د داخویانیەكێ‌ دا ئەندامێ‌ فدراسیۆنا كیك بۆكسینگا ئیراقێ‌ دیار كر ب فەرمی پارێزگەها دهۆكێ‌ دێ‌ مێڤاندارییا قارەمانییا سۆپەرا ئیراقێ‌ كەت، ئەوا بڕیارە هەڤڕكیێن وێ‌ ل 20هەتا 22ێ‌ ڤێ‌ مەهێ‌ بهێنە كرن.
مەحفۆز ئیبراهیم كو هەڤدەم دا سەرۆكێ‌ فدراسیۆنا كیك بۆكسینگا پارێزگەها دهۆكێ‌ یە بۆ رۆژنامەیا ئەڤرۆ گۆت: ب فەرمی باژێرێ‌ دهۆكێ‌ دێ‌ مێڤاندارییا ئێك ژ مەزنترین و ب هێزترین قارەمانیێن ل سەر ئاستێ‌ ئیراقێ‌ كەت كو تایبەت بۆ یاریزانێن وەرزێ‌ 2024ێ‌ دگەل هەلبژارتیێ‌ ئیراقێ‌ و ئەو یاریزانێن لڤێ‌ دووماهیێ‌ بووینە باشتریین و ناسناڤ دەستڤە ئیناین، بڕیارە قارەمانی ل پێنج شەمبییا بهێت ل سەر ئاستێ‌ كوڕان پێشكەفتیان بۆ سێ‌ سیستەمان ئەو ژی،( full contact – k1 – point fighting) بۆ ماوەیێ‌ سێ‌ رۆژان ل سەر 12 كێشان شەڕی دێ‌ بۆ ناڤر ِێزێن هەلبژارتیێ‌ ئیراقێ‌ بۆ وەرزێ‌ 2025ێ‌ هێتە كرن پێخەمەت پشكداری د قارەمانیێن عەرەبی، ئاسیا و دەرڤە دا.
هەروەسان ناڤهاتی گۆت: قارەمانی یا ڤەكری نینە كو هەر یاریزانەكی بڤێت پشكداربیت بەلكو ژلایێ‌ لژنەیەكا هونەری و ل دووڤ هەلسەنگاندنا وان هاتینە ژێگرتن و خودان كەمەرا قەهوایی بیت، بۆ هەردو سیستەمێن فۆل كۆنتاك و كەی وان ژ كێشا 51كگم هەتا دگەهیتە +91كگم، لێ‌ بۆ سیستەمێ‌ پۆینت فایكین ژ كێشا 54كگم هەتا دگەهیتە +94كگم، هەموو یاسا دێ‌ ل دووڤ بەندێن فدراسیۆنا نیڤدەولەتی wako بن، هەروەسان دێ‌ ڤاڤاتن ل سەر ئاستێ‌ كچان ژی هێنە كرن بۆ هەلبژارتیێ‌ ئیراقێ‌.
ژلایەكێ‌ دووڤە مەحفۆز ئیبراهیمی دیاركر كو ل پارێزگەها دهۆكێ‌ هێشتا هژمارەیا دروست یا یاریزانان بۆ پشكداریێ‌ د قارەمانیێ‌ دا دیار نینە لێ‌ پێشبینی دكەم رێژەكا باش پشكدارن ل سەر هەردو ئاستێن كوڕان و كچان و گۆت: ئەڤ قارەمانییە باشترین دەلیڤەیە بۆ كوڕ و كچێن مە یێن وەرزشڤان پشكداریێ‌ تێدا بكەت و پلێتا ناڤ رێزێن هەلبژارتیێ‌ ئیراقێ‌ وەربگرن و من ب خوە باوەری ب كۆمەكا باش یا یاریزانان هەنە كو ب گەهنە ئارمانجا خوە.
ژلایێ‌ خوەڤە سالح كەكۆ ڕاهێنەرێ‌ هەلبژارتیێ‌ ئیراقێ‌ و یانەیا دهۆك دیاركر دو یاریزانێن یانەیا دهۆكێ‌ و ئێكێ‌ یانەیا زاخۆ و شەش یاریزانێن كچ یێن یانەیا دهۆك وەكو یاریزانێن ستێر و ژێگرتی دێ‌ پشكداریێ‌ د سۆپەرێ‌ دا كەن ژبۆ وەرگرتنا پلێتا هەلبژارتیێ‌ ئیراقێ‌.

