Rojnameya Evro » مەتین وەرمێلی https://rojnameyaevro.com/ku Tue, 28 Apr 2026 21:45:36 +0000 ar hourly 1 https://wordpress.org/?v=4.0.38 كـوردسـتان رەهـا ڕزگـاربوونـا ئـابـووری يه https://rojnameyaevro.com/ku/%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d8%b1%db%95%d9%87%d9%80%d8%a7-%da%95%d8%b2%da%af%d9%80%d8%a7%d8%b1%d8%a8%d9%88%d9%88%d9%86%d9%80%d8%a7-%d8%a6%d9%80%d8%a7%d8%a8%d9%80/262008/ https://rojnameyaevro.com/ku/%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d8%b1%db%95%d9%87%d9%80%d8%a7-%da%95%d8%b2%da%af%d9%80%d8%a7%d8%b1%d8%a8%d9%88%d9%88%d9%86%d9%80%d8%a7-%d8%a6%d9%80%d8%a7%d8%a8%d9%80/262008/#comments Mon, 27 Apr 2026 22:08:18 +0000 https://rojnameyaevro.com/ku/?p=262008 مەتین وەرمێلی

ئەو مەترسیا هەردەم بەحس لێ دهاتەكرن، بوو واقیع. ژناڤبرنا گەمییێن نەفتا ئیراقێ و گرتنا تەنگێ هورمز، ئیراق و جیهان بەرانبەر قەیرانەكا بێ وێنە ڕاوەستاندن. حوكمەتا ئیراقێ ل شوینا كو ل سەر پیێن خۆ ڕاوەستیت، خۆ هاڤێتبوویە بن بالێ وەلاتێن دەوروبەر و ئەجێندایێن وان جێبەجێ دكرن؛ ڤێ چەندێ ب ڕەنگەكێ ب كریار سەلماند كو پشتبەستن ب تەكتیكێن هەرێمایەتی، بتنێ شكەستن و وێرانكاری بۆ ئیراقێ بدەستڤەئینا.
پشتی ژناڤچوونا ڕێكا ئاڤی، ئێدی چ دەلیڤە بۆ بەغدا نەماینە، بتنێ ڤەگەریان بۆ لایێ هەرێمێ و بهێزكرنا بۆڕیێن نەفتا كەركووكێ بۆ بەندەرێ جیهان ل توركیا نەبیت. ئەڤ ڕێكا كو د دلێ ئاخا كوردستانێ ڕا دەرباز دبیت، نوكە بوویە «شڕیانا ژیانێ» بۆ هەمی ئیراقیان. ڤێ ڕویدانێ ب هێزەكا سیاسی یا مەزن كارتەكا فشارێ‌ دایە دەستێ هەرێما كوردستانێ، دا كو مەرجێن خۆ یێن دەستووری و نەتەوەیی ل سەر بەغدا بچەسپینیت.
ئەو هێزێن وەك حەشدا شەعبی كو ب فەرمانا دەرەكی كار دكر، نوكە د بن بارێ ڤێ كارەساتێ دا بێدەنگ بووینە؛ ب تایبەت كو ئەمریكا ژی بەردەوام بنگە و كۆگەهێن وان یێن چەك و تەقەمەنیان بوردۆمان دكەت و ژناڤدبەت. لاوازبوونا ڤان هێزان و شكەستا وان «خۆفرۆشێن» بەری نوكە ئاخا كوردستانێ دفرۆتن، دەلیڤێ بۆ هێزێن مە یێن نیشتمانی خۆش دكەت كو پتر ژ هەر دەمەكی وەك پارێزەرێن ڕاستەقینە د چاڤێ جیهانێ دا دەربكەڤن. كێ نوكە جورئەت هەیە هێرشێ ل هەرێمێ بكەت، دەما جیهان هەمی ل هیڤیا وزەیا ڤێ ئاخێ بیت؟
سیاسەتا حەكیمانە یا هەرێما كوردستانێ د قووناغا بهێت دا، دێ پتر جەختێ ل سەر ڤەگەراندنا دەڤەرێن كوردستانی یێن دەرڤەی ئیدارەیا هەرێمێ كەت. لاوازبوونا هێزێن سەپاندی ل ڤان دەڤەران، دەلیڤێ بۆ دیالۆگەكا ب هێزتر دگەل بەغدا و جیهانێ خوش دكەت تا مافێن مە یێن مێژوویی و جوگرافی ب فەرمی بچەسپینن. ئێدی چ ئاستەنگ ل پێش ڤەگەراندنا كەركووك و دەوروبەرێن وێ بۆ باوەشا هەرێمێ نەماینە.
سەرەدەریا وەلاتێن زلهێز ل گەل كوردستانێ ل سەر بنەمایێ بەرژەوەندیێن ستراتیژی یە. جیهان باش دزانیت كو كوردستان «دلێ ڕۆژهەلاتا ناڤەڕاستە». پاراستنا ڤێ هەرێمێ وەك قەوارەیەكێ ئارام و خۆدان ئینێرجی، گرەنتیا نەهێلانا تیرۆرێ و پاراستنا هەڤسەنگیا هێزێ یە ل دەڤەرێ. هەرێما كوردستانێ ئێدی نە بتنێ پارێزەرا ئاخا خۆیە، بەلكو كلیلا ئارامیا جیهانێ یە.
قووناغا نوو، قووناغا ب هێزبوونا نەتەوەیی و گۆهوڕینا كوردستانێ یە بۆ شڕیانا سەرەكی یا ووزێ د جیهانێ دا. هەرێما كوردستانێ ب ئیرادەیا گەلێ خۆ و سیاسەتەكا ژیر، دێ بەر ب ئاسۆیەكی چیت كو تێدا چ هێز نەوێرن چاڤێ تەماعێ ببەنە ئاخا وێ.

]]> https://rojnameyaevro.com/ku/%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d8%b1%db%95%d9%87%d9%80%d8%a7-%da%95%d8%b2%da%af%d9%80%d8%a7%d8%b1%d8%a8%d9%88%d9%88%d9%86%d9%80%d8%a7-%d8%a6%d9%80%d8%a7%d8%a8%d9%80/262008/feed/ 0 نەخۆشییا خۆنیشادانێ https://rojnameyaevro.com/ku/%d9%86%db%95%d8%ae%db%86%d8%b4%db%8c%db%8c%d8%a7-%d8%ae%db%86%d9%86%db%8c%d8%b4%d8%a7%d8%af%d8%a7%d9%86%db%8e/261774/ https://rojnameyaevro.com/ku/%d9%86%db%95%d8%ae%db%86%d8%b4%db%8c%db%8c%d8%a7-%d8%ae%db%86%d9%86%db%8c%d8%b4%d8%a7%d8%af%d8%a7%d9%86%db%8e/261774/#comments Sat, 25 Apr 2026 22:18:16 +0000 https://rojnameyaevro.com/ku/?p=261774 مەتین وەرمێلی

