دكتۆر. ئیبراهیم ئه‌حمه‌د سمۆ*

ئه‌گه‌ر ئه‌م ب ئه‌ركێ خوه‌ هه‌مبه‌ر خه‌لكێ خوه‌ یێ ره‌وشه‌نبیر و خودان پێنڤیسێن به‌رچاڤ، و سه‌ركرده‌یێن خودان قه‌له‌مێن پایه‌بلند رانه‌بین، كی دێ پێ رابیت؟ به‌درخان سندی، هه‌می بزاڤ و ڤه‌ژه‌نا خوه‌ بكارئینایه‌ داكو په‌یڤا كوردی ب هه‌می ئالیه‌كى ڤه‌ بلند رابگریت، ئه‌ڤرۆ رێز لێ دهێته‌گرتن، نه‌ك ئه‌م هه‌لسه‌نگاندنێ بۆ دكه‌ین؛ چونكی هه‌لسه‌نگاندن وه‌سا دخوازیت، كو ئه‌م ژ كه‌توارێ نها ده‌رباز ببین، به‌لێ رامانا وێ ئه‌و نینه‌، كو ناڤه‌ندا خانی یا ره‌وشه‌نبیری و راگه‌هاندنێ و گشت سازیێن ره‌وشه‌نبیرى د گه‌شته‌كا چاڤه‌ڕیكرنێ دا بێده‌نگ رابوه‌ستین، د ده‌مه‌كی دا.. ئه‌ڤ چه‌نده‌ ئه‌ركه‌، كو رێزێ ل هێمایێن كه‌لتۆری و ئه‌ده‌بی و ئه‌كادیمی یێن خوه‌ بگرین.
پشتی دانوستاندنه‌كا به‌رفره‌ه، ناڤه‌ندا خانى گه‌هشته‌ وی ئه‌نجامی، كو ئه‌ڤ ئاڤاهیێ شارستانی و كه‌سایه‌تیێ ره‌وشه‌نبیری یێ بلند و ئه‌ڤ دان و به‌خشینا، كو بۆ پتر ژ نیڤ سه‌ده‌یێ د خزمه‌تا قه‌له‌م و هزرێ دا بۆراندنی ژ بلی هه‌لبه‌ست و په‌خشان و نڤیسین و تایتلێن جودا جودا، كو سه‌رنجا گه‌له‌ك ژ خوانده‌ڤانێن كورد و عه‌ره‌ب و خه‌لكه‌كێ دی یێ به‌رێز بۆ خوه‌ راكێشایه‌. له‌وڕا وه‌كو ئه‌ركێ ل سه‌ر ملێن مه‌، ئه‌م پێكڤه‌ ڤێ ئاهه‌نگێ بگێڕین داكو هه‌ر ئێكی مافێ وی ژ رێزلێنانێ بده‌ینێ و ئه‌ڤی جۆرێ ئاهه‌نگ گێڕانێ بۆ هێما سیمبۆلێن مه‌ یێن ره‌وشه‌نبیری كو یا ئێكێ یه‌ و دڤێت نه‌بیته‌ یا دویماهیێ. ئه‌ڤ چه‌نده‌ د چارچووڤێ چالاكیه‌كا دیار دایه‌ و وه‌كو هه‌لسه‌نگاندن بۆ قۆناغا ره‌وشه‌نبیری یا ڤێ كه‌سایه‌تیێ و ئه‌وا وی بۆ ده‌ڤه‌رێ و ب تایبه‌تی بۆ به‌هدینان پێشكه‌شكری كو یا كێم وێنه‌یه‌ و ئه‌م وی ب پێشه‌نگێ ره‌وشه‌نبیریا هه‌ڤچه‌رخ دبینین كو پتر ژ ساخله‌ته‌كی هه‌لدگریت. له‌وڕا هه‌لبژارتنا ڤى كه‌سایه‌تیێ پایه‌بلند كو ناڤێ وی كه‌ڤتییه‌ سه‌ر ئه‌زمانێ هه‌ر كه‌سه‌كێ و گرنگیێ ب ئالیێ جڤاكی و هه‌مى ئالێن ژیانێ دده‌ت و دكتور به‌درخان سندی د ڤی بیاڤی دا، پتر ژ په‌رتۆكه‌كی هه‌یه‌ و ل بیاڤێ ده‌روونی كو بسپۆرییا وی یه‌ پتر ژ ڤه‌كۆلین و كتێبه‌كێ هه‌یه‌. ب ره‌خ ئه‌رشیفكرنا دیرۆكێ و میۆزیكێ و دانانا په‌یڤێن سروود و سترانان بۆ پتر ژ سترانبێژه‌كی كو ب ئه‌ڤینا وه‌لاتی هاتینه‌ گۆتن و هه‌می شیان بكارئیناینه‌ داكو وه‌لات هه‌ر یێ ئاڤا و سه‌ربلند بیت. ئه‌ڤی مرۆڤی و ئه‌ڤی نڤیسه‌ری ب وێ هزر و گه‌رمییا خوه‌، كاریگه‌رییه‌كا تایبه‌ت هه‌بوویه‌ .. و دڤێت ئه‌ڤی چه‌ندێ ب ئه‌رك بینین و ب هه‌لوه‌سته‌كێ دیرۆكی و لێنێڕینه‌كێ ژ لایێ ره‌وشه‌نبیران ڤه‌ ببینیت. دڤیا ئه‌ڤ رێزلێنانه‌ گیرۆ نه‌بایه‌ لێ هاتنا دره‌نگ هه‌ر باشتره‌ ژ نه‌هاتنێ، به‌لێ ناڤه‌ندێ ده‌ست پێ كر و ژ ڤێ رێزگرتنا بۆ دكتۆر به‌درخان سندی دڤێت نه‌راوه‌ستیت و هه‌ر كه‌سه‌كێ ب قه‌له‌م و هزر و نڤیسینێن خوه‌ یان ب كارێ خوه‌ یێ رۆژنامه‌ڤانی و میدیایی كار كربیت دڤێت ببیته‌ جهێ رێزلێنانێ ل ده‌ف سازیێن ره‌وشه‌نبیرى.
نه‌ سه‌یره‌ ئه‌ڤی گه‌ڕناس و لێزانێ شارستانی و بلندێ كه‌لتووری یێ كو بۆ پتر ژ پینجی سالان ب قه‌له‌م و ساخله‌میا خوه‌ وهزرێن خوه‌ خزمه‌تێ دكه‌ت رێزلێنان بۆ بهێته‌كرن.
له‌وڕا ژی مه‌ ئه‌ڤرۆ، ڤێ ئاهه‌نگا ریزلێنانێ ب كاره‌كێ مه‌زن و ب ئه‌رك دزانین، كو نه‌ ئێكه‌مین ونه‌ دویماهی بیت، ئاهه‌نگ بۆ هێما و سیمبۆلێن مه‌ د چارچووڤێ چالاكیێن به‌رچاڤ دا و هه‌لسه‌نگاندنا ره‌وشه‌نبیرییا ڤی مرۆڤی و ئه‌وا وی پێشكه‌شكری، كو ره‌نگه‌ میناكین وی د كێم بن ل ده‌ڤه‌رێ و به‌هدینان ب تایبه‌تی، ئه‌م سندی وه‌كو پێشه‌نگێ ره‌وشه‌نبیرییا هه‌ڤچه‌رخ دبینین و د ڤی كه‌رنه‌ڤالێ ریزلینانێ دا كه‌سایه‌تییه‌ك هاتیه‌ هه‌لبژارتن كو ناڤێ وی ل سه‌ر هه‌موو ئه‌زمانه‌كی هه‌یه‌ وه‌كو كه‌سایه‌تیه‌كێ جڤاكی كو چه‌ندین كتیب د ڤی بیاڤی دا هه‌نه‌ ب ره‌خ كو وی دیرۆك یا ئه‌رشیفكری ژ هۆزانێ بگره‌ و دانانا په‌یڤێن سترانان بۆ هه‌ژماره‌كا زۆر یا سترانبێژان.
به‌درخان ئێكه‌ ژ وان كه‌سان كو هه‌ر زه‌حمه‌تیه‌كا دیتی پێخه‌مه‌ت بلندكرنا پایه‌ و ناڤوده‌نگییا وه‌لاتی بوویه‌.
ئه‌گه‌ر پێداچوونه‌ڤه‌كا هێدی و هویربین بۆ هه‌موو نڤیسینێن ڤی مرۆڤی بكه‌ین، دێ دیار بیت كو زه‌حمه‌ته‌كا نه‌ ئاسایی ب خوه‌ڤه‌ بریه‌، ئه‌ڤه‌ رامانا وێ ئه‌و نینه‌ ئه‌م ل گۆری شیانان چ كاران بۆ نه‌كه‌ین ئه‌و به‌رهه‌م و كارێن وی ئه‌نجام داین پێدڤی ئاورلێدانه‌ڤێ یه‌ چونكی بۆ پتر ژ پێنجی سالان د ڤی بیاڤی دا كار دكه‌ت و د نڤیسینێ دا هه‌ڤچه‌رخێ دیرێنی و نوییاتیێ یه‌ و ده‌ف وی دۆز خاله‌كا سه‌رێ رێزێ یه‌ و خالا دویماهیێ یه‌. بۆ وی دۆز بنیاته‌ و مه‌ ده‌رباره‌ی ڤی مامۆستای گۆپالێ سیحری ڤێ نینه‌ به‌لێ دزانین كو هه‌لبژارتنا ڤى كه‌سایه‌تى ب ڤێ مه‌زناتیێ یێ ئێكێ بیت رێزلێنان بۆ بهێته‌كرن یا دروسته‌. ئه‌و ساخله‌تێن د ڤی مرۆڤی دا ژ ره‌وشه‌نبیری و ئه‌ده‌بیات و هه‌لبه‌ستێ ژ بلی لایه‌نێن دی كو كتێبخانه‌یا كوردی پێ زه‌نگین بوویه‌.. به‌درخان سندی جهێ شه‌هنازییا نفشایه‌، كو شیایه‌ ب دیرۆكا به‌رهه‌مێ خوه‌، ناڤه‌كێ برسقدار بۆ خوه‌ و مالباتا خوه‌ دروست بكه‌ت.
خزمه‌تا وه‌لاتیێ كورد و خزمه‌تا ئه‌وان كه‌سێن خزمه‌تا كوردان كری و هه‌لبژارتنا درووشمێ بێلایه‌نیێ ناڤه‌ندا خانى جهێ رێزێیه‌ راسته‌ ئه‌ڤ رێزلێنانه‌ ئه‌ركه‌كێ بچویكه‌ هه‌مبه‌ر دكتور به‌درخان سندی ئه‌نجام دده‌ین.. له‌وڕا مه‌ و ل گۆری پیڤه‌ران یێن ل سه‌رى مه‌ گۆتین ئه‌ڤ هه‌لبژارتنه‌ ساخله‌مه‌ و ببیته‌ ناڤونیشانێ ڤێ ئێڤارا مه‌.
هیڤیخوازین یێ به‌رده‌وام بیت ژ سه‌ركه‌فتنا و ب ده‌ستڤه‌ئینانان ل گه‌ل ساخله‌میه‌كا باش..
سۆپاس بو ناڤه‌ندا خانى و پشته‌ڤانیكرنا سۆمبلێن ره‌وشه‌نبیریا كوردى و ب ئه‌ركه‌كێ پیرۆز دبینم.

