Rojnameya Evro » كاوين جيهـاد https://rojnameyaevro.com/ku Sun, 07 Jun 2026 23:27:42 +0000 ar hourly 1 https://wordpress.org/?v=4.0.38 زاخۆیا دەلال؛ دەرگۆشا ڕەسەناتیێ و رەوشا جلکێن کوردی https://rojnameyaevro.com/ku/%d8%b2%d8%a7%d8%ae%db%86%db%8c%d8%a7-%d8%af%db%95%d9%84%d8%a7%d9%84%d8%9b-%d8%af%db%95%d8%b1%da%af%db%86%d8%b4%d8%a7-%da%95%db%95%d8%b3%db%95%d9%86%d8%a7%d8%aa%db%8c%db%8e-%d9%88-%d8%b1%db%95%d9%88/263860/ https://rojnameyaevro.com/ku/%d8%b2%d8%a7%d8%ae%db%86%db%8c%d8%a7-%d8%af%db%95%d9%84%d8%a7%d9%84%d8%9b-%d8%af%db%95%d8%b1%da%af%db%86%d8%b4%d8%a7-%da%95%db%95%d8%b3%db%95%d9%86%d8%a7%d8%aa%db%8c%db%8e-%d9%88-%d8%b1%db%95%d9%88/263860/#comments Sun, 07 Jun 2026 23:09:36 +0000 https://rojnameyaevro.com/ku/?p=263860 کاوین جیهاد تەحلاڤی

د دەمەکی دا کو جیهان بەر ب ئێکدووچوون و بەرزەبوونا تایبەتمەندیێن کلتۆری دچیت، باژارێ زاخۆ یێ دێرین جارەکا دی دبیته‌ پایتەختێ پاراستنا ناسنامە و کلتۆرێ کوردی. ب ڕەنگینی و دەلالیا خوە، زاخۆ خۆ بۆ سازکرنا «چارەمین فیستەڤالا شەلۆشەپك و جلوبەرگێن کوردی، حازر دکەت. ئەڤ فەستیڤالە نەک بتنێ هەلکەفتەکا کلتۆری یە، بەلکو خوینەکا نوو یە د دەمارێن دیرۆک و ڕەسەناتیا مە دا، و پەیامەکا زندی یە کو مللەتێ کورد خودان کلتۆرەکێ بێوێنە و دەولەمەندە.
کۆمبوونا هەر چوار پارچێن کوردستانێ د بن چەترەکێ دا
مەزنترین و بالکێشترین خال د ڤێ فیستەڤالێ دا، کۆمکرنا جلوبەرگێن ڕەسەن یێن زەلام و ژنێن هەر چوار پارچێن کوردستانێ یە. ئەڤ کلتۆرە دبیته‌ پرەکا ب هێز یا کو سنوورێن دەستکرد دهەلوەشینیت و نیشان ددەت کا چەوان ئەڤ مللەتە ب ئێك ناسنامە و ئێك جۆگرافیا کلتۆری هاتیە گرێدان. ژ شال و شەپکێن زاخۆ و بەهدینان، هەتا فستانێن ڕەنگاوڕەنگ یێن موکریان و سنە، و جلیێن دێرین یێن سەر هێڵا بۆتان و دەرسیمێ، هەمی دێ د ئێك دەم دا تابلۆیەكا زندی و تژی شانازی کێشن.
ژ پۆشیێ هەتا لەوەندیێ: چیرۆکا دەستێن زێڕین
ئەڤ فیستەڤالە بتنێ نیشادانا جلان نینە، بەلکو پێشانگەها مێژووا دەستڕەنگینی و هونەرێ کوردی یە. د ڤان دوو ڕۆژان دا، دێ گرنگیەکا مەزن دەرکەڤیت بۆ:
هونەرێ ڕستوچنینێ: کو کا چەوان ب خوین و عارەقا کابانی و هوستایێن کورد دبنە بەرهەمەکێ جیهانی.
شال و شیتک و جەمەدانی: ئەڤێن کو بتنێ پارچێن قوماشی نینن، بەلکو ڕەمزێن خۆڕاگری، مەردینی و پێشمەرگایەتیێ نە.
فیستان، لەوەندی و پۆشی: کو دیمەنێ تەژی نازکی و ڕێزگرتنا ئافرەتا کورد د کلتۆری دا نیشان ددەن.
پەیاما فەستیڤالێ: مورکەکا دیرۆکی یا نەمرە
چارەمین فەستیڤالا شەلۆشەپك و جلوبەرگێن کوردی ل زاخۆ، بەرسڤەکا بهێزە بۆ وێ چەندێ کو کلتۆرێ مە نایێتە بەرزەکرن و دزین، ئەڤە دەربرینە ژ هەبوونا مە، مۆرکەکا دیرۆکی یە د برۆسکا ناسنامەیا نەتەوا مە دا. ئەركێ مە هەمیانە، ژ گەنجان هەتا پسپۆڕ و کلتۆر دۆستان، پشتەڤانیا ڤان کاران بکەین دا کو ئەڤ میراتە یێ پاراستی بیت بۆ نەڤیێن داهاتی.
بژیت زاخۆیا دەلال کو دەرگەهێ کلتۆر و ڕەسەناتیێ یە، و پیرۆز بیت ئەڤ جەژنا کلتۆری یا مەزن ل گشت گەلێ کورد.

