Rojnameya Evro » حاجی دۆسكی https://rojnameyaevro.com/ku Tue, 11 Aug 2026 10:44:28 +0000 ar hourly 1 https://wordpress.org/?v=4.0.38 گۆرەپانا ئامادەییا كاوە هەناسەیا وەرزشا دهۆكێ‌ بوو https://rojnameyaevro.com/ku/%da%af%db%86%d8%b1%db%95%d9%be%d8%a7%d9%86%d8%a7-%d8%a6%d8%a7%d9%85%d8%a7%d8%af%db%95%db%8c%db%8c%d8%a7-%d9%83%d8%a7%d9%88%db%95-%d9%87%db%95%d9%86%d8%a7%d8%b3%db%95%db%8c%d8%a7-%d9%88%db%95%d8%b1/267910/ https://rojnameyaevro.com/ku/%da%af%db%86%d8%b1%db%95%d9%be%d8%a7%d9%86%d8%a7-%d8%a6%d8%a7%d9%85%d8%a7%d8%af%db%95%db%8c%db%8c%d8%a7-%d9%83%d8%a7%d9%88%db%95-%d9%87%db%95%d9%86%d8%a7%d8%b3%db%95%db%8c%d8%a7-%d9%88%db%95%d8%b1/267910/#comments Mon, 10 Aug 2026 22:41:18 +0000 https://rojnameyaevro.com/ku/?p=267910 حاجی دۆسكی

د دیرۆكا باژێرێ‌ دهوكێ‌ دا هندەك جهێن هەین نە بتنێ‌ ب بەرزبوونا بیناسازیی دیارن بەلكو بەرچافترین بهایێ‌ وان د دلێ‌ خەلكی دا مایە ژبەر وی ئێكێ‌ ئەف جهە پشكەكا دیرۆكی نە نموونە ژی گورەپانا ئامادەیا كاوە ئێك ژ وان جهانە كو چو جارا ناهێتە ژبیركرن، گەلەك چالاكی لڤێ‌ گورەپانی هاتینە ئەنجامدان یێن وەرزشی و هونەری بوویە ئەگەرێ‌ سەرئێخستنا وەرزشڤانان، ل سەردەمەكی ڤێ‌ گورەپانێ‌ تایبەتمەندیا خوە هەبوو ل دەڤ وەرزشڤانێن دهۆكێ‌، هەر ژ دەسپێكا ئاڤاكرنا وێ‌ هەتا سالا 2000 كو ناڤەندەكا گرنك بوو تایبەت بۆ  یێن ڤۆلی بۆل، باسكێت بۆلێ‌ و یاریێن تاك، زێدەباری چالاكیێن قوتابخانا وی سەردەمی كو هژمارەكا مەزن یا قوتابی و گەنج ل ڤێرێ‌ كومەڤبوون نە بتنی بۆ یاریكرنی بەلكۆ بۆ فێركرن، هەڤكاری و ڕێزگرتنێ‌، دناڤا گورەپانێ‌ دا نەبتنێ‌ وەرزشڤانێ‌ قوتابی كومكرن بەلكو سەدان گەنج ل هنداڤی گورەپانێ‌ ژی ئامەدەبوون، ئەڤ جهە هەناسەك بوو بۆ وەرزشا دهۆكێ‌ تایبەت پشتی سەرهلدانا سالا91ئێدی پترییا یاریان لڤێ‌ گورەپانێ‌ دهاتنە ئەنجامدان ژ ئەگەرێ‌ تێكچوونا هۆلا یانەیا دهۆك ژبەر بارودوخێ‌ وی سەردەمی، ل بیرا منە قارمانی د ناڤبەرا یانەیێن پارێزگەها دهوكێ‌ لڤێرێ‌ هاتنە كرن ب سەرپەرشتیا جڤاتا بلند یاوەرزشی، ئەو جەماوەرێ‌ ل وێری ئامادەبووین باوەرناكەم ل هیچ هولەكا گرتی ئامادەبن، ل ڤی جهی هژمارەكا وەرزشڤانان دەرچوون درێسی یانەیا دهۆك بەرخوەكرن و یا هندەك یانەیین دی ل بەرخوەكرن، ئەوان دیار كر كو پاشەروژا وەرزشی ل قوتابخانەیان و لڤێرێ‌ گۆرەپانێ‌ دەستپێكر و بناغەیەك بر وەرزشێ‌ دانا، نوكە باورناكەم هیچ جورە چالاكییەكا وەرزشی لڤی جهی بهێتەكرن ژ بەر هەبوونا چەندین هولێن گرتی ل ناڤ سەنتەرێ‌ پارێزگەها دهوكێ‌، بەلێ‌ ئەز دبێژم ئەو وەرزشا ل گورەپانا كاوە دهاتە كرن وی دەمی ل چو هولێن گرتی نەدهاتنەكرن، وی سەردەمی وەكی ویستەگەهەكێ‌ بوو بۆ زانینا دەنگوباسێن وەرزشی ژبەر كو لڤێرێ‌ وەرزشڤان كومبوون و گەنگەشێن گریدایی یا وەرزشێ‌ بەحس دكرن، هەتا نوكە هەر روژەكا ل دەڤ ڤێ‌ گۆرەپانێ‌ دەربازدبم ئێكسەر بیرا من ل وان روژا دهێت كو چەند یا پڕبوو ژ جەماوەری تایبەتی دەما قارەمانی ل سەر ئاستی پارێزگەها ده‌وكی د هاتنە ئەنجامدان.

]]> https://rojnameyaevro.com/ku/%da%af%db%86%d8%b1%db%95%d9%be%d8%a7%d9%86%d8%a7-%d8%a6%d8%a7%d9%85%d8%a7%d8%af%db%95%db%8c%db%8c%d8%a7-%d9%83%d8%a7%d9%88%db%95-%d9%87%db%95%d9%86%d8%a7%d8%b3%db%95%db%8c%d8%a7-%d9%88%db%95%d8%b1/267910/feed/ 0 ئەرێ‌ یاریزان ل دووڤ بوهایێ خوە یێ گرێبەستێ‌ یە؟ https://rojnameyaevro.com/ku/%d8%a6%db%95%d8%b1%db%8e%e2%80%8c-%db%8c%d8%a7%d8%b1%db%8c%d8%b2%d8%a7%d9%86-%d9%84-%d8%af%d9%88%d9%88%da%a4-%d8%a8%d9%88%d9%87%d8%a7%db%8c%db%8e-%d8%ae%d9%88%db%95-%db%8c%db%8e-%da%af%d8%b1%db%8e/265416/ https://rojnameyaevro.com/ku/%d8%a6%db%95%d8%b1%db%8e%e2%80%8c-%db%8c%d8%a7%d8%b1%db%8c%d8%b2%d8%a7%d9%86-%d9%84-%d8%af%d9%88%d9%88%da%a4-%d8%a8%d9%88%d9%87%d8%a7%db%8c%db%8e-%d8%ae%d9%88%db%95-%db%8c%db%8e-%da%af%d8%b1%db%8e/265416/#comments Mon, 06 Jul 2026 10:19:23 +0000 https://rojnameyaevro.com/ku/?p=265416 حاجی دۆسكی