• ئه‌ندامێ به‌شێ ره‌وشه‌نبیرى و راگه‌هاندن / پارتى دیموكراتى كوردستان

د. ئیبراهیم ئه‌حمه‌د سمۆ

ئاخفتن ژ چاڤكانیه‌كێ ب هێز ده‌رباره‌ى بیروباوه‌ى و ده‌سته‌واژیان وه‌ك خوه‌ نینه‌، ته‌نانه‌ت زمانێ چاڤان ژى و ره‌نگه‌ یا گرێدایى كریارێن پێشوازیكرن و مێڤانكرنێ ژى بیت ژ هێزا لاوازیێ، هه‌كه‌ خوه‌ وه‌سا نه‌بیت ژى، به‌لێ هۆسا دبینیت كانێ كییه‌ د ره‌فتارێ و سروشتێ خوه‌ دا یێ دفنبلند، هه‌ر ژ كۆچكا سه‌رۆكاتیێ ل ئیراقێ بۆ كۆچكا پۆتین و پێشوازیكرنا وى یا ساڕ و به‌یاننامه‌یا وان یا سارتر ژ سه‌ده‌ما ڤێ پێشوازیكرنا ب ڤى ره‌نگى یا كو ل ماكرۆنى كرى و سه‌رره‌قیا وى ل سه‌ر هندێ كو شه‌ڕى بكه‌ت و پشتى هینگى ببیته‌ وێرانكرن و ژ ڤێره‌ پێڤه‌ دبنه‌ نووچه‌یێن ئیراقێ.. و ب دروستى ژى كوردستانێ و چاڤه‌رێكرنا به‌یاننامه‌یا ئێكه‌تیێ پشتى دیدارا كوڕێ مامه‌ى ل پیرمام و ل وێراهه‌نێ ژى وه‌لات خرڤه‌دبن بۆ به‌رسڤدانا گه‌فێن رۆسى ل سه‌ر ئۆكرانیا، هند هێز یێن ل ڤێره‌ و وێراهه‌نێ و ئه‌مریكا د هه‌لوه‌ستێ خوه‌ یێ شه‌رمزار دا ژ وان روودانێن ژ پێش چه‌ند مه‌هان دبێژیت و خۆیا دكه‌ت كو هه‌كه‌ هات و رۆسیا هێرش بكه‌ته‌ ئۆكرانیا، دێ ل به‌رامبه‌رى وان راوه‌ستین و هێزێن مه‌ ل وێرێ، یانكو ل سه‌ر سنوورێن ئۆكرانى ژ پێخه‌مه‌ت به‌رگریكرنێ دوهى، و د ناڤا كڤانێ نووچه‌یان دا، بایدن به‌رى ئه‌ڤ داخۆینێن دووماهیێ دگۆت كو مه‌ بژارده‌یا چه‌كى نینه‌ كو ل دژى رۆسیا براوه‌ستین ب بهانه‌گرتنا هندێ كو شه‌ڕێ جیهانى یێ سیێ نه‌هێته‌ روودان شه‌رمه‌ و فهێته‌ و ژ وان ژى گازیا وى یا به‌رده‌وام ب ڤه‌كێشانا كارمه‌ندێن كۆچكا سپى ژ ئۆكرانیا و پشتى هینگى دووڤدا ده‌وله‌تان هه‌ر ژ بریتانیا و ئوسترالیا و كه‌نه‌دا و ده‌وله‌تێن هه‌ڤپه‌یمان د قۆلپا ناتۆ دا و هێلانا ئۆكرانیا ب تنێ بۆ رووب رووبوونه‌كا شكه‌ستنێ و سیناریۆ ژى بۆ ئێكه‌تیێ نه‌ڤێت، ل سه‌ر په‌راوێزا بریاران دمینیت كو ئه‌و ب تنێ بهێته‌ دۆراندن. به‌لێ ئۆكرانیا ب خوه‌ ب خوه‌ و پشتبه‌ستن ل سه‌ر شیانێن خوه‌ ئه‌ز هزر ناكه‌م كو دكاریت ب سه‌ركه‌فتى شه‌ڕى بكه‌ت و پۆتین یێ سه‌رگه‌رم ل سه‌ر راگه‌هاندنا شه‌ڕى و دگه‌ل دا ژى سێئالی یا قاهیم ل سه‌ر هه‌لوه‌ستێ ئه‌نجامدانێ، ده‌ملده‌ست ژ وه‌زیرێ به‌رگریێ و به‌رپرسێ موخابه‌راتان د په‌یوه‌ندیێن ده‌ره‌كى دا و شیره‌تكارێ وى یێ خوه‌جه ل ناڤا ئاسایشا نه‌ته‌وه‌یى یا رۆسى دا و ل وێراهه‌نێ یێ پێگیر ب فه‌رمانا سه‌رۆكى و هنده‌ك ژ شیره‌تكاێن نوو ل سه‌ر فه‌رمانا كوڕێ مامه‌ى، ره‌نگه‌ ئه‌و گه‌شته‌ وان بدۆرینیت ژ بنه‌ما و بنیات دا و دبێژم ئه‌ز یێ كورد ل ڤێره‌ ئاكنجى و ژ چارنڤیسه‌رێ ملله‌تى دترسم كو ده‌رز بكه‌ڤنێ و ژێكڤه‌بیت و رێكنه‌كه‌ڤیت بۆ سه‌ر هه‌لبژارتنا ناڤه‌كى بۆ سه‌رۆكاتیا ئیراقێ، بۆ من نه‌خۆشه‌ ئه‌و پرسا وه‌لاتان و حه‌زژێكرنا دهۆلێن شه‌ڕێ، دبیت كه‌سه‌ك پرسیار بكه‌ت ما چو مایێ مه‌ د شه‌ڕێ ئۆكرانیا دچیت؟ لێ ل ڤێره‌ گه‌لى برایان یاریى یا پێكڤه‌گرێدایه‌ سه‌ره‌راى دووراتیا میلان ژ شه‌ڕان، به‌لێ دبیت وێرانكرن رووبده‌ن، دێ باندۆرا خوه‌ ب سه‌ر مه‌دا ئینیت و بهایێ پترۆلێ پشتى هنیگى ناراوه‌ستیت، جار دێ بلند بیت و جار ژى دێ نزم بیت و ژ وان ژى گوهۆرین هه‌لوه‌ستان، و هه‌مى گرنگیدان دێ بۆ دووڤداچوونا شه‌ڕێ داهاتى دچن، دبیت كارتێكرنێ ل سه‌ر وان وه‌لاتان بكه‌ت یێن هێزا خوه‌ ل ئیراقێ هه‌یین و هه‌رده‌م ئه‌م ژ دیرۆكێ فێربووینه‌ كو پتریا شه‌ڕان گوهۆرینان د نه‌خشه‌یێن ئه‌ردى دا دكه‌ن، و دوور نینه‌ ژى چوونا رۆسیا بۆ ناڤا شه‌ڕى دێ هاندانا توركیا بكه‌ت كو ده‌رگه‌هێ كه‌ڤن یێ ده‌وله‌تا ئۆسمان ڤه‌ بكه‌ت و ژ وێرێ ئاریشه‌ ده‌ستپێبكه‌نه‌ڤه‌، چونكو داخۆیانیێن به‌رى چه‌ند شه‌ڤه‌كان د پل بوون و هه‌مى چاڤدێر یێن به‌حس ل هه‌بوونا شه‌ره‌كێ مسۆگه‌ر دكه‌ن و ئه‌زێ ساده‌ یێ كو خه‌وا من نه‌هێت هه‌كه‌ گوهداریا گه‌شتێن نووچه‌یان نه‌كه‌م و مانشێتێن ده‌وله‌تێن په‌یوه‌ندیدار و ل گه‌ل ڤێ چه‌ندێ ژى، هه‌ست دكه‌م كو شه‌رێ داهاتى د به‌رژه‌وه‌ندیا مه‌ دا نینه‌ وه‌كو كورد، ئێدى ماكینا میدیایى یا وه‌لاتان دێ كاركه‌ت، نه‌خێر به‌لكو ماكینه‌یێن له‌شكرى ژى ل ڤێره‌ و وێراهه‌نێ، ئه‌و ده‌ڤه‌را پڕ ژ سه‌ربازگه‌ه و گرۆپێن چه‌كدار و ب هزار و ئێك ناڤان نه‌مازه‌ یێن ئیسلامى ژى ژ وان، و ئه‌م ژى ل ڤێره‌ د مژوولین ب هه‌لبژارتنا سه‌رۆكى و پشتى هینگى سه‌رۆك وه‌زیران و ئه‌م ل ڤێره‌ و هه‌ر ژ به‌رى چه‌ند رۆژه‌كان دیداره‌ك كه‌یفا مه‌ دئینیت وه‌ختێ دگه‌هینێ و ئێكا دى مه‌ خه‌مبار دكه‌ت ل ده‌مێ بجه دهێلین و كوڕێ مامه‌ى ژى یێ مای حه‌یریى ل به‌ر پرسا خوه‌ یا به‌رته‌نگ ل ناڤخوه‌ و ژ ده‌رڤه‌ ژى یا دیاردبیت هێشتا به‌رێ هه‌میان یێ ل كۆمبوونه‌كێ ل وێراهه‌نێ و بریاردانێ هینگى و هێشتا ژى من هیڤیه‌ك هه‌یه‌ كو دێ ب به‌یاننامه‌كێ ده‌ركه‌ڤیت بۆ به‌رژه‌وه‌ندیا گشتى نه‌كو وێ به‌یانناما كو زمانه‌كێ نه‌خۆش یێ خوه‌كوشتنێ تێدا هه‌یى و كوشتنا هه‌میان پێكڤه‌ د ناڤا مه‌ دا و ئه‌م ژى ناخوازین بچینه‌ د هه‌ڤڕكیه‌كێ دا سه‌ره‌راى باوه‌ریا مه‌ ب سه‌ركه‌فتنێ و ل گه‌ل ڤێ چه‌ندێ، فه‌ره‌ ئه‌ڤا دووماهیێ ژى ب به‌یاننامه‌كێ دروست ده‌ربكه‌ڤیت وه‌كو حه‌زژێكرنا خه‌لكێ چاڤه‌رێ سه‌رێ چه‌ند رۆژانه‌، ئه‌ڤجا بلا برایێ مه‌ (كوڕێ مامه‌ى) گوه ل مه‌ ببیت كو ده‌لیڤه‌ یا ل هه‌مبه‌رى ته‌ دا كو به‌رێ خه‌لكى ژ ئۆكرانیا و شه‌ڕێ رۆسیا دووربێخى و ڤێره‌ بكه‌ینه‌ ئاهه‌نگ و رێوره‌سم ب كێمترین تشت كو هێژایى گۆرا مامه‌ی بیت خودێ ژێ رازى، به‌لێ یا ژبلى ئه‌ڤێ ئێكێ دێ ناڤوده‌نگیه‌كا خرابناك بۆ خوه‌ ئینن، هه‌مى گله‌یى ژ بال خه‌لكى ڤه‌ دكه‌ڤینه‌ سه‌ر هه‌وه‌، چونكو بژاره‌یا وه‌ ژ ناڤبه‌ینا هه‌مى سه‌ركرده‌یێن ئێكه‌تیێ و سومبۆلێن خه‌باتێ نێزیك بوویه‌ و هه‌كه‌ وان ژده‌ست بده‌ن باشتره‌ ژ هندێ كو كه‌سه‌كى ژده‌ست بده‌ن نه‌كو لیسته‌كێ ژ باشترین ناڤان ل ناڤ خه‌باتا كوردى دا ژده‌ست بده‌ن ل گه‌ل هه‌وه‌ بوون د ژیبوونێ دا و ل ڤێره‌ رامانا من ئه‌وه‌ كو دێ هه‌مى یا هه‌وه‌ ئاڤاكرى دێ ژده‌ستده‌ن و یا مامه‌ى ژ په‌یوه‌ندیێن باش ئاڤاكرى و ب دروستى ژى به‌رى كو ب چه‌ندین سالان بمریت و ژ ده‌ستبده‌ن، هه‌می و به‌رى وان ژى ئه‌ز و هه‌مى كه‌سێن دلێن وان نه‌رم كو ب به‌بژاره‌كێ دیتر یێ سیێ ده‌ربكه‌ڤن و یێ حه‌زا خه‌لكى ژى ل سه‌ر هه‌یى و راگه‌هینن و باوه‌ریا مه‌ و ده‌نگێن مه‌بده‌ستخوه‌ڤه‌بینن، دێ د ده‌نگدانا خوه‌دا بۆ هه‌وه‌ به‌رى مه‌ راكه‌ن و ل گه‌ل هه‌مى هه‌ڤپه‌یمان ژى ب رۆژه‌كا گه‌ش دا و ب ئاهه‌نگ ل نیڤا به‌غدایێ ده‌ربكه‌ڤین و ژ وان ژى درووشمێ كورد ل به‌غدایێ بسه‌ركه‌فتن د پرسا سه‌رۆكى دا، كو چو شه‌رمه‌ك یان فهیته‌ك تێدا نینه‌، ئیمزایا سۆمبۆلێ كوردان و پیرۆزیا سه‌ركرده‌ مسعود بارزانى ل سه‌ر وێ بژاره‌یا چاڤه‌رێكرى بیت، به‌لێ و ب ڤێ چه‌ندێ و ڤان نووچه‌ و مانشێتان دێ ل دۆر ئیراقێ په‌یڤین و ژ هینگى دێ به‌ر ب دیمه‌نێن نووچه‌یێن جیهان ڤه‌ چین و دانا رایا خوه‌ ب رێیا سه‌رۆكێ چاڤه‌رێكرى و یێ داهاتى ب هه‌لبژارتنا هه‌میان، نه‌خۆ ئێدى هه‌دار نامینیت و براده‌ر و په‌رله‌مان یێن ل به‌رامبه‌ر ساتێن سه‌خت د ناڤبه‌را رازه‌مه‌ندیا كوڕێ مامه‌ى ل سه‌ر وان ده‌سپێشخه‌ریێن پارتى یێن كو ل ده‌ف من ب خوه‌ پتر ده‌رفه‌ت و نه‌رماتى تێدا هه‌نه‌ ژ پارتى و مسعود بارزانى ب خوه‌ كو وئه‌و ژى په‌نابرن بۆ به‌ربژاره‌كێ سیێ و ئه‌ڤ پرسه‌ بدووماهى بهێت، ئه‌ز بخوه‌ ب ساده‌یى ڤه‌ دبێژم مرۆڤ شه‌رم ژ خوه‌ دكه‌ت ژ ئه‌وا به‌رهه‌م سالح دكه‌ت ب وێ ركمانیا و ل سه‌ر ڤى پۆستى، چونكو كه‌سێ ساده‌ ژى دزانیت كو یێ ل به‌رامبه‌رى وى هه‌بوونا وى ب دلى نینه‌ ل وێ درێ، واته‌ هه‌ر جهه‌كێ بیت ده‌ستبه‌ردانێ بكه‌ت یان خوه‌ ڤه‌كێشیت و زیانێ نه‌گه‌هینیت و یێن دیتر نه‌هێلیته‌ د به‌رپرسیاریێ دا، پتر رژدیێ دكه‌ن، نه‌خێر و هزار جاران نه‌خێر بۆ پۆسته‌كى كو ب ڤى ره‌نگى بهێت و هزار جارا نه‌خێر بۆ حزبه‌كا كه‌ڤنار مامه‌ى سه‌ركێشیا وێ كریه‌ و دزانیت كو یێ ل به‌رامبه‌رى وى یێ ل سه‌ر حه‌قیێ و ل گه‌ل ڤێ چه‌ندێ دمینیت رژد ل سه‌ر ركیا خوه‌، من د ڤێ گۆتارێ دا بزاڤ كر چه‌نده‌كێ ده‌ربكه‌ڤمه‌ لایه‌نێ دى ژ ئاریشه‌یێن ده‌وله‌تان و ل دووماهیێ من خوه‌ دیت ل سه‌ر ڤێ مژارا دیالۆكێ د ناڤبه‌را كوردان دا و ئه‌ز یێ كورد خه‌ما من پرسا كوردانه‌ و ب رێككه‌فتنا كوردان، وه‌كو چو دى بهێته‌ روودان بلا بهێته‌ روودان، گرنگ ئه‌وه‌ گه‌لێ كورد و سه‌ركرده‌یێن وى ببینم یێن ب تفاقن و درووسمێ (كوردستان یان نه‌مان) راكرینه‌، ئه‌م هه‌مى چاڤه‌رێ رێككه‌فتنا هه‌وه‌ینه‌، و ئه‌م هه‌مى ژى قه‌بارێ وێ ده‌رزێ دزانین یا د ناڤبه‌را مه‌ دا په‌یدابوویى دێ لاوزیا مه‌ زێده‌تر لێكه‌ت، و هێزێن یێن دن ل سه‌ر مه‌ مه‌زنتر لێكه‌ت چونكو ئه‌م نه‌ دئێكگرتی و رێككه‌فتینه‌ ل سه‌ر هه‌لوه‌سته‌كێ ئێكگرتى و كاركرن ل سه‌ر ئێك هه‌لوه‌ست ئه‌ركه‌ ل سه‌ر هه‌مى پشكداران ل سه‌ر هه‌لوه‌ستێن سیاسى و خۆزیێن وى یێ رێككه‌فتى و بارزانى خیڤه‌ته‌ك بیت ل هنداڤى سه‌رێ وى سیبه‌رێ بۆ دروستبكه‌ت.
و/ ئه‌ڤرۆ

