Rojnameya Evro » خالد ئه‌حمه‌د بادى https://rojnameyaevro.com/ku Mon, 06 Apr 2026 22:59:04 +0000 ar hourly 1 https://wordpress.org/?v=4.0.38 كـورد و هـەبوون https://rojnameyaevro.com/ku/%d9%83%d9%80%d9%88%d8%b1%d8%af-%d9%88-%d9%87%d9%80%db%95%d8%a8%d9%88%d9%88%d9%86/260818/ https://rojnameyaevro.com/ku/%d9%83%d9%80%d9%88%d8%b1%d8%af-%d9%88-%d9%87%d9%80%db%95%d8%a8%d9%88%d9%88%d9%86/260818/#comments Mon, 06 Apr 2026 22:43:53 +0000 https://rojnameyaevro.com/ku/?p=260818 خالد ئەحمەد بادی

دەمێ‌ دەم دبیتە ئامرازەك بۆ گڤاشتنێن سەر نفشێ‌ مرۆڤان وی دەمی چ بەرسڤ بۆ نابن و ل وی دەمی ژ نشكەكێ‌ ڤە چاڤێ‌ رۆژێ‌ گوهۆرینێ‌ د خۆ ب خۆ دا بكەت و ژ ئەرێنی یا چاڤێ‌ رۆژێ‌ نەرێنی یا پێش كێش بكەت و ل شوینا كو رۆژ ئەلندا رۆناهی و ئازادیێ‌ ل گەل تیرۆژكێن سپی یێن ئاشتیێ‌ و تیرۆژكێن زەر یێن ئاڤەدان و ژیانێ‌ بەردەت قورسێ‌ مەزنێ‌ رۆژێ‌ كو رۆژا د كەلەژانێن خۆ دا ئێكسەر تیرۆژكێن رەش و تاری بەردەت سەر نفشێ‌ مرۆڤان ل پارچەكا ئەردەكێ‌ پیرۆز كو هاتیە بناڤكرن ژ یەزادنێ‌ مەزن ڤە ب كوردستانا پیرۆز, لەوما دبێژم كورستانا پیرۆز، چونكو ژ هەمی جه و دەڤەرێن جیهانێ‌ یەزدانێ‌ مەزن حەز كر گەمیا نوح پەیامبەری ل سەر چیایێ‌ كوردان بیت و ژیان دوبارە ل دەڤەرا كوردان بهێتە ڤەژڤین و بۆچی كورد كو ئەو مرۆڤ ب باشترین ئادەمیزاد ل سەر رویێ‌ گەردۆنی دهێنە نیاسین كو ئەو ژی كوردن, هەمی دەما كوردان هەولدان كرینە و كار كریە كو ژ كاڤلوژانكێ‌ خو یێ‌ نەتەوەیی و كوردایەتی و ئاشتی و ئارامی نە هێنە دەركرن لێ‌ دوژمنێن مرۆڤاتیێ‌ و گورگێن دەڤ بخوین و سیمەرخین دەڤ ب ئاگر و ئەژدەهایێن تژی ژەهر و هۆڤێن كێلبە تویژ ب هەمی لایان ڤە هێرش كرینە سەر كوردان و هەولدایە و كار كریە كو كوردان ژ كاڤلوژانكێ‌ وان دەر بینن ئانكو دەربێخن و بەر ب لێڤا گوری ببەن و دۆژەخێ‌ بۆ كوردان بكەن جه و وار و كوردان نەهێلنە د هەبوونێ‌ دا ئاها ل ڤی دەمی دوژمنان مەینەت و دەردەسەری و ئەنفال و گرتن و كوشتن و سێدارەدان و ستەم و ئاوارەیی و دەربەردەری و بنپێكرنا كەرامەتا مرۆڤان و ژێستاندنا مافان و هەر تو چ هزر بكەیی دوژمنێن مرۆڤایەتیێ‌ بەرانبەر كوردان یێ‌ ئەنجامدایی, كورد خۆدان میرگەه و ئیمپراتوریەت بوون كورد خۆدان دیرۆكەك دێرینن و ژ كەڤنارێن جیهانێ‌ نە ئەگەر تو بەرەف ناڤەرۆكا فەرهەنگا دیرۆكا جیهانی ڤە بچی، بێگومان دێ‌ ل زۆر لاپەر و رستەیێن د ناڤا لاپەرێن فەرهەنگا دیرۆكێ‌ دا ناڤێ‌ كوردان بینی مینا (سۆمەری, سوباری, كۆتی, لولویی, ئیلامی, كاشی, میتانی, ئورارتی, میدی, كاردۆخی) هەر ئێك ژ ڤان ئیمپراتوریان بەری هزاران سالان بەری زایینی هەبوون ئانكو (ق. م) هەروەسا دەهان دەولەت و ئیمپراتوریەت و میرگەهێن دی كوردان هەبوون كو دەسهەلاتەكێ‌ مەزن یێ‌ گێرایی ل سەر فورس و عەرەب و عەجەم و گەل و مللەتێن دی, هەروەسا كوردان چەندین میرگەه وكەلهە و حوكمرانیەت هەبوون، مینا جۆدی و دەولەتا ئەیۆبی و شەدادی, مەروانی, داسنی, بۆتان, ئامێدی, بەهدینان, سۆران, برادۆست, بدلیس, هكاری, بابان, ئەردەلان, شكاكی, مۆكریان, هتد.. كو ب راستی كوردان هەبوونا خۆ یا كاریگەر و بەرچاڤ هەبوو ل جیهانێ‌ هەمییێ‌ و ب تایبەت ل رۆژهەلاتا ناڤەراست و كوردان بهێزترین سۆپا و لەشكر و ب هێزترین ئابوور و ئەندازە و شارەزایی هەبوون, ل ڤێرە پرسیار زۆر جاران دهێتەكرن و گۆتن، بۆچی كورد ماینە بێ‌ دەولەت؟ بەرسڤ چونكو كورد مللەتەك ئاشتیخواز و ئارام ومرۆڤ دۆستن، چونكو كورد نەشەڕخوازن كورد بتنێ‌ ژیانێ‌ ددەنە مرۆڤان و مرۆڤایەتیێ‌ و كوردبوون، دوبارە تۆڤێ‌ ژیانێ‌ ل جیهانێ‌ هەمیێ‌ دوبارە چاندی و ساخكریە ڤە, چونكو كورد هەرددەم هاتینە ب سەردا برن ژئالیێ‌ دلساخییا كوردان و ژ بەر مرۆڤایەتی و ئایینی و نەتەوەیی یا كوردان ڤە, كورد هەردەم ل سەر راستیێنە، لەوما دێ‌ كورد هەر بسەركەڤن, ل دوماهیێ‌ دبێژم خۆدایێ‌ مەزن هەردەم پشتەڤانێ‌ راستیێ‌ یە و مللەتێ‌ كورد ژی یێ‌ راست و دلساخە، لەوما دبێژم كو دێ‌ كورد سەركەڤن ودێ‌ ب دەولەتا خۆ كو ناڤێ‌ وێ‌ یێ‌ پیرۆز كوردستان شاد بن.

]]> https://rojnameyaevro.com/ku/%d9%83%d9%80%d9%88%d8%b1%d8%af-%d9%88-%d9%87%d9%80%db%95%d8%a8%d9%88%d9%88%d9%86/260818/feed/ 0 جـاشێن دوهـی پـاشایێن ئـەڤـرۆ https://rojnameyaevro.com/ku/%d8%ac%d9%80%d8%a7%d8%b4%db%8e%d9%86-%d8%af%d9%88%d9%87%d9%80%db%8c-%d9%be%d9%80%d8%a7%d8%b4%d8%a7%db%8c%db%8e%d9%86-%d8%a6%d9%80%db%95%da%a4%d9%80%d8%b1%db%86/259496/ https://rojnameyaevro.com/ku/%d8%ac%d9%80%d8%a7%d8%b4%db%8e%d9%86-%d8%af%d9%88%d9%87%d9%80%db%8c-%d9%be%d9%80%d8%a7%d8%b4%d8%a7%db%8c%db%8e%d9%86-%d8%a6%d9%80%db%95%da%a4%d9%80%d8%b1%db%86/259496/#comments Mon, 23 Feb 2026 08:31:39 +0000 https://rojnameyaevro.com/ku/?p=259496 خالد ئەحمەد بادی

