Rojnameya Evro » محه‌مه‌دعه‌لی نوری https://rojnameyaevro.com/ku Mon, 21 Sep 2026 22:13:06 +0000 ar hourly 1 https://wordpress.org/?v=4.0.38 ئەرێ‌ قارەمانا خولا ئیراقێ‌ ب ڕێكەفتن دیاربوویە؟ https://rojnameyaevro.com/ku/%d8%a6%db%95%d8%b1%db%8e%e2%80%8c-%d9%82%d8%a7%d8%b1%db%95%d9%85%d8%a7%d9%86%d8%a7-%d8%ae%d9%88%d9%84%d8%a7-%d8%a6%db%8c%d8%b1%d8%a7%d9%82%db%8e%e2%80%8c-%d8%a8-%da%95%db%8e%d9%83%db%95%d9%81%d8%aa/270079/ https://rojnameyaevro.com/ku/%d8%a6%db%95%d8%b1%db%8e%e2%80%8c-%d9%82%d8%a7%d8%b1%db%95%d9%85%d8%a7%d9%86%d8%a7-%d8%ae%d9%88%d9%84%d8%a7-%d8%a6%db%8c%d8%b1%d8%a7%d9%82%db%8e%e2%80%8c-%d8%a8-%da%95%db%8e%d9%83%db%95%d9%81%d8%aa/270079/#comments Mon, 21 Sep 2026 21:14:29 +0000 https://rojnameyaevro.com/ku/?p=270079 محەمەدعەلی نوری

پشتی ب دووماهی هاتنا یاریێن گەڕا هەشتێ‌ ژ خولا ستێرێن ئیراقێ‌ یا فوتبۆلێ‌ دەنگۆیەكێ‌ بهێز و بووچوونێن جودا د ناڤا جادەیا وەرزشی ل ئیراقێ‌ و كوردستانێ‌ دا بەلاڤبوویە كو هەر ژ نوكە سەروسیمایێ قارەمانا وەرزێ‌ ئەڤ سالە دیاربوویە و پرانییا تبلێن وەرزشڤانان بۆ یانەیا ئەلگەرمە دچن ئەوا نوكە سەرێ‌ لیستێ‌ دهێت ب كۆمكرنا 20 خالان.
ئەڤ دەنگۆیە و بووچوونە ل سەر خواندنەكا پێشتر و كوورتر هاتیە كو ئاماژەیی ب هەبوونا ڕێكەفتنەكا نهێنی ل پشت پەردێ‌ هەیە د ناڤبەرا بەرپرسێن مەزن یێن یانەیا ئەلگەرمە و سەرۆكێ‌ نوكە یێ فدراسیۆنێ‌ ئەوێ‌ ب پشتەڤانییا یانەیێ و شێوازێ‌ كوتلە هاتیە هەلبژارتن بۆ سەرۆكێ‌ نوو یێ فدراسیۆنێ‌، ئەڤچەندە گۆمان بۆ یانەیێن پشكدار پەیداكرییە و بێ‌ باوەربووینە تایبەت ئەوێن بەرهەڤی بۆ ناسناڤی دكەن كو دترسن زەحمەتا ئەڤ سالە ل بەرئاڤێ‌ بچیت و مافێ‌ وانەیە بترسن، هەكە ئەم بەرپەرێن روودانێن بۆری ڤەكەین دێ‌ بینین پەیوەندیێن یونس مەحموودی دگەل ئەلگەرمە دگەرمن كو ب پەسەندا ئەوێ‌ یانەیێ خوە بەربژاركرییە، هەروەسان سەرۆكێ‌ شانازی یێ ئەلگەرمە پشتەڤانییا كارگێری و دارایی بۆ كرییە، ژلایەكێ‌ دووڤە پشتی بۆرینا هەشت گەڕان ژ خولێ‌ پرانییا یانەیان دبینن كو ڤیانەكا نهێنی و ڕێكەفتن هەیە دناڤبەرا فدراسیۆنێ‌ و یانەیا ئەلگەرمە، سێ‌ نموونەیێن بەرچاڤ هەنە، یا ئێكێ‌ سزایێن توند دژی یانەیا هەولێر و جەماوەری پشتی یارییا بەرانبەر ئەلگەرمە كو سزایێن ژ هەژی نەبوون، یادویێ یارییا بەرانبەر زاخۆ ژی گوهۆڕینا دادڤانێ‌ ڤارێ‌ ژ نشكەكێ‌ ڤە، بڕیارێن شاش یێن دادڤانی دژی یانەیا زاخۆ، یا سێیێ‌ دیالا بەرانبەر ئەلگەرمە تووشی خوسارەتیێ و سزایان بوو، دیسان چەند یاریێن دی كو بوونە جهێ‌ گۆمانێ‌ تایبەت یێن هژمارتنا پەنەلتیان، ئەو روودانێن پەیدا دبن ئاراستەیەكی دیاردكەت و پشتەڤانێن پڕانییا یانەیێن پشكدار یونس مەحموودی گونەهبار دكەن ب هەبوونا ڕێكەفتنێن نهێنی و چاڤخشاندن د یاریێن یانەیا ئەلگەرمە دا.
