Rojnameya Evro » هۆزان عبد‌الرحمن https://rojnameyaevro.com/ku Tue, 21 Jul 2026 12:41:30 +0000 ar hourly 1 https://wordpress.org/?v=4.0.38 گـەشتەك بـەر ب تـاریـاتیێ.. راستییا ل پشت پـەردەیـا مـاددەیێن بێهۆشكەر https://rojnameyaevro.com/ku/%da%af%d9%80%db%95%d8%b4%d8%aa%db%95%d9%83-%d8%a8%d9%80%db%95%d8%b1-%d8%a8-%d8%aa%d9%80%d8%a7%d8%b1%db%8c%d9%80%d8%a7%d8%aa%db%8c%db%8e-%d8%b1%d8%a7%d8%b3%d8%aa%db%8c%db%8c%d8%a7-%d9%84-%d9%be%d8%b4/266374/ https://rojnameyaevro.com/ku/%da%af%d9%80%db%95%d8%b4%d8%aa%db%95%d9%83-%d8%a8%d9%80%db%95%d8%b1-%d8%a8-%d8%aa%d9%80%d8%a7%d8%b1%db%8c%d9%80%d8%a7%d8%aa%db%8c%db%8e-%d8%b1%d8%a7%d8%b3%d8%aa%db%8c%db%8c%d8%a7-%d9%84-%d9%be%d8%b4/266374/#comments Tue, 21 Jul 2026 11:35:05 +0000 https://rojnameyaevro.com/ku/?p=266374 هۆزان عەبدولرەحمان ئە‌‌حمەد

ژ لایێ زانستی ڤە، ماددەیێن بێهۆشكەر هەر پێكهاتەیەكێ كیمیایی یە (چ یێ سروشتی بیت یان یێ دەستكرد/كیمیایی) كو دەمێ مرۆڤ بكاردئینیت، كارتێكرنەكا ڕاستەوخۆ ل سەر كۆئەندامێ دەمارێ ناڤەندی (Central Nervous System) دكەت (ب تایبەت مێشك).
ئەڤ ماددەیە كار دكەنە سەر گوهۆرینا ئاستێ هۆرمۆنێن مێشكی (وەكی دۆپامین)، كو دبیتە ئەگەرێ گوهۆرینا هەست، بیركرنێ و رەفتارێن مرۆڤی. د ئەنجام دا، كەسێ بكارهێنەر دكەڤیتە بن كارتێكرنا «مەترسی یان هێۆربوونەكا دەمكی»، و ل دویماهیێ لەش و مێشك فێردبن و پێدڤی ب ڕێژەیەكا پترە، كو دبێژنێ پەیدابوونا ئالۆدەبوون (Addiction مەترسیەكا جیهانی یا فرەڕەهەندە كو چ سنووران نا ناسیت.
بەلاڤبوونا ماددەیێن بێهۆشكەر ئێكە ژ مەزنترین و مەترسیدارترین گەفێن كو ل پاشەڕۆژێ دكەن ئارامی و بەها یێن هەر جڤاكەكێ تێكددەن. ئەڤ دیاردەیە تنێ ل سەر كەسێ بكارهێنەر نامینیت، بەلكو كارتێكرنەكا تێكدەر ل سەر تەڤایا جڤاكی دروست دكەت. وەك تێكچوونا شیرازەیا خێزانی، خێزان ستوونا سەرەكی یا جڤاكی یە، دەمێ ئەندامەكێ خێزانێ تووش دبیت و ماددەیێن بێهۆشكەر ئێكسەر زیانێ ل ڤێ ستوونێ دكەن بكارهێنەرێن ڤان ماددەیان گەلەك جاران كۆنترۆلێ سەر ڕەفتارێن خۆ ناكەن، كو ئەڤ چەندە دبیتە ئەگەرێ توندوتیژیێ دژی هەڤژین و زارۆكان. ڕێژەیا تەلاقدانێ زێدە دبیت و زارۆك بێ چاڤدێری و بێ سەمیان دمینن، كو ئەڤە ژی ل پاشەڕۆژێ كارتێكرنەكا نەرێنی ل سەر جڤاكێ پەیدا دبیت.