د. ئیبراهیم ئه‌حمه‌د سمۆ
هه‌ر ئێك ژ كو حه‌ز هه‌یه‌ ل وێ هزركرنا بابه‌ته‌كى، ئه‌ڤجا دێ ژ كۆژیه‌كێ بینیت كو گه‌له‌كێ یێ ژ خه‌لكى جودایه‌، لێ ئه‌و دكاریت بۆ خوه‌ بخوه‌ بسه‌لمینیت به‌رى كو بۆ وان بسه‌لمینیت یێن ل دژى وى راوه‌ستاین یانژى په‌سنا وى تشتى بكه‌ن یێ هزر تێدا دكه‌ت، چونكو كو خوه‌به‌ندكرن ب هه‌لویسته‌كى ڤه‌ توندتر و سه‌ختتره‌ ژ هه‌لبژارتنا وى ، بۆ میناك ئها ئه‌ڤه‌ ئه‌ز و هه‌ر ژ مێژه‌ وه‌ره‌ یێ ل هیڤیا حه‌زا نڤیسینا بابه‌ته‌كى گه‌له‌ك ژ من بریه‌، به‌لكو مه‌رجدارم كو ته‌مه‌نێ من هه‌مى بۆ خوه‌ بریه‌ و ئه‌زێ د ناڤا دیالۆگه‌كێ دا ل گه‌ل خوه‌، ب تاقیكرن د ناڤبه‌را دو مژاران دا، هه‌داركێشان و فه‌ره‌جا خودێ، دبیت ژى كه‌سه‌ك دوور بكه‌ڤیت ژ نێڕینان هه‌ر ماوه‌یه‌كى و ته‌پك ل پێشچاڤێن من راست و چه‌پ بهێت و بچیت و ئه‌ز یێ د خه‌یالێ دا، من تشتێن جوان ل پاش خوه‌ هێلان، ره‌نگه‌ ئه‌و رۆژا مراد بگه‌هیت، و دێ بینم كو وه‌كو بیرهاتنه‌كێ، سه‌ره‌راى ئێش برینان ل هه‌مى رۆژ و سالان د بازنه‌كا به‌رده‌وان دا و ل گه‌ل ڤێ ئێكێ مژار بوویه‌ ژیواره‌ك و من فه‌ره‌جا ب چاڤێ سه‌رێ خوه‌ دیت و من وانه‌یه‌ك ژێ وه‌رگرت كو چو جاران ژبیر ناكه‌م، و بیرا من دێ لێ هێت چه‌ندى ئه‌ز یێ ساخبم كو حسێب بۆ دهێته‌ كرن و چو مژار نینن ژى كو شاشى تێدا هه‌بیت و هه‌ر دێ دیار بیت و د شیان دایه‌ بهێته‌ راستڤه‌كرن رۆژه‌كێ ژ رۆژان، و تیررۆژكا وێ بهه‌لێت و ئه‌ڤه‌ حیكمه‌ته‌ ل هه‌مى ئاستان دهێته‌ جێبه‌جێكرن و ئه‌زم یێ گه‌له‌ك ماندى، به‌لێ ئه‌ز سه‌ره‌راى هندێ كو ل ناڤا خوه‌ بخوه‌ دا هه‌رده‌م من بزاڤ دكر كو جهێ وێ خیڤه‌تێ بگرم یا كو وان هه‌میان پێكڤه‌ د هه‌مبێزێ دا كۆمڤه‌بكه‌ت، و سیبه‌را خوه‌ یا مه‌ردینه‌ ل سه‌ر هه‌میان دا بگریت یێن كو خوه‌ ل به‌ر سیبه‌را وێ پاراستى و ژ گه‌رماتیا هاڤینێ پاراستى، خوه‌ ژ بارانا زڤستانێ ژى ئه‌ز و ب خوه‌ بخوه‌ من هه‌ولا ئه‌سته‌مێ ژى كر كو ده‌ستێن خوه‌ ب وى تشتێ حه‌رام پیس نه‌كه‌م ب مالیه‌ته‌كێ و كه‌ربا خه‌لكى، ئه‌ز ب هه‌ڤته‌ریپی ل گه‌ل خه‌لكى سه‌ره‌راى گه‌له‌ك سه‌ركه‌فتنێن من بده‌ستڤه‌ئیناین و ئه‌ز یێ روونشتى ل ڤیره‌ و ل ره‌خێ من یى راستى گوهداریا مۆزیكایێ دكه‌م یا كو من بۆ جیهانا تیهزرینێ ڤه‌ دبه‌ت و بده‌ستڤه‌ئینانا تشتێ داهاتى كو ب جه بهێت و گه‌له‌ك ژ من بریه‌ و من ببه‌ته‌ دلیڤه‌كا رۆژێن ڤالا ژ به‌خته‌وه‌ریێ و شانسێ تۆزكه‌ویى ب خه‌مباریێ، به‌لێ ئه‌زم كو من چاره‌نڤیسێ خوه‌ راده‌ستى خودایى كرى ڤان هه‌مى سالان و ئه‌زم یێ كو من ژیانا خوه‌ به‌خشكری بۆ بهایێ لێخڕڤه‌كرنا هه‌میان و ئه‌ز هنا یێ ل ده‌رڤه‌ى یاریا وان، نه‌خێر ره‌نگه‌ ژى هه‌رده‌م دهێمه‌ ئینكاركرن ژى، به‌لێ بكارئینانا من بۆ په‌یڤا (ئه‌ز) ژى سه‌ره‌راى كو ئه‌ز حه‌زژێ ناكه‌ن، به‌لێ پێدڤیه‌ بهێته‌ گۆتن چونكو یا گرێداى ده‌روونا من یا هه‌ژار و ئێتیمه‌ هه‌ر ژ سه‌رێ ساله‌ها سالان و ئه‌زم یێ مه‌قسود د دیتنا خه‌لكى دا و قه‌نجى ل ده‌ف من ب كێمترین راده‌ ئه‌ز یێ پێڤه‌ گریدایمه‌ و هه‌ر ژ بوونا خوه‌ من ل سه‌ر ملێن خوه‌ دانایه‌ و هه‌تا وه‌غه‌را داویێ ژى، ئێك ژ هه‌ڤالان پسیار ژ من كر كیش رۆژه‌ تو یێ خه‌مبار د ژیانا خوه‌ دا یان باشتر بێژین نه‌خۆشترین چڕكه‌یێن ژیانا ته‌ و رۆژێن كو نكار ژبیربكه‌یى یان ل سه‌ر ته‌ را ببوورن، و من ب ده‌نگه‌كێ بلند و ب هێز كره‌كه‌نى پسیاركه‌ برایێ عه‌ره‌ب كیش رۆژه‌ ته‌ به‌خته‌وه‌رى د چاڤێن هه‌میان دا دیتى و من ژ دل گریاند ل سه‌ر وێ سته‌ما ژ هه‌ر لایه‌كى ڤه‌، چ و جڤاكى بیت یان خوه‌ سیاسى ژى، چونكو ل سه‌ر خه‌لكى یا گشتیگیر بوو، ل سه‌ر كه‌سوكاران، نڤیسه‌رێ ڤێ گۆتارێ نكاره‌ وێ سته‌مێ د ڤان كێم په‌یڤان دا دیاربكه‌ت و پۆخته‌ ژ وێ سته‌مێ بهێته‌ دیاركرن تێرا هه‌یه‌ كو ئه‌ز د برینه‌كا هه‌رده‌مى دا بم، نه‌مازه‌ به‌رى چه‌ند رۆژه‌كان ژى پشكا مه‌زن ژێ بهۆژییا و ئه‌ز چاڤه‌رێ پشكا دیترم سه‌ره‌راى حه‌زا من ل ژیانێ و الله چو ترس ژ مرنێ نینن، به‌لكو حه‌زژێكرن ژ هندێ كو ببینم برین یا ساخ بوویى، ئه‌ز یێ چاڤه‌رێ ده‌لیڤێ مه‌ و ژ وان ژى، دێ ده‌ست ب راگه‌هاندنێ كه‌م و نزانم وه‌خت دێ من گه‌هینتێ و ته‌مه‌ن دێ گه‌هیته‌ وێ ئارمانجا ئه‌و بۆ دخه‌بتم، نزانم زه‌مانى چو ل من ڤه‌شارتیه‌؟ هه‌ر تشتێ ئه‌ز دزانم ئه‌وه‌ كو ئه‌م د موسه‌یرین نه‌ك د موخه‌ییه‌ر بۆ هه‌مى سه‌ركه‌فتنان، بێی چو پلانه‌كا پیشده‌م و ئه‌ڤ هه‌می سه‌ركه‌فتنێن هه‌نێ ب كێماسى د دیتنا خه‌لكێ ل ده‌وروبه‌رى من دا و ئه‌ز بۆ جارا ئێكى یه‌ دبێژم، هه‌ر ژه‌سپێكا ژیانێ سه‌رنه‌كه‌فتین و هه‌ر قه‌نجیه‌ك من ژ ده‌ست دا ژ پیش سالێن ل گه‌ل باهۆزا چووین ل گه‌ل ته‌حلاتیێن ژیانى َ چوو، حه‌تاكو گه‌هشتینه‌ ده‌ریێن به‌خته‌وه‌ریێ و شادیێ من هنده‌ك تشتێن دی ژده‌ستدان و ئه‌ڤه‌یه‌ سونه‌تا ژیانێ یه‌، هه‌تا كو سه‌ركه‌فتنه‌كێ د ژیانێ دا بینیى و تشته‌كى ژى ژده‌ستبده‌ى و ل گه‌ل ڤێ دونیایێ د به‌رده‌وانیا ژیانێ داینه‌ سه‌ره‌راى دربێن مه‌زن و ب ئێش ڤه‌ ل سه‌ر من و ل ده‌وربه‌رى من، دبینت مرۆڤێ ده‌ردۆر سه‌ده‌ بیت و ل گه‌ل هندێ ده‌مێ مرۆڤ دمریت وه‌غه‌ر دكه‌ت هه‌مى دكه‌ڤنه‌ خواندنا لافا و نڤیژان سه‌ره‌راى كارێ وان هه‌میان، ئه‌و گه‌له‌ك یێ سته‌مكار بوو و ده‌مێ پیتێن مه‌ دبنه‌ر رسته‌ و سه‌ردێر، بۆ مژارا مه‌ ل دۆر سته‌مێ و سزایێ سته‌مكارى هه‌ر دێ ب سه‌ردا هێت و چو ده‌لیڤه‌ نینه‌ ژێ قورتال ببیت، لێ ره‌نگه‌ ل وێدرى ئه‌ڤ گۆتارێ بدووماهى نه‌ئینیت، بزاڤێ ب هه‌مى هێزا خوه‌ دكه‌م كو پتر و پتر ده‌ربرینێ ب دلسۆزى ژێ بكه‌م داكو بۆ خوانده‌ڤانى خوه‌ش ببیت و هه‌ست ب راستگۆیێ دكه‌ت د كریاران دا، چونكو هه‌ر ئه‌و بوو یا من پلان بۆ دادنا و ب كریار ژى بكه‌م، ئارمانج ژێ شادكرنا ئه‌و كه‌سێن ستێرا وان ل منه‌، خوه‌ هه‌كه‌ ئه‌ڤ ئه‌ڤ پرسه‌ من بئیشینیت ژى، لێ ئه‌ز نه‌یێ زیاندارم و نه‌ هه‌داركێشێ ب حسێب،چ بهێته‌ روودان لێ (ته‌پكا ته‌نسێ) دمینیت هه‌لاویستى د ناڤبه‌را هه‌ردو ره‌خێن پرسگرێكرێ باشیا وێ و خرابیا وێ، لێ سۆز بیت ل سه‌ر من كو بمینیتم وه‌كو خوه‌ ، دا كو به‌خته‌وه‌ریێ بئێخمه‌ د دلێ وى دا یێ من به‌خته‌وه‌ر كری، و بۆ من خه‌مبار ببیت هه‌كه‌ ئه‌ز بهێمه‌ دۆراندن، به‌لێ ئها ئه‌ڤه‌ ئه‌ز مینا چیایه‌كێ قاهیم ناهژیێت سه‌ره‌راى دهێته‌ روودان و هاتیه‌ روودان و دێ هێته‌ روودان، چونكو هه‌ر كه‌سێ كوڕێ دایكه‌كێ چه‌ندى یێ ب سلامه‌ت بمینیت رۆژه‌كێ ل سه‌ر رویێ ئه‌ردى ماییى، لێ ئه‌م هه‌مى دێ چین و تشێ دمینیت، دێ دیاربیت بۆ كه‌سێن پشتى مه‌ دهێن، ئه‌رێ ئه‌م چ بووین و مه‌ پێشكێش كریه‌ و بۆچى ئه‌م ب وێ هه‌میێ رابووینه‌، بلا یێ تێبگه‌هیت وه‌خوه‌ تێبگه‌هیت، و یێ گرێیه‌ك د دلێ دا بیت، ئه‌ز وێ گرێیا ته‌ چو جاران نه‌گوهۆرم ب به‌خته‌وه‌ریه‌كێ كو مرادا ته‌ ئه‌و به‌خته‌وه‌رى بوو، لێ چاوا سۆز داینه‌ و هه‌ر كه‌سێ من بناسیت و ئه‌دائا من بهه‌لسه‌نگینیت، ئه‌ز هیڤیان بۆ هه‌وه‌ دهێلم كو ب دل و زمانێن خوه‌ بگێریت باشتره‌ ژ هندێ كو ل سه‌ر غه‌یرى خوه‌ خوه‌ مه‌زن بكه‌ت، چونكو هه‌ر تشته‌ك یێ چوویى یه‌ و هه‌مى تشت دێ بدووماهى هێت و تنێ دێ ئارامیا ته‌ ل گه‌ل ته‌مینیت د چركیه‌كا جوان دا، ب تنێ فنجانه‌كا قه‌هوێ دێ تێكده‌ت.
و/ ئه‌ڤرۆ

د. ئیبراهیم ئه‌حمه‌د سمۆ

چاڤێ هه‌میان یێ ل تێكۆشینێن سه‌رۆك بارزانى بۆ مفاوه‌رگرتن ژ رۆلێ وى یێ كاریگه‌ر د پرۆسا سیاسى دا