د جیهانا ئەڤرۆ دا، جڤاكێ مە تووشی نەخۆشییەكا مەترسیدار بوویە كو ئەم دشێین بێژینێ (بەریكانەیا خۆنیشادانێ) مە سادەییا ژیانێ یا ڕەسەن بەرزە كرییە و ل شوینا وێ، ئەم یێن بووینە ئاولدەیێن شاشەیێن مۆبایلان، ئەڤرۆ پتریا مە نە بۆ دلێ خۆ، بەلكو بۆ چاڤێن خەلكی دژین.
ئەڤ دیاردەیە ب ڕەنگەكێ زەق د هەمی قۆناغێن ژیانێ دا ڕەنگ ڤەددەت، ژ نیشانی و دەواتێن VIP دەست پێدكەت، كو تێدا بهایێ مرۆڤی ب گرانیا زێڕی و گرانیا دیارییان دهێتە پیڤان، نەك ب رەوشت و گونجانا دو دلان، مال ل سەر مالان دهێنە وێرانكرن بتنێ دا كو نیشانییا وان ژ یا هەڤال و خزمان كێمتر نەبیت، پاشی ئەڤ عەقلییەتە دچیتە د ناڤ تازی و خەمێن مە دا، تازییا كو دڤیا جهێ مرۆڤاتی و تێڕامانێ بیت، یەكسانی بالا خۆ بسەر مروڤایەتیێ دا بكێشیت، نوكە بوویە هۆلەكا نبشادانێ‌ بۆ دیاركرنا كورسی و خوارنێن تایبەت، لێ مخابن، ئەڤ پەتایا نیشادانێ‌ ل ڤێرە نا ڕاوەستیت، نوكە هەكە خێزانەك بچیتە سەیرانەكێ، ل شوینا كو خۆشیێ ژ هەوایێ پاقژ و كومبوونا خێزانێ وەرگرن، هەموو مژوولی ڕێكخستنا سفرەیەكا دیزاین كرینە دا كو وێنە بكەن، خوارن و ڤەخوارن ئێدی نە بۆ تێركرنا زكێ برسی یە، بەلكو بۆ ڕازاندنا (ستۆریێن) سناب و ئینستاگرامی یە.
هەتا جلوبەرگ و ناڤمالییا مە ژی ژ بەریكانەیا خەلكی قورتال نەبوویە، مرۆڤ هەیە ناڤمالییا خۆ دگوهۆڕیت نە چونكی یا كەڤن بووی، بەلكو ژبەر كو دڤێت نووترین مۆدێل ل دەف وی بیت دا كو ل بەرامبەر خەلكی كێم دیار نەبیت.
ئەڤە وێرانكارییەكا هزری و كلتۆری یە، دەمێ‌ ناڤەرۆك نەمینیت و بتنێ بەرگ دبیتە پیڤەر، جڤاك تووشی شكەستنەكا دەروونی دبیت،مە كەرەستە كرینە پیڤەر بۆ ڕێزگرتنێ، ل شوینا كو ڕەوشت و زانین ببنە بنیات.
ئەرێ بۆچی هوسا ل مە هات؟ چونكی مە باوەری ب خۆ نەمایە و دڤێت ب تشتێن گرانبەها، وێ ڤالاهیا ناخێ خۆ پڕ بكەین و دەم یێ هاتی ئەم بزانین كو ڕێزا مرۆڤی د هزر و ڕەوشتێن وی دایە، نە د وێ (ماركێ) دایە یا كو ل بەر خۆ دكەت، یان وێ سفرەیا ڕازاندی یا كو بتنێ بۆ وێنەكێ دانای، ژیان ب سادەیی جوانە و مرۆڤاتی ب دلسۆزیێ بلند دبیت، نە ب نیشادانێن VIP یێن كو بتنێ دیواران د ناڤبەرا مە دا بلند دكەن.

]]> https://rojnameyaevro.com/ku/%d9%86%db%95%d8%ae%db%86%d8%b4%db%8c%db%8c%d8%a7-%d8%ae%db%86%d9%86%db%8c%d8%b4%d8%a7%d8%af%d8%a7%d9%86%db%8e/261774/feed/ 0 سۆشیال مـەدیـا و «هێزا نەرم» https://rojnameyaevro.com/ku/%d8%b3%db%86%d8%b4%db%8c%d8%a7%d9%84-%d9%85%d9%80%db%95%d8%af%db%8c%d9%80%d8%a7-%d9%88-%d9%87%db%8e%d8%b2%d8%a7-%d9%86%db%95%d8%b1%d9%85/261075/ https://rojnameyaevro.com/ku/%d8%b3%db%86%d8%b4%db%8c%d8%a7%d9%84-%d9%85%d9%80%db%95%d8%af%db%8c%d9%80%d8%a7-%d9%88-%d9%87%db%8e%d8%b2%d8%a7-%d9%86%db%95%d8%b1%d9%85/261075/#comments Sat, 11 Apr 2026 21:51:48 +0000 https://rojnameyaevro.com/ku/?p=261075 مەتین وەرمێلی

د جیهانا ئەڤڕۆ دا، جەنگ ژ مەیدانێن كلاسیك هاتییە گوهۆڕین بۆ ناڤ شاشەیێن مۆبایلان. ئەڤرۆ مللەت ب رێكا «هێزا نەرم» بەریكانەیان دكەن، ئەو هێزا كو بێی چەك و تەقەمەنی دشێت دل و مێشكێن جیهانێ داگیر بكەت. سۆشیال میدیا نە بتنێ ئامرازەكێ كەیفخۆشیێ یە، بەلكو سەنگەرێ ئێكێ یێ ڤێ هێزێیە. پرسیارا جەوهەری ئەوە: ئەرێ مە وەك كورد ئەڤ چەكە بكارئینایە بۆ ناساندنا ناسنامەیا خۆ، یان مە كرییە دەلیڤەیەك بۆ خەندقاندنا هزرێ د ناڤ مژێ و تافهیەتێ دا؟
د نوكە دا هەر ئەكاونتەك، و هەر پۆست و هەر ڤیدیۆیەك، وەك «باڵوێزخانەیەكا» گەڕۆكە كو نوونەراتییا كولتۆرێ مە دكەت. دەما «ناڤودەنگییا بێ مفا» و بابەتێن سەرسەری دبنە ناسنامەیا مە ل ڤێ فەزایێ، ئەم وێنەیەكێ لاواز و شێلی نیشا جیهانێ ددەین. ل ڤێرێ هێزا نەرما سوشیالێ ل شوینا كو خزمەتا مە بكەت، دبیتە ئەگەرێ پاشەكێشەیا كولتۆری و بێ بهابوونا بهایێن مە یێن نەتەوەیی.
ئەرێ بۆچی بابەتێن بێ مانا پتر دبنە «ترێند»؟ چونكی ئەڤ جۆرە بابەتە پێدڤی ب ماندوبوونا مێشكی نینن. بەلێ مخابن، ئەڤە دبیتە ئەگەرێ پەیدابوونا جڤاكەكێ وەرگر كو بتنێ ل دیڤ حەزێن دەمكی دچیت، ل شوینا كو سۆشیاڵ میدیایێ بكەتە مینبەرەك بۆ «هۆشیارییا جڤاكی» و پاراستنا زمان و كلتور و فۆلكلۆرێ دەوڵەمەندێ كوردینیێ.
ل ڤێرێ پێدڤییە ئەم ژ قووناغا «كوشتنا دەمی» دەرباز ببین بۆ قووناغا «بەرهەمئینانا هزرێ». هەر پۆستەكێ تو ل سەر جوانییا ئاخێ، دیرۆكا مێرخاسیێ، یان زمانێ ڕەسەن دكەی، تو یێ پشكداریێ د ئاڤاكرنا شكۆیا نەتەوەیی دا دكەی.
بو ڤێ ژی پێدڤییە هاوڵاتی بزانن كو لایك و شێركرنا وان، جۆرەكێ دەنگدانێیە بۆ دیاركرنا ئاستێ ڕەوشەنبیرییا وڵاتی. پشتەڤانییا تشتێ ب مفا، هێزەكا مەزن ددەتە هێزا مە یا نەرم ل ئاستێ نێڤدەولەتی.
ل ڤێرێ پێدڤییە پاشەكێشەیەكێ بكەین و ل بنیاتێ كێشەیێ بگەڕیێین. ئەرێ گەنج چەوا دكەڤیتە دبن كارتێكرنا تشتێن تافهـ دا؟ بەرسڤ ل ناڤ دیوارێن خێزانێ و صەفێن قوتابخانێ دایە. خێزان ئێكەمین «فلتەرێ» پاراستنا ئەخلاقی و فكری یێ تاكەكییە. دەما دایك و باب بخۆ ل پێش چاڤێن زارۆكێن خۆ، شەڤ و ڕۆژێن دەمێ خۆ د ناڤ تشتێن بێ مانا یێن سۆشیاڵ میدیایێ دا دەرباز دكەن، نەشێن چاڤەڕێی نڤشەكێ «كتێب دۆست» بن. خێزان بەرپرسە ژ چاندنا «شێوازەكێ پاقژ و بلند» د ناڤ زارۆكان دا، دا كو زارۆك هێش د بچویك بزانن چ تشتی بهایێ تەماشەكرنێ هەیە و چ تشتی نینە.
ژ لایەكێ دی ڤە، قوتابخانە نابیت ب تنێ ناڤەندا فێربوونا پیت و ژمارەیان بیت، بەلكو پێدڤییە ببیتە كارگەها ئاڤاكرنا «هزرا ڕەخنەیی». ل شوینا كو قوتابی بتنێ «وەرگر» بیت، پێدڤییە فێر ببیت كا چەوا د ناڤبەرا «زانیارییا درست» و «ژەهرا دیجیتالێ» دا جوداهیێ بكەت. سیستەمێ پەروەردێ بەرپرسە ژ ئاشناكرنا گەنجان ب «ئیتیكێن دیجیتالی». قوتابخانە دشێت سۆشیاڵ میدیایێ ژ جهێ «یاریێ» بگوهۆڕیت بۆ «فەرهەنگا لێگەڕیانێ»، ب مەرجەكی كو مامۆستا بخۆ پێشەنگ بن د بكارئینانا دروست یا تەكنەلۆژیایێ دا.
ئەگەر خێزان و قوتابخانە پێكڤە كار ل سەر بلندكرنا ئاستێ «هۆشیارییا دیجیتالی» نەكەن، دێ وێرانكارییا كولتۆری یا سۆشیاڵ میدیایێ گەلەك ژ هێزا مە یا نەتەوەیی كێم كەت. ئەركێ مە هەمییانە، چ نڤیسەر، مامۆستا، و دایك و باب، و.. هتد،كو ب ئێك دەست دژی ڤێ شەپۆلا تافهیێ بڕاوستین. نیشتمانپەروەرییا درست ل ڤێرێ دەستپێدكەت، د ناڤ خێزانەكا هۆشیار و قوتابخانەیەكا ڕەوشەنبیر دا، دا كو نفشێ داهاتی نەبیتە نێچیرا «لایكێن بێ مانا»، بەلكو ببیتە خودانێ وێ «هێزا نەرم» كو كوردستان پێ شانازیێ بكەت.
دەم یێ هاتی ئەم شاشەیێن خۆ بكەینە ئاوێنەیا ناسنامەیا خۆ یا ڕەسەن، دا كو پاشەڕۆژ ب ڕێز ڤە بەحسێ وێ شوینپەنجەیێ بكەت كو مە ل ڤێ جیهانا دیجیتالی ل پاش خۆ هێلایی.