هەرچەندە بزەحمەتە هەر نوكە قارەمان دیاربیت ژبەكو هێشتا 30 یاریێن مایین، لێ‌ هەكە بڤی شێوەیی بیت دوور نینە ئەڤ خولە ب دووماهی نەهێت یان ژی ئاست و هێزا خوە ژ دەستبدەت ب بڕیارێن شاش یێن دادڤانان بۆ یانەیەكێ‌ یان ژی بڕیارێن توند یێن فدراسیۆنێ‌ دژی هەر یانەیەكا دی بۆ بەرژەوەندییا یانەیا ئەلگەرمە، لڤێرە هیڤییا مە ئەوە یانەیێن مە یێن كوردستانی ب هەستیاری سەرەدەریێ ل گەل خولێ‌ بكەن و هیچ بڕیارەكا شاش ڕازی نەبن، هەروەكو سەرۆكێ‌ یانەیا زاخۆ ڕاگەهاندی هەكە پێرابوون دژی ئەلگەرمە نەبن ئەوان هزرا خوەڤەكێشانێ‌ كرییە، ئەز ژی دبێژم ئەو فدراسیۆنا لاینگریێ بۆ یانەیەكێ‌ بكەت یان دژاتیا یانەیێن كوردستانی بكەت خوەڤەكێشان باشترە ژ مانا د خولێ‌ دا.

]]> https://rojnameyaevro.com/ku/%d8%a6%db%95%d8%b1%db%8e%e2%80%8c-%d9%82%d8%a7%d8%b1%db%95%d9%85%d8%a7%d9%86%d8%a7-%d8%ae%d9%88%d9%84%d8%a7-%d8%a6%db%8c%d8%b1%d8%a7%d9%82%db%8e%e2%80%8c-%d8%a8-%da%95%db%8e%d9%83%db%95%d9%81%d8%aa/270079/feed/ 0 وەرزش‌ ب ڤیانێ و ڕێزگرتنێ یا جوانە https://rojnameyaevro.com/ku/%d9%88%db%95%d8%b1%d8%b2%d8%b4%e2%80%8c-%d8%a8-%da%a4%db%8c%d8%a7%d9%86%db%8e-%d9%88-%da%95%db%8e%d8%b2%da%af%d8%b1%d8%aa%d9%86%db%8e-%db%8c%d8%a7-%d8%ac%d9%88%d8%a7%d9%86%db%95/258121/ https://rojnameyaevro.com/ku/%d9%88%db%95%d8%b1%d8%b2%d8%b4%e2%80%8c-%d8%a8-%da%a4%db%8c%d8%a7%d9%86%db%8e-%d9%88-%da%95%db%8e%d8%b2%da%af%d8%b1%d8%aa%d9%86%db%8e-%db%8c%d8%a7-%d8%ac%d9%88%d8%a7%d9%86%db%95/258121/#comments Mon, 02 Feb 2026 12:39:19 +0000 https://rojnameyaevro.com/ku/?p=258121 محەمەد عەلی نوری

وەرزش د زمانێ‌ ئاشبۆیی دا ئانكو خوە هەلاڤێتنا جەستەییە چو ب ئەنجامدانا یارییان یان ژی ئەنجامدانا ڕاهێنان، ئەم هەموو ل سەر وێ‌ یەكێ‌ ئێك بۆچوونێن كو وەرزش تاكە كریارا پاراستنا تەندرۆستییا هەر مرۆڤەكی یە كو ب ڕێیێن دروست ڕاهێنان بكەت لەوما ژی بوویە لایەنەكێ‌ هەرە گرنگ د ژیانا مرۆڤان دا.
ژلایەكێ‌ دووڤە یا دیارە لاكێشێن وەرزشێ‌ دوورتر چوویە و نەمایە بازنەیا تایبەت ب وەرزشڤانان ڤە ئەو ل سەر ئاستێ‌ جیهانێ‌ پووتەدانەكا مەزن بوو دهێتە دان و ل گەلەك وەلاتان بوویە پرەكا خۆشكرنا پەیوەندیان چو سیاسی بن كو نێزیكبووونێ‌ دگەل وەلاتێن دی پەیدا دكەت یان ژی ئابۆری بن كو بڕێیا وەرزشێ‌ ئابۆرێ وەلاتێ‌ خوە گەش دكەن ب دورستكرنا یاریزانان یان مفایێ‌ ئەنجامدانا یارییان یان دانانا وەبەرهێنانێ‌ ب مفا وەرگرتنا یاریگەهـ، هۆل و ئەردێ‌ وێ‌ یانەیێ‌، گەلەك وەلات ژی بڕێیا وەرزشێ‌ پێشكەڤتینە بووینە ناڤێن مەزن د جیهانێ‌ دا نموونە ئەرجەنتین، بەرازیل، ئسپانیا و هەتا.
ئەڤە لایەنەكێ‌ گرنگە د ناڤا وەرزشێ‌ دا هەیی، هەكە ئەم شرۆڤەكرنەكا دی ب دەینە وەرزشێ‌ ولاكێشەكا دی بۆ ب دانین دبیتە ئەگەرێ‌ خرڤەبوونا خەلكەكی د ناڤا هۆل و یاریگەهان دا كو ب ئێك دەنگی بۆ پشتەڤانییا تیما خوە دكەن، ئەڤە ژی پێشهاتەكێ‌ گەلەك گرنگە ژبۆ خرڤەبوونا كۆمەلگەهێ‌ و ڤیانا باژێر و وەلاتێ‌ خوە كو زاروو، كەسانێن دانعەمر، كەسێن بەرپرس و هەموو تەخێن باژێری پشكداری پشتەڤانیێ‌ دبن.
