كابینەیا نەهێ یا حوكمەتا هەرێما كوردستانێ ب سەرۆكایەتییا مەسرور بارزانی، د رەوشەكێ دەستبكاربوو، كو كۆمەكا ئاستەنگان هاتبوونە پێشبەری هەرێما كوردستانێ، ل گەل وێ چەندێ، شیا روو ب روویێ هەموو وان ئاستەنگان ببیت و ب سەر پترییا ئاستەنگێن ل پێشبەری سێكتەرێن جودا جودا زال بیت.
هەروەسا هەموو ئەو بابەتێن كو پەیوەندی ب خزمەتكرنا هەڤوەلاتییانڤە و ئەوێن رەهەندین مرۆڤایەتی و جڤاكی هەی، د دەمێ وێ كابینەیێ دا بەرگەكێ نوو ل بەر هاتە كرن و پێنگاڤێن مەزن د وی بواریدا هاتنە هاڤێتن.
ب درووشمێ كوردستانەكا ب هێز، كابینەیا نەهێ یا حوكمەتا هەرێما كوردستانێ ب سەرۆكایەتییا مەسرور بارزانی ل 10/7/2019 پێكهات.
ئەو كابینەیە ژ 19 وەزارەت و 12 فەرمانگەه و دەستەیێن نە گرێدای ب وەزارەتان ڤە پێك دهێت و سەرەرای وان ئاستەنگێن ئابووری و سیاسی ئەوێن ل پێشبەری وێدا هەین، دەست ب كاركرنێ كر و شیا پێنگاڤێن مەزن ژ روویێ رێكخستن و چاكسازیێ ب هاڤێژیت. ئەو بابەتێن كو پەیوەندی ب خزمەتا هەڤوەلاتییان ڤە هەی، بەرگەكێ نوو ل بەر هاتە كرن و پەیوەندییا د ناڤبەرا حوكمەتێ و جڤاكی و خزمەتگوزارییان بۆ هەڤوەلاتییان چوونە قۆناغەكا پێشكەفتی و چەندین بوار د وی چارچۆڤەیدا ڤەگرتن. ئەوژی پێك دهێن ژ:
بوارێ پێكڤەژیانێ: د دەمەكیدا هەشت پێكهاتەیێن ئایینی و ئاینزا ل هەرێما كوردستانێ یێن هەین، ڤێ كابینەیێ شیا 457 جهێن ئایینی دروست بكەت.
بوارێ میدیایێ: ل سەر چەسپاندن و ب هێزكرنا بنەمایێ دیموكراسیێ و ئازادییان و رۆژنامەگەریێ بۆ هەموو رۆژنامەڤانان ب گۆڕەی قانوون و رێنماییان هاتە پەیداكرن، ل هەرێما كوردستانێ 126 كەنالێن ناڤخوەیی، 31 كەنالێن ئەسمانی، 176 رادیۆ، 121 مالپەرێن ئەلیكترۆنی و 988 رۆژنامە و كۆڤار ب ئازادی كار دكەن.
بوارێ رێكخراوێن نە حكومی: ل كوردستانێ پێنج هزار وئێك رێكخراوێن ناڤخوەیی و بیانی هاتینە تۆماركرن و دەلیڤەیێن كارێ وان د بوارێن جودا جودا دا بۆ هاتیە پەیداكرن.
بوارێ ئاوارە و پەناپەران: دابینكرنا هاریكاریێن مرۆڤایەتی ب تێچوویێ 842 ملیۆن دۆلاران سالانە بۆ زێدەتر ژ ئێك ملیۆن ئاوارە و پەناپەران ل 31 كۆمپان ل هەرێما كوردستانێ.