شاهۆ فەرید:

هەردو یاریزانێن پارێزگەهێ‌ و یانەیا دهۆك هێژا بەشارل سەر ئاستێ 19 سالێ و برایێ‌ وی یوسف بەشار رەمەزان ل سەر ئاستێ هەڤدە سالیێ شیان رێزێن پێش و جهێ خوە دناڤا پێكهاتێ هەلبژارتیێ ئیراقێ ژ ڤاڤارتنێن قارەمانیا ئیراقێ یا تێنسا مێزیێ لسەر ئاستێ ژیان بۆ كورا د داخویانیەكێ دا راهێنەریێ تیمێ بەشار رەمەزان بۆ رۆژنامەیا ئەڤرۆ دیاركر: یاریزانێن مە شیان ئاست و ئەنجامەكێ بلند نیشانبدەن و جهێ خوە دناڤا پێكهاتێ هەلبژارتی بكەن، ماوەیێ دو هەیڤان مە بەرهەڤی باشی دكرن وەستیانامە هەروە نەچوو ئەنجامێن باش پێڤەهاتن، گرنكیەكا باش یاریزانێ كورد دهێتەدان، قارەمانیێن بهێن پشكداربین ئیك نێڤ دەولەتی و رۆژئاڤا ئاسیا سالانە دهێتە ئەنجامدان دبیت ئەڤ سالە ژیی پارێزگەها سلێمانیێ بهیتەئەنجامدان، چەندین هەلبژارتی پشكداریێ دڤان قارەمانیا دكەن، هەموو قارەمانیا وەكۆ راهێنەر پشكدار دبم بەلێ دبیت ئێكجاریێ دەستا راهێنەراتیێ بەردەم لێ دیارنینە هێشتا.
زێدەتر ناڤهاتی گۆت: ئەڤە ماوەكێ درێژە ناڤا تێنسا مێزیێ، گرنگی كوردستانێ ئەڤێ یاریێ ناهێتەدان و بەرەڤ نەمانێ دچیت، هاریكاریی و پالپشتی ژیی وەكۆ یا پێدڤی ناهێتەكرن، یاریزانێن باش مەهەنە بەلێ دڤێت جهێن پەیوەندی دار هاریكاریا هەموو یاریا بكەن نە بەس تەپاپێ، جڤاكێ مەژیی گرنگیێ دەنە تەپاپێ و تیمێن دی پشت گوهڤە پاڤێژیت.

چاڤەڕێ‌ دهێتە كرن ئەڤرۆ ل دەمژمێر 2:30 پشتی چار یاریێن مایی ژ هەڤڕكیێن گەڕا 11ێ‌ یا خولا پلا ئێكا كوردستانێ‌ یت فوتبۆلێ‌ بهێنە كرن، یانەیێن دهۆك، سێمێل و تەناهی دێ‌ بزاڤێن كەن مانا خوە د خولێ‌ دا پارێزن، ژلایەكێ‌ دووڤە هەڤڕكی ل سەر رێزێن ئێكێ‌ و دەربازبوون بۆ پلا نایاب شارییایە.
تیما یانەیا دهۆك دێ‌ ل باژێرێ‌ كفری بیتە مێڤانا یانەیا كفری د یارییەكا دی یا بهێز دا بۆ ئەلهۆیێن چیا ئەوێن د رێزبەندیەكا مەترسی دایە و لبن گڤاشتنێن داكەفتنێ‌ بۆ پلا دو دایە، ژ سەرجەمێ‌ نەهـ یارییان ب تنێ‌ دو سەركەفتن هەنە سێ‌ وەكهەڤی و چار خوسارەتیان ل رێزا 13ێ‌ دهێت، ژلایێ‌ خوەڤە خودانێن ئەردی ژی دێ‌ شەڕی بۆ مانا خوە د خولێ‌ دا كەن ئەوێن 11 خال هەین رێزا نەهێ‌ دهێت.
ژلایێ‌ خوەڤە یانەیا سێمێل دێ‌ دناڤ ئەرد و جەماوەرێ‌ خوە دا یانەیا زانكۆیا جیهان مێڤانكەت و چاڤ ل سێ‌ خالانە ژبۆ مسۆگەركرنا پێشوەخت یا مانا خوە د خولێ‌ دا ئەوا 11 خال ژ سێ‌ سەركەفتن، دو وەكهەڤییان رێزا 10ێ‌ دهێت، زانكۆیا جیهان 15 خال هەنە و هیڤیێن پلێتا دەربازبوونێ‌ ماینە هەكە د هەموو یاریێن مای یدا سەركەفتن ئینان كو دبینە چار یاری.
ژلایەكێ‌ دووڤە یانەیا تەناهی دێ‌ ل دناڤ جەماوەرێ‌ خوە ل یاریگەها زانكۆیا دهۆك مێڤاندارییا یانەیا كۆیە كەت، یاری بۆ نوونەرا سێیێ‌ یا پارێزگەهێ‌ ب سانەهی نابیت ئەوا ل رێزا هەشتێ‌ دهێت ژ دو سەركەفتن، شەش وەكهەڤییان 12 خال كۆمكرین، لێ‌ یانەیا مێڤان بتنێ‌ حەفت خال كۆمكرینە رێزا 14ێ‌ و بەری دووماهیێ‌ دهێت و دێ‌ هەموو چەكێ‌ خوە ب كارئینیت بۆ خوە قۆرتالكرنێ‌.

