Rojnameya Evro » سەردار مەجید https://rojnameyaevro.com/ku Tue, 28 Apr 2026 21:45:36 +0000 ar hourly 1 https://wordpress.org/?v=4.0.38 ڕۆژا جیهانی یا كرێكاران https://rojnameyaevro.com/ku/%da%95%db%86%da%98%d8%a7-%d8%ac%db%8c%d9%87%d8%a7%d9%86%db%8c-%db%8c%d8%a7-%d9%83%d8%b1%db%8e%d9%83%d8%a7%d8%b1%d8%a7%d9%86/262066/ https://rojnameyaevro.com/ku/%da%95%db%86%da%98%d8%a7-%d8%ac%db%8c%d9%87%d8%a7%d9%86%db%8c-%db%8c%d8%a7-%d9%83%d8%b1%db%8e%d9%83%d8%a7%d8%b1%d8%a7%d9%86/262066/#comments Tue, 28 Apr 2026 21:08:19 +0000 https://rojnameyaevro.com/ku/?p=262066 سەردار مەجید

ئێكێ هەیڤا گولانێ، نە بتنێ ژڤانەكێ سالانەیە ل سەر سالنامەیا جیهانێ، بەلكو سیمبۆلەكێ مەزنێ خۆڕاگری، تێكۆشان و وەفاداریێ یە بۆ وێ تەخا كو ستووینا سەرەكی یا ئاڤادانكرنا هەر جڤاكەكێ‌ یە. ئەڤڕۆ ڕۆژا جیهانی یا كرێكارانە؛ ڕۆژا وان دەستێن ب ماندیبوونێ ڕەق بووین دا كو ژیانا مە نەرم و ب ساناهی بكەڤیت. ب ڤێ هەلكەفتێ، هەمی جیهان سلاڤێن خوە یێن گەرم بۆ دهنێرن، ئەم ژی تایبەت بۆ هەر كرێكارەكێ كوردستانێ و نەخاسمە ژی ل پارێزگەها دهۆكێ، كو ب كێماسی و بێی مۆلەت و بێهنڤەدان، كار دكەن دا كو پاشەڕۆژەكا گەشتر بۆ مە ئاڤا بكەن.
كرێكار ئەو مرۆڤێن مخلصن یێن كو خوەدیێن فەزڵەكێ مەزنن ل سەر شارستانیەتێ. ئەگەر ئەم ل هەر باژێڕەكێ بنێرین، هەر ئاڤاهیەكێ بلند، هەر جاددەیەكا قێركری و هەر خزمەتگوزاریەكا دگەهیتە مالێن مە، بەرهەمێ وێ خوهێ یە یا ژ ناڤ چاڤێن كرێكاران دباریت. ل ژێر تیشكا ڕۆژا تایا و سەرمایا زڤستانی، كرێكار نامیننە ڕووینشتی، بەلكو ب ئیرادەیەكا پۆلاینی بەردەوامن ل سەر كارێ خوە. مێژوویا ڤێ ڕۆژێ ژی بۆ مە دیار دكەت كو مافێن كرێكاران ب ساناهی دەستڤە نەهاتینە، بەلكو ئەنجامێ زنجیرەیەكا درێژ یا خەباتێ بوو بۆ بدەستڤەئینانا ژیانەكا ب شكۆ و دادپەروەرانە.
د ڤێ ڕۆژێ دا، پێدڤیە ئەم پتر گرنگیێ بدەینە ڕەوشا قانوونی و ژیان و گوزەرانا كرێكاران. دابینكرنا ژینگۆهەكا كارێ یا بێوەی و پاراستنا مافێن وان یێن مادی و مەعنەوی ئەركەكێ ئەخلاقی و نیشتیمانی یە. پێدڤیە یاسایێن كار و دەستەبەریا جڤاكی ب ئاوایەكێ بهێنە جێبەجێكرن كو كرێكار هەست ب پشتڕاستیێ بكەت، دا كو بزانیت ماندیبوونا وی ناهێتە بەرزەكرن و ل دەمێ پیربوونی یان هەر حالەتەكێ نەخۆش، جڤاك و دەولەت د پشتەڤانن.
ل دوماهیێ، وەكو نڤیسەرەكێ‌ ڤی وەلاتی پیرۆزباهیێ ل تەڤایا كرێكارێن جیهانێ و ب تایبەت یێن دەڤەرا مە دكەین. هوین ئەو قارەمانێن بێدەنگن یێن كو بێی دەنگەدەنگ و بێی چاڤەڕێبوونا سوپاسیێ، ژیانێ بۆ مە بەردەوام دكەن. هەر دەستەكێ كار دكەت، هەر چاڤەكێ ب شەهرەزایی ل كارێ خوە دنێریت، و هەر دلەكێ بۆ نیشتیمانی لێ ددەت، هوین شانازی و سەربلندیا مە نە. هیڤیا مە ئەوە كو سال ب سال ڕەوشا كرێكاران بەر ب پێشتر ڤە بچیت و چو جاران ماندیبوونا وان نەهێتە ژبیركرن.

]]> https://rojnameyaevro.com/ku/%da%95%db%86%da%98%d8%a7-%d8%ac%db%8c%d9%87%d8%a7%d9%86%db%8c-%db%8c%d8%a7-%d9%83%d8%b1%db%8e%d9%83%d8%a7%d8%b1%d8%a7%d9%86/262066/feed/ 0 خوازۆكی https://rojnameyaevro.com/ku/%d8%ae%d9%88%d8%a7%d8%b2%db%86%d9%83%db%8c/260212/ https://rojnameyaevro.com/ku/%d8%ae%d9%88%d8%a7%d8%b2%db%86%d9%83%db%8c/260212/#comments Tue, 17 Mar 2026 23:10:35 +0000 https://rojnameyaevro.com/ku/?p=260212 سەردار مەجید