بوارێ شۆركرنا دەستهەلاتان یان ژی (لا مەركەزی) : سەرۆكێ حوكمەتا هەرێما كوردستانێ بڕیار دا د چارچۆڤەیێ لامەركەزیەتێدا دەستهەلاتێن كارگێری و دارایی بۆ پارێزگەه و ئیدارەیێن سەربخوە بهێنە شۆركرن، هەر د ڤی چارچۆڤەیدا ژی هەر ئێك ژ ئیدارەیا سەربخوەییا سۆران و ئیدارەیا سەربخوەییا زاخۆ و دەهان رێڤەبەریێن خزمەتگوزاری یێن نوو بۆ ئاسانكاریێ د رێڤەبرنا مامەلێن هەڤوەلاتییاندا هاتنە دامەزراندن.

لژنەیا بلند یا پارتی دیموكراتی كوردستان بۆ سەرپەرشتییا هەلبژارتنێن پەرلەمانێ كوردستانێ، بەیاننامەیەك ل دۆر هەبوونا بەلگەیەكێ ل سەر بزاڤا بەرپرسێن نوكە یێن ئێكەتیێ بۆ دەستكاریێ د ئەنجامێن هەلبژارتناندا بەلاڤكر و ئەڤە دەقێ وێ یە.
وەلاتیێن بەڕێز
دەنگدەرێن خۆشتڤی
هەروەكی هوین دزانن، ئەم وەك پارتیا دیموكراتا كوردستانێ پشتی بڕیارێن دادگەها فیدرالی یا عیراقێ ل چەندین جهان ل دۆر ڕێكارێن ئەنجامدانا پرۆسەیا هەلبژارتنان، مە (دلتەنگییا) نیگەرانییا خۆ دەربڕی. بێگومان نیگەرانیێن مە ل سەر بنگەهێ زانیارییان بوون، لێ وی دەمی بەلگە ل بەر دەستێ مە نەبوون. نوكە ب بەلگەڤە ئەم نیگەرانی و زانیاریێن خۆ پشتڕاست دكەین. ئەڤە پشتڕاستكرنەكە كو ئەڤرۆ ب ڕێیا بەلگەیەكێڤە ئەم ڕوویێ ڕاستەقینە یێ سەركردایەتییا نوو یا یەكێتیێ، ب تایبەتی (بافل و قوباد) دیار دكەین، كا چاوا ب ڕێیا گفتوگۆییەكا د ناڤبەرا وان دا پیلانێن وان یێن شویم و خراب ل دژی كوردستانێ، دیموكراسیێ، مالباتێن شەهیدان و پێشمەرگەیێن قەهرەمان بەحس دكەن و، د بزاڤا سەختەكاریێ و دیزاینكرنەكا درەو دا نە بۆ خۆ و، ب رەنگەكێ بێشەرم، بێ ڕێزیێ ب شەهیدێن نەمر، مالباتێن سەربلند یێن وان، پێشمەرگەیێن قەهرەمان و دەنگدەرێن خۆشتڤی دكەن، دا بشێن ب پیلان و سەختەكاریێ پرۆسەیەكا دیموكراسی وەكو یا هەلبژارتنێ ب ڕێیەكا خراب دا ببەن و كرێت بكەن.
وەلاتیێن خۆشتڤی یێن كوردستانێ
ئەڤرۆ د دیاركرنا ڤێ بەلگەیێ دا، ئەم بەرێ خۆ ددەینە دەولەتا فیدرال یا ئیراقێ، وەلاتیێن كوردستانێ، حزب و لایەنێن سیاسی، خەباتكاران، چاڤدێران، رەئیا گشتی و جڤاكا نێڤدەولەتی و ڤێ ڕاستیێ دا دنێینە بەر دەستێ وان، ڕاستییەك كو ڕوویێ ڕاستەقینە یێ (بافل و قوباد)ی بۆ هەمییان ئاشكرا دكەت، بەلێ ئەڤەیە هەقیقەتا (بافل و قوباد)ی، ئەو هەردو نوو دەركەتیێن دنیایا سیاسەتێ، كو رۆژەكێ بۆ كوردایەتیێ زەحمەت نەكێشایە و، هەرچی خەباتكارێن د ناڤ حزبا وان دا هەنە، یان سڤكاتی پێ كریە، یان بێزار و ڤەدەر و پەراوێز و دەركرینە، دا ب ڕێیا ڤی جۆرێ پیلان و سەفقەیێن دوژمنایەتیێ ل دژی هەرێما كوردستانێ كار بكەن و ناڤ و دەنگێ دیموكراسیێ یێ ئەزموونا هەرێما كوردستانێ كرێت بكەن.

