Rojnameya Evro » رێژين نهێلێ https://rojnameyaevro.com/ku Mon, 03 Aug 2026 23:29:46 +0000 ar hourly 1 https://wordpress.org/?v=4.0.38 رەوشـەنبیریا قـانـوونـی https://rojnameyaevro.com/ku/%d8%b1%db%95%d9%88%d8%b4%d9%80%db%95%d9%86%d8%a8%db%8c%d8%b1%db%8c%d8%a7-%d9%82%d9%80%d8%a7%d9%86%d9%80%d9%88%d9%88%d9%86%d9%80%db%8c/267328/ https://rojnameyaevro.com/ku/%d8%b1%db%95%d9%88%d8%b4%d9%80%db%95%d9%86%d8%a8%db%8c%d8%b1%db%8c%d8%a7-%d9%82%d9%80%d8%a7%d9%86%d9%80%d9%88%d9%88%d9%86%d9%80%db%8c/267328/#comments Mon, 03 Aug 2026 22:58:44 +0000 https://rojnameyaevro.com/ku/?p=267328 رێژین نهێلی

رەوشەنبیریا قانوونی ئێكە ژ بابەتێن هەرە گرنگ و پێدڤییە ئەم ب هوشیاریانە زانیاریان ل سەر وەربگرین و كار پێ بكەین، چونكو قانوون بنەمایێ‌ دروستبوونا جڤاكەكا ئارام و دادپەروەرە. رەوشەنبیریا قانوونی، واتە هەر تاكەكێ‌ د ناڤا جڤاكێ‌ دا پێدڤی یە زانیاریێن باش دەربارەی قانوونێ‌ هەبن، دا كو پتر ماف و ئەركێن خوە بزانن، ئەڤە ژی دێ‌ ل وی دەمی دروست بیت ل دەمێ‌ تو قانوونێ‌ بنیاسی و دێ‌ هەر كەس باشتر شێت مافێن خوە بپارێزیت و مافێ‌ كەسانێن دی ژی دێ‌ رێزێ‌ لێ گریت و خوە ژ كێشە و سەرپێچیێن قانوونێ‌ پارێزیت, پێدڤی یە بزانین قانوون ب تنی َژبۆ سزادانێ‌ نەهاتیە. بەلكۆ ژ بۆ پاراستنا ماف و دادپەروەری و ئەولەهی و رێكخستنا ژیانا جڤاكی هاتیە دانان، لەورا هەر وەلاتەك بیت، بێی قانوون نەشێت ئاشتی و سەقامگیریێ‌ دروست بكەت و بپارێزیت.
ژ بەر ڤێ‌ چەندێ‌ ئەم ژی وەك هەڤولاتی پێدڤیە قانوونێ‌ بنیاسین و پێگیریێ‌ پێ بكەین و مافێن خوە و كەسانێن دیتر ژی رێزێ‌ لێ بگرین، دبەرامبەر هەر جورە دەست درێژی و توندوتیژیەكێ‌ و گەندەلی تاوانەكێ‌ دا رێكا یاسایی بگرین، هوشیاریا قانوونی د ناڤ خێزان و قوتابخانە و جڤاكێ‌ دا بەلاڤ بكەین و هەر دیسا ل سەر دەمێ‌ سۆشیال میدیایێ‌ دا رەوشەنبیریا قانوونێ‌ گرنگتربوویە. پێدڤیە هەر كەس بزانیت بەلاڤكرنا دەنگۆیێن نەراست و سڤكایەتی و هەرەش و بەلاڤكرنا وێنەیان و بەلاڤكرنا زانیاریێن تایبەت و بێ‌ مولەت دشێن ئەنجامەكێ‌ قانوونی هەبیت.
ل ڤێرێ‌ دێ‌ بێژین رەوشەبیریا قانوونی ب تنی َئەركێ‌ دادگەهێ‌ و پۆلیسان نینە، بەلكو بەرپرسیارەتیا مە هەمیانە. ل دەمێ‌ تاكێن جڤاكێ‌ قانوونێ‌ بنیاسن و كار پێ بكەن دێ‌ جڤاكەكا ئارامتر و دادپەروەرتر و پێشكەفتیتر دروست بیت.

]]> https://rojnameyaevro.com/ku/%d8%b1%db%95%d9%88%d8%b4%d9%80%db%95%d9%86%d8%a8%db%8c%d8%b1%db%8c%d8%a7-%d9%82%d9%80%d8%a7%d9%86%d9%80%d9%88%d9%88%d9%86%d9%80%db%8c/267328/feed/ 0 هەشتی مـارس و هزارەها چیڕۆكێن دل ب ئێش https://rojnameyaevro.com/ku/%d9%87%db%95%d8%b4%d8%aa%db%8c-%d9%85%d9%80%d8%a7%d8%b1%d8%b3-%d9%88-%d9%87%d8%b2%d8%a7%d8%b1%db%95%d9%87%d8%a7-%da%86%db%8c%da%95%db%86%d9%83%db%8e%d9%86-%d8%af%d9%84-%d8%a8-%d8%a6%db%8e%d8%b4/242816/ https://rojnameyaevro.com/ku/%d9%87%db%95%d8%b4%d8%aa%db%8c-%d9%85%d9%80%d8%a7%d8%b1%d8%b3-%d9%88-%d9%87%d8%b2%d8%a7%d8%b1%db%95%d9%87%d8%a7-%da%86%db%8c%da%95%db%86%d9%83%db%8e%d9%86-%d8%af%d9%84-%d8%a8-%d8%a6%db%8e%d8%b4/242816/#comments Sun, 09 Mar 2025 11:41:40 +0000 https://rojnameyaevro.com/ku/?p=242816 رێژین نهێلی

ل رۆژا هەشتی مارس كو ب گرنگترین رۆژ ل دەف هەموو جیهانێ‌ دهێتە دیتن و نیاسین و هەریەك بەحس ل هندەك ئێش و ئازارێن وەلاتێ‌ خوە دكەت و جاران ژی بەحس ل ئێشان قوربانیدانا هەمی ئافرەتان دهێتەكرن.
زۆر جار ئەم ل ڤێ‌ رۆژێ‌ بەحس ل چاوانیا دروستبوونا ڤێ‌ رۆژێ‌ دكەین و نەهامەتیا ژنێن بیانی دكەین ژبۆ بەرپابوونا ڤێ‌ رۆژێ‌ و دبیت مە خەمساری هەمبەر ئافرەتا خوە یا كوردستانێ‌ كربیت و ئەو هەمی راستی و تراژیدایێن ل پشت خوە هێلایین و تێدا خۆڕاگربوویە و سەدان چیرۆكێن قوربانی و بزاڤ كرن بۆ پاراستنا ناڤ و ناسناڤێ‌ خوە مللەتێ‌ خوە گیانێ‌ خۆ دانایە و بێ‌ سەرو شوین بوویە و ئازار كێشاینە ئەم ل بیراخوە بینین كو چ ژنان هندی دایكێن مە نەهامەتی و قوربانیدان و هەمی جۆرێن دەردەسەریێ‌ نەدیتینە د ژیانا دەربەردەریێ‌ و هەژاری و بێ‌ خوەدانیێ‌ و زیندان و ئەشكەنجێ‌ و كاركرن بۆ برێڤەبرنا مال و زارۆكێن خوە نەخاسمە د ئێتیمیێ‌ دا بوویە دایك و باب ژبۆ زارۆكێ‌ خوە و سەر بۆ كەسێ‌ نەچەماندیە و خۆراگر و رێزداربوویە.
لەورا هەر د كەڤن دا و هەتا نوكە ئافرەتا كورد ب درێژاییا مێژوویێ‌ بۆ گەهشتن ب مافێن كەسی و نەتەوەی تێكۆشان كریە و هەردەم مل ب ملێ‌ زەلامی كاركریە د ئەرك و خەمێن گران یێن شۆرەشێ‌ و بەرخوەدانێ‌ ملێ‌ خوە دایە بەرڤان خەمان و هەردەم پشكداریەكا كاڕا د خەباتا رزگاریخوازیا گەل و نیشتیمانی دا هەبوویە و ژنێن جڤاكا كوردستانێ‌ ب كریار سەلماندیە كو د هەمی جودا جودایێن گەشەپێدان و پێشخستنا جڤاكێ‌ و وەلاتی دا رۆلەكێ‌ كاریگەر و سەرەكی هەبوویە و هەردەم خەبات ژبۆ ئازادی و دیموكراسیێ‌ بوویە, ئافرەتا كوردستانێ‌ چالاكڤان و خەباتكەر بوویە مینا شەهید (لەیلا قاسم) نموونەیا یەكسانی و ئازایەتیێ‌ و گیانفیدایێ‌ بوویە، لەورا د ڤێ‌ رۆژێ‌ دا سەرێ‌ رێز و نەوازشێ‌ بۆ شەهید لەیلا قاسم و دایكا عایشا و دایكا سێ‌ شەهیدان و هەمی شەهیدێن كورد كوردستانێ‌ دچەمینین و رۆژا جیهانیا ئافرەتان ل گشت جیهانێ‌ ب گشتی و كوردستانێ‌ ب تایبەتی پیرۆز دكەین.

