Rojnameya Evro » هوشه‌‌نگ تاجر https://rojnameyaevro.com/ku Tue, 07 Apr 2026 22:30:14 +0000 ar hourly 1 https://wordpress.org/?v=4.0.38 بۆچـی تـوركیا و پـاكستان تـەنگاڤ بووینە؟ https://rojnameyaevro.com/ku/%d8%a8%db%86%da%86%d9%80%db%8c-%d8%aa%d9%80%d9%88%d8%b1%d9%83%db%8c%d8%a7-%d9%88-%d9%be%d9%80%d8%a7%d9%83%d8%b3%d8%aa%d8%a7%d9%86-%d8%aa%d9%80%db%95%d9%86%da%af%d8%a7%da%a4-%d8%a8%d9%88%d9%88%db%8c/260931/ https://rojnameyaevro.com/ku/%d8%a8%db%86%da%86%d9%80%db%8c-%d8%aa%d9%80%d9%88%d8%b1%d9%83%db%8c%d8%a7-%d9%88-%d9%be%d9%80%d8%a7%d9%83%d8%b3%d8%aa%d8%a7%d9%86-%d8%aa%d9%80%db%95%d9%86%da%af%d8%a7%da%a4-%d8%a8%d9%88%d9%88%db%8c/260931/#comments Tue, 07 Apr 2026 21:51:17 +0000 https://rojnameyaevro.com/ku/?p=260931 هـۆشـەنگ تـاجـر

شەڕێ د ناڤبەرا ئیرانێ ل گەل ئەمریكا و ئسرائیلێ دا ب توندی بەردەوام دكەت و دەمەكە توركیا و پاكستان دەست ب بزاڤەكا مەزن بۆ راگرتنا شەڕی كرینە، رەنگە گەلەك كەس وەسا هزر بكەن كو توركیا و پاكستان ڤێ ئێكێ ژ بۆ ئارامیا دەڤەرێ دكەن، لێ روویێ راست یێ بابەتی تشتەك جودایە، بەری هەر تشتەكێ توركیا و پاكستان باش دزانن هەكە دەستهەلاتا نها یا ئیرانێ نەمینیت؛ وی دەمی دێ دو هەرێمێن كوردی و بەلۆچی ل ئیرانێ دروست بن، ئەو ئێك دێ كاریگەریا خوە ل سەر توركیا و پاكستانێ كەت؛ چونكی ب سالانە بەلۆچی ل هەر دو وەلاتێن ئیران و پاكستانێ داخوازا مافێن خوە دكەن كو تنێ ل پاكستانێ پتر ژ ١٥ ملیۆن بەلۆچ؛ دژین و ب سالانە ژی ل ئیرانێ هێزێن بەلۆچی ل دژی دەستهەلاتا ئیرانێ شەڕی دكەن.
ل گۆر زانیاریان د پەیوەندیێن تەلەفوونی یێن بەری چەند رۆژان د ناڤبەرا وەزیرێن دەرڤە یێن توركیا و پاكستانێ ل گەل ئیرانێ دا بەرپرسێن ئیرانێ ب رەنگەكێ ئاشكرا دیاركرینە كو دڤێت توركیا و پاكستان خوە ئێكلا بكەن یا ل گەل ئیرانێ نە یان ژی ل دژی ئیرانێ نە، ئانكو ب كورتی دیار دبیت ئیران رۆلێ ناڤبژیڤان ژ هەر دو وەلاتان قەبوول ناكەت ب تایبەتی ژی ل توركیا، دڤێت ژبیر نەكەین كو بەری نها ژی ئەمریكا دخواست هەڤدیتنێن وان ل گەل ئیرانێ ل توركیا بهێنە ئەنجامدان لێ ئیرانێ رەت كر و دووماهیێ ژی هەڤدیتن ل وەلاتێ عومان هاتنەكرن.
توركیا باش دزانیت هەر گوهۆڕینەك ل ئیرانێ رووبدەت دێ كاریگەریا خوە یا خراب بۆ توركیا هەبیت، بەری چەند رۆژان دەولەت باخچەلی سەرۆكێ پارتا بزاڤا نەتەوەپەرست ب رەنگەكێ ئاشكرا د كۆمبوونا پارتا خوە دا ل پەرلەمانێ توركیا دیاركر، نابیت توركیا رێ بدەت كو ئیران بهێتە پارچەكرن ئەو ئێك دێ بیتە مەترسیەكا گەلەك مەزن بۆ توركیا، هەر ژ نها ڤە توركیا گەفان ل پارتێن كوردی ژی دكەت كو نابیت ل ئیرانێ چو لڤینان بكەن، لێ رۆژهەلات كوردستانێ نە وەكو رۆژئاڤایە و جوگرافیا خوە یا بەرفرەه هەیە و ئەو ئێك ژی بوویە ئەگەر بەرپرسێن توركیا گەلەك تەنگاڤ بن.