گه‌ر بۆ كه‌سه‌كێ دى مابا، ئه‌و ب خوه‌ بۆ ته‌ نه‌ دهات، ئه‌ڤه‌ مانشێته‌كێ گۆتاره‌كا مه‌ یا به‌رى ساله‌كێ یه‌، هینگى ب مه‌قسه‌د بوو ژبه‌ر ئه‌گه‌ره‌كێ گه‌له‌كێ تایبه‌ت بوو.. ئه‌ڤرۆ گۆتارێ ئه‌ز ڤه‌گه‌راندمه‌ڤه‌ كو ژ جۆراتیا گۆتارێن خوه‌ یێن گشتى ده‌ربكه‌ڤم به‌ر ب یێن تایبه‌ت. ئه‌ڤجا ب فه‌رمانا سه‌رۆك كۆمارى ل ده‌ف من و دوور ژ هه‌ر حسێبه‌كێ و ژیبوونه‌كێ ل دۆر مژارا سێكانى و هه‌كه‌ بۆ من یا چاركانى بره‌خسیت ژ به‌ربژان ئه‌ز ـ ب ئاشكرایى ـ لایه‌نگیریێ بۆ تشتێ كو ل سه‌ر حزباتیێ دا دكه‌م ژ نه‌ته‌وه‌بوونا خومالى.. ئه‌ڤ مژاره‌ ئه‌ڤه‌ سه‌رێ چه‌ند رۆژانه‌ ئه‌ز مژوولكریمه‌، و ب دروستاهى ژى هه‌ر ژ به‌ربژاركرنا هێژایێ دادوه‌ر رزگار مه‌حه‌مه‌د ئه‌مین و پشتى وى هێژا هوشیار زێبارى، و بابه‌ت ل ده‌ف من چو عورف نینه‌ كو ژ قانوونێ باشتر ببینت، ب هه‌بوونا دستوورى، عورف دبیت نه‌هێته‌ زانین وه‌ك قانوون ب هه‌بوونا قانوونێ، به‌لێ وه‌كو پره‌نسیپ پێشده‌م په‌سه‌ندكریه‌.. دره‌خسیت و ئه‌ڤ رێككه‌فتنه‌ هێشتا به‌رى چه‌ند سالان بوو، و ژ به‌ر هندێ ژى وى عورفى چ بهایێن خوه‌ نه‌ماینه‌ ل سه‌ر چو زمانه‌كى، به‌لێ هه‌ر پێدڤیه‌كى حوكمێن خوه‌ هه‌نه‌، و دۆزا كوردى پێدڤى ب ئێمناهیێ هه‌یه‌ و مافێ سه‌رۆك بارزانى خودانێ حیكمه‌تێ و زانینێ و گوهارتنا كاودانانه‌ ل سه‌ر من، چونكو پێنه‌ڤێت كه‌سێ زانا و حه‌كیمانه‌ باش دزانیت كو وه‌لات و كوردستان ب سه‌ر سه‌رێ هه‌ر تشته‌كى دكه‌ڤیت، به‌لێ مخابنیێ ب ئێكه‌تی نشتیمانى ڤه‌ دبه‌م، نه‌خاسمه‌ ئه‌وێ له‌شكره‌كى هه‌یى ژ خوه‌دیێن بریاربده‌ست و ره‌وشه‌نبیر و دیپلۆماتكار ژ خوه‌دیێن شاره‌زاهیێ و زانینێ، و ئه‌ڤ هه‌مى جه‌ختیه‌ و كه‌فتنا د خه‌فكا خه‌لكى دا كو به‌رهه‌ڤ نه‌بیت د جڤینا هه‌لبژارتنا به‌ربژارێ پارتى دا، یا كاك شاخه‌وان بۆ پۆستێ جێگرێ سه‌رۆكێ په‌رله‌مانى و ژڤێ مه‌زنتر ژى، ئه‌و له‌زێكرنا كۆمبوونا مه‌كته‌با سیاسى یا ئێكه‌تیێ و ڕكمانا وێ ل سه‌ر به‌ربژاركرنا د. به‌رهه‌م سالح بۆ گه‌را نوو بێى حسێبه‌كێ بۆ بۆچوونا دویێ و هه‌ڤپشكێ پتریا ده‌نگان و جه‌ماوه‌رى و ده‌ستهه‌لات و كارتێكرن ل سه‌ر جادێ و د بریارا سیاسى دا…و ب دروستاهى ژى نها ئه‌و كریارا نه‌ ب دلێ پارتى و ب دیتنا من و شاره‌زاهیا من كو ئه‌وى شاشى د ڤێ هه‌لسه‌نگاندنێ و ره‌فتارێ دا كریه‌، كو به‌رى چه‌ند مه‌هه‌كان ژ مه‌زنترین قه‌یرانا سیاسى یا كوژه‌ك قورتال بوویه‌، ئه‌و ب زۆرى ژێ قورتال بوویه‌.. و پشتى هینگى گه‌شبینیێ سه‌رگرتى كو ئه‌ڤ تێشكێ شێرا هه‌ر ژ وان شێرانه‌ كو سه‌ركه‌فتیه‌، و كه‌فتیه‌ سه‌ر رێیا دروست، ئه‌ڤجا پارتى ده‌سپێشخه‌رى كریه‌ ـ وه‌كو نه‌ریت و حیكمه‌تا وى .. كو هه‌مى كاودانان بهه‌لسه‌نگینیت، و مایتێكرن نه‌كریه‌، ئه‌م ژى خودانێن خامه‌یێن نڤیسینێ وه‌ك رێزگرتن بۆ هنده‌ك ژ براده‌رێن خوه‌ ل ناڤا ئێكه‌تیێ دا، مه‌ خوه‌ ژ هندێ دوورخستیه‌ كو ته‌ڤلى گوهۆرینێن نوو ببین.. هینگى داخوازیێن مه‌ ئه‌و بوون كو چو حوكمه‌ت و چو بریارێن سیاسى نینن بێى ئێكه‌تیێ.. ئه‌ز ژى ب خوه‌ و هه‌تا نها دبێژم: هێشتا زوویه‌ كو ئێكه‌تى ژ ناڤ نه‌خشه‌یێ سیاسى ده‌ربكه‌ڤیت یان بهێته‌ دوورخستن و بهێته‌ لادان ب گۆر مافێ وێ یێ هه‌لبژارتنان و هه‌ڤپشكیا وێ یا سیاسى، به‌لێ ئه‌ڤه‌ وێ رامانێ ناده‌ت د به‌ریكانێ دا كو ب وێ له‌زاتیا كویسله‌ى بگه‌هم، حه‌تا كو یێ دیتر یێ گیرۆ بگه‌هیته‌ من.. و كاركه‌ر ژى هه‌روه‌كو هێشتا ئه‌و یێ ل سه‌ر وى قووتێ خوه‌ ل سه‌رده‌مێ مام جه‌لال ـ خودێ ژێ رازى ـ به‌ره‌به‌ره‌ مژار بۆ من هات ژ ژیوارى، نه‌ك ژ خه‌یالێ كو ل رۆژێن داهاتى د وێ ئێكێ دا پشكدارببم یاكو ڤه‌كێشانا د. به‌رهه‌م سالح و هه‌لبژارتن كه‌فتیه‌ سه‌ر د. له‌تیف ره‌شید… ئه‌ز ب خوه‌ هینگى باشتر دبینم كو هێزێن كوردى هه‌مى یان پڕانیا وان یێن كارتێكرن هه‌یین ب بنكۆكا خوه‌ یا جه‌ماوه‌رى و یێن ب هَیز و ئێكه‌تى ژى ژ وان كۆم ببن كو به‌بژارێن كورد یێن دیتر هه‌لبژێرن، ب قه‌بوولكرنا پارتى و باش هزرێن خوه‌ د مژارێ دا بكه‌ن كو ب رێككه‌فتن بیت نه‌ك بریاره‌كا تاكانه‌ یان ب له‌زكرن بیت، چونكو سزایا وێ دێ ی دژوار بیت ل سه‌ر هه‌رێمێ و ل سه‌ر ئیراقێ ب گشتى.. ره‌نگه‌ ل ڤێره‌ پسیار بهێته‌كرن و هێژا هوشیار زێبارى به‌ر ب كیڤه‌؟ دبێژم و ب ئاشكرایى ڤه‌: ئه‌ز وى دناسم سه‌ركرده‌یه‌كێ مه‌زنه‌ و ژ نێزیك ژى نانیاسم باش باش ته‌مه‌تى وێ ئێكێ كو ئه‌و ژ سه‌ركرده‌یێن ژیبوونا من یا سیاسى یه‌ و ژ ئه‌لهۆیێن دیپلۆماسیه‌تێ یه‌ و كه‌سه‌كێ ب بریاره‌ د ئه‌نجامدانێ دا، ژ باشیێن وى یێ ساده‌یه‌ و قه‌ده‌ره‌كێ مه‌زن ژ ره‌وشه‌نبیریێ و سه‌ربۆرا مه‌زن هه‌یه‌ ژ خه‌باتێ و به‌رپرسیاران ل وه‌زاره‌تا ده‌رڤه‌ و یا دارایى، سه‌ره‌راى هه‌بوونا هنده‌ك گۆتگۆتێن نه‌حه‌زان د رێستنا هنده‌ك گومانێن بێ بنه‌ما دا، لێ ئه‌و ب زیره‌كى یێ هه‌ژى یه‌ ـ ل ده‌ف من ــ بۆ ڤى پۆستێ و ب هه‌مى ژێهاتیا خوه‌. سه‌ره‌راى هندێ كو رۆژێن بهێن نه‌دیاره‌ دێ د چاوا بن كانێ پارتى چو هه‌یه‌ د پاریزنكى خوه‌ دا كانێ دێ مژار ل كیڤه‌ راوه‌ستیت، هه‌كه‌ هاتو ئێكه‌تى ل سه‌ر د. به‌رهه‌م سالح رژد بیت، دێ مینیت ل سه‌ر مه‌، بتنێ كۆم ببین و هه‌مى تێكۆشینا پێشكێش بكه‌ین كو به‌ر ب به‌ربژاركرنا هێژا هوشیار زێبارى بۆ سه‌رۆكاتیا كۆمارێ ب گۆره‌یى وان فاكته‌رێن هه‌یین، و هه‌لبژارتنا سه‌رۆكاتیا كۆمارێ ب شه‌نسێن خوه‌ گه‌له‌ك پتر ژ هه‌ڤركێن دیتر و هینگى دێ دێ به‌س كه‌ین كورسیان پالڤه‌ بده‌ین، و ته‌نازولاتان بكه‌ین ل ڤێره‌ و وێراهه‌نێ هه‌ر ژ سالا 1992 و هه‌تا نها ئه‌ڤ ته‌نازوله‌ ژپێخه‌مه‌ت وه‌لاتى و كوردستانێ بوویه‌ خالا لاواز هه‌مى ل سه‌ر دله‌یزن ل ده‌مێن به‌رته‌نگیان…به‌لێ ئه‌ز ل ڤێره‌ ژ بیاڤێ دلسۆزیێ بۆ هه‌میان، و هه‌مى ژى دزانن كانێ ڤیان و رێزا من چه‌نده‌ بۆ گڤاشتنا ده‌ستان به‌ر ب ئێكه‌تیێ، به‌لێ ئه‌ڤه‌ به‌رپرسیاریا مه‌هه‌میانه‌ وه‌ك نڤیسه‌ر و خامه‌هه‌لگر كو مه‌ ژى بۆچوونه‌كا دوور هه‌بیت ژ هه‌مى حسێبان، چونكو به‌ربژارێن ئێكه‌تیێ نه‌ ل ئاستێ به‌رپرسیاریێ نه‌ ب گۆره‌یى یا پێشچاڤ (هه‌ر چو نه‌بیت ل ده‌ف نڤیسه‌رێ ڤێ گۆتارێ)، به‌لێ ئه‌ڤێ هه‌نێ یێ روونشتى ل گه‌ل هه‌مى رێزێن من پتر ژ كریارێ دئاخڤیت، به‌لكو كریار ل ده‌ف وى هه‌ما مریه‌ هه‌ر ژ مێژه‌ وه‌ره‌ ده‌مێ ئێكه‌تى بجه هێلایى، و بۆ خاترا كورسیێ ڤه‌گه‌ریایه‌ ڤه‌.. و یێ دیتر: ژلایێ ئه‌نجامدانێ ڤه‌ ده‌مێ كو وه‌زیر بوو، ره‌نگه‌ ب شانستر بوو ژ د به‌رهه‌م و ئه‌وان د وێ بریارێ دا پشتى وه‌زاره‌تێ هه‌بوون و پشتى هینگى گه‌شت كریه‌ بۆ وى جهێ كو كه‌سێن نێزیكى وى دزانن، و به‌رزه‌بوو جاره‌كا دى ڤه‌گه‌ریا و به‌ربژاركرنا پیچه‌كێ یا شێلى یه‌ و ل گه‌ل ڤێ ئێكێ هه‌لبژارتن ل ده‌ف من ل سه‌ر كه‌ساتیه‌كێ یه‌ به‌رى ده‌مى ل سه‌ر هاتینه‌ رێككه‌فتن، به‌لكو هێشتا ژى دوور نینه‌ ب گۆره‌ى ڤه‌كرنا جوفره‌یان ل ساتێن داویێ ژ هه‌لبژارتنان، ئه‌ڤه‌ هه‌كه‌ چو خرابى نه‌هێنه‌ روودان ژ وى لایێ كو نه‌یێ رازى ژ پرۆسا هه‌لبژارتنێن په‌رله‌مانى و یا باشتر ل سه‌ر ئێكه‌تیێ ئه‌وبوو كو ركمانى ب سه‌ر هه‌لبژارتنا هێژا د. به‌رهه‌م نه‌كربا، نه‌ك ژ كه‌ربه‌كێ به‌لكو ب تنێ سه‌ركرده‌ و سه‌ركردایه‌تیا سیاسى یا پارتى دزانیت كا چو ل ڤێره‌ و وێراهه‌نێ دهێته‌ روودان .. یا فه‌ر ئه‌وه‌ بوو ل سه‌ر ئێكه‌تیێ كو په‌ڕان تێكهه‌ل نه‌كه‌ت و ته‌كتیكا یاریێ د بنیات دا تێكنه‌ده‌ت (هه‌ر چو نه‌بیت ل ده‌ف نڤیسه‌رێ ڤێ گۆتارێ) و هێشتا ژى هیڤی نه‌مرینه‌ و دوور نینه‌ ژى چاره‌سه‌رى ل هه‌ر ده‌مه‌كى هه‌بیت، د ناڤبه‌را كوڕێ مام جه‌لال خودێ ژێ رازى كو پشتى وه‌غه‌رێ په‌یامه‌ك هه‌بوویه‌ ژ سه‌رۆك بارزانى خوه‌ دایه‌ وه‌كو مامێ وى و خودانێ باوه‌ریێ بۆ وان، و هێشتا ژى گه‌له‌ك ژ كادرێن سیاسى یێن حزبێ رێزه‌كا مه‌زنن دده‌نه‌ مامه‌یێ خودێ ژێ رازى و پشتى وى ژى بۆ كوڕێن وى. بۆ شانێ مامه‌ى و رۆلێ وى، ئه‌م ژى ب وان ب هیڤینه‌ كو دێ وێ رێره‌وێ به‌رده‌وام كه‌ن و ڤه‌گه‌رنه‌ ڤان رۆژان و پرسگرێكێ قورتال كه‌ن.. ئه‌ڤه‌ ژى د ئارا دایه‌، ل دووماهیێ ژى ل ده‌ف من كوڕێن مامه‌ى ـ هزار جاران ژ یێن دیتر باشترن، ئه‌ڤه‌ ژى قناعه‌ته‌كه‌ بۆ دیده‌ڤانان بێ دودلى دبێژم، ڤه‌كێشانا د. به‌رهه‌م و مانا برایێن ل ناڤ پارتى بۆ هه‌لبژارتنا یێ دیتر ژبلى د. به‌رهه‌م بۆ به‌رژه‌وه‌ندیا گشتى گه‌له‌ك باشتره‌ ژ هندێ بكه‌ڤنه‌ د چاله‌كێ دا زه‌حمه‌ته‌ ژێ ده‌ربكه‌ڤن، هه‌كه‌ نه‌ ل داویێ رێیا هه‌ڤركیێ د ناڤبه‌را د. به‌رهه‌م و هێژا هوشیار زێبارى دا بهێته‌ گرتن ئه‌وه‌ چاره‌سه‌ریا سه‌خت و ته‌حل، چونكو پشتى خواندنا روودان و ژیواران و دیرۆكێ و سیاسه‌تێ چو گه‌شبینى نینن، هه‌ر چو نه‌بیت هه‌تا نها ژ لایه‌نێ دیتر ڤه‌ و ب من بژاره‌یا ده‌ویێ باشتره‌، چونكو شێوه‌یێ یاریێ ل ناڤ به‌غدا نه‌وه‌كو یاریێ یه‌ ل ناڤا هه‌رێمێ، سه‌ره‌راى بژارده‌یێ نه‌ك یا سه‌خته‌ ژ ترسێ به‌لكو ۆیره‌كه‌ د مژارێ دا، و به‌ر ب رێككه‌فتنا سێیانى ڤه‌ بچین (التقدم، العزم و التیار الصدری) و ئه‌و په‌یوه‌ندیا چاك ل گه‌ل هه‌ڤالان ل ده‌رڤه‌ى رێككه‌فتنێ و دێ چینه‌ مافى ئازدایى و دیمۆكراسیێ و ب ئه‌نجامى رازى ببین، سه‌ره‌راى گه‌شبینی مه‌زن ب سه‌ركه‌فتنا هوشیار زێبارى دوور ژ وێ گۆتنا (للچروره‌ أحكام) و مایتێكرنا یێ داویێ بۆ سه‌رۆك بارزانى و كو جهێ رێز و رێزگرتنێ یه‌ سه‌ره‌راى وان ئاماژه‌یێن ده‌سپێكێ ب رێكنه‌كه‌فتنێ، و بوویه‌ مژاره‌كا دۆهێل، چونكو و ب مخابنى ڤه‌ ب گۆره‌یى شرۆڤه‌یێن ل ده‌ف مه‌، هه‌ر چو نه‌بیت ئه‌م خوه‌دیین ژیبوویێن به‌ربژارێ پارتى ژ لایێ ئیكه‌تیى ڤه‌ نه‌یێ قه‌بوولكری یه‌ و هند.
دوور نینه‌ له‌تیف ره‌شید كو وه‌زیرێ پێشینه‌ ئه‌وى شه‌نسه‌كێ مه‌زن هه‌یه‌ هه‌كه‌ هاتو د. به‌رهه‌م بریار دا خوه‌ بڤه‌كێشیت و ل گه‌ل ڤێ ئێكێ شه‌نسێ هێژا هوشیار زێبارى ژ یێن دیتر پتره‌ ل گۆره‌یى ئالیه‌تا رێككه‌فتنێ د ناڤبه‌را سونه‌یان و سه‌درێ سه‌ركه‌فتى و فراكسیۆنا نوونه‌راتى، سه‌ركه‌فتى بن و مژار بۆ خوده‌یێن بریارێ و سه‌ركردایه‌تیێ دمینیت. ئه‌م باش دزانین كو د ناڤ ئه‌جینده‌یێن سه‌رۆكى دا هه‌رده‌م ده‌لیڤه‌یێن به‌خته‌وه‌ریێ ل ساتێن داویێ په‌یدا دبن ب گۆره‌یى پێدڤیێن به‌رژه‌وه‌ندی گشتى، ره‌نگه‌ بریاره‌كا نه‌دیار هه‌بیت و ل گه‌ل ڤێ چه‌ندێ هێژا تێلى ئه‌مین د لاپه‌رى خوه‌ دا گۆتیه‌: چاڤێ هه‌میان یێ تێكۆشینێن سه‌رۆك بارزانى بۆ مفاوه‌رگرتن ژ رۆلێ وى یێ كاریگه‌ر د پرۆسا سیاسى یا ئیراقى دا بۆ به‌رژه‌وه‌ندیا دۆزا كوردى ل گه‌ل هندێ به‌رژه‌وه‌ندیت پارتى ب گۆره‌یى رێككه‌فتنا سیاسى بهێته‌ ل به‌ر چاڤه‌رگرتن. و نه‌ك تشته‌كێ دیتر و رۆژ دێ دیاربن.. خودێ كوردستانێ بپارێزیت.
و/ ش. ن