پشكا ئێكێ‌

بەری چەند رۆژان ل سۆشیال میدیایێ‌ دا من دیدارەكا كەنالێ‌ تێلەڤزیۆنا ئیراقێ‌ یا سەردەمێ‌ رژێما بەعسا ژناڤچووی دیت و دیرۆكا دیدارێ‌ ل سالا (1983) بوو كو دیدار ل گەل هندەك كەسان دكر پشكداری د شەڕەكی دا كربوو بۆ ئیراقا گەنی و ئالایێ‌ سەركەفتنێ‌ بۆ خو بلنددكر و ب شانازی ڤە پەسن و مەدحێن سەدامی و حوكمەتا ئیراقێ‌ دكرن، من مانشێتێ‌ وێ‌ دیدارێ‌ دیت كو ب ڤی شێوەی هاتبوو نڤێسین (جاشەكانی دوێنێ‌ وپاشاكانی ئەمرۆ) و ب راستی مانشێت یێ‌ سەرەنج راكێش بوو و بالا من ئێخستە سەر هزركرنا نڤێسینا بابەتێ‌ ناڤبری، ئەڤ هەلوەست ودیمەنێن مە ب چاڤێن خۆ دیتین ل دەمێ‌ شۆرشا گولانێ‌ و ل ناڤ دەڤەرێن ئازادكری و ل بن سیبەرا دەستهەلات و حوكمرانیا پێشمەرگێ‌ كوردستانێ‌. ب راستی چ جاران ئەو دیمەنێن وان سالان ل بەر چاڤ و د هزروبیرێن مە دانە كو رۆژانە هێرشێن جاش و جێشێن ئیراقێ‌ ل سەر دەڤەرێن ئازادكری بوون ب مۆشەك و تۆپ و تانك و فرۆكەیان و ژبلی هێرشێن پەیادە و لەشكری كو ل وی دەمی دگۆتنێ‌ (تقدم) ژبلی ئابلۆقە و گڤاشتنێن دارایی و چاندن و كەلوپەلان و پەرەوەردەیی و سۆتەمەنی و ئازۆقەیی و ئاهێن خوارنێ‌ و پێدڤیێن مال و زارۆیان و هتد.. كو هەمی جۆرێن زولم و ستەمان ل شۆرشگێر و خەباتكەران دكرن ژ هەمی ئالییان ڤە، ئەگەر هزركرنەكێ‌ د ڤی بابەتی دا بكەین كو هزرا شۆڕەش و خزمەت و بەرگریكرنێ‌ ل جەم هەمی وان خەباتكەر و شۆرەشگێران هەبوو كو ئەوان شۆرەشگێران خانی و مال و سامان و خۆشی و ژیانا شارستانی و باوەرنامەیێن بلندێن زانستی و كۆمپانی و بازرگانی و هەمی تشت هەبوون، هەروەسا وان خەباتكەر و شۆرەشگێران ژی ئەڤ ناڤێن ل سەری مە دیاركرین وانان ژی دڤییان لێ‌ هەستا نەتەوەیی و دلسۆزی یا كوردستان و كوردینیێ‌ و ڤیانا خاك و وەلاتی ل سەر وان شۆرشگێر و خەباتكەران زال بوو و دەست ژ هەمی مال و ملك و مووچە و كار و بازرگانیێ‌ بەردا و ب تنێ‌ رێكا خەبات و شۆرەش و كوردینیێ‌ گرتە بەر و كار و خەبات و شۆرەش كرن تا كو ئەڤ بەرهەمێن نوكە دبینین كو پەرلەمان وحوكمەتا هەرێما كوردستانێ‌ ب دامودەزگەهین خۆڤە و ئالایێ‌ پیرۆزێ‌ كوردستانی و دەزگەهێن راگەهاندنێ‌ و كارێ‌ هونەری و بنیاتێن بهێز یێن دەولەتبوونێ‌ یێن كوردستانێ‌ هەمی بەرهەمێن وێ‌ خەبات و شۆرەش و كوردایەتیێنە. هزر و ئومێدێن مللەتێ‌ كورد د ناخێ‌ خۆ دا ئاڤاكرین هەمی بوونە خەون و چ بنەما بوون ژ ئالیێ‌ شۆرەشگێری و ئاغاتیێ‌ ڤە، هەر ژ كەڤن دا مللەتێ‌ كورد كەفتیە بن رەحما ئاغا و دەرەبەگ و شێخ و بەگان و ب هەمی شێواز و رەنگان ئەوان ئەڤ كەسانە د سەردا دبرن و گەف و ستەم ل خەلكێ‌ بێ‌ گونەه و سادە و مللەتێ‌ كورد دكرن و پتریا جاران ژی ناڤ ئینایا دەستێ‌ خۆ كریە د دەستێ‌ دوژمنان دا و مللەتێ‌ مە پتر چەوساندی یە و مالێ‌ وان ژێ‌ ستاندی یە و رەز و چەمێن وان ئاسێ‌ كرینە و ل سەر ناڤێ‌ خۆ تۆمار كرینە ب حیلە و گەفان و هەمی مال و ملك و خوه و ماندیبوونا هەژار و كوردپەروەران خواری یە و یێن هەژار هەژارتر لێ‌ كرینە ل شوینا وان ئاغا ودەرەبەگان هاریكاریا وان كربایە بەرۆڤاژی كار و مامەلە و ئاراستە هاتنەكرن. مە رێزێن مەزن بۆ هەر هۆزەك و توێژەك و كەسایەتیەكێ‌ هەنە، چونكو هندەك ئاغا و شێخ و كەسایەتی هەبووینە خزمەتا مللەتێ‌ كورد كریە و هەبووینە ب خیانەتكاری و دوژمنكاریێ‌ هاتینە هێڤێن و فرشككرن. زۆر هۆكار هەبووینە كۆنترۆلا مللەتێ‌ كورد ل كوردستانێ‌ بكەڤیتە د دەستێ‌ ئاغا و دەرەبەگان دا.

]]> https://rojnameyaevro.com/ku/%d8%ac%d9%80%d8%a7%d8%b4%db%8e%d9%86-%d8%af%d9%88%d9%87%d9%80%db%8c-%d9%be%d9%80%d8%a7%d8%b4%d8%a7%db%8c%db%8e%d9%86-%d8%a6%d9%80%db%95%da%a4%d9%80%d8%b1%db%86/259496/feed/ 0 بازرگانیكرن ب درووشمێن بریقەدار https://rojnameyaevro.com/ku/%d8%a8%d8%a7%d8%b2%d8%b1%da%af%d8%a7%d9%86%db%8c%d9%83%d8%b1%d9%86-%d8%a8-%d8%af%d8%b1%d9%88%d9%88%d8%b4%d9%85%db%8e%d9%86-%d8%a8%d8%b1%db%8c%d9%82%db%95%d8%af%d8%a7%d8%b1/257670/ https://rojnameyaevro.com/ku/%d8%a8%d8%a7%d8%b2%d8%b1%da%af%d8%a7%d9%86%db%8c%d9%83%d8%b1%d9%86-%d8%a8-%d8%af%d8%b1%d9%88%d9%88%d8%b4%d9%85%db%8e%d9%86-%d8%a8%d8%b1%db%8c%d9%82%db%95%d8%af%d8%a7%d8%b1/257670/#comments Sun, 11 Jan 2026 09:12:00 +0000 https://rojnameyaevro.com/ku/?p=257670 خالد ئەحمەد بادی

دەمێ‌ بەرژەوەندیێن تایبەت زال دبن كارتێكرنێ‌ ل رێكەفتن و دۆستایەتی و پەیمانان دكەت, دەمێ‌ هەست ژ كاركرنێ‌ دكەڤن, دەمێ‌ باوەری دبیتە قوربانا بێ‌ باوەران, دەمێ‌ هێز بەرەڤ بێ‌ هێزیێ‌ ڤە دچیت و بێ‌ هێزی هەولدانا تیرۆركرنا هێزێ‌ ددەت, ل وی دەمی دێ‌ هەوارێن بلند و قێریێن ب ترس بلند بن ودێ‌ بێژن كا دادپەروەیی یا جیهانی و دێ‌ دیاركەن ئەم د كاروانێ‌ ژیانێ‌ دا هاتینە خاپاندن و مە باوەری ب هەست و بنەمایێن گشتی ئینان، لێ‌ مە ل خۆ زڤڕی خاپینۆكان درەو ل مە كرن و ئەم خاپاندین و بەر ب ئاقارەكێ‌ دی یێ‌ نە دیار ڤە برین. ل جیهانێ‌ مەندەهۆشی و ئەنتیكە پەیدا دبن دەمێ‌ مللەت و جڤاكێن جیهانی ب ناڤێ‌ دادپەروەیێ‌ دئاخڤن و درووشمێن بریڤەدار بلند دكەن، لێ‌ دیار بوو جیهان هەمی یا د هزرێن ئاشۆپی دا دژیت, ل رێكەفتی (3, 1, 2026) ئەمریكا هێرشێن ئاسمانی و مۆشەكی كرنە سەر وەلاتێ‌ ڤەنزوێللا و پاشی ئێكسەر ب رێكا هێزێن دەلتا هێزێن تایبەت یێن لەشكرێ‌ ئەمركی (نیكۆلاس مادورۆ) سەرۆكێ‌ ڤەنزوێللا و ل گەل خێزانا وی گرتن و برنە ئەمریكا, بۆچی ئەمریكا ئەڤ كریارە كر؟ چونكو ژێدەر دبێژن كو د كەڤندا ئەمریكا و ڤەنزوێللا ژێكنەگرتنێن سیاسی و ئابۆری یێن كویر ل گەل هەڤدو هەبوون و ئەمریكا داخۆیانییان ددەت و دبێژیت مە ژبەر كو زۆر ماددەیێن بێ‌ هۆشكەر هەنە ل وەلاتێ‌ ناڤبری دا و زۆر تۆمەتێن دی مینا پرسین دیكتاتوریەت و خۆسەپاندنێ‌, هەروەسا ڤەزوێللا دبێژیت كو ئەمریكا ژبەر وان هەمی سەروەت و سامان و داهاتێ‌ مەیە و هەر دیسا دبێژن چونكو ئەم نەكەفتینە بن چەنگێ‌ هەیمەنا ئەمریكی, وەلاتێ‌ ڤەنزوێللا دكەڤیتە باكۆرێ‌ ئەمریكا باشور و پایتەختێ‌ وێ‌ كاراكاسە و یەدەكەكێ‌ مەزن یێ‌ تەفتێ‌ یێ‌ هەیی و هەمەرەنگی یا فەنزوێللا یا بایولۆجی و ژینگەهی ل ناڤبەرا چیایێن ئەندیز و دارستانێن ئەمازۆن و دەشتێن یانۆس ژ (23) ویلایەتان پێكدهێت و زمانێ‌ فەرمی ئیسپانی یە, هەر وەسا ماددەیێن بهادار یێن پلە ئێك ل وەلاتێ‌ ڤەنزوێللا هەنە مینا گاز و غاز و زێر ماددێ‌ بۆكسیت و زۆر ماددێن دی. سیناریۆیا شەڕێ‌ ڤەنزوێللا و هێرشا ئەمریكا بۆ سەر وەلاتێ‌ ناڤبری بۆ چەندین سیناریۆیان دهێتە پێشبینیكرن كو ل ناڤبەرا ئەمریكا و چینێ‌ وەكو رێككەفتنەكا نیمچە ڤەشارتی و مینا رێككەفتنەكا ژنشكەكێ‌ ڤە بیت، ئانكو نە یا راگەهاندی كو ئەمریكا دێ‌ پشتەڤانیا چینێ‌ كەت بۆ ب سەرداگرتنا تایوانێ‌ ئانكو كونترۆلكرنا تایوانێ‌ كو بكەڤیتە دبن هەیمەنا چینێ‌ ڤە و بەرامبەر وێ‌ كو ئەمریكا ڤەنزوێللا بكەتە د بن هەیمەنا خۆڤە ژبۆ كو چەندین مفایان بكەت یێن ئابۆری، جوگرافی، سیاسی، لەشكری و مفایێ‌ ژ هەمییان مەزنتر كو مفایێ‌ سامان و سەروەت و داهاتێن وێ‌ بكەت, خالان ژ هەمییان گرنگتر د ڤان سیناریۆیان دا كو ئیسرائیل هێرشێ‌ بكەت سەر ئیرانێ‌ و ژێدەر دبێژن كو دێ‌ ترامپ و ئەمریكا پشتەڤانیەكا راستەوخۆ بۆ نەتانیاهۆ و ئیسرائیلێ‌ كەت ل دژی ئیرانێ‌ و دێ‌ ئیران ژی هەمی بەرگرییان كەت كو دێ‌ كەنداڤ و دەولەتێن دۆرماندور كەڤنە د ناڤ ڤان گێلەشۆك و شەڕان دا و دێ‌ رەوشا گشتی تێكچیت و ل ڤی دەمی ئەمریكا گەرەنتییا غاز و گازا خۆ یا كری ل ڤەنزوێللا و دیمەنێن دوماهیا ڤان سیناریۆیان رۆهن و ئاشكەرا دبن و ب ڤی شێوەیێ‌ مە ل سەری باس كری دێ‌ دیمەن ب داوی هین, ئومێدەوارین كوردستان یا پارستی بیت و مفا بۆ مللەت و وەلاتێ‌ كوردان تێدا بیت.