یا من دڤێت ئەز ب گەهینم دەمێ‌ هەبوونا یارییەكێ‌ د ناڤبەرا تیمێن باژیری یێن ئێك پارێزگەهـ كو دهێتە هژمارتن یاریێن دێربی یان یێن وەلاتی دا كو دهێتە هژمارتن كلاسیكۆ، ئەڤان یارییان تامەكا تایبەت یا هەی بۆ جەماوەر و ئۆتماتیكی دێ‌ دەرۆنێ‌ پشتەڤانان ب زاخ و مۆرالەكا بلندتر بیت و حەزا هەر پشتەڤانەكی یە تیما وی باشتر بیت و ب سەركەڤیت، لسەر ئاستێ‌ جیهانێ‌ دبینن دەمێ‌ یاری دناڤبەرا یانەیێن مەزن ژ چارچووڤەیێ‌ دێربی و كلاسیۆیان دا دهێنە كرن جەماوەرەكێ‌ ئێكجار زوور دهێنە پێش ئەڤە ژی سرۆشتی یە و ل هەموو جیهانێ‌ دهێتە دیتن، نموونە ئەو دێربیێن دناڤبەرا بەرشەلۆنا و ڕیالێ‌ دا چێدبین ب سەلامەتی ب دووماهی دهێت بەرۆڤاژی دێربی و كلاسیكۆیێن مە ئەوێن بەری بهێتە كرن هێرشێن سۆشیال میدیایێ‌ ب ڕێیا هندەك كەسێن نە بەرپرس ژ پشتەڤانێن هەردو یانەیان دەستپێ دكەت ب كەڤ، دژاتیكرن و ئاخڤتنێن كرێت كو ئەڤ دبیتە ڕێكار و دەرگەهەك كو د رۆژا یاریێ‌ دا ب وێ‌ دەرۆنێ‌ دژاتیكرنێ‌ سەرەدەرییا یاریێ‌ و پشتەڤانان ب كەت، ئەڤ كریارە كو ئێكجار د خەلەتن و دبنە ئەگەرێن توندۆتیژی و ئاریشەیێن مەزن دناڤبەرا دو یانە و باژێران دا.
ب ڕێیا سۆشیال میدیایێ‌ تێكدان دەست پێ دكەت
سۆشیال میدیا ئەو ئالاڤێ‌ ئەلكترۆنی كو ئەم هەموو ب كار دئینن، هەر تشتەكێ‌ د دونیایێ‌ دا چێدبیت چو باشی چو خرابی مە ئاگەهی یا ژێ‌ هەی، لێ‌ د نوكە دا بۆ هندەكا یا بوویە ئامرازەكێ‌ گەهاندن و بەلاڤكرنا كار و گۆتنێن خراب كو ب كارئینانا سۆشیال میدیایێ‌ ب شێوەیێ‌ خراب ئێك ژ ئەگەرێن سەرەكی یێن ڤان ئاریشانە، هندەك گەنج هەنە دبیت سنێلە بن بڕێیا تۆرێن چڤاكی دێ‌ ئاخڤتێن دژاتیكرنێ‌ و ڕەكەزپەرستیێ‌ چو ب ڕێیا لایڤان یان نڤێسین بەلاڤكەن، ئێك ژ مەترسیترین كارێن دهێنە كرن، هەرچەندە دناڤا وان لایڤان و كۆمێنتان دا ڤێ‌ شێوازێ‌ سەرەدەریێ‌ ڕەدكەن و دخوازن كەس گوهێ‌ خوە نەدەتێ‌.
چو پێدڤییە بهێتە كرن
هەرچەندە ب هەبوونا یاسایێ‌ وبەندێن قانوونی كو ئەوێن ب خەلەت ب كارئینانا تۆرێن كۆمەلایەتی بكەت یان بكەتە مینبەرەك بۆ كارێن نە باش و ئاخڤتێن كرێت و دژاتیكرن دێ‌ هێتە سزدانا و ئەڤە ژی ڕێكەكا باشە بۆ ڕاوەستیانا خەلەتیان لێ‌ یا گرنگ ئەوە دناڤا وەرزشێ‌ دا چ بهێتە ب كارئینان دا بشێن باهۆزێ‌ دژاتیكرنێ‌ د ناڤ پشتەڤانان دا بهێتە كێمكرن یا ڕاوەستاندن و بڤی رەنگی.
ئێكەم :پێنگاڤەكا باش ژلایێ‌ ئەوان یانەیێن جەماوەرێ‌ وان ڤان كاران دژی ئێك دكەن دڤێت كەسێن دەرۆناس و شارەزا ب دانانا و لژنەیێن بەردەوام هەبن بۆ هوشیارییا ڤان كاران بدانن و دۆڤچوون یا تەسەل بیت، ژبۆ راوەستیانا ترسا هەبوونا تێكدانا و ئێشاندنا جەستەیی.
دو: هەماهنگی دگەل دەستەیێن پشتەڤانان بەری یاریێ‌ و ب دەنگۆیێ‌ بلند بەری یاریێ‌ كەسێن پسپۆر ئامۆژگاری و گرنگییا براینێ بۆ پشتەڤانان دیاربكەن و بلا بیرا وان بینن كو ئەو كەسێ‌ توندۆتیژێ‌ دكەت دێ‌ تووشی سزایێن یاسایی بن و ئەوێ دهێتە گرتن ژی ئێكسەر بۆ دادگەهێ‌ بهێتە هنارتن نەك بتنێ‌ بۆ دەمەكێ‌ كورت بهێتە گرتن و بهێتە ئازادكرن.