]]> https://rojnameyaevro.com/ku/%d9%87%db%95%d8%b4%d8%aa%db%8c-%d9%85%d9%80%d8%a7%d8%b1%d8%b3-%d9%88-%d9%87%d8%b2%d8%a7%d8%b1%db%95%d9%87%d8%a7-%da%86%db%8c%da%95%db%86%d9%83%db%8e%d9%86-%d8%af%d9%84-%d8%a8-%d8%a6%db%8e%d8%b4/242816/feed/ 0 بزاڤا رەوشەنبیریا ئافرەتێ‌ بۆ پیشئێخستنا جڤاكێ https://rojnameyaevro.com/ku/%d8%a8%d8%b2%d8%a7%da%a4%d8%a7-%d8%b1%db%95%d9%88%d8%b4%db%95%d9%86%d8%a8%db%8c%d8%b1%db%8c%d8%a7-%d8%a6%d8%a7%d9%81%d8%b1%db%95%d8%aa%db%8e%e2%80%8c-%d8%a8%db%86-%d9%be%db%8c%d8%b4%d8%a6%db%8e%d8%ae/242022/ https://rojnameyaevro.com/ku/%d8%a8%d8%b2%d8%a7%da%a4%d8%a7-%d8%b1%db%95%d9%88%d8%b4%db%95%d9%86%d8%a8%db%8c%d8%b1%db%8c%d8%a7-%d8%a6%d8%a7%d9%81%d8%b1%db%95%d8%aa%db%8e%e2%80%8c-%d8%a8%db%86-%d9%be%db%8c%d8%b4%d8%a6%db%8e%d8%ae/242022/#comments Mon, 24 Feb 2025 09:33:14 +0000 https://rojnameyaevro.com/ku/?p=242022 رێژین نهێلی

د رەوشەنبیریا جڤاكێ‌ دا؛ كو كاریگەریا ژیانێ‌ د رەوشەنبیریێن جودا جودا دا و ب رێیا پشكداربوونا ئافرەتێ‌ د بزاڤ و چالاكیێن هەمەجۆر دا، ئافرەت شیایە ببیتە میحوەرێ‌ سەرەكی د بزاڤا رەشەنبیری دا تایبەت ل جڤاكێن ڤەكری دا پتر دەلیڤێ‌ ددەنە ئافرەتێ‌ كو هزرێن وێ‌ دیار بن، لەورا ل هەرێما كوردستانێ‌ ژی د بیاڤێ‌ پێشخستنا ئاستێ‌ رەوشەنبیری دا ئەڤرۆ ب دەهان ئاستێن جودا جودا دا باوەرنامە و سەركردایەتیا سیاسی و حزبێن سیاسی و ئەڤرۆ ژی بارەكێ‌ گەلەك مەزن كەفتیە سەر ملێن ئافرەتێ‌.
د پێگەهاندنا ئافرەتێ‌ دا بۆ جێبەجێكرنا یەكسانێ‌ یە كو ب رێكا گەهشتنا وێ‌ بۆ مافێن خوە، هەردەما ئافرەت گەهشتە مافێن خوە دێ‌ یەكسانی د مافێن رەگەزی دا دروست بیت و دێ‌ شێت پتر هزر و بۆچوونێن خوە بكارئینت و گەشەپێدانا ئافرەتێ‌ ب خوەیە كو پشكداربوونا ئافرەتێ‌ د پێگەهاندنا جڤاكێ‌ دا دێ‌ ل سەر پشكداریا وێ‌ یا كاڕا د هەموۆ بیاڤان دا رابیت، تایبەت ژی بیاڤێ‌ پێشخستن و گەشەكرنا جڤاكێ‌ چونكو هەردەمێ‌ پشكداریا ئافرەتێ‌ د ئاستەكێ‌ بلند دا بیت ل وی دەمی دێ‌ پتر پێشكەفتن دروستبیت.
گرنگیا رۆلێ‌ ئافرەتێ‌ بۆ جێبەجیكرنا مافێ‌ مرۆڤی یە كو پشكەكە ناهێتە دابڕین ژ مافێن مرۆڤی كو مافێ‌ ئافرەتێ‌ یە، گەلەكا گرنگە كار ل سەر وان ئاستەنگ و رێگرییان بكەین یێن كو دكەڤنە د رێیا ئافرەتێ‌ دا ژ بۆ پێشخستنا جڤاكا مە، نموونە ژی دەلیڤەیێن كێم یێن كاری و كێم، لێ‌ پشتی جڤاكەكا ڤەكری ئافرەتێ‌ پتر خوە دیتیە و دەلیڤە د بیاڤێ‌ كارێ‌ رێكخراوەیی و سیاسی دا هەنە و دبیت ژی ب بەراوردی ل گەل گەلەك وەلاتان یێن ل دەڤەرێ‌ ل ئاستەكێ‌ هەری باش بیت ئەڤە ژی ژ گەلەك ئامار و تۆمارێن هندەك ژێدەران دا دیاردبن، مینا ئەو وەلاتێ‌ كەنداڤی یێ‌ بەرییا چەندە سالەكێ‌ كێم ژ ی و نها ژی پشكداریا ئافرەتێ‌ یا لاوازە، ئەو میناك ژی بۆ دانا مۆلەتا هاژۆتنا ترومبێلێ‌ بوو كو جارا ئێكێ‌ بوو د دیرۆكێ‌ دا تشتەكێ‌ هۆسا رەوا ببیت، و ژبلی گەلەك بیاڤێن دیتر ژی، لێ‌ ل دەف مە ئەڤ مژارە ژ تشتێن رۆتینینە.

]]> https://rojnameyaevro.com/ku/%d8%a8%d8%b2%d8%a7%da%a4%d8%a7-%d8%b1%db%95%d9%88%d8%b4%db%95%d9%86%d8%a8%db%8c%d8%b1%db%8c%d8%a7-%d8%a6%d8%a7%d9%81%d8%b1%db%95%d8%aa%db%8e%e2%80%8c-%d8%a8%db%86-%d9%be%db%8c%d8%b4%d8%a6%db%8e%d8%ae/242022/feed/ 0 ره‌وشه‌نبیریا ئه‌قلى یه‌ مه‌ به‌ر ب سه‌ره‌ده‌ریا مرۆڤاتیێ ڤه‌ دبه‌ت https://rojnameyaevro.com/ku/%d8%b1%d9%87%e2%80%8c%d9%88%d8%b4%d9%87%e2%80%8c%d9%86%d8%a8%db%8c%d8%b1%db%8c%d8%a7-%d8%a6%d9%87%e2%80%8c%d9%82%d9%84%d9%89-%db%8c%d9%87%e2%80%8c-%d9%85%d9%87%e2%80%8c-%d8%a8%d9%87%e2%80%8c%d8%b1/196133/ https://rojnameyaevro.com/ku/%d8%b1%d9%87%e2%80%8c%d9%88%d8%b4%d9%87%e2%80%8c%d9%86%d8%a8%db%8c%d8%b1%db%8c%d8%a7-%d8%a6%d9%87%e2%80%8c%d9%82%d9%84%d9%89-%db%8c%d9%87%e2%80%8c-%d9%85%d9%87%e2%80%8c-%d8%a8%d9%87%e2%80%8c%d8%b1/196133/#comments Sat, 18 Dec 2021 10:19:24 +0000 https://rojnameyaevro.com/ku/?p=196133 رێژین نهێلى