عەلی حاجی:

د داخویانیەکێ دا سەرپەرشتێ تیما فوتبۆلا یانه‌یا زاخۆ یا پشکدار د خولا نایابا کوردستانێ دا بۆ رۆژنامەیا ئەڤرۆ دیار کر دەلیڤەیەکا مەزن ل پێشیا وانایە کو بشێن رێزا ئێکێ ب دەسڤەبینن و نابیت وێ دەلیڤەیێ ژ دەست بدەن و شه‌ڕی بۆ ناسناڤی كه‌ن.
زێدەتر نەدیارعەلی گۆت: تیما مە د خولا نایابا کوردستانێ ل سەر ڕێیەکا دروست دچیت و هەتا نوکە مە شیایه‌ ئاست و ئەنجامێن باش ب دەستخوە ڤەبینن، وێ چەندێ وەکریە ئەم ئارمانجا خوە بکەینە ناسناڤێ خولێ ژبەر کو ئەو مەرجە دناڤ تیما مە دا هەنە کو بشێن ناسناڤی ب دەسڤەبینن، دەلیڤەیەکا مەزن ل پێشیا مەیە کو به‌ر ب رێزا ئێکێ ڤە بچین ژبەرکو تیمێن هەڤرک دێ هەمی هێنە یاریگەها مە دا یاریێ ئەنجامدەن و ئەڤە ژی باشترین دەلیڤەیە کو د بشێن سەرکەڤتنێ تومار بکەین و رێزا ئێکێ ب دەستڤە بینن، مە باوەرییەکا مەزن ب تیما خوە هەیە کو وی کاری ئەنجامدەن ژبەرکو هەمیان روحیەتا هەڤرکیێ هەیە.
ناڤبری گۆت ژی: مە پێدڤی ب پشتەڤانیەکا باشتر یا جەماوەری هەیە ژبەرکو خول یێ بەرەڤ قوناغێن هەستیار ڤە چیت و پێدڤیە ئەم زێدەتر ل سەر خوە بین و ب بهێنفرەهی ژی سەرەدەریێ دگەل پێشهاتان بکەین.

قەیس وەیس:

