Rojnameya Evro » سیلاڤ بازێركی https://rojnameyaevro.com/ku Mon, 06 Jul 2026 22:57:16 +0000 ar hourly 1 https://wordpress.org/?v=4.0.38 هـاریكاری ئـەركـە یـان دلـۆڤـانییە؟ https://rojnameyaevro.com/ku/%d9%87%d9%80%d8%a7%d8%b1%db%8c%d9%83%d8%a7%d8%b1%db%8c-%d8%a6%d9%80%db%95%d8%b1%d9%83%d9%80%db%95-%db%8c%d9%80%d8%a7%d9%86-%d8%af%d9%84%d9%80%db%86%da%a4%d9%80%d8%a7%d9%86%db%8c%db%8c%db%95%d8%9f/265443/ https://rojnameyaevro.com/ku/%d9%87%d9%80%d8%a7%d8%b1%db%8c%d9%83%d8%a7%d8%b1%db%8c-%d8%a6%d9%80%db%95%d8%b1%d9%83%d9%80%db%95-%db%8c%d9%80%d8%a7%d9%86-%d8%af%d9%84%d9%80%db%86%da%a4%d9%80%d8%a7%d9%86%db%8c%db%8c%db%95%d8%9f/265443/#comments Mon, 06 Jul 2026 10:37:16 +0000 https://rojnameyaevro.com/ku/?p=265443 سـیلاڤ بـازێركـی

پەیڤا دلۆڤانی گەلەك گرنگترە ژ پەیڤا هاریكاری، چنكو ئەگەر كەسەك یێ دلۆڤان بیت چپێنەڤێت دێ ژ خوڕای هاریكاریێ ژی كەت لێ ئەگەر هاریكاری ئەرك بیت و وی كەسی دلۆڤانی نەبیت دبیت ئەو كەسە بێژیت «ما بۆچی ئەز» د ناڤ كۆمەكا گەنجان دا ڕاپرسییەك هاتەكرن ئەگەر كەسەك ل جهەكێ گشتی د ناڤ كۆمەكا خەلكی دا پێدڤی ب هاریكاریێ بیت و ئەگەر كەسەك ل جهەكی پێدڤی ب هاریكاریێ بیت كو بتنێ كەسەك ل وی جهی بیت دێ ل كیش جهی زووتر هاریكاری هەبیت پترییا كەسان گۆت ل وی جهێ كەسەك بتنێ لێ و د ڕاستییێ دا ژی د ناڤ كۆمەكا كەسان دا كەس زووی ب زووی خوە بەرپرسیار نابینیت هەر ئێك دێ بێژیت «ما بۆچی ئەز» بتنێ ئەو كەسە دێ د ناڤ كۆمەكا كەسان دا دیار بیت، ئەوێ دلۆڤانی و وژدانا وی ل ئاستەكێ بەرز دابن، لێ ل جهەكێ بتنێ كو بتنێ ئێك كەس یێ لێ هەیی، هاریكاریێ بكەت ئەگەر دلۆڤانی و وژدانا وی د ئاستەكێ بەرز ژی دا نەبن، چنكی ئەو بتنێ یێ ل جهێ هاریكاریێ دێ هاریكاریێ وەكی ئەركەك ل سەر ملێن خوە بینیت و ژ نەچاری دێ هاریكاریێ كەت، لێ هاریكارییەكا بێ دلۆڤانی! ژ لایێ قانوونێ ڤە هاریكاری نە ئەركە و چ سزا بۆ نەكرنا هاریكاریێ نینن لێ ژلایێ جڤاكی و مرۆڤایەتی ڤە هاریكاری ئەركە وەكی هاریكاریكرنا برای دگەل برای هەروەسا د ئاینێ مەیێ پیرۆزێ ئیسلامێ دا ئیمام موسلمی ژ پێغەمبەرێ مە (موحەممەد) ـ سلاڤ لێبن ـ ڤەگوهاستیە دەمێ دبێژیت:»خودێ هاریكارێ بەندەیێ خوە یە هندی ئەو بەندە هاریكارێ برایێ خوە بیت «لەوما ئەگەر هەتا ئەڤرۆكە ژی وژدان و دلۆڤانیا تە كار نە كربیت ژ ئەڤرۆ و وێڤە هەول بدە هەست ب وژدان و دلۆڤانیێ بكەی د ناڤ ناخێ خوە دا، داكو هەست ب ئارامییا دەروونی بكەی د ناڤ وێ كۆما كەسان دا دەمێ هەمی دبێژن «ما بۆچی ئەز» تو بێژە» ما بۆچی ئەز نە؟» ئەگەر تۆ بوویە خۆدان وژدان و دلۆڤانی دێ هەست ب بەرپرسیارەتیێ ژی كەی.