]]> https://rojnameyaevro.com/ku/%d8%b3%db%86%d8%b4%db%8c%d8%a7%d9%84-%d9%85%d9%80%db%95%d8%af%db%8c%d9%80%d8%a7-%d9%88-%d9%87%db%8e%d8%b2%d8%a7-%d9%86%db%95%d8%b1%d9%85/261075/feed/ 0 سەرهلدانا پیرۆز.. دەما بێدەنگی شكەستی https://rojnameyaevro.com/ku/%d8%b3%db%95%d8%b1%d9%87%d9%84%d8%af%d8%a7%d9%86%d8%a7-%d9%be%db%8c%d8%b1%db%86%d8%b2-%d8%af%db%95%d9%85%d8%a7-%d8%a8%db%8e%d8%af%db%95%d9%86%da%af%db%8c-%d8%b4%d9%83%db%95%d8%b3%d8%aa%db%8c/259889/ https://rojnameyaevro.com/ku/%d8%b3%db%95%d8%b1%d9%87%d9%84%d8%af%d8%a7%d9%86%d8%a7-%d9%be%db%8c%d8%b1%db%86%d8%b2-%d8%af%db%95%d9%85%d8%a7-%d8%a8%db%8e%d8%af%db%95%d9%86%da%af%db%8c-%d8%b4%d9%83%db%95%d8%b3%d8%aa%db%8c/259889/#comments Sun, 08 Mar 2026 21:05:57 +0000 https://rojnameyaevro.com/ku/?p=259889 مەتین وەرمێلی

سەرهلدانا ئادارا سالا ١٩٩١، بتنێ ڕاپەرینەكا چەكداری نەبوو، بەلكو پەقینا وژدانا مللەتەكێ زۆلملێكری بوو. پشتی سالێن درێژ ژ ئەنفال، كیمیاباران و وێرانكرنا گوندان، وەك بێژی چیا و دەشتێن كوردستانێ پێكڤە هەواركرن: «ئێدی بەسە بۆ بندەستیێ!». ئەڤە چیرۆكا وێ ڕۆژێیە كو تێدا خوینا شەهیدان و ئیرادا گەلێ كورد بووینە ئێك دا كو مێژوویەكا نوو بۆ كوردان بنڤێسن.
دەمێ ڕژێما بەعس ولاتێ كوێتێ داگیركری، تووشی شكەستنەكا مەزن بوو و سوپایێ وێ ل بەر دەمێ هێزێن ناڤدەولەتی لاواز بوو. ئەڤە دەرفەتەكا زێڕین بوو بۆ كوردان. ل ڤێرێ حیكمەتا سەركردایەتیێ دەركەفت؛ وان دزانی كو مللەت یێ بەرهەڤە و دوژمن یێ بێ هێزە. بڕیارا سەرهلدانێ بڕیارەكا مێژوویی بوو كو پێدڤی ب چاڤنەترسیێ هەبوو، و كوردان ئەو دەلیڤە ب سەركەفتیانە ئەنجام دا.
بەری سەرهلدان دەست پێ بكەت، بناغەیەكێ ب هێز هاتبوو دانان ئەو ژی «بەرەیێ كوردستانی» بوو. ل ڤێرێ ناڤێ شەهیدێ هەمیشە ساخ «ئیدریس بارزانی» یێ گەشە. وی ب هزرا خۆ یا نەتەوەیی و بزاڤێن خۆ یێن بەردەوام، لایەنێن سیاسی كۆمكرنەڤە. هەرچەندە ئەو بەری سەرهلدانێ چوو بەر دلوڤانیا خۆدێ، بەلێ ئەو «ئەندازیارێ ئاشتیێ» بوو كو نەهێلا جیاوازیێن حزبی ببنە ڕێگر ل بەر سینگێ ئازادیێ. ب فەزلا وێ تەباییێ، مللەت بوو ب ئێك دەست د ڕوویێ دوژمنی دا.
ل ڕۆژا مەزنا ٥ێ ئادارا ١٩٩١، مێژوو ل باژێڕێ قەهرەمانێ ڕانیە هاتە گوهۆڕین. ل وێرێ یەكەم چەخماخەیا سەرهلدانێ هاتە لێدان و خەلكێ ڕانیە ب ئیرادەكا پۆلاین ڕاپەرین، و ڕانیە ب نازناڤێ «دەروازەیا سەرهلدانێ» هاتە نیاسین. پشتی ڕانیێ، وەك ئاگرێ نەورۆزێ سەرهلدان ب هەمی كوردستانێ دا بلاڤ بوو. بڕیار و سەرپەرشتییا ڕاستەوخۆ یا جەنابێ سەرۆك مەسعود بارزانی هێز و ورەیەكا بێ وێنە ددا پێشمەرگەی و جەماوەری. سەرۆك بارزانی ب حیكمەتا خۆ پلانێن ئازادكرنا باژێڕان كێشان و د ناڤ خەلكی دا بوو. ئازادكرنا هەولێرا پایتەخت ل ١١ێ ئادارێ و دهۆكا دەلال ل ١٤ێ ئادارێ و پاشی كەركووكا قودسا كوردستانێ، سەلماند كو ئیرادەیا كوردان ژ پۆلای ب هێزترە.
ئەو جەژنا ئازادیێ یا مە ل ئادارا ١٩٩١ دیتی، بتنێ بۆ وی سەردەمێ نەبوو، بەلكو بوو ب بناغێ هەمی دەستكەفتێن ئەڤرۆ. ئەگەر سەرهلدان نەبایە، مە نە پەرلەمان و نە حوكمەت و نە ژی ئەڤ ئازادییا ئەڤرۆ هەبوو. سەرهلدانێ ئەم فێركرین كو «ئێكڕێزی» كلیلا هەر سەركەفتنەكێیە.
ئەركێ مە نوكە ئەوە، ب هەمان گیانێ سەرهلدانێ، پارێزگاریێ ل ڤێ ئەزموونێ بكەین. سەرهلدان داستانا زڤڕینا شكۆیا مرۆڤێ كورد بوو بۆ سەر ئاخا وی، و ڕێبازا بارزانی و خوینا شەهیدان زامنێ وێ چەندێ نە كو ئەڤ ئالایە چ جاران ناهێتە خوار. دەیكا كورد ئەڤڕۆ ب سەربلندی زارۆكێن خۆ پەروەردە دكەت، چونكی دزانیت ل پشت وێ دیرۆكەكا پڕ ژ قوربانیدان هەیە كو پاشەرۆژا وان دپارێزیت. سەرهلدان هەر دێ مینیت مەزنترین شانازی د دیرۆكا نوو یا كوردان دا.