هەرچەندە خوازوكی دیاردەیەكە ل هەموو وەلاتێن جیهانێ‌ یا هەی، لێ‌ ئەز دێ‌ ل ڤێرە بەحسێ‌ هەرێما كوردستنانێ‌، ب تایبەت ژی ل پارێزگەها دهۆكێ‌ كەم كو ب مخابنی ڤە سال بۆ سالێ‌ هژمارەیا وان د زێدەبوونێ‌ دا، ب تایبەت ژی د هەیڤا رەمەزانێ‌ دا و ب دیتنا من دڤێ‌ رەمەزانێ‌ دا ژ هەموو سالان خرابتر بوو، هەروەسا هژمارا وان ژی گەلەك دزێدەبوونێ‌ دا بوو و هەرئێكی بۆ خۆ چیرۆكەك یا سیناریۆیەك دا نابوو و ب وێ‌ رێكێ‌ خواستن دكر و هەتا ئەو كەسێن پارەژی د دانێ‌ یان هاریكاریا وان دكر باوەری ب ئاخفتێن وی نەبوو و گەلەك ژوان دگۆت ئەز باوەرناكەم ئەڤ كەسە یێ‌ پێدڤی بیت، لێ‌ مەخێرا خۆ دگەل كر وەكی دی ژی ئەو و خودێ‌ هەكە ئاخفتنێن وی د ڕاستبن، یانژی درەوبن.
لێ‌ تشتێ‌ گەلەك سەرنجا من ڕاكێشای كو من دگرتە ڤیدیۆیەكێ‌ دا دیت كو كەسەكی خێزانەك یان چەند زارۆِك ژ دەرڤەی باژێری ئینابوون و جهەك بۆ ل ئۆتێلێ‌ گرت بوو، ئەو كەس دا وان ژنك و زارۆَكان سپێدی بەردەتە سەرجادەیان و هندەك ژوان زارۆكان دا وەكو بەنیشتی مینە ب خەلكەكی ڤە و بێژنێ‌ خێرەكێ‌ ل گەل من بكە، هەروەسا هندەك ژن ژی دانا بوونە سەرێن جادە و ترافیكلایتان و وانا ژی ب دەهان سیناریۆیێن خواستنێ‌ دا نابوون و كەسەكی گۆت: ژنەكێ‌ هندەك كاغەزێن پشكنینێن تاقیگەهێ‌ دانا بوونە بەر سنگێ‌ خۆ و دگۆتە خەلكی بۆ خاترا ڤێ‌ رەمەزانێ‌ هاریكاریا من بكەن و پارا بدەنە من دا نشتەرگەریەكێ‌ بۆ خۆ بكەم، لێ‌ پشتی من بەرێ‌ خۆ دایە كاغەزێن وێ‌ ناڤێ‌ زەلامەكی ل سەر نڤیسی بوو، ئانكو ئەو كاغەز و پشكنین ژی نە یێن وێ‌ بوون و پتریا خەلكێ‌ پارە ددایێ‌ بەرێ‌ خوە نە ددانە كاغەزێن وێ‌ كا ناڤێ‌ ژنێ‌ یە، یان یێ‌ زەلامەكی و ئەڤە ژی جۆرەكێ‌ دی یێ‌ فێلێ‌ یە كو ئەو ژنان پێ‌ رادبوو.
ل ڤێرە ئەز رۆلێ‌ جهێن پەیوەندیدار ب تایبەت ژی پولیسێن مە ناكەم كو گەلەك دهاریكاربوون بۆ نەهێلانا وێ‌ دیاردەیێ‌ و كارێ‌ وان جهێ‌ رێزگرتنێ‌ یە، لێ‌ ژبەركو د ئەڤ سالەدا هژمارا خوازوكان گەلەك بوون، ئەز ب باوەرم ژبن دەستێن وان دەركەفت بوون و ئەو ژی وەكو پێدڤی نەدشیان كنترۆلێ‌ ل سەر بكەن، لەورا هیڤی خوازم هەر ژنوكە سەحا میكانیزمەكێ‌ بكەن بۆ نەهێلان یا كێمكرنا رێژەیا وێ‌ دیاردەیێ‌ بۆ رەمەزانا بهێت و باشتر دووفچوونا وان كەسان بكەن و حكومەت ب خۆ هەتا ب رێكا خێرخوازان ژی بیت هاریكاریا كەسێن پێدڤی بكەن و بارێ‌ وان سڤكبكەن و یێن نە پێدڤی ژی بهێنە دەستەسەركرن و ل دووف یاسایێ‌ سەردەریێ‌ دگەل بكەن، چنكو هندەك كەسان د ئەڤ سالە دا سنۆرێن خواستنێ‌ دەربازكرن.

]]> https://rojnameyaevro.com/ku/%d8%ae%d9%88%d8%a7%d8%b2%db%86%d9%83%db%8c/260212/feed/ 0 كەساتییا بهێز https://rojnameyaevro.com/ku/%d9%83%db%95%d8%b3%d8%a7%d8%aa%db%8c%db%8c%d8%a7-%d8%a8%d9%87%db%8e%d8%b2/259191/ https://rojnameyaevro.com/ku/%d9%83%db%95%d8%b3%d8%a7%d8%aa%db%8c%db%8c%d8%a7-%d8%a8%d9%87%db%8e%d8%b2/259191/#comments Mon, 16 Feb 2026 06:50:06 +0000 https://rojnameyaevro.com/ku/?p=259191 سەردار مەجید

مرۆڤ ب خۆڤە ناهێتە دنیایێ ب كەسایەتییەكا بهێز، كەسایەتی تشتەكە كو ب دەمی ڤە دهێتە ئاڤاكرن و گەشەكرن، كەسێن خودان كەسایەتییا بهێز هەموو دەمان د بێهنفرەهن، دشێن بڕیارێن خۆ بدەن و ب خۆ باوەرن، ئەڤ كەسە دشێن هەستێن خۆ كونترۆل بكەن و دەمێ هەڤڕكییێ دا دشێن خۆ ڕاگرن، كەسایەتییا بهێز پێدڤی ب بەردەوامییێ هەیە، هەر كەسەك دشێت كەسایەتییا خۆ بهێزتر بكەت، هەكە بەردەوام بیت و خۆ ل بەرامبەر زەحمەتییان ڕانەگریت، ژیانا مە پڕە ژ ئاستەنگان و پێدڤییە مرۆڤ بەردەوام بیت ل سەر ڕێكا خۆ، گەلەك جاران مرۆڤ دكەڤیتە د هەلومەرجێن نەخۆش دا، لێ ئەڤە دەرفەتە بۆ تاقیكرنا كەسایەتییا مرۆڤی و بهێزكرنا وێ، كەسێن خودان كەسایەتییا بهێز ب هەڤالێن خۆ ڤە دیارن، د دەمێ گرفتان دا دەستێ هاریكارییێ درێژ دكەن و خۆ ژ ڕێكا ڕاستییێ دوور ناكەن، ئەڤ كەسە هەموو دەمان ل دووف ئارمانجێن خۆ دچن و ناڕاوەستن تا كو دگەهنە وان ئارمانجان، ل دەمێ سەرنەكەفتنان ژی ئەو كەسە ناشكێن، ل بەرۆڤاژی، سەرنەكەفتنێ وەكی دەرفەتەكێ دبینن بۆ فێربوونێ و گەشەكرنێ.
پێدڤییە مرۆڤ باش بزانیت كا چ دڤێت، مەرەما وی چیە د ژیانێ دا و چەوا دگەهیتە ئارمانجێن خۆ، كەسێن خودان كەسایەتییا بهێز هەر ڕۆژ خۆ باشتر دكەن، هەولددەن تشتێن نوو فێر ببن، گوهداریا كەسێن پسپۆر دكەن، دا كو ژ شارەزاتییا وان مفای وەرگرن، هەكە تو دخوازی كەسایەتییەكا بهێز هەبیت، پێدڤییە خۆ ب خۆ باوەر بی، هزرێن خۆ یێن نەرێنی بگوهۆڕی، بەردەوام بی ل سەر پێشكەفتنێ و گوهدارییا دەنگێ دلێ خۆ بكەی، كەسایەتییا بهێز تێكەلبوونەكا باشە ژ هەموو تایبەتمەندییێن باش، بڤێ چەندێ، مرۆڤ دشێت ژیانەكا باشتر بۆ خۆ و خەلكێ دەوروبەرێ خۆ پەیدا بكەت، هەر كەسەك دشێت كەسایەتییەكا بهێز بۆ خۆ دروست بكەت، هەكە هەولێن خۆ بەردەوام بكەت و ژ زەحمەتییان نەترسیت.