تێكدانا هێزا مرۆڤایەتی (تەمەنێ گەنجاتیێ) ئامارێن جیهانێ دیار دكەن كو زۆربەیا قوربانیێن ماددەیێن بێهۆشكەر د تەمەنێ ١٥بۆ ٣٥ ساڵی دانە. ئەڤ تەمەنە، تەمەنێ بەرهەمهێنان، ئاڤەدانكرن و خزمەتكرنا ولاتی یە. دەمێ ئەڤ تەخە دكەڤیتە د ناڤ داڤا ئالۆدەبوونێ دا، جڤاك هێزا خۆ یا هەرە سەرەكی ژ دەستددەت.
زێدەبوونا ڕێژەیا تاوانان پەیوەندییەكا بهێز د ناڤبەرا ماددەیێن بێهۆشكەر و تاوانێ دا هەیە، بكارهێنەر بۆ دەستكەفتنا پارەیێ كڕینا ماددەیان، پەنایێ دبەتە بەر دزین، تالانێ، فێلبازیێ‌ و هندەك جاران تەنانەت كوشتنێ.
ماددەیێن بێهۆشكەر بارەكێ گران یێ دارایی دكەنە سەر ملێن جڤاك و دەولەتێ گەنجێن كو دڤیا ببنە داینەمۆیا ئابووری و ئاڤاكرنا وەلاتی، دبنە بارەكێ گران ل سەر ملێن خێزان و حوكمەتێ.
هە روەسا بەلاڤبوونا هندەك نەخۆشیێن مەترسیدار یێن كو دئێنە ڤەگوهاستن وەكی (ئایدز –HIV)و هەوكرنا جەرگی (Hepatitis) ب ئەگەرێ بكارئینانا دەرزیێن هەڤپشك، تێكچوونا مێشكی، سستبوونا گورچیلان و مەترسیا مرنێ. كێشەیێن دەروونی زێدەبوونا ڕێژەیا خەمۆكیێ، شێتیێ و حالەتێن خۆكوشتنێ د ناڤ جڤاكی دا. هەروەسا ژدەستدانا بهایێن ئەخلاقی و جڤاكی.
هۆكارێن تووشبوونێ (Causes) ڤەدگریت بۆ گەلەك ئەگەران وەك خەمۆكی، دلەڕاوكێ و نەبوونا باوەریێ ب خۆ. هۆكارێن جڤاكی كارتێكرنا هەڤالێن خراب، كێشەیێن خێزانی و نەبوونا چاڤدێریێ، هۆكارێن ئابووری و ژینگەیی بێكاری، هەژاری و دەستنیشاننەكرنا سنووران بۆ بەلاڤبوونا ڤان ماددەیان.
رێككارێن چارەسەریێ (Treatment & Recovery) چارەسەریا پزیشكی پاقژكرنا لەشی ژ ژەهرێ (Detoxification) د بن چاڤدێریا پزیشكی دا. پشتەڤانیا دەروونی چارەسەریا رەفتاری (Cognitive Behavioral and Therapy) و ئامۆژگاریێن دەروونی بۆ دوبارە نەزڤرینێ بۆ سەر ماددەیان. ڕۆلێ خێزانێ قەبوولكرنا تووشبووی پشتی چارەسەریێ و نەدوورخستنا وی ژ جڤاكێ.
رێگریكرن و هوشیاری (Prevention) رۆلێ قوتابخانە و زانكۆیان د بەلاڤكرنا هۆشیاریێ دا. گرنگیا پەیوەندیا بهێز یا د ناڤبەرا دایك و بابان و زارۆكان دا.
ڕووبەڕووبوونا ماددەیێن بێهۆشكەر تنێ ئەركێ دەزگەهێن ئەمنی نینە، بەلكو ئەركەكێ نیشتمانی و ئەخلاقی یە ل سەر ملێن مالباتێ، قوتابخانەیێ، ڕاگەیاندنێ و مامۆستایێن ئایینی كو پێكڤە كار بكەن بۆ هۆشیاركرنا گەنجان ژ ڤی ژەهرێ.