د. ئیبراهیم ئه‌حمه‌د سمۆ

ژ شه‌ڤێدى وه‌ره‌ و ئه‌ز یێ ل په‌یڤێن هه‌ژى ته‌ دگه‌ڕم و هوین د ڤێ ره‌وشا سه‌خت و دژوار دا، ئه‌یى دایكا شه‌هیدان؛ نه‌كه‌ گرى ئه‌ى خویشكا من، دایكا من و چ ره‌فتار و لڤینان نه‌كه‌ ئه‌گه‌ر نه‌ ب سه‌ر دایكه‌كا كورد ڤه‌ بن، كو ژ خه‌مان نه‌گریایى به‌لكو ب كورێن خوه‌ یێن شه‌هیدێن وه‌لات و خاك وشه‌رفێ ڤه‌ شاناز.
ئه‌م خه‌لكێ كوردستانێ هه‌مى برا و كورێن ته‌نه‌، ب ڤێ چه‌ندێ نامه‌یه‌ك ژ ده‌ف ته‌ بۆ هه‌مى دایكان په‌یدا دبت و تو دبێژى: ئاها ئه‌ڤه‌ ئه‌زم نۆكه‌ ژنا كورد یا ب ئه‌ختوباری خوه‌ نمۆنه‌مه‌، یا كو ل پێش چاڤێن خوه‌ دیتى چاوا هه‌ر سێ چه‌گه‌رێن وێ یێن قاره‌مان و مێرخاس و شێر د ئێك كێلیكێ دا پێخه‌مه‌ت به‌ره‌ڤانیێ ژ هه‌میان بكن شه‌هید بووین و بێ كو رۆندكه‌ك خوه‌ ل چاڤان بدت، ئه‌ز ئه‌و دایكا كوردم یا حه‌ز و ڤیانا وه‌لاتى د ناڤ خوینا وێ دا و ژ مێژا وه‌ره‌ زانى كو ڤیانا وه‌لات و ئاخێ باج و خویكا خوه‌ هه‌یه‌ كو قوربانیێن گیانى پێدڤێن و ئه‌ڤه‌ چه‌نده‌ كوپیتكا مه‌ردینى و قوربانیدانێ یه‌.
ئه‌ز و ئه‌ڤه‌ ئه‌ز و سیێن دى و هه‌فت و پێنجێن دى دگه‌ل من دا ژ برا و كور و بابى گۆرى وه‌لاتێ خوه‌ یێ شرین بن، هه‌وه‌ دایكه‌ك وه‌كى من دیتیته‌ هۆسا ب سه‌بر و هه‌دار و گه‌شبین و ئه‌رێنى د ره‌وشێن هۆسا ته‌حل و سه‌خت و دژوار دا؟
ده‌مێ من ده‌نگوباسێ شه‌هیدبوونا هه‌وه‌ گولێبوویى و ئه‌ز ژى ل ڤێ ده‌رێ مه‌ ژ ڤێ ئه‌خته‌رى مه‌ نه‌ ژ ئه‌خته‌ركى دی مه‌، هه‌وه‌ دایكه‌ك هۆسا دیتیه‌ ب ڤێ هێز و مۆرالا بلند، چ پێنه‌ڤێت مه‌ نه‌ دیتیه‌ ئه‌ى دایكێ ئه‌ى خویشكێ… دایك به‌رده‌وام یا ده‌نگێ خوه‌ بلند دكت و بانگ دكت؛ ئه‌ز ل سه‌ر ڤێ خاكێ ژیام و دێ ل سه‌ر ڤێ خاكێ مرم و حه‌ز ژ ڤێ ئاخێ دكم و دێ ب گیانێ خوه‌ و كور و برا و كه‌سوكارێن خوه‌ هه‌میان گورى كم، ئه‌ڤ ئاخه‌ دایك و بابه‌.
چ جاران چ ئالا بێ خوین رێتن نه‌هاتینه‌ هلدان و چ ملله‌ت د ناڤ لیستا ملله‌تان دا بێ قوربانیدان و خوین نه‌هاتینه‌ تۆماركرن، هێشتا رێك یا ل پێشیا مه‌ درێژه‌ و ئه‌و كه‌سێ ب ڤێ شه‌ڕ و شیرانێ رازى بت دڤێت بۆ قوربانیدانێ ئاماده‌ بت و یێ ب ڤێ چه‌ندێ رازى نه‌بت دڤێت كێماسى و كۆێله‌یى و نزمیێ ل سه‌ر خوه‌ قه‌بوول بكت.
ژ شه‌ڤێدى وه‌ره‌ ئه‌ز په‌یڤێن ڤێ شێره‌ژنێ ژ سه‌رئه‌زمانێ سه‌رۆكى بۆ گه‌له‌ك جاران ل بیرا خوه‌ دهینم و دوباره‌دكم و دبێژم هێشتا زویه‌ ئه‌م بێژن: به‌سه‌ و ئه‌ز دوباره‌ دكمه‌ ڤه‌ كو هێشتا رێبازا چاره‌نڤیسا ڤى ملله‌تى پێدڤى خوینرێتن و قوربانیدانێ یه‌، سه‌ره‌رایى بانكخوازیێن دانوستاندنێن ئاشتى و ئارامیێ، هه‌لبه‌ت ئه‌ز ب خوه‌ كێم جاران دگریم لێ؛ په‌یڤ و ئاخڤتنێن ڤێ دایكێ ئه‌ز گریاندم.
ئاخڤتنێن كورێ وى پشتى سه‌ره‌دانا كاك مه‌سرۆر بارزانى سه‌رۆكوه‌زیرێن هه‌رێمێ ئه‌ز پتر گریاندم، ئه‌ڤجا دا ئه‌م هه‌مى بۆ خوه‌ وانه‌یه‌كا مێرخاسى و حه‌زژێكرنا خاك و وه‌لاتى و بێهنڤره‌ى و قوربانیدان و دلسۆزى و ئه‌ختوباریا وه‌لاتى ژ ڤێ دایكێ وه‌ربگرن، ئه‌و وه‌لاتێ ئه‌م خودانكرین و فێركرین و هه‌مبێزكرین كا چاوا بابوكالێن مه‌ ل ده‌مێ ساخ هه‌مبێزكرین و پشتى مرین د ناخا خوه‌دا هه‌مبێزكرین و ئه‌ڤ ئاخه‌ وه‌لاتێ خوه‌شتڤى و كور و كچ و خویشك و دایك و بابێن مه‌نه‌.
و شاعێرێ ناڤدار ئه‌لمه‌ته‌نه‌بى دبێژت:
شه‌ره‌فا بلند ژ ئیزایێ ناهێت پارازتن
هه‌تا كو خوین ل ئالیێن وێ نه‌بارن

د ئیبراهیم ئه‌حمه‌د سمۆ*
ب راستی نمره‌ فرۆتن د كارێ خواندنا بالا دا كاره‌كێ ئێكجار شاشه‌ و نابیت بمینت دلخۆش بووم كو دوهی وه‌زیرێ خواندنا بالا ب دله‌كێ شكه‌ستى و پڕ حه‌سره‌ت گوت ڤێ (بدعێ) ناهێلن كاره‌ك باشه‌ بهێته‌ لادان. ئه‌ڤه‌ ده‌مه‌كه‌ ل گه‌ل هه‌ڤال و هه‌وه‌دارێن خوێندنا بالا ؛ به‌لكو هه‌ر ل ده‌ستپێكرنا ڤی بابه‌تی كو باگره‌وه‌ندێ وێ دزڤریته‌ڤه‌ بۆ چاره‌سه‌ركرنه‌كا شاش ژبۆ تێپه‌راندنا حه‌ز و ڤیانا هنده‌ك كه‌سێن ده‌ست رۆیشتی یا ژلایێ دارایی ڤه‌ دڤه‌گه‌ریت كۆ زارویێن وان ل خوێندنا پزیشكی به‌رده‌وامیێ بده‌نه‌ خواندنا خوه‌، و ل ده‌ڤ وان كرینا نمره‌یان هیچ كارتێكرنێ ل مه‌زاختیێ وان یێ سالێ ناكه‌ت، به‌رامبه‌ر یێ شیانێن وی نه‌بن ژێ بێ بار دبیت، هۆسا دبیته‌ تێكدانا دادوه‌ریا جڤاكی، ژبۆ دا ئه‌ڤ شاشیه‌ به‌رزه‌ بیت پارالیل شۆركره‌ خواندنێن دیتر چ زانستی بن چ مرۆڤایه‌تی بن هۆسا ژ دیتنا ده‌لیڤێ بۆ (كته‌كا) بۆ دیتن بۆ (كۆمه‌كا) و ترس گه‌هشته‌ وێ چه‌ندێ كو پشتی وه‌زاره‌تا خواندنا بلند ئه‌و ژمارا مه‌ترسیدار یا وه‌رگرتنا خواندنا (پارالیل) كو پتر ژ (9) هزار قوتابیان هاتین وه‌رگرتن ئه‌ڤ ساله‌ كو ئه‌ڤه‌ رێژه‌كا مه‌ترسیداره‌، نه‌خاسمه‌ د ڤی كاودانێ پرانیا مالا ل سه‌ر مووچه‌ی ده‌بارا خوه‌ دكه‌ن ژ لایه‌كی خوێندنا ئێڤاران نه‌مینت ل هنده‌ك زانكۆیان و ل هنده‌ك زانكۆیێن دیتر ب رێژه‌كا به‌رچاڤ و زێده‌تر به‌رده‌وامیێ بده‌نێ، كه‌واته‌ ب دیتنا مه‌ دڤیا بریارێن وه‌زاره‌تێ ئێكلایه‌نه‌ بن، سه‌ره‌رای دڤیا ل دویڤ كاودانێن مه‌ ئێڤاران ده‌رگه‌ه لێ نه‌هێنه‌گرتن، ژ به‌ر چه‌ند ئه‌گه‌را گه‌له‌گا خواندنا خوه‌ ته‌مام نه‌كرینه‌ و بووینه‌ فه‌رمانبه‌ر و حوكمه‌ت مۆله‌تا خواندنێ ناده‌ت بۆ هه‌میان یان ژی مه‌ خه‌لك هه‌یه‌ سپێده‌یا بۆ خوه‌ شۆل دكه‌ت و دڤێت خواندنا خوه‌ ته‌مام كه‌ت ب دانێ ئێڤاریا و شه‌ڤێ، خالا دیتر ئاسانه‌ زانكۆ رێخۆشكه‌ر بیت د هه‌مان ده‌م دا دشێت كۆژمه‌كێ پاره‌ی ده‌ستنیشان بكه‌ت كو ژ قوتابی بهێته‌ وه‌رگرتن ب هه‌می پیڤه‌را ژ ملیۆنه‌كێ زێده‌تر نه‌بیت بۆ یێن مرۆڤایه‌تی و یێن زانستی ژ ملیۆن و نیڤان پتر نه‌بیت، هه‌م پاره‌ بۆ حوكمه‌تێ دزڤریت و هه‌م وه‌لاتی بێبار نابیت ژ خواندنێ و هه‌م مامۆستایێ زانكۆیێ دێ حال خۆشتر لێ هێت ئه‌ڤه‌ هه‌می ژی زانكۆ دشێن هیچ نه‌بیت رێژه‌ نمره‌یا ژی ده‌ست نیشان بكه‌ت، كه‌واته‌ راكرنا پارالێل و هزركرن د ڤه‌كرنا ئێڤاران دا و تێدا ته‌مه‌ن بێ مه‌رج بیت، چنكو سپێده‌یان ب مه‌رجه‌ ئه‌و دروسته‌، لێ ئێڤاران ڤه‌كری بمینیت، ئانكۆ ئێكگرتنا بریارێن وه‌زاره‌تێ گرنگه‌ لادانا سیسته‌مێ پارالێل و گریدیتا ژی نه‌مینت ؛به‌لكۆ نمرا قوتابی به‌س بیت و پیڤه‌ر بیت زێده‌باری لادانا بریارا حه‌ز و ئاره‌زۆیا قوتابی بۆ هژمارتنا بابه‌تی زمانێ كوردی وعه‌ره‌بی كه‌واته‌ ل دویڤ دیتنا مه‌:
1ـ لادانا پارالیل كاره‌كێ گرنگه‌ د شیانێن وه‌زیرێ خواندنا بلندا هه‌ر ده‌ملده‌ست ڤێ بریارێ بكه‌ته‌ (امر الواقع ) چونكو حه‌زه‌ت گشتی یه‌.
2ـ لادانا سیسته‌مێ حیسابكرنا گریدیتا و زڤرین بۆ كۆ نمره‌یێ قوتابی.
3ـ لادانا حه‌زا ئاره‌زومه‌نده‌یا قوتابی بۆ هژمارتنا زمانێ كوردی و عه‌ره‌بی.
4ـ زڤراندنا ده‌واما ئێڤاریان ب مه‌رجێن تازه‌ و ب وه‌رگرتنا كۆژمه‌یه‌كێ گۆنجای ژ قوتابیان ب ره‌چاوكرنا نمره‌یێن وه‌رگرتنێ.
5ـ خۆشكرن و دابینكرنا ژیانا پشكێن ناڤخوه‌ی یێن قوتابیان.
6ـ جوداكرنا رێڤه‌به‌ریا وه‌رگرتنا قوتابیان و ده‌ستنیشانكرنا كه‌سه‌كێ خودان ئه‌زمۆن ب پله‌یا رێڤه‌به‌رێ گشتی بیت و خودی وه‌زیر و كیل وه‌زیر سه‌رپه‌رشت بن و مومكنه‌ بۆ دو هه‌یڤێن وه‌رگرتنا قوتابیا په‌نایێ ببنه‌ خودان ئه‌زمۆنێن خانه‌ نشین ب گرێبه‌سته‌ك شایسته‌.
7ـ مانگانه‌ زانكۆ ب سه‌رۆكاتیا هاریكارێن سه‌رۆكێن زانكۆیا بۆ كاروبارێن ئێداری سه‌ره‌دا نا پشكێن ناڤخوه‌یی بكه‌ن و كۆمبوونه‌كا تایبه‌ت بهێته‌كرن د حزۆرا سه‌رۆك زانكۆیا دا بۆ گۆهدانا ئارێشێن قوتابیان چ پشكێن ناڤخوه‌یی یان یانه‌یێن قوتابیا كێمكرنا كرێیانه‌ و كافتێریا ب مه‌رجه‌كێ بهایێ خوارنێ و كرینا هه‌ر تشته‌كی كێم بكه‌ن و هه‌م وه‌كۆ پاقژی و هه‌م وه‌كۆ ساخله‌می ل سه‌ر یانان بهێته‌ سه‌پاندن، ده‌ستخۆش بن هیڤیدارن ئه‌ڤ خاڵێن سه‌ری مه‌گوتین به‌رچاڤ بهێنه‌ وه‌رگرتن و پشكه‌ك بن ژ چاره‌سه‌ریان.
*بسپۆر د وارێ په‌رورده‌ و خۆێندنا باڵا

د. ئیبراهیم ئه‌حمه‌د سمۆ
گه‌له‌ك جاران ئه‌م د ماوه‌یێن نه‌خوه‌ش و قۆناغێن جوداجودا دا ده‌ربازدبن، جاران خوه‌ دبینن ل ناڤ خێر و خوه‌شیێن بێ هافتا و شادى و سه‌ركه‌ڤتنان دا كو ملله‌ت به‌خته‌وه‌ره‌ و كامه‌رانه‌ و ئارامى خوه‌ ب سه‌ر هه‌مى پارچه‌یێن وه‌لاتى دا دگرت و ئه‌م پشتراستن كو كه‌لهه‌كا موكوم یا ل پشت مه‌یه‌ كو هێرش و نه‌خوه‌شى و هه‌ژاری و به‌شاتیێ ژ مه‌ ددت پاش و هه‌مى یێن دیتر ژ مه‌ و هێزا مه‌ دترسن و هزار هزرا بۆ مه‌ دكن ئه‌ڤه‌ هه‌مى پشتى كو ئه‌م پارچه‌یه‌ك و به‌شه‌ك ب سه‌ر رژێمه‌كا دویرى هزرا و باوه‌ریا مه‌ و دویرى بزاڤ و ئۆمێدێن مه‌ بزاڤ بۆ دكرین بوون، مه‌ گه‌له‌ك قوربانى دان و ئه‌م ل وى سه‌رده‌مى ل رێزا مریان بوون و مه‌ ب چاڤێن سه‌رێ خوه‌ دیت چاوا ئه‌وێن به‌رهنگاریا وێ دره‌نده‌یێ كرین هنده‌ك زه‌لام و مێرخاس بوون دنیا و خوه‌شیێن وێ ل پشت خوه‌ هێلان پێخه‌مت چاره‌نڤیسێ مه‌ ده‌ستنیشان بكن و پاشه‌رۆژا مه‌ ب نه‌خشینن و خوه‌شى و شادیا مه‌ رێكبێخن و پلانا ئارمانیجێن مه‌ دانان ژ بۆ ژیانه‌كا گه‌ش بۆ مه‌ ل سه‌ر ڤى ئه‌ردى په‌یدا بكن ئه‌و ئه‌ردێ كو دوژمن ژ به‌رى دۆستان حه‌ز دكن ئه‌و ئه‌ردێ مه‌ هۆسا هه‌یى هه‌بان، هه‌ر تشتێ ئه‌م پێ خوه‌ش و مه‌ هه‌یى ل سه‌ر بنیاتێ مرۆڤایه‌تیا زیندى ئاڤایه‌ یا كو ل سه‌ر ده‌ستێ پێشیێن ئه‌ولى ژ خه‌باتكه‌رێن وه‌لاتى َمن یێن كو ب خوینا خوه‌ یا پاك ئه‌ڤ ئه‌ردێ هه‌نێ یێ پیرۆز ئاڤا داین و دگه‌ل هه‌ر به‌ره‌بابه‌كى نوى ئه‌و پلان و ستراتیجه‌ت یێن كو سه‌رتبلێن وان بۆ نه‌خشاندین و داناین نوى دبن دگه‌ل كلتۆرێ باب و باپیران و سه‌ربلندن و سه‌رفه‌رزان ب ئه‌و ئه‌نجام و ده‌ستكه‌ڤتیێن وان تۆماركرین داكو وێ سه‌ربۆرا سه‌ركه‌ڤتیانه‌ جوانتر لێ بكن و یا وان ب رێڤه‌دبرى به‌ر ب كنارێن ئارامیێ بگه‌هینن.
د وان هه‌مى رۆژان دا مه‌ د سیاسه‌تا وان دا چ ده‌مارگیریا ره‌گه‌زى یان چینى یان تاگیریا عه‌شیرتگه‌ریێ یا ناڤچه‌گه‌ریێ نه‌دیت، به‌لكو به‌روڤاژى ڤێ چه‌ندێ گه‌له‌ك جاران خزمه‌تا خوه‌ پێشكێشى ده‌رڤه‌یى ده‌ڤه‌را خوه‌ دكر و هه‌ول ددان باشتر بكن نه‌ ژبه‌ر ئالیگه‌ریا وان ب ده‌ستڤه‌بهینن، به‌لكو ژبه‌ر چه‌سپاندنا دادپه‌روه‌رى و یه‌كسانیێ كو ئه‌و چه‌نده‌ ژى پرنسیپێن نه‌لڤ و ره‌سه‌نێن وانانه‌ و چ روو بدت نه‌شێن خوه‌ د سه‌ر بهاڤێژن و به‌ره‌ڤانیا به‌رده‌وام ژ هه‌مى پارچه‌یێن خاكا كوردستانیان ل هه‌مى ده‌ڤه‌ران دستووره‌كى موكومه‌ كو هه‌مى ده‌ڤه‌را پێكڤه‌ گرێددت و ئێكپارچه‌ دكت.
ژ خوه‌ ئه‌گه‌ر ئه‌م باسى دانوستاندانا بكن ئه‌م دبینن كو ئه‌و مێرخاسترین كه‌سێن ب دانوستاندنن و ژیرترین خودان دیالۆگ و پرانیا بابه‌تێن دانوستاندن ل سه‌ر كرین وه‌كى ڤیاین ب ده‌ستخوه‌ڤه‌ ئینانه‌ هه‌تا كو كوردستان كرین رووگه‌ها ئالیێن ناكۆكى د ناڤبه‌را وان دا هه‌یین و په‌نایه‌كا ئارام و جوان و ئه‌ڤ چه‌نده‌ ژ ڤالاهیێ په‌یدا نه‌بوویه‌، لێ به‌رهه‌مێ بزاڤ و ماندیبوون و قوربانی و ئه‌و خوینا هاتى رێتن بوو و سیاسه‌تا ل وى ئاستێ بلند ئه‌م گه‌هاندن ڤێ پله‌یێ و خوه‌ د كاودانێن ره‌ش و تارى دا چ ژ ئالیێ ئابۆرى یان مه‌عنه‌وى و وریایى ڤه‌ ئه‌ڤ خه‌باتكه‌ره‌ ب سه‌ربلندى به‌رامبه‌ر هه‌ڤركیا راوه‌ستان و وریا وانا بلند و خوینا وان گه‌رم و هێز و بێ سستى و ب بلندترین ئاست خوه‌راگر بوون و خودان هه‌لویست بوون.
و ئه‌گه‌ر ئه‌م ته‌ماشه‌ بكن ده‌مێ زه‌نگا مه‌ترسیێ خوه‌ نێزیكى ئاخا مه‌ كرى ئێكه‌م كه‌س هه‌ر دیسا ئه‌ڤ مێرخاس بوون چه‌ك هله‌گرتن و به‌رڤانى ژ خاك و شه‌ره‌فا مه‌ كرن و ب هزاران شه‌هید دان و خوینا عه‌گید و مێران جاره‌كا دى ئه‌ڤ خاكه‌ ئاڤدا كو ئێدى كه‌سێ نه‌شیا بوهۆسته‌كى ده‌بازى خاكا مه‌ ببت ئه‌ڤجا پشتى ڤێ هه‌میێ هنده‌ك سه‌رده‌چووى هه‌نه‌ ب روى ره‌قى پرسیار دكر و دبێژن بۆچى پارتى؟
و/ ئه‌ڤرۆ

