Rojnameya Evro » رباد نایف https://rojnameyaevro.com/ku Thu, 22 Oct 2026 07:46:14 +0000 ar hourly 1 https://wordpress.org/?v=4.0.38 رۆژئـاڤـا هەستا نەتەوایەتی موكمكر https://rojnameyaevro.com/ku/%d8%b1%db%86%da%98%d8%a6%d9%80%d8%a7%da%a4%d9%80%d8%a7-%d9%87%db%95%d8%b3%d8%aa%d8%a7-%d9%86%db%95%d8%aa%db%95%d9%88%d8%a7%db%8c%db%95%d8%aa%db%8c-%d9%85%d9%88%d9%83%d9%85%d9%83%d8%b1/258227/ https://rojnameyaevro.com/ku/%d8%b1%db%86%da%98%d8%a6%d9%80%d8%a7%da%a4%d9%80%d8%a7-%d9%87%db%95%d8%b3%d8%aa%d8%a7-%d9%86%db%95%d8%aa%db%95%d9%88%d8%a7%db%8c%db%95%d8%aa%db%8c-%d9%85%d9%88%d9%83%d9%85%d9%83%d8%b1/258227/#comments Tue, 03 Feb 2026 09:43:32 +0000 https://rojnameyaevro.com/ku/?p=258227 رباد نایف

نەتەوەیاتی هەستەكا خۆدانبوونا مرۆڤی یە، كو كەرامەتەكێ ددەتە مرۆڤی یێ ژ سنوورێن تاكەكەسی دەرباز دبیت و دگەهیتە سنوورێن نەتەوەی.
ئەو نەتەوەیا دیرۆكا خۆ و نەتەوەیاتیا خۆ ژبیر بكەت، مینا دارەكێ یە كو ڕەهێن وێ هاتبنە بڕین؛ دبیت بۆ دەمەكێ كێم یا كەسك بمینیت، بەلێ بێگومان دێ هشك بیت و ناسنامەیا نەتەوەیی نەپەرژینەكە ئەم پێ دهیێنە گرتن؛ بەلكو ئەو بنەما و ئەردێ قایمە یێ كو ئەم ل سەر رادوەستین دا كو ب باوەری ڤە بەر ب ڕویێ جیهانێ ڤە بچین.
نەتەواتییا ڕاست ئەوە یاكو ب حەزژێكرنا وەلاتی دەستپێ دكەت و ب كاركرنێ بۆ بلندكرنا ناڤێ مرۆڤایەتیێ ب دوماهی دهێت. ئەڤجا ل دۆر هەستا ب خۆدانبوونێ و ڕەه و روِیشالان؛ هەستا نەتەوەیی ئەو دەنگێ ڤەشارتی یە یێ د گوهێ تە دا دچرۆسكیت هەر دەمێ تو ئالایێ وەلاتێ خۆ دبینی و دبێژی: ل ڤێرێ كەس و كارێن منن، ل ڤێرێ دیرۆكا منە، ل ڤێرێ پاشەڕۆژا منە. ئەوە تو هەست بكەی كو برینێن نەتەوێ تە برینێن تەنە و سەركەفتنێن وێ جەژنا تە یا تایبەتە.ئەڤ كاودانێن ڤێ دوماهی ل رۆژاڤا ڕووداین كارتێكرنەكا مەزن ل دۆر ئێكەتیێ‌ و چارەنڤیسێ گەلێ مەبوو، و بۆ مە سەلماند كو ئەوا مە وەك نەتەوە كۆم دكەت، نەك تنێ زمان و جوگرافیا یە، بەلكو ئەو چارەنڤیسێ هەڤپشكە و د ناخێ مێشكێ نەتەوەیێن مە یێن داهاتی دا وەك ستوینەكا موكم هاتە چوكلاندن كو نەتەوەیاتی ئەو هێزە یاكو تاكەكەسێن ژ ئێكدو دویر دكەتە ئاڤاهیەكێ بنەواشە موكم دا، كو نەقەیران دشێن بشكێنن و نەژی سال دشێن ژ ناڤببەن.
نەتەوەیاتی ئەو روحە یا گەلان دلڤینیت دا كو موعجیزەیان دروست بكەن و بۆ دوژمنێن مللەتێ كورد یێن فاشست هاتە دیاركرن كو ئەم حەز ژ وەلاتێ خۆ ناكەین ژبەر كو یێ مەزنە، بەلكو وەلاتێ مە یێ مەزنە ژبەر كو ئەم حەزژێ دكەین و ئەم یێن ژ وێ ئاخێینە.
یا دلخۆشكەر د ناڤ ڤێ گێلەشۆكا ئەڤرۆ دا رۆژهەلاتا ناڤین تێدا دەرباز دبیت و دنالیت و ب تایبەت وەلاتێن عەرەبی كو كەلاها وان یا یانەتەوایەتی یا هەڕفتی و ئێكگرتنا وان یا لاوازبووی، ل بەرانبەر ئەم كورد نەتەوا مە یا گەشێ دكەت و یا عەرشێ داگیركەران دهەژینیت؛ ئەوێن كوردستانا مە یا جوان و خۆشتڤی بێبار كری؛ هندە سالە ژ خۆشی و ئارامیا ئاشتیێ. ئەڤجا رۆژئاڤیێ ئەم ئێكگرتی كرین و ئەم هشیاركرین كو ئەوێ نەتەواتی نەبیت، د ناڤ قەرەبالغیا گەلان دا چ سیما و روویەك نینن.

]]> https://rojnameyaevro.com/ku/%d8%b1%db%86%da%98%d8%a6%d9%80%d8%a7%da%a4%d9%80%d8%a7-%d9%87%db%95%d8%b3%d8%aa%d8%a7-%d9%86%db%95%d8%aa%db%95%d9%88%d8%a7%db%8c%db%95%d8%aa%db%8c-%d9%85%d9%88%d9%83%d9%85%d9%83%d8%b1/258227/feed/ 0