Rojnameya Evro » عومەر ئەڕگۆشی https://rojnameyaevro.com/ku Sun, 05 Jul 2026 11:48:58 +0000 ar hourly 1 https://wordpress.org/?v=4.0.38 یەكێتی بلا پەیڤێن خۆ بكەتە كریار https://rojnameyaevro.com/ku/%db%8c%db%95%d9%83%db%8e%d8%aa%db%8c-%d8%a8%d9%84%d8%a7-%d9%be%db%95%db%8c%da%a4%db%8e%d9%86-%d8%ae%db%86-%d8%a8%d9%83%db%95%d8%aa%db%95-%d9%83%d8%b1%db%8c%d8%a7%d8%b1/265321/ https://rojnameyaevro.com/ku/%db%8c%db%95%d9%83%db%8e%d8%aa%db%8c-%d8%a8%d9%84%d8%a7-%d9%be%db%95%db%8c%da%a4%db%8e%d9%86-%d8%ae%db%86-%d8%a8%d9%83%db%95%d8%aa%db%95-%d9%83%d8%b1%db%8c%d8%a7%d8%b1/265321/#comments Sun, 05 Jul 2026 11:04:50 +0000 https://rojnameyaevro.com/ku/?p=265321 عەمەر هەرگۆشی

دەما مرۆڤ ل سۆشیال میدیایێ و دەزگەهێن راگەهاندنا یەكێتی رادمینیت دێ بینیت ب تنێ بەحسا ژمارەیا كورسیێن خۆ یێن پەرلەمانی دكەن و بهارێ بۆ خۆ دئینە چۆكان، باشە ئەگەر ئەو راست بێژن كو ئەو زۆرینەنە و دێ كارن پەرلەمانی كاڕا بكەنەڤە، بلا كەرەم كەن كەسێ‌ رێ ل وان نەگرتیە و حوكمەتا هەرێمێ و گەلێ كوردستان هەمی دێ هاریكاریا هەر لایەنەكی كەن كو بكاریت پەرلەمانی كاڕا بكەن و حوكمەتێ ب رەنگەكێ یاسای و دەستووری پێك بینن، ئەگەر ئێكێتی ل گەل جەماوەرێ كوردستانێ و تاگیرێن خۆ یا راستگۆ و خۆدان ئاخفتنا خۆ بیت، بلا ئەڤرۆ نەكەتە سوبەهی، هەر زویكا بلا داخوازا كۆمبوونا پەرلەمانی بكەت و هەمی لایەك ب رەنگەكی كوردانە و دلسۆزانە دێ د خزمەتا كۆمبوونا پەرلەمانی دا بن، داكو بشێن ڤێ ڤالاهیا مەزن یا گیرۆبوونا كاڕاكرنا پەرلەمانی پڕ بكەنەڤە.
هەمی خەلكێ كوردستانێ ل بەندا لایەنێن سیاسینە ب تایبەتی پارتی و یەكێتی كو ب لەز هەول بدەن ڤێ داخوازیا رەوایا خەلكێ كوردستانێ بئینە جی، ئەڤرۆ بەرپرسیاریەتەكا مەزنا ل ملێن پارتی و یەكێتی وەكی دو هێزێن سەرەكیێن كوردستانی كو د ڤێ قووناخا سەخت و ئالۆز دا بكاربن د ئاستێ حەز و خواستێن گەلێ كوردستانێ دا بن و ل گۆر ئەنجامێ هەلبژارتنا پەرلەمانی كاڕا بكەن و حوكمەتا هەرێما كوردستانێ پێكبینن، یەكێتی و نەوەی نوێ مە ژیێ مە بر هندی كورسیێن پەرلەمانی بهژمێرن و ل دەستگەهێن راگەهاندنێ دیاربكەن كو ئەو زۆرینەنە و هێزەكا جەماوەریا مەزنا ل پشت پشتا وان، ل ڤێرە پێدڤیە بێژین ئەگەر ئەو راست بێژن و ل گەل خەلكێ كوردستانێ د راستگۆنە بلا كەرەم كەن پشكداریێ د كۆمبوونا پەرلەمانی دا بكەن و هینگی سەنگا راستەقینەیا هەر لایەنەكی دێ دیاربیت و پێدڤی نابیت هەر رۆژ كورسیێن خۆ بهژمێرن.
زۆر جاران هندەك قوتابی پشتی تاقیكرنا وەزاری دێ ل گۆرەی پرسیارا نمرەیێن خۆ هەژمێرن هندەك قوتابی ژی دێ بێژنێ ڤان زویكا دێ ئەنجامێ تاقیكرنا ب رەنگی فەرمی دەرچیت، ڤێجا ئەوان ژی بلا كورسیان نەهژمێرن، بلا بهێنە پەرلەمانی رۆژا تاقیكرنا فەرمی یە و ئەنجامێن راستەقینە دێ خۆیابن بۆ دەر و جیرانان كا كی نوونەرێ راستەقینەیێ مللەتێ خۆیە.
ئەز باوەرم ئەگەر یەكێتی و نەوەی نوێ باوەری ب ئاخفتنێن خۆ هەبان، ئەو دا رۆژا ئێكێ پەرلەمانی كاڕا كەنەڤە و تاكلایەنە دا حكومەتێ پێك ئینن، گرفتا مەزنا وان ئەوە كو نكارن د رێكا هەلبژارتنان و ب رەنگەكی دیموكراتی تشتەكی زێدەرتر ب دەسخۆڤە بینن ژ ڤی تشتی یێن ژ لایێ پارتیڤە دەست وان دكەڤیت.
پارتی هەمی جاران خوازیارا هندێ یە كو گرفت و ئالۆزیان د رێكا گفتۆگۆیان و رەنگەكی برایانە چارەسەر بكەن، بەلێ دەما یەكێتی هەرەشا كاڕاكرنا پەرلەمانی ب پڕانیا كورسییان دكەت، دیسا پارتی منەتبارە ئەگەر ب رەنگی قانوونی و دەستووری ب ڤێ كاری رابیت و هەمی هاركاریێن شایستە دێ ئێخیتە د خزمەتا وان دا.
ئەو پەرلەمانە مولكێ هەمی كوردانە و بەرهەمێ خوین و قوربانیێن گەلێ كوردستانێ یە و جهێ چارەسەریا گرفت و كێشەیێن نەتەوەیی یە و پێدڤیە هەمی لایەن بەژنا خۆ بۆ نەوی بكەن و د خزمەتا پەرلەمانی دا بن.
پێدڤیە یەكێتی پەیڤێن خۆ بكەتە كریار و ئەوا ل پشت مایكرۆفوونان دبێژیت، بلا كەرەم بكەت ل هۆلا پەرلەمانی بسەلمینیت و وێ پشگیری و زۆرینەیا كورسیێن پەرلەمانی نیشا خەلكێ كوردستانێ بدەت.

]]> https://rojnameyaevro.com/ku/%db%8c%db%95%d9%83%db%8e%d8%aa%db%8c-%d8%a8%d9%84%d8%a7-%d9%be%db%95%db%8c%da%a4%db%8e%d9%86-%d8%ae%db%86-%d8%a8%d9%83%db%95%d8%aa%db%95-%d9%83%d8%b1%db%8c%d8%a7%d8%b1/265321/feed/ 0 كـوردسـتان ل ئـاسمانـی نینە یا د نـاڤ گـرفتێن دەڤـەرێ دا https://rojnameyaevro.com/ku/%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d9%84-%d8%a6%d9%80%d8%a7%d8%b3%d9%85%d8%a7%d9%86%d9%80%db%8c-%d9%86%db%8c%d9%86%db%95-%db%8c%d8%a7-%d8%af-%d9%86%d9%80%d8%a7%da%a4-%da%af/264318/ https://rojnameyaevro.com/ku/%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d9%84-%d8%a6%d9%80%d8%a7%d8%b3%d9%85%d8%a7%d9%86%d9%80%db%8c-%d9%86%db%8c%d9%86%db%95-%db%8c%d8%a7-%d8%af-%d9%86%d9%80%d8%a7%da%a4-%da%af/264318/#comments Wed, 17 Jun 2026 10:28:38 +0000 https://rojnameyaevro.com/ku/?p=264318 عـەمـەر هـەرگـوشـی