ل ڤان سالێن دووماهیێ دا لا لیگا ئێراقێ‌ چەند گوهۆڕین ب سەردا هاتینە ژ وان گوهۆڕیم د هاتنا هژمارەكا یاریزانێن پێشەكاری ژ ولاتێن بیانی، ڤێ‌ چەندێ‌ كارتێكرن باش ل پێشڤە چوونا ئاستێ‌ خولێ‌ كریە ، لێ‌ یا سەیر ئەوە گرانبوونا گربەستین یاریزانان تایبەت یاریزانێ‌ نافخۆ، ئەرێ‌ ئەڤ یاریزانە ژ هەژی ئەڤان كوژمەیێن گرانبوهانە؟ جەماوەر گەنگەشەیا ڤێ‌ چەندێ‌ دكەت بۆ هەر وەرزەكی نوو گریبەست گرانتر دبیت، هندەك یاریزان كو ئاستێ‌ خۆ كارێگەرییا خۆ ل سەر ئەنجامێ‌ تیمێ‌ هەیە لێ‌ هەمی یاریزان نە ل ڤی ئاستی هەنە بەرۆڤاژی یاریزان هەیە ب بهایێ‌ گریبەستان وی دێ‌ پروژەیەكێ‌ وەرزشی پێ‌ هێتە دروستكرن بەلێ‌ نەشیا یە بیتە جهێ‌ دلخوەشیا جەماوەری بەروڤاژی بوویە بارگرانی ل سەر یانەیێ كو نەشێت دەست ژێ‌ بەردەت و دڤێت هەمی مافی وی پێ‌ دەت، ئێك ژ ئەگەرێن گرانبوونا گریبەستا بریكارێ‌ یاریزانان ل گەل كارگێریێن یانەیانە، نە یا دیارە بریكاری یاریزانێ‌ رێژەك یا دیاركریە بۆ وی ئەو ژی دێ‌ یاریزانێ‌ خۆ پێشكیش كەت ب بهایەكێ‌ گران هە ڤپشك ل گەل گارگیریێ دی یاریزانی سەپینت ل سەر راهێنەری، پترییا ئەوان یاریزانێن گران بها لالیگایا ئیراقێ‌ نەبوویە فاكتەرەكێ‌ سەرەكی بۆ سەرگەفتنا یانەیا خۆ، یاریزان هەیە نێزیكی ملیار دینارێ‌ ئیراقی وەرگرتیە و نەشیا وێ‌ چەندێ‌ بكەت بەرامبەر وی كوژمەیێ‌ مەزن بەروڤای یاریزانی گربەستا وی یا نۆرمال بیت پتر بزاڤێ‌ دكەت خۆ پێشبێخیت، ڤان گریبەستین گرانبها پترییا یانەیا تووشی كێشەیێن دارایی كرینە، ل دووماهی یێ‌ یاریزانی سكالا تۆماركریە لسەر یانەیێ، وەكۆ یا دیار هەمی یانەیێن خولا ئیراقێ‌ داهاتی وان ژحكومەتێ‌ یە بەشەكێ‌ كێم داهاتی ژ ریكلاما پەیدا بیت ئەو ژی گرێبەستا ئێك یاریزان پەیدا ناكەت، ئەز بینم ئەڤ گرێبەستە دهێتە ئیمزا كرن نە رێكێن زانستی و ئەكادیمیی، ل بیرا منە یانەیەك ل خولا ئیراقێ‌ یاریزانەكێ‌ ئەفریقی گریبەست ل گەل گریدا، تنی وی یاریزانی 47 خولەكا یاری كر باش گارگێریێ‌ دەست ژێ‌ بەردا یاریزانێ‌ پتری ژ 100هزار دۆلار وەرگرتن ژ وێ‌ یانەیێ‌، راستە مافی یاریزان یە بەلێ‌ نە دۆفچوونا دروست بۆ یاریزانی بەری گریدانا گریبەستێ‌ ئەف چەندە رویدەت، دبیت كارگیریا یانەیێ هەیە زور هەستیاردۆڤچوونێ‌ دكەت هەتا بشین یاریزانەكی ئیمزاكەن و یێ‌ ژ هەژی وی كوژمەیی بیت، بەلێ‌ ئەو خال زور زور یاكێمە، بۆچوونا من باشترین یاریزانێ‌ لا لیگا ئیراقێ‌ هەژی 300–400ملیون دینار ئیراقی یە، ئەوا دهێتە كرن بۆ گرانكرنا گریبەستا ئەو ژی پشكەكە ژ وێ‌ گەندەلیێ‌ ئەوا ل ئیراقێ‌ كۆ هەمی لایەنێن ژیانێ‌ بخوەڤە گرتییە.

]]> https://rojnameyaevro.com/ku/%d8%a6%db%95%d8%b1%db%8e%e2%80%8c-%db%8c%d8%a7%d8%b1%db%8c%d8%b2%d8%a7%d9%86-%d9%84-%d8%af%d9%88%d9%88%da%a4-%d8%a8%d9%88%d9%87%d8%a7%db%8c%db%8e-%d8%ae%d9%88%db%95-%db%8c%db%8e-%da%af%d8%b1%db%8e/265416/feed/ 0 مفا وەرگرتن ژ شاشیێن وەرزێ‌ بۆری دێ‌ بیتە خالان هێزكرنا تیمێ‌ https://rojnameyaevro.com/ku/%d9%85%d9%81%d8%a7-%d9%88%db%95%d8%b1%da%af%d8%b1%d8%aa%d9%86-%da%98-%d8%b4%d8%a7%d8%b4%db%8c%db%8e%d9%86-%d9%88%db%95%d8%b1%d8%b2%db%8e%e2%80%8c-%d8%a8%db%86%d8%b1%db%8c-%d8%af%db%8e%e2%80%8c-%d8%a8/264446/ https://rojnameyaevro.com/ku/%d9%85%d9%81%d8%a7-%d9%88%db%95%d8%b1%da%af%d8%b1%d8%aa%d9%86-%da%98-%d8%b4%d8%a7%d8%b4%db%8c%db%8e%d9%86-%d9%88%db%95%d8%b1%d8%b2%db%8e%e2%80%8c-%d8%a8%db%86%d8%b1%db%8c-%d8%af%db%8e%e2%80%8c-%d8%a8/264446/#comments Wed, 17 Jun 2026 22:23:21 +0000 https://rojnameyaevro.com/ku/?p=264446 حاجی دۆسكی

بەری دەستپێكرنا خولا ستێرێن ئیراقێ‌ یا وەرزێ‌ بۆری جەماوەرێ‌ دەڤەرا بەهدینان هیڤین مەزن هەبوون كو هەردو تیمێن دهۆ ك و زاخۆ باشتر و بهێزتر بهێنە دیتن، تایبەت پشتی وان ئەنجامێن باش ل وەرزێ‌ پێشتر بدەستڤەئیناین، لێ‌ ئاستێ‌ هەردو تیمان د زوربەی قووناغان دا یێ لاواز و نەچاڤەرێ‌ كری نیشاندا، دهۆك خودانا دو ناسناڤان بوو، كۆپا ئیراقێ‌ و كۆپا كەنداڤی، دەستپێكا وەرزێ‌ بۆری بەرهەڤیێن باش هاتبوونە كرن ل گەل گوهۆڕینێن بەرچاڤ دناڤ تیمێ‌ دا، لێ‌ دهەڤڕكیێن خولێ‌ دا تووشی ئەنجامێن خراب بووینە، پشتی بۆرینا دو یارییان ڕاهێنەرێ‌ بەرازیلی ڤاریاس هاتە دوورئێخستن، هەرچەندە گوهۆڕینا وی نەبوو ئەگەرێ‌ چارەسەركرنا ئاریشەیان، دڤیابا كارگێریب دروستی دۆڤچوونا وان كێماسیان كربا كو بووینە ئەگەر، بدیتنا من نە دەستنیشانكرنا ڕاهێنەرەكێ‌ ژ هەژی، یا دویێ‌ چوونا هژمارەیەكا یاریزانێن سەرەدی ژ یانەیێ نموونە لۆكاس و مۆسێس كو گەلەك كارتیكرن ل سەر هێلا بەرەڤانیێ كرن، یا سێیێ‌ ئاستێ‌ گۆلپارێزی یێ‌ لاوازبوو، یا چارێ‌ دووركەڤتنا زانا عادل ژ بەر هنگاڤتنێ‌ كو ڤالاهییەك دجهێ‌ وی دا پەیداكربوو، یا پێنجێ‌ ئاستێ‌ هێرشبەران پێدڤی نەبوو، هەرچەندە پیتەر گۆرگیسی 19 گۆل تۆماركربوون، لێ‌ من باوەرییا هەیی كارگێری دێ‌ مفایی ژ شاشیێن بۆری وەرگریت بۆ وەرزێ‌ نوو چارەسەركەت.
دەربارەیی یانەیا زاخۆ دیاربوو دەستپێكەكا باش هاتبوو دناڤ خولێ‌ دا و شیا بەرسنگێ‌ تیمێن مەزن بگریت و هیڤیێن مەزن هەبوون هەڤڕكییا ناسناڤی بكەت، ب هەبوونا ستێرێن وەكو ئەمجەد عەتوان، ئەحمەد ئیبراهیم، محەمەدسۆلا، ئاسۆ رۆستەم وئۆرینیۆ یا گەشبینبوو، لێ‌ ب بۆرینا دەمی و گڤاشتنێن پشتەڤانان ددەمێ‌ ژدەستدانا خالان تایبەت ل یاریگەها خوەدا بوو ئەگەر كونترۆل بهێتە ژدەستدان و هیڤیێن ناسناڤی ژی ژدەست بدەن وچاڤ ل كۆپا ئیراقێ‌ بوو لێ‌ ئەوژی هاتە هەلوەشاندن، ئەگەرێن ڤێ‌ داكەڤتنێ‌ بڤان خالان خوەڤەدگریت، یا ئێكێ‌ یا دروست ئەوبوو راهێنەر ویسام ڕزق نە هاتبا دووركرن، یا دویێ‌ كۆمەكا ستێران دناڤ تیمێ‌ دا و سەرەدەری دگەل وان پێكڤە بزەحمەتبوو، یا سێیێ‌ ڕێژەیا بلند یا كارتێن زەر و سۆر كو یاریزانێن كاریگەر دهاتنە دوورئێخستن، یا چارێ‌ دلسۆزیا یاریزانان بۆ تیمێ‌ نە ل ئاستێ‌ پێدڤی بوو، لەوماژی فەرە گرنگیێ ب یاریزانێ‌ نافخۆ بینن ژبەركو یێ‌ خومالی دلسۆزە بۆ باژێرێ‌ خوە، هەروەسان لایەنێ‌ دارایی دێ‌ كێمتر مەزاختی هەبن، هیڤییا من ئەوە یانەیێن مە مفایی ژ شاشیێن وەرزێ‌ بۆری وەربگرن و ئەو دێ‌ بیتە خالا ب هێزكرنێ‌ یە