پ. د ئیبراهیم ئه‌حمه‌د سمۆ

ته‌مامییا كاران بۆ خودای د خزمه‌تكرنا خه‌لكی دا دیاردبیت، و ئارمانج ژ په‌روه‌ردێ قوتابی و جڤاكه‌ هه‌ر ل كیڤه‌ ببن د ناڤ سنۆرێن جوگرافیێن ڕێپێدراو د به‌رهه‌ڤكرن و ئه‌نجامدانا تاقیكرنان، مه‌به‌ستا من تاقیكرنێن ویزارییه‌ یێن پۆلا نه‌هێ بنه‌ره‌تی و دوازدێ ئاماده‌یی، هه‌روه‌سا بكارخستنا هه‌می شیانێن د شیاندا بۆ سه‌ركه‌فتنا چ یا به‌رچاڤ بیت د ئه‌ڤێ ئه‌نجامدانا شه‌ره‌فمه‌ند دا ب واتایا به‌رفره‌هتر بكارخستنا ئه‌ڤی له‌شكرێ ئه‌ده‌بی ژ فه‌رمانبه‌ر و كارمه‌ندا ژ مامۆستا و وانه‌بێژ و ده‌سته‌یێن كارگێری ل رێڤه‌به‌ریێن گشتی ل پارێزگه‌هان یێن كو جهێ ڕێزگرتنێ نه‌، ژ لایێ نڤیسه‌رێ ئه‌ڤێ گۆتارێ هه‌روه‌سا ژلایێ پرانیا سه‌میان و خێزانێن قوتابیان، ئه‌ڤ له‌شكرێ هژماره‌یا ئه‌وی دگه‌هیته‌ هزاره‌هان دهێنه‌ دیتن ل سپێده‌یا زوێ د چالاك و بله‌زن و پتریا جاران ئه‌ڤ چه‌نده‌ رویده‌ت ژبۆ كونترۆلكرنا هۆل و تاقیكرنا د سه‌ر هه‌بوونا هنده‌ك لاوازیان، لێ ئه‌ڤه‌ ژی د سنۆرێ دویڤچۆنێدایه‌، به‌لێ سه‌ركه‌فتنا ئه‌ڤێ پرۆسێسێ بوویه‌ ئه‌گه‌ر پێنگاڤه‌كێ به‌ر ب پێشڤه‌بچین، و ئه‌ڤ له‌شكره‌ نه‌ بتنێ ژ كارمه‌ندێن هه‌وه‌نه‌، به‌لكو ژ هه‌می فه‌رمانگه‌هێن په‌یوه‌ندیداره‌ ژ ستافێ ساخله‌میێ و په‌یوه‌ندیان و پۆلیس و هاتنوچۆنێ. هه‌می جهێ ڕێز و سۆپاسیه‌كا هه‌ری مه‌زنن. هه‌روه‌سا هه‌ڤدیتنا من دگه‌ل ڕاوێژكارێ هه‌وه‌ یێ ڕیزدار( بورهان ئه‌رگۆشی) به‌ری تاقیكرنا ژلایه‌كێڤه‌، و ڕژدییا هه‌وه‌ د كاركرن و ئه‌نجامدانا به‌رده‌وام دا ژلایه‌كێ دیڤه‌، مه‌ ژ ترسا ل سه‌ر ساخی و سه‌لامه‌تییا قوتابیان و هه‌وه‌ ژ ترسا هندێ كو ره‌وش به‌ره‌ڤ خراپتر ڤه‌ بچیت، لێ د سه‌رهندێرا پرۆسێس یا سه‌ركه‌فتی بوو ژ به‌ركو هۆكارێ هوشیاریێ ژلایێ مه‌ڤه‌ و هۆكارێ ئه‌نجامدانان و هوشیاریێ ژلایێ مه‌ڤه‌ هۆكارێ ئه‌نجامدانێ و هوشیاریێ ژلایێ هه‌وه‌ڤه‌ بوو ئه‌گه‌رێ سه‌ركه‌فتنا پرۆسێسێ و ئه‌ڤه‌ جهێ ڕێزگرتنێ یه‌ نه‌ بۆ من و نه‌ بۆ ڕاوێژكارێ هه‌وه‌یێ به‌رێز، و نه‌ بتنێ بۆ جه‌نابێ هه‌وه‌، به‌لكو ئه‌ڤ سه‌ركه‌فتنه‌ بۆ هه‌می لایه‌نێن پشكدار د ئه‌ڤێ پرۆسێسا مه‌زن یا فره‌ لق دهێته‌ هژمارتن و ل ده‌ستپێكێ جه‌نابێ هه‌وه‌. ژبه‌ركو هوین ل بلندترین پۆست ل وه‌زاره‌تێنه‌ و جه‌نابێ هه‌وه‌ هزركه‌ر و پلاندانه‌ر و راوێژكار و فه‌رمانده‌رن. و هووین یێن ل بنیاتێ ئه‌ڤێ وه‌زاره‌تێ و جه‌نابێ هه‌وه‌ كه‌سێ ئێكێ یێ تایبه‌تمه‌نده‌. و بریارا هه‌وه‌ د ئه‌نجامدانا تاقیكرنان دا ل ده‌مێ ده‌ستنیشانكریدا و ئه‌گه‌رێن هه‌وه‌ ل پشت سه‌ركه‌فتنێ بوون، هه‌رچه‌نده‌ من گازییه‌ك به‌لاڤكربوو و پێشنیار پێشكێشی جه‌نابێ هه‌وه‌ كربوون ب پاشئێخستنا تاقیكرن ژ ئه‌گه‌رێ ترسێ بوو ل سه‌ر ساخی و سه‌لامه‌تیا قوتابیان، ب تایبه‌تی هه‌می نیشاده‌ران رامانا وێ چه‌ندێ ددا كو ئه‌ڤ ئاتاڤه‌ یێ كوژه‌كه‌ و دویماهیا ئه‌وی یا به‌رزه‌یه‌ هه‌ر چاوا بیت هووین د دروست بوون و جه‌نابێ هه‌وه‌ سه‌ر هه‌بوونا مه‌ترسیه‌كا مه‌زندا ب رێیا پلاندانان و ڤه‌كۆلین و دویڤچوونێ سه‌ركه‌فتن د ئه‌ڤێ پرۆسێسێدا ئینا ب ئارامیه‌كا تمام د سه‌ر هه‌بوونا هنده‌ك سه‌ر پێچییانرا، ئه‌ڤ چه‌نده‌ ژی نه‌ بتنێ ل ده‌ف مه‌ رویده‌ت به‌لكو ل هه‌می وه‌لاتان رویدده‌ت، به‌لێ ئه‌ڤه‌ نابیته‌ ئه‌گه‌ر كو ب سه‌رپێچیه‌كا مه‌زن نه‌ هژمێرین، ژبه‌ركو ئه‌و كه‌سێ پرسیاران ژ هۆلا تاقیكرنێ بدزیت، ئه‌نجامده‌رێن ئه‌ڤی ڕه‌فتارێ نه‌ ژهه‌ژی بۆ سومعه‌تا مامۆستایان، به‌لێ سه‌ره‌ده‌ریكرنا جه‌نابێ هه‌وه‌ یێ ئه‌رێنی و پالپشتیكرنا هه‌وه‌ یا ڕاسته‌وخوه‌ و دیاربوونا هه‌وه‌ ل سه‌ر شاشه‌یێن میدیایان و پالپشتیكرنا هه‌وه‌ یا مه‌زن بۆ كه‌نالێ په‌روه‌ردێ یێ گشتی و ناڤخۆیی و هه‌می شیانێن ئه‌لكترۆنی جهێ سۆپاسیێ نه‌ كو ب هه‌روه‌ نه‌چۆین، هه‌روه‌سا ده‌ركه‌فتنا هه‌وه‌ د هه‌ر هه‌ڤدیتنه‌كێدا ب دیمه‌نێ گه‌ش یێ گرنژی و پری هێڤی ئومێد و هانده‌ره‌ك مه‌زنبوو بۆ بده‌ستڤه‌ئینانا باوه‌ریێ لده‌ڤ قوتابیان و پتر بهێته‌ هاندان بۆ چوونا هۆلێن تاقیكرنێ بێی ترس و دودلی، ئه‌نجامدانا ئه‌ڤێ سه‌ركه‌فتنێ ڕێ خۆشكه‌ربوون به‌ره‌ڤ باشتر پێنگاڤ بهێنه‌ هاڤێژتن و پتر بهێته‌ هاندان ده‌وام ل 14 هه‌یڤا 9 كو دبیته‌ ئه‌ڤرۆ بهێته‌كرن.
ئه‌ڤ باوه‌رییه‌ ژ شیان و هێزێن هه‌وه‌یه‌ و ستافێ وه‌زاره‌تێ بووینه‌ كو بووینه‌ سه‌ركێش كو د شیان دابیت پشتبه‌ستن لسه‌ر بهێته‌كرن د قۆناغا بهێت دا و شیانا پێدڤی هه‌بیت كو هه‌یبه‌تا مامۆستایی و په‌روه‌ردێ ب شێوه‌یه‌كێ گشتی بزڤریت ڤه‌، ئه‌وژی ب هه‌ڤگرتنێ و د شیاندایه‌ ئه‌و قوتابیێن ڤه‌قه‌تیای ژ كریارا پرۆسێسا خواندنێ بزڤریته‌ڤه‌ و كێماسی تێدا نینه‌ ئه‌ڤ چه‌نده‌ بهێته‌ ئه‌نجامدان ئه‌وژی ب زێدكرنا كۆنگره‌ و كۆڕ و سمیناران كو سه‌ركه‌فتنێ بهینن د زڤراندنا په‌وا چووی ژ قوتابی و مامۆستایان پێكڤه‌، و ئه‌و شكه‌ستنێن روویدای ب تایبه‌تی گیانێ گه‌نجاتیێ لده‌ڤ هه‌وه‌ و هه‌می كارمه‌ندێن په‌روه‌ردێ یێ روهنه‌ ژ كارمه‌ند و فه‌رمانبه‌ر و مامۆستایان و وانه‌بێژان ب تایبه‌تی هه‌وه‌ هێز و پالپشتیا به‌رز هه‌یه‌ ب رێیا حوكمه‌تا مه‌یا گه‌نج ب هه‌می پیڤه‌ران ده‌ستێ هه‌وه‌ زێرین بن و ڕێز بۆ كارمه‌ندێن ڤه‌شارتی یێن چالاك ژ مامۆستایا و وانه‌بێژێن خودان شیان د سه‌ر هه‌بوونا هنده‌ك نه‌رێنیا یێن كو چو جاران ب ئه‌رێنیێن زۆر و جۆره‌وجۆر ناهێنه‌ به‌راوردكرن. ده‌ستێن هه‌وه‌ دزێرین بن و هه‌ول و هۆشیاریا هه‌وه‌ جهێ رێزێنه‌ و پالدانا پرۆسێسا په‌روه‌رده‌ و فێركرنێ به‌ره‌ڤ پێشڤه‌ و به‌رده‌وامیدان ب ده‌وامێ.
هه‌می دامه‌زراوه‌یێن هه‌ڤپشك به‌رده‌وامبن د سه‌رئێخستنا كریارا ئه‌نجامدانا تاقیكرنا تایبه‌تی یێن پۆلا دوازدێ، كو به‌رهه‌ڤكرنا نه‌وه‌یێ نووییه‌ بۆ سه‌ركێشا جڤاكی وڤه‌گوهاستنا وان به‌ر ب زانكۆیێ و خواندنێن جۆراوجۆر، به‌لێ ئه‌ڤه‌ بۆ جڤاكه‌كێ خوانده‌ڤانێ ره‌وشه‌نبیر كو باوه‌ریێ ب ئازادیێ و زانستی و به‌رهه‌مئینانێ و دابینكرنا كادرێن جۆراوجۆر پشتبه‌ستكرن ل سه‌ر خوه‌ هه‌بیت، و جوداجودایا بیروبۆچۆنان و كاربكه‌ت به‌ر ب پاشه‌ڕۆژه‌كا گه‌ش بۆ ئه‌وی ملله‌تێ ئه‌وی ونه‌وه‌یێن دهێن و مرۆڤایه‌تییێ هه‌میێ.