ئیرۆ كوردستان یا كەفتیە د ناڤ دۆخەكێ‌ سەختێ‌ هەڤركیێن سەربازی و سیاسیێن ناڤچەیی و هەمی چاڤ ل سەر هندێنە هەر كەس ل گۆر بەرژەوندیێن نەتەوەیێن خۆ و وەلاتێ خۆ پێنگاڤان بهاڤێژیت.
ئەو دویكلا شەڕان و ئەو هەمی خوین رژتنە ل دەردۆرێ وەلاتێ مە، ئەنجامێن هندێنە كو هەر كەس و دزانیت كو پارێزگاریێ ژ بەرژەوەندیێن خۆ دكەن، ئەو شەڕێ قورسێ ئەمریكا و ئیرانێ هەمی ئەگەرێن هندێنە كو وان ولاتان دڤێت بەرژەوندیێن خۆ بپارێزن، پرسیارا هەرێ مەزن ئەوە ئەرێ گەلا بەرژەوندیێن گەلێ مە د چ بزاڤەكێ دانە؟
یان ئەو هێزێن پێداگیریێ ژ بەرژەوەندیێن بالا یێن گەلێ كوردستانێ دكەن ل كیڤەنە؟
پێدڤیە ل سەر هەمی لایەن و كەسەكی كوردپەروەر ئەڤرۆ ل مەیدانا خەباتێ ب رۆلێ خۆ یێ نەتەوەیی رابیت و شیان و هێزا خۆ بئێختە د خزمەتا دۆزا رەوایا كوردستانێ و هەمی بەژەوەندیێن كەسی دا و تایبەتی بئێخنە د خزمەتا بەرژەوەندیا نەتەوەی دا و هەمی لایەن خۆ ژ بەرژەوەندیێن بەرتەنگ یێن حزبایەتی بپارێزن، ل ڤێ قووناخا نازك ل گەلێ خۆ خۆدی دەركەڤن و گرنگیا كوردستانێ د جوگرافیا سیاسی دا بئێخنە بەرچاڤان و بكاربن د بەرهەڤ بن و د ئاستێ ترسناكیا روودان و و بوێرێن ناڤچەی بن.
كوردستان ل ئاسمانی نینە و یا ل ناڤچەیەكا ترسناك كو ل دەردۆرێ وێ ئاگر دباریت و كاڤل و وێرانیێ هەمی ناڤچەیێ گرتی، ئەگەر گەلێ كوردستانێ ب ئێكگرتن و تەڤاییا خۆ هێزا خۆ نیشا جیهانێ نەدەن وێ گاڤێ زیانێن مەزن دێ ب دۆزا نەتەوەیا كورد كەڤن و ترس دێ ل سەر هندێ پەیدا بیت كو ریسا كوردان دیسا ببت هری و دەستكەفتیێن گەلێ مە بكەڤنە بەر هەرەشە و گەفێن نەیارێن خاكا مە.
خواست و پەیام و دەستپێشخەریێن جەنابی سەرۆك بارزانی هەمی د چارچووڤەیێ ڤێ هندێ دانە كو ژ خەمخۆریا خۆ بۆ دۆزا رەوایا گەلێ كوردستانێ دئێختە د خزمەتا خەلكێ كوردستانێ دا، داكو بكاربن ڤێ قووناخا سەخت یا خەبات ب سەلامەتی ببرن و ئەو مەترسی و هەرەشێن دەردۆر كاریگەریەكا خراب ل سەر گەل و وەلاتێ مە نەبیت و خۆزی و ئومێدێن شەهیدێن كوردستانێ د پاراستی بن.
ژ بۆ بەرژەوەندیا گەلێ كوردستانێ هەقە هەمی لایەنێن كوردستانی ل دویڤ داخوازا سەرۆك بارزانی بێن و پێكڤە بجڤن دا بكارن ب رەنگەكی برایانە و گیانەكی كوردانە گرفتێن د ناڤبەرا خۆ دا چارەسەر بكەن و ب گیانەكی ئێكگرتی دەستان بئێخنە ناڤ دەستێ هەڤدو دا پتر كوردستانێ ئارام بكەن و ب دەستەكی درێژتر د خزمەتا تەناهیێ و ئاڤەدانیێ و دۆزا رەوایا كوردی دا بن.

]]> https://rojnameyaevro.com/ku/%d9%83%d9%80%d9%88%d8%b1%d8%af%d8%b3%d9%80%d8%aa%d8%a7%d9%86-%d9%84-%d8%a6%d9%80%d8%a7%d8%b3%d9%85%d8%a7%d9%86%d9%80%db%8c-%d9%86%db%8c%d9%86%db%95-%db%8c%d8%a7-%d8%af-%d9%86%d9%80%d8%a7%da%a4-%da%af/264318/feed/ 0 یەكێتیێ حوکمەتەك دڤێت ب دلێ بافلی بیت https://rojnameyaevro.com/ku/%db%8c%db%95%d9%83%db%8e%d8%aa%db%8c%db%8e-%d8%ad%d9%88%da%a9%d9%85%db%95%d8%aa%db%95%d9%83-%d8%af%da%a4%db%8e%d8%aa-%d8%a8-%d8%af%d9%84%db%8e-%d8%a8%d8%a7%d9%81%d9%84%db%8c-%d8%a8%db%8c%d8%aa/264076/ https://rojnameyaevro.com/ku/%db%8c%db%95%d9%83%db%8e%d8%aa%db%8c%db%8e-%d8%ad%d9%88%da%a9%d9%85%db%95%d8%aa%db%95%d9%83-%d8%af%da%a4%db%8e%d8%aa-%d8%a8-%d8%af%d9%84%db%8e-%d8%a8%d8%a7%d9%81%d9%84%db%8c-%d8%a8%db%8c%d8%aa/264076/#comments Thu, 11 Jun 2026 11:24:04 +0000 https://rojnameyaevro.com/ku/?p=264076 عـەمـەر هـەرگـوشـی