]]> https://rojnameyaevro.com/ku/%d8%a8%d8%a7%d8%b2%d8%b1%da%af%d8%a7%d9%86%db%8c%d9%83%d8%b1%d9%86-%d8%a8-%d8%af%d8%b1%d9%88%d9%88%d8%b4%d9%85%db%8e%d9%86-%d8%a8%d8%b1%db%8c%d9%82%db%95%d8%af%d8%a7%d8%b1/257670/feed/ 0 میکانیزما كـاركـرنـێ‌ د هـەوێن هـەلبژارتنان دا https://rojnameyaevro.com/ku/%d9%85%db%8c%da%a9%d8%a7%d9%86%db%8c%d8%b2%d9%85%d8%a7-%d9%83%d9%80%d8%a7%d8%b1%d9%83%d9%80%d8%b1%d9%86%d9%80%db%8e%e2%80%8c-%d8%af-%d9%87%d9%80%db%95%d9%88%db%8e%d9%86-%d9%87%d9%80%db%95%d9%84%d8%a8/255220/ https://rojnameyaevro.com/ku/%d9%85%db%8c%da%a9%d8%a7%d9%86%db%8c%d8%b2%d9%85%d8%a7-%d9%83%d9%80%d8%a7%d8%b1%d9%83%d9%80%d8%b1%d9%86%d9%80%db%8e%e2%80%8c-%d8%af-%d9%87%d9%80%db%95%d9%88%db%8e%d9%86-%d9%87%d9%80%db%95%d9%84%d8%a8/255220/#comments Sun, 09 Nov 2025 22:52:23 +0000 https://rojnameyaevro.com/ku/?p=255220 خالد ئەحمەد بادی

زانا و رەوشەنبیرێ‌ مەزن یێ‌ جیهانێ‌ (ئەلبرت ئەنشتاین) گۆتیە (ئەگەر تە ڤییا ژیانەكا سەركەفتی و پڕی دەستكەفت ببەیی, خۆ ب ئارمانجەكا دەستنیشانكری ڤە بگرێدە نەك ب چ كەسان ڤە گرێبدە) رامانا ڤێ‌ ئاخفتنێ‌ كو پشتبەستنا خۆ بدە سەر خۆ ب خۆ و خۆ ئاڤا بكە ، داهێنان پێشڤەچوونێ‌ بكە د ناڤ كار و بەرنامەیێن خۆ دا بێگومان دێ‌ سەركەڤی . دەمێ‌ دخوینی؛ بێگومان دێ‌ مفای ژێ‌ بینی و دێ‌ هزرێن مەزن دروست بن، دێ‌ بەرنامە و پێشكەفتنێن باش بدەستڤەهێن. هەر تاكەكێ‌ كارەكی ئەنجام بدەت زۆر فەرە بەرنامە هەبیت؛ ئەگەر بەرنامە نەبیت دێ‌ كێماسی د كاری دا هەبن, ب تایبەت كاندیدێن بۆ پەرلەمانێ‌ كوردستان و ئیراقا فیدرال . نوكە گۆرەپان یا گەرم دبیت هەڤڕكی یێ‌ن زۆر بهێز دكەڤن كار ب شێوەیێن بەرچاڤ یێ‌ دهێتە كرن، جاددە میینا ئەلبۆمان یێ‌ لێ‌ هاتین, ب راستی كاركرن ئالیەتا بەرنامەیێن هەوێن هەلبژارتنان نە ب ڤی شێوەینە جیهان یا هاتیە گوهۆرین؛ تكنولۆجیا و جیهانگێریێ‌ زۆر كارتێكرن یا ل سەر ڤان پرسان كری نوكە زور رێ و ئالیەت هەنە بۆ ئەنجامدانا هەوا هەلبژارتنان كو رێكێن شارستانی نە رێكێن كلاسیك پێرویێن جاددان و رێكێن تاخان هەمی هاتنە گرتن, فەرە كار بهێتە كرن بۆ هەوێن هەلبژارتنان ب رێكێن سەردەم رێكێن تكنولوجیایەكا نوی ب رێكێن سۆشیال میدیایێ‌ یان رێكێن جهێن ریكلامان كو شاشیێن مەزن هەنە یان ژی جهێن ئوفیسێن بەربژێران. ئەگەر لێنێرینەكا سەردەمی د ڤان هەوان دا بكەین یێن دهێنە كرن بۆ هەلبژارتنێن داهاتی یێن ل ( 11-11) هەیڤا داهاتی دێ‌ هێنە ئەنجامدان دێ‌ ژ چەندین ئالییان ڤە مفا ژێ‌ هێتە دیتن ژ ئالیێ‌ ماددی ڤە ژ ئالیێ‌ ریكلامی ڤە ژ ئالیێ‌ پێشەسازی وداهێنانێ‌ ڤە بۆ نموونە ژ ئالیێ‌ ماددی ڤە ل شوینا ڤان هەمی ستاندێن ئاسنی و كرێكار خەرجیاتینن دی و ژبلی بهایێ‌ فلێكسی ب خۆ ژی دێ‌ كێمتر خەرجییات ل پرۆسەیا هەوا هەلبژارتنان هێتە كرن و دێ‌ شێوازێ‌ ریكلامی و شارستانیەت هێنە بەرچاڤكرن, ژ ئالیێ‌ كاركرنێ‌ ڤە دێ‌ یێن داهێنانان دكەن دێ‌ داهێنانێن خۆ د ڤی كارێ‌ پرۆپاكندە و ریكلامێ‌ دا بەرچاڤ كەن, دیسا ژ ئالیێ‌ خۆ ڤە دانەنیاسینا كاندیدان دێ‌ شێن پتر كار و دانەنیاسینیا خۆ كەن كو ب راستی هەڤركییەكا مەزن دروست دبیت یێ‌ زەنگین یان كورەئاغا یان كورەبازرگان شێت ب هزارەها پۆستەر و فلێكسان بەرلا كەن لێ‌ كەسانێن دی ییێن كاندید نەشێن ب ڤی شێوەیی چ ریكلامێ‌ بۆ خۆ بكەن و دێ‌ هەوا پرپاگندەیا خۆ ب شێوەكێ‌ كێمتر ئەنجامدەن و ل ڤی دەلیڤێ‌ دێ‌ جوداهییا چینایەتی دیار و بەرچاڤ بیت. گرنگییا هەلبژارتنێن ئیراقێ‌ زۆرە بۆ هەرێما كوردستانێ‌ و ب تایبەت بۆ وی لایەنی كو بشێت بەرگریێ‌ ژ مافێن كوردان ل هەرێما كوردستانێ‌ بكەت كو ئەو لایەن ژی یێ‌ شۆرش و بەرخودان و خەبات كری تا كو كورد گەهشتینە ڤان قۆناغێن ئەم تێدا دبۆرین. بژیت كورد ئاڤەدان و ئارام بیت كوردستان.

