕۆن بن و چو جاران مرۆڤ ڕێكا خۆ یا دروست بەرزەناكەت. د سەردەمەكی دا كو ئامرازێن پەیوەندیێ گەهشتینە گوپیتكێ، یا سەیر ئەوە كو پەیوەندیێن مرۆڤایەتی بەرەڤ خاڤبوونێ چوونە، ئەڤرۆ مە ئالاڤێن ئاخافتنێ یێن زۆر هەنە، بەلێ گوهێ گوهداریێ یێ كێم بووی، گوهداری نە بتنێ گوهلێبوونا دەنگی یە، بەلكو تێگەهشتنە ژ مانا و دەربرینێن یێ بەرامبەر، دڤێرێ دا پسیارەك دهێتە پێش كا بۆچی مە گوهێ گوهداریێ نەمایە؟ هەلبەت ئەڤە ژی ڤەدگەڕیت بۆ ڤێ شۆڕەشا دیجیتالی و كێمبوونا تەركیزێ كو ئەڤرۆ تۆرێن جڤاكی فەیسبووك، ئینستیگرام، تیكتۆك مێشكێ مە فێركریە لسەر ڤیدیۆ و تێكستێن كورت كو د چەند چركەكان دا ب دوماهی دهێن، ئەڤ شێوازێ ژیانێ و لێهمشتا زانیاریێن بلەز، بوویە ئەگەر كو مرۆڤ شیانێن خۆ یێن تەركیزكرنێ بۆ ماوەیەكێ درێژ ژ دەست بدەت، دەمێ كەسەك دۆستەكێ خۆ دبینیت و ئەو دۆست دەست ب ڤەگێڕانا چیرۆكەكا درێژ دكەت، مێشكێ مە یێ فێربووی لسەر (سكرۆلكرنێ)زوو بێزار دبیت و نەشێت ب دل و گیان گوهداریێ بكەت، دبینین مرۆڤێ ئەڤرۆ د ناڤا گێلەشۆكا دابینكرنا داهاتەكی، یان دناڤ كار و ئەركێن ڕۆژانە دا یێ بەرزە بووی، دەمێ مێشك ب سەدان كێشە و ئالۆزی و خەمێن ڤێ ژیانێ یێ تژی بیت، جهەك بۆ گوهداریێ نامینیت، لەومان ئەم زۆربەی جاران ب جەستە ل دەف یێ بەرامبەرین، بەلێ ب مێشك و هزر یێن د ناڤ كێشێن خۆ دا نوقۆم بووین، خۆیایە كەلتوورێ مۆدێرن گرنگیەكا مەزن ددەتە تاكەكەسیێ و دەرئێخستنا (خۆ) مرۆڤ حەز دكەن ئەو ببنە سەنتەرێ سەرنجێ، د ڕوودانیێن جڤاكی دا، زۆربەی جاران كەسەك گوهداریێ ناكەت دا كو تێبگەهیت، بەلكو گوهداریێ دكەت بتنێ دا كو بزانیت كەنگی نۆرا وی بهێت و دەست ب ئاخفتنێ بكەت، واتە، گوهداری بۆ بەرسڤ دانێ یە، نەك بۆ تێگەهشتنێ، گوهداریكرنا ڕاستەقینە پێدڤی ب هەڤسۆزیێ هەیە كو بهەمی جەستەیێ خۆ ڤە دگەل وی بی، د ڤی سەردەمێ دا، ب ئەگەرێ دووركەفتنا جڤاكی و پشتگۆه هاڤێتنا پەیوەندیێن ڕاستەقینە و گۆهرینا وان بۆ پەیوەندیێن سار یێن پشت شاشەیان، هەستیاری و هەڤسۆزیا مرۆڤان كێم بوویە، هەر دەمێ ئێش و ئازارێن كەسێ بەرانبەر نەبنە خەما مە، گوهداری ژی دێ بیتە كارەكێ گران و بێ مفا، ئەڤجا بێدەنگبوونا گوهێ گوهداریێ د جڤاكا دا، مەترسیەكا مەزنە لسەر خێزان، هەڤالینی، و هەردیسا پەیوەندیێن كار و سیاسەتێ ژی، ئەگەر مرۆڤ گوهداریێ نەكەت، دێ ل ڕێكێن خۆ یێن ڕاست بەرزەبیت و دەركەفتن ژ ئاریشان دێ گەلەك یا ب زەحمەت بیت.