]]> https://rojnameyaevro.com/ku/%d9%85%d9%81%d8%a7-%d9%88%db%95%d8%b1%da%af%d8%b1%d8%aa%d9%86-%da%98-%d8%b4%d8%a7%d8%b4%db%8c%db%8e%d9%86-%d9%88%db%95%d8%b1%d8%b2%db%8e%e2%80%8c-%d8%a8%db%86%d8%b1%db%8c-%d8%af%db%8e%e2%80%8c-%d8%a8/264446/feed/ 0 مۆندیالا جیهانی خودانا مەزنترین قازانجی یە د دیرووكێ‌ دا https://rojnameyaevro.com/ku/%d9%85%db%86%d9%86%d8%af%db%8c%d8%a7%d9%84%d8%a7-%d8%ac%db%8c%d9%87%d8%a7%d9%86%db%8c-%d8%ae%d9%88%d8%af%d8%a7%d9%86%d8%a7-%d9%85%db%95%d8%b2%d9%86%d8%aa%d8%b1%db%8c%d9%86-%d9%82%d8%a7%d8%b2%d8%a7/263653/ https://rojnameyaevro.com/ku/%d9%85%db%86%d9%86%d8%af%db%8c%d8%a7%d9%84%d8%a7-%d8%ac%db%8c%d9%87%d8%a7%d9%86%db%8c-%d8%ae%d9%88%d8%af%d8%a7%d9%86%d8%a7-%d9%85%db%95%d8%b2%d9%86%d8%aa%d8%b1%db%8c%d9%86-%d9%82%d8%a7%d8%b2%d8%a7/263653/#comments Tue, 02 Jun 2026 22:47:31 +0000 https://rojnameyaevro.com/ku/?p=263653 حاجی دۆسكی

مۆندیالا جیهانی ئەو ڕوودانا وەرزشی یا هەرە مەزن و زێدەترین بینەر هەیە ل سەرانسەری جیهانێ‌، لێ‌ ئێدی نەبتنێ‌ هەڤڕكییەكا وەرزشی یە كو تیم بەرامبەر ئێك یاریێ‌ بكەن، بەلكۆ بوویە پروژەیەكێ‌ ئابوری یا هەرە مەزن قازانجا وێ‌ د موندیالێ‌ دا دگەهیتە 13ملیاردۆلاران، ل سالا 1930تا نوكە گەلەك پێشكەفتن بخۆڤە گرتییە نەبتنی ژلایێ‌ رێكخستنێ‌، بەلكۆ گەلەك لایەنێن دی یێن ژیانێ‌ مفاداربووینە بوویە، پیشەسازییەكا جیهانی كومپانیین مەزن مفاداربووینە، ژ ڤێ‌ چالاكییێ‌ تایبەت كومپانیێن ڕاگەهاندنێ‌ و یێن بیناسازی و ئەمنی، مۆندیالا جیهانی بڕبڕا ئابوری بۆ فیدراسیۆنا نێفدەولەتی فیفا شیایە هێزا وێ‌ یا ئابوری پەیدابیت ژچەند ژێدەرەكان ژ وانا مافێن بەلافكرنا تەلەفزیونی كو برین زور مەزن بۆ كەنال و پلاتفورمێن دیجیتالی ل سەرانسەری جیهانێ‌ دهێنە فروتن ژبلی ریكلامێن براندێن جیهانی، هەروەسا فرۆتنا پلێتا وەكۆ هاتیە كۆتن پلێت بۆ یارییا دووماهییێ‌ پتری دو ملیۆن دۆلاران لبەر فرۆتنێ‌ یە، ل دووڤ ژێدەرێن روژناما گاردییان یا بریتانی مۆندیالا 2026 دێ‌ خوشترین و مەزنترین بزافا وەرزشی بیت دمێژووییا مروڤێ‌ دا تایبەت ژلایێ‌ وی داهاتی راگەهاندی، د نوكە دا ئەو داهاتی دهێتە قازانجكرن دێ‌ پتر بیت ژ داهاتیێ‌ ئولمپیادا 2024زێدەكرنا هژمارا تیما 32-48تیما پێنگاڤەكا هەرە مەزن بوویە بۆ زێدەكرنا داهاتی، ژبەركۆ بەری نوكە تنێ‌ 64 یاریی بوون لێ‌ د نوكە دا دێ‌ 104یاریی هێنە ئەنجامدان، لڤێرێ‌ نە بتنێ‌ فیفا دێ‌ یا مفاداربیت بەلكۆ ئەو وەلاتێ‌ مێڤانداربیت مفایەكێ‌ مەزن دێ‌ وەرگریت، نوكە خەونا گەلەك وەلاتانە مێڤانداریی یە ژبەر مێڤاندارییێ‌ كارێگەرییەكا مەزن یا ئابوری و سیاسی د ڕاگەهاندنێ‌ دا هەیە، لڤێرێ‌ پسیارەك ژلایێ جەماوەری لإە پەیدا دبیت ئەرێ‌ فیفا دێ‌ چ ل ڤێ‌ داهاتیێ كەت؟ وەكۆ ئەو دبێژن كۆ فیفا رَیكخراوەكا نە سودمەندە دبێژیت ئەم دێ‌ ڤی پارەی زڤرینن بۆ پێشئێخستنا فوتبۆلێ‌ ب ڕێكا بەرنامەیێن خوە وەكۆ دروستكرنا ژێرخانەیا وەرزشی ل وان وەلاتێن هەژار، هەروەسا هەر دێ‌ هێنە مەزاختن بۆ قارەمانیێن داهاتی، ئەو تیمن پشكدار دێ‌ پتری 10ملیون دولاران وەرگرن ژبو خۆ بەرهەفكرنێ‌ بۆ مۆندیالێ‌ ئەو تیما ببیتە قارەمان دێ‌ بیتە خودانا 50 ملیون دولاران ، یا دویێ دێ‌ 33 ملیۆن دۆلاران وەرگریت، و یا سێیێ دێ‌ 29 ملیۆن دۆلاران وەرگریت، زێدەباری ئەو مەزاختیێن فیفایێ دێ‌ تەرخانكەت بۆ رێكخستنێ‌ و رێڤەبرنا ئیمناهییا مۆندیالا جیهانی كو دبیتە رێژا4% ، ب كورتی زێدەكرنا هژمارا تیما نە ژبەر خاترا چاڤێن جەماوەری یە بەروڤاژی ئێدی رێكا وەرزشێ‌ داهاتەكێ‌ هەر باش دهێتە كۆمكرن.