]]> https://rojnameyaevro.com/ku/%d9%85%db%8c%da%a9%d8%a7%d9%86%db%8c%d8%b2%d9%85%d8%a7-%d9%83%d9%80%d8%a7%d8%b1%d9%83%d9%80%d8%b1%d9%86%d9%80%db%8e%e2%80%8c-%d8%af-%d9%87%d9%80%db%95%d9%88%db%8e%d9%86-%d9%87%d9%80%db%95%d9%84%d8%a8/255220/feed/ 0 بەر ب هـەلبژارتـن و دەنـگدانـێ‌ https://rojnameyaevro.com/ku/%d8%a8%db%95%d8%b1-%d8%a8-%d9%87%d9%80%db%95%d9%84%d8%a8%da%98%d8%a7%d8%b1%d8%aa%d9%80%d9%86-%d9%88-%d8%af%db%95%d9%86%d9%80%da%af%d8%af%d8%a7%d9%86%d9%80%db%8e%e2%80%8c-2/254736/ https://rojnameyaevro.com/ku/%d8%a8%db%95%d8%b1-%d8%a8-%d9%87%d9%80%db%95%d9%84%d8%a8%da%98%d8%a7%d8%b1%d8%aa%d9%80%d9%86-%d9%88-%d8%af%db%95%d9%86%d9%80%da%af%d8%af%d8%a7%d9%86%d9%80%db%8e%e2%80%8c-2/254736/#comments Tue, 28 Oct 2025 21:51:55 +0000 https://rojnameyaevro.com/ku/?p=254736 خالد ئەحمەد بادی

پشكا دویێ‌

د ڤی سەردەمی دا كو سەردەمەكێ‌ نوی یە كو قۆناغەكا زێرینە بۆ گەلێن كوردان كو پشكداریەكا كۆمەكی پشكداریەكا كەرنەڤالی یا ماراسۆنی ل پرۆسا هەلبژارتنان دا بكەن دا كو مافێن خۆ یێن ژێستاندی بدەستڤەبینن, نوكە گۆرەپان یا گەرم دبیت، هەڤڕكی یێن زۆر ب هێز دكەڤن كار ب شێوەیێن بەرچاڤ یێ‌ دهێتەكرن جاددە میینا ئەلبۆمان یێن لێ‌ هاتین, ب راستی كاركرن ئالیەتا بەرنامەیێن هەوێن هەلبژارتنان نە ب ڤی شێوەینە جیهان یا هاتیە گوهۆرین تكنۆلۆجیا و جیهانگێریێ‌ زۆر كارتێكرن یا ل سەر ڤان پرسان كری، نوكە زۆر رێ، ئالیەت هەنە بۆ ئەنجامدانا هەوا هەلبژارتنان كو رێكێن شارستانی نە رێكێن كلاسیك پێرویێن جاددەیان و رێكێن تاخان هەمی هاتنە گرتن, فەرە كار بهێتە كرن بۆ هەوێن هەلبژارتنان ب رێكێن سەردەم رێكێن تكنۆلۆجیایەكا نوی ب رێكێن سۆشیال میدیایێ‌ یان رێكێن جهێن ریكلامان كو شاشیێن مەزن هەنە یان ژی جهێن ئۆفیسێن بەربژێران. ئەگەر لێنێرینەكا سەردەمی د ڤان هەوان دا بكەین یێن دهێنەكرن بۆ هەلبژارتنێن داهاتی یێن ل (11-11) هەیڤا داهاتی دێ‌ هێنە ئەنجامدان دێ‌ ژ چەندین ئالییان ڤە مفا ژێ‌ هێتە دیتن ژ ئالیێ‌ ماددی ڤە ژ ئالیێ‌ ریكلامی ڤە ژ ئالیێ‌ پێشەسازی و داهێنانێ‌ ڤە, د دیرۆكێ‌ دا زۆر غەدر ل مللەتێ‌ كورد هاتیەكرن ل قۆناغێن بۆری دا ب درێژاهییا سالان زولم ستەم ل كوردان كری یە و مافێن كوردان هاتینە بن پێ‌ كرن ب هەمی لایەكی ڤە, كورد نەچار بووینە شۆرش كرینە ب تایبەت شۆرشا ئیلۆنا ب سەنگ و گولانا پێشكەفتنخواز و ب ڤان شۆرشان چەندەك ژ مافێن كوردان هاتنە پاراستن, قۆناغێن پشتی شۆرشان شۆرشا بەرخودان و سەرهلدانان هاتنە ئەنجامدان، لێ‌ هەر مافێن كوردان ب تەمامی و چارچووڤەكێ‌ یاسایی دا بدەستڤە نەهاتن, ژبۆ بدەستڤەئینانا مافێن رەوایێن كوردان فەرە ب هەمی شیانان پشكداری د هەلبژارتنان دا بهێتەكرن ب تایبەت هەلبژارتنێن پەرلەمانێ‌ ئیراقا فیدرال، چونكو ب رێكا یاسایی دێ‌ هەمی ماف بدەستڤەهێن, كریارا هەلبژارتنان د بەرژەوەندیا مللەتێ‌ كورد دایە ب تایبەت بۆ هەرێما كوردستانێ‌، چونكو دێ‌  كورد بنە خۆدان ئاخفتن و دێ‌ مینبەرك هەبیت كو دەنگێ‌ كوردان بگەهیت و باس ل ئاییندێ‌ گەشێ‌ كوردان بهێتە كرن ب تایبەت ئەگەر ئەو كەس و لایەن ل هەلبژارتنان سەركەڤن یێن دلسۆزێن كوردستان و كوردینیێ‌ بن, خالەكا دی یا گرنگ كورد ب ئێك هێز ئێك دەنگ بچنە پەرلەمانێ‌ ئیراقا فیدرال دێ‌ پتر شیێن دەستكەفتان بدەستڤەئینن, یەیاما مە پەیاما ڤیانا كوردستانێ‌ یە پەیاما ئێكگرتن و ئێكرێزیێ‌ یە زۆر فەرە كو ب ئێك دەست ئێك بریار ئێك هەلوەست ل پەرلەمانێ‌ ئیراقا فیدرال دەنگێ‌ كوردان بهێزتر لێ‌ بكەن و هەمی ناكۆكیێن سیاسی گشتی بدەنە لایەكی ب تنێ‌ بەرژەوەندیا كوردان بەرژەوەندیا كوردستانێ‌ بپارێزن, داخوازا مە ژ هەر كوردەكێ‌ دلسۆز ئەوە كو هەمی بچنە دەنگدانێ‌ پشكداریەكا ئێكجار مەزن بكەن دپرۆسا هەلبژارتنان دا دا كو بۆ دۆست و دوژمنان دیار بكەن كو كورد ئازادیخواز جوامێر و شارستانن, ب تنێ‌ داخوازا مافێن خۆ یێن رەوا دكەن ب رێكێن یاسایی, هەر تاكەكێ‌ كورد بلا بیردانكا خۆ یا دیرۆكی بزڤرینیت دا كو بزانیت كێ‌ خزمەت شۆرش خەبات كری یە و نوكە ژی كی خزمەت و خەباتێ‌ دكەن بلا مێشكێ‌ خۆ ئارام بكەت پاشان دەنگی بدەنە لیستا خەباتێ‌ لیستا چیایێن شۆرشگێر خەباتكەر. سەركەفتن بۆ كوردان ئاڤەدانی بۆ كوردستانێ‌.

]]> https://rojnameyaevro.com/ku/%d8%a8%db%95%d8%b1-%d8%a8-%d9%87%d9%80%db%95%d9%84%d8%a8%da%98%d8%a7%d8%b1%d8%aa%d9%80%d9%86-%d9%88-%d8%af%db%95%d9%86%d9%80%da%af%d8%af%d8%a7%d9%86%d9%80%db%8e%e2%80%8c-2/254736/feed/ 0 بەر ب هـەلبژارتـن و دەنـگدانـێ‌ https://rojnameyaevro.com/ku/%d8%a8%db%95%d8%b1-%d8%a8-%d9%87%d9%80%db%95%d9%84%d8%a8%da%98%d8%a7%d8%b1%d8%aa%d9%80%d9%86-%d9%88-%d8%af%db%95%d9%86%d9%80%da%af%d8%af%d8%a7%d9%86%d9%80%db%8e%e2%80%8c/254685/ https://rojnameyaevro.com/ku/%d8%a8%db%95%d8%b1-%d8%a8-%d9%87%d9%80%db%95%d9%84%d8%a8%da%98%d8%a7%d8%b1%d8%aa%d9%80%d9%86-%d9%88-%d8%af%db%95%d9%86%d9%80%da%af%d8%af%d8%a7%d9%86%d9%80%db%8e%e2%80%8c/254685/#comments Mon, 27 Oct 2025 22:26:19 +0000 https://rojnameyaevro.com/ku/?p=254685 خالد ئەحمەد بادی