ئێك ژ پرسێن به‌ربه‌لاڤ د جڤاكێ دا بابه‌تێ په‌روه‌ردا جڤاكى یه‌ و ئه‌فلاتۆن دبێژیت: مه‌ره‌م ژ په‌روه‌ردێ بلندكرنا مرۆڤى یه‌ ژ ئاسته‌كێ نزم بۆ ئاسته‌كێ بلند؛ له‌وراژى د په‌روه‌ردا جڤاكێ دا مه‌ ل هه‌رێما كوردستانێ گه‌له‌ك ئاسته‌نگ و پرسگرێك هه‌نه‌ و گه‌له‌ك كه‌لتوور و دیارده‌یێن نه‌جوان د ناڤ په‌روه‌ردامه‌دا هه‌نه‌ و گه‌هشتینه‌ وى ئاستى جوداكرنا مێ و نێر بهێته‌كرن و ل سه‌ر ڤى بنه‌مایى ژى ببیته‌ كه‌لتۆره‌كێ جڤاكێ و په‌روه‌رده‌یا جڤاكێ كو ڤێ جودابوونا هه‌نێ ژى ره‌نگڤه‌دانێن خراب ل سه‌ر جڤاكێ دروست دكه‌ن. له‌وما ئاستێ زانینا په‌روه‌ده‌یى و ره‌وشه‌نبیریا تاكى بێگومان ل ئاستى َبلند ئاستێ ئه‌قلى دێ وه‌كه‌ت مرۆڤ به‌ر ب هندێ ڤه‌ بچیت كو سه‌ره‌ده‌ریكرن ب شێوازێ مرۆڤ سه‌ره‌ده‌یێ ل گه‌ل پرسێن ژنێ و زارۆیى و زه‌لامى و هه‌مژى پرسێن نه‌ته‌وه‌یى ژى بكه‌ت. ئه‌ڤجا دڤێت ئه‌م ب شێوازێ ئه‌قلى سه‌حكه‌ینێ وه‌ك مرۆڤ سه‌ره‌ده‌ریێ دگه‌ل بكه‌ین بۆ هه‌ر پرسه‌كا ناڤ چارچووڤێ جڤاكێ دا دهێته‌ دیتن و زانین یانژى هه‌ر ئاریشه‌یه‌كا د ناڤ جڤاكێ دا هه‌یى دڤێت ب سه‌ره‌ده‌ریه‌كا مرۆڤایه‌تى ل گۆر رێسا وقانوونێن وى ملله‌تى بین داكو مه‌ جڤاكه‌كا ساخله‌م ژ مرۆڤاتیێ هه‌بیت. چونكو ئه‌م نه‌شێن وان رێسا و قانوونێن په‌روه‌رده‌یا جڤاكى و كه‌لتۆرى یێن هه‌ر ملله‌ته‌كى ببیننه‌ د ناڤ ملله‌تى َخوه‌دا و ل سه‌ر به‌لاڤ بكه‌ین و كارپێ بكه‌ین، ئه‌ڤه‌ ئێك ژ ئاریشێن مه‌زن بوویه‌ مه‌ زووى ئه‌ڤ قانوونێن هه‌نێ بێى مه‌ناعه‌كا جڤاكێ ئینانه‌ د ناڤ جڤاكێ خوه‌دا، له‌ورا ژى بۆ مه‌ گه‌له‌ك ئاسته‌نگ دروست بوون.
پرسا دى یا گرنگ د نافڤ هه‌ر جڤاكه‌كێ دا ئاستێ ره‌وشه‌نبیرى و كه‌لتۆریه‌ مه‌ كوردان ئه‌و مه‌ناعا جڤاكى یا ب هێز یا جڤاكى نینه‌ كو ئه‌م بشێن سه‌ره‌ده‌ریێ دگه‌ل ئاریشا بكه‌ین و ئه‌م زیكا كه‌لتۆرێ خه‌لكى وه‌ردگرین و ب دابونه‌ریتێن خه‌لكه‌كێ ب شێوێ كریار داخبار دبین، ل سه‌ر ڤى بنه‌مایى ژى ئه‌م گه‌له‌ك ره‌فتارێ دكه‌ین و ئه‌ڤه‌ژى بۆ مه‌ یا دروست نینه‌، له‌وراژى دێ بینین ئافره‌ت د ناڤ جڤاكێ دا رووى ب رووى زۆر ئاریشه‌یان دبیت.
دیسا ژى ده‌مێ ژ روویێ رێڤه‌به‌رى و رێكخراوه‌یى رێكخراوێن جڤاكا مه‌ده‌نى یان یێن تایبه‌ت ب ئافره‌تێ ڤه‌ دهێن ل هنده‌ك پرسان ب دیتنه‌كا مێیانه‌ سه‌ره‌ده‌ریێ دگه‌ل دكه‌ن لێ یاب زه‌حمه‌ته‌ بگه‌هنه‌ ئه‌نجامه‌كێ باش، له‌ورا پێدڤیه‌ هه‌موو ته‌خێن دی ژى دگه‌ل خوه‌ شكدار بكه‌ن د پرۆژه‌كێ نیشتیمانى و ره‌وشه‌نبیرى دا، پرسا ئافره‌تێ وه‌ك پرسه‌كا مرۆڤاتى به‌حس بكه‌ن، بۆ نموونه‌ كاریگه‌ریا گوتارا ئایینى و حزبێن سیاسى یا گرنگه‌ د ناڤ جڤاكێ دا. ئه‌گه‌ر هه‌ر كه‌س و نوینه‌ر گوتاراخوه‌ ب شێوازێ مرۆڤ ئاراسته‌ بكه‌ن هه‌م توندوتیژى و هه‌م جوداهیا ره‌گه‌زى و پێشێلكرنا مافێن ره‌گه‌زه‌كى بۆ یێ دى دێ كێم بیت ب رێژه‌كا به‌رز و دیار.

]]> https://rojnameyaevro.com/ku/%d8%b1%d9%87%e2%80%8c%d9%88%d8%b4%d9%87%e2%80%8c%d9%86%d8%a8%db%8c%d8%b1%db%8c%d8%a7-%d8%a6%d9%87%e2%80%8c%d9%82%d9%84%d9%89-%db%8c%d9%87%e2%80%8c-%d9%85%d9%87%e2%80%8c-%d8%a8%d9%87%e2%80%8c%d8%b1/196133/feed/ 0 سه‌ركه‌فتنا ئافره‌تێ د پرۆسا هه‌لبژارتنان دا و هزر ژ بۆ ئاینده‌كێ گه‌شتر https://rojnameyaevro.com/ku/%d8%b3%d9%87%e2%80%8c%d8%b1%d9%83%d9%87%e2%80%8c%d9%81%d8%aa%d9%86%d8%a7-%d8%a6%d8%a7%d9%81%d8%b1%d9%87%e2%80%8c%d8%aa%db%8e-%d8%af-%d9%be%d8%b1%db%86%d8%b3%d8%a7-%d9%87%d9%87%e2%80%8c%d9%84%d8%a8/194790/ https://rojnameyaevro.com/ku/%d8%b3%d9%87%e2%80%8c%d8%b1%d9%83%d9%87%e2%80%8c%d9%81%d8%aa%d9%86%d8%a7-%d8%a6%d8%a7%d9%81%d8%b1%d9%87%e2%80%8c%d8%aa%db%8e-%d8%af-%d9%be%d8%b1%db%86%d8%b3%d8%a7-%d9%87%d9%87%e2%80%8c%d9%84%d8%a8/194790/#comments Thu, 04 Nov 2021 18:57:47 +0000 https://rojnameyaevro.com/ku/?p=194790 رێژین نهێلى
هه‌لبژارتن ئێك ژ بنه‌مایێن پرۆسا دیمۆكراسى یه‌ و رێره‌وێ دیمۆكراسیێ دیاردكه‌تن، ب رێكا ڤى رێره‌وى هه‌ر وه‌لاتیه‌ك، هه‌ر تاكه‌ك د ڤى وه‌لاتى دا یێن كو مافێ ده‌نگدانێ هه‌یى، دێ شێت ب ڤى َرێكێ داخوازا مافێ خوه‌ بكه‌ت و خودان بریار و پێگه‌ه بیت.
د هه‌لبژارتنێن ئه‌ڤ ساله‌ ژى دا، یێن خولا پێنجێ بۆ جڤاتا نوونه‌رێن ئیراقێ كو ب سه‌ركه‌فتیانه‌ بدوماهی هاتن و ب جوداهى ل گه‌ل خولێن ده‌ربازبووى هه‌كه‌ ئه‌م به‌حس ل ئێك ژ وان جوداهیان بكه‌ین، ئه‌وژى سه‌ركه‌فتنا ئافره‌تێ بوویه‌ د ڤێ خۆلێ دا، كو 17 ئافره‌ت بۆ په‌رله‌مانێ ئیراقێ شیان سه‌ركه‌فتنێ د ده‌نگدانى َدا بده‌ستخوه‌ڤه‌ بینن و ژ وان ئافره‌تان پێنج ئافره‌ت شیان ب ده‌نگێن خوه‌ سه‌ربكه‌ڤن و بێى كۆتا مفا ژ بده‌ستڤه‌ئینانا وان ده‌نگێن وه‌لاتیان وه‌رگرن یێن ب باوه‌رى ده‌نگ پێ داى، د ڤێ ئێكێ دا نابێژین كۆتا بۆ رۆلێ لاوازێ ئافره‌تێ دزڤریت، به‌لكو ئه‌و كۆتایه‌یه‌ ژى ژ ئه‌نجامێ هنده‌ك دابونه‌ریت و ئه‌گه‌رێن مێژوویى و جڤاكى.
لێ سال ب سال دهێته‌ دیتن كۆ گورانكارى د وان هزرێن به‌رته‌نگ یێن ژ هه‌ر ئه‌گه‌ره‌كێ دروست بووین د جڤاكا مه‌یا كورده‌وارى دا چێدبن و ئافره‌ت ب تایبه‌ت و جڤاك ب گشتى به‌ر ب پێشكه‌فتن و دویركه‌فتن ژ جوداهیا ره‌گه‌زى دچن ژ لایێ شیان و ئه‌رك و ماف و كاركرنێ.
ژ به‌ر ڤێ ئیكێ ژى پتر بۆمه‌ و هه‌موو لایه‌نان و خه‌لكه‌كێ دیاردبیت كو پارتى دیمۆكراتى كوردستان به‌رده‌وام ژ ده‌مێن شۆرشا و هه‌تا ڤێ ده‌مێ ته‌كنۆلۆجیا باوه‌ریه‌كا ته‌مام ب مافێ مرۆڤى و دویر ژ ره‌گه‌زى هه‌بوویه‌ و باوه‌رى پێگه‌هشتن و خوه‌ ئاڤا كرنا ئافره‌تێ هه‌بوویه‌ د هه‌موو بیاڤان دا ژ جڤاكێ یان سیاسى و ئیدارى، ئه‌فڤ پشته‌ڤانى و رێپێدانا پارتى ب ئافره‌تێ بوویه‌ هه‌كه‌ كو رۆژ ب رۆژ كارتێكرنێن عه‌شیره‌تگیرى و جوداهیا كاركرنا ره‌گه‌زى د داموده‌زگه‌هان دا كێم ببیت و بشێن پتر به‌ر ب گیانێ یه‌كسانیێ ڤه‌ بچین د پێكه‌فتن و ئاڤه‌دانكرنا مێشكێ تاكى و وه‌لاتى دا.