سێ‌: درۆستكرنا پەیچێن هوشیاریێ‌ و رەوشەنبیرییا ڤیان و ڕێزگرتنا وەرزشی بدانن، كەسێن رەوشەنبیریا وەرزشی و رۆژنامەڤانێن شارەزا د وەرزشێ‌ دا بلا ببنە ئالیەك بۆ بەلاڤكرنا رەوشەنبیرییا گیان و ڕێزگرتنێ‌ و ڕەوشەنبیریا جەماوەری ب هەر ئەنجامەكی ڕازی بن و بلندكرنا گیانێ‌ وەرزشی.
چار: دۆڤچوونا وان كەسان بكەن یێن كۆمێنت و لایڤێن دژاتیكرنێ‌ و ئاخڤتێن كرێت دكەن و بهێنە گرتن و وێنەیێن وان یان دانپێدانێ ب خەلەتیا خوە بكەن و سۆزێ‌ بدەن ئێدی ئەو وەنەكەن، وەكو دهێتە زانین ئەڤ خالە یا كارابوو و دەستخووش ل جهێن پەیوەندیدار دكەین.
پێنچ: هەبوونا سەرەدانێن بەردەوام و ڕێكەڤتنا هەماهنگی دناڤبەرا یانەیێن مە دا و دانانا چالاكیێن ژبلی وەرزشێ‌ و دووركەڤتنا ئەندامێن یانەیێ‌ ب داخویانیێن گرژبوونێ‌ دناڤبەرا هەردو یانەیان دا ڕێكێن چارەسەركرنا ئەڤان ئاریشەیانە و دڤێت هوشیاری خوە بن ب هیچ داخویانیەكا هەستیار نە هێتە گۆتن.
شەشێ‌: ئەم هەموو خەلكێ‌ كوردستانێ‌ نە و د ئێك وەلات دا دژین و چارنڤیسێ‌ مە ئێكە، خەلكەكێ‌ بینانی ب دیتنەكا دی تەماشی مە دكەن، ئەو پێشكەڤتنا نوكە ل كوردستانێ‌ هەیی ب خوینا شەهیدان و ڕەنچ و خەباتا گەلێ‌ كوردە، د نوكە دا ژێرخانەیا وەرزشی بەر ب پێشڤە دچیت و چەندین دەستكەڤتێن مەزن مە هەنە، ئەڤە ژی بۆ وی خەلكێ‌ بیانی بهێنتەنگی یە، لەوما ژی دەمێ‌ ئاژاوەكێ‌ یان پۆستەكێ‌ نڤێسینێ‌ ل جهەكی دبینن ئەو دێ‌ بزاڤێ‌ كەن وێ‌ گرژبوونێ‌ مەزنتر لێبكەن و هاندنا پشتەڤانا بكەن ب دروشمێن جودا.
وەرزشێ‌ بكەنە پرەكا ڤیانێ‌
دبیت هێشتا خال ژی هەبن، لێ‌ ئەم دێ‌ لڤێرە ڕاوەستیێن ژبەركو بۆ مە گرنگە ئەم هاندنا پشتەڤانێن وەرزشێ‌ ل كوردستانێ‌ بكەین كو ڕێزگرتنێ‌ و ڤیانا هەڤدو هەبیت و ب چاڤەكێ‌ براینی و مرۆڤایەتی سەحكەنە ئێك و دو، وەرزشێ‌ بكەنە خۆشیەك و ڕێكەك بۆ بەلاڤكرنا ڤیانێ‌، وەرزشێ‌ بكەنە ڕێكەك بۆ بلندكرنا ناڤێ‌ باژێرێ‌ خوە و وەلاتێ‌ خوە كوردستانێ‌، وەرزشێ‌ بكەنە ڕێكەك پتر پەیوەندیێن چڤاكی خۆشتر بیت، وەرزشێ‌ بكەنە ڕێكەك گەنجێن مە مفایی وەربگرن و ب گەهنە قارەمانیێن جیهانێ‌ و ئالایێ‌ كوردستانێ‌ بلند بكەن، وەرزشێ‌ بكەنە ئالاڤێ‌ پێكڤە ژیانێ‌ و نێزكبوونا هەموو نەتەوە و ئۆلیێن دناڤا كوردستانێ‌ دا و ڕێزێ‌ ل هەموو ئالی و نەتەوەیان بگرن، ئەڤ كوردستانی گەلەك حەز ژ وەرزشێ‌ دكەین لەوما ژی پێشكەڤتن بەردەوامە و بژیت كوردستان ب گیانێ‌ وەرزشی.