پشكا ئێكێ‌

ئێك ژ گرنگترین بنەمایێن دیموكراسیەتێ‌ ل جیهانێ‌ كریارا هەلبژارتنایە, د پرۆسەیا ئیدارەكرن و كاركرنێ‌ دا ل هەر جهەكی ل سەرتاسەری جیهانێ‌ پرۆسا هەلبژارتن و دەنگدانێ‌ یە, رامانا دەنگدانا گشتی ئانكو نەبوونا ئاستەنگێن مەزن د پرۆسەیا هەلبژارتنان دا یێن گرێدای وەلاتی, ژبۆ بەرپاكرن و پەیداكرنا ڤێ‌ پرۆسێ‌ هندەك وەلات دەنگدانێ‌ دكەنە ئەركەكێ‌ نەتەوەیی و كریارا دەنگدان و هەلبژارتنا گشتی ب یەك جار نە پەیدا بوویە بەلكو ب كریارەكێ‌ كو ب درێژیا چەرخان پێشكەفتی یە و بەلكو بۆ زەلامان دوو خۆشی تێدا بوون، ئەوژی كو مافێ‌ دەنگدان و مافێ‌ خۆ هەلبژارتنێ‌ هەبوویە، لێ‌ بۆ ئافرەتێ‌ ل دەستپێكێ‌ چ ماف نەبوون نەدەنگدان و نە خۆ هەلبژارتن, هەروەسا سەبارەت زەلامان سەح دكرە كار مال و سامانێ‌ وی د ناڤ جڤاكێ‌ دا, سیستەمێ‌ ئێكێ‌ پشتبەستی یا لسەر دەنگدانا گشتی كری سیستەمێ‌ فرەنسی بوو دانپێدان كری كو سیستەمەكێ‌ نشتیمانی یە و مافێن دەنگدەرینە ئاسێ‌ كرن ب مولكیەت و جهێ‌ وی د ناڤ جڤاكێ‌ دا, سیستەمێ‌ هەلبژارتنا دئێتە هژمارتن كەڤنترین سیستەم د جیهانێ‌ دا كو مرۆڤان بكارئینای و ل دەستپێكا پەیدابوونا ژیانێ‌ ل سەر رویێ‌ ئەردی، ئەڤ سیستەمە كەفتیە كاری ل ناڤ مرۆڤان و مرۆڤایەتیێ‌ دا . هەلبەت سیستەمێ‌ هەلبژارتن و دەنگدانێ‌ ژی مینا هەر یاسا پەیرەو و سیستەمەكی وەرار پێشكەفتن ب خۆڤە دیتی یە لناڤ كومەلگەه ومللەتێن جیهانێ‌ دا هاتیە پەیرەو كرن و بەربەلاڤ بوویە جڤاك و وەلاتێن جیهانێ‌ مفا ژێ‌ وەرگرتیە. بێ‌ گومان سیستەمێ‌ هەلبژارتن دەنگدان ئەرێنی و نەرێنی یێن خو هەنە ئەگەر كارێن ئەرێنی بن دبیتە جهێ‌ خوشحالیا وەلاتیان ئەگەر دنەرێنی بن بێ‌ گومان دبنە جهێ‌ پوسیدەیی وپەریشانیا وەلاتیان, مەرەم ب ئەرێنی و نەرێنیان ئەوە كو ل دەمێ‌ چار سال بداوی دهێن پرۆسەیا هەلبژارتنا دئێتە ئەنجامدانن خەلكەك ب ئازادانە قەستا سندۆقێن دەنگدانێ‌ دكەن ژبۆ هەلبژارتنا نوونەرێن خۆ یێن راستەقینە. پرۆسەیا هەلبژارتنان چەند لایەنەكا ب خۆڤە دگریت، لایەنێ‌ ئێكێ‌ ژ پرۆسەیا هەلبژارتنان سەرۆكەك یان دەستەكەك نوی دئێنە هەلبژارتن بو برێڤەبرنا دەزگەهێن تەشریعی دەزگەهێن حزبی یان حكومی یان سەندیكا رێكخراو، كۆمەلە و ئێكەتیان بۆ برێڤەبرنا كاروبارێن وەلاتیان و ئەنجامدانا كار و پرۆژەیێن باشتر ژبۆ تمامكرنا كاروانێ‌ ژیانێ‌ و ڤەدیتنا رێكێن برێڤەبرنەكا باشتر چونكو هەر دەستهەلاتدارەكێ‌ دەستهەلاتێ‌ خۆ بگێریت بۆ ماوەیێ‌ چار یان پێنچ سالان یان ژی بۆ خۆلا دوێ‌ شیانێن وی د وان چەند سالان دا دئێنە مەزاختن هەر هزر و بەرنامەیێ‌ ل جەم وی هەبیت هەمیێ‌ دمەزێخیت وجێ‌ بەجێ‌ دكەت، دڤێت كەسەك یان دەستەیەكا دی بهێت هەلبژارتن جهێ‌ وی بگریت بەرنامە شیان و بۆچوونێن خۆ دابرێژیت و پێشكەفتنەكێ‌ بێخیتە د سیستەمێ‌ دەستهەلاتی دا ژبۆ پێشڤەبرنا رەوشا وەلاتی ژبۆ خزمەتكرنا بەرژەوەندیا گشتی, پرۆسەیا هەلبژارتنان كریارەكا ساخلەمە د دەمێن گونجایی دا دهێتە ئەنجامدان, ل كوردستانێ‌ پرۆسەیێن هەلبژارتنان گرنگییا خۆ د ناڤا جڤاكێن مرۆڤان دا هەیە ل سەرتاسەری جیهانێ‌ ب تایبەت بۆ هەرێما كوردستانێ‌ و مللەتێ‌ كوردێ‌ بێ‌ بەهر, ل بەرێخودانا مە بۆ قۆناغێن بەریكێ‌ دوژمنان رێك نە ددا كورد بچنە د ناڤا پرۆسا هەلبژارتنان دا ب تنێ‌ دكرنە د ناڤ پرۆسێ‌ دا لێ‌ ب مەرجەكی ب خورتی دڤێت دەنگ دابا كاندیدێن رژێمێن گۆربگۆرێن ئیراقێ‌ یێن دەستهەلات ب ئاگر و ئاسنی دكر, ئەگەر ئەم باس ل پرۆسەیا هەلبژارتنێن ل سەر دەمێن رژێمێن ئیراقێ‌ ب تایبەت رژێما دكتاتۆرێن بەعسیان بتنێ‌ سیناریۆ دروست بۆ ئەنجامدانا هەلبژارتنان دكرن ژ ئالیەكی ڤە پارتێن كارتۆنی دروست دكرن و ژ ئالیەكێ‌ دی ڤە رێژەیا دەنگێن خۆ د ئەنجامان دا دكرنە (99,99%) كو دكرنە نوت و نەه پۆینت نوت ونەه كو ب راستی ئەڤ رێژەیا ئەنجامێن دەنگێن هەمی پرۆسەیێن هەلبژارتنان ل هەمی ناڤەندێن جیهانێ‌ نە د فەرمی نە ب تنێ‌ رێژەكا نە یاسایی یە، لێ‌ دوژمنان ب ڤی شێوەیی هەلبژارتن دكرن.

]]> https://rojnameyaevro.com/ku/%d8%a8%db%95%d8%b1-%d8%a8-%d9%87%d9%80%db%95%d9%84%d8%a8%da%98%d8%a7%d8%b1%d8%aa%d9%80%d9%86-%d9%88-%d8%af%db%95%d9%86%d9%80%da%af%d8%af%d8%a7%d9%86%d9%80%db%8e%e2%80%8c/254685/feed/ 0 ڕیفرانـدۆم و كـاروانـێ‌ دەولـەتبوونـێ‌ https://rojnameyaevro.com/ku/%da%95%db%8c%d9%81%d8%b1%d8%a7%d9%86%d9%80%d8%af%db%86%d9%85-%d9%88-%d9%83%d9%80%d8%a7%d8%b1%d9%88%d8%a7%d9%86%d9%80%db%8e%e2%80%8c-%d8%af%db%95%d9%88%d9%84%d9%80%db%95%d8%aa%d8%a8%d9%88%d9%88%d9%86-2/253413/ https://rojnameyaevro.com/ku/%da%95%db%8c%d9%81%d8%b1%d8%a7%d9%86%d9%80%d8%af%db%86%d9%85-%d9%88-%d9%83%d9%80%d8%a7%d8%b1%d9%88%d8%a7%d9%86%d9%80%db%8e%e2%80%8c-%d8%af%db%95%d9%88%d9%84%d9%80%db%95%d8%aa%d8%a8%d9%88%d9%88%d9%86-2/253413/#comments Wed, 01 Oct 2025 21:46:44 +0000 https://rojnameyaevro.com/ku/?p=253413 خـالد ئەحمەد بـادی