]]> https://rojnameyaevro.com/ku/%d8%b4%db%86%da%95%db%95%d8%b4%d8%a7-%d8%af%db%8c%d8%ac%db%8c%d8%aa%d8%a7%d9%84%db%8c%d8%8c-%d9%81%d8%a7%d9%83%d8%aa%db%95%d8%b1%db%8e-%d9%86%db%95%d9%87%db%8e%d9%84%d8%a7%d9%86%d8%a7-%da%af%d9%88/269171/feed/ 0 پێغەمبەر سلاڤ لێ بن، ئەو چرایێ گەش یێ ڕێكا مرۆڤاتیێ https://rojnameyaevro.com/ku/%d9%be%db%8e%d8%ba%db%95%d9%85%d8%a8%db%95%d8%b1-%d8%b3%d9%84%d8%a7%da%a4-%d9%84%db%8e-%d8%a8%d9%86%d8%8c-%d8%a6%db%95%d9%88-%da%86%d8%b1%d8%a7%db%8c%db%8e-%da%af%db%95%d8%b4-%db%8c%db%8e-%da%95%db%8e/268736/ https://rojnameyaevro.com/ku/%d9%be%db%8e%d8%ba%db%95%d9%85%d8%a8%db%95%d8%b1-%d8%b3%d9%84%d8%a7%da%a4-%d9%84%db%8e-%d8%a8%d9%86%d8%8c-%d8%a6%db%95%d9%88-%da%86%d8%b1%d8%a7%db%8c%db%8e-%da%af%db%95%d8%b4-%db%8c%db%8e-%da%95%db%8e/268736/#comments Wed, 26 Aug 2026 10:26:25 +0000 https://rojnameyaevro.com/ku/?p=268736 عەبدولرەحمان مەحموود

د دیرۆكا درێژا مرۆڤایەتیێ دا، مینبەر و ڕێبازێن جۆراوجۆر هاتینە دانان، كوڕ و كچێن گەلەك ملەتان بزاڤ كرینە مرۆڤایەتیێ بەرەڤ ڕۆناهیێ ڤە ببەن، بەلێ د ناڤ هەموو ڤان ڕێڤەچوونان دا، كەسایەتیەك هەبوو كو نە بتنێ دەڤەرەك یان سەردەمەك، بەلكو تەڤاهیا جیهانێ ب ڕووناهیا خۆ ڕۆهنكر، ئەو كەسایەتی، پێغمبەرێ مە یێ خۆشڤی یە (سلاڤێن خۆدێ ل سەر بن)، كو ب ڕاستی چرایێ ڕێكا مرۆڤایەتیێ بوو.