د دەمێ ئالۆزیێن ل سووریێ دا توركیا هەردەم داخواز ژ بەشاری دكر كو دەستهەلاتێ رادەست بكەت، لێ نها ل ئیرانێ بەروڤاژی سیاسەتا سووریێ كاردكەت و نەڤێت رژێما مەلایێن ئیرانێ ژناڤ بچیت، رەنگە ب گوهۆڕینا دەستهەلاتا ئیرانێ ئێدی پێلا گوهۆڕینان بگەهیتە بەر دەرگەهێن توركیا، هەر چەندە توركیا ل ژێر ناڤێ قووناغا ئاشتیێ بزاڤا بێدەنگكرنا كوردان دكەت، لێ هەر گوهۆڕینا نوو ب تایبەتی ژی د دەمەكێ دا كو ئسرائیل بەحسێ گوهۆڕێنا نەخشێ نوو یێ دەڤەرێ دكەت، دێ بیتە ئەگەرێ گوهۆڕینێن گەلەك مەزن و دێ گەلەك تشت ژ دەستێ توركیا دەركەڤن، ژ بەر ڤێ یەكێ ژی توركیا د راستی دا ل ژێر ناڤێ رۆلێ ناڤبژیڤانیێ بزاڤا گەرەنتیكرنا پێگەهێ خوە دكەت.
ل ئالیێ دی ئسرائیل ب چو رەنگەكێ نەڤێت توركیا ل ئیرانێ دا خوەدان رۆل و پێگەه بیت و هەكە گوهۆڕین ل ئیرانێ روی بدەن ژی؛ بێگومان دێ رێ ل توركیا هێتە گرتن، توركیا گەلەك بزاڤ كرن كو ب رێیا ئازەریان پێگەهێ خوە ل ئیرانێ بهێز بكەت، لێ ئازەری خوە وەكو تورك نابینن، ئازەری خوە ب خوەدانێ ئیرانێ دزانن و ناخوازن بكەڤنە ژێر كاریگەریا توركیا و ئەو ئێك ژی بوویە ئەگەر توركیا گەلەك تەنگاڤ بیت، یا راست نها توركیا چو كاریگەری ل سەر ئۆپۆزسیۆنا ئیرانێ نینە و ئەو ئێك ژی نیشاددەت یا توركیا ل سووریێ كری نەشێت ل ئیرانێ بكەت.

]]> https://rojnameyaevro.com/ku/%d8%a8%db%86%da%86%d9%80%db%8c-%d8%aa%d9%80%d9%88%d8%b1%d9%83%db%8c%d8%a7-%d9%88-%d9%be%d9%80%d8%a7%d9%83%d8%b3%d8%aa%d8%a7%d9%86-%d8%aa%d9%80%db%95%d9%86%da%af%d8%a7%da%a4-%d8%a8%d9%88%d9%88%db%8c/260931/feed/ 0 هه‌رێما كوردستانێ و هه‌ڤسه‌نگیێن نوو ل ده‌ڤه‌رێ https://rojnameyaevro.com/ku/%d9%87%d9%87%e2%80%8c%d8%b1%db%8e%d9%85%d8%a7-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%88-%d9%87%d9%87%e2%80%8c%da%a4%d8%b3%d9%87%e2%80%8c%d9%86%da%af%db%8c%db%8e%d9%86-%d9%86%d9%88/150670/ https://rojnameyaevro.com/ku/%d9%87%d9%87%e2%80%8c%d8%b1%db%8e%d9%85%d8%a7-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%88-%d9%87%d9%87%e2%80%8c%da%a4%d8%b3%d9%87%e2%80%8c%d9%86%da%af%db%8c%db%8e%d9%86-%d9%86%d9%88/150670/#comments Mon, 13 May 2019 05:59:45 +0000 http://evronews.net/ku/?p=150670 هۆشه‌نگ تاجر