]]> https://rojnameyaevro.com/ku/%da%af%d9%80%db%95%d8%b4%d8%aa%db%95%d9%83-%d8%a8%d9%80%db%95%d8%b1-%d8%a8-%d8%aa%d9%80%d8%a7%d8%b1%db%8c%d9%80%d8%a7%d8%aa%db%8c%db%8e-%d8%b1%d8%a7%d8%b3%d8%aa%db%8c%db%8c%d8%a7-%d9%84-%d9%be%d8%b4/266374/feed/ 0 گـەنجێن ئـەڤـرۆ سـتوونـا سـوبـەهینە! https://rojnameyaevro.com/ku/%da%af%d9%80%db%95%d9%86%d8%ac%db%8e%d9%86-%d8%a6%d9%80%db%95%da%a4%d9%80%d8%b1%db%86-%d8%b3%d9%80%d8%aa%d9%88%d9%88%d9%86%d9%80%d8%a7-%d8%b3%d9%80%d9%88%d8%a8%d9%80%db%95%d9%87%db%8c%d9%86%db%95/265113/ https://rojnameyaevro.com/ku/%da%af%d9%80%db%95%d9%86%d8%ac%db%8e%d9%86-%d8%a6%d9%80%db%95%da%a4%d9%80%d8%b1%db%86-%d8%b3%d9%80%d8%aa%d9%88%d9%88%d9%86%d9%80%d8%a7-%d8%b3%d9%80%d9%88%d8%a8%d9%80%db%95%d9%87%db%8c%d9%86%db%95/265113/#comments Tue, 30 Jun 2026 23:31:00 +0000 https://rojnameyaevro.com/ku/?p=265113 هۆزان عەبدولرەحمان ئە‌حمەد

شیانێن گەنجان ئاماژەیە بۆ وێ وزەیێ مەزن و بەهرە و داهێنانێن وان د قووناغا گەنجاتیێی دا. گەنج هێزا بزاڤكەر و پێشڤەچوونا هەر جڤاكەكێنە و دشێن زوو ل گەل گوهۆرینێن سەردەم وەكی (ژیرییا چێكری، گوهۆرینێن ئابووری و سیستەمێن نوو یێن كاركرنێ) خۆ بگونجینن و ببنە پشكەك ژ وێ گوهۆرینێ.
شیانا مێشكێ گەنجی بۆ وەرگرتن و حەواندنا پێزانینێن نووی، ب تایبەتی د وارێ تەكنەلۆجیایێ‌ و زمانان دا گەلەك یا بلندە. نەترسان ژ تشتێن نوو و وێرەكیا دابینكرنا ڕێگەچارێن جودا بۆ كێشەیان، شییانێن گەنجی وەكی كانزایەكێ گرانبەهانە ئەگەر بهێنە پەرەپێدان وەكی (پەروەردەیا باش، دەلیڤێن كاری و پشتەڤانییا دەروونی) بۆ بهێنە دابینكرن دێ بنە ئەگەرێ ئاڤاكرنا پاشەڕۆژەكا گەش.
رۆلێ گەنجان د جڤاكێ دا ( The Role of Youth in Society) بەردەوام ل دژی ڕاوەستان و پاشكەفتنێنە. ئەو داهێنەرێن هزرێن نووێ نە د وارێن فێربوون، تەكنەلۆجیا و كارگێڕیێ دا. گەنج پرەكا گرنگن د ناڤبەرا ڕابردوو و داهاتیێ دا. ئەو كولتوور و ڕەوشتێن جوان یێن جڤاكێ دپارێزن و ب شێوازەكێ سەردەمیانە پێشدئێخن. د دەمێن تەنگاڤیان دا (وەكی كارەساتێن سروشتی یان قەیرانان)، د پێشەنگیا كارێن مرۆڤایەتی و خۆبەخشی دا بۆ خەلكی د هاریكاریكرن.
چاوانیا پێشئێخستنا شیانێن گەنجان (How to Develop Youth Capabilities)
دڤێت قوتابخانە و زانكۆ بتنێ جهێ ژبەركرنا زانیاریان نەبن، بەلكو دڤێت گەنجان فێری «هزرا ڕەخنەیی»، «چارەسەركرنا كێشەیان» و «تەكنەلۆجیایا سەردەم» بكەن. ڤەكرنا خۆلێن تایبەت ب (گەشەپێدانا كەسایەتی، فێربوونا زمانێن بیانی و لێهاتیێن كاركرنێ (Soft Skills) وەكی كاركرنا ب كۆم و ڕێبەرایەتیێ.
پێشكەشكرنا قەرزێن بچووك بۆ پشتەڤانیكرنا هزر و پڕۆژەیێن نوێ یێن گەنجان دا كو ببنە خۆدان كارێن سەربەخۆ. پێدڤییە د پۆستێن بڕیاردانێ و د جڤاتێن گرنگ دا جه بۆ گەنجان بهێتە دابینكرن دا كو باوەری ب خۆ هەبیت و بزانن كو دەنگ و هزرا وان یا بهایە.