بەری هاتنا ڤی چرایێ پیرۆز، جیهان د ناڤ تاریاتیا نەزانینێ، بێ دادیێ، و ژناڤبرنا مافێن لاوازان دا نقوم ب بوو، زۆرداری و جوداهیا چینایەتی یا بەربەلاڤ بوو، بەلێ دەمێ پەیاما ئیسلامێ ب دەستێن ڤی پێغمبەرێ مەزن گەهشتیە مرۆڤان، چرایەك هەلبوو كو تاریاتی هەموو ڕەڤاند و ڕێكا راست و دروست نیشانی تەڤاهیا جیهانێ دا، پێغمبەر بتنێ بەلاڤكرنا پەیامەكێ نەبوو، بەلكۆ شۆڕەشەكا هزری، جڤاكی و ڕەوشتی بوو، ل دەمەكێ كو جڤاكێ بەری وی د ناڤ جوداهیێن ڕەگەزی، ناڤچەگەری و بنپێكرنا مافێن مرۆڤی دا بەرزە ب بوو، ئیسلامێ ب ڕێیا پەیاما خوە هەمی تاریاتیێن جڤاكی تێكشكاندن، خۆیایە پێغمبەر نە بتنێ ب ئاخفتن، بەلكو ب كریارێن خۆ نموونەیا بەرزا ڕەوشتی بوو، ئەوی حەژێكرن و دلۆڤانی د ناڤبەرا مرۆڤان دا بەلاڤ دكر، دەستێ لاواز و هەژاران دگرت، و ڕێز ل كەرامەتا مرۆڤان دگرت، بێی جوداهیا ڕەنگ و ڕەگەزان، ئەو چرا بوو بۆ دەرئێخستنا مرۆڤان ژ تاریاتیا نەزانینێ بەر ب ڕۆناهی و ئازادییا هزر و ویژدانی، دادپەروەری كرە بنەمایێ جڤاكی، كو تێدا یاسایێ پاراستنا هەموویان دكر بێی جوداهی، پەیاما پێغمبەرێ مە ب پەیڤا (أقرأ) دەستپێكر، دا كو بەلگە بیت ل سەر هندێ كو ڕێكا ڕۆناهی و پێشكەفتنێ د زانست و زانیاریێ ڕا دەرباز دبیت، ئەو چرایێ بەری سەدان سالان هاتیە هەلكرن، ئەڤرۆ بوویە ڕۆناهیا تەڤایا ڕێكێن مە یێن تاری د ژیانێ دا، هەلبەت دویڤكەفتنا ڤی چرای، بتنێ ب گوپیتكا ئاخفتنان نابیت، بەلكو ب جێبەجێكرنا ڕەوشتێ وی، بەلاڤكرنا ئاشتیێ، ئاڤاكرنا جڤاكەكێ پاك و پاقژ، و ڕێزگرتن ل مرۆڤایەتیێ دەست پێ دكەت، لەوڕا زۆرا پێتڤیە ل سەر ڕێكا وی چرای بڕێڤە بچین دا كو د ناڤ ئالۆزی و ئاریشەیێن سەردەمێ نوو دا ڕێكا خۆ بەرزەنەكەین، دیارە پێغمبەر (س.خ) چرایەكە كو چو جار ناڤەمرهیت، ئەڤجار دا ئەم هەمی ببینە هەلگرێن پشكەك ژ ڤی چرایی، دا كو دەوروبەرێن خۆ ب ڕەوشت، زانست، و دادپەروەریێ ڕۆهن بكەین و جڤاكا خۆ ژ كویلایەتی و دەردێ نەزانینێ ڕزگار بكەین و ببینە نموونەیا ڕەوشت بەرزیێ و هەموو وان كریار و سالوخەتێن نەجوانێن سیمایێ جڤاكا پێ كرێت دبیت، دەست ژێ بەردەین و ڤی پێغمبەرێ شیای ب كار و كریار و گۆتنێن خۆ ببیتە ڕۆناهیا هەموو قولاچكێن تاری؛ بكەینە پێشەوا، داكو وێ ئێكێ د ژیانێ دا ب دەستڤە بینین یا ئەم هەمی خۆ بۆ ماندی دكەین، كو ئەو ژی خۆشی و بەختەوەری و دووركەفتنە ژ هەر نەخۆشی و ئالۆزیەكێ.