پشكا دویێ‌

كەرنەڤالێ‌ سەرخوەبوونێ‌ هاتە ئەنجامدان و بریڤەبرن و بەر ب سەركەفتنێن مەزن ڤە چوو، كو ئەوسەركەفتنا مەزنا گشتپرسیێ‌ وەرگرتنا سەنەدا دەولەتبوونێ‌ یە كو بۆ جارا ئێكێ‌ د دیرۆكا جیهانێ‌ و كوردستانێ‌ دا مللەتێ‌ كورد بەلگەیەكێ‌ ب هێزێ‌ دەولەتبوون و جودابوونێ‌ هەبیت كو ئەو بەلگە ژی سەنەدا دەولەتبوون و جودابوونا كوردستانێ‌ یە. راستە رێگری و ئاستەنگ و نەڤیان درۆست بوون و دوژمنان هێرش ئینانە سەركوردستانێ‌، لێ‌ چ دەستكەفت و سەركەفتن د بێ‌ باج نینن، لەوما مللەتێ‌ كورد باجەكا بچویك دا لێ‌ سەركەفتنەكا دیرۆكی وەرگرت و باشترین (بەلگەنامە) ئانكو (سند) یا دەولەتبوونێ‌ وەرگرت. پرسا هەرە ترسناك د ڤێ‌ پرسا هەستیار دا كو پرسا ریفراندۆمێ‌ یە هندەك لایەن و كەسێن كورد ب خۆ بۆقا سەركەفتنێ‌ بۆ دوژمنێن مللەتێ‌ كورد لێ‌ ددان و پرۆپاگندە و راگەهاندن بۆ دوژمنان دكرن و خۆ كرنە شوینگر و نوونەرێن وان ل هەرێما كوردستانێ‌ و هندەك بووینە نوونەرێن ئیخوان مسلمین و هندەك ببوونە نوونەرێن سەفۆییان و هندەك ببوونە نوونەرێن ئوسمانییان و هندەك ببوونە نوونەرێن شیعیان و هندەك ببوونە نوونەرێن سۆشیالیست و كۆمۆنیستان و هندەك ببوونە نوونەرێن كریستیانان و هەر ئێك ژ ڤان زمانەكێ‌ تایبەتێ‌ راگەهاندنێ‌ هەبوو و ب ئاشكەرایی راگەهاندنا خۆ ئەنجامددا. زۆر جاران دلێ‌ مە ب مللەت و وەلاتێ‌ مەڤە دسۆژیت و ئەم رەشی سپی دكەین و سپی رەش دكەین و هەمی لایەن و پارتێن كوردستانی ب شاشی ل قەلەم ددەین، ئەڤە هەمی دەرئەنجامێن وان پیلان و فشارێن دوژمنانە یێن ل سەر مللەتێ‌ مە هاتینە سەپاندن و ئەو خەبات و شۆرش و بەرخۆدان و نەرازیبوون و بەرسینگرتنا دوژمنان و فیداكاری و خۆگوریكرن و ئەشكەنجە، زیندان، ئەنفال و ئاوارەیی هەمی هاتینە ژبیركرن، هەروەكی مە مێشكێ‌ خۆ فۆرماتكری یان نەخۆشییا بەرزەبوونا هزر و بیران ل جەم پتریا مللەتێ‌ مە پەیدابوویە. لەوما دبێژم بلا مەژی مینا هەمی مللەتێن جیهانێ‌ وەلاتەك سەربەخۆ هەبایە و خیچێن سنوورێ‌ مە د دیار و پێشچاڤبانە ل ناڤەند و د نەخشەیێ‌ جیهانێ‌ دا هاتبانە چەسپاندن و وەلاتێ‌ من سەربەخۆیا خۆ هەبایە و ئالایێ‌ جوانێ‌ كوردستانێ‌ تێدا هاتبا هەژاندن و هەمی مەرج و پێدڤی و هێزا دەولەتینیێ‌ ل جەم مللەتێ‌ كورد هەبانە كو ل بن گەفا چ لایەن وەلاتان نەباینە بلا (عەلی یان محەمەد یان ئازاد یان سەركەفت) ببانە سەرۆك یان ژی هەر لایەنەكێ‌ سیاسی چ ئیسلامی و ئیسلاما سیاسی یان كۆمۆنیست و سۆشیالیست یان دیموكراتخواز كو ب رێكا سندۆقێن دەنگدانێ‌ و پرۆسەیا هەلبژارتنان دەستهەلات وەرگرتبا، بێگومان دا ئەم هەمی بۆ وی لایەنی یان كەسایەتی بینە سەرباز و خزمەتا وەلاتێ‌ خو كوردستانێ‌ كەین. ل دوماهیێ‌ دبێژم ب تنێ‌ ریگەچارە ئەڤەیە كو ئەم بەرەڤ سەرخوەبوون و راپرسیێ‌ ڤە بچین و ئەگەر دەهان جارێن دی راپرسی و ریفراندۆم بهێتەكرن بلا ئەم كورد دەنگی ب بەلێ‌ بدەین و رێژەكا هەر زۆر بدەستڤە بینین و بتنێ‌ ئەڤەیە زامنێ‌ وێ‌ چەندێ‌ كو ب مافێن خۆ شاد بین و ژ بن گەف و منەتێن دوژمنان دەركەڤین و جڤاكا جیهانێ‌ ب ئەنجامێن راپرسییان سەرسۆرمان بكەین و ئەنجامێن ریفراندۆما سالا (2017) بوونە مەسجەكا ب هێز بۆ رایا گشتی یا جیهانی كو مللەتێ‌ كورد مللەتەكێ‌ رەوشەنبیر و سیاسی و زاناینە و حەز ژ جودابوونێ‌ دكەت و بلا كورد ژی مینا وەلاتێن جیهانێ‌ بێ‌ بەهر نەبن ژ وەرگرتنا مافێن رەوایین خۆ و بلا ئەنجامێن ریفراندۆمێ‌ یا هەرێما كوردستانێ‌ ومللەتێ‌ كورد ببیتە كەتوارەكێ‌ بەرچاڤ بۆ هەمییان و دێ‌ د پێشەرۆژێ‌ دا جڤاكا ناڤدەولەتی ژی پشتبەستن و كاری ل سەر ئەنجامێن ریفراندۆمێ‌ كەت و دێ‌ كوردستان سەربەخۆ بیت, دەنگێن بەلێ‌ یێن رێژەیا پتر ژ (90%) بووینە تیرێن ژەهراوی بۆ ناڤچاڤێن دوژمنان و بلا كورد مینا تەڤایا وەلات و مللەتان ب دەولەتا خۆشاد ببن.

]]> https://rojnameyaevro.com/ku/%da%95%db%8c%d9%81%d8%b1%d8%a7%d9%86%d9%80%d8%af%db%86%d9%85-%d9%88-%d9%83%d9%80%d8%a7%d8%b1%d9%88%d8%a7%d9%86%d9%80%db%8e%e2%80%8c-%d8%af%db%95%d9%88%d9%84%d9%80%db%95%d8%aa%d8%a8%d9%88%d9%88%d9%86-2/253413/feed/ 0 ڕیفرانـدۆم و كـاروانـێ‌ دەولـەتبوونـێ‌ https://rojnameyaevro.com/ku/%da%95%db%8c%d9%81%d8%b1%d8%a7%d9%86%d9%80%d8%af%db%86%d9%85-%d9%88-%d9%83%d9%80%d8%a7%d8%b1%d9%88%d8%a7%d9%86%d9%80%db%8e%e2%80%8c-%d8%af%db%95%d9%88%d9%84%d9%80%db%95%d8%aa%d8%a8%d9%88%d9%88%d9%86/253252/ https://rojnameyaevro.com/ku/%da%95%db%8c%d9%81%d8%b1%d8%a7%d9%86%d9%80%d8%af%db%86%d9%85-%d9%88-%d9%83%d9%80%d8%a7%d8%b1%d9%88%d8%a7%d9%86%d9%80%db%8e%e2%80%8c-%d8%af%db%95%d9%88%d9%84%d9%80%db%95%d8%aa%d8%a8%d9%88%d9%88%d9%86/253252/#comments Tue, 30 Sep 2025 06:34:19 +0000 https://rojnameyaevro.com/ku/?p=253252 خـالد ئەحمەد بـادی