]]> https://rojnameyaevro.com/ku/%d8%b3%d9%87%e2%80%8c%d8%b1%d9%83%d9%87%e2%80%8c%d9%81%d8%aa%d9%86%d8%a7-%d8%a6%d8%a7%d9%81%d8%b1%d9%87%e2%80%8c%d8%aa%db%8e-%d8%af-%d9%be%d8%b1%db%86%d8%b3%d8%a7-%d9%87%d9%87%e2%80%8c%d9%84%d8%a8/194790/feed/ 0 گرنگیا ته‌باخێ و به‌رده‌وامیدان ب خه‌باتێ https://rojnameyaevro.com/ku/%da%af%d8%b1%d9%86%da%af%db%8c%d8%a7-%d8%aa%d9%87%e2%80%8c%d8%a8%d8%a7%d8%ae%db%8e-%d9%88-%d8%a8%d9%87%e2%80%8c%d8%b1%d8%af%d9%87%e2%80%8c%d9%88%d8%a7%d9%85%db%8c%d8%af%d8%a7%d9%86-%d8%a8-%d8%ae%d9%87/192157/ https://rojnameyaevro.com/ku/%da%af%d8%b1%d9%86%da%af%db%8c%d8%a7-%d8%aa%d9%87%e2%80%8c%d8%a8%d8%a7%d8%ae%db%8e-%d9%88-%d8%a8%d9%87%e2%80%8c%d8%b1%d8%af%d9%87%e2%80%8c%d9%88%d8%a7%d9%85%db%8c%d8%af%d8%a7%d9%86-%d8%a8-%d8%ae%d9%87/192157/#comments Wed, 18 Aug 2021 19:28:30 +0000 https://rojnameyaevro.com/ku/?p=192157 رێژین نهێلى

به‌رى 75 سالان كاودانێن بزاڤا رزگاریخوازیا كوردى پێدڤیا دامه‌زراندنا پارتى دیمۆكراتى كوردستان سه‌پاند. ژ وێ رۆژێ هه‌تا ئه‌ڤرۆ كاروانێ خه‌باتا پارتى ل قۆناغێن جوداجودا یێن سیاسى و جڤاكى و ئابوورى گشتى ل سه‌ر ئاستێ خه‌باتا نه‌ته‌وه‌یى ئه‌ڤ خه‌باته‌ یا به‌رده‌وامه‌، له‌ورا د هه‌ر قۆناغه‌كێ دا ل گۆر كه‌لتوور و خه‌بات و فه‌لسه‌فا بارزانیێ نه‌مر پارتى به‌رده‌وامى دایه‌ خه‌باتێ، ژڤه‌رێژا خواندنا كارێزمایا مه‌لا مسته‌فایێ بارزانى بۆ كاودانێن بزاڤا شۆرشخوازیا كوردستانى كو ل سه‌دێ 19 و 20 چه‌ندین بزاڤ و چه‌ندین بزاڤ و چه‌ندین پارتێن كوردى هه‌بووینه‌ لێ ژ ئه‌نجامێ گه‌له‌ك ئه‌گه‌رێن سیاسى و جڤاكى ئه‌ڤان ته‌ڤگه‌ران نه‌شیاینه‌ بزاڤه‌كا سه‌رتاسه‌رى یا كوردى بدامه‌زرینن كو خه‌باته‌كا خه‌باتا ملله‌تێ كوردى بگه‌هیننه‌ قۆناغه‌كا ئارام یان كه‌ناره‌كێ ئارام. له‌ورا خواندنا بارزانى بۆ ڤێ ره‌وشێ و ب تایبه‌ت ده‌لیڤه‌ زانین كو ل سالا 1945 ده‌ستپێكا سه‌رهه‌لدانا شه‌رێ سار بوویه‌ د ناڤبه‌را دو وه‌لاتێن زلهێزێن دونیایێ كو ئێكه‌تیا سۆفیه‌تا وى سه‌رده‌مى و ویلایه‌تێن هه‌ڤگرتی بوون.
خواندن بۆ ڤێ ره‌وشى َهاته‌كرنێ و پێویستى زانى كو ته‌ڤگه‌ره‌كا كوردى پارته‌كا كوردى یا سه‌رتاسه‌رى بهێته‌ دامه‌زراندن ب ناڤێ پارتى دیمۆكراتى كوردستان كو بنیاتێ وێ بنیاته‌كێ سیاسى یه‌ یێن زووربه‌ى سه‌ركردێن كوردان ل وى سه‌رده‌مى كو هژماره‌كا زۆرا ئه‌كادیمیناس ل دۆر بارزانى خرڤه‌ببوون و كۆنگره‌یێ ئێكێ هاتیه‌ ئه‌نجامدان، ئه‌ڤه‌ بوو خاله‌كا وه‌رچه‌رخان، ئێدى كورد ببنه‌ خاله‌كا وه‌رچه‌رخان و ستراجیه‌ته‌كا نه‌ته‌وه‌یى یا لۆكال ل دویڤ میكانزمه‌كا نه‌ته‌وه‌یى ئه‌نجامبده‌ن، ئه‌ڤه‌ پێنگاڤێن گه‌له‌كێن گرنگ بووینه‌ و پێنگاڤا ئێكێ گه‌له‌كا گرنگ بوویه‌ كو ب شێوازه‌كێ سه‌ركه‌فتیانه‌ هاته‌ ئه‌نجامدان.
ئه‌ڤجا ژ هینگى و هه‌تا ئه‌ڤرۆ پارتى شیا سه‌ركێشیا دو شۆرشێن گه‌له‌ك مه‌زن بكه‌ت، شۆره‌شا ئه‌یلۆلا پێشكه‌فتنخواز و یا گولانێ، ئه‌ڤ هه‌ردو شۆرشه‌ بوونه‌ ئه‌گه‌ر و بنه‌ما كو قه‌وارێ ئه‌ڤرۆ كیانێ سیاسى یێ نها ل كوردستانێ دروست ببیت، ئه‌ڤه‌ژى ژ ده‌ستكه‌فتێن هه‌ره‌ مه‌زنه‌ یێن ڤان هه‌ردو شۆرشان بووینه‌ و خالا دی ژى گیانێ پێكڤه‌ژیانێ و لێبۆرینێ پێكڤه‌ كۆمه‌كا پره‌نسیپێن گه‌له‌كێن قانوونى و فه‌لسه‌فى شۆرشا ئه‌یلۆلى َهاتینه‌ به‌رجه‌سته‌كرن. ببنه‌ ئه‌گه‌ره‌كێ گه‌له‌كى َمه‌زن كو پارتى مفایى ژ ه‌مینه‌یا كو ل هه‌ر چار پارچێن كوردستانێ هه‌یى وه‌رگرت و خه‌لكه‌كێ ئێكجار زوور ل پارتى بزڤریته‌ڤه‌ بۆ هندێ كو خه‌باته‌كێ ل پێناڤى ڤى َئارمانجا هه‌نێ.
د ناڤ ئوپوزسیۆنا ئیراقێ ژى دا پارتى رۆله‌كێ كاڕا هه‌بوویه‌ به‌رده‌وام سه‌ركێشیا بزاڤا موعاره‌زه‌یا ئیراقى هاتیه‌كرن و دێ بینى ته‌وژم و هزرێن پارتى د ناڤ هه‌مى كۆنگره‌یێن موعاره‌زه‌یا ئیراقى د سه‌ره‌كى بووینه‌ و دیتنا پارتى هاتیه‌ وه‌رگرتنێ د هه‌مى كۆنگره‌یان دا، ئه‌و كۆنگره‌یێن چ له‌نده‌ن یان سه‌لاحه‌دین و ده‌رڤه‌ وه‌لاتى هاتینه‌ ئه‌نجامدان پارتى رۆلى َكارا هه‌بوویه‌ د بیاڤێ رێكخستنا موعاره‌زه‌یا ئیراقێ ژى دا، د پرۆسا ئاڤه‌دانیێ ژى دا سه‌ره‌راى هژماره‌كا كێموكاسیان، پارتى شیا ب ئه‌ندازه‌یه‌كا رێكوپێك ب دیتنه‌كا سه‌رده‌میانه‌ هه‌م پشكدارى ئێكه‌م هه‌لبژارتن بكه‌ت كو خه‌لك ببیته‌ دادوه‌ر و ژێده‌رێ ده‌ستهه‌لاتێ پارتى رۆله‌كێ كاڕا هه‌بوو ب تایبه‌ت گۆتارا جه‌نابێ (سه‌رۆك بازرانى) ل كۆیه‌ كو شیا داخوازا ئه‌نجامدانا هه‌لبژارتنان بكه‌ت، ئه‌ڤه‌ ژى بۆ جڤاكێ نێڤده‌ولى بوو جهێ پویته‌دانێ بوویه‌ كو هه‌رێما كوردستانێ به‌ ب دیمۆكراسیه‌ته‌كا سه‌رتارى بچیت، كه‌لتوورى َدیمۆكراسیه‌تێ و بنه‌مایێ دیمۆكراسیه‌تێ لێ بهێنه‌ په‌یره‌وكرن پاشى پێنگاڤێن پێكئینانا حوكمه‌تێ و كابینه‌یێن ئێك ل دویڤ ئێك هه‌تا نوكه‌ پارتى شیایه‌ ببیته‌ ئه‌و خودیكا نه‌ته‌وه‌یى كو ژبۆ پتریا خه‌لكێ كوردستانێ ببیته‌ جهێ باوه‌ریێ تایبه‌ت ژى ل پرۆسا شه‌ڕێ داعش دا د شه‌ڕێ مانونه‌مانێ یێ پاراستنا قه‌وارێ هه‌رێما كوردستانێ دا كو گه‌له‌ك وه‌لاتێن هه‌رێمایه‌تى پیلانگێرى كرن بۆ ژناڤبرنا ئه‌ڤێ ئه‌زمۆنا هه‌نێ به‌لێ پارتى شیا سه‌ركێشیا ئه‌ڤى كاروانى ژى بكه‌ت و ئه‌ڤرۆ ژى هه‌رێما كوردستانێ به‌ر ب دوباره‌ زیندیبوونا په‌یوه‌ندیێن وێ یێن سیاسى و دبلۆماسیڤه‌ ببه‌ت و باوه‌ریا د ناڤبه‌را خوه‌ و خه‌لكى دا بهێزتر لێبكه‌ت.