]]> https://rojnameyaevro.com/ku/%d9%be%db%8e%d8%ba%db%95%d9%85%d8%a8%db%95%d8%b1-%d8%b3%d9%84%d8%a7%da%a4-%d9%84%db%8e-%d8%a8%d9%86%d8%8c-%d8%a6%db%95%d9%88-%da%86%d8%b1%d8%a7%db%8c%db%8e-%da%af%db%95%d8%b4-%db%8c%db%8e-%da%95%db%8e/268736/feed/ 0 ل سرایا پانزینێ https://rojnameyaevro.com/ku/%d9%84-%d8%b3%d8%b1%d8%a7%db%8c%d8%a7-%d9%be%d8%a7%d9%86%d8%b2%db%8c%d9%86%db%8e/268216/ https://rojnameyaevro.com/ku/%d9%84-%d8%b3%d8%b1%d8%a7%db%8c%d8%a7-%d9%be%d8%a7%d9%86%d8%b2%db%8c%d9%86%db%8e/268216/#comments Mon, 17 Aug 2026 09:19:08 +0000 https://rojnameyaevro.com/ku/?p=268216 عەبدولرەحمان مەحموود

ئەڤە دەمەكە قەیرانا كێمیا پانزینێ ب سەر هەرێما كوردستانێ دا هاتی و شۆفێر ژ گرانیا پانزینا بازڕگانی نەچارن پتر بەرێ خۆ بدەنە بەر ب كڕینا پانزینا حكومی، لێ ئەڤە ژی ب ساناهی ب دەست ناكەڤیت و شۆفێر نەچارن نۆرەیا خۆ بگرن تاكو بكارن (40) لترێن پانزینا حكومی ب دەستخۆڤە بینن، هەرچەندە پتریا جاران ل سرایێ پشتی دو هەتا سێ دەمژمێران مرۆڤ ڤێ بڕا پانزینێ وەردگریت، لێ هندەك جاران ژ نە دروست بڕێڤە چوونا سرایێ پشتی چەندین دەمژمێرێن مانا ل سرایێ پانزین ب شۆفێری ڕا ناگەهیت و ئەو ماندیبوون و مانا وی هەموو ل سرایێ بەلاش دچیت و ب سەر و دلێن نەخۆش ڤە دزڤریتە ڤە مال هەتا ڕۆژا پاشتر بۆ خۆ بچیت نۆرەیەكا دی بگریت، ئەڤە ژی ڤەدگەڕیت بۆ ئاستێ لاواز و تێگەهشتنا هندەك شۆفێران كو ب هەر ڕێكەكا هەبیت خۆ دهاڤێتە دناڤا سرایێ دا ل ڕێزێن پێشیا سرایێ، یان ژی هەر ناچیتە سرایێ و ئێكسەر دچیتە د پانزینخانێ دا و پانزینێ وەردگریت، یان ژی هندەك كەسان بۆ خۆ ئەڤ قەیرانە ب دەلیڤە دیتیە و هەر زۆی دچن نورەیا چەندین ترۆمبێلا ب بەرا دگرن و بێی ترۆمبێل هەبیت و دهێن دبێژنە شۆفێرا مە جهێ هندە ترۆمبێلا هێلایە گەر وە بڤێت بەرامبەر گۆژمەكێ پارەی دێ نۆرەیێن خۆ دەینە هەوە، هەنە شۆفێر داكو زوی پانزینێ وەربگرن، گوژمێ وان داخوازكری پێ ددەن و دچنە د سرایێ دا و ب گەلەك ڕەنگێن دی یێن فێلبازی و واستەكاریێ دسرایا پانزینێ دا دبینین، ب ڕاستی ل جهێ ماندیبوونەكا زۆر ل سرا پانزینێ و ل ڤێ گەرمێ، چەند بێزار دبین ب دیتنا ڤان دیمەنێن سەرپێچكاران هندێ دی بێزارتر لێ دهێین، ئەڤجا یا گرنگ ئەوە دڤێ ڕەوشا هندە نەخۆش دا، ماندیبوونا شۆفێرێن ب دروستی ل ڤێ گەرمێ نۆرا خۆ گرتی، ئەو شۆفێرێن سەرپێچكار بیرا خۆ ل وژدانا خۆ بینن و نەبنە ئەگەرێ تێكدانا سرایێ و پتر بێزاركرنا شۆفێرێن دی و بلا نە بۆ خۆ ب شانازی بزانن كو هەما شیان ب ڕێكێن نە دروست پانزینێ وەربگرن، هەر چۆ گاڤا ڤیا بێی سرا بۆ خۆ بچن وەربگرن، دڤێت ئەوژی وەكی هەر شۆفێرەكێ دی سرا خۆ بگرن و نەبنە جهێ تێكدانێ و دروست بڕێڤەنەچوونا سرایێ.

]]> https://rojnameyaevro.com/ku/%d9%84-%d8%b3%d8%b1%d8%a7%db%8c%d8%a7-%d9%be%d8%a7%d9%86%d8%b2%db%8c%d9%86%db%8e/268216/feed/ 0