]]> https://rojnameyaevro.com/ku/%d9%83%db%95%d8%b3%d8%a7%d8%aa%db%8c%db%8c%d8%a7-%d8%a8%d9%87%db%8e%d8%b2/259191/feed/ 0 رۆلـێ كـوردان د پێكئینانـا حوكمەتـا ئیراقـێ دا https://rojnameyaevro.com/ku/%d8%b1%db%86%d9%84%d9%80%db%8e-%d9%83%d9%80%d9%88%d8%b1%d8%af%d8%a7%d9%86-%d8%af-%d9%be%db%8e%d9%83%d8%a6%db%8c%d9%86%d8%a7%d9%86%d9%80%d8%a7-%d8%ad%d9%88%d9%83%d9%85%db%95%d8%aa%d9%80%d8%a7-%d8%a6/257304/ https://rojnameyaevro.com/ku/%d8%b1%db%86%d9%84%d9%80%db%8e-%d9%83%d9%80%d9%88%d8%b1%d8%af%d8%a7%d9%86-%d8%af-%d9%be%db%8e%d9%83%d8%a6%db%8c%d9%86%d8%a7%d9%86%d9%80%d8%a7-%d8%ad%d9%88%d9%83%d9%85%db%95%d8%aa%d9%80%d8%a7-%d8%a6/257304/#comments Wed, 24 Dec 2025 07:17:56 +0000 https://rojnameyaevro.com/ku/?p=257304 سەردار مەجید

پێكئینانا حوكمەتا ئیراقێ د دەمەكێ نازكدا دهێتە كرن، كو دەڤەرا مە ب گەلەك گوهۆرینان دەرباز دبیت. ل دەمێ نوی، پێدڤیە كوردان رۆلەكێ كاریگەر هەبیت د پێكئینانا حوكمەتا ئیراقێ دا. ئەڤە دبیتە دەرفەتەك بۆ كوردان كو داخوازی و ماف و پشكێن خوە ب دەست بخن. لێ بۆ بدەستڤەئینانا ڤێ ئارمانجێ، پێدڤیە كورد هەمی ئێك دەنگ و ئێك هەلوەست بن. نەبوونا ئێك هەلوەستیێ، دێ بیتە ئەگەرێ كێم بوونا شیانێن كورد و دێ دەرفەتێن باش ژ دەست دەن.چەندین سالێن دەربازبووی، مە دیت كو نەهەڤگرتن و نەیەكدەنگیا كورد د ناڤبەرا لایەنێن كوردی، بوویە ئەگەرێ ژ دەستدانا گەلەك دەرفەتان. پێدڤیە لایەنێن كوردی ڤێ جارێ گەلەك ب هشیاری كار بكەن، چوونكو ئەگەر شاشیەك بهێتە كرن، دێ بهایەكێ گران بۆ ملەتێ كورد هەبیت. نەبوونا هەماهەنگی و هەڤكاریێ، دبیتە ئەگەرێ كەفتنا ماف و پشكێن كوردان و بوهایێ ڤێ نەهەڤكاریێ دێ هەمی كورد دەن، نە ب تنێ لایەنەك یان دوو لایەن.
د ناڤ رۆژەڤا پێشكێشكری بۆ پێكئینانا حوكمەتا ئیراقێ، بابەتێن وەك دابینكرنا موچان و پارچەكرنا بودجێ، دبیت ژ بابەتێن گرنگ بن. دڤێت لایەنێن كوردی هەمی ئێك هەلوەست بن و داخوازا چارەكرنا دەستپێكی و دوماهیێ یا پرسا موچەیێ خەلكێ كوردستانێ بكەن. چوونكو ئەڤە دبیتە ئەگەرێ زێدە بوونا ئاستێ ژیانێ و كێمكرنا برێژا هەژاریێ. هەروەها چارەكرنا دۆسیا نەفتێ و گازێ، كو د دەستوورێ ئیراقێ دا مافێ هەرێما كوردستانێ دیار كریە، ژ بابەتێن گرنگ و داخوازێن سەرەكییە.
هەرێما كوردستانێ ب دومایك ئینانا كێشەیێن هەلاویستی ل گەل حوكمەتا ئیراقێ، دێ كاریت هەنگاڤێن باشتر ل سەر ئاستێ ناڤدەولەتی باڤێژیت و پێوەندیێن خوە دگەل وەلاتێن جیهانێ باشتر بكەت. دڤێت لایەنێن كوردی هەلبژاردنێن داهاتی دفەرە بزانن، دەرفەتەك ژ بۆ دەستڤەئینانا هندەك ئارمانجێن نشتیمانی. دڤێت ئەڤ دەرفەتە ب باشی بهێتە بكارئینان.
رەوشا ئەڤرۆ گەلەك یا ئالۆزە، و گۆهۆرینێن مەزن دەڤەرا مە و جیهانێ پێكدئینن. دەرفەتا نوی یا پێكئینانا حوكمەتا ئیراقێ، دشێت دەرگەهەك بیت بۆ ئالیكاری و هەڤكاریەكا باشتر دناڤبەرا كوردستان و ئیراقێ دا. گرتنا دەستێ ئێك و دۆزینا چارەسەریێن گونجایی، دێ بیتە سەبەبێ ئاڤاكرنا پرێن باش دناڤبەرا هەردوو لایەنان دا.
پێدڤیە بێژین كو ئەڤ رێك و هەڤگرتنە دێ نە ب تنێ بۆ خەلكێ كوردستانێ باش بیت، بەلكو دێ بیتە سەبەبێ چێكرنا ئیراقەكا باشتر بۆ هەمی پێكهاتە و نەتەوەیێن ژیایی ل سەر ئەردێ وی. هەڤگرتن و ئێك دەنگیا كورد، دێ بیتە چەكەكێ بهێز دناڤ دەستێن نوێنەرێن كورد دا، ل دەمێ گفتوگۆیان دگەل لایەنێن دی.