]]> https://rojnameyaevro.com/ku/%d8%b3%db%95%d8%b1%d9%87%d9%84%d8%af%d8%a7%d9%86%d8%a7-%d9%be%db%8c%d8%b1%db%86%d8%b2-%d8%af%db%95%d9%85%d8%a7-%d8%a8%db%8e%d8%af%db%95%d9%86%da%af%db%8c-%d8%b4%d9%83%db%95%d8%b3%d8%aa%db%8c/259889/feed/ 0 دهۆك و بەفر سحرا جوانیێ نە https://rojnameyaevro.com/ku/%d8%af%d9%87%db%86%d9%83-%d9%88-%d8%a8%db%95%d9%81%d8%b1-%d8%b3%d8%ad%d8%b1%d8%a7-%d8%ac%d9%88%d8%a7%d9%86%db%8c%db%8e-%d9%86%db%95/259543/ https://rojnameyaevro.com/ku/%d8%af%d9%87%db%86%d9%83-%d9%88-%d8%a8%db%95%d9%81%d8%b1-%d8%b3%d8%ad%d8%b1%d8%a7-%d8%ac%d9%88%d8%a7%d9%86%db%8c%db%8e-%d9%86%db%95/259543/#comments Wed, 25 Feb 2026 06:56:58 +0000 https://rojnameyaevro.com/ku/?p=259543 مەتین وەرمێلی

زڤستانا ئەڤ سالە، دهۆك نە بتنێ سار بوو، بەلكو بوو (بویكا چیا) ل گەل هەر پریشكەكا بەفرێ كو ل سەر لەق و چیقلكێن شورە بییێن گەلیێ دهۆكێ دكەفت، مە هەست دكر سروشت مژوولی مێژوویا خوە یە، ب ڕەنگێ سپی ل سەر سینگێ چیایێ زاوا بنڤێسیت.
ئەڤ وێنەكرنا جیاواز و هونەری، بتنێ گرتنا دیمەنەكی نەبوو، بەلكو (ئافراندنا سحرێ) بوو، وێنەگرێن مە یێن داهێنەر، ب چافكێ كامیرا، سپیاتییا سەر گوپیتكا گوهۆڕین بۆ پارچە مۆزیكەكا بێ دەنگ، وان نیشا مە دا كا چەوا ئاڤا سكرێ‌ دهۆكێ د بن ئاسمانەكێ مژاوی دا، وەك ئاوێنەیەكێ كار دكەت، و جوانییا خودایی تێدا خۆیا دبیت.
ل جادەیا پانۆراما و كۆلانێن كەڤن یێن باژێری، هەر وێنەیەكێ هاتبا كێشان، چیرۆكەكا نوو یا ئەڤینێ بۆ گەشتیاران و وەلاتییان ڤەدگێڕا، ئەڤی هونەری سەلماند كو (وێنە) زمانەكێ جیهانی یە و چەوا ئەم بشێین سەرمایێ بكەینە گەرمییا هەستەكێ نیشتمانی و دهۆكێ ب شێوەیەكێ سحراوی ب جیهانێ بدەینە نیشادان، دەستێن وان وێنەگران خۆش بن یێن كو ڕوح ب دیمەنێن سار بەخشی و دهۆك د ناڤ دلێ مە دا سپیتر و پاقژتر نیشادای.
هەكە وێنەگرێن مە یێن خودان بەهرە نەبان، ڕەنگە ئەڤ هەموو جوانی یە بتنێ د ناڤ سەرمایێ دا مابان و بۆریبان، لێ وێنەكرنا جیاواز یا ئەڤ سالە سەلماند كو كامیرە هونەرەكێ پیرۆزە بۆ دیاركرنا سحرێ، دەمێ وێنەگرەكی دیمەنێ سكرێ‌ دهۆكێ دگرت كو پارچەیێن بەفرا سپی ل سەر ئاڤا وێ یا سار د لەرزین، یان دەمێ چافكێ كامیرێ ل ناڤ جادەیا (پانۆراما) وێنەیێ دارێن بەفراوی دگرت، مەزناتییا سروشتێ كوردستانێ پتر ل بەر چاڤێن مە گەش د بوو.
وێنەگرێن دهۆكێ شیاینە سەرمایێ بگوهۆڕن بۆ گەرمییا هەستەكێ هونەری، وان نیشا مە دا كو بەفر بتنێ ڕەنگەك نینە، بەلكو تابلۆیەكێ‌ خودایی یە ل سەر سینگێ چیا و جادە و كۆلانێن كەڤن یێن باژێری هاتییە كێشان.
ئەو وێنەیێن كو ئەڤ سالە ل تۆرێن جڤاكی هاتینە بەلاڤكرن، دهۆك كرە چەترا گەشتیاران، خەلكێ باژێری ب خۆ ژی، ل گەل دیتنا وان دیمەنێن بلند (Drone) یێن كو باژێر وەك پارچەیەكا ئۆروپا نیشان دایی، پتر ئەڤینییا وان بۆ ئاخ و سروشتێ وان بهێزكر، ئەڤە هێزا هونەری یە كو بشێت دیمەنەكێ سروشتی بكەتە پەیامەكا گەشتیاری و نیشتمانی كو هەموو جیهان سەرنجێ بدەتێ.
وێنەكرنا سروشتێ كوردستانێ د وەرزێ زڤستانێ دا، ئەركەكێ نیشتمانی یە، هەر وێنەیەكێ جوان یێ دهۆكێ د ناڤ بەفرێ دا، پەیڤەكا ڤەشارتی یە كو دبێژیت (كوردستان یا جوانە ب پارێزن) دەستخۆشیێ ل هەموو وان هونەرمەند و وێنەگران دكەم یێن كو ب چاڤێن خۆ یێن داهێنەر، دهۆك د ناڤ دلێ مە دا جوانتر كرین.

]]> https://rojnameyaevro.com/ku/%d8%af%d9%87%db%86%d9%83-%d9%88-%d8%a8%db%95%d9%81%d8%b1-%d8%b3%d8%ad%d8%b1%d8%a7-%d8%ac%d9%88%d8%a7%d9%86%db%8c%db%8e-%d9%86%db%95/259543/feed/ 0 زمانێ دایكێ، ئەو ناسنامەیا چ جاران نەمریت https://rojnameyaevro.com/ku/%d8%b2%d9%85%d8%a7%d9%86%db%8e-%d8%af%d8%a7%db%8c%d9%83%db%8e%d8%8c-%d8%a6%db%95%d9%88-%d9%86%d8%a7%d8%b3%d9%86%d8%a7%d9%85%db%95%db%8c%d8%a7-%da%86-%d8%ac%d8%a7%d8%b1%d8%a7%d9%86-%d9%86%db%95%d9%85/259412/ https://rojnameyaevro.com/ku/%d8%b2%d9%85%d8%a7%d9%86%db%8e-%d8%af%d8%a7%db%8c%d9%83%db%8e%d8%8c-%d8%a6%db%95%d9%88-%d9%86%d8%a7%d8%b3%d9%86%d8%a7%d9%85%db%95%db%8c%d8%a7-%da%86-%d8%ac%d8%a7%d8%b1%d8%a7%d9%86-%d9%86%db%95%d9%85/259412/#comments Sun, 22 Feb 2026 08:53:56 +0000 https://rojnameyaevro.com/ku/?p=259412 متین وەرمێلی