سزایێن ئه‌مریكا یێن ل سه‌ر ئیرانێ هاتینه‌ سه‌پاندن د دووماهیێ دا توركیا ژی نه‌چاركر كو به‌رێ خوه‌ بده‌ته‌ هه‌رێما كوردستانێ، توركیا ژ بۆ كڕینا په‌ترۆلا پێدڤی بۆ وه‌لاتێ خوه‌ ل شوونگره‌كێ دگه‌ریت و هه‌رێما كوردستانێ دشێت ببیته‌ ئه‌و شوونگر و ئه‌و یه‌ك بێگومان ده‌ستێ هه‌رێما كوردستانێ د هه‌ڤسه‌نگیێن نوو یێن سیاسی ل ده‌ڤه‌رێ دا دێ بهێز كه‌ت. هه‌كه‌ ره‌وشا نها مفایێن خوه‌ یێن سیاسی و ئابووری بۆ هه‌رێما كوردستانێ هه‌بن ژی د هه‌مان ده‌می دا گه‌له‌ك مه‌ترسیێن خوه‌ ژی هه‌نه‌ و ئه‌و یه‌ك ژی ل سه‌ر سه‌ركردایه‌تیا سیاسی یا هه‌رێما كوردستانێ دمینیت كو بشێت ب سیاسه‌ته‌كا پراگماتیست به‌رژه‌وه‌ندیێن هه‌رێما كوردستانێ بپارێزیت و مه‌ترسیێن هه‌ی ژ هه‌رێمێ دوور بكه‌ت. بلا كه‌س دهۆلا هندێ لێ نه‌ده‌ت كو توركیا دۆستێ هه‌رێما كوردستانێ یه‌ و دێ په‌یوه‌ندیێن مه‌ گه‌له‌كێ باش بن، د سیاسه‌تێ دا ئه‌و یه‌ك ژ  بلی خوه‌خاپاندنێ چو ئه‌نجامێن خوه‌ نابن و هه‌كه‌ ئه‌م به‌رێ خوه‌ بده‌ینه‌ په‌یوه‌ندیێن هه‌شت سالێن بۆری یێن هه‌رێما كوردستانێ و توركیا دێ بابه‌ت پتر بۆ مه‌ زه‌لال بیت. هه‌رێما كوردستانێ دشێت ب راگرتنا هه‌ڤسه‌نگیا ل گه‌ل ئیرانێ و توركیا د ره‌وشا نها یا ئالۆز ل ده‌ڤه‌رێ دا ره‌وشا ئابووری یا هه‌رێما كوردستانێ باشتر لێ بكه‌ت، چونكو توركیا پێدڤی ب هه‌رێما كوردستانێ یه‌ و د هه‌مان ده‌می دا ئیران ژی ژ به‌ر سزایێن ئه‌مریكا یێ بزاڤان دكه‌ت ده‌رگه‌هێن نوو ل گه‌ل هه‌رێما كوردستانێ ڤه‌كه‌ت، باشترین تشتا نها سه‌ركردایه‌تیا سیاسی ل هه‌رێما كوردستانێ بكه‌ت راگرتنا سیاسه‌تا هه‌ڤسه‌نگیێ و پێشڤه‌برنا بارێ ئابووری یێ هه‌رێما كوردستانێ یه‌. مه‌ چو دۆست و هه‌ڤالێن به‌رده‌وام نینن و د ده‌مێ ریفراندۆما هه‌رێما كوردستانێ دا ژی ئه‌و یه‌ك ئاشكرا بوو، لێ هه‌رێما كوردستانێ دشێت به‌رژه‌وه‌ندیێن به‌رده‌وام ل گه‌ل توركیا و ئیرانێ دروست بكه‌ت و ب سیاسه‌ته‌كا راست و دروست به‌رێ وان بده‌ته‌ هه‌ولێرێ، چونكو ئه‌مریكا ب سزادانا ئیرانێ و نه‌چاركرنا توركیا بۆ هندێ كو ئێدی په‌ترۆلا ئیرانێ نه‌كڕیت ره‌وشه‌كا نوو هاتیه‌ پێش كو هه‌رێما كوردستانێ دشێت مفادارێ ئێكێ یێ ڤێ ره‌وشا نوو بیت. باشبوونا په‌یوه‌ندیێن هه‌ولێرێ و به‌غدایێ نها گه‌له‌كێ گرنگن، چونكو نه‌ ئیران و نه‌ ژی توركیا نه‌شێن به‌غدایێ ل دژی هه‌رێما كوردستانێ بكاربینن و ئه‌و یه‌ك دێ به‌رێ وان ده‌ته‌ هه‌ولێرێ، سه‌ره‌دانا ڤێ دووماهیێ یا وه‌زیرێ ده‌رڤه‌ یێ توركیا ژی ڤێ راستیێ باش نیشا دده‌ت. دڤێت ئه‌م چو جاران سڤكاتیێن سه‌ركردێن توركیا ل ده‌مێ ریفراندۆما هه‌رێما كوردستانێ ب گه‌لێ كورد و سه‌ركردایه‌تیا سیاسی یا كوردستانێ كری ژبیر نه‌كه‌ین، لێ د سیاسه‌تێ دا به‌رژه‌وه‌ندیێن به‌رده‌وام بنیاتن و نها باشترین ده‌مه‌ كورد ل گۆر ڤێ پێگه‌هێ خوه‌ بهێز بكه‌ن.