]]> https://rojnameyaevro.com/ku/%d8%b1%db%86%d9%84%d9%80%db%8e-%d9%83%d9%80%d9%88%d8%b1%d8%af%d8%a7%d9%86-%d8%af-%d9%be%db%8e%d9%83%d8%a6%db%8c%d9%86%d8%a7%d9%86%d9%80%d8%a7-%d8%ad%d9%88%d9%83%d9%85%db%95%d8%aa%d9%80%d8%a7-%d8%a6/257304/feed/ 0 هەلوەستێن حوكمەتا هەرێمێ د دەمێن لەهی و تەنگاڤیان دا https://rojnameyaevro.com/ku/%d9%87%db%95%d9%84%d9%88%db%95%d8%b3%d8%aa%db%8e%d9%86-%d8%ad%d9%88%d9%83%d9%85%db%95%d8%aa%d8%a7-%d9%87%db%95%d8%b1%db%8e%d9%85%db%8e-%d8%af-%d8%af%db%95%d9%85%db%8e%d9%86-%d9%84%db%95%d9%87%db%8c/257048/ https://rojnameyaevro.com/ku/%d9%87%db%95%d9%84%d9%88%db%95%d8%b3%d8%aa%db%8e%d9%86-%d8%ad%d9%88%d9%83%d9%85%db%95%d8%aa%d8%a7-%d9%87%db%95%d8%b1%db%8e%d9%85%db%8e-%d8%af-%d8%af%db%95%d9%85%db%8e%d9%86-%d9%84%db%95%d9%87%db%8c/257048/#comments Thu, 18 Dec 2025 10:50:25 +0000 https://rojnameyaevro.com/ku/?p=257048 سەردار مەجید

هەرێما كوردستانێ، ب درێژاهیا سالێن دەربازبووی، گەلەك لەهی و تەنگاڤی دیتینە. د هەر دەمەكی دا، هەلوەستێن حوكمەتا هەرێمێ رەنگڤەدانا بارودۆخی یە و چاڤەرێكرنێن خەلكی یە. د ڤێ گ‌وتارێ دا، ئەم دێ هەلوەستێن حوكمەتا هەرێمێ د دەمێن لەهی و تەنگاڤیان دا بەحس كەین.
گەلەك جاران، حوكمەتا هەرێمێ د دەمێن لەهیان دا، وەكی كارەسات، هشكەسالی، لاڤان، و هەر ژی، هەول دایە كو هاریكاریێن خوە پێشكێش بكەت. ئەڤە دیار بوو دەمێ كو لاڤان دەڤەرێن هەرێمێ گرتین و گەلەك جهێن وێ زەرەرمەند بووین. وی دەمی، حوكمەتا هەرێمێ ب لەز دەستپێكر كو تیمێن فریاكەفتنێ بهنێریتە وان دەڤەران و هاریكاریا وان بكەت یێن دەستڤالا ماین. هەروەسا.د وان دەمان دا، فەرمانێن تایبەت ژی هاتنە دەركرن ژ لایێ سەروكاتیا حوكمەتێ ڤە ژ بو چارەسەركرنا ڤی بارودۆخی.
لێ ژ دێلا دی ڤە، گەلەك جارا، نەرەزایی بەرانبەر حوكمەتا هەرێمێ هەبوویە ژ لایێ خەلكی ڤە. د گەلەك جاران دا، خەلكی نەباوەری هەبوویە ب كارئینانا سامانێن مالی یێن ژ لایێ حوكمەتێ ڤە هاتینە تەرخان كرن ژ بو چارەسەركرنا دۆخی د دەمێن لەهیان دا. ئەڤ نەرەزاییە ژی گەهشتنە ئاستێن جودا، ژ خوپێشاندانێن ئاشتیانە و ناڕەزاییێن بەلاڤ د تورێن جڤاكی دا، هەتا دگەهیتە خۆنیشادانێن مەزن یێن هەڤی.
هەلوەستێن حوكمەتێ د دەمێن تەنگاڤیێن ئابووری دا ژی جهێ دیالۆگێ‌ یە. د چەند سالێن دەربازبووی دا، گەلەك تەنگاڤیێن ئابووری یێن مەزن هاتنە سەر هەرێما كوردستانێ. ئەڤە ژی ژ ئەگەرێ چەند هوكاران، وەكی داكەفتنا بهایێ نەفتێ، شەرێ دژی داعش، و ئەو دۆخێن نە ئارام یێن ب سەر دەڤەرێ دا هاتین. د ڤان دەمان دا، حوكمەتێ هەوڵ دایە كو بەرنامەیێن ئابووری دابرێژیت ژ بو كێمكرنا كارتێكرنێن خراب، وەكی پلانێن كێمكرنا خەرجیێن ناپێدڤی، گوهۆرینێن د سیستەمێ مالی دا، و هەولدان ژ بۆ هاندانا بیانیان بۆ وەبەرهێنانێ د هەرێمێ دا.
لێ، د هەمان دەم دا، هەلوەستێن حوكمەتێ ل هەنبەر مووچەخۆر و فەرمانبەران، د دەمێن تەنگاڤیێن ئابووری دا، بوویە جهێ رەخنەگرتنێ ژ لایێ گەلەك كەسان ڤە. بۆ نموونە، د چەند ساڵان دا، مووچەیێن فەرمانبەرا هاتنە كێمكرن و هندەك جاران ژی پشكێن وان هاتنە وەگرتن ژ لایێ حوكمەتێ ڤە. ئەڤە ژی بوویە ئەگەرێ خۆنیشاندانێن بەرفرەه د ناڤ وان دا.
هەروەسا، هەلوەستێن حوكمەتێ د دەمێن تەنگاڤیێن ساخلەمی دا، وەكی ڤایرۆسا كورۆنا، جهێ دیالۆگێ‌ بوو. د سەرەتایا ڤێ تەنگاڤیێ دا، حوكمەتا هەرێمێ ب لەزاتی رێكارێن گونجای وەرگرتن، وەكی گرتنا سنووران، قەدەغەكرنا هاتن و چوونێ د ناڤ باژێرا دا، و تەرخانكرنا سامانێن ساخلەمی ژ بۆ بەرەڤانیێ دژی ڤێ ڤایرۆسێ. ئەڤە ژی بوویە ئەگەر كو هەرێمەكا گەلەك باشتر بارودۆخا وێ بیت بەراورد دگەل دەڤەرێن دی یێن ئیراقێ.
هەلوەستێن حوكمەتا هەرێمێ د دەمێن تەنگاڤی و لەهیان دا تێكەلەكە ژ كارێن باش و كێماسیان. هەر دەم، هەڤی ئەوە كو پتر گرنگی ب پێدڤیێن خەلكی بهێتە دان و هەلوەستێن باشتر د وان دەمان دا بهێنە وەرگرتن، و خزمەتێن باشتر بهێنە پێشكێش كرن.