]]> https://rojnameyaevro.com/ku/%d9%85%db%86%d9%86%d8%af%db%8c%d8%a7%d9%84%d8%a7-%d8%ac%db%8c%d9%87%d8%a7%d9%86%db%8c-%d8%ae%d9%88%d8%af%d8%a7%d9%86%d8%a7-%d9%85%db%95%d8%b2%d9%86%d8%aa%d8%b1%db%8c%d9%86-%d9%82%d8%a7%d8%b2%d8%a7/263653/feed/ 0 بۆچی زاخۆ نەشیا ببیتە هەڤڕک ؟ https://rojnameyaevro.com/ku/%d8%a8%db%86%da%86%db%8c-%d8%b2%d8%a7%d8%ae%db%86-%d9%86%db%95%d8%b4%db%8c%d8%a7-%d8%a8%d8%a8%db%8c%d8%aa%db%95-%d9%87%db%95%da%a4%da%95%da%a9-%d8%9f/262771/ https://rojnameyaevro.com/ku/%d8%a8%db%86%da%86%db%8c-%d8%b2%d8%a7%d8%ae%db%86-%d9%86%db%95%d8%b4%db%8c%d8%a7-%d8%a8%d8%a8%db%8c%d8%aa%db%95-%d9%87%db%95%da%a4%da%95%da%a9-%d8%9f/262771/#comments Tue, 12 May 2026 22:58:36 +0000 https://rojnameyaevro.com/ku/?p=262771 حاجی دۆسكی

یانەیا زاخۆ ئێك ژ وان یانایە سەنگەكا مەزن هەیە ل سەر ئاستێ‌ خولا ستێرێن ئیراقێ‌ تایبەت پشتی خول بەر ب قووناغا پێشكاریێ ڤە چووی زاخۆ دگەل ڤی كاروانی تیما خۆ باشتر بەرهەڤكر، هەر یانەیەكا دهاتە ڤی باژێری ئەگەر خالەك دەستكەڤت با وەكو سەركەڤتن دهژمارت، ئەڤ یانە خودان ئێك ژ جەماوەرێن مەزنە نە بتنێ‌ ل سەر ئاستێ‌ ئیراقێ‌ بەلكۆ ناڤێ‌ ڤی جەماوەری گەهشتیە دناڤ پترییا وەرزشڤانا ل جیهانێ‌، بەلێ‌ هیڤیێن ڤی جەماوەری ب جهنەهاتینە ئەوژی دەستڤە ئینانا ناسناڤەكی لسەر ئاستێ‌ ئیراقی، ل وەرزێ‌ بوری گەلەك نێزیكی برنا ناسناڤێ‌ كۆپا ئیراقێ‌ بوو لی شیان پلا دویێ دەستڤە بینن و ڕێزا چارێ‌ د خولێ‌ دا بهێن و شیان پشكداریێ د كۆپا یانەیێن كەنداڤی دابكەن، جەماوەر هەمی ل هیڤییا وی چەندی بوون بۆ ڤی وەرزی زاخۆ شیان هەنە ببیتە قارەمان كەنداڤی، لێ‌ نەشیان وێ‌ هیڤیێ‌ بجهبینن، ل خولا ئێراقێ‌ دووڤ رێزبەندییا نوكە ئەنجامێن یانەیا زاخۆ ل وەرزی بوری باشتر بوون راستە ڤی وەرزی دیاربیت مەزاختی پتر كرینە هەمی پێدڤی بەردەست بووینە، ئەرێ‌ ئەو چ ئەگەرێن ئەف یانە نەشیا ب كێماسی بگەهیتە چارگوشەیا زێری، دەمێ‌ یانەیا زاخۆ ئەف تیمە بەرهەفكری پترییا جەماوەری ل ئێراقێ‌ هزرا وی چەندێ‌ كربوو، ئێدی كوڕێن خابووری دێ‌ بنە هەڤڕك لسەر پلێن ئێكی تا سێ‌ تایبەت ژبەر هێزا جەماوەری، لدووڤ بۆچوونا هندەك چاڤدێرێن خولێ‌ دهەر تیمەكێ دا دەمێ‌ كومەكا مەزن یا ستێرا كوم دبن ئەنجام ل دووڤ پێشبینییا نابن، زاخۆ كۆمەكا سەركردا ل سەر ئاستێ‌ ئیراقێ‌ د یانەیێ‌ دا كومكرن نموونە، ئەحمەد ئیبراهیم، ئەمجەد عتوان، ئاسۆ رۆستم و شێركو كەریم ژبلی پێشەكارێن بیانی، لەورا سەرەدەریی دگەل ڤان ناڤان ب زەحمەت دبیت، دیاریێن چارەنڤیس دا پشكەك ژ ڤان ستێرا بووینە ئەگەری ژدەست دانانا خالا ب ئەگەرێ‌ سزایێن دوورئێخستنێ‌ و كارتێن سۆر و زەر، خالەكا دی ژیێ یاریزانان پترییا وان سەر سیه سالیێ دانە، رەنگە ل خولێن بیانی یاریزانی سیه سالی باشترین ئاست هەیە، بۆ یاریزانێن ئیراقی زەحمەتە ژ ئەگەرێ‌ پترییا یاریزانێ‌ ئیراقی بەلگەنامێن وان سەختە نە ئەو یاریزانێ‌ سیه سالی ژیێ‌ دروست سێ‌ تا چار سالا مەزنترە لەروا تەمەنی یاریزانی كارتێكرنێ‌ ل سەر ئاستێ‌ وی دكەت، هەروەكی مە دیتی ئەحمەد ئیبراهیم چەند جارا هاتیە دوورئێخستن ژ یاریێ‌ هەروسا یاریزانێ‌ ب ژییەكێ‌ مەزن ئەو شیان نابن هەر نووت خولەكا ئێك ئاست نیشان بدەت، لەورا ڤان جورە یاریزانان كارتێكرن ل پێكهاتیێ یانەیا زاخۆ كر، دڤێت ژبیرنەكەین ئەڤ یاریزانە پتر تووشی هنگافتنێ‌ دبن، لڤێرە پلانێن راهێنەری هاتنە تێكدان، خالەكا دی دڤێت بۆ گشت یانەیێن كوردستانێ‌ دیاربیت نەبوونا هژمارەكا كورێن باژێری دناڤ تیمێ‌ دا دلسوزی پەیدا نابیت ئەوا كورێ‌ باژێری بۆ جەماوەری دكەت پشتراستبن یاریزانێ‌ دی نیشاننادەت، هەروەسا گڤاشتنێن جەماوەری كەتنە ل سەر یانەیێ‌ تایبەت پشتی ئەڤ كۆما ستێرا دیتی، پشتی خاترخاستنا زاخۆ ژ كۆپا كەنداڤی ڤێ‌ چەندێ‌ كاتێكرن لسەر ئەنجامێن خولا ئێراقێ‌ كر، بو وەرزێ‌ داهاتی هەر كارگێرییا بیت فەرە مفایی ژ وان شاشیێن وەرزێن بوری وەربگریت دەف من خالا هەرە گرنك ئەوە رێ‌ ددەنە یاریزانێ‌ خومالێ‌ مە ل كوردستانێ‌ ئەو گەنج هەنە دشێن جهێ‌ خۆ ل هەر تیمەكێ‌ بكەن.