پشتی دو سال ل سەر تەمەنێ هەلبژارتنێن پەرلەمانی بۆرین، هێشتا حوكمەتا هەرێما كوردستانێ پێكنەهایتیە و بەرژەنگ د وەسانە كو د دەمەكی نێزیك دا، ئەڤ ئێكە روینادەت و حوكمەت پێك ناهێت.
پشتی دو سالان ژ ئینان و برنا رستیەك بۆ هەمی كەسی ئاشكرا بوو كو ئەو هەجەت و بەهانەیێن یەكێتی كو كریە مەرج ژ بۆ پێكئینا حوكمەتی چ بنچینە و راستی ژبۆ نینە و ئەو ئەگەرێن پێكنەئینانا حوكمەتێ نینە، ئەگەرا مەزن و دیار یا پێكنەئینا حوكمەتێ ئیرادەیا یەكێتیە كو پتر مەیلا هەی ل گەل لایەنێن دیتر یێن نەحەزێن گەلێمە تێكەلیا چێكەت و پتر ل دویڤ خواست و شیرەتێن وان بزاڤێ بكەت و كێمتر ل دویڤ ئامۆژگاریێن گەلێ كوردستانی و پارتی بزاڤێ بكەت.
رەنگە ژ مێژە بیت یەكێتی بریار ستاندبیت و خۆ ئێكلاكر بیتەڤە كو نەهێتە ناڤا حوكمەتەكێ كو پێگێ گەلێ كوردستانێ ل كوردبەندێن نێڤدەولەتی ب هێز و قاهیم بكەت و كورد ببینە خۆدیێ وەلاتەكی ئارام و پێشكەفتی و ئازاد، ل دەستپێكا بانگەشێ هەلبژارتنا كاك بافلی، گۆت كەس بێی ئێكەتی نابیتە مودیر عامیش و پاشێ قوبادی ژی شەكرەك شكاند و گۆت حوكمەتەك ل كوردستانێ پێكناهێت؛ ئەگەر ب دلێ‌ بافلی نەبیت، ئەڤە ئاماژەیێن دیارن كو مەرەما یەكێتیێ‌ ل هەلبژارتنا پێكئینا حوكمەتێ نەبوو بەلكی بۆ رێگریكرنێ بوو ل پێكئینانا حوكمەتێ، چونكی ئەو وێ ئێكێ دزانن كو لایەنەكێ وەكی یەكێتی ب تنێ ل ژێر هیچ دۆخ و مەرجەكی نەشێت حوكمەتێ پێكبینیت، بەلێ ب تنێ دێ شێت رێگریێ كەت ل پێكئینانا حوكمەتێ، ئەو هەلوەستێن نوی و مەرجێن تازەیێن یەكێتی بۆ هندێ نینە دا حوكمەت پێكبێت، بەلكی بۆ هندێنە دا پێكئینا حوكمەتا هەرێمێ‌ گیرۆ بكەن و بێژنە ئاغایێن خۆ؛ كو د كارێ خۆ دا د سەركەفتی بووینە كو رێگری یا كری دا حوكمەتا كوردان و كوردستانێ سەرنەگریت، یەكێتی نیشتمانی و هەمی لایەنێن كوردستانی باش دزانن ئەگەر هەر لایەنەك ل هندەك مافێن خۆ ژی خۆش ببیت ل پێناڤ پێكئینانا حوكمەتێ، ئەوە شانازی و سەروەرییە بۆ وان نەخاسمە ئەگەر پتر ژ ئیستحقاقێن هەلبژاتنێ بۆ یەكێتی فەراهەم بكەن و ئاسانكاریێن پتر بۆ بكەن و ڤێ جار ژی قایل نەبیت.
یەكێتی ئەگەر د چ شۆلێن خۆدا سەكەفتن ب دەستڤە نەئینابیت؛ ئەڤە بێگومان د كۆسپ دروستكرن د رێیا پێكئینانا حوكمەتێ دا یا سەركەفتی بوویە.
د ماوەیێ دو سالێن رابردوو دا هەجەت و بەهانەیەك نەما نەئینن دا گرفتان بۆ پێكینانا حوكمەتێ چێكەن هەمی د بێ مفا و بێ بنەمابوون، بەلی یەكێتی دلێ خۆ پێ خۆشكر وەدزانی دێ باوەریێ ب خەلكی ئینن كو ئەو دلسۆزێن حوكمەتا هەرێمێ و دیموكراتیەتا هەرێمێنە، بەلێ هەر زویكا راستی خۆیا بوو بۆ هەمی لایەكی ئاشكرابوو كو دەستێ بینیا یێ كەتیە ناڤ مەسەلێ و یەكێتی نیشتیمانی و كاك بافل یێن گیرۆدە و حەیری مایین د ناڤبەرا خزمەتكرنێ ب خۆزی و ئۆمێدێن خانەوادێن شەهیدان، یانژی پایەبەند بوون ب ڤان سۆز و بەڵێنان ئەوێن یەكێتی داینە دوژمنێن گەلێ مە و ناحەزێن حوكمەتا هەرێمێ.
واتا و مانایا ئاخفتنا كاك قوبادی زۆرا مەزنە كو دبێژیت حوكمەتەك ل كوردستانێ پێكناهێت كو ب دلێ باڤلی نەبیت.
ڤێجا گرفتا كوردان زۆرا مەزنە پارتی و دیموراتخوازا هەمیان؛ دڤێت حوكمەتەك ل كوردستانێ پێك بێت ب دلێ كوردان بیت و د خزمەتا كوردستانێ دابیت، رەنگە یەكێتیی ژی حوكمەتەك بڤێت ب دلێ بافلی بیت و د خزمەتا بیانیان دابیت.

]]> https://rojnameyaevro.com/ku/%db%8c%db%95%d9%83%db%8e%d8%aa%db%8c%db%8e-%d8%ad%d9%88%da%a9%d9%85%db%95%d8%aa%db%95%d9%83-%d8%af%da%a4%db%8e%d8%aa-%d8%a8-%d8%af%d9%84%db%8e-%d8%a8%d8%a7%d9%81%d9%84%db%8c-%d8%a8%db%8c%d8%aa/264076/feed/ 0 دەستپێشخەریێن سەرۆك بـارزانی و ئـۆمێدێن مەزن https://rojnameyaevro.com/ku/%d8%af%db%95%d8%b3%d8%aa%d9%be%db%8e%d8%b4%d8%ae%db%95%d8%b1%db%8c%db%8e%d9%86-%d8%b3%db%95%d8%b1%db%86%d9%83-%d8%a8%d9%80%d8%a7%d8%b1%d8%b2%d8%a7%d9%86%db%8c-%d9%88-%d8%a6%d9%80%db%86%d9%85%db%8e/263649/ https://rojnameyaevro.com/ku/%d8%af%db%95%d8%b3%d8%aa%d9%be%db%8e%d8%b4%d8%ae%db%95%d8%b1%db%8c%db%8e%d9%86-%d8%b3%db%95%d8%b1%db%86%d9%83-%d8%a8%d9%80%d8%a7%d8%b1%d8%b2%d8%a7%d9%86%db%8c-%d9%88-%d8%a6%d9%80%db%86%d9%85%db%8e/263649/#comments Tue, 02 Jun 2026 22:40:10 +0000 https://rojnameyaevro.com/ku/?p=263649 عـەمـەر هـەرگـوشـی

ئەڤە دو سال ل سەر هەلبژارتنێن پەرلەمانێ كوردستانێ دەربازبوون و هەتا نها نەكارینە پەرلەمانی كاڕا بكەنەڤە و حوكمەتا هەرێمێ پێكبئینن. هەر رێیەكێ پارتی گومان ژێ بر بیت؛ هانایێ بۆ بری كو بگەهن رێكەفتنەكێ كو ل بەر سیبەرا وێ حوكمەتا هەرێما كوردستان بهێڤە دامەزراندن ، ب مخابنیڤە بەربەست و كێشەیێن ناڤخۆ و دەرەكی نەهێلا ئەڤ ئارمانجا گەلێ كوردستانێ و پارتی بهێتە جی.
سەرۆك بارزانی ژ خەمخۆری و دلسۆزیا خۆ بۆ گەلێ كوردستانێ و خاكا پیرۆز، داخواز ژ هەمی لایەنێن كوردستانی كر كو پێكڤە بجڤیێن و چارەسەیەكا گونجای بۆ ڤێ رەوشا گران ببینن كو پارتی ب هەمی هێزا خۆ دێ پشتەڤانیێ لێ كەت.
هەلبەت پارتی د مێژوویا خۆدا قوربانیێن بێ ژمارە داینە دا گەلێ كوردستانێ ئازاد و رزگار و بەختەوەر ببیت؛ ئەڤرۆ سەرۆك بارزانی ب هەمی هێز و كاریگەریا خۆڤە ل مەیدانێ پشتەڤانی و هاریكاریا هەمی خەمخۆر و دلسۆزەكی كوردستانێ دكەت؛ شیانێن خۆ بمەزێخن گەلێ كوردستانێ ژ ڤێ چەقبەستیا دانوستانان و ب كاڕاكرنا پەرلەمانی و پێكئینانا حوكمەتا هەرێما كوردستانێ رزگار كەت و مزگینیا چارەسەریا بدەنە خانەوادێن سەربەرزێن شەهیدان و تەڤایا گەلێ مە.
هەمی دزانین ل ڤێ كاڤدانێن كو ناڤچە و ئیراق تێكەفتی، تشتەكی دبێژتە مە كو ل سەر گەلێ كوردستانێ و لایەنێن سیاسی پێدڤیە ل هەمی دەمەكی پتر د ئێكگرتی بن و بەرژەوەندیێن تەنگ یێن حزبایەتیێ بكەنە قوربانی بەرژەوەندیێن بەرزێن گەلی و نیشتیمانی ..قووناخ ڤێ ئێكێ ژ گەلێ مە دخوازیت كو هەمی لایەن ل دویڤ دەستپێشخەریا سەرۆك بارزانی بهێن و قوربانیان ب داخوازێن خۆ یێن حزبایەتی بدەن، دا نیشا جیهانا دەرڤە بدەین كو گەلێ كوردستانێ دیموكرات یی ئێكگرتی و تەبایە و ل پێناڤ خاك و بەرژەوەندیێن نەتەوەیی ئامادەنە هەمی قوربانیان بدەن، هەر ئەو ئێكە ژی كو گیانێ شەهێدێن مە ئاسۆدە دكەت و مزگینیێ ددەتە هەمی هەڤوەلاتیان كو گەلێ كوردستانێ ب ئێكگرتن و تەڤاییێ دێ بەر ب قووناخەكا مەزنتر ڤە بچیت و خەونێن گەلێ مە ب ساناهیتر دێ ب دەستڤەهێن.
بێگومان ب پلا ئێكێ پارتی و پاشێ هەمی لایەنێن دی یێن ل بەر تەرزایا هەڤسەنگاندنەكا مێژووی بۆ خەمخۆری و قوربانیدانێ ل پێناڤ رزگاربوون ژ ڤێ دۆخێ نەخواستی، ژبەر هندێ ژی گەلێ كوردستانێ باوەریەكا موكم یا هەی كو سەرۆك بارزانی بەرانبەر ڤێ بەرپرسیاریەتیا مێژووی دێ پشتەڤانەكێ ب هێز بیت بۆ هەر چارەسەریەكێ لایەنێن كورد ب فەر بزانن و كۆدەنگیەك ل سەر هەبیت.
یا ل سەر ملێ هەر كوردەكی خۆدان وژدان ئەڤە شیانێن خۆ بكاربینیت، دا ئەو پەرلەمان و ئەو حوكمەتە ب هێزەكا نووڤە بكەڤنە خزمەتا كورد و كوردستانێ و نەهێلن دلێ دوژمنێن خاكا مە ل سەر مە خۆش ببیت و ئەو ئازادی و رزگاریا نوكە كو رویبارەكێ‌ خوینێ یێ بۆ هاتیە رێتن ب هەدەر نەچیت، هەمی دلسۆزێن گەلێ كوردستانێ ل بەندێنە رۆژێن داهاتی مزگینیێن خۆش یێن ئێكرێزی و تەباییێ بدەنە خەلكێ كوردستانێ و حوكمەتا هەرێما كوردستانێ ژی ب دەستەكی درێژتر د خزمەتا خەلكێ خۆ دا بیت.