]]> https://rojnameyaevro.com/ku/%d9%87%d9%87%e2%80%8c%d8%b1%db%8e%d9%85%d8%a7-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%88-%d9%87%d9%87%e2%80%8c%da%a4%d8%b3%d9%87%e2%80%8c%d9%86%da%af%db%8c%db%8e%d9%86-%d9%86%d9%88/150670/feed/ 0 دانوستاندنێن ئه‌تۆمی و كاریگه‌ریا وێ ل سه‌ر پرسا كوردی ل ئیرانێ https://rojnameyaevro.com/ku/%d8%af%d8%a7%d9%86%d9%88%d8%b3%d8%aa%d8%a7%d9%86%d8%af%d9%86%db%8e%d9%86-%d8%a6%d9%87%e2%80%8c%d8%aa%db%86%d9%85%db%8c-%d9%88-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%d8%a7-%d9%88/34254/ https://rojnameyaevro.com/ku/%d8%af%d8%a7%d9%86%d9%88%d8%b3%d8%aa%d8%a7%d9%86%d8%af%d9%86%db%8e%d9%86-%d8%a6%d9%87%e2%80%8c%d8%aa%db%86%d9%85%db%8c-%d9%88-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%d8%a7-%d9%88/34254/#comments Mon, 06 Jul 2015 08:14:43 +0000 http://evronews.net/ku/?p=34254 پارتی دیموكراتی كوردستان- ئیران و چه‌ندین پارتێن دی یێن رۆژهه‌لاتێ كوردستانێ نها ب گه‌رمی به‌حسێ دروست كرنا به‌ره‌یێ كوردی ل رۆژهه‌لاتێ كوردستانێ و هه‌روه‌سا ده‌ستپێكرنا شه‌رێ چه‌كداری ل دژی كۆمارا ئیسلامی یا ئیرانێ دكه‌ن، ئه‌و یه‌ك د ده‌مه‌كێ دایه‌ كو ئیران ل گه‌ل وه‌لاتێن زلهێز سه‌باره‌ت ب چاره‌كرنا به‌رنامێ ئه‌تۆمی د دانوستاندنان دایه‌ و پرانیا به‌رپرسێن ئیرانێ ژی دیار دكه‌ن كو وان دڤێت رێككه‌ڤتن بهێته‌ كرن.
ئاشكرایه‌ كو ب رێككه‌ڤتنه‌كا وه‌سا دێ ئیران ب هێز كه‌ڤیت، ب تایبه‌تی دێ سزایێن ئابووری ل سه‌ر ئیرانێ تا راده‌یه‌كێ هێنه‌ راكرن و ئه‌و یه‌ك دێ وه‌سا كه‌ت كو بارێ ئابووری یێ وی وه‌لاتی باش ببیت و ل ئالیێ دبلۆماسی ژی ئیران بزاڤێ دكه‌ت كو دۆژمنێن خوه‌ یان بكه‌ته‌ دۆست یان ژی بێ لایه‌ن بهێلیت و ئه‌و سیاسه‌ته‌ ژی ب ته‌مامی ل دژی به‌رژه‌وه‌ندیا كوردان رۆژهه‌لاتێ كوردستانێ دایه‌، چونكو ب هێزبوونا ئیران د ده‌مه‌كێ وه‌سا هه‌ستیار دا ناهێلیت كو خه‌باتا پارتێن رۆژهه‌لاتێ كوردستانێ به‌رفره‌ه ببیت، لێ خاله‌كا دی ژی هه‌یه‌ كو پارتێن رۆژهه‌لات بۆ خوه‌ وه‌ك بنه‌مایه‌كا نوو دبینن و ئه‌و ژی پێشڤه‌چوونێن گشتی ل رۆژهه‌لاتا ناڤین كو كارتا كوردی گه‌له‌ك ده‌ركه‌ڤتیه‌ پێش و ره‌نگڤه‌دانا خوه‌ ل رۆژهه‌لاتێ كوردستانێ ژی كریه‌ و وان دڤێت مفایه‌كا باش ژێ وه‌ربگرن.
هه‌بوونا په‌ژاك كو وه‌ل لقه‌ك په‌كه‌كێ دهێته‌ نیاسین بێگومان دشێت ئاریشێن نوو ده‌ربخینیت، هه‌كه‌ شێوه‌یێ سه‌ره‌ده‌ریا وان ل گه‌ل كۆمارا ئیسلامی وه‌ك یا وان ل سووریێ بیت و ئه‌و یه‌ك دێ وه‌سا كه‌ت كو پارچه‌بوونه‌ك د ناڤبه‌را به‌ره‌یێ كوردی دا دروست بیت، لێ ل گۆر بۆچوونا من ئه‌و بزاڤێن نها پارتی دیموكراتی كوردستان – ئیران و پارتێن دی یێن رۆژهه‌لاتێ كوردستانێ دكه‌ن بۆ وێ یه‌كێ یه‌ كو وان نه‌ڤێت ره‌وشا رۆژهه‌لات ژی وه‌ك رۆژئاڤایێ كوردستانێ لێ بهێت و ژ به‌ر هندێ ژی دڤێت د ماوه‌یه‌كێ كێم دا ئه‌و بشێن ده‌ست ب بزاڤه‌كا مه‌زن یا جه‌ماوه‌ری بكه‌ن و هه‌موو رێكخستنێن خوه‌ یێن به‌رێ ل ناڤ رۆژهه‌لاتێ كوردستانێ ژ نوو ڤه‌ زندی بكه‌ن و به‌رهه‌ڤیه‌كا ته‌مام بۆ هه‌ر پێشهاته‌كێ بكه‌ن.