]]> https://rojnameyaevro.com/ku/%d9%87%db%95%d9%84%d9%88%db%95%d8%b3%d8%aa%db%8e%d9%86-%d8%ad%d9%88%d9%83%d9%85%db%95%d8%aa%d8%a7-%d9%87%db%95%d8%b1%db%8e%d9%85%db%8e-%d8%af-%d8%af%db%95%d9%85%db%8e%d9%86-%d9%84%db%95%d9%87%db%8c/257048/feed/ 0 مادێن هوشبەر و كارتێكرنا وان لسەر گەنجێن مە https://rojnameyaevro.com/ku/%d9%85%d8%a7%d8%af%db%8e%d9%86-%d9%87%d9%88%d8%b4%d8%a8%db%95%d8%b1-%d9%88-%d9%83%d8%a7%d8%b1%d8%aa%db%8e%d9%83%d8%b1%d9%86%d8%a7-%d9%88%d8%a7%d9%86-%d9%84%d8%b3%db%95%d8%b1-%da%af%db%95%d9%86%d8%ac/256439/ https://rojnameyaevro.com/ku/%d9%85%d8%a7%d8%af%db%8e%d9%86-%d9%87%d9%88%d8%b4%d8%a8%db%95%d8%b1-%d9%88-%d9%83%d8%a7%d8%b1%d8%aa%db%8e%d9%83%d8%b1%d9%86%d8%a7-%d9%88%d8%a7%d9%86-%d9%84%d8%b3%db%95%d8%b1-%da%af%db%95%d9%86%d8%ac/256439/#comments Sat, 06 Dec 2025 22:17:54 +0000 https://rojnameyaevro.com/ku/?p=256439 سەردار مەجید

مادێن هشبەر بووینە ئێك ژ وان كێشێن گرنگ یێن پێدڤی چارەسەریەكا لەز ئەڤ كێشە د ناڤ جڤاكا مەدا بەلاڤ دبیت و دبیتە ئەگەرێ وێرانكرنا مالباتان و ژناڤبرنا گەنجێن مە هەر رۆژ، ئەم گولێ دبین كو گەنجەكێ دی كەفتیە د داڤێ ڤان ژەهران دا دكەڤیتە د ناڤ تۆرەكا وان بازرگانێن مرنێ دا یێن كو هەتا نها بەرژەوەندیێن خۆ دبینن، نە خەما وان ب جڤاكی هەیە و نە ژی ب وان كەسێن دكەڤنە د داڤێ واندا ل دەڤەرا مە، ئەڤ مادە ب گەلەك شێوەیان دهێنە فرۆتن و بەلاڤكرن هندەك جاران ب رێكا حەبان، جاران ب رێكا دەرزیان، و جاران ژی ب رێكێن دی. هەر جۆرەك ژی خرابترە ژ یێ دی و زیانێن وی یێن مەزنتر هەنە ئەگەرێن كەفتنا خەلكی د ناڤ ڤان مادێن هشبەر دا گەلەكن هندەك ژ وان ئەڤەنە: نەبوونا كار، هەژاری، كێشێن مالباتێ، هەڤالێن خراب، و كێمبوونا هشیاریێ. هەروەسا، نەبوونا چالاكیێن جڤاكی و وەرزشی ژی دبیتە ئەگەرێ هندێ كو گەنج بەرێ خۆ بدەنە ڤان مادان زیانێن ڤان مادان گەلەك مەزنن. ژ لایێ ساخلەمیێ ڤە، ئەڤ مادە دبنە ئەگەرێ نەخۆشیێن مەزن وەك راوەستیانا دل، خرابكرنا جەرگی، و نەخۆشیێن مێشكی. ژ لایێ ئابووری ڤە ژی، كەسێ گیرۆكرن دچیتە د قەرداریەكا مەزن دا و دكەڤیتە د ناڤ كێشێن مەزن دا پێدڤیە جڤاكێ مە هەمی رابیت سەر خۆ و بەرەڤانیێ ژ خۆ و زارۆكێن خۆ بكەت. پێدڤیە دایك و باب زێدەتر چاڤدێریا زارۆكێن خۆ بكەن، و پێدڤیە ناڤەندێن جڤاكی رۆلێ خۆ بگێرن د هشیاركرنێ دا هەروەسا، پێدڤیە دەزگەهێن مە یێن ئەمنی ب شێوەیەكێ باشتر كار بكەن ژبۆ راوەستاندنا ڤێ بازرگانیا قەدەغە. پێدڤیە ئەو كەسێن ددەنە ڤی كاری بهێنە گرتن و سزادان ب شێوەیەكێ گران
دوماهیێ دا ئەم هەمی بەرپرسیارین ژ پاراستنا جڤاكێ خۆ. هەر كەسەك دشێت رۆلێ خۆ بگێریت، چ ب رێكا هشیاركرنێ بیت، یان ب رێكا راپۆرتكرنا وان كەسان بیت یێن ددەنە ڤی كاری تنێ ب هاریكاریاهەمیان، ئەم دێ شێین جڤاكەكێ پاقژ ئاڤا كەین ئەركێ مەیە كو ئەم پێكڤە كار بكەین ژبۆ نەهێلانا ڤێ كێشێ. نە تنێ ئەڤە ئەركێ دەزگەهێن فەرمیە، بەلكو ئەركێ هەر تاكەكێ جڤاكێ مەیە كو بەشدار بیت د ڤێ خەباتێ دا.

]]> https://rojnameyaevro.com/ku/%d9%85%d8%a7%d8%af%db%8e%d9%86-%d9%87%d9%88%d8%b4%d8%a8%db%95%d8%b1-%d9%88-%d9%83%d8%a7%d8%b1%d8%aa%db%8e%d9%83%d8%b1%d9%86%d8%a7-%d9%88%d8%a7%d9%86-%d9%84%d8%b3%db%95%d8%b1-%da%af%db%95%d9%86%d8%ac/256439/feed/ 0 سەركەفتنا پارتی: باوەریەكا قایم و پشتگیریەكا بەردەوام https://rojnameyaevro.com/ku/%d8%b3%db%95%d8%b1%d9%83%db%95%d9%81%d8%aa%d9%86%d8%a7-%d9%be%d8%a7%d8%b1%d8%aa%db%8c-%d8%a8%d8%a7%d9%88%db%95%d8%b1%db%8c%db%95%d9%83%d8%a7-%d9%82%d8%a7%db%8c%d9%85-%d9%88-%d9%be%d8%b4%d8%aa%da%af/255741/ https://rojnameyaevro.com/ku/%d8%b3%db%95%d8%b1%d9%83%db%95%d9%81%d8%aa%d9%86%d8%a7-%d9%be%d8%a7%d8%b1%d8%aa%db%8c-%d8%a8%d8%a7%d9%88%db%95%d8%b1%db%8c%db%95%d9%83%d8%a7-%d9%82%d8%a7%db%8c%d9%85-%d9%88-%d9%be%d8%b4%d8%aa%da%af/255741/#comments Sun, 23 Nov 2025 21:15:45 +0000 https://rojnameyaevro.com/ku/?p=255741 سەردار مەجید