]]> https://rojnameyaevro.com/ku/%d8%a8%db%86%da%86%db%8c-%d8%b2%d8%a7%d8%ae%db%86-%d9%86%db%95%d8%b4%db%8c%d8%a7-%d8%a8%d8%a8%db%8c%d8%aa%db%95-%d9%87%db%95%da%a4%da%95%da%a9-%d8%9f/262771/feed/ 0 بەربژارێن كوردستانێ‌ و هەلبژارتنێن بهێن https://rojnameyaevro.com/ku/%d8%a8%db%95%d8%b1%d8%a8%da%98%d8%a7%d8%b1%db%8e%d9%86-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e%e2%80%8c-%d9%88-%d9%87%db%95%d9%84%d8%a8%da%98%d8%a7%d8%b1%d8%aa%d9%86%db%8e%d9%86-%d8%a8/262035/ https://rojnameyaevro.com/ku/%d8%a8%db%95%d8%b1%d8%a8%da%98%d8%a7%d8%b1%db%8e%d9%86-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e%e2%80%8c-%d9%88-%d9%87%db%95%d9%84%d8%a8%da%98%d8%a7%d8%b1%d8%aa%d9%86%db%8e%d9%86-%d8%a8/262035/#comments Mon, 27 Apr 2026 22:33:13 +0000 https://rojnameyaevro.com/ku/?p=262035 حاجی دۆسكی

وەكو دیار فدراسیۆنا فوتبۆلا ئیراقێ‌ ئەوا هاتیە دامەزراندن ل هەشتی چرییا ئێكێ‌ یا سالا 1948ب سەروكاتیا عوبەیدوللا مزیافی كو ژ سێ‌ فدراسیۆنێن پارێزگەهان پێكهاتبوو ئەو ژی مووسل، كەركووك و بەسرە، ل سالا 1950 چوویە ل بن سیبەرا فدراسیۆنا نێڤدەولەتی یا فیفایێ‌، هەتا نوكە 21 كەسان سەرۆكاتییا فدراسیۆنا فوتبۆلا ئیراقێ‌ كریە، پشتی سالا 2003ێ‌ كارێ‌ وان ب شێوەیەكێ‌ باشتر و بەرچاڤتر هاتیە دیتن دناڤا تەخا وەرزشڤانان دا هەتا گەهشتییە خولا ستێرێن ئیراقێ‌ كو كارەكێ‌ پیشەكار دهێتە كرن، وەكو دیار د نوكە دا دەنگۆباسێن گەرم د ناڤا ڕاگەهاندنا وەرزشی دا هەیە ل ئیراقێ‌ و كوردستانێ‌ و بەحس ل هەلبژارتنێن ڤێ‌ فدراسیۆنێ‌ دهێنە كرن كو دهێتە چاڤەڕێ‌ كرن ل 23ێ‌ ئەیارا بهێت دەستپێبكەن.
لدووڤ جادەیا وەرزشی پرانییا وەرزشڤانان حەز دكەن عەدنان درجال سەرۆكێ‌ نوكە یێ‌ فدراسیۆنێ‌ دوبارە بهێتە هەلبژارتن ژ بەركو لسەر دەمێ‌ وی هەلبژارتیێ‌ ئیراقێ‌ دەربازبوو مۆندیالا جیهانی 2026ێ‌، لێ‌ ڕامانا وێ‌ نینە ئەو بتنێ‌ هەڤڕكێ‌ خوەیە، بەلكو یونس مەحموود چێگری وی بوویە هەڤڕكێ‌ وی ژبۆ بەربژارییا سەرۆكێ‌ فدراسیۆنێ‌، ئەوا بڕیارە دو چێگر و دەهـ ئەندام هەبن، لەوما ژی بزاڤێن چر دناڤبەرا وان دا هەنە ژبۆ كۆمكرنا دەنگان، ب گشتی 28 كەسان خوە بۆ بەربژاریا فدراسیۆنێ‌ كرییە، ژ وانا د. ئەحمەد قاسم سەرۆكێ‌ لژنەیا ئۆلمپییا دهۆكێ‌- سەرۆكێ‌ فدراسیۆنا فوتبۆلا پارێزگەهێ‌، هەروەسان د. عەبدوللا جەلال سەرۆكێ‌ یانەیا دهۆك و تاها عەبدولحەكیم زاخۆیی ئەندامێ‌ كارگێرییا یانەیا زاخۆ و گۆڤەند عەبدولخالق ئەندامێ‌ پێشتر یێ فدراسیۆنا ئیراقێ‌، ل دووڤ ڕێنمایان ئەو كەسێن دەنگدان هەیی یانەیێن خولا ستێرێن ئیراقێ‌، خولا نایاب زێدەباری نوونەرەكێ‌ دادڤانان، نوونەرەكێ‌ یاریزانێن دەولەتی، نوونەرێ‌ ڕاهێنەران.
دڤان هەلبژارتنێن بهێت دا نوونەرێن كوردستانێ‌ بزاڤێ‌ دكەن جهێ‌ خوە دناڤا فدراسیۆنا ئیراقێ‌ دا بكەن، لدووڤ زانیاریان نوونەرێن كەركووك و یێن سلێمانیێ‌ و گۆڤەند عەبدولخالق دگەل لیستا یونس مەحموودی مە، یێن دهۆك و هەولێر دگەل عەدنان درجالی نە، لڤێرە پسیار ئەوە نوونەرێن كوردستانێ‌ دێ‌ د سەركەڤتی بن، ب دیتنا من هەتا دو كەسان دێ‌ شێن سەرئێخن بۆ ناڤ فدراسیۆنێ‌ دا هەكە ئێك دەنگی هەبیت، هەرچەندە زانیاری دبێژن گۆڤەندی خوە ڤەكێشیایە لێ‌ چو فەرمی نینە، لڤێرە هیڤییا مە ئەوە ئەو كەسێ دهێتە هەلبژارتن بشێت خزمەتا یانەیێن كوردستانی بكەت بێ‌ جێوازی و ببنە دەنگێ‌ ڕاستەقینە، ئەڤ فدراسیۆنە ل دووڤ یاسایەكێ‌ كار بكەت بۆ بەرژوەندییا گشت وەرزشڤانان، هەر بۆ زانین ددەمەكی دا عەبدولخالق مەسعوود كو نوونەرێ كوردستانێ‌ بوو بۆ ماوەیێ‌ چار سالان وەكو سەرۆكێ‌ فدراسیۆنێ‌ كار كرییە لێ‌ پشتی هنگی هاتە لادان ژبەر چەند ئەگەرێن یاسایی، دنوكەدا كوردستان خودان كەسایەتیێن ئەكادیمینە و شیانێن باش هەنە كو دێ‌ خزمەتا وەرزشا كوردستانێ‌ ژی كەن، هەبوونا كەسانێن كارێزما ل فدراسیۆنێ‌ دێ‌ هیڤیێن یانەیێن كوردستانی باشتر لێكە نبۆ ئەنجامدانا كار و چالاكییان.

]]> https://rojnameyaevro.com/ku/%d8%a8%db%95%d8%b1%d8%a8%da%98%d8%a7%d8%b1%db%8e%d9%86-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e%e2%80%8c-%d9%88-%d9%87%db%95%d9%84%d8%a8%da%98%d8%a7%d8%b1%d8%aa%d9%86%db%8e%d9%86-%d8%a8/262035/feed/ 0 چار یانەیێن پارێزگەهێ‌ د خولا نایاب دا https://rojnameyaevro.com/ku/%da%86%d8%a7%d8%b1-%db%8c%d8%a7%d9%86%db%95%db%8c%db%8e%d9%86-%d9%be%d8%a7%d8%b1%db%8e%d8%b2%da%af%db%95%d9%87%db%8e%e2%80%8c-%d8%af-%d8%ae%d9%88%d9%84%d8%a7-%d9%86%d8%a7%db%8c%d8%a7%d8%a8-%d8%af/261478/ https://rojnameyaevro.com/ku/%da%86%d8%a7%d8%b1-%db%8c%d8%a7%d9%86%db%95%db%8c%db%8e%d9%86-%d9%be%d8%a7%d8%b1%db%8e%d8%b2%da%af%db%95%d9%87%db%8e%e2%80%8c-%d8%af-%d8%ae%d9%88%d9%84%d8%a7-%d9%86%d8%a7%db%8c%d8%a7%d8%a8-%d8%af/261478/#comments Sun, 19 Apr 2026 22:17:10 +0000 https://rojnameyaevro.com/ku/?p=261478 حاجی دۆسكی