]]> https://rojnameyaevro.com/ku/%d8%af%db%95%d8%b3%d8%aa%d9%be%db%8e%d8%b4%d8%ae%db%95%d8%b1%db%8c%db%8e%d9%86-%d8%b3%db%95%d8%b1%db%86%d9%83-%d8%a8%d9%80%d8%a7%d8%b1%d8%b2%d8%a7%d9%86%db%8c-%d9%88-%d8%a6%d9%80%db%86%d9%85%db%8e/263649/feed/ 0 پارتی جەرگێ هێزا دیموكراسيێ یە ل دەڤەرێ و كوردستانێ https://rojnameyaevro.com/ku/%d9%be%d8%a7%d8%b1%d8%aa%db%8c-%d8%ac%db%95%d8%b1%da%af%db%8e-%d9%87%db%8e%d8%b2%d8%a7-%d8%af%db%8c%d9%85%d9%88%d9%83%d8%b1%d8%a7%d8%b3%d9%8a%db%8e-%db%8c%db%95-%d9%84-%d8%af%db%95%da%a4%db%95%d8%b1/262769/ https://rojnameyaevro.com/ku/%d9%be%d8%a7%d8%b1%d8%aa%db%8c-%d8%ac%db%95%d8%b1%da%af%db%8e-%d9%87%db%8e%d8%b2%d8%a7-%d8%af%db%8c%d9%85%d9%88%d9%83%d8%b1%d8%a7%d8%b3%d9%8a%db%8e-%db%8c%db%95-%d9%84-%d8%af%db%95%da%a4%db%95%d8%b1/262769/#comments Tue, 12 May 2026 22:57:58 +0000 https://rojnameyaevro.com/ku/?p=262769 عـەمـەر هـەرگـوشـی

ل ڤان دوماهییان دا رۆلێ پیرۆزێ پارتی د وارێ سیاسەتێ و دیبلۆمەسیەتێ دا بۆ هەمی لایەكی ب دیار كەفت, پێگێ ب هێز و شیانێن پارتی ل دۆخێن سەخت و رۆژێن تەنگاڤیان خۆیا دبیت.
د دەمەكی دا كو ناڤچە و ئیراق د قووناخەكا سەخت دا دبۆرن؛ بارەگایێ سەرۆك بارزانی یێ بوویە رەشمالا مەزنا خڕكرنا لایەنێن ئیراقی بۆ لێك نێزیكبوون و برایەتیێ و تەباییێ و راوێژا جەنابێ وی وەك چارەسەری و دەرمان دبینن بۆ دۆخێ ئالۆزێ ئیراقێ ب تایبەت كو ئالەنگەری و كوسپێن مەزن د رێكا پێكئینانا حوكمەتێ دا هەبن.
سەردانا سەرۆكێ هەرێمێ رێزدار نێچیرڤان بارزانی بۆ بەغدا كاردانەڤەكا باش هەبوو ل سەر ئاستێ ناڤخۆی و دەرڤە، هەمی لایەن د هایدارن كو جەنابێ وی كاری رۆلەكێ پیرۆز بلەیزیت بۆ لێك نێزیكرنا لایەنێن ئیراقی و بەرگریكرن ژ ماف و خواستەكێن گەلێ كوردستانێ و شییا بەرچاڤرۆهنیەكا باش بدەتە خەلكێ كوردستانێ كو گرفێتن د ناڤبەرا لایەنێن ئیراقی و كوردستانی دا بەر ب چارەسەریێ ڤە ببەت، ئێدی پارتی ل هەردەرەكی ئامادەیە بۆ چارەسەرییان و دوماهیئینان ب گرژی و ئالۆزییان.
سەرەدانا رێزدار مەسرۆر بارزانی سەرۆكێ حوكمەتا هەرێما كوردستانێ بۆ توركیا پەردە ل سەر راستیەكێ راكر كو بێی ل بەرچاڤگرتنا هەلوەست و رامانێن حوكمەتا هەرێما كوردستانێ، گرفت و ئالۆزی ناهێنە چارەسەركرن و بێی چارەسەریەكا راستەقینە بۆ دۆزا رەوایا كوردی ئاشتی و برایەتی ل ناڤچێ‌ سەرناگریت، ئەو رۆلێ پیرۆزێ حوكمەتا هەرێما كوردستانێ د وارێ دیبلۆماسیەتێ و دیموكراسیەتێ و ئاشتیێ و ئاڤەدانیێ دا یێ بوویە جهێ سەرنج و تێبینیێن هەمی وەلاتێن هەڤسوی و د هەر تەنگاڤی و ئالۆزیەكێ دا راوێژیێ ب حوكمەتا هەرێمێ دكەن و ئێدی حوكمەتا هەرێمێ یا بوویە چەقێ قورساییا چارەسەركرنا گرفتێن ناڤچەیی و راوێژكرن ب را و بۆچوونێن جەنابێ سەرۆك بارزانی كو یا بوویە عورفەكا نێڤدەولەتی و ل ئەمریكا و ئەورۆپا و هەمی وەلاتێن ناڤچەیێ‌ پەنایێ‌ بۆ راوێژێن جەنابێ وی دئینن و راستگۆیی و شەهرەزایی و خەمخۆریا جەنابێ سەرۆك بارزانی ل پێناڤی ئاشتیێ و برایەتیێ و ئێكرێزیێ دا یا بوویە جهێ باورەیا هەمی دیموكراتخواز و مرۆڤ دۆستان.
گەلێ كوردستانێ ل هەمی پارچەیان ئەڤرۆ جەنابێ سەرۆك بارزانی ب پشت و پەنایێ خۆ دزانن و وەكی فریاد رەسەكی گاڤێن تەنگاڤیا ئومێدێ دخوازن ب هەبوونا جەنابێ وی كورد و كوردستان د دەستەكی ئەمین دا بن و ئەو بەڵایێن رووی د ناڤچەی كری ب كێمترین زیان ڤە ل سەر خەلكێ مەدا ببۆرن.
پارتی هەر رۆژ چێتر دسەلمینیت كو جەرگێ هێزا دیمۆكراسیەتێ یە و روویێ راستەقینەیێ كۆلنەدانا خەلكێ كوردستانێ یە بۆ ئازادی و رزگاریا وەلاتێ خۆ.