خاله‌كا دی یا گرنگ كو هێزێن كوردی دشێن بكه‌ن ئه‌وه‌ كو دڤێت ده‌ست ب بزاڤه‌كا دبلۆماسی یا مه‌زن بكه‌ن، فره‌نسا و گه‌له‌ك وه‌لاتێن دی ژ به‌ر ناكۆكیێن ل گه‌ل ئیرانێ و سیاسه‌تا وی وه‌لاتی دخوازن كو به‌رهنگاریه‌كا ب هێز ل دژی ته‌هرانێ دروست ببیت و ل ڤان ده‌مێن دووماهیێ ژی گرنگیه‌كا مه‌زن دده‌نه‌ موجاهیدینێ خه‌لك یێ ئیرانێ، لێ دڤێت كورد ژی وه‌ك به‌ره‌یه‌ك د ناڤ به‌رهنگاریا ئیرانێ دا جهێ خوه‌ بگرن و مفایه‌كا باش ژ وان هاریكاریا وه‌ربگرن كو دهێته‌ چاڤه‌رێ كرن د ده‌مه‌كێ نێزیك بۆ به‌رهنگاریا ئیرانێ بهێته‌ كرن.
ژ بۆ وان خالان ب گشتی ژی دڤێت هه‌ر زوو پارتێن رۆژهه‌لات ل سه‌ر بنه‌مایێ به‌رژه‌وه‌ندیێن نه‌ته‌وی به‌ره‌یه‌كێ كوردی ئاڤا بكه‌ن، ستراتیژیه‌كێ بۆ خوه‌ دانێن و گرنگیه‌كا مه‌زن بده‌نه‌ هێزێن سه‌ربازی و یا نها پارتی دیموكراتی كوردستان- ئیران دكه‌ت ل گۆر من پێنگاڤه‌ك گرنگه‌، چونكو دێ كاریگه‌ریا خوه‌ ل سه‌ر خه‌لكێ بكه‌ت و هه‌روه‌سا دێ روحه‌كێ نوو بده‌ته‌ رۆژهه‌لاتێ كوردستانێ. خوه‌نیشادانێن ڤێ دووماهیێ ل رۆژهه‌لاتێ كوردستانێ مرۆڤ دشێت بێژیت كو د واته‌یه‌كێ دا په‌یاما خه‌لكێ بۆ پارتێن سیاسی یێن كوردی بوو كو ئێدی ده‌م هاتیه‌ ده‌ست ب خه‌باتێ بكه‌ن و ده‌ستان ژ سیاسه‌تا خوه‌ یا به‌رێ به‌رده‌ن.

]]> https://rojnameyaevro.com/ku/%d8%af%d8%a7%d9%86%d9%88%d8%b3%d8%aa%d8%a7%d9%86%d8%af%d9%86%db%8e%d9%86-%d8%a6%d9%87%e2%80%8c%d8%aa%db%86%d9%85%db%8c-%d9%88-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%d8%a7-%d9%88/34254/feed/ 0 كوردێن باكور نها چ ژ HDP دخوازن؟ https://rojnameyaevro.com/ku/%d9%83%d9%88%d8%b1%d8%af%db%8e%d9%86-%d8%a8%d8%a7%d9%83%d9%88%d8%b1-%d9%86%d9%87%d8%a7-%da%86-%da%98-hdp-%d8%af%d8%ae%d9%88%d8%a7%d8%b2%d9%86%d8%9f/31796/ https://rojnameyaevro.com/ku/%d9%83%d9%88%d8%b1%d8%af%db%8e%d9%86-%d8%a8%d8%a7%d9%83%d9%88%d8%b1-%d9%86%d9%87%d8%a7-%da%86-%da%98-hdp-%d8%af%d8%ae%d9%88%d8%a7%d8%b2%d9%86%d8%9f/31796/#comments Tue, 09 Jun 2015 09:35:00 +0000 http://evronews.net/ku/?p=31796 ئه‌نجامێن هه‌لبژارتنێن په‌رله‌مانێ توركیا بێگومان نه‌خشێ سیاسی ل وی وه‌لاتی گوهۆری و پشتی ١٣ سالان بۆ جارا یه‌كێ ئاكپارتی نها نه‌شێت ب تنێ حوكمه‌تێ ئاڤا بكه‌ت و دڤێت ل گه‌ل پارته‌كا دی هه‌ڤپه‌یمانیێ دروست بكه‌ت، ئه‌و یه‌ك د ده‌مه‌كێ دایه‌ كو HDPێ دیار كر كو ئه‌و ب چو ره‌نگان هه‌ڤپه‌یمانیێ ل گه‌ل ئاكپارتیێ ناكه‌ن و پشته‌ڤانیێ ژی ل ئاڤابوونا حوكمه‌ته‌كێ ناكه‌ن كو ئاكپارتی سه‌رۆكاتیا وێ بكه‌ت.
