دلڤین رەشید
هێلین عەبدوللا (ئەبو بەنگین) بەرواری بەربژارا هەژمار 8 ل سەر لیستا 190یا پارتی دیموكراتی كوردستان ل بازنەیێ دهوكێ، ژ خێزانەكا كوردپەروەر ل باژێرێ دهوكێ ژ دایكبوویە، هەلگرا وەرناما بەكەلوریۆسە د وارێ ئەندازیاریا چاندنێ دا ل زانكۆیا سەلاحەدین، وەك ئەندازیارا چاندنێ دێ كار ل سەر پێشڤەبرنا كەرتێ چاندنێ دێ كەت.
هێلین عەبدوللا ئەحمەد بەرواری بۆ رۆژناما ئەڤرۆ دیار كر، لیستا 190یا پارتی دیموكراتی كوردستان لیستا ( ئارامی و ئاڤەدانی و پێكڤەی و خۆڕاگری) یە لیستا سەرۆك بارزانی یە، لیستا پاراستنا مافێ خەلكێ كوردستانێ یە، لیستا پێشمەرگە و كەسوكار و بنەمالێن شەهیدانە یا خەلكێ خەباتكەر و شۆڕەشگێرانە، ژبەر هندێ مرۆڤ ب رێیا ڤێ لیستێ دێ شێت خزمەتا گەل و مللەتێ خۆ ل پاشەرۆژێ بكەت.
بەربژارا هەژمار 8 گۆت ژی: (ب راستی من گەلەگ پرۆژە یێن هەین، ل سەر كارنامەیا پارتا خۆ ژی دێ كاركەم، لێ پرۆژەیێ من یێ سەرەكی بۆ پەرلەمانێ هەرێما كوردستانێ، دێ پتر گرنكیێ دەمە كەرتێ چاندنێ و پێشەسازی و بازرگانی ژ بۆ هندێ ئەم پتر بشێین دەلیڤەیێن كاری بۆ گەنجێن خۆ پەیدا بكەین و لڤینا بازرگانی بۆ ڤی كەرتێ گرنگ دورست بكەین، بەرهەمێن جۆتیاران نە ب تنێ بۆ ناڤ خۆیا هەرێما كوردستانێ بیت، بەلكو دێ وان بزاڤان كەین ئەڤ بەرهەمە زێدەتر بۆ دەرڤەی وەلاتی ژی بهێتە هنارتن).
ئاشكرا ژی كر كو د كەبینەیا نەهێ یا حكومەتا هەرێما كوردستانی دا كاك مەسرور بارزانی پێنگاڤێن باش هاڤێتینە ژ بۆ پێشئێخستنا كەرتێ چاندنێ، ئەم ژی دێ بەردەوام بین ل سەر ڤێ رێبازێ و پشتەڤانیكرنا جۆتیارێن خۆ ژ بۆ بهێزكرن و پێشڤەبرنا كەرتێ چاندنێ.
هێلین عەبدوللا ئەحمەد بەرواری گۆت: داخوازێ ژ هەمی دەنگدەرێن هێژا دكەم كو رۆژا 20-10 بچنە سەر سندۆقێن دەنگدانێ و بۆ گەرەنتیكرنا پاشەرۆژا خۆ دەنگی بدەنە لیستا 190 یا پارتی دیموكراتی كوردستان و د ژ بەربژارێن وی هەژمار 8 ژبیر نەكەن.
نيشاندان