لژنەیا بەریكانەیا ل فدراسیۆنا فوتبۆلا كوردستانێ‌ كۆمبوونا هونەری دگەل یانەیێن پشكدار بۆ وەرزێ‌ نوو 2024-2025ێ‌ یا خولا پلا دو ئەمجامدا ئەوا بڕیارە 20 یانە پشكداریێن تێدا بكەن و هەڤڕكیێن وێ‌ ل ناڤەڕاستا ئادارا بهێت دەستپێبكەت، چوار یانەیێن پارێزگەها دهۆكێ‌ پشكدارن ئەو ژی شێلادزێ‌، شێخان، بەردەرەش و باتیفا.
د كۆمبوونێ‌ دا پشككێشانا یاریێن گەڕا ئێكێ‌ و ژڤانێ‌ یاریێ‌ هاتنە دیاركرن بڤی شێوەیی، 20 یانە بۆ دو كۆمان هاتنە بەلاڤكرن، كۆما ئێكێ‌ شێلادزێ‌، بەردەڕەش، سنۆر، ئاسۆ، خەلاتی پێنجۆین، مەخموور، خانەقین، سەنگەسەر، شارەزوور و هەریر، كۆما دویێ‌، باتیفا، شێخان، برۆسك، پەروەردە، باوەنوور، خەبات، هەلەبچەیا شەهید، خەلیفان، بەختیاری و حاجیاوا.
د داخویانیەكا رۆژنامەڤانی دا سیروان نەجمەدین سەرۆكێ‌ ۆلژنەیا بەریكانەیا گۆت: پشتی پشككێشانا خولا پلا دو یا كوردستانێ‌ هاتە كرن بڕِیارە ل 15ێ‌ ئادارا بهێت دەست ب وەرزێ‌ نوو یێ‌ خولێ‌ بكەین ب پشكدارییا 20 یانەیان و هاتینە بەلاڤكرن ل سەر دو كۆمان، هەڤڕكیێن وان دێ‌ ب شێوازێ‌ خول ئێك قۆناغ هێتە بڕێڤەبرن، هەردو تیمێن رێزێن ئێكێ‌ یێن هەردو كۆما دێ‌ بەرانبەری ئێك یاریێ‌ كەن و سەركەفتیێ‌ وان ئێكسەر دێ‌ دەربازبیتە پلا ئێك، سەركەفتیێ هەردو تیمێن دویێ‌ یێن هەردو كۆمان دێ‌ یارییا ڤەبڕ بەرانبەر خوسارەتێ‌ یارییا هەركو تیمێن رێزێن ئێكێ‌ یێن هاتینە چارگۆشەیا زێرین بۆ دیاركرنا پلێتا دویێ‌ یا دەربازبوونێ‌.
یاریێن گەڕا ئێكێ‌، بەردەڕەش- شارەزور، شێلادزێ‌- خەلاتی پێنجۆین، باتیفا- باوەنوور، هەلەبچەیا شەهید-شێخان، سەنگەسەر- ئاسۆ، مەخمور- هەریر، خانەقین سنور، حاجیاوە- پەروەردە، برۆسك- بەختیاری، خەبات- خەلیفان.

ئاژانسا جیهانی یا دژە ماددەیێن هۆشبەر دیار كر ستێرێ‌ نێڤدەولەتی یێ‌ ئیتالی یانیك سینێر بۆ یارییا تێنسا ئەردی كەڤیتە د خەڤكا قانوونێ‌ دا پشتی بەلگڤە ل سەر هاتییە دۆپاتكرن كو ماددەیێن هۆشبەر ژ جۆرێ‌ كلۆستیبۆل ب كارئینایە.
ل دووڤ ڕاپۆرتا ئاژانسا جیهانی یا دژە ماددەیێن هۆشبەر هاتییە كو پشتی پشكنین بۆ ستێرێ‌ ئیتالی سینێر ل وەرزێ‌ بۆری هاتبوو كرن تێدا دیاربوویە كو ماددەیێ‌ كلۆستیبۆل یێ‌ غەدەكری ب كارئینایە، پشتی دۆڤچوون هاتیە كرن و هەموو بەلگە بۆ دادگەهێ‌ هاتینە بلندكرن تێدا دیاربوویە ئەو ماددە بۆ كارەكێ‌ تەندرۆستی ب كارئینایە یێ‌ مەساجكرنێ‌ ژلایێ‌ چارەسەرێ‌ وی بێ‌ ئاگەهی ژێ هەبیت، لێ‌ دادگەهێ‌ قۆرتالكر ژ دوورئێخستنا سالەك و شەش هەیڤان كێمتر لێكر بۆ سێ‌ هەیڤان.
بۆ زانین ئاژانسا جیهانی یا دژە ماددەیێن هۆشبەر ل سالا بۆری هەشت یاریزانێن یاریێن جودا ل سەر ئاستێ‌ جیهانێ‌ بۆ قارەمانیێن نێڤدەولەتی دوورئێخستینە و رەوانەیی دادگەهێ‌ كرینە، ئەڤە ددەمەمی دایە لژنەیێن ئۆلمپی و فدراسیۆنێن جیهانی یێن وەرزشی هەموو بزاڤان دكەن بۆ نەهێلانا ماددەیێن هۆشبەر دناڤا چالاكیێن خوە دا.