]]> https://rojnameyaevro.com/ku/%d9%be%d8%a7%d8%b1%d8%aa%db%8c-%d8%ac%db%95%d8%b1%da%af%db%8e-%d9%87%db%8e%d8%b2%d8%a7-%d8%af%db%8c%d9%85%d9%88%d9%83%d8%b1%d8%a7%d8%b3%d9%8a%db%8e-%db%8c%db%95-%d9%84-%d8%af%db%95%da%a4%db%95%d8%b1/262769/feed/ 0 نـابیت گـەلـێ كـوردستانـێ باجـەیا شـاشیێن داگیركـەران بدەت https://rojnameyaevro.com/ku/%d9%86%d9%80%d8%a7%d8%a8%db%8c%d8%aa-%da%af%d9%80%db%95%d9%84%d9%80%db%8e-%d9%83%d9%80%d9%88%d8%b1%d8%af%d8%b3%d8%aa%d8%a7%d9%86%d9%80%db%8e-%d8%a8%d8%a7%d8%ac%d9%80%db%95%db%8c%d8%a7-%d8%b4%d9%80/262367/ https://rojnameyaevro.com/ku/%d9%86%d9%80%d8%a7%d8%a8%db%8c%d8%aa-%da%af%d9%80%db%95%d9%84%d9%80%db%8e-%d9%83%d9%80%d9%88%d8%b1%d8%af%d8%b3%d8%aa%d8%a7%d9%86%d9%80%db%8e-%d8%a8%d8%a7%d8%ac%d9%80%db%95%db%8c%d8%a7-%d8%b4%d9%80/262367/#comments Mon, 04 May 2026 22:16:38 +0000 https://rojnameyaevro.com/ku/?p=262367 عـەمـەر هـەرگـوشـی

ژبلی هندێ كو گەلێ كوردستانێ ب دەردێ داگیركاریێ و زۆرداریا ل سەر خەلكێ كوردستانێ دنالینیت، یێن بووینە قوربانیێن ڤان شەڕ و جەنگان ئەوێن ل سەر وەلاتێن داگیركەرێن كوردستانێ دهێن مەشاندن، ل رۆژئاڤا بێی كو گەلێ كوردستانێ چ بەرژوەندی د ڤان شەڕان دا بن، یان رۆژەكێ ببنە ئەگەرەك بۆ شەڕی، چارەنڤیسێ وان ب رەنگەكی ئۆتۆماتیكی هات گرێدان ب رژێما داگیركەر و هەمی جاران ژی ژ لایێن هێزێن هندەك لایەنێن سووری ڤە هێرش دكرنە سەر، ل ڤێ شەڕێ نەخواستی دا ل رۆژئاڤا گەلێ كوردستانێ ژ هەمیان پتر قوربانیدان و خاكا وان ژ هەمی جهەكی پتر هات كاڤلكرن د دوماهیێ دا حساب بۆ هەمی لایەنان هاتەكرن و گەلەك ژ هێزێن تیرۆررست ژی هاتنە رێزداركرن، بەلێ هەتا ڤێ گاڤێ چ حسابەك بۆ گەلێ كوردستانێ و خاكا كوردان و قوربانیێن گەلێ مە نە هاتەكرن.
ل رۆژهەلاتێ كوردستانێ رەوشا كوردا خراپتر بوو
ئاگرەكی ژ هەمیان هەلتر ب سەر سەرێ كوردان دا باری ژمارەكا زۆرا كوردان كو ب زۆرەكی ل رێزا سوپایێ ئیرانی دابوون هاتنە كوشتن؛ بێ ژمار باژێران كوردان هاتنە بومبەبارانكرن، ژ هەمیان پتر باجا شەڕەكی دا كو نە سەر ل ناڤ سەرابوو، نە پەز ل ناڤ پەزابوو، ژ دویر و نێزیك پەیوەندی ب شەری ڤە نەبوو، نوكە ژی پشتی كاڤلكرنا ئیرانێ رۆژهەلاتێ كوردستانێ ژ كاڤلكرنێ بێ پار نەبوو برینێن گەلێ كوردستانێ ژ هەمیان كویرتر و ب ژانتر لێ هاتن، دەما كو ئیران د بن ئابلۆقەیا ئابوەری دا ب دەردێ گران دنالینیت و برس و نەداری گەلێ ئیرانێ دگریت؛ بەلایا هەرا مەزن تووشی كوردان دبیت و نەداری و ئابلۆقەیا ئابووری ژ هەمیان پتر كاریگەریێ ل سەر دكەت، د هیچ دەنگوباسان دا ناڤێ كوردان ناهێت ئینان و چ حساب بۆ كوردان و مافێن نەتەوەیێ كورد ناهێتە كرن.
مە هەمیان ل بیرە دەما رژێما دكتاتۆرا سەدام خاكا كوێتێ داگیركری؛ گەلێ كوردستانێ ژ عەرەبان پتر زیان ڤێكەتن و قوربانیێن بێ شۆمار دان، نە رۆژەكێ كوردان خواستیە كو كوێت بهێتە داگیركرن وە نە د بەرژەوەندیا كوردان دا بوویە، ل دویماهیێ ژی ل جاتی هندێ كو حساب بۆ مافێن گەلێ كوردستانێ بهێتە كرن، سەدام وەكی گورگێ هار بەردا خەلكێ كوردستانێ و مەزنترین كۆچبەری و د دیرۆكا ناڤچێ دا هاتە ئەنجامدان.
گونەهەكا مەزنە گەلێ كوردستانێ باجەیا هەلەیێن داگیركەرێن كوردستانێ بدەن و ژ لایێ جڤاكا نێڤدەولەتی و نەتەوێن ئێكگرتی ڤە، ئەینی حسابا بۆ داگیران دهێتەكرن بۆ كوردان ژی بكەن، چونكو زۆرداریەكا مەزن ل سەر گەلێ كوردستانێ ژ لایێ داگیركەران ڤە دهێتە مەشاندن، گەرەكە زلهێزێن جیهانی سۆز و رێزەكا مەزن بۆ مافێن نەتەوەیێن گەلێ كوردستانێ هەبیت و ل بەر رۆناهیا گاردا مافێن مرۆڤی و ل دۆر قانوونا نێڤدەولەتی سەرەدەری ل گەل كێشەیا نەتەوەییا كوردی بهێتەكرن و چارەسەریێن گونجای بۆ ڤەبینن، هەمی جاران بزاڤا رزگاریخوازا كوردستانێ تەكەزی كریە كو چو جاران رۆژهەلاتا ناڤین ئارامیێ ب خۆڤە نابینیت ئەگەر كێشەیا گەلێ كوردستانێ بێ چارەسەر بمینیت.