گونجاندنا دەرچوویێن زانكۆیێ ل گەل بازاڕێ كاری و داهاتیێ دیجیتاڵی وەرگرتنا باوەرنامەیا زانكۆیێ قووناغەكا زێدە گرنگە، بەلێ د جیهانا ئەڤرۆ دا، تەنێ باوەرنامە بەس نینە بۆ دابینكرنا پاشەڕۆژەكا گەش. جیهان ب لەزاتیەكا مەزن بەر ب دیجیتالبوونێ دچیت، ئەڤ چەندە دۆخەكێ نوو یێ بازاڕێ كاری ل سەر مە دسەپینیت.
گەنجێن مە پێدڤی نینن تنێ چاڤەڕێی دامەزراندنا حكومی یان دەلیڤەكا كاری یا كلاسیكی بن. بۆ نموونە ئەڤرۆ دەرگەهەكێ مەزن یێ ڤەكری هەیە ب ناڤێ «ئابوورێ دیجیتالی».داهاتیێ دیجیتالی كەرتێ بازاڕی یێ بەرفرەه كریە، نوكە گەنجەكێ مە ل دهۆكێ یان هەر دەڤەرەكا د ناڤ كوردستانێ دا دشێت كار بۆ كۆمپانیەكا جیهانی ل ئەمریكا یان ئەورۆپا بكەت ب ڕێیا ئەنتەرنێتێ.
فێربوونا بەردەوام زانكۆ دەرگەهی نیشا مە ددەت، بەلێ فێربوون ب دوماهی ناهێت. پێدڤیە دەرچوو خۆ فێری لێهاتیێن نوو بكەن وەكی زمانێ ئینگلیزی كلیلا سەرەكی یا چوونە ناڤ جیهانا دیجیتالێ و كارێ نێڤدەولەتی یە. پشتبەستنێ ل سەر خۆ بكەت و خۆ تاقی بكەت.
ئاستەنگێن ل بەردەم شییانێن گەنجی نەبوونا بازاڕەكێ گونجای بۆ مژوولكرنا ڤان شییانان. كێم باوەریبوونا جڤاكی ب شییانێن گەنجان د بڕیاردانێن مەزن دا. د نوكە دا گەنجێن مە د ناڤبەرا دو جیهانان دا دژین: ژ لایەكێ ڤە، د ڕێكا سۆشیاڵ میدیایێ ڕا دبینن كا جیهان چەند ب لەز پێش دكەڤیت و خەلك چاوا سەركەفتنێن مەزن دئینن و ژ لایێ دی ڤە، د واقیعی دا ڕووبڕووی دەلیڤەیێن كێم و سیستمەكێ كلاسیك یێ كار و خواندنێ دبن. ئەڤ جیاوازییە دكەتە ئەگەرێ هندێ كو گەنج تووشی جۆرەكێ بەرزەبوونێ ببن، نزانن دێ ژ كیژ دەرگەهی دەستپێكەن و دەمێ دەستپێشخەرییەكێ دكەن و ئێكسەر سەرناكەڤن، زوو بێهێڤی دبن. پێدڤییە گەنج فێری هندێ ببن كو سەركەفتن ب شەڤ و ڕۆژەكێ ناهێت.
دەمێ گەنجەك ١٦ ساڵێن خواندنێ ب دوماهی دئینیت و ل دوماهییێ چو دەلیڤەیێن كاری یێن شایستە ب بەهرە و ماندووبوونا وی پەیدا ناكەت، یان دبینیت كو مووچەیەكێ كێم تێریا پێدڤیێن سەرەكی یێن ژیانێ وەكی (ئاڤاكرنا خێزانێ یان كڕینا خانی و ترومبێلێ) ناكەت، ل ڤێرە «بێهێڤیبوون» دروست دبیت. پتریا جارا جڤاك یان خێزان گەنجی پالددەنە لایێ «دامەزراندنا حكومی»، و دەمێ ئەڤ چەندە نامینیت، گەنج هەست ب بەرزەبوونێ دكەت چونكی ڕێیێن دی یێن سەركەفتنێ ل دەڤ وی یان ل دەڤ جڤاكی نەهاتینە سەلماندن.