پارتی دیموكراتی كوردستان ئێك ژ وان پارتێن كوردی یە كو هەر ژ دەستپێكا دامەزراندنا وێ ڤە خودان پێگەهەكا بهێز و جەماوەرەكێ فرەهـ بوویە. ئەڤ پارتە ب مێژوویا خوە یا درێژ و تێكۆشانا خوە یا بەردەوام بوویە سەمبۆلەك ژ سەمبۆلێن تێكۆشانا گەلێ كوڕد ل كوردستانا ئیراقێ و تەنانەت ل پارچێن دی ژی.
خەلكێ كوردستانێ ژ بۆ پارتی حەزژێكرنەكا تایبەت هەیە، كو ئەڤە ژ چەند هۆكارا دهێت. ئێك ژ وان هۆكارا ئەوە كو ئەڤ پارتە هەر ژ رۆژا ئێكێ یا دامەزراندنا خوە ڤە هەڤكاری و هەڤئاهەنگی دگەل خەلكی كریە. هەر چەندە گەلەك جاران پارتی راستی دژواری و ئاستەنگێن مەزن هاتیە، لێ هەر دەم شیایە خوە راست بكەت و وەك پارتیەكا بهێز د ناڤ گۆرەپانا سیاسی یا كوردستانێ دا بمینیت.
هۆكارەكێ دی یێ سەركەفتنا پارتی و حەزژێكرنا خەلكی بۆ وێ، ئەوە كو ئەڤ پارتە هەر دەم گرنگی دایە پرسێن نەتەوەیی و دۆزا گەلێ كورد. پارتی د رێكا سەركردەیێن خوە و د رێكا كار و چالاكیێن خوە دا هەردەم هەول دایە كو دەنگێ كوردا ب دونیایێ بدەت بهیستن، و ماف و دۆزا وان بپارێزیت.
ل وەلاتێ مە، پارتی خودان سیستەمەكا رێكخستنێ یە كو شیایە خوە بگەهینیتە هەمی جهان و هەمی چینێن جڤاكی. ئەڤ پارتە د ناڤ گوندان و باژێران دا خودان پشتگیریەكا بهێزە و دشێت د هەمی دەما دا پەیوەندیەكا قایم دگەل خەلكی دروست بكەت. ئەڤە ژی بوویە ئەگەرێ بەردەوامبوونا سەركەفتنێن پارتی و باوەریا خەلكی ب وێ.
د وارێ خزمەتكرنا گەلی دا ژی، پارتی كارێن مەزن ئەنجام داینە. گەلەك پرۆژێن گرنگ وەك پرۆژێن بنیاتنان، پەروەردە، تەندروستی، و پرۆژێن ئابۆری ب دەستێ حكۆمەتێن پارتی هاتینە چێكرن. هەروەسا، پارتی د وارێ پێشخستنا كوردستانێ دا رۆلەكێ كاریگەر گێرایە، و شیایە بەرنامێن پێشكەفتنێ بۆ هەمی دەڤەرێن كوردستانێ دابین بكەت.
سەركردەیێن پارتی ژی ب سیاسەتا خوە یا دوربین و بەرفرەهـ كریە پارتی ببەنە د قۆناغێن جودا جودا را و هەر دەم هێزا خوە بپارێزن. ئەڤان سەركردەیا شیانێن خوە یێن سیاسی بۆ پێشخستن و پاراستنا وەلاتێ مە بكارئیناینە، و ئەڤە ژی بوویە جهێ رێز و قەدرگرتنا خەلكی.
هەروەسا، پارتی شیایە د ناڤ هەمی پێكهاتێن كوردستانێ دا خوە جێگیر بكەت. ل هەمی جهان، وەك دهۆك، هەولێر، سلێمانی، كەركووك و دەڤەرێن دی، پارتی خودان پشتەڤانێن خوە یە و خەلك ب رێزگرتن و باوەریەكا مەزن ل پارتی.
ب كۆڕتی، سەركەفتنا پارتی د هەلبژارتنان دا و هەروەسا پشتگیریا خەلكێ كوردستانێ بۆ وێ، یا گرێدایە ب مێژوو، كار، و ژیانا سیاسی یا ڤێ پارتیێ ڤە. پارتی د ناڤ خەلكی دا هێزا خوە دبینیت و خەلكی ژی باوەریەكا قایم ب پارتی هەیە، ژ بەر هندێ ژی ئەم دشێین بێژین كو پشتگیری و سەركەفتن بۆ پارتی هەمی گاڤا یا مسۆگەرە.

]]> https://rojnameyaevro.com/ku/%d8%b3%db%95%d8%b1%d9%83%db%95%d9%81%d8%aa%d9%86%d8%a7-%d9%be%d8%a7%d8%b1%d8%aa%db%8c-%d8%a8%d8%a7%d9%88%db%95%d8%b1%db%8c%db%95%d9%83%d8%a7-%d9%82%d8%a7%db%8c%d9%85-%d9%88-%d9%be%d8%b4%d8%aa%da%af/255741/feed/ 0 باوەری ب خوە بوون https://rojnameyaevro.com/ku/%d8%a8%d8%a7%d9%88%db%95%d8%b1%db%8c-%d8%a8-%d8%ae%d9%88%db%95-%d8%a8%d9%88%d9%88%d9%86/254154/ https://rojnameyaevro.com/ku/%d8%a8%d8%a7%d9%88%db%95%d8%b1%db%8c-%d8%a8-%d8%ae%d9%88%db%95-%d8%a8%d9%88%d9%88%d9%86/254154/#comments Tue, 14 Oct 2025 21:54:55 +0000 https://rojnameyaevro.com/ku/?p=254154 سەردار مەجید