]]> https://rojnameyaevro.com/ku/%d9%86%d9%80%d8%a7%d8%a8%db%8c%d8%aa-%da%af%d9%80%db%95%d9%84%d9%80%db%8e-%d9%83%d9%80%d9%88%d8%b1%d8%af%d8%b3%d8%aa%d8%a7%d9%86%d9%80%db%8e-%d8%a8%d8%a7%d8%ac%d9%80%db%95%db%8c%d8%a7-%d8%b4%d9%80/262367/feed/ 0 ئیراق پێدڤـی ب پارتيیە https://rojnameyaevro.com/ku/%d8%a6%db%8c%d8%b1%d8%a7%d9%82-%d9%be%db%8e%d8%af%da%a4%d9%80%db%8c-%d8%a8-%d9%be%d8%a7%d8%b1%d8%aa%d9%8a%db%8c%db%95/261917/ https://rojnameyaevro.com/ku/%d8%a6%db%8c%d8%b1%d8%a7%d9%82-%d9%be%db%8e%d8%af%da%a4%d9%80%db%8c-%d8%a8-%d9%be%d8%a7%d8%b1%d8%aa%d9%8a%db%8c%db%95/261917/#comments Sun, 26 Apr 2026 21:10:32 +0000 https://rojnameyaevro.com/ku/?p=261917 عـەمـەر هـەرگـوشـی

دەما كو پارتی پشكداریا خۆ ل پەرلەمانێ ئیراقێ هەلاویستی؛ داكو نیگەرانیێن خەلكێ كوردستانێ پتر بهێنە گوهداریكرن و پتر پویتە ب كێشەیا رەوا یا كوردستانێ بهێتەدان و ل دویڤ دەستووری پێنگاڤێن رێڤەبرنا ئیراقێ و سەرەدەریێ ل گەل نەتەوەیا كورد بهێتەكرن. پارتی دیاركر كو ئیراقا تازە جهێ دیكتاتۆران و تاكرەویێ تێدا نابیت و ئێدی چ كەس و لایەن نەشێن بریارێن نەژ هەژی ب سەر گەلێ كوردستانێ دا بسەپینن و ب كەیف و ئارەزۆیێن خۆ یاریكا ب چارەنڤیسێ گەلێ كوردستانێ بكەن، لایەنێن ئیراقی وە هزر دكر كو گەلێ كوردستانێ چ رێك نینن و هەمی دەرگەه ل سەر دقەپاتكرینە؛ ب تنێ دڤییا ل بن ئەمر و فەرمانێن لایەنێن ئیراقی بن؛ لێ فراكسیۆنا پارتی نیشا هەمیان دا كو ئیراق یا هەمی ئیراقیایە و پێدڤیە بێ جوداهی ئیراق ژ لایێ هەمی ئیراقیان ڤە ب یەكسانی و ب برایانە و تەبایی برێڤە بچیت، د ڤی دەمی دا فراكسیۆنا پارتی د جڤینەكا خۆ دا راگەهاند كو ژ بەر پێشێلكاریێن نادەستووری و نا یاسایی مە بایكۆتا پەرلەمانی بۆ دەمەكی نادیار راگەهاند.
یا دیارە كو فراكسیۆنا پارتی جەنتا داخوازێن خەلكێ كوردستانێ یا د دەستی دا و خۆ ب بەرپرسیار دزانن ب ئەمانەت ڤە بەرگریێ ل داخوازێن گەلێ كوردستانێ بكەن.
یا خۆیایە كو ئەڤ ڤالاهیا فراكسیۆنا پارتی د ناڤ ئیراقێ دا، هێلای كاریگەریەكا دیار یا ل سەر رەوشا ئیراقێ و دیموكراتیەت و برێڤەبرنا ئیراقێ ڤەكری؛ لەوما لایەنێن ئیراقی و لیژنا پەرلەمانێ ئیراقی ب پەرۆشی ڤە مژویلی چارەسەركرنا نیگەرانیێن فراكسیۆنا پارتینە و دخوازن د دەمەكی نێزیك دا؛ فراكسیۆنا پارتی بگەریێتە ڤە ناڤ هۆلا پەرلەمانی و وەك هەر جار نوونەراتیا راستەقینەیا خەلكێ كوردستانێ بكەت.
ئیراق ئەڤرۆ یا د ناڤ دۆخەكی گران و ب كێشە دا دبۆریت و هەڕەشە و مەترسیێن مەزن یێن ل سەر ئیراقێ چێبووین، هندەك دبێژێن یا كەفتیە ناڤ چارگۆشەیا ترسناكا گوهۆرینێن ناڤچێ‌ و هەمی ئاماژە بۆ هندێ دچن كو دۆخێ ئیراقێ زێدەتر بەر ب ئالۆزیان ڤە دچیت، لەوما ل سەر هەمی ئیراقیان پێدڤییە د ئێكگرتی و تەبابن بۆ بەرژەوەندیا ئیراقێ و ئیراقیان، زێدەتر د هەڤكار بن و خۆ د خزمەتا خاك و گەلێ خۆ دا بن ب بەرپرس بزانن.
پارتی ژی وەك هەر جار ئامادەیە ب رۆلێ خۆ یێ ئیراقی و كوردستانی رابیت، ببیتە نموونێ بەرخۆدانێ و خزمەتێ بۆ ڤێ خەلكی یێن كو پێدڤی ب هەڤكاریا پارتی هەی، پارتی چ جاران خۆ ژ مللەتی و گرفتێن مللەتی جودا نەكریە و هەمی جاران ئەو شەرەف و شانازییە یاكو بەر پارتی كەفتی كو سەرێ رمێ بوویە بۆ ب هێزكرنا برایەتی و تەبایی و ئێكرێزیێ، دا وە چو جاران كەس ژ پێش پارتی نەكەفتیە د ئاڤاكرنا دیموكراتیەتێ و پاراستنا مافێ مرۆڤی و سەروەریا قانوونێ چ ل هەرێما كوردستانێ چ ژی ل ئیراقێ.

]]> https://rojnameyaevro.com/ku/%d8%a6%db%8c%d8%b1%d8%a7%d9%82-%d9%be%db%8e%d8%af%da%a4%d9%80%db%8c-%d8%a8-%d9%be%d8%a7%d8%b1%d8%aa%d9%8a%db%8c%db%95/261917/feed/ 0 پـارتـی ل پەرلـەمانـێ ئیراقـێ نـوونـەرا دۆزا کـوردسـتانێ یە https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d9%84-%d9%be%db%95%d8%b1%d9%84%d9%80%db%95%d9%85%d8%a7%d9%86%d9%80%db%8e-%d8%a6%db%8c%d8%b1%d8%a7%d9%82%d9%80%db%8e-%d9%86%d9%80%d9%88%d9%88%d9%86%d9%80/261686/ https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d9%84-%d9%be%db%95%d8%b1%d9%84%d9%80%db%95%d9%85%d8%a7%d9%86%d9%80%db%8e-%d8%a6%db%8c%d8%b1%d8%a7%d9%82%d9%80%db%8e-%d9%86%d9%80%d9%88%d9%88%d9%86%d9%80/261686/#comments Tue, 21 Apr 2026 21:59:36 +0000 https://rojnameyaevro.com/ku/?p=261686 عەمەر هەرگوشی

