Rojnameya Evro » ئیسماعیل تەها شاهین https://rojnameyaevro.com/ku Tue, 12 May 2026 23:00:13 +0000 ar hourly 1 https://wordpress.org/?v=4.0.38 كـورد مـارگـەستی نـە و دڤێت ژ وەریسی بترسن!! https://rojnameyaevro.com/ku/%d9%83%d9%80%d9%88%d8%b1%d8%af-%d9%85%d9%80%d8%a7%d8%b1%da%af%d9%80%db%95%d8%b3%d8%aa%db%8c-%d9%86%d9%80%db%95-%d9%88-%d8%af%da%a4%db%8e%d8%aa-%da%98-%d9%88%db%95%d8%b1%db%8c%d8%b3%db%8c-%d8%a8%d8%aa/260341/ https://rojnameyaevro.com/ku/%d9%83%d9%80%d9%88%d8%b1%d8%af-%d9%85%d9%80%d8%a7%d8%b1%da%af%d9%80%db%95%d8%b3%d8%aa%db%8c-%d9%86%d9%80%db%95-%d9%88-%d8%af%da%a4%db%8e%d8%aa-%da%98-%d9%88%db%95%d8%b1%db%8c%d8%b3%db%8c-%d8%a8%d8%aa/260341/#comments Sat, 28 Mar 2026 22:25:05 +0000 https://rojnameyaevro.com/ku/?p=260341 ئیسماعیل تەها شاهین

هەر د سەرێ شەڕی دا، سیاسەتمەدارێن كورد ژ ڕۆژئاڤایێ هەتا ڕۆژهلاتێ زانین ئەمریكایێ و ئیسرائیلێ ل بەرە وان وەك كارتەكا پێپەست و گڤاشتنێ بكاربینت و پشتی گلۆلكا خوە ژێ هلدكت، دێ وان وەكە بەتلەكی ڤالا ڤڕڤڕینت، هەر وەكی گەلەك جاران ڤڕڤڕاندین و هێلایینە ل بەر باڤڕكێن گەفان.
هندەك بەرپرسێن ئەمریكی و یێن ئیسرائیلی هەر د سەرێ شەڕێ سار دا، كورد ب فۆرت و پەسنێن ژ دەرەو پفددان و سەرێ وان گەرم دكر و بزاڤ دكرن تەژی دەڤێ وان گلیز بكن بۆ سەرهلدانەكێ ل ڕۆژهلاتا كوردستانێ، دا تەڤلی شەڕێ نها ببن و ڕژێما ئیرانێ مژوول بكن ب بەرۆكەكی دی یێ شەڕی و پاشتر ڕۆژهلاتا ئیرانێ ب ڕێكا كوردان كۆنترۆل بكن.
بەلێ پشتی شەڕی دەست پێ كری و بنگەهێن ئەمریكی د ئەردێ هەرێمێ دا هاتینە قەسفكرن چ ب ڕێكا مووشەكان یان درۆنان، سیاسەتمەدارێن هەرێمێ ب ئاشكەرایی نەمازە پشتی باش ب سەر هەمی ڕوویێن یارییێ هلبوویین، ئینا بڕیار دان تەڤلی شەڕی نەبن و ژ تەماشەكەران بن.
ئەڤ بڕیارە ب ڕاستی و بێ ڤەشارتن، گەلەك یا د جهێ خوە دا بوو، ب تایبەتی پشتی وان ب چاڤێن سەرێ خوە دیتی چاوا ئەمریكایێ بۆ دەمێ چەند قەدەر سالان ل ڕۆژئاڤایێ كوردستانێ كورد وەك چەتە هەژمارتین و ترامپ ب دەڤێ خوە گۆتی ئەو گەهشتنە بەرانبەرێ خزمەتا خوە و كورد ئەرزان فرۆتن.
كورد ل سەر ئاستێ سەركێشییێ نە وەك بنۆكەیا (قاعیدەیا) ب پلەكێ خوە دگەهینتە سەرێ ملەكێ، نها ئەو، ئەو مارگەستینە، یێ كو وان ئێدی باوەری ب وەریسێ ئەمریكایێ و ئیسرائیلێ ژی نائێت.
ئەز ژ بەرێ خوە ڤە دبینم كو سیاسەتمەدارێن كورد د ڤی شەڕی دا، ڤێ جارێ چاڤگێڕییەكا باش كرن و ب دورستی زانین، كا سەنگا وان د تەرازوویا ئەمریكایێ و ئیسرائیلێ دا چەندە و ئەو بۆ چ ڕۆندكێن تیمساحان جارنا ل سەر كوردان دبارینن. زانین گێچێ ڤیانا ئەمریكایێ و ئیسرائیلێ یا ژ دەرەو بۆ كوردان ل كی دەرێ ب دووماهی دئێت.
ڤێجا ما كوردان ڕوو د ڕەشن خوە بكنە ئالییەك د ڤی شەڕی دا؟!.. شەڕێ پەترۆلێ و گەرمكرنا بەرووكا ئەمریكایێ و ڤەڕەڤاندنا ترسا ئیسرائیلێ.. شەڕێ بچووككرنا قەبارەیا ڤەپەڕین و بەلاڤبوونا سەرشەقێن دەستهلاتا چینێ یا ئابۆری كو هێژ نها بۆ ئەمریكایێ بوویە ڕەشە ل دووڤ دیتنا گەلەك چاڤدێر و ڤەكۆلەران د وارێ سیاسەتێ دا.

]]> https://rojnameyaevro.com/ku/%d9%83%d9%80%d9%88%d8%b1%d8%af-%d9%85%d9%80%d8%a7%d8%b1%da%af%d9%80%db%95%d8%b3%d8%aa%db%8c-%d9%86%d9%80%db%95-%d9%88-%d8%af%da%a4%db%8e%d8%aa-%da%98-%d9%88%db%95%d8%b1%db%8c%d8%b3%db%8c-%d8%a8%d8%aa/260341/feed/ 0