پ.د. ئیبراهیم ئه‌حمه‌د سمۆ
نه‌یا پێدڤیه‌ د ڤێ گوتارێ دا مێژوویا دامه‌زراندنێ نه‌ ب ژماره‌یان و سالان، نه‌ژی ب ڕێزبه‌ندیا مێژوویێ هه‌ر ژ دامه‌زراندنێ و هه‌تا نوكه‌ دوباره‌بكه‌م، یان دوباره‌كرنا ڤه‌گێرانا مێژوویا به‌رخودانێ بۆ ده‌مێ چه‌ندین سالێن بۆری دبیت ئه‌ڤ چه‌ندا من ئاماژه‌ پێدایی ل دویڤ دیتنا من یا ب مفا نه‌بیت د گوتاره‌كا چڕ یا كورت و گرانبها دا و نێرینێن ژێگرتی ژ تۆمار و میراتێ نه‌ته‌وه‌یی یێ نوی یێ ملله‌ته‌كی تمام، كو پارته‌كا نه‌ته‌وه‌یی یا سه‌ركرده‌ و بابێ ڕوحی نوونه‌راه‌تیا وێ دكه‌ت، كو یا ڕه‌وایه‌ ب سه‌ركرده‌ و پێشه‌نگ و باب بهێته‌ وه‌سفكرن، به‌لكو یا ب مفایه‌ بۆ ڤه‌كۆله‌ران گرنگیێ ب كاروبارێن مێژوو و سیاسه‌ت و به‌رخودانا گه‌لان پتری یێن كه‌سێن دی دده‌ن… له‌ورا ئه‌ز نابینم یا فه‌ر بیت ئه‌و چه‌ندا هاتیه‌ نڤیسین و تۆماركرن و شرۆڤه‌كرن ل ڤێرێ بهێته‌ دوباره‌كرن… نه‌ ژبه‌ركو ئه‌ز حه‌ز ژ مێژوویێ و تۆماركرنا هه‌ر تشته‌كی بۆ شرۆڤه‌كرنێ ناكه‌م و داكو وه‌ك میراته‌ك بمینیت بۆ لایه‌نگر و حه‌زژێكه‌ر و جه‌ماوه‌رێ ڤێ پارتێ و گه‌ل و ملله‌تی هه‌میێ و بنیاتگرێن ڤێ پارتێ، نه‌ ژ به‌ركو من نه‌ڤێت ئه‌ز دوباره‌ به‌حسێ تۆمارا به‌رخودانێن ڤی گه‌لی و ملله‌تێ زیندی یێ زۆردارلێكری بكه‌م… یاكو ل دۆر هێمایێ ڤێ پارتێ دزڤڕیت، جه‌نه‌رالێ باب (مه‌لا مسته‌فا بارزانی) كه‌لها نیشتیمانی باب و سه‌ركرده‌كێ ده‌ستپاك و وێره‌ك و داستانێ نوكه‌ ب تایبه‌تی.. نه‌ك دوباره‌ ساخكرنا مێژوویا مه‌زن ژ نوی ب كڕاس و میراته‌كێ ڕه‌سه‌ن د پانۆراما سه‌ركه‌ڤتنان دا بكه‌م.
یا پێدڤیه‌ نینه‌ ئه‌وێ چه‌ندێ دوباره‌بكه‌م، یاكو ل هه‌می سالان دهێته‌ گۆتن و ئه‌وان ده‌ربڕینێن كو ژ تێكستان وه‌رگرتی، یان یێن وه‌كهه‌ڤ د ستایش و ئاشتییێ دا دوباره‌ بكه‌م، نه‌یا پێدڤیه‌ بچمه‌ د ناڤ هووریاتیێن مێژوویا به‌رخودانێ یا درێژ و فره‌لق دا ب هه‌ردو لایه‌نێن وێ ڤه‌ یێ ئه‌رێنی و نه‌رێنی… و بیرئینانا ناڤ و وه‌سفكرن و جهان، تشتان ب ناڤێن وان و ڕاوه‌ستیان ل سه‌ر، ژبه‌ركو ئه‌ڤێ چه‌ندێ پێدڤی ب په‌رتووكه‌كێ یان دبیت پێدڤی ب چه‌ند به‌رگێن په‌رتووكان هه‌بیت، لێ ئه‌ز ب پێدڤی دبینم به‌حس ل وێ چه‌ندێ بكه‌م، كو ئه‌ڤ پارتا خودان مێژوو د به‌رخودان و قوربانیدان و ده‌ستكه‌ڤتان دا و هه‌می ئه‌و چه‌ندا پێشكێشی گه‌ل و ملله‌تێ خوه‌ كری پێدڤی ب ڕاوه‌ستیانه‌كا گه‌له‌ك وێره‌كه‌، نه‌ ب تنێ بۆ ڕاگه‌هاندنا مرۆڤان، به‌لكو د په‌یداكرنا ده‌لیڤی دا بۆ بۆچوونێن به‌روڤاژی و ڤه‌كرنا ده‌رگه‌هێن ڕه‌خنه‌یا خودی یا ئازاد و ئاڤاكه‌ر نه‌ك ژبۆ شكاندنا پارتێ و هێمایێن ئه‌وێ، یان كێمكرن و كێم نرخاندنا قوربانیدان و ده‌ستكه‌ڤتێن ئه‌وێ و ئه‌و كارێن ئه‌نجامداین و بنیاتنان بۆ گه‌لێ خوه‌، كو د شیان دا نینه‌ كه‌س ڕه‌تكرنا ڤێ چه‌ندێ بكه‌ت یان بڤه‌شێریت.. به‌لكو ژبۆ بهێزكرنا په‌یوه‌ندیێن دیرۆكێ ل گه‌ل تاگیریێ.. ئه‌ز ل ئه‌ڤێرێ د نێڕینه‌كا گشتگیردا، كو د شیاندایه‌ ب ڕێیا خالێن پۆخته‌ی د ئارمانج و مه‌به‌ستێن ڤێ گۆتارێ دا بده‌ستڤه‌بهێن.. واته‌ شیانا كاریگه‌رییا خودێ ڕاستگۆ یێ پێنڤیسێن مه‌ ل دویڤ به‌رژه‌وه‌ندییا گشتی، ئه‌م ل ئه‌ڤێرێ به‌رانبه‌ر پێنڤیسه‌كێ وێره‌كین نه‌ك پێنڤیسێ من، به‌لكو به‌رانبه‌ر هزره‌كا وێره‌كین بۆ سه‌ركردایه‌تیكرنه‌كا باش یا نیازێن ئه‌وێ د پاقژ و ڕاستگۆ دئاخڤتن و كارێ خوه‌دا، كو نه‌ڤیایه‌ ژ ئاراستێ كه‌تواری و عه‌قلی و لۆژیكی ده‌ربكه‌ڤیت.. و ئه‌ڤه‌ژی خالا باوه‌ریێ یه‌ بۆ ئه‌ڤێ پارتا خه‌باتكه‌ر دهێته‌ هژمارتن یاكو ژ كاكلكا ده‌رده‌سه‌ریێن ملله‌تی و پێدڤی و هیڤیێن گه‌لێ ئه‌وی یێ ئاشتیخواز و ئاشقێ دادپه‌روه‌ری و ئارامی و ئازادیێ ده‌ركه‌ڤتی.. ئه‌م بێی ترس و دودلی دنڤیسین و بێی دودلی هه‌ستپێدكه‌ین، كو ئه‌ڤ ڕێبازه‌ ل سه‌ر كلۆخكێن شه‌هیدان هاتیه‌ ئاڤاكرن و ب خوینا ئه‌وان و خوها شه‌ره‌فمه‌ند و باوه‌ردارێن دادپه‌روه‌ریا كێشه‌یا خوه‌ هاتیه‌ ئاڤدان د سه‌ر زه‌حمه‌تی و ئاسته‌نگان را یێن دكه‌ڤنه‌ ل به‌رانبه‌ر ب ده‌ستڤه‌هینانا ئه‌وێ… ….(قَاڵ اڵژِینَ ێڤُنُّونَ أَنَّهُم مُّلاقُوا اللَّهِ كَم مِّن فِئَه‌ٍ قَلِیڵه‌ٍ غَڵبَتْ فِئَه‌ً كَپِیرَه‌ً بِإژْنِ اللَّهِ واللَّهُ مَعَ الصَّابِڕینَ) [ البقره‌ 249] … ئانكو نه‌یا پێدڤیه‌ ئه‌م خوه‌ ژ ڤێككه‌ڤتنێ ل گه‌ل دوژمنێ زۆردارێ تاوانبار و ڕژێمێن ده‌ستهه‌لاتدار یێن د دویڤ ئێكدا هاتین و ب زۆرداریێ ڕازی ببین، مه‌ ئه‌ڤ هه‌می مێژوویا هه‌یه‌ یا پڕی مێرانی و هێژایی و سه‌ركه‌ڤتن، كو خوه‌چه‌ماندن ل ده‌ڤ مه‌ نه‌بیت، خوه‌ ئه‌گه‌ر ب چ بها بیت.. د سه‌ر هنده‌ك شكه‌ستنان ڕا ل هنده‌ك ده‌مان ژبه‌ر چه‌ند ئه‌گه‌رێن دیار.. ئه‌ڤه‌ژی نه‌ریته‌كێ سروشتییه‌ ل ده‌ف گه‌لێن ئازادیخواز یێن ژ ئازادیێ خه‌ریب و ئاشقێن سه‌ربه‌خۆیێ… ئه‌ڤ چه‌نده‌ژی یا پێشبینیكریه‌، به‌لێ د شیاندایه‌ ئه‌م لێ بزڤڕین و ل گه‌ل ئه‌ڤێ مێژوویێ یاكو گه‌له‌ك پێڤه‌دان تێدا هه‌بووینه‌ ژ ئه‌وان پێڤه‌دانێن مارێن بچویوك یێن دلێن وان ڕه‌ش و دویپشكێن ژه‌هردار، هه‌روه‌سا هنده‌ك مار هه‌نه‌ پێڤه‌دانێن ئه‌وان چ بها بۆ ناهێته‌كرن و چاره‌نڤیسێ وان ژناڤچوونه‌.. گه‌له‌ك جاران هنده‌ك كه‌سان هه‌ولدایه‌، كو ئه‌و بخوه‌ مارێن بچویكن یارییان ب ئاگری بكه‌ن ب كوشتنا شه‌رمێ ل ده‌ڤ ئه‌ڤێ پارتێ، به‌لێ د بێ مفانه‌ و گه‌له‌ك هه‌ولداینه‌ ب فێلبازییان ل گه‌ل ئه‌ڤێ پارتێ، به‌لێ هه‌ر د بێ مفا بووینه‌، ژبه‌ركو بنه‌مایێ ساخله‌مه‌ كه‌سه‌ك بهێت كه‌سه‌ك بچیت چ كاریگه‌ری، نینه‌ ژبلی خساره‌تیێ بۆ ئه‌وێن دچن و خودان دلێن ڕه‌ش و دوڕوی و دره‌وین و خودان به‌رژه‌وه‌ندییان… و به‌روڤاژی ئه‌وی یێ دن، یێ ئه‌رێنی و ڕاستگۆ و پاقژ و وه‌فادار بۆ گه‌ل و ملله‌تێ خوه‌ یێ به‌رده‌وام د به‌رخودانێ دا ئه‌وه‌ یێ ئالایێ پارتێ و ملله‌تی ل سه‌ر گۆپیتكێن چیایان و ل سه‌ر بانێ ئاڤاهیان بلندكری.. گه‌لێ سه‌ربه‌رز ل ئه‌ڤێرێ من حه‌ز ژ كریارا كارلێكێ یا مه‌زن و كویر و ڕاستگۆ یا لێكگوهۆرینێ كر د ناڤبه‌را ژیرمه‌ندی و وێره‌كیا سه‌ركردایه‌تیێ و خه‌لكێ لایه‌نگرێ بنیاتێ جه‌ماوه‌ری یێ وه‌فادار و تێگه‌هشتی بۆ ئه‌ڤان سیاسه‌تان یێ كو د سه‌رڤه‌ و گه‌وهه‌رێ خوه‌دا ب هه‌می هه‌ولێن خوه‌ ڤه‌، هه‌ولا بده‌ستڤه‌هینانا ئێك ئارمانج دده‌ت، ئه‌وژی وه‌لات و سه‌ربه‌خوه‌بوونه‌، ئه‌ڤ ده‌ستپێشخه‌ری و خوه‌به‌خشی یه‌ ژ لایێ مرۆڤانڤه‌ د پێگیربوونێ دا پتر من كه‌یفخۆش دكه‌ت… ده‌ستپێكێ ژ من به‌رێ، كو پێگری ل سه‌ر لاپه‌رێن ڕێكخستنێ هه‌بیت و ئه‌ز نموونه‌یه‌كم ژ ئه‌ڤی جه‌ماوه‌رێ مه‌زن یێ كو هه‌می چاكی و باشی ل ده‌ڤ هه‌یی، كو پێگیری ل سه‌ر حه‌زژێكرنا هێمایێ نه‌مر بابێ نه‌مر ئاڤا دبیت د دل و وژدانێ خه‌لك و گه‌ل و ملله‌تێ ئه‌وی دا هه‌تا هه‌تایێ بۆ مه‌لا مسته‌فا بارزانی و كوڕێ ئه‌وی پشتی ئه‌وی، كو سه‌ركرده‌كێ وێره‌ك و ده‌ستپاك و ژیرمه‌نده‌ بۆ ئه‌وان ب ئاڤا زێڕی بۆ ئه‌وان و پارتا ئه‌وان و ملله‌تێ ئه‌وان هاتیه‌ نڤیسین و خه‌لك و هه‌ڤالان كه‌یفخۆش دكه‌ت و دوژمنان ب خه‌م دئێخیت و دلته‌نگ دكه‌ت.. ل ده‌ڤ من ئه‌ڤه‌ نه‌ كێماسی یه‌، به‌لكو سیمایه‌كێ ئه‌ڤێ پارتێ یه‌، یاكو ب مه‌شقدانێ ڕادبیت و به‌رهه‌ڤكرنا كه‌سێ ڕێبازا ئه‌وێ بڕێڤه‌دبه‌ت و سه‌ركردایه‌تیا ئه‌ڤێ پارتا جه‌ماوه‌ری و كارگێریا كاروبارێن ئه‌ڤی ملله‌تێ چاك و زۆردارلێكری ڕاده‌ستی ئه‌وی دكه‌ت به‌رانبه‌ر دوژمن و هه‌ڤسوى و ده‌وروبه‌رێ ئه‌وێ… ژبه‌ركو هه‌ر پارته‌كا بێی سه‌ركردایه‌تیا ئێكگرتی و سه‌ركرده‌یه‌كێ ب هێز، كو ل گه‌ل هه‌می شۆره‌شان ژیایی، كو چاره‌نڤیسێ ئه‌وێ شكه‌ستن بوو و پشكداری تێدا كری یان د هه‌میان دا، ب خوه‌ پشكدار بووی پشتراستم، كو ئه‌گه‌ر ئه‌ڤ هێمایێ مێژووی نه‌با و پشتی هینگێ ئه‌ڤێن د دویڤدا نه‌بان ئه‌ڤ پشكداریا مه‌زن د پارتێ دا نه‌دبوو و ڕوودان ل ڕۆژهه‌لاتێ و ل كوردستانێ ب درێژاهییا مێژوویێ ئه‌ڤێ چه‌ندێ دسه‌لمینن، ل ده‌مێ مێژوویا پارتان دخوینین ب كه‌س و سه‌ركرده‌یان ئه‌ڤ چه‌نده‌ژی نه‌ كێماسییه‌…
ژبه‌ركو د شیاندایه‌ سه‌ركرده‌ هه‌ر تشته‌كی د مێژوویێ دا بكه‌ت یا بوۆری و یا دهێت ژی و مێژوو ژی ب تنێ به‌حسێ مێژوویێن سه‌ركردێن مرۆڤان دكه‌ت و ئه‌و كه‌سێن مرۆڤ دكه‌نه‌ هێما هنده‌ك ژ ئه‌وان دچنه‌ د مێژوویێدا وه‌ك هێمایه‌كێ نه‌مر د چاڤ و وژدان و هزرا گه‌لێ خودا .. و حه‌ژێكرنا ئه‌وی د دلێن گه‌ل و ملله‌تێ ئه‌وی و ئازادیخوازان دمینیت چ ئه‌و كه‌سێن د گه‌لدا ژیاین یان یێن گوهلێبووی و ڕێبازا ئه‌وان خواندی و ئه‌و چه‌ندا بۆ گه‌لێ خوه‌ ئه‌نجامدای.. هنده‌كێن دی دچنه‌ د مێژوویێدا ب مه‌زنترین ده‌رگه‌هێن ئه‌وێڤه‌ و نه‌مریێ بده‌ستڤه‌دهینن وه‌كو هێمایێ گه‌لێ كور خودێ ژێ ڕازی (مه‌لا مسته‌فا بارزانی) وه‌ك باب و سه‌ركرده‌ و سه‌ركێشه‌كێ نه‌مر د دلاندا یێ كو گه‌لێ خوه‌ و زه‌حمه‌ت هه‌لبژارتین ل شوینا ڕێكه‌ڤتن ل گه‌ل دوژمنی یان فروتنا گه‌لێ خوه‌ – حاشای ئه‌وی – و هه‌می گوهۆڕینێن ژینگه‌هی و هه‌می هۆكارێن كه‌ش و هه‌وای، ژ كه‌ش و هه‌وایێ سیاسی و هه‌تا یێ ئاسایی ژ ژیانێ كاریگه‌ری ل سه‌ر عه‌قلییه‌تا كوردی نه‌كریه‌ ژ حه‌ژێكرن و ئه‌شقا ئه‌ڤی هێمایی و دامه‌زرێنه‌رێ ئه‌ڤێ پارتا خودان مێژوو پاشگه‌ز ببن، كو دانه‌رێ ئه‌ڤێ مێژوویا شه‌ره‌فمه‌ند ب تیشكا ڕۆژێ یا گه‌رم بۆ گه‌لێ خوه‌ یێ زوردارلێكری ب بۆرینا سه‌رده‌مان …
له‌ورا پشتی كارلێكرنا لایه‌نگه‌رییا تاكه‌كه‌سان دیاربووی و شیانێن خودی ل ده‌ڤ كه‌سێن دی زێده‌بووین و مه‌سه‌لا دابینكرنا سه‌ركردێن خودان شیان و وه‌فادار و پێگه‌هشتی و مه‌شقدای و سه‌ركردایه‌تییا گه‌نج دیاربووی ل ده‌مێ نوكه‌، ئه‌وژی باشترین نموونه‌یه‌ و باشترین جهگره‌ ل شوینا باشترین كه‌س، ئه‌ڤه‌ژی بۆ په‌روه‌رده‌یا ساخله‌م دزڤڕیت، كو پالده‌ره‌كێ مه‌زنتر دده‌ت بۆ ئه‌نجامدانا حه‌زێن خوه‌ د ئه‌ڤی ئاراسته‌یدا، كو هه‌میان دڤیا ده‌ربڕینێ ل سه‌ر جهێ به‌رز یێ ئه‌ڤێ سه‌ركردایه‌تییا نیشتیمانی بكه‌ن یا ڕه‌سه‌نایه‌تیا ئه‌وێ ب ملله‌تیڤه‌ ب گه‌ل و ولاتیڤه‌ گرێدای و ئه‌ڤێ پارتێ و به‌رخودانا ده‌ربازبوونێ ژ ئارازی .. و ل ئه‌ڤێرێ پێڤه‌دانێن بچویك كاریگه‌ریێ ل كریارا پێشڤه‌چوونێ ناكه‌ن (به‌لێ دبیت گیرۆ بكه‌ن) و دبیت په‌یوه‌ندیا ساخله‌م د ئه‌نجامدانێ دا گیرۆ بكه‌ن، هه‌روه‌سا ب شێوه‌یه‌كێ گه‌وهه‌ری كاریگه‌ریێ ل ب ڕێڤه‌چوونا كریارا سیاسی ناكه‌ن (ب تنێ ئه‌و نه‌بیت یاكو گوتگوتكێن كرێگرتی یێن ده‌ستێن ده‌ره‌كی ل پشت هه‌ین) ب هه‌بوونا هۆكارێ سێیێ و گرنگ د به‌رزكرنا هاوكێشا نیشتیمانی و پارتایه‌تی پێكڤه‌ ئه‌وژی گه‌له‌ (جڤاكه‌) ل ده‌مێ گه‌لی باوه‌ری ب پارته‌كا دیاركری هه‌بیت و باوه‌ریا خوه‌ بده‌تێ یاكو ئه‌و باوه‌ری دایێ وه‌ك سه‌ركرده‌یه‌ك بۆ ئه‌ردێ ئه‌وی و قوربانیدان ب خوه‌ و مالێ خوه‌ و هه‌ر تشته‌كێ ب بها.. له‌ورا پێدڤی ب ترسێ ناكه‌ت ژ هنده‌ك كه‌سێن نه‌فس نزم و لێبۆكان، كو هاریكارێن خرابكاریێنه‌ ب ده‌ستێن دوژمن و نه‌حه‌زان و هه‌ڤركان … ئه‌ز مزگینیێ دده‌مه‌ هه‌وه‌، كو ئه‌ڤ كه‌سێن هۆسا ب شێوه‌یه‌كێ ڕه‌ش به‌ره‌ب نه‌مانێ ڤه‌ دچن… نه‌مری بۆ گه‌لانه‌ و ب ده‌ستڤه‌ئینانا هه‌ڤكێشه‌یێ ژ ئاسایی بۆ هه‌ڤكێشه‌یا سیاسی گه‌له‌ك یا ب ساناهیه‌ ئه‌وژی ب ده‌ستڤه‌هینانا ملله‌تی یه‌ و په‌یداكرنا خه‌له‌كا گه‌هاندنێ یا به‌رده‌وام ـ و خالا گه‌هشتنێ ئه‌گه‌ر پێدڤی بوو ـ د ناڤبه‌را گه‌لی و سه‌ركردێ ئه‌وێ ئه‌و كه‌سێ چاك و وه‌فادار و وێره‌ك و قوربانیده‌ر بۆ گه‌لێ خوه‌ یێ، كو كریه‌ گه‌له‌كێ سه‌ربه‌خۆ و باشترین گه‌ل یێ، كو خۆشگوزه‌رانیێ ب خێر و خێراتێن خوه‌ و ئارامی و ئازادی و ئاشتیێ دبه‌ن… ئه‌ڤه‌یه‌ یا پارتی دیمۆكراتی په‌یداكری و پشتبه‌ستن ل سه‌ر لایه‌نگه‌ریا ملله‌تی كری، ژبه‌ركو پارتا ملله‌تى یه‌ ب هه‌می چینێن ویڤه‌.. و د شیاندایه‌ پشتی هینگێ ڕویێن سیاسی ب دێمێن پتر خودان شیان و باشتر و پتر ڕۆهن و خودان خزمه‌ت و قوربانیدان بۆ گه‌لێ خوه‌ بهێنه‌ گوهۆڕین د هه‌ر ڕاوه‌ستیانه‌كێ و هه‌ر قۆناغه‌كێدا.. یا گرنگ ل ئه‌ڤێرێ بیره‌وه‌ریا پارتی دیمۆكراتی كوردستان و ئێكگرتنا تمامه‌، یاكو ژ پشكان جودا نه‌بیت د ب ڕێڤه‌برنا ده‌وله‌تێ و پارتێ دا، ئه‌وژی ئه‌ڤ ئێكبوونا تمامه‌ و ئه‌ڤه‌ بخوه‌ هێمایێ هێزێ و دانوستاندنێ ل گه‌ل هه‌می لایه‌نێن ده‌رڤه‌ و ناڤخۆیی دكه‌ت و ل ئه‌ڤێرێ زمانێ دانوستاندنا ڕۆژانه‌ دیاردبیت و ژ ئه‌وان پره‌نسیپان ده‌ستپێدكه‌ت ئه‌وژی دڕۆهنن. ژ ئێكه‌م ڕۆژا دامه‌زراندنا وه‌لاتی و سه‌ربه‌خۆبوونێ ل دویڤ ڕێیارا ڕازیكرن و وه‌رگرتنا ڕاستیێ و هه‌ر ئێك ل دویڤ بارودۆخ و كه‌توارێ سیاسی د درووشمێ مه‌ مایتێكرن د كاروبارێن كه‌سێن دیدا نینه‌، ئه‌گه‌ر زیانێ ب گه‌لێ مه‌ نه‌گه‌هینن ب بره‌یا پاراستن ل سه‌ر به‌رژه‌وه‌ندیێن سیاسی یێن مه‌، به‌لكو مه‌ هه‌می مایتێكرن هه‌یه‌ ب مانا ئه‌ڤێ پارتێ ب ئه‌ڤێ كۆما ڕه‌سه‌ن یا ژیرمه‌ندا وێره‌ك یا خودان مه‌شقدان و به‌رهه‌ڤكرنا هه‌ره‌ به‌رز.. و ڕاوه‌ستیان به‌رانبه‌ر دوژمنان ل دویڤ ته‌ڤنێ مێژوویی و ئه‌وێن د ناڤ سنوۆرێ په‌یوه‌ندیاندا، نه‌ په‌یوه‌ندیێن سه‌رڤه‌ به‌لكو یێن ڕوهن د نه‌خشه‌ ڕێكێدا، هه‌ر ژ دامه‌زراندنێ و هه‌تا نوكه‌ ژ ئه‌وان شێواز و سیسته‌مێ حوكمێ ئه‌وان ل ناڤچێ هاتییه‌ گوهۆڕین و به‌رژوه‌ندیێن ده‌وله‌تان و ژ ئه‌ڤێ چه‌ندێ هزر ده‌ستپێكر ب پێدڤیا دامه‌زراندن و به‌رخودانێ ب ڕه‌وشه‌نبیركرنا جه‌ماوه‌ری و به‌رهه‌ڤكرنا ئه‌وان ژ لایێ هزری و ده‌روونی و مه‌شقدانا ئه‌وان ژ لایێ له‌شكه‌ریڤه‌، ئه‌گه‌ر پێدڤی بوو… ب بۆرینا ئه‌ڤان هه‌می سالان، كو ژ كه‌ره‌ما خودێ پاشی ب وه‌فاداریا جه‌ماوه‌ری و ملله‌تی ب ده‌ستڤه‌هینانا ده‌ستكه‌ڤتێن ئه‌رێنی ل سه‌ر ئه‌ردی و د ڕاستیێدا ب ماوه‌یه‌كێ پیڤه‌ری یێ مێژوویی، پێدڤیه‌ پاراستنا ئه‌وان بهێته‌كرن و كارێ ڕژد و وه‌فادار بهێته‌ كرن ل سه‌ر زێده‌كرنا ئه‌وان.. پیرۆزه‌ بۆ ڤێ پارتا نیشتیمانی یا وه‌فادار و قوربانیده‌ر سه‌ركرده‌ و جه‌ماوه‌رێ وان ئه‌ڤ بیره‌وه‌ریا دامه‌زراندنێ و به‌ره‌ڤ پێشڤه‌ و به‌رده‌وام ب پلاندانانا عه‌قلانی و دیبلۆماسییا بلند و ب هێز، به‌ر ب ئاڤاكرنا مرۆڤی، داكو ئاڤه‌دانكرنێ بكه‌ت.