ره‌نگه‌ هه‌لویستێ HDP پتر بۆ هندێ بیت كو ئه‌و بخوازیت رێژا نها یا ده‌نگده‌رێن خوه‌ ب پارێزیت، چونكو براستی بۆ گه‌له‌ك كه‌سان سوپرایز بوو ده‌مێ كو ئاشكرا بووی رێژا ده‌نگێن HDPێ گه‌هشتیه‌ ١٣%، لێ راستیه‌كا دی هه‌یه‌، ئاكپارتی سه‌ره‌رای خه‌له‌تیێن كو د ده‌مێن بۆری كری، لێ د هه‌مان ده‌می دا ئێكه‌م پارت و ده‌ستهه‌لات بوویه‌ كو د دیرۆكا توركیا دا دان ب پرسا كوردی دانایه‌ و بۆ چاره‌كرنا وێ ژی گه‌له‌ك پێنگاڤێن دیرۆكی هاڤێتینه‌. ژ به‌ر هندێ ژی هه‌كه‌ نها HDP د ناڤ هه‌ڤپه‌یمانیه‌كێ دا نه‌بیت، ئاكپارتی دێ نه‌چار بیت خوه‌ نێزیكی پارتا نه‌ته‌وه‌په‌رست یا توركیا بكه‌ت، چونكو داوود ئوگلۆ نها نه‌شێت ب تنێ كابینا نوو یا حوكمه‌تێ ئاڤا بكه‌ت، هه‌ڤپه‌یمانیه‌كا نوو كو د ناڤبه‌را ئاكپارتی و مه‌هه‌پێ دا دروست ببیت دێ زیانه‌كا گه‌له‌ك مه‌زن گه‌هنیته‌ كوردان ل توركیا و باكورێ كوردستانێ، چونكو پارتا نه‌ته‌وه‌په‌رست دێ هنده‌ك مه‌رجان دانیته‌ پێشبه‌ری ئاكپارتی دا هه‌ڤپه‌یمانیێ دروست بكه‌ت و ئێك ژ وان مه‌رجان ژی دێ راگرتنا پرۆسا ئاشتیێ و ده‌ستپێكرنا شه‌ری بیت و ئه‌ڤه‌ ژی بێگومان دێ زیانه‌كا خوه‌ یا مه‌زن بۆ كوردان هه‌بیت.
HDP دشێت به‌رنامه‌كێ خوه‌ یا باش ئاماده‌ بكه‌ت و هه‌ڤدیتنان ل گه‌ل ئاكپارتی بكه‌ت، ئاكپارتی نها پتر ژ دو پارتێن دی دشێت ل گه‌ل HDP هه‌ڤپه‌یمانیێ دروست بكه‌ت، چونكو به‌رده‌وامی دان ب پرۆسا ئاشتیێ و چاره‌كرنا پرسا كوردی ل توركیا یه‌ك ژ ئارمانجێن سه‌ره‌كی یێ HDP یه‌ و ئاكپارتی ژی دشێت ب رێیا ئاڤاكرنا حوكمه‌ته‌كێ ل گه‌ل HDP پێنگاڤێن نوو بۆ چاره‌كرنا پرسا كوردی ب هاڤێژیت و دێ ده‌لیڤه‌كا مه‌زن ژی بۆ كوردان هێته‌ پێش دا كو بشێن خوه‌ برێڤه‌ ببه‌ن و بۆ جارا یه‌كێ د حوكمه‌تا توركیا دا ب ناسناما خوه‌ سیاسه‌تێ بكه‌ن و ل گۆر دیتنا من دڤێت ئه‌و ده‌لیڤه‌ باش بهێته‌ بكارئینان.
چونكو ده‌نگده‌رێن HDP ب كورد و تورك و ئالیێن دی یێن كو ده‌نگێ خوه‌ داینه‌ وێ پارتیێ، وان دڤێت به‌ری هه‌ر تشته‌كێ شه‌رێ ٣٠ سالێن بۆری ب دووماهیك بهێت، ئاسته‌نگیێن ل هه‌مبه‌ر چاره‌كرنا پرسا كوردی ل توركیا رابن و ده‌لیڤه‌ بۆ كوردان بهێته‌ دان دا ئه‌و بشێن خوه‌ برێڤه‌ ببه‌ن، كورد دشێن ڤان مه‌رجان بده‌نه‌ پێشبه‌ری ئاكپارتی و ئاكپارتی ژی تا راده‌یه‌كێ دشێت ب وان مه‌رجان رازی بیت، چونكو ئاكپارتی گه‌له‌ك پێنگاڤ بۆ هندێ هاڤێتینه‌.