ژدەستدانا ڤان هێزە و وزەیا گەنجی بۆ دەرڤەی وەلاتی ژبەر نەبوونا پشتەڤانییێ. شییانێن گەنجی وەكی چەمەكێ ئاڤێ یێ خورتە، ئەگەر بەنداڤ بۆ بهێنە چێكرن ورێ بهێتە ڕاستكرن، دێ دەڤەرێ هەمیێ ئاڤدەت و كەسك كەت، بەس ئەگەر بهێتە پشتگوێخستن، دێ ب هەدەر چیت دێ بیتە ئەگەرێ زیانێ.

]]> https://rojnameyaevro.com/ku/%da%af%d9%80%db%95%d9%86%d8%ac%db%8e%d9%86-%d8%a6%d9%80%db%95%da%a4%d9%80%d8%b1%db%86-%d8%b3%d9%80%d8%aa%d9%88%d9%88%d9%86%d9%80%d8%a7-%d8%b3%d9%80%d9%88%d8%a8%d9%80%db%95%d9%87%db%8c%d9%86%db%95/265113/feed/ 0 كێمیا و سیاسەت هەماهەنگییا زانست و بڕیارێ https://rojnameyaevro.com/ku/%d9%83%db%8e%d9%85%db%8c%d8%a7-%d9%88-%d8%b3%db%8c%d8%a7%d8%b3%db%95%d8%aa-%d9%87%db%95%d9%85%d8%a7%d9%87%db%95%d9%86%da%af%db%8c%db%8c%d8%a7-%d8%b2%d8%a7%d9%86%d8%b3%d8%aa-%d9%88-%d8%a8%da%95%db%8c/258354/ https://rojnameyaevro.com/ku/%d9%83%db%8e%d9%85%db%8c%d8%a7-%d9%88-%d8%b3%db%8c%d8%a7%d8%b3%db%95%d8%aa-%d9%87%db%95%d9%85%d8%a7%d9%87%db%95%d9%86%da%af%db%8c%db%8c%d8%a7-%d8%b2%d8%a7%d9%86%d8%b3%d8%aa-%d9%88-%d8%a8%da%95%db%8c/258354/#comments Sat, 07 Feb 2026 21:55:44 +0000 https://rojnameyaevro.com/ku/?p=258354 هۆزان عبد‌الرحمن

كیمیایێ و سیاسەتێ پەیوەندیا وان پەیوەندیەكا گەلەك ب هێز و كارتێكەرە، هەرچەندە ل دەسپێكێ وەسا دیار بیت كو ئەڤ هەردو بیاڤە ژ ئێك دویرن، بەلێ د ڕاستی دا، كیمیا راستیێن زانستی ددەتە دەست، و سیاسەت ژی هندەك یان گەلەك ژ وان راستیان دكەتە بڕیار و یاسا د گەكەك بیاڤان دا وەك:
وزە و ژێدەرێن سروشتی (نەفت و گاز)
سیاسەتا جیهانی ل سەر بنگەهێ پەترۆل و گازێ دهێتە ئاڤاكرن، كو هەمی بابەتێن كیمیایێنە.كیمیا زانستێ پالاوتنا نەفتێ و بەرهەمهینانا گازێ یە. ژبەر كو ئابوورێ جیهانێ ل سەر ڤان ماددەیێن كیمیایی دزڤریت، سیاسەتا دەولەتان و شەڕێن جیهانێ پرتیا جاران ل سەر كۆنترۆلكرنا ڤان ژێدەران بریار و قانوونان و رێكەفتنان چێدكەن. كیمیا ڕێكان دبینیت بۆ بكارئینانا وزەیێ و سیاسەت بریارێ ل سەر فرۆتن و كڕین و بهایێ وێ ددەت.
چەكێن كیمیایی و ئەولەهیا نێڤدەولەتی
دروستكرنا چەكێن كیمیایی لادانەكا مەترسیدارە د زانستێ كیمیایێ دا. ل ڤێرە سیاسەت دەستێوەردانێ دكەت ب ڕێكا ڕێككەفتنامەیێن نێڤدەولەتی (وەك ڕێككەفتنا قەدەغەكرنا چەكێن كیمیایی) دا كو رێگریێ ل بكارئینانا ڤان ماددان بكەت د شەڕان دا ل ژێر یاسایێن پارساتنا مافێن مرۆڤی و ماڤێن سڤیلان.