]]> https://rojnameyaevro.com/ku/%da%af%d8%b1%d9%86%da%af%db%8c%d8%a7-%d8%aa%d9%87%e2%80%8c%d8%a8%d8%a7%d8%ae%db%8e-%d9%88-%d8%a8%d9%87%e2%80%8c%d8%b1%d8%af%d9%87%e2%80%8c%d9%88%d8%a7%d9%85%db%8c%d8%af%d8%a7%d9%86-%d8%a8-%d8%ae%d9%87/192157/feed/ 0 ژن د جڤاكێ كورده‌وارى دا https://rojnameyaevro.com/ku/%da%98%d9%86-%d8%af-%d8%ac%da%a4%d8%a7%d9%83%db%8e-%d9%83%d9%88%d8%b1%d8%af%d9%87%e2%80%8c%d9%88%d8%a7%d8%b1%d9%89-%d8%af%d8%a7/173193/ https://rojnameyaevro.com/ku/%da%98%d9%86-%d8%af-%d8%ac%da%a4%d8%a7%d9%83%db%8e-%d9%83%d9%88%d8%b1%d8%af%d9%87%e2%80%8c%d9%88%d8%a7%d8%b1%d9%89-%d8%af%d8%a7/173193/#comments Mon, 09 Mar 2020 07:16:14 +0000 http://evronews.net/ku/?p=173193 رێژین نهێلى*
وه‌كى دهێته‌ دیاركرن هه‌شتى مارس رۆژا جیهانیا ژنان و نیاسینا ژنێ ب جڤاكى ب شێوه‌كێ گشتى، چونكو ل ڤێ رۆژێ شیا ب دروستى ده‌نگ و داخواز و په‌یاماخوه‌ بگه‌هینیت و ده‌ستپێكه‌ك بوو، ژبۆ هاتنه‌ڤه‌یا وێ ئه‌وا كو ڤیاى خوه‌ پێ یه‌كسان ببینیت د ئه‌رك و مافێن خوه‌ ل گه‌ل ره‌گه‌زێ به‌رامبه‌ر دا و زولم و ته‌عدایى َقه‌بوول نه‌كه‌ت.
لێ هه‌تا نها ژى ل چو وه‌لاته‌كێ ئه‌و یه‌كسانیا هه‌موو رێكخراوێن ئافره‌تان به‌حس دكه‌ن و كار بۆ دكه‌ن وه‌ك پێدڤى دروست نه‌بوویه‌ و دروست نابیت ژى هه‌تا ره‌گه‌زێ به‌رامبه‌ر ژى هه‌مان هزر و پاراستن و ماف و ئه‌رك بۆ ئافره‌تێ نه‌بینیت وه‌كى كو بخوه‌ هزر تێدا دكه‌ت.
ل هه‌رێما كوردستانێ ژى ژنێ زوور رێك و كاودان و ژیانه‌كا دژوار و پرى قوربانى دیتیه‌ و بریه‌ سه‌رى، لێ سه‌رده‌م بۆ سه‌رده‌مى و پێگه‌هاندنا ئافره‌تێ ل هه‌مبه‌ر ژیانێ ئێدى ئه‌و فێركر كو هه‌ر تشتى رێسا و قانوونێن خوه‌ هه‌نه‌ و شیانێن ژنێ كێمتر نین ژیێن زه‌لامى، چونكو ئه‌و ژنه‌یه‌ بوویه‌ ئه‌گه‌ر زه‌لامه‌كێ ب هێز بهێته‌ دونیایێ، واتا ئه‌و هێزا مه‌زنه‌ یاكو ل گه‌ل هه‌موو ئه‌رك كارێن خوه‌ و نه‌ه هه‌یڤان بێى جوداهیا ره‌گه‌زى ژیان بخودانكریه‌ د ناڤ زكى َخوه‌ دا و هه‌تا دانایه‌ د ناڤ دونیایێ دا چاڤدێرى لێكریه‌ بۆ هندێ رامانه‌كا جوان بده‌ته‌ ژیانێ نه‌ك ره‌خنه‌ و ئێشانێ بده‌ته‌ ژنێ.
له‌وما ئافره‌تا كورد به‌رده‌وام ل نوویاتیا ژیانێ د ناڤ زانست و پێگه‌هاندن و ئه‌ركێن ئیدارى و سه‌ركردایه‌تیێ گه‌ریایه‌ و خوه‌ د ناڤدا دیتیه‌ و سه‌ركه‌فتیى بوویه‌.
دیسا حوكمه‌تا هه‌رێما كوردستانێ پێدڤى یه‌ پتر رۆل و پێگه‌هێ ئافره‌تێ ب هێز و باوه‌ر ببینیت و بده‌ته‌ كارى ل ئاستێن بلند چونكو ئافره‌تا كورد گه‌له‌ك هه‌ست ب به‌رپرساره‌تیا مه‌زنا ئه‌ركێن نه‌ته‌وه‌یى و جڤاكى..دكه‌ت
ئه‌ڤرۆ هه‌تا راده‌یه‌كێ ژماریه‌ك ژ ئافره‌تێن سه‌ركرده‌ مه‌هه‌نه‌ د ناڤا هه‌موو پێكهاتێن ل هه‌رێما كوردستانێ، ئه‌ڤه‌ژى بۆ وان هه‌ول و بزاڤێن ژدل یێن ئافره‌تێ دزڤریت و وێ باوه‌ریا وێ ب شیان و به‌رهه‌مێ خوه‌ هه‌ى و به‌رده‌وام كار كریه‌ ل سه‌ر پرسا یه‌كسانیا ره‌گه‌زى و گوهۆرینا جڤاكى ژبۆ دیتنه‌كا یه‌كسان یا مرۆڤاتیێ له‌وما ئێكه‌تیا ئافره‌تێن كوردستانێ ژى به‌رده‌وام خوه‌ ل وان ئافره‌تان كریه‌ خودان یێن خوه‌ به‌رزه‌ د ناڤ جڤاكى دا دبینن و مافى َوان دهێته‌ پێشیێلكرن و ب رێیێن قانوونى به‌ره‌ڤانى ژ ئه‌رك و مافێ ئافره‌تێ كریه‌ بۆ هندێ كو به‌رده‌وام ل سه‌ر سیسته‌مه‌كێ دادپه‌روه‌رانه‌ كار و خزمه‌تا ئافره‌تان كورد بكه‌ن و دیسان خوه‌ ل به‌هره‌ و شیانێن وان كریه‌ خودان یێن كۆ دڤێن خوه‌ و جڤاكى ژى ئاڤابكه‌ن.
له‌وما پێدڤى یه‌ ئه‌م هه‌موو كاربكه‌ین وه‌ك مرۆڤ، چونكو ل جڤاكێ مه‌ یێ كورده‌وارى دا هه‌تا نوكه‌ ژى ژن قوربانیا ئێكێ یه‌ د هه‌ره‌شه‌ و ته‌حه‌رش و ده‌ستدرێژى و باجدانا خرابیێن زه‌لامى دا و هه‌تا پێگه‌هاندنا یه‌كسان نه‌بیت رێژا قوربانیێن كو ئافره‌ت بۆ دده‌ت كێم نابن یان دادوه‌رى دروست نابیت د ئه‌رك و مافان دا
پێدڤى ئێدى هه‌ر كه‌س بزانیت ئه‌و ژنا به‌رێ پارزینك ل پشتا وێ و ل ژیانێ دگه‌ریا ئه‌ڤرۆ پێنڤیس ژى كریه‌ د وێ پارزینى دا و ل دونیایى َدگه‌ریت بۆ ژیانه‌كا دروست و پرى زانست و ئاڤاكرن ژبۆ خوه‌ و وه‌لاتێ خوه‌.
* به‌رپرسا راگه‌هاندنا ئافره‌تان ل ئه‌نجومه‌نێ ده‌روبه‌رێن دهوك