كەرەم بكەن نڤێسینا دەنگی بخوینن:
بافل: بەلێ قوب، تو چاوایی كاكە.
قوباد: تو چاوایی، تە چ دگەل جیرانێن مە كر؟
بافل: هیچ وەختەكی باشتر نەبووە، گۆتن بێهنا وان ژ بارزانیان تەنگ بووە.
قوباد: ئەو دیارە كاكە، ئەو دەرهەقی پارتی ڕاستن…
بافل: (گۆتنا وی دبڕت) نەگرنگە ئەو چی دكەن، ئەز سۆزێ ددەمە تە، ئەڤێ جارێ دێ خراب سەرێ وان ئینین (پەیڤەكا كۆلانكی بكاردئینت). خەما تە نەبت، ئەوان گەرەنتیا 30 كورسیكان دایە مە، هەروەسا گەرەنتیا لادانا 11 كورسیكێن هەردەم پارتی بۆ بەرژەوەندیێن خوە بكاردئینت داینە.
قوباد: ئەڤە خەبەرەكێ خوەشە، ل ڕەخێ من ژی هەرتشت ب گۆرەی پلانێ یێ ب ڕێڤە دچت. بەس بلا ل بیرا تە بت كاكە، پێدڤیە ئەم ل ئەڤێ ژیر بین، پێدڤیە ئەم خەلكی بۆ ئەوان كورسیان بجەمینی، داكو رەواتی ب وەرگرتنا ئەوان كورسیكان ڤە دیار بت. وەكی هەرجار، مە پێشەنگیا بكارئینانا (حزبی شەهیدان، ئەنفال، هتد) هەیە، تنێ هەكە رەوش..
بافل: (گۆتنا وی دبڕت) گوهبدە كاكە، ئەم دێ یاریێ كەین، بەس هندی بۆ من خەم، مە پێشوەخت كورسیكێن خوە مسۆگەر كرینە، ئەم نە هەوجەی دەنگێن چو خویڕیانین. ئەز ژ كەسێ ناخوازم دەنگی بدەت، ئەز نە د خەما شەهیدانم، ئان مالە شەهید، ئان پێشمەرگەیێن خویڕی، هەرچاوا بت، بەهرا پتر ئەو دێ دەنگی دەنە لاهۆری.
قوباد: ب هەر ئاوایێ هەبت، پێدڤیە نهۆ ئەم هوشیار بین، نەخاسمە پارتی و ب تایبەتی مەسروور، ب ڕاستی نیگەرانن، چونكی نزانن پێنگاڤا مە یا بهێت دێ چ بت. ئەو دزانن بۆ هەلبژارتنان ئەم هاریكاریێ ژ بەغدا و جیرانان وەردگرین، لێ نەشێن بورهان بكەن.
بافل: ئەز دێ بۆ تە ئێك تشتی بێژم، ئەز نەشێم خوە بگرم، تاكو ڕوویێ مەسرووری یێ خوەبا دبینم وەختێ ل هەلبژارتنان ئەم وی دئێخین. ئەو هەردەم ب چاڤەكێ نزم ل مە دنێڕت، ئەم دێ وا لێ كەین تامكەنە دەرمانێ خوە.
قوباد: ئەز دگەل تەمە، بەس پارتی دێ فشارێ ل بەغدا كەت، دێ بزاڤێ كەت…
بافل: (گۆتنا وی دبڕت) كاكە، بەغدا گوهێ خوە ددەتە مە، سپاس بۆ باندۆرا جیرانێن مە. ب ڕاستی نە خەمە پارتی بزاڤێ دكەت ل بەغدا چ بكەت. هەكەر تشتەك بۆ مە باش نەبت، تنێ دێ وەغەرەكێ چمە وێدەرێ و هەرتشتی دروست كەم، ب سانەهیە.