پشتی دەربازبوونا یانەیێن دهۆك و سێمێل بۆ وەرزێ‌ نوو یا خولا پلا نایابا كوردستانێ‌ یا فوتبۆلێ‌ ئێدی پارێزگەها دهۆكێ‌ دێ‌ بیتە خودان چار نوونەر ئەوژی دهۆك، زاخۆ، ئاكرێ‌ وسێمیل، راستی ئەف چەندە جهێ‌ دل خوشیا جەماوەری وەرزشی یە ل گشت دەڤەرێن بەهدینان، دەربازبوونا سێمێلێ‌ ب تامەكا تایبەت بۆ جەماوە ری پەیداكربوو، ژبەركو ئەڤە نێزیكێ‌ 14 سالان بوو ئەف یانە ئەوا هاتیە نیاسین كانیكا یاریزانان یا ڤەقەتیایی بوو ژ خولا نایاب، جەماوەر دگەل دەستەیا كارگێریێ‌ گەلەك ماندیبوون تا شیان یانەیا خۆ ب گەهینە وێ‌ ئارمانجێ‌، د بەرامبەرا دا یانەیا ئەلهۆیێن چیا دهۆك پشتی ڤەقەقەتیانەكا كورت شیان دوبارە ڤەگەڕینە جهێ‌ خۆ یێ‌ دروست ئەو ژی خولا نایاب، دهۆك ب سانەهی نە ڤەگەڕیایە ژبەركو هەتا خولەكێن دووماهیێ‌ ژی مەترسی ل سەر هەبوو ژبەركو یانەیا زانكۆیا جیهان ژی هەڤڕكا وێ‌ بوو، هەبوونا ڤان چار یانەیا د ئێك پارێزگەهـ دا دڤێت دەلیڤێ‌ بهێتە خوشكرن دروستی بۆ كوڕێن ڤان باژێران و دەوروبەرا دروستی ل دووڤ چاڤدیرییا مە بو یارییا تەپا پی ل كوردستانێ‌ پارێزگەها دهوكێ‌ تایبەت ژی ئەف هەر چار یانە یاریزانێن باش خودان ئەزموون تێدا هەنە، لێ‌ بەلاڤ بووینە ل سەر یانەیێن هەرێمێ‌ و خولا نایابا ئێراقێ‌، بەشەك ژ ڤان یاریزانان چووینە بۆ ئارمانجێن مەزنتر، هندەكان ژی كازندا وان ئەوە دبێژن ئەوا مە دڤێت یانەیێن باژێرێ‌ مە بۆ دابین ناكەن، لێ‌ بۆ كەسێن بیانی بجه دئینن، وەكۆ بۆچوون ئەز دبینم یانەیێن خولا هەرێمی بلا پشت بەستنێ‌ ل سەر كورێن باژێری خۆ بكەن ل خولا هەرێمێ‌، یانە ڕێزا دویی  یان ڕێزا دەهێ‌ ب دەستڤە بینت وەكۆ ئێكە تا قارەمانی خولێ‌ ژی بی وێ‌ پاداشتی پێشكیشێ‌ قارەمانا خولێ‌  ناكەن، كارگێریی مفادار بیت ژلایێ‌ دارایی ڤەـ لەورا دبینم كارگێریێن ڤان یانەیان دەلیڤێ‌ ب دەنە یاریزانێن خۆ دێ‌ بارێ‌ وان یێ‌ دارایێ‌ سڤكتر بیت، لڤێرە پسیارەك دروست دبیت هەبوونا ڤان چار یانەیا ژ پاریزگەها دهۆكێ‌ دێ‌ بارگرانیەك هەبیت ژ لایی دارایی ڤە ل سەر دەزگەهێن حكومی بۆ پشتەڤانیكرنا وانا، ژنوكە دا حكومەت دگەل ڤان یانەیا كومبیت وان شیانێن هەین بۆ دیاربكەت ئەڤ یانە لدووڤ وی كوژمەیێن هەین كاربكەن، وەكۆ ئەم زانین دهۆك و زاخۆ هندەك ژێدەرێن دارایی تایبەت هەنە گریدای یانەیی نە، خالا گرنك من دڤیت دیاربكەم هەر چار یانەیان خودان جەماوەرەكی مەزنن مە نەڤێت ئەو روودان بهێنە پێش كو یانە بهێنە سزادان بنە دەنگوباس ل راگەهاندنێ‌، سەركەفتنا ڤان یانەیان سەركەفتنا وەرزشی یە ل گشت پاریزگەها دهوكێ‌. پشتی دەربازبوونا یانەیێن دهۆك و سێمێل بۆ وەرزێ‌ نوو یا خولا پلا نایابا كوردستانێ‌ یا فوتبۆلێ‌ ئێدی پارێزگەها دهۆكێ‌ دێ‌ بیتە خودان چار نوونەر ئەوژی دهۆك، زاخۆ، ئاكرێ‌ وسێمیل، راستی ئەف چەندە جهێ‌ دل خوشیا جەماوەری وەرزشی یە ل گشت دەڤەرێن بەهدینان، دەربازبوونا سێمێلێ‌ ب تامەكا تایبەت بۆ جەماوە ری پەیداكربوو، ژبەركو ئەڤە نێزیكێ‌ 14 سالان بوو ئەف یانە ئەوا هاتیە نیاسین كانیكا یاریزانان یا ڤەقەتیایی بوو ژ خولا نایاب، جەماوەر دگەل دەستەیا كارگێریێ‌ گەلەك ماندیبوون تا شیان یانەیا خۆ ب گەهینە وێ‌ ئارمانجێ‌، د بەرامبەرا دا یانەیا ئەلهۆیێن چیا دهۆك پشتی ڤەقەقەتیانەكا كورت شیان دوبارە ڤەگەڕینە جهێ‌ خۆ یێ‌ دروست ئەو ژی خولا نایاب، دهۆك ب سانەهی نە ڤەگەڕیایە ژبەركو هەتا خولەكێن دووماهیێ‌ ژی مەترسی ل سەر هەبوو ژبەركو یانەیا زانكۆیا جیهان ژی هەڤڕكا وێ‌ بوو، هەبوونا ڤان چار یانەیا د ئێك پارێزگەهـ دا دڤێت دەلیڤێ‌ بهێتە خوشكرن دروستی بۆ كوڕێن ڤان باژێران و دەوروبەرا دروستی ل دووڤ چاڤدیرییا مە بو یارییا تەپا پی ل كوردستانێ‌ پارێزگەها دهوكێ‌ تایبەت ژی ئەف هەر چار یانە یاریزانێن باش خودان ئەزموون تێدا هەنە، لێ‌ بەلاڤ بووینە ل سەر یانەیێن هەرێمێ‌ و خولا نایابا ئێراقێ‌، بەشەك ژ ڤان یاریزانان چووینە بۆ ئارمانجێن مەزنتر، هندەكان ژی كازندا وان ئەوە دبێژن ئەوا مە دڤێت یانەیێن باژێرێ‌ مە بۆ دابین ناكەن، لێ‌ بۆ كەسێن بیانی بجه دئینن، وەكۆ بۆچوون ئەز دبینم یانەیێن خولا هەرێمی بلا پشت بەستنێ‌ ل سەر كورێن باژێری خۆ بكەن ل خولا هەرێمێ‌، یانە ڕێزا دویی یان ڕێزا دەهێ‌ ب دەستڤە بینت وەكۆ ئێكە تا قارەمانی خولێ‌ ژی بی وێ‌ پاداشتی پێشكیشێ‌ قارەمانا خولێ‌ ناكەن، كارگێریی مفادار بیت ژلایێ‌ دارایی ڤەـ لەورا دبینم كارگێریێن ڤان یانەیان دەلیڤێ‌ ب دەنە یاریزانێن خۆ دێ‌ بارێ‌ وان یێ‌ دارایێ‌ سڤكتر بیت، لڤێرە پسیارەك دروست دبیت هەبوونا ڤان چار یانەیا ژ پاریزگەها دهۆكێ‌ دێ‌ بارگرانیەك هەبیت ژ لایی دارایی ڤە ل سەر دەزگەهێن حكومی بۆ پشتەڤانیكرنا وانا، ژنوكە دا حكومەت دگەل ڤان یانەیا كومبیت وان شیانێن هەین بۆ دیاربكەت ئەڤ یانە لدووڤ وی كوژمەیێن هەین كاربكەن، وەكۆ ئەم زانین دهۆك و زاخۆ هندەك ژێدەرێن دارایی تایبەت هەنە گریدای یانەیی نە، خالا گرنك من دڤیت دیاربكەم هەر چار یانەیان خودان جەماوەرەكی مەزنن مە نەڤێت ئەو روودان بهێنە پێش كو یانە بهێنە سزادان بنە دەنگوباس ل راگەهاندنێ‌، سەركەفتنا ڤان یانەیان سەركەفتنا وەرزشی یە ل گشت پاریزگەها دهوكێ‌. 