باوەری ب خوە بوون ژ وان خاسیەتێن كەسایەتیێ یە كو گەلەك گرنگن د ژیانا مرۆڤی دا، ئەو كەسێ كو باوەری ب خوە هەبیت، دێ شێت ژیانەكا سەركەفتی ببەت و گەهیتە وان ئارمانجێن خوە یێن بلند، باوەری ب خوە بوون كو تو بزانی توكی؟ شیانێن تە چنە و باوەری ب وان هەبیت، لێ ئەڤە نە هەر ب گۆتن و درۆشمانە، بەلكو دڤێت ب كریار ژی خویا بیت باوەری ب خوە بوون د راستی دا پرۆسەیەكە كو دڤێت مرۆڤ ژ زارۆكینی ڤە دەست پێ بكەت. دایك و باب رۆلەكێ گرنگ دگێڕن د ئاڤاكرنا باوەریا زارۆكێن خوە دا، ئەو دشێن ڤێ چەندێ ب رێكا هاندان و پشتەڤانیا وان بكەن و ب دانا دەرفەتان ژ بۆ وان دا كو ئەو خوە تاقی بكەن.
گەلەك فاكتەر هەنە كو كارتێكرنێ ل سەر باوەریا مرۆڤی ب خوە دكەن، ژ وان فاكتەران: ژینگەها مە، هەڤالێن مە و ئەزموونێن مە یێن بەرێ. هەروەسا میدیا ژی رۆلەكێ مەزن دگێڕیت د ئاڤاكرن یان ڕۆخاندنا باوەریا مرۆڤی ب خوە دا، ئەو وێنەیێن كو ژ دهێنە پێشكێشكرن د میدیا و جڤاكی دا، دشێن كارتێكرنەكا مەزن ل سەر هەستا مە دەربارەی خوە هەبن.
كەسێ كو باوەری ب خوە هەی، خودانێ چەندین خاسیەتانە، ئەو دزانیت خاسیەتێن خوە یێن ئەرێنی و نەرێنی ژی ئەو شێت ئەركان وەربگریت و بڕیارێن ژیانێ ژی بدەت، ئەو نەترسیت ژ شكەستنێ و وێ چەندێ وەك دەرفەتەكێ فێربوونێ دبینیت، د هەمان دەم دا، ئەو ددەتە پێش ژی دا كو هاریكاریا خەلكێ دی بكەت و لێبۆرینا وان ژی داخوازیت دەمێ كو شاشیێ‌ دكەت، بۆ پتر باوەریا تە ب خوە، هندەك گاڤ هەنە كو تو دشێی پاڤێژی، ژوانا ئەوە كو تو ئارمانجێن خوە دەستنیشان بكەی و بگەهیە وان گاڤ ب گاڤ، هەر سەركەفتنەكا بچووك ژی دێ هاندەرەك بیت ژ بۆتە.
خالا دویێ ئەوە كو تو خوە باش بنیاسی، وان تشتێن كو تو ژێ حەز دكەی و وان یێن كو تو لێ نەشارەزای.
خالا سێیێ ئەوە كو تو خوە ب كەسێن ئەرێنی دۆر بكەی، ئەو كەسێن كو دێ تە هان دەن و دەستێ هاریكاریێ دڕێژكەن بۆ تە، هەروەسا دڤێت لسەر وان تشتان راوەستی یێن كو تو د وان دا سەركەفتی، و نە لسەر وان یێن كو تە د وان دا شكەست خواریە، خۆ دوور بگرە ژ وان كەسێن كو تە بچووك دكەن و رەخنێ‌ ل تە دگرن ب ئاوایەكی نەرێنی.

]]> https://rojnameyaevro.com/ku/%d8%a8%d8%a7%d9%88%db%95%d8%b1%db%8c-%d8%a8-%d8%ae%d9%88%db%95-%d8%a8%d9%88%d9%88%d9%86/254154/feed/ 0 گرنگیا زمانی https://rojnameyaevro.com/ku/%da%af%d8%b1%d9%86%da%af%db%8c%d8%a7-%d8%b2%d9%85%d8%a7%d9%86%db%8c/253234/ https://rojnameyaevro.com/ku/%da%af%d8%b1%d9%86%da%af%db%8c%d8%a7-%d8%b2%d9%85%d8%a7%d9%86%db%8c/253234/#comments Tue, 30 Sep 2025 06:26:05 +0000 https://rojnameyaevro.com/ku/?p=253234 سەردار مەجید

زمان بو مرۆڤی خالەكا گەلەك گرنگە. ئەوە كو دبیتە پرەكا پەیوەندیێ دناڤبەرا مرۆڤان دا و ب ڕێكا زمانی ئەم دشێین هزر و بیرێن خوە ڤەگوهێزین، هەست و سۆزێن خوە دەربڕین، و زانینێن خوە بگەهینینە ئێك، زمان ناسنامەیا مللەتی یە و میراتەكێ‌ كلتۆری یە كو نڤشێن بەرێ بۆ مە هێلاینە.
زارێ‌ كرمانجی، ئانكو ئەوێ‌ ل دەڤەرا بەهدینان ئەم پێ‌ دئاخڤین، كو بەشەكێ ژ زمانێ كوردی یە، خودانێ تایبەتمەندیێن خەلكێ دەڤەرا بەهدینان گەلەك گرنگە، پاراستنا ڤی زمانی ئەركەكێ سەرەكی یە ژ بۆ هەر كەسەكێ كو پێ دئاخڤیت، دەما كو ئەم زمانێ خوە بكار دینین، ئەم كلتۆرێ‌ خوە ژی دپارێزین، زمان بتنێ‌ ئامرازەكێ ئاخفتنێ نینە، بەلكو ناسنامە یە ژی، ئەڤ ناسنامە دێ بەردەوام بیت ئەگەر ئەم زمانێ خوە بكار بینین د ژیانا ڕۆژانە دا، د قوتابخانە و زانكۆیان دا، د ڕەوشەنبیری و ئەدەبیاتێ دا، و د میدیایێ دا، گرنگیا فێربوونا زمانێ دایكێ‌ ژ زارۆكی دەست پێ دكەت، دایك و باب دڤێت زارۆكێن خوە فێری زمانێ دایكێ بكەن، دا كو ئەو بزانن چاوا ب ڕێك و پێكی پێ ب ئاخڤن و بنڤیسن رۆلەكێ گرنگ دگێڕیت د ڤێ پرۆسەیێ دا، زمان هەروەسا كلیلا ڤەكرنا دەرگەهێ زانستێ یە، ب ڕێكا زمانی ئەم دشێین گەهێن خواندن و نڤیساندنێ و ب وێ چەندێ ئەم دێ شێین د وارێن جۆرا وجۆر دا پێش كەڤین، د جیهانا ئەڤرو دا، كو تەكنۆلۆژیا گەلەك پێش كەفتینە، هندەك جاران زمانێن بچووك د بن مەترسیێ دا نە، ژ بەر هندێ پێدڤیە ئەم گرنگیەكا زێدەتر بدەینە پاراستنا زمانێ خوە، ئەم دڤێت بەرهەڤیێن زمانی زێدە بكەین، فەرهەنگ و پەرتووكان ب زمانێ كرمانجی چاپ بكەین و هاندانا نڤیسكار و هۆزانڤانان بكەین، ڕۆلێ میدیایێ ژی د پاراستن و گەشەپێدانا زمانی دا گەلەكا گرنگە، ڕۆژنامە، گۆڤار، رادیۆ، تەلەڤزیۆن و تۆڕێن جڤاكی دشێن ببنە پلاتفۆرمێن كو زمان پێ بهێتە پاراستن و بەلاڤكرن، ئانكو ب كورتی زمان گیانێ نەتەوەیەكێ یە و پاراستنا وی ئەركێ هەر تاكەكێ یە و دڤێت ئەم هەموو پێكڤە كار بكەین دا كو زمانێ كوردی ب پارێزین و گەشە پێ بدەین، چونكی زمان ناسناما مەیە و دەمێ كو زمان نەمینیت، ناسنامە ژی نامینیت.