ژینگەهـ و گوهۆڕینا سەقای
كیمیاناس كارتێكرنا گازێن وەك (CO2) ل سەر بەرگەهێ هەوایی و گەرمبوونا زەڤیێ دیار دكەن. سیاسەتمەدار ڤان زانیاریێن كیمیایی بكار دئینن بۆ دانانا یاسا و رێككەفتنان وەك «رێككەفتنا پاریس2015» كو پتریا دەولەتێن جیهانێ كۆم بوون و بڕیار دان پلەیا گەرمی یا زەڤیێ نەگەهیتە پتر ژ (١.٥ یان ٢) پلەیێن سیلیزی. چەوا گەهشتنە ڤێ ژمارێ؟ ب ڕێكا كیمیاناسان دیار كر ئەگەر ڕێژەیا كاربۆنی ژ ئاستەكێ دیاركری دەرباز ببیت، دێ كارەساتێن سروشتی چێبن، ژبەر ڤێ چەندێ سیاسەت گوهۆڕینا زانیاریێن زانستی بۆ «قانوونێن سیاسی» بكاردهینیت. بۆ نموونە دانانا قانوونان دیاركرنا ڕێژەیەكا دیاركری بۆ هەر كارگەهەكێ و باجەیا كاربۆن .(carbon tax).
دەرمان و ساخلەمی
چێكرنا دەرمان و ڤاكسینان كارەكێ كیمیایی و بایۆلۆجی یە. كو د بیاڤێن سیاسی دا كارتێكرنێن مەزن ل سەر رەوشا ساخلەمیا ولاتیان دكەت و دبیتە فاكتەرەكێ گرنگ ژ بو پروپاگەندا هەلبژاردنان و ئامرازەكێ شەرێ سیاسی و یاسایێ د هەمی ولاتان دا هەر وەسان د دەمێ قەیرانان دا (وەك كورۆنایێ)، دەولەت ڤاكسینێ وەك ئامرازەكێ سیاسی بكار دهینان بۆ بهێزكرنا پێگەهێ خوێ یێ سیاسی و ئابوری و زلهێزی لـ سەر ولاتێن دی، هندەك جاران وەك كارتەكا فشارێ دهێتە بكارهینان ژ لایێ سیاسەتمەداران ڤە.
ئاسایشا خوارنێ (كیمیا د چاندنێ دا)
دروستكرنا پەینێن كیمیایی (Fertilizers) و قڕكەرێن كێزان كارێ كیمیایێ یە. دەولەتێن خودان ئەڤێ تەكنۆلۆژیایێ دشێن كارتێكرنێ ل سەر ئاسایشا خوارنێ ل جیهانێ بكەن، كو ئەڤە ب خۆ بابەتەكێ سیاسی یێ گەرمە.
پیشەسازی و ماددەیێن دەگمەن
بۆ دروستكرنا مۆبایلان، پاتریێن ترۆمبێلێن كارەبێ و تەكنۆلۆژیایا نوو، وهەمی تشتێن گرێدای پێتروكیمیای ڤە، پێدڤی ب ماددەیێن كیمیایی، هەڤركی یێ د ناڤبەرا ولاتێن زلهێز دا دورست دكەت و دبنە ئامرازەكێ سیاسی و یاسایێن ناڤخو و نیڤدەلەتی لـ سەر دورست دبن برێكا سیاسەت مەداران.
كیمیاناس وەك «نۆژدارێ زەڤیێ» یە، نەخۆشیێ دەستنیشان دكەت (پیسبوون و گەرمبوون). سیاسەتمەدار ژی وەك «رێڤەبەرێ خەستەخانێ» یە، بڕیارێ ددەت كا چ دەرمان دێ هێتە بكارئینان و بـ چ رێك بهیتە بەلاڤكرن و چاوا پارە دێ ل سەر هێتە مەزاختن. چ جیهانەكا سیاسی یا بێ زانست نینە، و چ زانستەك ژی نینە ژ كاریگەری و باندررا سیاسەتێ یێ دویر بیت. ئەڤ هەردو پێكڤە جیهانێ بەر ب گوهارتنان ڤە دبەن.

]]> https://rojnameyaevro.com/ku/%d9%83%db%8e%d9%85%db%8c%d8%a7-%d9%88-%d8%b3%db%8c%d8%a7%d8%b3%db%95%d8%aa-%d9%87%db%95%d9%85%d8%a7%d9%87%db%95%d9%86%da%af%db%8c%db%8c%d8%a7-%d8%b2%d8%a7%d9%86%d8%b3%d8%aa-%d9%88-%d8%a8%da%95%db%8c/258354/feed/ 0