پ.د ئیبراهیم ئه‌حمه‌د سمۆ
ئاخفتن ل دۆر میدیایێ ب گشتی و رۆلێ وێ یێ كاریگه‌ر د لێگه‌ران و چاڤدێری و ڤه‌دیتنا هه‌ر تشته‌كێ د جیهانا مه‌ دا ب هه‌می ئالاڤێن خوه‌ ڤه‌ جیهانه‌كا دی یا جودایه‌، كو راستیێ دكه‌ته‌ دره‌و یان راستیێ دكه‌ته‌ خه‌یال، ئه‌وه‌ یا ب زمانێ میدیاكاران دبێژنێ (لێنانگه‌ها دره‌وان). گه‌له‌ك سه‌ته‌لایتێن كوردی یێن هه‌ین و هنده‌كان ژ وان رۆله‌كێ نه‌رێنی و هنده‌كا ژی یێ ئه‌رێنی هه‌یه‌، لێ سه‌ته‌لایتا كوردستان تێ نه‌بیت، كو ئه‌و د ڤه‌گوهاستنا روودان دا راستیێ به‌رجه‌سته‌ دكه‌ت. به‌لكی هه‌تا به‌ری روودانان ژی راكریه‌ ب رێیا وێ دونیابینییا وێ هه‌ی د جیهانا رمیدیایێ دا. هه‌روه‌سا یا كو نه‌هێته‌ مانده‌لكرن ئه‌و رۆلێ وێ یێ شه‌رفمه‌ندانه‌یه‌ و ئه‌و پڕ شیانێن وان كه‌سانه‌ یێن كار ل گه‌ل دكه‌ن و برێڤه‌دبه‌ن، كو هه‌می گه‌له‌ك ب ڤیان ب داهێنانه‌ كار دكه‌ن و ب ئه‌مانه‌ت روودانان ڤه‌دگوهێزن.
ئێك ژ ئه‌گه‌رێن پویته‌پێدانا مه‌ كو به‌ردوام ته‌ماشایی ڤی كه‌نالی بكه‌ین ئه‌وه‌ كو وی كارتێكرنه‌كا مه‌زن ل سه‌ر وه‌رگری و جه‌ماوه‌ری ب ره‌نگه‌كێ گشتی هه‌یه‌. سه‌ره‌رای جوداهیا وێ یا هزری نه‌خاسمه‌ یا نیشتیمانی، ئه‌و به‌رده‌وام و ب ره‌نگه‌كێ كاریگه‌ر و خۆش و ب رێیا به‌رنامه‌یێن خوه‌ یێن ره‌نگاوره‌نگ كار دكه‌ت كو وێ ئارمانجا ژ بۆ هاتیه‌ دامه‌زراندن بهنگڤیت، كو ئه‌ڤێ ژی وه‌كریه‌ خودان خولكه‌كێ تایبه‌ت بیت و ببیته‌ هاریكار ئه‌ڤ كه‌ناله‌ یێ سه‌ركه‌فتی بیت.
ل وه‌ ناڤه‌شێرم، ل ده‌ستپێكێ ترسه‌ك ل ده‌ڤ من هه‌بوو كو كورد د ڤی بیاڤی دا سه‌ركه‌فتنێ نه‌ئینن، لێ ب بۆرینا ده‌می و پشتی من ئه‌ڤ گومانه‌ ب باوه‌ریێ نه‌هێلایی، ئه‌ز بۆمه‌ ئێك ژ وان كه‌سێن گه‌له‌ك خۆشی ژ پرانیا به‌رنامه‌یێن وێ دیتی، و رۆژگارێ بۆ من وه‌سا دیار كر كو گریمانه‌یا من یا ده‌ستپێكی یا شاش بوو. ئه‌ڤ سه‌ته‌لایته‌ بێی هێرڤه‌ وێڤه‌ و بێ منه‌ت یا سه‌ركه‌فتی بوو د بیاڤێ كاریگه‌ریا خوه‌ یا ئێكسه‌ر دا ل سه‌ر دورستكرنا به‌ره‌بابان ل سه‌ر ڤیانا وه‌لاتی و ژێیاتییا وه‌لاتی. گرۆڤ ژی ل سه‌ر ڤێ ژێیاتیبوونێ و ڤێ كاریگه‌ریێ گه‌له‌ك د دیار بوون ده‌مێ رۆلێ خوه‌ د هه‌وا ریفراندۆما دیرۆكی دا و ده‌وله‌تا چاڤه‌رێكری دا ل ٢٠١٧. ل وێرێ ره‌نگڤه‌دانا كارێ راگه‌هاندنێ دیار بوو ده‌مێ گه‌هشتیه‌ بلندترین پله‌یێن سه‌ركه‌فتنێ. ئه‌م چ ئاخفتنێێن ژ قه‌بارێ وێ مه‌زنتر نابێژین هه‌كه‌ بێژین: راگه‌هاندنه‌كا راستگۆ بده‌نه‌ مه‌، دێ ئالا و ده‌وله‌تێ ده‌ینه‌ وه‌. وه‌لات یێ هه‌یی و ئالا ژی ب باوه‌ریێ و میدیایێ دێ بلند هژیێت.
و ژبه‌ركو سه‌ته‌لایتا كوردستان بنگه‌هه‌كێ سه‌ره‌كییه‌ بۆ راستگۆییا راگه‌هاندنا كوردستانێ، نه‌خاسمه‌ په‌یوه‌ندیا وه‌لاتی ب جڤاكی ڤه‌، ئێدی بوویه‌ منبه‌ره‌ك ژی بۆ ئه‌ده‌ب و ره‌وشه‌نبیرییێ و پرانیا هونه‌ران ژی و گونجادنه‌ك و پێڤه‌نسیانه‌كا نیشتیمانی بنه‌جهكر و په‌یره‌وك دانا وێرێ كو د شیان دایه‌ بهێته‌ خواندن، هه‌كه‌ر ئاخفتنا من نه‌هێته‌ هژمارتن زێده‌روویی.
و ژبه‌ركو ئه‌م ئه‌ڤرۆ ژ هه‌ر رۆژه‌كا دی پتر پێدڤی ب چاڤدانا ڤێ سه‌ته‌لایتێنه‌، كو ب راستی بوویه‌ جه‌ڤه‌نگێ نه‌ته‌وه‌ و نیشتیمانی، ئه‌ز بێ دودلی یان ترس ژ ڤی یان وێ هه‌نێ دبێژم كو سه‌ته‌لایتا كوردستان پالپشتێ باوه‌رپێكریێ ئێكێیه‌ بۆ ڤه‌گوهاستنا ده‌نگوباسان و ئه‌ڤ سه‌ته‌لایته‌ بوویه‌ پالپشته‌كێ سه‌ره‌كی بۆ ئاڤاكرنه‌كا به‌رفره‌هتر ژ هه‌ر سه‌ته‌لایته‌كا دی و ل سه‌ر گه‌له‌ك ئاستان. و ژبه‌ر گرنگییا ڤێ سه‌ته‌لایتێ، مه‌ ژ دل ڤیا سه‌ره‌دانا وێ بكه‌ین ل سالڤه‌گه‌را وێ یا 22ێ، و پیرۆزباهیا كادرێن وێ بكه‌ین. د دووڤ دا، من ئه‌ڤ پۆسته‌ نڤیسی وه‌كو ڤیان و رێزگرتن بۆ خزمه‌تێن وێ یێن مه‌زن د هشیاركرنا گه‌له‌كی ب هه‌می ڤه‌. ل هه‌میان پیرۆز بیت و ئه‌ڤ كه‌دا ب رۆمه‌تا كاركه‌رێن وێ بۆ به‌لاڤكرنا راستیێ د ڤێ سه‌ته‌لایتێ دا پیرۆز بیت، كو به‌رنامه‌یێن وێ ل گه‌ل كه‌توارێ مه‌ یێ جڤاكی و سیاسی و ژینگه‌ها مه‌ یا خۆمالی یا كوردی دگونجیت. دوباره‌ ل مه‌ هه‌میان پیرۆز بیت.