]]> https://rojnameyaevro.com/ku/%d9%88%db%95%d8%b1%d8%b2%d8%b4%e2%80%8c-%d8%a8-%da%a4%db%8c%d8%a7%d9%86%db%8e-%d9%88-%da%95%db%8e%d8%b2%da%af%d8%b1%d8%aa%d9%86%db%8e-%db%8c%d8%a7-%d8%ac%d9%88%d8%a7%d9%86%db%95/258121/feed/ 0 لیستا 275 دێ‌ مافێن وەرزشڤانان پارێزیت https://rojnameyaevro.com/ku/%d9%84%db%8c%d8%b3%d8%aa%d8%a7-275-%d8%af%db%8e%e2%80%8c-%d9%85%d8%a7%d9%81%db%8e%d9%86-%d9%88%db%95%d8%b1%d8%b2%d8%b4%da%a4%d8%a7%d9%86%d8%a7%d9%86-%d9%be%d8%a7%d8%b1%db%8e%d8%b2%db%8c%d8%aa/254178/ https://rojnameyaevro.com/ku/%d9%84%db%8c%d8%b3%d8%aa%d8%a7-275-%d8%af%db%8e%e2%80%8c-%d9%85%d8%a7%d9%81%db%8e%d9%86-%d9%88%db%95%d8%b1%d8%b2%d8%b4%da%a4%d8%a7%d9%86%d8%a7%d9%86-%d9%be%d8%a7%d8%b1%db%8e%d8%b2%db%8c%d8%aa/254178/#comments Tue, 14 Oct 2025 22:07:21 +0000 https://rojnameyaevro.com/ku/?p=254178 محەمەد عەلی نوری

وەكو دیار رۆژ بۆ رۆژ ئەم یێ نێزیكی پرۆسێسەكا مەزن یا هەلبژارتنێن ئەنجوومەنێ‌ ئیراقێ‌ دبین، ئەڤ پرۆسێسە بۆ مە كوردستانیان گەلەگ گرنگە تایبەت وەرزشڤانان، دێ‌ بیتە بەرەیەكێ‌ دی بۆ پاراستنا مافێن مە كوردستانێ‌ یێن ئابۆری، سیاسی و وەرزشی هەتا..، لەوما ژی بۆ پاراستنا مافێن مە ئەندام هەبن ب دورستی داكۆكیێ ژ مافێن دەستووری یێن خەلكێ كوردستانێ بكەن، ئێك ژ ئەوان پرسێن هەر سال ئەم دبینن ئەو غەدر و نەدانا مافێن وەرزشڤانا ژلایێ‌ پەرلەمانێ‌ ئیراقێ‌ و دژاتییا چەند بەرپرسێن وەرزشی دژی یانە و یاریزانێن كوردستانی، ئەڤەژی ڤەدگەڕیت ژبەر نەبوونا هژمارەكا باش یا ئەندامێن پەرلەمانێ‌ ئیراقێ‌ ژ لیستا پارتی كو بتنێ‌ ئەو دشێت مافێن وەرزشڤانان پارێزیت.
دبیت بێژن بۆچی پارتی، دێ‌ ب شانازیڤە بێژم كو ب سەركێشییا پارتی دیموكراتی كوردستان حوكمەتا هەرێمێ‌ پرۆژەیێن مەزن د هەموو لایەكیڤە هاتینە دانان و بەردەوامن، ئێك ژ وان پرۆژەیێن پارتی د ناڤا كەرتێ‌ وەرزشێ‌ دایە كو پشتەڤانییەكا تایبەت بۆ كرییە ب ئاڤاكرنا بەردەوام یا ژێرخانەیێن وەرزشی، دەرئەنجامێ‌ پشتەڤانیێ‌ ژی یانەیێن دهۆك، زاخۆ و سەنحاریب شیاینە دەستكەڤتێن مەزن یێن ئیراقی و كەنداڤی بدەستڤە بینن و چەندین یاریزانان ل سەر ئاستێ‌ دەرڤە بووینە قارەمان، لەوما ژی یا فەرە د هەلبژارتنێن 11-11 دا ئەم لیستا 275 هەلبژێرین.
بۆچی لیستا 275 ب هەلبژێرین، بێ دو دلی ئەز دبێژم ب لیستەیا 275 یا پارتی بهێتە هەلبژارتن ژبەر ئەڤان ئەگەران، پارتی چ جاران نەهێلایە وەرزش بهێتە پشتگوهـ هاڤێتن، بەردەوام پشتەڤان بوویە و كاركرییە وەرزشڤانێن مە لێخشاندنێ دگەل وەرزشڤانێن دەرڤە و نافخو بكەت داكو بگەهیتە هیڤیێن خوە دیسان بڕێكا دەزگەهێن خوە بەردەوام خەلات و ڕێزلێئینانا یاریزان و یانەیێن سەركەڤتی، د حكومرانییا پارتی دا ژێرخانەیا وەرزشی بەر ب پێشڤە چوویە تایبەت ئاڤاكرنا یاریگەهـ، هولێن وەرزشی هەروەسان بەردەوام بوویە پشتەڤانییا مادی و مەعنەوی بۆ یانە و دەزگەهێن وەرزشی، هەروەسان لژێر دەستهەلاتا پارتی هەر ژ دەستپێكا سەرهلدانا بهارا 1991ێ وەرچەرخانەكا دیرۆكی د وەرزشا كوردستانێ دا پەیدابوویە، دەستكەڤت و ئەنجامێن مەزن یێن تیمی و یاریزانان دیاریێن جودا دا دەستڤەئیناینە، ئێك ژ خالێن دی یێن گرنگ پارتی شیاییە هەرێما كوردستانێ‌ بكەتە پەنگەهەكا پەسەندكری و پشتگەرم بۆ مێڤاندارییا چەندین قارەمانیێن نێڤدەولەتی یێن عەرەبی، ئاسیا و جیهانی، ئەڤە هەموو ژی پارتی ئەنجامدایە بوویە ئەگەر د نوكە دا سەكتەرێ‌ وەرزشی پێشكەڤیت، لێ‌ دڤێت ژبیر نەكەین هەبوونا زوورترین نوونەرێن پارتی ل پەرلەمانێ‌ ئیراقێ‌ دێ‌ پێشڤەچوونێن باشتر هەبن و هیڤیێن مەزنتر بۆ وەرزشڤانان پەیدابن.