ل دووماهیێ دێ بێژم كو سه‌ركه‌فتنا HDP دێ وی ده‌می سه‌ركه‌ڤتن بیت كو ٨٠ په‌رله‌مانتار بشێن ل په‌رله‌مانێ وی وه‌لاتی رۆله‌كێ باش بۆ چاره‌كرنا پرسا كوردی ب گێرن. ره‌نگه‌ ئه‌ڤه‌ دووماهی شانس بیت كو كوردێن باكور داینه‌ HDP دا دوور ژ شه‌ری پرسا كوردی بهێته‌ چاره‌كرن و هه‌كه‌ HDP وی شانسی بكار نه‌ئینیت ره‌نگه‌ د هه‌لبژارتنه‌كا دیتر دا رێژا نها بده‌ستڤه‌ ئینایه‌ ژ ده‌ستان بده‌ت.

]]> https://rojnameyaevro.com/ku/%d9%83%d9%88%d8%b1%d8%af%db%8e%d9%86-%d8%a8%d8%a7%d9%83%d9%88%d8%b1-%d9%86%d9%87%d8%a7-%da%86-%da%98-hdp-%d8%af%d8%ae%d9%88%d8%a7%d8%b2%d9%86%d8%9f/31796/feed/ 0 ئه‌رێ دێ ئه‌زموونا رۆژئاڤا ل رۆژهه‌لاتێ كوردستانێ ژی دوباره‌ بیت؟ https://rojnameyaevro.com/ku/%d8%a6%d9%87%e2%80%8c%d8%b1%db%8e-%d8%af%db%8e-%d8%a6%d9%87%e2%80%8c%d8%b2%d9%85%d9%88%d9%88%d9%86%d8%a7-%d8%b1%db%86%da%98%d8%a6%d8%a7%da%a4%d8%a7-%d9%84-%d8%b1%db%86%da%98%d9%87%d9%87%e2%80%8c%d9%84/31191/ https://rojnameyaevro.com/ku/%d8%a6%d9%87%e2%80%8c%d8%b1%db%8e-%d8%af%db%8e-%d8%a6%d9%87%e2%80%8c%d8%b2%d9%85%d9%88%d9%88%d9%86%d8%a7-%d8%b1%db%86%da%98%d8%a6%d8%a7%da%a4%d8%a7-%d9%84-%d8%b1%db%86%da%98%d9%87%d9%87%e2%80%8c%d9%84/31191/#comments Thu, 04 Jun 2015 07:03:09 +0000 http://evronews.net/ku/?p=31191 گوهۆرینێن ئه‌ڤرۆكه‌ ل كوردستانێ و رۆژهه‌لاتا ناڤین و كاریگه‌ریا وان ل سه‌ر رۆژهه‌لاتێ كوردستانێ رۆژ ب رۆژێ پتر ره‌نگێ خوه‌ دیار دكه‌ن، ئاشكرایه‌ كو ئیرانێ رۆله‌كێ سه‌ره‌كی د گوهۆرینێن ل ده‌ڤه‌رێ دا هه‌یه‌ و ناخوازیت چو گوهۆرینه‌ك ل دژی به‌رژه‌وه‌ندیێن وێ دا دروست ببن، ژ به‌ر هندێ ژی ئیرانێ ب هه‌موو ره‌نگه‌كێ بزاڤ كر كو رژێما به‌شاری ژناڤ نه‌چیت و ئاڤاكرنا كانتۆنێن رۆژئاڤایێ كوردستانێ ژی تا راده‌یه‌كێ باش د به‌رژه‌وه‌ندیا ئیرانێ دا بوون و چه‌ندین جاران ژی به‌رپرسێن ئیرانێ پشته‌ڤانیا خوه‌ بۆ وان كانتۆنان دیار كرن.
لێ نها ره‌وشه‌كا جودا ل رۆژهه‌لاتێ كوردستانێ هه‌یه‌، كاریگه‌ریا هزرا راگه‌هاندنا ده‌وله‌تا كوردی ل باشورێ كوردستانێ ل سه‌ر هه‌ر تاكه‌كێ رۆژهه‌لاتی هه‌یه‌، خالا دی دڤێت ژبیر نه‌كه‌ین كو هه‌ر ل ده‌مێ چوونا بارزانیێ نه‌مر بۆ مهابادێ و پاشی به‌رده‌وامیا شۆره‌شا باشورێ كوردستانێ ل رۆژهه‌لات و مانا پارتی دیموكرات كوردستان ل رۆژهه‌لاتێ كوردستانێ و خه‌باتا وان هه‌تا سه‌رهلدانا ٩١ هه‌موو كاریگه‌ریا خوه‌ ل خه‌باتا رۆژهه‌لاتێ كوردستانێ كریه‌ و ئه‌ز دشێم بێژم كو هه‌ر دو پارچێن كوردستانێ د گه‌له‌ك بیاڤان دا نێزیكی هه‌ڤدو نه‌.