دەما كو پارتی وەك حزبەكا پلە ئێك ل سەر ئاستی ئیراقێ گەهشتبیتە ڤێ باوەریێ كو ب ڤێ رەنگی نەشێت نوونەراتیا خەلكێ كوردستانێ ب رەنگەكی شایستە ل پەرلەمانێ ئیراقێ بكەت و بۆ دەمەكی نە دیار پشكداریا خۆ د پەرلەمانی دا دهەلاڤیسیت. دڤێت هەمی كوردەكی دلسۆز تێبگەهت كو پارتی ئامادە نینە ل كۆمبوونەكا پەرلەمانی پشكداریێ بكەت كو بەری گاڤێ بزانیت ئاڤ ل دویڤ بێرا وێ ناهێت و كەس ئامادە نینە داخوازێن دەستووری یێن گەلێ كوردستانێ گوهداری بكەت و د هەمان دەم دا چاڤەرێ ل پارتی بكەن كو بریار و قانوونێن دژی بەرژەوەندیێن گەلێ كورد بهێنەدان و پەرلەمانێ ئیراقێ بۆ دوژمناتیا هەرێمێ بكاربین و ل جهێ تەبایێ و ئێكرێزی ئاگری دوبەرەكانێ و فتنێ هلكەن، پارتی دڤێت ل گۆر سەنگ و بارستێ سیاسیێ خۆ كو گەلێ كوردستانێ ئەو شانازی و باوەری پێدایە رۆلێ خۆ ل سەر گۆرەپانا سیاسی و ئیداری و ل ناڤ پەرلەمانی ژی بلەیزیت، چوجار پارتی ل سەر خۆ قەبوول ناكەت وەكی نوونەر و لایەنێ باوەرپێكریێ گەلێ كوردستانێ بهێتە پشتگوهئێخستن و راوێژ و ئامۆژگاری و را و بۆچوونێن وێ ب هەند وەرنەگرن، پارتی دخوازیت رۆلەكی بەرچاڤ د پرۆسەیا كارگێری و ئاڤەدانیا ئیراقێ دا بگێریت و هەڤكار و پشتەڤانەكێ مەزن بیت بۆ بەرقراركرنا ئاشتیێ و هێمناتیێ، ئێكرێزی و تەڤایا نیشتمانی ل دەڤ پارتی ب پلا ئێكێ دهێت، دەما دبینیت هەولێن پارتی یێن ب بنبەستێ گەهشتی بۆ پێكئینانا حوكمەتەكا دیموكرات كو بەرژەوەندیێن بالا یێن گەلێ ئیراقێ ل بەرچاڤ بگریت و پشكداریەكا شایستەیا گەلێ كوردستانێ ب خۆڤە ببینیت و پەرلەمانێ ئیراقێ چی دی نەبیتە ئالەتێ دەستێ هندەك لایەنێن ناحەزێن خەلكێ كوردستانێ د ڤی دەمی دا پشكداریا خۆ ب ناچاری ڤە هەلاویست؛ هەتا رەوش رۆهن دبیت و ب گۆرەی دەستوور و سەنگێ مەزنێ گەلێ كوردستانێ حساب دهێتەكرن؛ هینگی بریار بدەن كا دێ چاوا پشكداریێ بكەن. پارتی د دیرۆكا خۆدا هەولا دای هەمی جاران كارێ خێرێ بكەت و جهێ باوەریا هەمی ئیراقیا بیت چ جاران پارتی پێنگاڤەك نەهاڤێژتیە كو زیان ب خەلكێ بێ گونەهێ ئیراقێ بگەهینیت و هەمی جارا رۆلەكی مەزن، لەیستییە كو ئیراق ببیتە پەناگایەكی گرنگ بۆ هەمی پێكهاتەیێن ئیراقی و جڤاكەكا سڤیل و پێشكەفتی كو دویر بیت ژ هەمی زۆرداری و تەپەسەریەكێ پێكبینیت.
جهێ داخێ یە كو پشتی دان ب خۆداگرتن و سەبرەكا زۆر پارتی نەشیا بەردەوامیێ د پەرلەمانی دا بكەت كو كەس حسابێ بۆ مافێن گەلێ كوردستانێ نەكەت و رێزێ ل ڤان بڕگەیێن دەستووری نەگرن یێن گرێ دایی ب هەرێما كوردستانێ ڤە و مادێ 140 و دابینكرنا بودجە و دابینكرنا پشك و مافێن پێشمەرگەی وەك هێزەكا گرنگا سیستەمێ بەرگریێ ئیراقی.
پارتی نەشێت درێژە ب پشكداریكرنا پەرلەمانەكی دا بكەت كو ل پێش چاڤێن وی راكێت و درۆنان ئاراستەی هەرێما كوردستانێ و خەلكێ كوردستانێ دكەن و كەس نابێژیتێ پێلاڤا د پیێ وان دا پانیا وێ یا خارە و كەس ل بن سایێ وێ پەرلەمانی ناهێتەگرتن و سزادان ئەگەر رۆژێ هزار درۆنان بگرنە كوردستانێ و هەتا بن هنگلا دەستێ وان ب خوینا خەلكێ كوردستانێ سۆر ببیت.
ئومێدا خەلكێ كوردستانێ ئەوە كو رۆژەكێ لایەنێن ئیراقی خەمەكێ ژ دەردێ گەلێ كوردستانێ بخۆن ل شوینا هندێ كو هزرێ ل پێشێلكرنا مافێن گەلێ كوردستانێ بكەن، هزرێ ل هندێ بكەنەڤە كو گەلێ كوردستانێ پشتی ڤان هەمی شەهید و قوربانیان؛ رێز ل ئیرادەیا وی بهێتەگرتن و دوماهیێ ب ڤێ زۆرداریێ و تەپەسەریێ بینن یا ل سەر دهێتە مەشاندن.

]]> https://rojnameyaevro.com/ku/%d9%be%d9%80%d8%a7%d8%b1%d8%aa%d9%80%db%8c-%d9%84-%d9%be%db%95%d8%b1%d9%84%d9%80%db%95%d9%85%d8%a7%d9%86%d9%80%db%8e-%d8%a6%db%8c%d8%b1%d8%a7%d9%82%d9%80%db%8e-%d9%86%d9%80%d9%88%d9%88%d9%86%d9%80/261686/feed/ 0 شەڕ گرفتان چارەسەر ناكەن پتر ئالۆز دكەن https://rojnameyaevro.com/ku/%d8%b4%db%95%da%95-%da%af%d8%b1%d9%81%d8%aa%d8%a7%d9%86-%da%86%d8%a7%d8%b1%db%95%d8%b3%db%95%d8%b1-%d9%86%d8%a7%d9%83%db%95%d9%86-%d9%be%d8%aa%d8%b1-%d8%a6%d8%a7%d9%84%db%86%d8%b2-%d8%af%d9%83%db%95/259999/ https://rojnameyaevro.com/ku/%d8%b4%db%95%da%95-%da%af%d8%b1%d9%81%d8%aa%d8%a7%d9%86-%da%86%d8%a7%d8%b1%db%95%d8%b3%db%95%d8%b1-%d9%86%d8%a7%d9%83%db%95%d9%86-%d9%be%d8%aa%d8%b1-%d8%a6%d8%a7%d9%84%db%86%d8%b2-%d8%af%d9%83%db%95/259999/#comments Mon, 09 Mar 2026 22:01:16 +0000 https://rojnameyaevro.com/ku/?p=259999 عەمەر هەرگوشی

ئەوا كو ل دەڤەرێ دهێتە روودان و ئەو شەڕێن گران؛ زیانەكا گەلەكا مەزن یا گیانی و مادی ل پاش دمینیت و چارەسەریا گرفتێن هەلاویستی ناكەت و دێ ئالۆزتر لێكەت و برینان ژی دێ كویتر كەت.
تاقیكرنێن شەڕی ل كوردستانێ وانەیەك نیشا خەلكی دایە كو هەمی لایەك تێدا زەرەرمەند دبیت و كەس سەرناكەڤیت؛ لەوما گەلێ كوردستانێ هەمی جاران ل دژی شەڕینە و دڤێت ئاریشە و گرفتێن د ناڤبەرا دەولەتان دا ب گفتوگۆ و دیالۆگێ بهێنە چارەسەركرن و چو جاران باجەیا گرفتێن د ناڤبەرا چەند دەولەتان یان چەند لایەنان نەدەت.
ئەڤرۆ ئەو گرفتێن د ناڤبەرا ئەمریكا و ئیرانێ دا یێن بووینە ئەگەرێ‌ كوشتنا ب هزاران خەلكێ بێگونەه یێ دەڤەرێ و وێرانكرنا شارستانیەتا دیرۆكا ئیرانی كو بەرهەمێ بێ سنوور یێ ماندیبوون و رەنجا خەلكێ دەڤەرێ یە و نەك بتنێ رێ ل پێشكەفتنێ دهێتەگرتن؛ بەلكی دەڤەر بۆ دەهان سالان بۆ پاشڤە ڤەگەراند.
ئەو مرۆڤێن ل دژی شەڕان و مالوێرانیێنە گەلەك دزۆرن؛ لێ مخابن دەنگێ وان ب هیچ جهەكی ناگەهت و كەس د هەوارا وان ناهێت.
هەمی دزانن ئەڤ جەنگە ل سەر خەلكێ دەڤەرێ یا هاتیە سەپاندن و هەمی ئاشتیخواز و دیموكراتخواز دژن؛ لێ كاریگەریا وان ل سەر راوەستان یان بەردەوامیا شەڕی نینە، رێكخراوێن ئاشتیخوازێن جیهانی و كۆما نەتەوێن ئێكگرتی و ئەنجوومەنا ئاسایشا سەر ب نەتەوەیێن ئێكگرتی ڤە؛ نەكارین دەڤەرێ ل دویر شەڕی راگرن و پشتی سەد سالان ئاشتی ل دەڤەرێ دەستەبەركەن.
مخابن ئەڤرۆ گۆڕیا ئاگری یا ل تێلەكا زارۆكا و خەلكێ سیڤلێ دەڤەرێ بلند دبیت و تەڕ و هشكان پێكڤە دسۆژیت.
ئومێدا هەمیان ئەڤە ئەڤ شەڕە درێژتر نەبیت و مالوێرانی ب دویماهی بێت، ئێدی گەلێ كوردستانێ پێدڤی ئاشتیێ و برایەتیێ یە، دخوازن د ئاڤەدانكرنا وەلاتێ خۆ دا دبەردەوام بن و جڤاكەكا دیموكرات و سڤیل دا ب ئارامی بژین، بێگومان شەڕ و ئاژاوە دێ بنە رێگرێن ڤێ چەندێ و ئەركێ گەلێ كوردستانێ ل بن سیبەرا درۆن و رۆكێتان دێ گەلەك قورستر بیت و ئەڤا بنیات ژی نای دێ كەڤیتە بەر گەف و مەترسیان و رەنگە خوینەكا زۆرا بێگونەهێن هەڤوەلاتیان ژی بهێتە رێتن. هەمی هەولێن حوكمەتا هەرێما كوردستانێ ئەون كو هەرێما كوردستانێ نەبیتە ئالیەكی شەڕی و ڤێ شەڕێ ل دەڤەرێ ژ كوردان و هەرێمێ دویر بێخیت. ئەم باوەرین دوژمنێن گەلێ مە دێ شەڕمەزاری دیرۆكێ بن ئەگەر د بەردەوام بن ل هەولێن خۆ یێن شەڕانگیز و حوكمەتا هەرێمێ ژی دێ سەركەفتی و سەرفراز بیت ل هەولێن خۆ یێن ل پێناڤی ئاشتیێ و برایەتێ دا.