خالا ژ هەموویان گرنگتر ئەوە بلا وەرزشڤان بزانن هەردەم نوونەرێ‌ پارتی د پەرلەمانێ‌ ئیراقێ‌ دا بوویە پشتەڤانییا وان كرییە ژبەركو ب گیانەكێ‌ نەتەوەیی دووڤچوونا هەموو بابەتێن وەرزشی ل پەرلەمانێ‌ ئیراقێ‌ كرییە، ئەڤچا هەبوونا نوونەرێن پارتی ل پەرلەمانێ‌ ئیراقێ‌ دت دێ‌ مافێ‌ هەموو وەرزشڤانان دناڤ هەر چالاكییەكا دەرڤە و نافخوە پاریزیت و بەرگێریێ‌ ژێ‌ كەت هەروەكو پێشتر ژی هاتییە كرن و ئەنجامێن باش هەبووینە، لەوما ژی دێ‌ بێژم پشكدارییا هەوە یا كاریگەر سەركەڤتنە بۆ لیستەیا هەڤپشكی، هەڤسەنگی و لهەڤكرن، دیسان گەرنتییە بۆ هەموو وەرزشڤانێن كوردستانێ‌ و پارێزگەها دهۆكێ‌ و باشتر خزمەت و پێشكەڤتنا كەرتێ‌ وەرزشی یە لەوما ژی ب گیانێ‌ وەرزشی و نەتەوەیی و بیرۆباوەرێن كوردایەتیێ‌ لیستا 275ێ‌ ژ هەژی دەنگدانێ‌ یە.

]]> https://rojnameyaevro.com/ku/%d9%84%db%8c%d8%b3%d8%aa%d8%a7-275-%d8%af%db%8e%e2%80%8c-%d9%85%d8%a7%d9%81%db%8e%d9%86-%d9%88%db%95%d8%b1%d8%b2%d8%b4%da%a4%d8%a7%d9%86%d8%a7%d9%86-%d9%be%d8%a7%d8%b1%db%8e%d8%b2%db%8c%d8%aa/254178/feed/ 0 سزایێن نە دادپەروەرانە پلانەكا لاوازكرنێ‌ یە سەرناگریت https://rojnameyaevro.com/ku/%d8%b3%d8%b2%d8%a7%db%8c%db%8e%d9%86-%d9%86%db%95-%d8%af%d8%a7%d8%af%d9%be%db%95%d8%b1%d9%88%db%95%d8%b1%d8%a7%d9%86%db%95-%d9%be%d9%84%d8%a7%d9%86%db%95%d9%83%d8%a7-%d9%84%d8%a7%d9%88%d8%a7%d8%b2/250261/ https://rojnameyaevro.com/ku/%d8%b3%d8%b2%d8%a7%db%8c%db%8e%d9%86-%d9%86%db%95-%d8%af%d8%a7%d8%af%d9%be%db%95%d8%b1%d9%88%db%95%d8%b1%d8%a7%d9%86%db%95-%d9%be%d9%84%d8%a7%d9%86%db%95%d9%83%d8%a7-%d9%84%d8%a7%d9%88%d8%a7%d8%b2/250261/#comments Mon, 11 Aug 2025 22:36:07 +0000 https://rojnameyaevro.com/ku/?p=250261 محەمەد عەلی نوری

د دەمەكی دا مە هزر دكر فدراسیۆنا فوتبۆلا ئیراقێ‌ دێ‌ ب جوانترین شێوە هەردو یانەیێن دهۆك و زاخۆ خەلاتكەن پشتی ب دووماهی هاتنا خولا ستێرێن ئیراقێ‌، ژبەر ڕێكوپێكی و ڕێكخستنەكا جوان یا هەردو یانەیان تایبەت ژلایێ‌ پشتەڤانێن هەردو یانەیان كو سەرۆسیمایەكێ‌ شارستانی و پێشكەڤتی دابوو خولێ‌ هەتا خەلەكێ‌ بیانی سەرسۆرمان دكر ب نیماش و پشتەڤانییا پێشكەڤتی، لێ‌ ژ نشكەكێ‌ ڤە هندەك بڕیارێن ئێكجار توند و بێ‌ ڕامان دژی وان دەركرینە، هەرچەندە د یارییا فینالا كۆپا ئیراقێ‌ دا روودانەكێ‌ كێم هەبوون، لژنەیا دەسپلینێ‌ مافێ‌ هەیە سزایان بدەن، لێ‌ نە بڤی شێوەیێ توند كو وێ‌ چەندێ‌ دیاركەت نە چاڤ پێڕابوون ب پێشكەڤتنا وەرزشا كوردستانێ‌ یە.
ئەو حوكمەتا چەندین سالە دژاتییا فەرمانبەرێن كوردستانێ‌ و هەرێما كوردستانێ‌ بكەت رووهن دبیت ئەڤ بڕیارێن هاتینە دان ژی درێژە پێدانە ب ئەوێ‌ دژاتیێیە، هەكە ب دووڤچوونا روودانێن یارییا فینالێ‌ بكەین هەر شارەزاییەكێ‌ دناڤ وەرزشێ‌ دا دێ‌ بێژیتە تە سزا ژ قالبێ‌ ڕێنما دەرگەڤتییە و نە د واقعی نە، ئاریشەیێن مەزنتر چێبووینە ئەڤ سزایە نە هاتینە دان.