]]> https://rojnameyaevro.com/ku/%da%98%d9%86-%d8%af-%d8%ac%da%a4%d8%a7%d9%83%db%8e-%d9%83%d9%88%d8%b1%d8%af%d9%87%e2%80%8c%d9%88%d8%a7%d8%b1%d9%89-%d8%af%d8%a7/173193/feed/ 0 میوشن دیده‌ڤانا كاریگه‌ریا هه‌رێمێ د شه‌رێ دژى تیرۆرا جیهانێ یه‌ https://rojnameyaevro.com/ku/%d9%85%db%8c%d9%88%d8%b4%d9%86-%d8%af%db%8c%d8%af%d9%87%e2%80%8c%da%a4%d8%a7%d9%86%d8%a7-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%d8%a7-%d9%87%d9%87%e2%80%8c%d8%b1%db%8e%d9%85%db%8e/170611/ https://rojnameyaevro.com/ku/%d9%85%db%8c%d9%88%d8%b4%d9%86-%d8%af%db%8c%d8%af%d9%87%e2%80%8c%da%a4%d8%a7%d9%86%d8%a7-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%d8%a7-%d9%87%d9%87%e2%80%8c%d8%b1%db%8e%d9%85%db%8e/170611/#comments Mon, 17 Feb 2020 15:55:23 +0000 http://evronews.net/ku/?p=170611 رێژین نهێلى

كۆنگرێ میۆشن كۆ ئێك ژ گرنگترین كۆنگرێن ئاسایشێ یه‌ سالانه‌ ل سه‌ر ئاستێ جیهانێ دهێته‌ ئه‌نجامدان، ئه‌ڤ كۆنگره‌ بۆ پرسێن رۆژه‌ڤى گرێدایى ئه‌و بارودۆخێ جیهان تێدا ده‌ربازدبیت و هژماره‌كا دانوستاندن و ئالوگۆركرنێن ستراتیژى د ناڤبه‌را دارێژه‌ر و چێكه‌رێن بریارێ ل گشت جیهانێ دهێنه‌ ئه‌نجامدان. بێگومان ئێك ژ مه‌زنترین مه‌ترسى ل سه‌ر ئاسایشا جیهانێ بابه‌تێ تیرۆرێ یه‌، كو د ڤى كۆنگره‌یى دا گه‌له‌ك ب به‌رفره‌هى به‌حس و دۆپاتى ل ڤى بابه‌تى هاتیه‌كرن و پتری وه‌لاتێن پشكدار میكانزم و به‌رنامه‌ و هزر و میتۆتێن خوه‌ و به‌رنامه‌ و ستراتیژیه‌تێن خوه‌ ل ڤى كۆنگره‌یى ده‌رباره‌ى تیرۆرێ ئه‌نجامداینه‌، گومان تێدا نینه‌ تیرۆرستێن داعش مه‌ترسیه‌كا راسته‌وخوه‌ ل سه‌ر ژیانا زۆربه‌ى خه‌لكێ جهانێ هه‌بوویه‌ تایبه‌ت ل رۆژهه‌لاتا ناڤه‌راست دا و تایبه‌ت ل عیراق و سووریێ كۆ هه‌رێما كوردستانێ پارچه‌كێ وێ یه‌، ئه‌و به‌رنامه‌ و پلان و كارێن ژلایێ حوكمه‌تا هه‌رێما كوردستانێ هاتینه‌ ئه‌نجامدان بۆ رووبروو بوونا پرسێن تیرۆرى و پێشبینیا مه‌ترسیا تیرۆرێ ژ لایێ هه‌رێما كوردستانێ ڤه‌. جهێ پویته‌ و گرنگیا جڤاكێ نیڤده‌وله‌تی یه‌ تایبه‌ت ل كۆنگره‌یه‌كێ ئاسایشى دا كۆ پتریا وه‌زیرێن وه‌لاتێن گرنگ پشكداریێ تێدا دكه‌ن.
خاله‌كا دیتر یا گرنگ “دیدار و كۆمبوونێن به‌رێز سه‌رۆكێ حوكمه‌تێ و شاندێ هه‌ڤال ل گه‌ل وه‌زیرێن ده‌رڤه‌ یێن وه‌لاتێن مینا ئه‌مریكا، جیهانا ئه‌ورۆپى، وه‌لاتێن عه‌ره‌بى ل گه‌ل وه‌زیرێن به‌رگیریێ پێنگاڤه‌كا ئێكجار مه‌زنه‌ بۆ دیتن و بۆ پێگه‌هاندنا نێرینا كوردى ل به‌رامبه‌ر پرسێن تیرۆرێ ل سه‌ر ئاستێ جیهانێ كۆ ل ده‌مێ بۆرى ژى، هه‌رێمێ رۆله‌كى َبه‌رچاڤ هه‌بوویه‌ بۆ رووبروو بوونا ئه‌وان هێزێن تیرۆرستى ل سه‌ر ئاستێ جیهانێ و هه‌رێما كوردستانێ ببوو پیڤه‌رێ ژناڤبرنا هێزا تیرۆرستێن داعش ل سه‌ر عه‌ردى ب تایبه‌ت ل گه‌له‌ك ده‌ڤه‌رێن خوارویا عیراقێ ژى و ب گه‌له‌ك پلان و پشته‌ڤانیا هه‌ڤپه‌یمانیا نیڤده‌وله‌تى ئه‌ڤ چه‌نده‌ هاتیه‌ ئه‌نجامدان، ژلایه‌كێ دى ڤه‌ كاریگه‌ریێن ئابوورى تایبه‌ت ئه‌ڤ گورهۆرینێن ل جیهانێ دروست دبن، تایبه‌ت كێشه‌یێن ناكۆكى یێن د ناڤبه‌را ئه‌مریكا و ئیرانێ كو ئاراستا په‌یوه‌ندیێن نیڤده‌وله‌تى، ب تایبه‌ت ل رۆژهه‌لاتا ناڤه‌راست دا ئالۆزكریه‌، ره‌وشا ده‌ڤه‌رێ تاراده‌كێ نه‌چاڤه‌رێكرى به‌ر ب ناكۆكیێن كوورتر ڤه‌ چوویه‌ و ره‌وشا عیراقێ ئالۆزبوویه‌ و یا سووریێ ئالوزترلێهاتیه‌ و بابه‌تێ یه‌مه‌نێ چاره‌نه‌بوویه‌ و كێشه‌ و گرفتێن لوبنانێ دبه‌رده‌وامن. ئه‌و مه‌ترسیا كو وه‌لاتێن كه‌نداڤى هه‌ستپێدكه‌ت ئه‌ڤه‌ هه‌موو پرسێن گرێدایى وێ مه‌ترسیا تیرۆرێنه‌ ئه‌وا ل سه‌ر ده‌ڤه‌رێ هه‌ى.
ژ لایه‌كێ دیتر بابه‌تێ پاراستنا كانزایى بابه‌تى َنه‌فتێ و گرنگیدانا ب كه‌یسێ نه‌فتێ و دوورپێچكرن یان ئابلۆقه‌دانان ل سه‌ر نه‌فتا ئیرانى دێ خاله‌كادى بیت و فاكته‌ره‌كێ دی بیت و به‌رنامه‌كێ دی بیت د ناڤبه‌را وه‌زیر و كه‌ساتیێن پشكدار د كۆنگرێ میۆشن دا و ب دیتنا من و ل دووڤ یا دهێته‌ پێشبینیكرن شاندێ هه‌رێمێ ب بهێزه‌كا باش و به‌رهه‌ڤیه‌كا باش پشكدارى د كۆنگره‌ی دا كریه‌ و پتر دهێته‌ پێشبینیكرنێ كۆ پتر پشته‌ڤانیێن نیڤده‌وله‌تى ژلایێ ئه‌منى ڤه‌ بۆ هه‌رێما كوردستانێ بهێنه‌ ئاراسته‌كرن.
چونكو داعش ل عیراقێ دا وه‌كو ل دووڤ هه‌موو وان گۆتارێن دهێنه‌ به‌لاڤكرن ژناڤنه‌چوویه‌ راسته‌ وه‌كو ده‌ڤه‌ر كو سكرتێرێ نه‌ته‌وێن ئێكگرتى گۆتى چ ده‌ڤه‌ر د ده‌ستێ داعش دا نه‌ماینه‌ یان وه‌ك سكرتێرى َناتۆ دبێژیت: چ ده‌ڤه‌ر د ده‌ستێ داعش دا نه‌ماینه‌
لێ گرۆپێن داعش ل ژێر ناڤێن جودا و ل جهێن جودا جودا دهێنه‌ دیتن و دهێته‌ چاڤه‌رێكرن كو هه‌رێما كوردستانێ ب به‌رهه‌مه‌كێ باش ژ ڤى كۆنگره‌ى مفاى بخوه‌ ژێ بینیت.
خالادى یا هه‌ره‌ گرنگ ئه‌وه‌ كو قووناغا پشتى كۆنگره‌ى كا دێ كورد چه‌ند شێن مفایه‌كێ راسته‌و خوه‌ ژ وان په‌یوه‌ندیان وه‌رگرن ئه‌وێن كو د ڤى كۆنگره‌یى دا هاتینه‌ ئه‌نجامدان چ ئه‌و په‌یوه‌ندیه‌ د ناڤبه‌را هه‌رێم و وه‌لاتێن هه‌ڤسوى دا بن، یانژى ل گه‌ل وه‌لاتێن زلهێز مینا رۆسیا، ئه‌مریكا یانژى ئێكه‌تیا ئه‌ورۆپى تایبه‌ت فره‌نسا و ئه‌لمانیا كو دو وه‌لاتێن كاریگه‌رن د ئێكه‌تیا ئه‌ورۆپا دا كو بشێن مفاى ژ وان ده‌لیڤان ببینن ژبۆ بهێزكرنا پێگه‌هێ هه‌رێما كوردستانێ.
ل دووماهیێ ب رێیا ڤى كۆنگره‌ى گه‌شبینم ل سه‌ر ره‌وشا هه‌رێما كوردستانێ سه‌ره‌راى هه‌موو كێشه‌ و گرفتێن كو ل پاشه‌رۆژى و چ د چاڤه‌رێكرینه‌ یان نه‌، رووب روو ده‌ڤه‌رێ ببن، لێ دڤێت به‌رهه‌ڤى ژى مه‌ هه‌بیت بۆ هه‌ر پێشهاته‌كا نوو یا كو دێ ل ده‌ڤه‌رێ په‌یدابیت.