]]> https://rojnameyaevro.com/ku/%d8%b2%d8%a7%d8%ae%db%86%db%8c%d8%a7-%d8%af%db%95%d9%84%d8%a7%d9%84%d8%9b-%d8%af%db%95%d8%b1%da%af%db%86%d8%b4%d8%a7-%da%95%db%95%d8%b3%db%95%d9%86%d8%a7%d8%aa%db%8c%db%8e-%d9%88-%d8%b1%db%95%d9%88/263860/feed/ 0 هارۆن ئەحمەد د ناڤبەرا عەشقا پشتەڤانێن دهۆکێ و داخوازیێن بازاڕێ خولا ستێرێن ئیراقێ دا https://rojnameyaevro.com/ku/%d9%87%d8%a7%d8%b1%db%86%d9%86-%d8%a6%db%95%d8%ad%d9%85%db%95%d8%af-%d8%af-%d9%86%d8%a7%da%a4%d8%a8%db%95%d8%b1%d8%a7-%d8%b9%db%95%d8%b4%d9%82%d8%a7-%d9%be%d8%b4%d8%aa%db%95%da%a4%d8%a7%d9%86%db%8e/263725/ https://rojnameyaevro.com/ku/%d9%87%d8%a7%d8%b1%db%86%d9%86-%d8%a6%db%95%d8%ad%d9%85%db%95%d8%af-%d8%af-%d9%86%d8%a7%da%a4%d8%a8%db%95%d8%b1%d8%a7-%d8%b9%db%95%d8%b4%d9%82%d8%a7-%d9%be%d8%b4%d8%aa%db%95%da%a4%d8%a7%d9%86%db%8e/263725/#comments Sun, 07 Jun 2026 12:37:13 +0000 https://rojnameyaevro.com/ku/?p=263725 کاوین جیهاد تەحلاڤی

د دلێ هێلا ناڤین یا یانەیا دهۆکێ دا، یاریزانەک هەیە کو بتنێ تەپاپێی یاریێ ناکەت، بەلکو دگەل هەر پاس و لێدانەکێ، لێدانا دلێ پشتەڤانان لسەر پەلوکێن یاریگەهێ ئاڕاستە دکەت، ئەوژی هارون ئەحمەدە، ئەڤڕۆ ناڤێ ڤی ستێرێ گەنج بوویە مژارا گەرم یا جاددەیا وەرزشی ل کوردستان، ئیراقێ و دەرڤەـ چونکی دۆخێ وی یێ گرێبەستێ و مان یان چوونا وی ل یانەیێ هێشتا ب تەمامی یێ ئێکلا نەبووی.
دەنگۆیێن دەرڤە و ترسا جەماوەری
ڕاستییەك هەیە کو ناهێتە ڤەشارتن هێژایی و داهێنانێن هارون د هێڵا ناڤین دا، چاڤێن چەندین یانەیێن دی یێن خولا ستێرێن ئیراقێ و دەرڤە ڕاکێشاینە و دڤێت ڤی گەوهەرێ دهۆکی ببەنە ڕێزێن خۆ.
ئەڤ دەنگۆیە بووینە ئەگەرێ دلگرانیێ ل دەف پشتەڤانێن ئەلهویێن چیا، پشتەڤانێن دهۆکێ، ژ زەلام، ژن و زارۆکان ژی عەشقەکا مەزن بۆ هارۆنی هەیە؛ چونکی ئەو وەکۆ کوڕێ ڕاستەقینە یێ یانەیێ دبینن کو پارێزگاریێ ل ناسنامە و مێژوویا شانازیا باژاری بکەت.
پەیاما جەماوەری بۆ وی ڕوونە “هارون، جهێ تە ل ڤێرەیە، لبەرامبەر کێلیا شەدا و فرعینی یە و ل سەر چیمەنتۆیێ یاریگەها دهۆکێ”
بۆ پاراستن و ڕازیکرنا ڤی جەماوەرێ دڵسۆز و ئاڤاکرنا کەلهەکا ب هێز بۆ وەرزێ نوو (٢٠٢٦ – ٢٠٢٧)، پێدڤییە کارگێریا گەنج یا یانەیا دهۆک ب هەمان روحا جاران بدلسۆزانە سەرەدەریێ دگەل دۆسەیا هارۆن ئەحمەد بکەت، کارگێڕیێ بەری نوکە ب شیانێن خۆ یێن مەزن سەلماندیە کو جهێ ڕازەمەندی و باوەریا پشتەڤانانە، ئەڤڕۆ ژی دەمێ هندێ هاتیە کو ڤێ باوەریێ زندی بکەنەڤە بو ڕاگرتنا دلێ جەماوەری، هارون د ڕێزێن یانێ دا، دێ بیتە مەزنترین دیاری و پەیام ژ لایێ کارگێڕیێ ڤە بۆ پشتەڤانان، کو نیشان ددەت خەم و خواستێن جادا وەرزشی دهێنە گۆهلێبوون.
مێژوو ل ڤێرە دهێتە نڤیسین
جاددەیا وەرزشی هیڤیێ دخوازیت کو هارۆن دلسۆزییا خۆ بۆ درێسێ شین و زەر دووبارە بکەتەڤە و پتریا پشتەڤانان چاڤەڕێیە کو ئەو نە بتنێ یاریزانەک بیت، بەلکو دیسا ببیتە ئەندازیار و سەرکردێ، ئەلهۆیێن چیا د گۆڕەپانێن وەرزێ بهێت دا.

]]> https://rojnameyaevro.com/ku/%d9%87%d8%a7%d8%b1%db%86%d9%86-%d8%a6%db%95%d8%ad%d9%85%db%95%d8%af-%d8%af-%d9%86%d8%a7%da%a4%d8%a8%db%95%d8%b1%d8%a7-%d8%b9%db%95%d8%b4%d9%82%d8%a7-%d9%be%d8%b4%d8%aa%db%95%da%a4%d8%a7%d9%86%db%8e/263725/feed/ 0