]]> https://rojnameyaevro.com/ku/%da%86%d8%a7%d8%b1-%db%8c%d8%a7%d9%86%db%95%db%8c%db%8e%d9%86-%d9%be%d8%a7%d8%b1%db%8e%d8%b2%da%af%db%95%d9%87%db%8e%e2%80%8c-%d8%af-%d8%ae%d9%88%d9%84%d8%a7-%d9%86%d8%a7%db%8c%d8%a7%d8%a8-%d8%af/261478/feed/ 0 گوهۆڕینێن مەزن پەیدا ناكەت https://rojnameyaevro.com/ku/%da%af%d9%88%d9%87%db%86%da%95%db%8c%d9%86%db%8e%d9%86-%d9%85%db%95%d8%b2%d9%86-%d9%be%db%95%db%8c%d8%af%d8%a7-%d9%86%d8%a7%d9%83%db%95%d8%aa/260450/ https://rojnameyaevro.com/ku/%da%af%d9%88%d9%87%db%86%da%95%db%8c%d9%86%db%8e%d9%86-%d9%85%db%95%d8%b2%d9%86-%d9%be%db%95%db%8c%d8%af%d8%a7-%d9%86%d8%a7%d9%83%db%95%d8%aa/260450/#comments Sun, 29 Mar 2026 22:39:40 +0000 https://rojnameyaevro.com/ku/?p=260450 حاجی دۆسكی

گوهارتنا ڕاهێنەری ل هەر تیمەكێ‌ دبیت كارتێكرنەكا مەزن هەیە و دبیتە دو لایەن، یا باش و خراب ئەگەر دەم یێ‌ گونجایی بیت بۆ هاتنا ڕاهێنەرێ‌ نوو دێ‌ شێت كارەكی كەت دبەرژەوەندییا تیمێ‌ دا، دبیت ژوان كارێن ڕاهێنەرێ‌ نوو ئەنجامبدەت بلندكرنا مورالا یاریزانا گوهارتنا شێوازی یاریێ‌ دەلیڤێ‌ دەتە چەند یاریزانێن دی، د بەرامبەر دا گەلەك دەما گوهارتنا ڕاهێنەری ئەنجام بەر ب خرابتر چووینە تایبەت وەكۆ مە لدەسپێكێ‌ ئاماژە پێ‌ دایی ئەگەر دەم یێ‌ كورت بیت راهێنەر نەشێت وی ئەنجامدەت یا هزرا وی بخازیت، لەورا لایەنێ‌ نەرێنی دێ‌ دیاربیت دڤان خالان دا، دەم یێ‌ كێمە تا یاریزان دگەل هزرێن راهێنەری بگونجن دبیت جهێ‌ یاریزانان بهێتە گوهارتن یان بهێنە دوورئێخستن فشارا جەماوەرێ‌ دی مەزتر لێ‌ هێت لسەر كارگێریێ‌ و راهێنەری، ئەڤا ل یانەیا دهۆك روودا ل ڤان روژێن بوری هاتنا كاپتن ئەحمەد خەلەف ل جهێ‌ عەبدولغەنی شەهەد وەكۆ بۆچوون دبینم هیچ گوهۆڕینەكا مەزن دناڤ تیمێ‌ دا پەیداناكەت، راستە دهۆكێ‌ سەربورەكا باش یاسەركەفتی دگەل ڤی راهێنەری هەیە، باورناكەم چ دەما جەماوەرێ‌ دهوكێ‌ ئەحمەد خەلەف ژبیربكەت ئەو ئەگەرەكێ‌ سەرەكی بوو دهوك دەربازكریە كۆپا كەنداڤی، بەلی ئەحمەد خەلەف نە یێ‌ سەركەفتی بوو دگەل یانەیێن ئەلگەرمە و ئەمانەت بەغد، یانەیا دهوك ئارمانج بوو بەر ب قووناغێن مەزنتر بچیت ئەوژی قارەمانیێن كیشوەرێ‌ ئاسیا لێ‌ وەك یادیار لدووڤ رێزبەندییا خولێ‌ بۆ ڤی وەرزی ئەف ئارمانجە بزەحمەتە، راستە گوهارتنا راهێنەران ل هەمی جیهانێ‌ بێنگاڤە كا نۆرمال دهێتە هژمارتن لێ‌ خولا ئێراقێ‌ دیاردەكا سنور بەزاندینە یانە تا پێنچ ڕاهێنەر گوهارتینە، ڤێ‌ پێنگاڤێ‌ ساخلەم نابینم، راستە مافێ‌ یانەیێ‌ یە وی كەسی دانیت یێ‌ بشێت ئارمانج وان بجهبینیت، لێ‌ بۆ ڤی سەردەمی راهێنەرێ‌ ئێراقی نابینم ئەو شیان هەبن یانەیەكا وەكۆ دهۆكێ‌ بەر ب قووناغێن مەزنتر ببەت دشێم بێژم راهێنەرێ‌ ئێراقی جهێ‌ خودا مایە تا نوكە لسەر هزرێن كەڤن كاركەت، دا باشتر بیت كارگیرییا یانەیا دهۆك راهێنەرەكێ‌ بیانی ژ ولاتێن مەغرب، مسر یان جەزائر ئینابا بۆ یاریێن مایی، دووڤدا پلان هەبا بۆ وەرزێ‌ 2026-2027دگەل وی راهینەرێ‌ بیانی نەخشەك دارشتبا دا باشتر بیت یانەیا باژێرێ‌ مە تەپاپێی یا هەڤچەرخ نیشاندەت.

]]> https://rojnameyaevro.com/ku/%da%af%d9%88%d9%87%db%86%da%95%db%8c%d9%86%db%8e%d9%86-%d9%85%db%95%d8%b2%d9%86-%d9%be%db%95%db%8c%d8%af%d8%a7-%d9%86%d8%a7%d9%83%db%95%d8%aa/260450/feed/ 0 زاخۆ ل بەرانبەر قووناغەكا دیرۆكی یە https://rojnameyaevro.com/ku/%d8%b2%d8%a7%d8%ae%db%86-%d9%84-%d8%a8%db%95%d8%b1%d8%a7%d9%86%d8%a8%db%95%d8%b1-%d9%82%d9%88%d9%88%d9%86%d8%a7%d8%ba%db%95%d9%83%d8%a7-%d8%af%db%8c%d8%b1%db%86%d9%83%db%8c-%db%8c%db%95/259676/ https://rojnameyaevro.com/ku/%d8%b2%d8%a7%d8%ae%db%86-%d9%84-%d8%a8%db%95%d8%b1%d8%a7%d9%86%d8%a8%db%95%d8%b1-%d9%82%d9%88%d9%88%d9%86%d8%a7%d8%ba%db%95%d9%83%d8%a7-%d8%af%db%8c%d8%b1%db%86%d9%83%db%8c-%db%8c%db%95/259676/#comments Thu, 26 Feb 2026 10:03:04 +0000 https://rojnameyaevro.com/ku/?p=259676 حاجی دۆسكی