]]> https://rojnameyaevro.com/ku/%d8%b4%db%95%da%95-%da%af%d8%b1%d9%81%d8%aa%d8%a7%d9%86-%da%86%d8%a7%d8%b1%db%95%d8%b3%db%95%d8%b1-%d9%86%d8%a7%d9%83%db%95%d9%86-%d9%be%d8%aa%d8%b1-%d8%a6%d8%a7%d9%84%db%86%d8%b2-%d8%af%d9%83%db%95/259999/feed/ 0 ئەڤ دۆخێ چەقیای یێ كوردستانێ هەتا كەنگی؟ https://rojnameyaevro.com/ku/%d8%a6%db%95%da%a4-%d8%af%db%86%d8%ae%db%8e-%da%86%db%95%d9%82%db%8c%d8%a7%db%8c-%db%8c%db%8e-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%87%db%95%d8%aa%d8%a7-%d9%83%db%95%d9%86%da%af/259416/ https://rojnameyaevro.com/ku/%d8%a6%db%95%da%a4-%d8%af%db%86%d8%ae%db%8e-%da%86%db%95%d9%82%db%8c%d8%a7%db%8c-%db%8c%db%8e-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%87%db%95%d8%aa%d8%a7-%d9%83%db%95%d9%86%da%af/259416/#comments Sun, 22 Feb 2026 09:00:53 +0000 https://rojnameyaevro.com/ku/?p=259416 عەمەر هەرگۆشی

نها سەرباری ڤێ چەندێ كو گەلێ كوردستانێ و حوكمەتا هەرێمێ شیاینە پێنگاڤێن مەزن و پێشكەفتنێن مەز ب خۆڤە ببینن و ژ هەمی دەمەكی پتر دۆست و لایەنگرێن نێڤدەولەتی یێن پەیداكری.
لێ بەلێ د ناڤخۆ دا لایەنێن كورد نەكارینە ل ئاستێ خواستەك و هیڤیێن خەلكێ كوردستانێ دا بن و دوبەرەكی و لێكترازان یا فرەه دبیت و پێكئینانا حوكمەتێ ژی پترا گیرۆ دبیت.
ئەڤ دۆخێ چەقیای یێ سیاسیی یێ كوردستانێ د بەرژەوەندیا گەلێ كوردستانێ و هیچ لایەنەكی سیاسی دا نینە و مەترسیەكا مەزن دێ‌ ل سەر دەستكەفتیێن گەلێ هەبیت و گرفتێن ئالۆز دێ پەیدا بن و د ناڤبەرا هەرێمێ و بەغدا ژی دا گرژی و نەیاریا پتر دێ پەیدا بیت.
ئەڤە سالەك و چار مەهن هەلبژارتن ئەنجامداین و هیچ رۆناهیەك دیار نینە كو د ڤان نێزیكان دا حوكمەت بهێتە پێكئینان ،گیرۆبوونا مووچەی و خزمەتگوزاریا راستەوخۆ پەیوەندی یا ب ڤالاهییا حوكمەتێ و پەرلەمانی ڤە ڤە هەی، ل ڤان كاودانێن كوردستان و ناڤچە پێ دا تێدپەریت كاریگەریێن خراپ دێ ل سەر رەوشا كوردستانێ هەبن؛ ئەگەر حوكمەتا كوردستانێ نەهێتە پێكئینان و ئەو شێوازێ هەڤركیا نارەوا بەردەوام بیت.
پێدڤیە ل سەر هەمی لایەنان ئەڤرۆ ل هەمی دەمەكی پتر د خەما خوینا شەهیدان دا بن و پتر قوربانێن گەلێ كوردستانێ ل بەر چاڤ وەربگرن و كێمتر بەرژەوەندیێن حزبی و كەسی ل بەرچاڤا بگرن.
دەستكەڤتیێن گەلێ مە گرێداینە ب ئێكەتیا د ناڤبەرا كوردان ڤە و هێزا كوردان ژی یا د ئێكەتیا كوردان دا، چو جاران بلا كورد ل هیڤیا هندێ نەبن كو ب لێكترازانێ و دوبەركیێ دێ شێن مافێن گەلێ كوردستانی دابین كەن.
ئەڤرۆ وەك هەرجار هەمی خەلكێ كوردستانێ بەرێ خۆ ددەتە سەرۆك بارزانی و هەمی هیڤیێن وان یێن بووینە جەنابێ وی كو هێزەكا دی بدەتە هەولێن پێكئینا حوكمەتێ دا كوردستانێ ژ ڤێ دۆخێ چەقبەستی رزگار بكەت.
هیڤیدارین ڤێجارێ ژی هەولێن دوژمنێن كوردستانێ‌ بهێنە بنئاخكرن كو خەونێ ب داگیركرنا كوردستانێ ڤە دبەن و هەمی هەول و پێكۆلێن وان ل سەر هندێنە كو ناڤمالا كوردی تێكدەن و گرفتێن مەزنتر د ناڤبەرا لایەنێن كوردی دا چێكەن دا ب ساناهیتر بشێن خەونێن گەلێ مە ل ناڤ ببەن.
ئەڤرۆ رۆژا كوردایەتیێ و كوردپەروەریێ یە؛ هەمی ئەنجامێن پێشەرۆژا گەلێ مە بەندن ب هەڤكاریا د ناڤبەرا كوردان دا و هەتا كورد ئێكگرتی و تەبابن؛ دەستكەفتیێن گەلێ مە دێ مەزنتر بن و رۆژا رزگاریێ ژی دێ گەشتر و رۆهنتر بیت. بلا كەس ل هیڤیا هندێ نەبیت كو رۆژەكێ ئەو دەولەتێن داگیركەرێن كوردستانێ بهێن لایەنێن كوردی پێكبینن و دەستێ وان بئێخنە د ناڤ دەستێ هەڤدو دا، گەرەكە كورد ب خۆ ل سەر پییان راوەستن و دەستان ژ گەردەنا ئێك بوەرینن و نیشا جیهانێ بدەن كو د ئێكگرتی و تەبانە؛ دا ئەو ژی بشێن هاریكاریا كوردان زێدەتر بكەن.

]]> https://rojnameyaevro.com/ku/%d8%a6%db%95%da%a4-%d8%af%db%86%d8%ae%db%8e-%da%86%db%95%d9%82%db%8c%d8%a7%db%8c-%db%8c%db%8e-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e-%d9%87%db%95%d8%aa%d8%a7-%d9%83%db%95%d9%86%da%af/259416/feed/ 0