بۆ من شووك بوو ئەو دەمێ‌ مەسعۆد میرال تووشی سزایێن مەزن بووی شەش مەهان دوورئێخستن و 25 ملیۆن دیناران سزادایی، د بەرانبەر دا عەبدولغەنی شەهەد سزایەكێ‌ كێم بتنێ‌ سێ‌ ملیۆن دیناران بوو، هەردو ڕاهێنەران هەمان شێوازێ‌ ڕەخنێ‌ ل سەر فدراسیۆنا فوتبۆلێ‌ هەبوون، ژ لایەكێ‌ دووڤە چارەسەرێ‌ تیما دهۆكێ‌ نەبی كرڤان ب شەش هەیڤان بهێتە دوورئێخستن بەرانبەر ی پۆلیسێن ئێمناهییا یاریگەهێ‌ نە جوانترین شێوە سەرەدەریێ‌ دگەل چارەسەرێ‌ تیمێ‌ بكەن و دەست و پێن وی بشكێنن د ژوورەكا تاڕی ڤە، جەماوەرێ‌ هەردو یانەیێن دهۆك و زاخۆ پێكڤە كەیفخوەشی ژ پارێزگەها دهۆكێ‌ هەتا گەهشتینە یاریگەهێ‌ و یاری ب دووماهی هاتی هیچ ئاریشەیە دناڤبەرا وان دا پەیدا نەبوو، لەوما بڕیارێن وان د واقعی نینن تایبەت سزایێن ل سەر پشتەڤانان.
داخوازێ‌ ژ ڕێڤەبەرییا وەرزشی ل حوكمەتا هەرێما كوردستانێ‌، لژنەیا و بەرپرسێن مە یێن وەرزشی ل پارێزگەها دهۆكێ‌ ب ڕژدی ل سەر ڤێ‌ غەدرێ‌ ب ڕاوەستیێن و بێ‌ دەنگ نەبن، بڕیارێن ئنتیكەنە و بزاڤەكە بۆ لاوازكرنا وەرزشا كوردستانێ‌ دیسان نە چاڤ پێڕابوونە ب پێشكەڤتنا وەرزشا كوردستانێ‌، داخوازێ‌ ژ هەردو یانەیێن مە دكەین هەلوەستەكێ‌ توند بەرانبەر ئەڤان بڕیاران هەبیت، تانێ‌ ل سەر بدەن، بلا گەڤ ژی هەبن خوە ڤەكێشانێ‌ ژ خولێ‌ هەكە داخوازی بجهنەهاتن، مە پێشبینی دكر دێ‌ سزا هەبن لێ‌ نە بڤی شێوەیێ‌ توند و بێ‌ ڕامان.

]]> https://rojnameyaevro.com/ku/%d8%b3%d8%b2%d8%a7%db%8c%db%8e%d9%86-%d9%86%db%95-%d8%af%d8%a7%d8%af%d9%be%db%95%d8%b1%d9%88%db%95%d8%b1%d8%a7%d9%86%db%95-%d9%be%d9%84%d8%a7%d9%86%db%95%d9%83%d8%a7-%d9%84%d8%a7%d9%88%d8%a7%d8%b2/250261/feed/ 0 ب گه‌شبینی ده‌ستپێكرن، ل دووماهیێ ده‌ست ڤالا ڤه‌گه‌ڕیان https://rojnameyaevro.com/ku/%d8%a8-%da%af%d9%87%e2%80%8c%d8%b4%d8%a8%db%8c%d9%86%db%8c-%d8%af%d9%87%e2%80%8c%d8%b3%d8%aa%d9%be%db%8e%d9%83%d8%b1%d9%86%d8%8c-%d9%84-%d8%af%d9%88%d9%88%d9%85%d8%a7%d9%87%db%8c%db%8e-%d8%af%d9%87/243455/ https://rojnameyaevro.com/ku/%d8%a8-%da%af%d9%87%e2%80%8c%d8%b4%d8%a8%db%8c%d9%86%db%8c-%d8%af%d9%87%e2%80%8c%d8%b3%d8%aa%d9%be%db%8e%d9%83%d8%b1%d9%86%d8%8c-%d9%84-%d8%af%d9%88%d9%88%d9%85%d8%a7%d9%87%db%8c%db%8e-%d8%af%d9%87/243455/#comments Tue, 18 Mar 2025 22:39:14 +0000 https://rojnameyaevro.com/ku/?p=243455 محه‌مه‌دعه‌لی نوری

پشتی ب دووماهی هاتنا هه‌ڤڕكیێن خولا پلا ئێكا كوردستانێ یا فتبۆلێ هه‌رسێ یانه‌یێن پارێزگه‌هێ، دهۆك، سێمێل و ته‌ناهی ب ده‌ستڤالا و مانا خوه‌ بۆوه‌رزێ بهێت پاراست ئه‌وا هه‌ردو یانه‌یێن قه‌لادزێ و هه‌لۆ پلێتا ده‌ربازبوونێ بۆ پلا نایاب ب ده‌ستڤه‌ بینن.