ریفراندۆم د فەرهەنگا سیاسی دا ئانكو بدەستڤەئینانا مافێن تاك و مللەتان, ریفراندۆم ئانكو گشتپرسی یان ڕاپرسی مافەكێ‌ رەوایە بۆ هەر تاكەكی ل هەمی جڤاكێن ل كۆژیین جیهانێ‌، ب تایبەت وان نەتەوە و مللەتێن بێ‌ بەهر ژ ڤان مافان. ڕاپرسی ئانكو بدەستڤەئینانا مافەكێ‌ بەرزە و نە د هەبوونێ‌ دا, ڕاپرسی دیرۆكەكا زۆر دویر و درێژ ل سەرانسەری جیهانێ‌ هەیە و ل پتریا وەلاتێن د ڤی گەردۆنی دا ئامرازەكێ‌ دی ژ وان ئامرازین سەردەم یێن كو مافان بۆ خودانان دزڤرینن ب رێكا قانوونێ‌ و دبێژنە كریارا ناڤبری دیموكراسیەتا راستەوخۆ و ب درێژیا دیرۆكێ‌ كوردستان و مللەتێ‌ كورد بێ‌ بەهر بوویە ژ ڤی مافی و بووینە ئارمانجا تیرێن دوژمنان، ب تایبەت تیرێن ژەهراوی یێن وەلاتێن هەرێمی و كەفتیە بەر دویربینا وەلاتێن رۆژئاڤا و عەرەبی كو بەردەوام بادەكێن مەزن و بەرفرەه ل سەر كوردستانێ‌ ڤەدكەن و هەولددان ب هەمی هێز و شیانێن خۆ كرینە كو رەوشا ئاراما كوردستانێ‌ تێك دابا و دوژمنان هەر جارەكێ‌ ب بهانەیەكێ‌ هێرش كرینە سەر كوردستانێ‌، جاران ب تۆپبارانكرن و بەزاندنا لەشكری و جاران ژی ب هنارتنا سیخۆرێن هەوالگێریێ‌، جاران ژی ب هەلوەستێن دوژمنكاری و چێكرنا نۆكەران ل ناڤ وەلاتێ‌ مەدا و جاران ب گرتن و زیندان و كیمیاوی و مۆشەكێن عنقودی و ناپالم جاران ژی ب رێكێن جودا جودا و ل ڤی سەردەمی ب رێكێن ئابۆری و دارایی و برسیكرنا خەلكێ‌ كوردستانێ‌ یێ‌ سڤیل و بێگونەه و جاران ژی ب بەرنامەیێن ڤەشارتی و سۆشیال میدیا و راگەهاندنێ‌، لێ‌ ل ڤێ‌ قۆناغێ‌ ب بەرنامەیێ‌ ئابۆری و دارایی كو كێمترین مافێن رەوا یێن وەلاتیێن كوردستانێ‌ دبرن كو مووچە و بودجا هەرێما كوردستانێ‌ یە و… هتد. بتنێ‌ بەرنامە و ئاراستەیا دوژمنان ئەوبوو كو ناڤێ‌ كوردستانێ‌ نەهێلن و جارەكا دی بێخنە ژێر كونترۆلا خۆ و دەستهەلاتی ل سەر مە بگێرن و كورد ببنە بەند و كۆلێن وانان و ب كەیفا خۆ مامەلێ‌ ل گەل مللەتێ‌ مە ل كوردستانێ‌ بكەن و هەمی دەستهەلاتدارێن ل ئیراقێ‌ دەستهەلات وەرگرتی، ئێك تمامكەرێن یێن دی بوون ژبۆ پەیرەوكرنا وێ‌ دوژمنكاریێ‌ یێ‌ ئەوێ‌ بەراهیا خۆ كری, هەمی قۆناغێن سەخت و نەخۆش هاتنە برین، هەتاكو گەهشتیە قۆناغا سەرهلدانێ‌ و نەمانا دكتاتۆران و هاتنا دەستهەلاتەكێ‌ دی كو هەڤچەپەر بوون ل گەل مللەتێ‌ كورد دا و وەسا هزر دهاتەكرن كو دێ‌ سیاسەتەكا نوی و براینی و ئێكرێزی و دۆستایەتیێ‌ پەیرەو كەن لێ‌ وە دیارە قەدەرا مللەتێ‌ كوردە كو تەڤایا دەستهەلاتدارێن ئیراقێ‌ هەر ئێك ئەقلیەت و ئێك هزر و سەربۆر هەنە و نەشێن لادەن ژ سەر دوژمناتیێ‌ و هەمەجیەت و هۆڤایەتیێ‌ بەرانبەر مللەتێ‌ كورد و هەتاكو گەهشتیە قۆناغا نوكە ژی ئەم تێدا هەر وان دەستهەلاتان ژی یێن نوكە مینا یێن بەریكا خۆ مامەلە ل گەل دۆزا كوردی یا رەوا و حوكمەت و مللەتێ‌ كورد كرن و وان كورد نەچاركرن كو سەحكەنە هندەك رێكێن دی یێن كو تێدا گەرەنتییا مافێن مللەتێ‌ كورد بكەت و رەوشا مللەتێ‌ كورد ئارام و تەنا ببیت و ئێك ژڤان رێكا ئەڤەیە كو ڕاپرسی بهێتەكرن و مافێ‌ چارەنڤێسێ‌ مللەتێ‌ كورد بهێتە دیاركرن و گەرەنتیكرن و مللەتێ‌ كورد ب خۆ دەستهەلات و پێشەرۆژا خۆ هەلبژێریت و بەرپابكەت و بێژیت بەلێ‌ بۆ ریفراندۆمێ‌ و بەلێ‌ بۆ جودابوونێ‌ و بەلێ‌ بۆ دەولەتبوونێ‌, ئەگەر ئەڤ پرسا گرنگ و هەستیار هاتە پێش، بێگومان دێ‌ ئابۆرێ‌ كوردستانێ‌ پێشكەڤیت و هێزا مە بهێزتر كەڤیت و رەوشا مللەتێ‌ كورد و كوردستانێ‌ دێ‌ بەر ب ئاسۆیین گەش ڤە چیت و پێگەها كوردستانێ‌ و مللەتێ‌ كورد دێ‌ بهێزتر كەڤیت, نوكە و د ڤێ‌ قۆناغێ‌ دا پرسا ریفراندۆم گەهشتیە ناڤەندێن بلندێن جیهانێ‌ و قۆناغا دوماهیێ‌ كو راپرسی هاتە راگەهاندن و هاتە ئەنجامدان ل رۆژا (25/9/2017), ئەڤ رۆژە بوویە رۆژەكا بریسقەدار وبویە رۆژەكا نوی دژیان ودیروكا كوردان دا وب حەزا خو ب رێژا پتر ژ (90%) گشت پرسی هاتە ئەنجامدان و ب رێژەكا نێزیكی 100% ژ مللەتێ‌ كورد گۆت بەلێ‌ بو سەرخوەبوونێ‌ و جودابوونێ‌.

]]> https://rojnameyaevro.com/ku/%da%95%db%8c%d9%81%d8%b1%d8%a7%d9%86%d9%80%d8%af%db%86%d9%85-%d9%88-%d9%83%d9%80%d8%a7%d8%b1%d9%88%d8%a7%d9%86%d9%80%db%8e%e2%80%8c-%d8%af%db%95%d9%88%d9%84%d9%80%db%95%d8%aa%d8%a8%d9%88%d9%88%d9%86/253252/feed/ 0 راسـتی دی شێت قـانـوونێن سـروشتی گـوهـۆڕیت https://rojnameyaevro.com/ku/%d8%b1%d8%a7%d8%b3%d9%80%d8%aa%db%8c-%d8%af%db%8c-%d8%b4%db%8e%d8%aa-%d9%82%d9%80%d8%a7%d9%86%d9%80%d9%88%d9%88%d9%86%db%8e%d9%86-%d8%b3%d9%80%d8%b1%d9%88%d8%b4%d8%aa%db%8c-%da%af%d9%80%d9%88%d9%87/252664/ https://rojnameyaevro.com/ku/%d8%b1%d8%a7%d8%b3%d9%80%d8%aa%db%8c-%d8%af%db%8c-%d8%b4%db%8e%d8%aa-%d9%82%d9%80%d8%a7%d9%86%d9%80%d9%88%d9%88%d9%86%db%8e%d9%86-%d8%b3%d9%80%d8%b1%d9%88%d8%b4%d8%aa%db%8c-%da%af%d9%80%d9%88%d9%87/252664/#comments Tue, 16 Sep 2025 23:13:56 +0000 https://rojnameyaevro.com/ku/?p=252664 خـالد ئـەحمەد بـادی

ل دەمێ‌ من لێنێرینەك ل ناڤەرۆكا سۆشیال میدیایێ‌ و ئەكاونت و پەیچان دكر؛ من دیمەنەكێ‌ بال كێش و سەیر دیت, ئەو دیمەن بۆ من بوو هزرەك كو بابەتەكی ل دۆر بنڤێسم، مەرەم ژ نڤێسینا بابەت و گۆتاران بۆ دیاركرنا راستییان و گەهاندنا پەیام و پێزانین و چاكییانە, ئەو كورتە ڤیدیۆ دیار دكەت كو ئەلهۆیەك یان بالندەكێ‌ شاهین یێ‌ ب هێز هێرشی مریشكەك و چیچەلۆكێن وێ‌ دكەت كو دبێژنێ‌ (كورككا مریشكێ‌ ). لێ‌ مریشك ئانكو كوركا مریشكێ‌ ب هەمی هێزا خۆ بەرگریێ‌ دكەت خۆ و چیچەلۆكێن خۆ دپارێزیت و ل دوماهیێ‌ ئەو هێزا بچویك یا لاواز ل سەر وێ‌ هێزا مەزن و بهێز سەردكەڤیت, ئەڤی دیمەنە بیرا مە ل زۆر رابردوو و مللەت و هەلوەستێن مرۆڤان ئینان، ل دەمێ‌ هێرش هاتینە سەر وەلات و خاكێ‌ وان ئێكسەر خۆ رادەست دكر و چ بەرگری نەكرن و ل دوماهیێ‌ تەسلیمی دوژمنان دبیت، لێ‌ ئەڤە وێ‌ چەندێ‌ دیار دكەن كو مللەت یان وەلات وتاك ئەگەر ل سەر راستیێ‌ بن، بێگومان دێ‌ سەركەڤیت بەرانبەر چ هێزا جیهانێ‌ بیت , لێ‌ ئەگەر مللەت یان وەلات یان تاك ل سەر شاشیێ‌ بن بێگومان دێ‌ شكەستن بەهرا وان بیت . دو نموونە گرێدایی گۆتارا مە، نموونەیا ئێكێ‌ گرێدایی ناڤخۆیی و شۆرشێن كوردان ل كوردستانا باشور ل سالێن شێستان حوكمەتا ئیراقێ‌ یا وی سەردەمی سۆپایێن ئیراق، لیبیا، ئوردون و سووریێ‌ و فەلەستین و چەندین سوپایێن وەلاتێن دی ئینابوونە سەر كوردستانێ‌ و شەڕێ‌ كوردان دكر، لێ‌ چونكو خودێ‌ ژێ‌ رازی مەلا مستەفا بارزانی ل سەر راستیێ‌ بوو و شۆرشێن كوردان و مللەتێ‌ كورد سەركەفتن ل سەر ڤان هەمی سۆپایان ئینا و كورد بسەركەفتن و دوژمن و داگیركەر شكەستن .نموونەیا دووێ‌ یا بچویك یا جیهانی دەمی ئەمریكا كو مەزنترین هێزا جیهانێ‌ بوو ل وی سەردەمی ڤیێتنام داگیر كری و دەستهەلاتێ‌ خۆ لێ‌ گێرا و كۆنترولا هەمی دەزگەه و ناڤەندێن ڤیێتنامێ‌ كرن، لێ‌ چونكو ڤیێتنامی ل سەر راستیێ‌ بوون، ئێكسەر ئەو هێزا بچویك و لاواز یا ڤێتنامی ل سەر مەزنترین هێزا جیهانێ‌ بسەركەفت كو ئەو بوو ڤیێتنام ل سەر ئەمریكا سەركەفت . ل ڤێرە ئەگەر ئەم هزركرنەكێ‌ بكەین دێ‌ بۆ مە دیار بیت كو ئەگەر ئەم هەڤدو بگرین و هەر دیسا ب راستی كار بكەین و دلسۆزیێ‌ د هەمی كاران دا بكەین بێگومان دێ‌ سەر كەڤین لێ‌ ئەگەر ئەم ل سەر شاشییان بین و حەز ژ وەلات و مللەتێ‌ خۆ نەكەین، بێگومان دێ‌ شكەستن بەهرا هەر مللەت و تاكەكی بیت. مە مانشێتێ‌ گۆتارا خۆ وەسا دیاركریە كو یێ‌ ل سەر راستیێ‌ بیت چەندێ‌ بێ‌ هێز بیت دێ‌ شێت یاسایێن سروشتی گوهۆریت. ل دوماهیێ‌ دیار كەین كو ئەگەر مار راست نەبیت ناچیتە د كونا خۆڤە, پەیاما مە بۆ مە و بۆ هەمییان فەرە باوەریێ‌ بدەینە خۆ و ب دلسۆزی كار بكەین بێگومان ئەو باوەری دێ‌ بیتە هێز و ئەو هێز دێ‌ ب سەركەڤیت.