یا دی دڤێت نه‌هێته‌ ژبیر كرن كو دو پارتێن ب هێز ئه‌و ژی حزبا دیموكراتا كوردستانا ئیرانێ و كۆمه‌له‌ ب سالان شه‌ر كرینه‌ و خودانێ هزاران شه‌هیدانه‌، كه‌لتورێ نه‌ته‌وی و میراسا كو ئه‌ڤرۆكه‌ ل رۆژهه‌لاتێ كوردستانێ هه‌یه‌ گه‌له‌ك ب هێزه‌ و ئه‌ز باوه‌ر ناكه‌م كو خه‌لكێ رۆژهه‌لاتێ كوردستانێ ب چو ره‌نگه‌كێ رێ بده‌ن پارته‌ك ژ پارچه‌كا دی یا كوردستانێ رابیت و سیسته‌مێ بۆ وان دانێت.
خالا دی دڤێت نه‌هێته‌ ژبیر كرن كو رۆژهه‌لاتێ كوردستانێ ئه‌و جهه‌ كو یه‌كه‌م قوتابخانا كوردی ل سه‌رده‌مێ سمكویێ شكاك لێ هاته‌ ڤه‌كرن و هزرا نه‌ته‌وی ل وێرێ به‌لاڤ بوو. هه‌روه‌سا ئه‌و جهه‌ كو كۆمارا كوردستانێ ل سه‌ر ده‌ستێ پێشه‌وا قازی محه‌مه‌د و ب پشكداریێ بارزانیێ نه‌مر و هه‌ڤالێن وی هاته‌ راگه‌هاندن، روودانێن ل مهابادێ و ئه‌و ره‌وشا كو نها ل رۆژهه‌لاتێ كوردستانێ ده‌ستپێ كریه‌ د راستی دا به‌رده‌وامیا وێ پرۆسێ یه‌. فاكته‌رێن گرنگ و كاریگه‌ر هه‌بووینه‌ كو هه‌تا نها ل رۆژهه‌لاتێ كوردستانێ بزاڤا كوردی نه‌شیایه‌ وه‌ك پارچێن دیتر ب كاریگه‌رتر بیت و ده‌نگێ خوه‌ بلند بكه‌ت، لێ دڤێت سیاسه‌تا هنده‌ك پارتێن باشور و باكورێ كوردستانێ كو په‌یوه‌ندیێن باش ل گه‌ل كۆمارا ئیسلامی یا ئیرانێ هه‌نه‌ نه‌هێته‌ ژبیر كرن، لێ ئێدی ده‌م هاتیه‌ كو تاكێ رۆژهه‌لاتێ كوردستانێ ژی ل سه‌ر بنه‌مایێ كه‌لتورێ خوه‌ یێ دێرین و ل سه‌ر میراسێ شه‌هیدێن كورد و كوردستانێ ده‌ست ب قۆناغه‌كا نوو بكه‌ت و چریسكا وێ یه‌كێ ل مهابادێ هاته‌ لێدان و ئالۆزیێن وێ دووماهیێ ل كێله‌شینێ ژی بۆ رێگری كرن ل خه‌باتا رۆژهه‌لاتێ كوردستانێ بوو، به‌س ئه‌و یه‌ك سه‌ر ناگریت.
ده‌مێ خالێن ل سه‌ری بده‌ینه‌ به‌رچاڤ بۆ مه‌ دیار دبیت كو خه‌لكێ رۆژهه‌لاتێ كوردستانێ خودان میراسه‌كه‌ و پێدڤی ب هندێ نینه‌ كو پارته‌كا سیاسی ل پارچه‌كا دی یا كوردستانێ رابیت و بۆ وان ستراتیژیه‌كێ دیار بكه‌ت، ئه‌ز دبێژم هه‌كه‌ر هنده‌ك پارتێن كوردی ژ به‌ر به‌رژه‌وه‌ندیێن خوه‌ یێن ل گه‌ل كۆمارا ئیسلامی ده‌ستێوه‌ردانێ د ره‌وشا رۆژهه‌لاتێ كوردستانێ دا نه‌كه‌ن خه‌لكێ رۆژهه‌لاتێ هاریكاریا وان ژی نه‌ڤێت. ژ به‌ر هندێ ئه‌ز دبێژم بلا ره‌وشا رۆژهه‌لات ژی وه‌ك رۆژئاڤا لێ نه‌كه‌ن و بهێلن خه‌لك بخوه‌ بریارێ ل سه‌ر پاشه‌رۆژا خوه‌ بده‌ت و هێشتا چ تشته‌ك چێ نه‌بوویی هنده‌ك یێ هزرا به‌رژه‌وه‌ندیێن خوه‌ ل وی پارچه‌یی دكه‌ن.

]]> https://rojnameyaevro.com/ku/%d8%a6%d9%87%e2%80%8c%d8%b1%db%8e-%d8%af%db%8e-%d8%a6%d9%87%e2%80%8c%d8%b2%d9%85%d9%88%d9%88%d9%86%d8%a7-%d8%b1%db%86%da%98%d8%a6%d8%a7%da%a4%d8%a7-%d9%84-%d8%b1%db%86%da%98%d9%87%d9%87%e2%80%8c%d9%84/31191/feed/ 0