ڕۆژا جیهانی یا زمانێ دایكێ دكەڤیتە ٢١ شواتێ. ئەڤ ڕۆژە ژ لایێ ڕێكخراوا یۆنسكۆ (UNESCO) ڤە ل سالا ١٩٩٩ هاتە ڕاگەهاندن و بۆ جارا ئێكێ‌ ل سالا ٢٠٠٠ هاتە ساخكرن.
• چیرۆكا ڤێ ڕۆژێ: ئەڤ ڕۆژە هاتییە دیاركرن بۆ بێرهاتنا قوتابیێن وەلاتێ بەنگلادیش، یێن كو ل ساڵا ١٩٥٢ێ هاتینە كوشتن ژبەر كو داخواز دكر زمانێ وان (بەنگالی) ببیتە زمانەكێ فەرمی.
زمانێ كوردی، سەنگەرێ مان و نەمانێ
١. زمان وەك ئامرازێ خەباتێ
بۆ گەلێ كورد، زمان بتنێ ئامرازەكێ ئاخفتنێ نەبوویە، بەلكو مەزنترین «سەنگەرێ بەرگریێ» بوویە. د درێژاهیا مێژوویێ دا، هەمی هەولێن داگیركەران بۆ ژناڤبرنا زمانێ كوردی بووینە، چونكی وان دزانی: «كوشتنا زمانێ مللەتەكی، كوشتنا هەمی مێژوو و پاشەڕۆژا وی یە.» لێ گەلێ كورد ب تێكهەلبوونا خوین و مرەكەبێ، ڕێ نەدا ئەڤ چرایە بڤەمریێت.
٢. ستەما دوژمنی: شەڕێ دژی پەیڤێ
داگیركەران ب هەمی شێوەیێن دڕندانە شەڕێ زمانێ كوردی كرییە:
• قەدەغەكرنا فەرمی: د چەندین قۆناغان دا، ئاخفتن ب زمانێ كوردی ل جهێن گشتی و فەرمی ببوو «تاوان»، و هەر كەسێ ب زمانێ دایكێ ئاخفتبایە دهاتە زیندانكرن و ئەشكەنجەدان.
• گۆهوڕینا ناڤان: هەولدان بۆ عەرەبكرن و تورككرنا ناڤێن گوند، چیا، و باژێڕێن كوردستانێ (وەك هەولێن گۆڕینا ناسنامەیا دەڤەرێن مە).
• سۆتاندنا پەرتووكان: چەندین جارا كتێبخانەیێن كوردی هاتینە سۆتاندن دا كو نەوەیێن نوی چ تشتەكێ ل سەر ڕەسەنایەتییا خۆ نەزانن.
٣. خەباتا كوردان بۆ زیندی مانەڤا زمانی
ل هەنبەر ڤێ ستەمێ، خەباتەكا مەزن هاتەكرن كو چ كێمتر نەبوو ژ خەباتا چەپەری:
• قوتابخانەیێن نهێنی: دەما زمان قەدەغە بوویی، د ناڤ ئەشكەفت و ژێر زەمین و مزگەفتان دا، مامۆستا و زانایێن كورد ب نهێنی نڤێسین و خویندنا كوردی فێری زارۆكان دكر.
• شۆڕش و زمان: هەر شۆڕشەكا كوردی، دگەل خوە چاپخانەیەك و ڕۆژنامەیەك هەبوو (وەك گۆڤارا هەوار و ڕۆژنامەیا كوردستان)، دا كو پەیڤا كوردی ب ئازادی بگەهیننە هەمی ماڵان.
• خەباتا زیندانان: زیندانیێن كورد د بن گرانترین ئەشكەنجەیان دا، ب هەلبەست و سروودێن كوردی بەرسینگا جەلادان دگرت، و زمان دكرە هێز بۆ خۆڕاگریێ.
٤. بەرەڤ زمانەكێ ستاندارد: سەركەفتنا دوماهییێ
ئەڤڕۆ ئەركێ مە یێ نەتەوەیی ئەوە كو ڤێ خەباتێ بگەهینینە ئەنجام ب ڕێكا «ستاندارتكرنا زمانی»:
• ئێكگرتنا ڕێزمانێ: پێدڤییە ئەم ژ چارچووڤەیێ زاراڤەیێن دەڤەركی دەركەڤین و بەرەڤ ڕێزمانەكا یەكگرتوو بچین كو هەمی كورد تێدا كۆم ببن.
• میدیا و زانكۆ: بكارئینانا زمانەكێ بلند و ئەكادیمی د ڕاگەهاندن و ناڤەندێن زانستی دا، دا كو كوردی ببیتە زمانێ زانست و تەكنەلۆژیایێ.
• پاقژكرنا زمانی: لادانا پەیڤێن بیانی یێن كو داگیركەران ب زۆری ئێخستینە ناڤ زمانێ مە و زیندیكرنا پەیڤێن ڕەسەن یێن كوردی.

]]> https://rojnameyaevro.com/ku/%d8%b2%d9%85%d8%a7%d9%86%db%8e-%d8%af%d8%a7%db%8c%d9%83%db%8e%d8%8c-%d8%a6%db%95%d9%88-%d9%86%d8%a7%d8%b3%d9%86%d8%a7%d9%85%db%95%db%8c%d8%a7-%da%86-%d8%ac%d8%a7%d8%b1%d8%a7%d9%86-%d9%86%db%95%d9%85/259412/feed/ 0 فلمە فێستیڤالا دهۆك، شانازیا نەتەوەیەكی یە https://rojnameyaevro.com/ku/%d9%81%d9%84%d9%85%db%95-%d9%81%db%8e%d8%b3%d8%aa%db%8c%da%a4%d8%a7%d9%84%d8%a7-%d8%af%d9%87%db%86%d9%83%d8%8c-%d8%b4%d8%a7%d9%86%d8%a7%d8%b2%db%8c%d8%a7-%d9%86%db%95%d8%aa%db%95%d9%88%db%95%db%8c/257306/ https://rojnameyaevro.com/ku/%d9%81%d9%84%d9%85%db%95-%d9%81%db%8e%d8%b3%d8%aa%db%8c%da%a4%d8%a7%d9%84%d8%a7-%d8%af%d9%87%db%86%d9%83%d8%8c-%d8%b4%d8%a7%d9%86%d8%a7%d8%b2%db%8c%d8%a7-%d9%86%db%95%d8%aa%db%95%d9%88%db%95%db%8c/257306/#comments Wed, 24 Dec 2025 07:19:07 +0000 https://rojnameyaevro.com/ku/?p=257306 مەتین وەرمێلی

سینەما ئێك ژ مەزنترین و كاریگەرترین جۆرێن هونەری یە ل سەر ئاستێ دونیایێ، ژبەر هندێ ژی گرنگیەكا زۆرا مەزن پێ دهێتەدان و پارەكێ مەزن ل درۆستكرنا فلمان دهێتە مەزاختن، و لسەر ئاستێ جیهانێ بەردەوام كار لسەر دروستكرنا فلمێن باشتر دهێتەكرن، كو بشێن سەرنجا خەلكەكی ل هەمی دونیایێ ڕابكێشن و بوویە بزنزەكا مەزن، كو هەڕ ئێكی دڤێت پەیاما خۆ تێدا بگەهینیت، ئەڤجا دیاركرنا كولتوور و دابونەریتان بیت، یان پێشكەفتنا تەكنەلوجیایێ بیت، یان دیاركرنا زولم و زۆریا دەستهەلاتەكێ بیت، یان دیاركرنا ئەڤینەكێ بیت، و ..هتد.
ئەم وەكو كورد ل هەر چار پارچێن كوردستانێ، ژ بەر وێ زۆلم و زۆری و سەركوتكرنا دوژمنێن مە لسەر مە دكر، دەرفەت نەدا جڤاكیا مە زۆی تێكهەلی هونەری ببیت و ب تایبەت سینەمایێ، ژبەر هندێ ژی بەردەستترین هونەر ل دەف مە ستران گۆتن بوو، و بەردەوام مە ب ڕێكا سترانێ پەیامێن خۆ و ئێش و ژانێن خۆ دەربرینە و گەهاندینە، ژبەر ڤێ ژی هەتا بەری چەند سالان ژی جڤاكێ مە ب گشتی ب شێوەیەكێ زۆرێ نەشاز و كێم بەرێ خۆ ددا سینەمایێ و ئەگەر ئێكی ڤیابا كەسەكی ئیهانە بكەت، دا بێژیتێ»تو سینەمایی» یان دێ تە كەمە سینەما، واتە خواندنەكا خەلەت بۆ هاتبووكرن.
بەلێ دگەل ئازاد بوونا باشورێ كوردستانێ ل سەرهلدانا سالا»١٩٩١» و پاشی ب هەرێمبوونا وێ ل سالا «٢٠٠٥»، و برەودانا حوكمەتێن هەرێما كوردستانێ یێن ئێك لدویڤ ئێكێ و گرنگیدان ب هەمی سێكتەرێن ژیانێ، هونەری ژی پێشكەفتن و پێشڤەچوونێن باش ب خۆڤە دیتن، و زۆر كار و چالاكیێن باش و ژ هەژی هاتن كرن و باشورێ كوردستانێ بو ناڤەندەكا بهێز یا هونەری، كو تێدا كەلتور و زمانێ كوردی پێشانی هەمی جیهانێ هاتەدان.
ئێك ژ وان كارێن مەزن ئێن سالانە ژ لایێ حوكمەتا هەرێما كوردستانێ ڤە دهێتە ئەنجامدان، «فلمە ڤیستەڤالا دهۆك یا نیڤدەولەتیە»، ئەڤ سالە گەرا»١٢» سەركەفتیانە هاتە ئەنجامدان، ئەڤە ژی جهێ دلخۆشیێ یە، و شانازیەكا مەزن یا نەتەویە لسەر ئاستێ هەر چار پارچێن كوردستانێ، و ب تایبەت شانازیەكا مەزنە بۆ خەلكێ باژێرێ دهۆكێ ژبەر كو فلمە ڤیستەڤال بوویە كەلتور و مۆركەكێ تایبەت ب دهۆكێ ڤە، و ژ هەمی جیهانێ دهێن و تەماشەیی فلمێن كوردی دكەن= و فلمێن خۆ نیشا گەلێ مە ددەن.
زێدەباری هەمی كەم و كۆڕی و باشی خرابیێن خۆ، بەلێ فلمە ڤیستەڤالا دهۆكێ شیایە پەیوەندیەكا زۆرا ب هێز د ناڤبەرا هەر چار پارچێن كوردستانێ دا دروست بكەت، ئەڤە ژی ب ئێكگرتنێ و تەبایێ و ئێكرێزیێ دێ ب دوماهیك ئێت و ئەم هەمی تێدا د مفادارین و زێدەتر ب دابونەریتێن خۆ ل هەر چار پارچەیان ئاشنا دبین، زێدەباری ناسینا زێدەتر یا كولتوور دابونەریتێن وەلاتێن بیانی و ناساندنا هەبوونا خۆ وەك كورد.
ب هیڤیا هندێ حوكمەت و هونەرمەندێن كورد كارێن باشتر و مەزنتر و كاریگەرتر بكەن د بیاڤێن هونەری ب گشتی و ب تایبەت د سینەمایێ دا، ژبەر كو ئەم ژ چ گەل و نەتەوە و دەولەتێن جیهانێ د كێمتر نینین، بەلكو زمانێ مە كولتوورێ مە خەباتا مە ژ یا هەمی نەتەوەیان زەنگینتر و جوانتر و مەزنترە.