]]> https://rojnameyaevro.com/ku/%d8%b1%d8%a7%d8%b3%d9%80%d8%aa%db%8c-%d8%af%db%8c-%d8%b4%db%8e%d8%aa-%d9%82%d9%80%d8%a7%d9%86%d9%80%d9%88%d9%88%d9%86%db%8e%d9%86-%d8%b3%d9%80%d8%b1%d9%88%d8%b4%d8%aa%db%8c-%da%af%d9%80%d9%88%d9%87/252664/feed/ 0 هـەیڤا (8) و ئـەنـفالا (8) و سالا هـەشتێ‌ و هەشتێ‌ https://rojnameyaevro.com/ku/%d9%87%d9%80%db%95%db%8c%da%a4%d8%a7-8-%d9%88-%d8%a6%d9%80%db%95%d9%86%d9%80%d9%81%d8%a7%d9%84%d8%a7-8-%d9%88-%d8%b3%d8%a7%d9%84%d8%a7-%d9%87%d9%80%db%95%d8%b4%d8%aa%db%8e%e2%80%8c-%d9%88-%d9%87/252092/ https://rojnameyaevro.com/ku/%d9%87%d9%80%db%95%db%8c%da%a4%d8%a7-8-%d9%88-%d8%a6%d9%80%db%95%d9%86%d9%80%d9%81%d8%a7%d9%84%d8%a7-8-%d9%88-%d8%b3%d8%a7%d9%84%d8%a7-%d9%87%d9%80%db%95%d8%b4%d8%aa%db%8e%e2%80%8c-%d9%88-%d9%87/252092/#comments Tue, 09 Sep 2025 10:50:06 +0000 https://rojnameyaevro.com/ku/?p=252092 خالد ئەحمەد بادی

دەمێ‌ دبیتە هەیڤا هەشت كو هەیڤا تەباخێ‌ یە ل هەر سال بیرا مە ل هەوێن ئەنفالان یێن رەشتاری دهێت وئەو هەمی كارەسات و نەهامەت و دەردەسەری یێن ب سەرێ‌ مللەتێ‌ كورد ئیناین ل بیرا مە دهێن, هەروەسا ل هەیڤا هەشتا هەر سالەكێ‌ ئەو دیمەنێن ئەنفال ئاوارەیی و جینۆساید رەڤین و رەوشێن خراب و ترسناك مینا كەڤالەكێ‌ نەخشاندی یان ژی مینا شاشەكا مەزن یا سینەمایێ‌ ئەو هەمی دیمەنێن نەخۆش و ب ترس و سەهم و كەشەفڕێت و دیمەنێن كوشتن و گرتن و چەكێ‌ كێمیاوی و بومبێن (عنقودی) و ناپالم و هێرشێن جێش و جاشان و هێرشێن فرۆكەیێن هەلیكۆپتر و فرۆكەیێن كارتۆنی و یێن سەمتی و راجیمە و تۆپ و تانك و مۆشەكێن جودا جودا هتد.. دهێنە پێش چاڤێن هەر كوردەكێ‌ دلسۆز و شۆرەشگێر و خەباتكەر كو ژیانا باژێرێن پاتان ل چادرگەهین مێردین و بەحركێ‌ و ل دەشت و بیابانێن كو خانیێن وان بانێ‌ وانان ئاسمان و بنێ‌ خانێ‌ ئەرد و تەقن و تۆز و ستری. ئەگەر هزكرنەكێ‌ دهەوێن ئەنفالێن رەشتاری یێن حوكمەتێن ئیراقێ‌ ب سەرێ‌ مللەتێ‌ كوردێ‌ جوامێر و بێ‌ گونەه دا ئیناین كو هەشت هەوێن ئەنفالان بوون, یا دروست و راست هەردەم حوكمەتا ئیراقێ‌ ئەنفال ب سەرێ‌ كوردان دئینان كو د هەمی قۆناغان دا لێ‌ د سۆردار بوون یان ژی ل هندەك دەڤەر و جهان بوون یان ئەنفالێن تایبەت بوون كو گرێدایی پرسەك یان وارەكێ‌ دەستنیشان كری بوون. لێ‌ ئەنفالا كو دبێژنێ‌ خاتیمە ژمارا وێ‌ ئەنفالا (8) هەشتێ‌ بوو و هەیڤا (8) بوو و ل سالا (88) ئانكو سالا (1988) بوو د ڤێ‌ ئەنفالێ‌ دا دوژمنان كەرب و كینا خۆیا پەنگاندی دارێتە سەر كوردان و كوردستانێ‌ و مینا هۆڤەك
مەزن و درندە و مینا گورگێن دەڤبخووین هێرش كرنە سەر كوردان و كوردستان هەمی وێرانكرن و باغ و بیستان و زەڤی و رەز هەمی سۆتن و خەلك گرتن و برنە دكەلهە و ئاخۆر و زیندان سەربازگەهان دا و هێلان برسی و تێهنی و كەرامەت و شەڕەفا كوردان ژی ژێ ستاندن و خوینا خەلكی رێشت بێ‌ و دلۆڤانی و گونەها كوردان ب تنێ‌ كو كورد بوون و ب كوردی دئاخفتن. دۆزا ئەنفالان مایە هەلاویستی، بەلكو هاتیە ژبیركرن و پشتگوه هاڤێتن و هەمی ئاوارە كۆمەتا ئیراقێ‌ قەرەبۆكرن و دۆزێن وان تەمام كرن و بادەكێن وانان سافی كرن مینا ئاوارێن كەمپا (الرفحە) ل سعوودی بوون كو شیعە مەزهەب بوون و ل ئاوارەیێ‌ نەبوون، بەلكو ژیانەكا شاهانە دبرە سەر حوكمەتا ئیراقێ‌ قەرەبوویێن خەیالی و زۆر مەزن دانێ‌ و چەندی د ژیانێ‌ دا بن دێ‌ كۆژمێن مەزن ب سەدان ملیۆنەهان مینا مووچەیی وەرگرن ژ ئیراقێ‌ و ئەو كرە بریار و چەسپاندن, لێ‌ ئاوارێن كوردان هیچ كوژمە و قەرەبوو وەرنەگرتینە، بەلكو دانپێدانێ‌ ژی ب دۆزا ئەنفال و ئاوارەیا كوردان ناكەن و بادەكا قەرەبۆ و ئەنفال و جینۆسایدێ‌ ب تەمامی یا هاتیە گرتن ژ لایێ‌ كۆمەتا ئیراقێ‌ ڤە. لەوما فەرە حوكمەت ولایەنێن سیاسی ومللەتێ‌ كورد ل هەرێما كوردستانێ‌ ب هەڤرا كار بكەن و پلانەكا ب هێز و خورستی دانن ژبۆ بەرز راگرتن و خۆمالیكرنا دۆز و بادەكا ئەنفال و ئاوارەیی و جینۆسایدا كوردان و بەلگەیێن پێدڤی و ب هێز كۆم ڤە بكەن و بدەنە دادگەهێ‌ و كومەلگەها ناڤدەولەتی و دۆزا كوردان دۆزا ئەنفال و ئاواەریی و جینۆسایدا كوردان بكەن دۆزەكا سەرتاسەری و دانپێدانێ‌ پێ بكەن و كورد ب مافێن خۆ شاد ببن و تاوانبار بگەهنە خلفا سێدارێ‌ و قەرەبۆیا هەمی ئەنفالبۆیان بهێتەدان كورد ببنە خودان دەولەت.

]]> https://rojnameyaevro.com/ku/%d9%87%d9%80%db%95%db%8c%da%a4%d8%a7-8-%d9%88-%d8%a6%d9%80%db%95%d9%86%d9%80%d9%81%d8%a7%d9%84%d8%a7-8-%d9%88-%d8%b3%d8%a7%d9%84%d8%a7-%d9%87%d9%80%db%95%d8%b4%d8%aa%db%8e%e2%80%8c-%d9%88-%d9%87/252092/feed/ 0