هەر ژ دامەزراندنا یانەیا زاخو ل سالا 1987ڤێ‌ یانێ‌ چەندین قووناغێن دژوار دەربازكرینە ژ نەبوونا ژێرخانا وەرزشی ل سەر دەمەكی، تا قووناغ ب قووناغ ژ پلا سێ‌ گەهشتیە پلا ئێك دووڤدا بەر ب خولا ستێرێن ئیراقێ‌، د نوكە دا زاخۆ بوویە سەنگەرەكێ‌ هەر ب هێز ل سەر ئاستێ‌ ئیراقێ‌، ئێدی پشكداریێن زاخۆ ژ نافخۆ دەربازكرن بەر ب سنورێن دەرڤەی ئێراقێ‌ چووینە، نوكە زاخۆ تاكە یانەیا ئیراقێ‌ و كوردستانێ‌ یە ل كۆپا یانەیێن كەنداڤی یە، ئەڤ قووناغە ئاسان نە هاتیە بەرهەمی نێزیكێ‌ چل سالێن خەباتێ‌ یە بێ‌ راوستیان، ئەف پشكداریە بەرهەمێ‌ وی جەماوەریە یێن بووینە خودانین خەلاتێ‌ زەبێست، جەماوەر ب كشتی ل ئیراقێ‌ نە بتنێ‌ ل دەڤەرا بادینان چاڤ ل روژا -2-3 ل باژێرێ‌ ریاز پایتەختی وەلاتێ‌ سعودی بیت، ڤێ‌ یاریگەهێ‌ زاخۆ دێ‌ بیتە مێڤانا یانەیا شەباب یا سعودیێ‌، ئەڤ یانە یا پری ستێرین ئۆرۆپی و عەرەبی وەكۆ یاریزانێ‌ بەلجیكی  یانك كاراسكۆ و یێ‌ ئنگلتەرایێ‌ جوش براونلی، ژبیرنەكەین ل هێلا بەرگیریێ‌ یاریزانێ‌ سعودی محەمەد حربوش ئێك ژ هەر باشترین یاریزانایە ل سەر ئاستی خولا روشن زیدەباریی یاریزانی مەغربی عەبدولرەزاق حەمدەللا، هەروەسا یاریزانێن ئسپانی ژی هەنە، كارسكو گولكەری یانی ب حەفت گولا، نورەدین زكری راهێنەرێ‌ یانێ‌ خودان ئەزمونەكا مەزنە دخولا روشن دا، ڤێ‌ یانێ‌ پتری 40ملیون یۆرۆیا مەزاختینە، لڤێرێ‌ ئەز دبینم ئەف قووناغە بۆ زاخۆیان ب سانەهی نابیت، هەردو یانەیان خودان خالێن بهێز هەنە، لێ‌ شەباب هزرەكا مەزن بۆ زاخۆ دكەت، تایبەت پشتی هاتنا ئەیۆب ئۆدیشۆی كو شیوازی یارییا زاخو گۆهارتیە تایبەت پلانێن هێرشبرنێ‌، لێ‌ ئەزمۆنا راستەقینە یا ڕاهێنەری دێ‌ لڤێ‌ یاریێ‌ دیاربیت، بۆچوونا من ئەڤ یاریە بۆ زاخۆ دێ‌ زەحمەتا وەرزەكی دیاركەت، ئەگەر زاخۆ سەركەڤت دێ‌ كارتێكرنەكا ئەرینی ل كاروانی یانی كەت د خولا ستێرێن ئێراقێ‌ دا، ئەگەر بەروڤاژی بیت دیسان دێ‌ بارودوخ بەر ب قووناغەكا نەباش بەت.

]]> https://rojnameyaevro.com/ku/%d8%b2%d8%a7%d8%ae%db%86-%d9%84-%d8%a8%db%95%d8%b1%d8%a7%d9%86%d8%a8%db%95%d8%b1-%d9%82%d9%88%d9%88%d9%86%d8%a7%d8%ba%db%95%d9%83%d8%a7-%d8%af%db%8c%d8%b1%db%86%d9%83%db%8c-%db%8c%db%95/259676/feed/ 0 ئودیشۆ دێ‌ شێت زاخۆ كەتە خودان ناسناڤ https://rojnameyaevro.com/ku/%d8%a6%d9%88%d8%af%db%8c%d8%b4%db%86-%d8%af%db%8e%e2%80%8c-%d8%b4%db%8e%d8%aa-%d8%b2%d8%a7%d8%ae%db%86-%d9%83%db%95%d8%aa%db%95-%d8%ae%d9%88%d8%af%d8%a7%d9%86-%d9%86%d8%a7%d8%b3%d9%86%d8%a7%da%a4/259316/ https://rojnameyaevro.com/ku/%d8%a6%d9%88%d8%af%db%8c%d8%b4%db%86-%d8%af%db%8e%e2%80%8c-%d8%b4%db%8e%d8%aa-%d8%b2%d8%a7%d8%ae%db%86-%d9%83%db%95%d8%aa%db%95-%d8%ae%d9%88%d8%af%d8%a7%d9%86-%d9%86%d8%a7%d8%b3%d9%86%d8%a7%da%a4/259316/#comments Thu, 19 Feb 2026 08:27:27 +0000 https://rojnameyaevro.com/ku/?p=259316 حاجی دۆسكی

گەلەك كەس هوسا هزردكەن ئەركێ‌ راهێنەری تنێ‌ ئەوە یەكەیەكا راهێنانێ‌ ئەنجامدەت ل یاریگەهێ‌ لێ‌ دروستاهێ‌ راهێنەر نەخشە دارێژێ‌ تیما خۆیە(العقل المدبر) كارێ وێ‌ ژ گەلەك لایانڤە دگریت ژ وانا پێشئخستنا ئاستێ‌ یاریزانا، هەلبژارتنا پێكهاتییەكی ژ هەژی برێكا راهێنەرا گەلەك جاران ئاست و ئەنجامێن یانەیان ئیكجارێ‌ دهێتە لێ‌ هندەك دەما بەروڤاژی دروست بوویە، یا مە دڤێت ئاماژی بدەینێ‌ ئەوە ئەری كاپتن ئەیوب ئۆدیشو دێ‌ شێت یانەیا زاخۆ كەتە خودان ناسناڤ، وەكۆ یادیار یانەیا خابووری تنێ‌ ناسناڤ ژێ كێمە ئەو ئاریشا هەمی وەرزایە پترییا یانەیێن ئیراقێ‌ تووش بووینێ‌ گوهارتنا راهێنەرایە، زاخو وەكۆ هەمی وەرزا تووشی ڤێ‌ گوهورینێ‌ بیت، د ئێك وەرز دا پتری سێ‌ راهێنەرا كوهارتینە لێ‌ ئەنجام خرابتربوون لێ‌ كوهارتنا ڤی وەرزی یا جێوازە ژ ئەگەرێ‌ هاتنا راهێنەرەكێ‌ خودان ئەزموون دگەل یانەیێن خودان دیروك و جەماوەر وەكۆ زەورا، جەویە، تەلەبە و هەولێر، ئەو قووناغا دگەل ڤان یانەیان یا پری ناسناف بوو، لڤێرێ‌ ئەف پێنگاڤە كارگیریێ‌ نیشاندایی دێ‌ جهێ‌ خۆ گریت، یا بێ‌ ئەنجام نابیت ژبەركو ئەف راهێنەرە شیانێن هەین زاخو بێخیتە ل سەر رێیا راست ئەوا جەماوار داخاز كەت، خالەكا گرنك هەیە لدەڤ راهێنەرێ‌ زاخو ئەوە كەسەكە رێكێ‌ كەسێ‌ نادەت مایتێكرنەكا بچیك دكارێ‌ وی دا بكەت یان یاریزانەكێ‌ لسەر سەپینت بو بەرژەوندیا كەسێ‌، ئەف هوكارە دێ‌ بنە پالدەر بو یانێ‌ خو نێزیكی ناسناڤەكی بكەن تایبەت ناسناڤێ‌ یانەیێن كەنداڤی ئەز دبینم ریك بۆ زاخۆ دێ‌ ئاسانتربیت گەهیتە یارییا دووماهیێ، سەبارەت خولا ستێرێن ئیراقێ‌ هیش قووناغا دویی مایە گورانكاریی دێ‌ دروست تایبەت ل سەر چارگوشا زیرین بیت، ئانكو ڕێزبەندیێن دشێن پشكداریێ‌ د قارەمانییەكا دەرڤە دا بكەن وەكو نوونەرێن ئیراقێ‌، لڤێری لسەر جەماوەری ئەوە هەمی بزاڤان بكەن ببنە پشتەڤان ل هەمی كاودانا دگەل خو دیركرنێ‌ ژ هەر كریارەكێ‌ بێتە ئەگەرێ‌ وێ‌ چەندێ‌ یانەیا وان بێ‌ بەهربیت ژپشتەڤانا.

]]> https://rojnameyaevro.com/ku/%d8%a6%d9%88%d8%af%db%8c%d8%b4%db%86-%d8%af%db%8e%e2%80%8c-%d8%b4%db%8e%d8%aa-%d8%b2%d8%a7%d8%ae%db%86-%d9%83%db%95%d8%aa%db%95-%d8%ae%d9%88%d8%af%d8%a7%d9%86-%d9%86%d8%a7%d8%b3%d9%86%d8%a7%da%a4/259316/feed/ 0