]]> https://rojnameyaevro.com/ku/%d9%81%d9%84%d9%85%db%95-%d9%81%db%8e%d8%b3%d8%aa%db%8c%da%a4%d8%a7%d9%84%d8%a7-%d8%af%d9%87%db%86%d9%83%d8%8c-%d8%b4%d8%a7%d9%86%d8%a7%d8%b2%db%8c%d8%a7-%d9%86%db%95%d8%aa%db%95%d9%88%db%95%db%8c/257306/feed/ 0 پـارتـی د بـانگەشـەیـا خۆ دا وانـەیان نیشا ددەت https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d8%af-%d8%a8%d9%80%d8%a7%d9%86%da%af%db%95%d8%b4%d9%80%db%95%db%8c%d9%80%d8%a7-%d8%ae%db%86-%d8%af%d8%a7-%d9%88%d8%a7%d9%86%d9%80%db%95%db%8c%d8%a7%d9%86/254683/ https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d8%af-%d8%a8%d9%80%d8%a7%d9%86%da%af%db%95%d8%b4%d9%80%db%95%db%8c%d9%80%d8%a7-%d8%ae%db%86-%d8%af%d8%a7-%d9%88%d8%a7%d9%86%d9%80%db%95%db%8c%d8%a7%d9%86/254683/#comments Mon, 27 Oct 2025 22:25:35 +0000 https://rojnameyaevro.com/ku/?p=254683 مەتین وەرمێلی

هەلبژارتن ئێك ژ مەزنترین مافێن هەڕ تاكە كەسەكینە د ژیانێ دا، نەخاسمە هەلبژارتنێن دیموكراسی و بێی گڤاش و فشار و دەستكاری و سەختەكاری.
د هەلبژارتنێن بۆری یێن پەرلەمانێ هەرێما كوردستانێ دا، مەزنترین ئومێدا هەمی دژە پارتیان ئەو بوو، كو هەلبژارتن دێ ژلایێ كومسیۆنا ئیراقێ ڤە ئێنە برێڤەبرن و دێ گورزەكێ كەمەرشكێن ب پارتی كەڤیت، ژبەر كو وەسا وێنە دكر، كو پارتی سەختەكاریێ دكەت و پرۆسێسا هەلبژارتنان بۆ بەرژەوەندیێن خۆ بكاردئینیت، بەلێ پشتی ئەنجامێن هەلبژارتنان ئاشكرابووین و هاتینە ڕاگەهاندن، ل شوینا دەنگێن پارتی كێم ببن، نێزیكی»٢٠٠»هزار دەنگان زێدەكرن، و ژبلی بولە بۆل و گازندەیان ئێدی چ ژ كەسێ نەهات، ژبەر كو كون ژ پاتەیی مەزنتر لێهات و د دەستێن وان دا ڕوونبوو. بۆ هەلبژارتنێن پەرلەمانێ ئیراقێ ئەڤێن دێ ل ڕێكەفتی»١١/١١» هێنەكرن، زێدەباری وێ ترسا مەزن یا لایەنێن دی ژ پارتی هەیی و بێ ئومێدیا د ڕەش ڕەشكا چاڤێن وان دا دهێتە دیتن، پارتی ب شێوازەكێ جیاواز بانگەشەیێ دكەت و حالێ وان یێ كریە حالێ زەمبیل فرۆشی، ژبەر كو د هەمی هەلبژارتنێن بوریدا لایەنێن سیاسی هەتا ب پارتی ژی ڤە، سۆز ددان خەلكی، بەلێ ئەڤە دو هەلبژارتنە پارتی سۆزا نادەت و نابێژیتە خەلك و دەنگدەرێ خۆ ئەز دێ بو هەوە فلان خزمەتگوزاریێ یان كاری كەم، بەلكو ب ڤەكرنا پرۆژەیان بانگەشەیێ دكەت و دبێژیت ئەڤە مە كر، ژبەر هندێ ژی خەلكێ كوردستانێ و ئیراقێ شاهدیێ بۆ هێزا پارتی، دلسۆزیا پارتی، تێگەهێن پارتی بۆ پێشكەفتن و پێشڤەبرنا وەلاتی ددەن و ئێدی یێ ژ مۆدێلا دانا سۆزان تێربووین، ژبەر ڤێ ژی هەلبژارتنا پارتی، ئەو هەلبژارتنا دروستە یا وژدانا مرۆڤی ئارام دكەت و ب پشتراستی ڤە، مرۆڤ دەنگی ددەتە پاراستنێ و ئاڤەدایێ و پێكڤەژیانێ و خۆراگریێ و وەلاتپارێزیێ.
هەڕ ئەڤەیە، دوژمنێن پارتی تەنگاڤ كرین و ب هەمی شیانێن خۆ هەولا ڕاوستاندنا پارتی ددەن، بەلێ پارتی گۆتیە هەمیان»هووین ناتوانن مە ڕاگرن»، ژبەر دەنگدان ب لیستا»٢٧٥» دەنگ بەردەوامیدانە ب كاروانێ ئارامی و ئاڤەدانی و پێشكەفتنا هەرێما كوردستانێ و بەرەڤانیكرن و ستاندنا مافێن خەلكێ كوردستانێ یە ل بەغدا.

]]> https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d8%af-%d8%a8%d9%80%d8%a7%d9%86%da%af%db%95%d8%b4%d9%80%db%95%db%8c%d9%80%d8%a7-%d8%ae%db%86-%d8%af%d8%a7-%d9%88%d8%a7%d9%86%d9%80%db%95%db%8c%d8%a7%d9%86/254683/feed/ 0 بـۆچـی پـارتیبوون گـرنـگە؟ https://rojnameyaevro.com/ku/%d8%a8%d9%80%db%86%da%86%d9%80%db%8c-%d9%be%d9%80%d8%a7%d8%b1%d8%aa%db%8c%d8%a8%d9%88%d9%88%d9%86-%da%af%d9%80%d8%b1%d9%86%d9%80%da%af%db%95%d8%9f/250432/ https://rojnameyaevro.com/ku/%d8%a8%d9%80%db%86%da%86%d9%80%db%8c-%d9%be%d9%80%d8%a7%d8%b1%d8%aa%db%8c%d8%a8%d9%88%d9%88%d9%86-%da%af%d9%80%d8%b1%d9%86%d9%80%da%af%db%95%d8%9f/250432/#comments Thu, 14 Aug 2025 09:26:48 +0000 https://rojnameyaevro.com/ku/?p=250432 مـەتـین وەرمێلـی