]]> https://rojnameyaevro.com/ku/%d9%85%db%8c%d9%88%d8%b4%d9%86-%d8%af%db%8c%d8%af%d9%87%e2%80%8c%da%a4%d8%a7%d9%86%d8%a7-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%d8%a7-%d9%87%d9%87%e2%80%8c%d8%b1%db%8e%d9%85%db%8e/170611/feed/ 0 ژن گه‌نجینه‌یا ڤى سه‌رده‌مى یه‌ https://rojnameyaevro.com/ku/%da%98%d9%86-%da%af%d9%87%e2%80%8c%d9%86%d8%ac%db%8c%d9%86%d9%87%e2%80%8c%db%8c%d8%a7-%da%a4%d9%89-%d8%b3%d9%87%e2%80%8c%d8%b1%d8%af%d9%87%e2%80%8c%d9%85%d9%89-%db%8c%d9%87%e2%80%8c/164401/ https://rojnameyaevro.com/ku/%da%98%d9%86-%da%af%d9%87%e2%80%8c%d9%86%d8%ac%db%8c%d9%86%d9%87%e2%80%8c%db%8c%d8%a7-%da%a4%d9%89-%d8%b3%d9%87%e2%80%8c%d8%b1%d8%af%d9%87%e2%80%8c%d9%85%d9%89-%db%8c%d9%87%e2%80%8c/164401/#comments Sat, 14 Dec 2019 13:50:25 +0000 http://evronews.net/ku/?p=164401 رێژین نهێلى

ژن ئه‌و كه‌سه‌ یاكو ژیان دگه‌ل دا و ژیانێ به‌لاڤ دكه‌ت، بوویه‌ گه‌نجینه‌یا هه‌مى سه‌رده‌مان، تایبه‌ت ل ڤى ده‌مى، د بیاڤێ هه‌موو كار و چالاكى و بریاران دا و ئه‌و ژنه‌ یا دایك و باب و كچ و كوڕ  ژێ دروست دبن ئه‌و ژنا سه‌ركرده‌ و زانا و ره‌وشه‌نبیران دئینته‌ هه‌بوونێ و مه‌زن دكه‌ت، ئه‌ڤجا هه‌ر ژ كه‌ڤن دا تانوكه‌ تایبه‌ت به‌حسا ژنا كورد بكه‌ین د سه‌ختترین بارودۆخ دا ژیایه‌ و هه‌موو ئه‌و سه‌ختیه‌ قه‌بوولكرینه‌ ژ پێخه‌مه‌ت رازیكرنا زه‌لامى و نه‌هه‌تكبه‌ریا زه‌لامى و راگرتنا مال عه‌شیره‌ت و جڤاكى و جڤاك و ملله‌تێ خوه‌، لێ ژبیرنه‌كه‌ین پتریا جاران ئه‌و بوویه‌ قوربانى. د به‌رامبه‌ر دا زه‌لام هه‌روه‌ك خوه‌ ژیان خواستیه‌ و بریه‌ سه‌رى. ئه‌ڤجا قووناغ ب قووناغێن ژیانێ ژن ل ده‌ف مه‌ژى پتر تێگه‌هشتیه‌ و كو ئێدى بێژیت، به‌سه‌، ئه‌ز ژن و ژیانم. دێ ژیم وه‌ك مرۆڤ و دڤێت سه‌ره‌ده‌رى ژى وه‌ك مرۆڤ ل گه‌ل من بهێته‌كرن و ب یه‌كسانى مل بملێ زه‌لامى بم و بژیم. وه‌كى دیار د جڤاكێ مه‌ دا سه‌ره‌راى گوهۆرینیێن سیاسى و ئابوورى و جڤاكى پێنگاڤێن حوكمه‌تا هه‌رێما كوردستانێ گرتنه‌به‌را رێكارێكارێن قانوونى، كارێن رێكخراوێن مه‌ده‌نى  رژدى كاركرن ل سه‌ر مافى َئافره‌تێ و پێنگاڤێن به‌لاڤكرنا هوشیاریه‌كا ساخله‌م، ئه‌ڤه‌ بووینه‌ ئه‌گه‌ر كو گوهۆرینێن باش ل ده‌ف ژنێ دروست ببن و پتر هه‌ست ب هه‌بوون هێز و گرنگیا خوه‌ د جڤاكى دا بكه‌ت و گه‌هشتیه‌ قووناغه‌كێ كو ئێدى  پاشڤه‌ زڤرین بووینه‌ و هه‌رتشتێ نه‌هێژاى هه‌بوونا وێ قه‌بوول ناكه‌ت و بوویه‌ خودان بریار د هه‌موو بیاڤه‌كى دا. نه‌ك ب تنێ ژبۆ نڤستنا ل گه‌ل زه‌لامى و ئینانان زارۆ و كارێ مالێ بژیت. هه‌روه‌كى دیار ژى كو ل 25 بیست وپێنجى ڤێ مه‌هێ هه‌لمه‌تا 16 شازده‌ رۆژى یابه‌رهه‌نگاربوونا توندوتیژیا دژى ژنان وه‌كو هه‌موو جیهانێ ل كوردستانێ ژى ده‌ستپێكریه‌، چونكو ژن یا كورد گه‌له‌ك ژ یا بیانى پتر ماندیبوون و ته‌په‌سه‌رى و ده‌ربه‌ده‌رى و هه‌موو ئێش و ژانێن ژیانێ دیتینه‌ و خوه‌ ل گه‌ل گونجاندیه‌. ژ به‌ر ڤێ ئێكێ ژى، حوكمه‌تا هه‌رێمێ، ژى ب چاڤه‌كێ مه‌زن و گرنگ سه‌حا ژین و ژیاراوێ كریه‌ ژبۆ به‌رزتركرنا پێگه‌هێ وێ د ناڤ جڤاكى دا، دیسا كو د پرتووكه‌كا ل سالا 2017 دو هزار و هه‌ڤدێ دا ب ناڤێ (حوكمه‌ت و پرسى یه‌كسانى) ل وه‌زاره‌تا ناڤخوه‌یى به‌لاڤكریه‌ و تێدا به‌حس ل گرفت و وان رووب رووبونێن هه‌مبه‌ر ژنێ كریه‌ و ژلایه‌كێ دیژى به‌حس ل رۆلى َحوكمه‌تێ هاتیه‌كرن، چونكو ل سالا 2009 د روونشتنه‌كا ڤه‌ركرى دا ل وه‌لاتێ سوید ب به‌رهه‌ڤبوونا 29 وه‌لاتێن بیانى كو پتریا وان وه‌لاتێن عه‌ره‌بى بوون، وه‌زیرێ یه‌كسانى و مافى مرۆڤ یێ؛ سوید؛ زوور ب حه‌ماس و مجددى (نێچیرڤان بارزانى )، سه‌رۆكێ هه‌رێما كوردستانێ گۆت: (ژن پارێزترین سه‌ركرده‌یا رۆژهه‌لاتا ناڤینه‌، وه‌ك وسه‌ركرده‌یه‌ك توندو تیژیا دژى ئافره‌تێ و پرسا یه‌كسانى یێ بوویه‌ ل هه‌رێما كوردستانێ. ئه‌ڤه‌ژى وێ دگه‌هینیت كو سه‌ركردایه‌تیامه‌ رێ ل ژنێ نه‌گرتیه‌ ژبۆى پێگه‌هاندنێ و بریاردان و كاركرنێ د هه‌ر واره‌كێ دا، ئه‌ڤجا یاگرنگه‌ ژن بخوه‌ ژى هاریكاربیت كو خوه‌ و هه‌موو ژنێن دى هوشاربكه‌ت ل سه‌ر ماف و هێزو هه‌بوونا خوه‌یا گرنگ د ناڤ جڤاكێ خوه‌دا ب تایبه‌ت و ل جیهانێ ب گشتى.