]]> https://rojnameyaevro.com/ku/%da%af%d8%b1%d9%86%da%af%db%8c%d8%a7-%d8%b2%d9%85%d8%a7%d9%86%db%8c/253234/feed/ 0 گەنج و ڤەخوارنێن زیانبەخش https://rojnameyaevro.com/ku/%da%af%db%95%d9%86%d8%ac-%d9%88-%da%a4%db%95%d8%ae%d9%88%d8%a7%d8%b1%d9%86%db%8e%d9%86-%d8%b2%db%8c%d8%a7%d9%86%d8%a8%db%95%d8%ae%d8%b4/251404/ https://rojnameyaevro.com/ku/%da%af%db%95%d9%86%d8%ac-%d9%88-%da%a4%db%95%d8%ae%d9%88%d8%a7%d8%b1%d9%86%db%8e%d9%86-%d8%b2%db%8c%d8%a7%d9%86%d8%a8%db%95%d8%ae%d8%b4/251404/#comments Wed, 27 Aug 2025 22:00:21 +0000 https://rojnameyaevro.com/ku/?p=251404 سەردار مەجید

د سەردەمێ نوكە دا پتریا گەنجان تووشی هندەك شاشیان دبن، ژوانا ڤەخوارنێن كحولی یان یێن هێزێ‌، وەك (تایگر،سمارت، وایت، …هتد و ئەڤ جۆرێن ڤەخوارنا بۆ گەنجانان گەلەك زیانان دئینن، ب تایبەت دەمێ ب شێوەیەكی بەردەوام، ئانكو رۆژانە و ب ڕێژەیەكا زێدە بهێنە ڤەخوارن.
ژ لایەكی ڤە، ڤەخوارنێن كحولی كارتێكرنەكا خراب لسەر لەشی دكەن، مێلاك ب شێوەیەكێ بەرچاڤ زیان دگەهیتێ‌، هەروەسا گولچیسك ژی تووشی زیانێ‌ دبن و كارێ وان یێ ئاسایی دێ كێم بیت، دەمارێن لەشی ژی بەرامبەر كحولێ هەستیارن و دەمێ گەنج دچنە بن كارتێكرنا ڤەخوارنێن كحولی، دەمارێن وان ب باشی كار ناكەن، ئەڤ ژی دبیتە ئەگەرێ ئاریشەیێن گرنگ یێن ساخلەمیێ.
ژلایەكێ‌ دی ڤە، كارتێكرنا ڤان ڤەخوارنان ل سەر هزركرنێ یا مەزنە، گەنج نەشێن ب دروستی بڕیاران بدەن و مێشكێ وان كارێ خوە ب باشی ناكەت و گەلەك جاران ئەڤ چەندە دبیتە ئەگەرێ روودانێن ترافیكێ، شەڕ و ئاریشەیێن جڤاكی، هەروەسا ژیانا خێزانی، هەر ڤەخوارنەك ژوان دبیتە ئەگەرێ لاوازبوونا پەیوەندیێن كەسی و جڤاكی.
ڤەكولینان دیاركریە كو ڤەخوارنێن كحولی وەك (سمارت و وایت) كارتێكرنەكا خراب ل سەر گەشەكرنا مێشكی هەیە، ب تایبەت بۆ گەنجێن كو ژ یێ‌ وان ژ بیست سالیێ كێمترن، مێشكێ وان هێشتا د قوناغا گەشەكرنێ دایە و كحول دشێت ب شێوەیەكێ بەردەوام كارتێكرنێ ل سەر بیرهاتن، فێربوون و كۆنترۆلكرنا هەستیاریێ بكەت، هەروەسا ئەڤ ڤەخوارنە بووینە ئەگەرێ چەندین ئاریشەیێن ئابووری ژی، گەنج گەلەك مەزاختیان دكەن و ئەڤ چەندە دێ بیتە بارگرانی ل سەر ژیانا وان و خێزانێن وان.
گرنگە ئاماژە ب وێ چەندێ بكەین كو هژمارەكا زۆر ژ گەنجان ب سەدەما پالنەرێن دەروونی و جڤاكی بەرێ خوە ددەنە ڤان ڤەخوارنانهەست ب بتنێ‌ بوونێ، فشارێن ئابووری، نەبوونا پشتەڤانیا خێزانێ و كارتێكرنا هەڤالان دشێن گەنجان بەرەڤ ڤێ رێكێ ببەن، ئەڤجا گەلەك گرنگە كو ئەم وەك جڤاك هاریكاریا گەنجان بكەین دا باشتر تێبگەهن كا ئەڤ ڤەخوارنە چ زیانان دهێلن، دناڤ چارەسەریان دا، زێدەكرنا هوشیاریێ یەكێ ژ گرنگترین تشتانە. دڤێت رێكخراوێن جڤاكی، دەزگەهێن خویندنێ و میدیا رۆلێ خوە ببینن دا گەنجان ژ ڤان زیانان هایدار بكەن، هەروەسا پێشكێشكرنا چالاكیێن ساخلەم وەك سپۆرت، مۆزیك، فێربوونا هونەران، دشێت هاریكاریا گەنجان بكەت كو دەمێ خوە ب باشی دەرباز بكەن، خێزان ژی رۆلەكێ گرنگ دگێڕیت دڤێ خالێ دا، باشتر تێدگەهن كا چ ئاریشە هەنە و چاوا دێ خوە پارێزن. زێدەباری وێ، دەولەت دشێت یاسایێن توندتر بۆ فرۆتنا ڤان ڤەخوارنان دانیت.

]]> https://rojnameyaevro.com/ku/%da%af%db%95%d9%86%d8%ac-%d9%88-%da%a4%db%95%d8%ae%d9%88%d8%a7%d8%b1%d9%86%db%8e%d9%86-%d8%b2%db%8c%d8%a7%d9%86%d8%a8%db%95%d8%ae%d8%b4/251404/feed/ 0