«پارتی دیموكراتی كوردستان» ئەو حزبا ل ڕێكەفتی»١٩٤٦/٨/١٦»ـێ، ژ ئەنجامێ زولم و زۆڕداریا دوژمنێن كوردستانێ و ئەو هەوا مەزن یا ژ بۆ قڕكرن و ژ ناڤبرنا ناسنامەیا مللەتێ كورد هاتینە دانان، كو پشتی چەندین بزاڤ و شۆرشان، ل دژی وان هەمی پیلانان، ل سەر دەستێ بابێ ڕوحیێ نەتەوا كورد» مەلا مستەفا بارزانی»، هاتە دامەزراندن.
واتە دامەزراندنا «پارتی»، بوو داینەمویێ درۆستكرنا هەستا نەتەوەی، ل سەر ڕێبازا «بارزانیێ نەمر»، ل هەر چار پارچەیێن كوردستانێ.
و «پارتی» بو درێژەپێدەرا وان بزاڤ و شۆرشێن بەری خۆ، یێن سەركردە و خەلكێ كوردستانێ ل هەڕ چار پارچان ل دژی دوژمنی ئەنجامداین.
یا پارتی ژ هەمی وان حزێن بەری خۆ و پشتی خۆ جودا دكەت ئەوە، كو پارتی د چ رەوش و بارودۆخەكی دا دەستبەرداری هەبوون و مافێن مللەتێ كورد نابیت و خۆ رادەستی فشار و پیلانگێریێن دوژمنی ناكەت و خودان ئیرادەیەكا پۆلاینە و شیایە ببیتە قوتابخانەیا كوردایەتیێ، ژبەر هندێ ژی گرنگ و پێدڤیە پارتی بین، دا خۆدانێن سیفەتێن كوردایەتیێ بین، كو چەند خالەكان دێ باس لێ‌ كەم؛
* خالا ئێكێ، گرنگە پارتی بین، دا بشێین دلسۆزێن وەلاتێ خۆ بین، ئەز باوەرناكەم د ناڤ پارتی دا هەبن بشێن خیانەتا نەتەوایەتی بكەن و هەولا بێهێزكرنا كوردستانێ و بهێزكرنا دوژمنی بدەن و وەكی حزب و لایەنێن دی دەستێ دوژمنی بگرن و ڕێكێن داگیركاریێ و لاوازكرنێ نیشابدەن، نموونە ژی دزۆرن و مە ب چاڤێ سەرێ خۆ دیتینە.
* خالا دووێ، گرنگە پارتی بین، دا ل بەرامبەر دوژمنی د خۆڕاگربین، پارتی د هەمی كاودان و بارودۆخەكی دا، خۆ ب خودانا قەزییا نەتەوەیی زانیە و چ جارەكێ ل سەر ماف و پاراستنا خەلكێ كوردستانێ ل بەر دوژمنی نەدانایە، ژ بەر ڤێ ژی گرنگە پارتی بین، دا بشێین د خۆڕاگربین بەرامبەر وان هەمی فشارێن دوژمنی یێن دڤێن ب رێكا وان مە وەكو نەتەوە پێ لاواز بكەت، نموونە ژی كێشا نوكە یا مووچەیی، ئەگەر ئەم پارتی نەبین و دلسۆز نەبین و د خۆڕاگر نەبین، حزب و لایەنێن دی یێن هەمی بزاڤان دكەن دوژمن ب ڤان فشاران هەرێما كوردستانێ لاواز بكەت، و هەتا ژ ناڤبرنا ڤی قەوارێ دەستووری ئەوێ ب خوینا هزارەها قەهرەمانان هاتیە دەست، بەلێ د بەرامبەر دا، گرنگیا پارتیبوونا مە، پشتەڤانیا مە خۆڕاگریا مە دێ دوژمن نەچار بیت دانپێدانێ بكەت و كوردستان چیتە د قووناغەكا دی یا گەلەك یا مەزن و گرنگ، ژبەر كو خەلكەكێ دی ئەو ئیرادە و خۆراگری نینە، و ل دەمەكێ نێزیك دێ دیاربیت ئەڤا ئەز دبێژم، دەما هندەك فشارێن كێم دوژمن دكەڤیتە سەر چۆكان و ژ ناڤ دچن.
* خالا سیێ، گرنگە پارتی بین، دا بشێین مرۆڤ دۆست بین و دویر بین ژ شرڤێنیا نەتەوی و مەزهەبی و ئۆلی، ژبەر كو د درێژاهیا دیرۆكا كوردی دا و ب تایبەت ژ دامەزراندنا «پارتی دیموكراتی كوردستان»، و تا نوكە، كار ل سەر پێكڤەژیانێ كریە و شیایە ئەندام و لایەنگرێن پارتی و جڤاكێ كو پارتی لێ دەستهەلاتێ دكەت، پێكڤەژیانەكا توخ ژ هەمی ئایین و نەتەوە و مەزهەب و ئۆلێن جیاواز درۆست بكەت، بێی هەبوونا هیچ ئاریشەیەكێ، كو ل هەمی دەڤەرێن ئیراقێ و هەتا وەلاتێن جیران ژی جیاوازیەكا زۆر هەیە و بوویە شانازیەكا مەزن ل سەر ئاستێ نەتەوایەتی و ب تایبەت پارتی وەك حزب و خەلكێ ئیراقێ ب خۆ وێ شاهدیێ ددەن، ژ بەر ڤێ ژی گرنگە پارتی بین و پتر كار ل سەر ڤێ خالێ بكەین.
* خالا چارێ، گرنگە پارتی بین، دا بشێن بۆ وەلاتێ خۆ فیداكار بین، ب درێژاهیا دیرۆكا پارتی هیچ جارەكێ ب خیانەت چەپەرێن بەرگریێ چۆل نەكرینە، ئەڤە ژی ئەو خالا ژ هەمیان بهێزترە یا پارتی د مەیدانا خەباتا نەتەوایەتی دا ژ هەمی حزب و لایەنێن دی جیاواز دكەت و مەزنترین شانازیە، كو مرۆڤ بێژیت ئەز پارتی مە و گرنگە پارتی بین، دا بشێین خودانێن ڤێ خالا ب هێزبین د كەسایەتیا خۆیا نەتەوی دا و ب راستی پارتی ب چ لایەنەكێ كوردی و بیانی ژی نائێتە هەڤبەركرن، نموونە، شكاندنا ئەفسانەیا داعش و داستانێن پردێ و سحێلا، دەما حەشدا شەعبی ب جێشا ئیراقێ ڤە و ب تۆپچیێن ئیرانێ ڤە و پشتەڤانیا حزبوللا یا لوبنانی و چەكدارێن سووری ڤە، سەنگەر چۆل نەكرن و وانەیەكا مێژوویی نیشا وان دا.
* خالا پێنجێ، گرنگە پارتی بین، دا كو بشێین كار بۆ پاشەرۆژێ بكەین، پارتی ئەو هێزە، یا كو دویر بین و كار بۆ ئاڤاكرنا دەولەتا كوردی دكەت، و ل ژێر هیچ فشار و گڤاشتنەكێ پاشگەز نەبووی و نابیت، ژ بەر كو پارتی خۆ ب خودانا دۆزا كوردی دزانیت و هەبوونا زمان و كولتوور و نەتەوا كورد و بهێزبوونا وان گرێدایی هەبوون و بهێزبوونا پارتی یە، ژ بەر كو تاكە هێزا كوردیە شیایی پێگەهێ خۆ ل سەر ئاستێ كوردستانێ و ئیراقێ و نیڤدەولەتی ب هێز بكەت و بپارێزیت و كارێ وێ و خەباتا وێ ل رابردووی و ل ئایندەیی پاراستن و ئاڤاكرنا كوردستانێ یە، ئەڤە ژی ئێك ژ وان شانازیایە یێن مرۆڤ ب پارتیبوونا خۆ دبەت و گرنگە پارتی بین، دا بشیێن پاراستنێ ل سەر زمان و كولتوور و نەتەوا خۆ بكەین و پەرەسندنێ پێ بدەین.
*خالا شەشێ، گرنگە پارتی بین، دا كاروانێ ئاڤەدانیێ نەڕاوستیت، پارتی ئەو هێزە یا سەلماندی، كو ل چیایی و ل باژێری ژی بشێت شۆرشان بكەت، كو پشتی شۆرشێن ئیلۆلا مەزن و گولانا پێشكەفتنخواز و خرابكرن و ژناڤبرنا ب هزارەها گوندێن كوردستانێ ژ لایێ دوژمنێن كوردستانێ ڤە، پارتی شیایە شۆرشان د ئاڤاكرنا كوردستانێ دا بكەت و كوردستانێ د ئاڤاكرنێ دا سەد سالان ببەتە بەری پارێزگەهێن ئیراقێ، كو رۆژانە خەلكێ ئیراقێ ب ڤیدیۆیان هەڤبەریا هەرێما كوردستانێ و ئیراقێ دكەن، چ ئاڤاكرن چ پاقژی چ ئێمناهی و هەتا دوماهیێ، ئەڤە زێدەباری وێ زۆرداریا حوكمەتێن ئیراقێ ل كوردستانێ كرین و دكەت، وەكو بڕینا بۆدجەیی و نە فرێكرنا مووچەیی و رێگریكرن ل فرۆتنا نەفتێ و درۆستكرنا هزار و ئێك ئاریشەیان ل بەر ئاڤاكرنێ و پێشكەفتنێ.
* خالا حەفتێ، گرنگە پارتی بین، دا خودان بیر و باوەرێن نەتەوایەتی بین، ئەو خالا نوكە دوژمن ژ هەمیان پتر كار ل سەر لاوازكرنا وێ دكەت د جڤاكا كوردی دا، ژبەر كو هەر دەما بیر و باوەرێن نەتەوایەتی نەمان هەوجەیی گرتنا چەپەران نینە، ئەم یێن هاتینە داگیركرن و جەنابێ «سەرۆك بارزانی» ژی تەكەزی ل ڤێ خالێ كریە، كو دوژمن ب هەمی هێزا خۆ ڤە یا كار ل سەر لاوازكرنا بیروباوەرێن گەنجێن مە دكەت، ب تایبەت ب رێكا ماددێن هۆشبەر، ژبەر ڤێ ژی گرنگە پارتی بین، ژبەر كو دارشتنا بیر و باوەرێن نەتەوی و دانانا رێبازا كوردایەتیێ ژ لایێ بابێ روحیێ نەتەوا كورد «بارزانیێ نەمر» ڤە بوویە و یێ ب درۆستی پارتی بیت، ناكەڤیتە ژێر كاریگەریا دوژمنی و دێ ب وان بیر و باوەران خەباتێ كەت، ل هەر جهەكێ لێ بیت.
ئەڤ خالێن من ل سەری گۆتین، دبێژنە مە، گرنگە ب هێزەكا پۆلاین، ئیرادەكا ب هێز و ب دلەكێ مەزن و مەژیەكێ ڤەكری سەرەدەریێ ل گەل هەمی وان ئاریشەیان بكەین یێن روی ب روی مللەتێ مە دبن و دا كو بشێین خودانێن ڤان خالێن بهێز بین، گرنگە ل دەستپێكێ پارتی بین و قوتابیێن رێبازا «بارزانیێ نەمر» بین، دا بشێین دلسۆزێن ئاخ و ئاڤ و وەلاتێ خۆ بین، ژ بەر كو هیچ جارەكێ دوژمنی دودلی ژ لاوازكرنا پێگەهێ هەرێمێ ژ خرابكرنا وەلاتێ مە و قڕكرنا مللەتێ مە نەكریە و ناكەت.