]]> https://rojnameyaevro.com/ku/%da%98%d9%86-%da%af%d9%87%e2%80%8c%d9%86%d8%ac%db%8c%d9%86%d9%87%e2%80%8c%db%8c%d8%a7-%da%a4%d9%89-%d8%b3%d9%87%e2%80%8c%d8%b1%d8%af%d9%87%e2%80%8c%d9%85%d9%89-%db%8c%d9%87%e2%80%8c/164401/feed/ 0 وه‌رارا تاكێ كورد د ژینگه‌ها سیاسیا ته‌نا دا https://rojnameyaevro.com/ku/%d9%88%d9%87%e2%80%8c%d8%b1%d8%a7%d8%b1%d8%a7-%d8%aa%d8%a7%d9%83%db%8e-%d9%83%d9%88%d8%b1%d8%af-%d8%af-%da%98%db%8c%d9%86%da%af%d9%87%e2%80%8c%d9%87%d8%a7-%d8%b3%db%8c%d8%a7%d8%b3%db%8c%d8%a7-%d8%aa/153960/ https://rojnameyaevro.com/ku/%d9%88%d9%87%e2%80%8c%d8%b1%d8%a7%d8%b1%d8%a7-%d8%aa%d8%a7%d9%83%db%8e-%d9%83%d9%88%d8%b1%d8%af-%d8%af-%da%98%db%8c%d9%86%da%af%d9%87%e2%80%8c%d9%87%d8%a7-%d8%b3%db%8c%d8%a7%d8%b3%db%8c%d8%a7-%d8%aa/153960/#comments Mon, 24 Jun 2019 17:18:29 +0000 http://evronews.net/ku/?p=153960 رێژین نهێلى

یا خۆیایه‌ ل قووناغێن جودا جودا پێگه‌ه رۆلێ سه‌ركردان دیاره‌ و كاریگه‌ریا كه‌سایه‌تیا د وارێن سیاسى و جڤاكى و ئاینى و ئابوورى ل به‌رچاڤه‌ نه‌خاسمه‌ گه‌ر ئه‌و كه‌سایه‌تى خودان پاشخانه‌یه‌كا سیاسى و مێژویێ بن و ژێده‌رێن ئیلهاما وان خه‌مخۆرى و زانین و سه‌ربۆربن و ئه‌ڤ ئه‌زموونا وان كاریگه‌ریا خوه‌ ل گشت د واره‌كێ ژیانێ دكه‌ت. زۆربه‌یێ سیاسمه‌تدارێن جیهانێ ل گۆر بازنێ سیاسه‌تا وه‌لاتێ خوه‌ ئه‌و كو دهێته‌ گونجاندن یان نه‌گونجاندن ل گه‌ل سیاسه‌تێن نیڤده‌وله‌تى و ئه‌قلیمى پێنگاڤێن خوه‌ دهاڤێژن و ستراتیژیه‌تێن خوه‌ دادرێژن و به‌رژوه‌ندیێن وه‌لاتێ وى تاكه‌ خاله‌ كو به‌رده‌وام كار ل سه‌ر دهێته‌كرن، له‌ورا ژى ئه‌گه‌رمه‌ خواندنه‌كا كورت بۆ گۆتارا رێزدار سه‌رۆك (نێچیرڤان بارزانى) كربیت ئه‌وا كو ب هه‌لكه‌فتا سووندخوارنا خوه‌ وه‌كو سه‌رۆكێ هه‌رێمێ كربیت ئه‌م دێ گه‌هینه‌ ئه‌نجامه‌كێ گه‌له‌كێ گونجای كو ڤۆكسا سه‌رۆكێ هه‌رێمێ ل سه‌ر خاله‌كێ بوویه‌ كو ب راستى ژى هه‌مى واره‌كێ دى ب ڤێ خالێ ڤه‌ گرێدایه‌ ئه‌و ژى “وه‌رارا مرویێ و دوپاتى كرن ل ئاڤاكرنا كه‌سایه‌تیا تاكێ كورد ب رێیێن زانستى و ره‌وشه‌نبیرى, ژبلى هه‌مى ئه‌و ده‌رگه‌هێن دى ئه‌وێن ل گۆتارا وى هاتینه‌ ئاماژه‌پێكرن وه‌كو رێیێن كارێن ستراتیژى بۆ سه‌رۆكێ هه‌رێمێ ل قووناغا داهاتى”دیاره‌ ئه‌و رێكا سه‌ركه‌فتنێ دزانن، ئه‌وژى ل ئاڤاكرنا تاكێ كورد دایه‌. ل جیهانا پێشكه‌فتى هه‌تا كو تاك نه‌بوویه‌ سه‌نته‌ر و گشت واره‌كێ ژیانێ نه‌ كرینه‌ د خزمه‌تا تاكى دا ئه‌و وه‌لات پێش نه‌كه‌فتن هه‌لبه‌ت ئێكه‌م قووناغ ژى گرنگى دانا ب مافێ تاكى و گرنگى دان ب په‌رپێدانا وى ل سه‌ر هه‌مى ئاستان و خولقاندنا ژینگه‌هه‌كا گونجایه‌ چ ئه‌و ژینگه‌ه یا زانستى بیت یانژى سیاسى بیت، چونكو تاكو ژینگه‌ها سیاسى ته‌نادا نه‌بیت هه‌مى واره‌كێ دى دێ یێ له‌نگ بیت و وه‌رارا ناكه‌ن چونكو سیاسى نه‌ ئیدارا وه‌لاتى دكه‌ن. ل گۆره‌یى دیتنا مه‌ گۆتاره‌كا گشت گیربوو ل سه‌ر هه‌مى واره‌كێ و پتر گرنگى داینه‌ ئاساییكرنا ره‌وشا ناڤمالا كوردى و دورستكرنا په‌یوه‌ندیێن دۆستانه‌ ل گه‌ل زوربه‌ی وه‌لاتێن دونیایێ، نه‌خاسمه‌ ل گه‌ل وه‌لاتێن ئه‌قلیمى به‌لێ د هه‌مان ده‌م دا مه‌ باوه‌ره‌ دێ ئه‌زموونا وه‌لاتێن پێشكه‌فتى ژبۆ خزمه‌تكرنا تاكێ كورد بكارئینن و گرنگترین خال ژى ب دیتنا مه‌ په‌روه‌رده‌یه‌ ئه‌گه‌ر مه‌ شیا ل ئاینده‌كێ نێزیك په‌روه‌رده‌كا ساخله‌م دورست بكه‌ن، ژبۆ هه‌موو واره‌كێ دى مه‌ چ گله‌ و گازنده‌ نابن، به‌لكو به‌روڤاژى ده‌رئه‌نجامێن پرۆسا په‌روه‌ده‌یێ كاریگه‌ریێ ل سه‌ر هه‌مى ئاستێن ژیانا خه‌لكى دكه‌ن. ئافره‌ت زارۆ دو ته‌خێن بنه‌كۆكا جڤاكێن پێشكه‌فتى نه‌ ل هه‌مى هه‌لكه‌فتێن بۆری دا، ئه‌ڤجا كاك نێچیرڤان بارزانى زۆر گرنگی دایه‌ ئه‌ڤان ته‌خان، له‌ورا هه‌م وه‌كو پێشنیار هه‌م وه‌كو ستراتیژیه‌تا حوكمه‌تا داهاتى پێدڤیه‌كا زۆر گرنگه‌ ئه‌ڤ هه‌ردو چینه‌ ببنه‌ بنه‌مایێ كارێ حوكمرانیا داهاتى تاكو ژلایێ مرۆڤێ ڤه‌ ئه‌م ب گه‌هن ئاسته‌كێ به‌رهه‌مێ مه‌ ببت ژێرخانا مه‌یا هزرى ومه‌عریفى د گشت واره‌كێ دا و گرنگى دانا مه‌ ب شیانێ، زاتى یێن تاكێ كورد دێ هیڤیه‌كا مه‌زن ل ده‌ڤ مه‌ په‌یدا كت. ل دووماهیا گۆتارا خوه‌ مرۆڤێن ساخله‌م سیاسیه‌تێن ساخله‌م د به‌رهه‌م دئینن و مرۆڤێن نساخ و ژناڤچوویێ وه‌لاتێن نساخ ژناڤچوویێ به‌رهه‌م دئینن.

]]> https://rojnameyaevro.com/ku/%d9%88%d9%87%e2%80%8c%d8%b1%d8%a7%d8%b1%d8%a7-%d8%aa%d8%a7%d9%83%db%8e-%d9%83%d9%88%d8%b1%d8%af-%d8%af-%da%98%db%8c%d9%86%da%af%d9%87%e2%80%8c%d9%87%d8%a7-%d8%b3%db%8c%d8%a7%d8%b3%db%8c%d8%a7-%d8%aa/153960/feed/ 0