هه‌كه‌ ئه‌م ڤه‌گه‌ڕینه‌ به‌ری ده‌ستتپێكرنا خولا پلا ئێك هه‌رسێ یانه‌یێن پارێزگه‌هێ ب درۆشمێ گه‌شبینی و دێ بزاڤێ كه‌ین و دێ هه‌ڤڕكیێ بۆ ده‌ستڤه‌ ئینانا پلێته‌كا ده‌ربازبوون كه‌ین، دبیت مه‌ هه‌موویان ده‌ستپێكێ ئه‌و پێشبینی كربیت كو تیما دهۆك دێ هه‌ڤڕكه‌كا بهێزبیت بۆ پلێتا نایاب ئه‌وا ل وه‌رزێ بۆری پاشڤه‌هاتییه‌ پلا ئێك، لێ ئه‌نجامێن ده‌سپێكی ئه‌و پێشبینی لاوازكرن تایبه‌ت د حه‌فت یاریێن ده‌سپێكی دا كو چار خوساره‌تی، دو وه‌كهه‌ڤی و ئێك سه‌ركه‌فتن هه‌بوو، مه‌ هزر دكر گوهۆڕینا ڕاهینه‌ری دێ ڤه‌گه‌ڕیانا بهێزبیت لێ ئه‌نجامێن لاواز به‌رده‌وام بوون و تا دووماهییا خولێ جهێ خوه‌ ل رێزا نه‌هێ كرن 14 خال كۆمكرن بتنێ سێ سه‌ركه‌فتن، پێنج وه‌كهه‌ڤی و پێنج خوساره‌تی و هیچ هیڤییه‌كا ده‌ربازبوونێ نه‌بوویه‌.
ژلایێ خوه‌ڤه‌ یانه‌یا سێمێلێ ئه‌وا كارێ خوه‌ باش كربوو ب ئینانا سێ یاریزانێن پیشه‌كار و كۆمه‌كا یێن نافخوه‌ خودان سه‌ربۆر، داخویانیێن كارگێرییا یانه‌یێ ژی ڕژدی بۆ پلا نایابێ بوون، ئه‌وا ئه‌ڤه‌ نێزیكی13 ساله‌ هیڤیێن ده‌ربازبوونێ دكه‌ت، لێ ئه‌نجامێن وێ دناڤ یاریگه‌هێ دا به‌رۆڤاژی ئه‌و هیڤی و ئارمانجان بوو تایبه‌ت پشتی ژ ده‌ستدانا زێده‌تر هه‌شت یاریزانێن خوه‌ یێن سه‌ره‌كی ئه‌وێن ژبه‌ر ڕاوه‌ستیانا پشته‌ڤانییا دارایی تیم هێلایی، ئه‌ڤچه‌نده‌ وه‌كر سێمێل ژ خه‌ونا خوه‌ بێ هیڤی بیت و بتنێ مانا خوه‌ پاراست، ل رێزا 10ێ ڕاوه‌ستیایی ب13 خالان ژ سێ سه‌ركه‌فتن، چار وه‌كهه‌ڤی و شه‌ش خوساره‌تییان.
ژلایه‌كێ دووڤه‌ داخویانیێن به‌رپرسێن یانه‌یا ته‌ناهی د ئاشكه‌را بوون ئه‌وژی هه‌كه‌ پشته‌ڤانییا دارایی بهێته‌ كرن دێ شێن هه‌ڤڕكیێ كه‌ین، دناڤا یاریگه‌هێ دا ده‌سپێكه‌كا ناڤنچی دا هاتنه‌ دیتن، د حه‌فت یاریێن ده‌سپێكی دا پێنج وه‌كهه‌ڤی ئینابوون، ئێك سه‌ركه‌فتن و ئێك خوساره‌تی، ب دووماهی هاتنا خولێ ل رێزا 11ێ راوه‌ستیا ب 12 خالان ژ دو سه‌ركه‌فتن، شه‌ش وه‌كهه‌ڤی و پێنج خوساره‌تییان.
ل دووماهیێ یا من دڤێت بێژم مخابن چو یانه‌یێن پارێزگه‌هێ نه‌شیان پلێته‌كا ده‌ربازبوونێ بۆ نایاب وه‌ربگرن، ئه‌ڤچه‌نده‌ ژی ئه‌گه‌رێن جودا هه‌نه‌، دبیت پشته‌ڤانییا دارایی تاكه‌ ئه‌گه‌رێ سه‌ره‌كی بیت، من هیڤییه‌ك ژ كارگێریێن هه‌رسێ یانه‌یێن مه‌ هه‌نه‌، هه‌كه‌ دارایی ئه‌گه‌رێ سه‌ره‌كی بیت و چاڤه‌ڕێ بتنێ ئێك ژێده‌ربن ئه‌وژی حكومه‌ت بیت، ئێدی بزاڤێن مه‌زن بكه‌ن و حوكمه‌تێ ڕازیبكه‌ن بۆئینانا سپۆنسه‌رێ زه‌بلاح و پشته‌ڤانیه‌كا مه‌زن بیت، ژبه‌ركو خولا كوردستانێ بتنێ چار مه‌هن ئانكو چو پاره‌كێ مه‌زن بۆ یانه‌یان نا هێته‌ خه‌رجكرن، ب هیڤینه‌ گرنگی ب خولا كوردستانێ بهێته‌ دانان بۆ خاترا كوڕێن باژێرێ خوه‌ و پێشئێخستنا وه‌رزشا پارێزگه‌هێ.

]]> https://rojnameyaevro.com/ku/%d8%a8-%da%af%d9%87%e2%80%8c%d8%b4%d8%a8%db%8c%d9%86%db%8c-%d8%af%d9%87%e2%80%8c%d8%b3%d8%aa%d9%be%db%8e%d9%83%d8%b1%d9%86%d8%8c-%d9%84-%d8%af%d9%88%d9%88%d9%85%d8%a7%d9%87%db%8c%db%8e-%d8%af%d9%87/243455/feed/ 0