]]> https://rojnameyaevro.com/ku/%d8%a8%d9%80%db%86%da%86%d9%80%db%8c-%d9%be%d9%80%d8%a7%d8%b1%d8%aa%db%8c%d8%a8%d9%88%d9%88%d9%86-%da%af%d9%80%d8%b1%d9%86%d9%80%da%af%db%95%d8%9f/250432/feed/ 0 یانەیا دهۆکێ داینەمۆییا دروستکرنا ڤیانێ یە https://rojnameyaevro.com/ku/%db%8c%d8%a7%d9%86%db%95%db%8c%d8%a7-%d8%af%d9%87%db%86%da%a9%db%8e-%d8%af%d8%a7%db%8c%d9%86%db%95%d9%85%db%86%db%8c%db%8c%d8%a7-%d8%af%d8%b1%d9%88%d8%b3%d8%aa%da%a9%d8%b1%d9%86%d8%a7-%da%a4%db%8c/249350/ https://rojnameyaevro.com/ku/%db%8c%d8%a7%d9%86%db%95%db%8c%d8%a7-%d8%af%d9%87%db%86%da%a9%db%8e-%d8%af%d8%a7%db%8c%d9%86%db%95%d9%85%db%86%db%8c%db%8c%d8%a7-%d8%af%d8%b1%d9%88%d8%b3%d8%aa%da%a9%d8%b1%d9%86%d8%a7-%da%a4%db%8c/249350/#comments Mon, 28 Jul 2025 23:41:16 +0000 https://rojnameyaevro.com/ku/?p=249350 متین وەرمێلی

ل هەمی دونیایێ وەرزش ئێک ژ کارێن پێشینەیە یێن کو خەلکەکێ زور ب خۆڤە گرێددەت، ڤیانا خەلکێ بۆ وان یانەیێن پشتەڤانییا وان دکەن و ب تایبەت وان یاریزانێن دلخواز یێن یاریێ ب دلێ پشتەڤانێن خۆ دکەن ئێک ژ دیاردەیێن بەربەلاڤە، کو لسەر ئاستێ هەمی دونیایێ خەلکەک پشتەڤانیێ لێ دکەن، نموونە یانەیێن بەرشلونا، ریال مدرید و یارێزانێن ب ناڤودەنگ لیونێل میسی و کرێستیانۆ رونالدو، ئەڤە ژی ئەو کەڤالێ جوانە یێن خەلک حەز دکەن ببینن و هەڤرکیێن دژوار دروستببن و لایەنێ وان ب سەرکەڤن.
لێ تشتێ سەرنجا من ڕاکێشایی ئەز ڤێ گوتارێ بنڤێسم، یانەیا وەرزشی یا دهۆکێ یە کو ئێکەم یانەیە دبینم خەلکێ وێ ژبەر سەرکەفتنێن تیما یانەیا خۆ پتر ژ ڤیانا یانێ و ڤیانا وان یاریزانێن دلخوازێن سەرکەفتنێ بو تومار دکەن، عەشق و ڤیان و حەژێکرنا خۆ بو باژێرێ خۆ دەردبڕن، ئەڤە ژی گەلەکا سەرنجڕاکێشە و یانەیا دهوکێ شیایە ببیتە پرەکا مەزن و قایم یا ڤیانێ دناڤبەرا خەلکی و باژێری، کو هەڕ کەسەک شانازیێ ب باژێرێ خۆ دبەت، و پشتەڤانیا یانەیا خۆ دکەت.
تشتێ هێشتا سەرنجڕاکێشتر، دیارکرن و پێشچاڤکرنا جوانی و پاقژی و پێکڤەژیان و ئاڤەدانیا باژێرێ دهوکێ یە بو هەمی دنیایێ و یا ژ وێ ژی سەرنجڕاکێشتر و مروڤ پتر شانازیێ پێ دبەت، تێگەهشتن و رەوشەنبیری و رێزگرتنا پشتەڤانێن یانەیا دهۆکێ یە، ل پشتەڤان و مێهڤانێن یانێن دی و پاقژکرنا جهێن خۆ پشتی یاری ب دووماهی دئێت، ب تایبەت زمانێ دەربرینا هەستێ خوشیێ ل دەمێ سەرکەفتنان یان نەخوشیێ لدەمێ خوسارەتیان کو زور ب رێز هەستێ خۆ دەردبرن.
ب راستی یانەیا دهوکێ بوویە کەڤالەکێ گەلەکێ جوان و باوەرناکەم یانەیەکا دی یان باژێرەکێ دی هەبیت بشێت هەڤرکیا یانە و پشتەڤان و باژێری دهۆکێ بکەت، ژبەر کو هەرسێ لایەن بووینە هێزەکا مەزن و پشتەڤانیەکا پولاین بو ئێکودو، ب هیڤییا هندێ ل داهاتوویی کەڤالێن جوانتر و سەرکەفتنێن مەزنتر و ناسناڤێن باشتر ببەین و شانازیێن مەزنتر تومار بکەین.

]]> https://rojnameyaevro.com/ku/%db%8c%d8%a7%d9%86%db%95%db%8c%d8%a7-%d8%af%d9%87%db%86%da%a9%db%8e-%d8%af%d8%a7%db%8c%d9%86%db%95%d9%85%db%86%db%8c%db%8c%d8%a7-%d8%af%d8%b1%d9%88%d8%b3%d8%aa%da%a9%d8%b1%d9%86%d8%a7-%da%a4%db%8c/249350/feed/ 0