]]> https://rojnameyaevro.com/ku/%d9%87%d9%80%d8%a7%d8%b1%db%8c%d9%83%d8%a7%d8%b1%db%8c-%d8%a6%d9%80%db%95%d8%b1%d9%83%d9%80%db%95-%db%8c%d9%80%d8%a7%d9%86-%d8%af%d9%84%d9%80%db%86%da%a4%d9%80%d8%a7%d9%86%db%8c%db%8c%db%95%d8%9f/265443/feed/ 0 هاریكاری ئەركە یان دلۆڤانیە؟ https://rojnameyaevro.com/ku/%d9%87%d8%a7%d8%b1%db%8c%d9%83%d8%a7%d8%b1%db%8c-%d8%a6%db%95%d8%b1%d9%83%db%95-%db%8c%d8%a7%d9%86-%d8%af%d9%84%db%86%da%a4%d8%a7%d9%86%db%8c%db%95%d8%9f/265208/ https://rojnameyaevro.com/ku/%d9%87%d8%a7%d8%b1%db%8c%d9%83%d8%a7%d8%b1%db%8c-%d8%a6%db%95%d8%b1%d9%83%db%95-%db%8c%d8%a7%d9%86-%d8%af%d9%84%db%86%da%a4%d8%a7%d9%86%db%8c%db%95%d8%9f/265208/#comments Thu, 02 Jul 2026 11:15:17 +0000 https://rojnameyaevro.com/ku/?p=265208 سیلاڤ بازێركی

پەیڤا دلۆڤانی گەلەك گرنگترە ژ پەیڤا هاریكاری، چنكو هەكە كەسەك یێ دلۆڤان بیت، چ پێ نەڤێت دێ ژ خوڕای هاریكاریێ ژی كەت، لێ هەكە هاریكاری ئەرك بیت و وی كەسی دلۆڤانی نەبیت دبیت ئەو كەسە بێژیت (ما بۆچی ئەز؟) دناڤ كۆمەكا گەنجان دا ڕاپرسییەك هاتەكرن هەكە كەسەك ل جهەكێ گشتی د ناڤ كۆمەكا خەلكی دا پێدڤی ب هاریكاریێ بیت و هەكە كەسەك ل جهەكی پێدڤی ب هاریكاریێ بیت كۆ بتنێ كەسەك ل وی جهی بیت دێ ل كیژ جهی زووتر هاریكاری هەبیت؟ پترییا كەسان گۆت: ل وی جهێ كەسەك بتنێ لێ و دڕاستییێ دا ژی د ناڤ كۆمەكا كەسان دا كەس زوو ب زوو خوە بەرپرسیار نابینیت هەر ئێك دێ بێژیت (ما بۆچی ئەز؟) بتنێ ئەو كەسە دێ دناڤ كومەكا كەسان دا دیار بیت ئەوێ دلۆڤانی و وژدانا وی ل ئاستەكێ بەرز دابن، لێ ل جهەكێ بتنێ كۆ بتنێ ئێك كەس یێ لێ هەی هاریكاریێ بكەت هەكە دلۆڤانی و وژدانا وی د ئاستەكێ بەرز ژی دا نەبن  چونكی ئەو بتنێ یێ ل جهێ هاریكاریێ دێ هاریكاریێ وەكی ئەركەك ل سەر ملێن خوە بینیت و ژ نەچاری دێ هاریكاریێ كەت، لێ هاریكارییەكا بێ دلۆڤانی  ژلایێ یاسایێ ڤە هاریكاری نە ئەركە و چ سزا بۆ نەكرنا هاریكاریێ نینن لێ ژلایێ جڤاكی و مرۆڤایەتی ڤە هاریكاری ئەركە وەكی هاریكاریكرنا برای دگەل برای، هەروەسا د ئاینێ مە یێ پیرووزێ ئیسلامێ دا ئیمام موسلمی ژ پێغەمبەرێ مە (موحەممەد) سلاڤ لێ بن ڤەگوهاستیە دەمێ دبێژیت: خودێ هاریكارێ بەندە یێ خوە یە هندی ئەو بەندە هاریكارێ برایێ خوە بیت، لەوما هەكە هەتا ئەڤرۆكە ژی وژدان و دلۆڤانیا تە كار نە كربیت ژ ئەڤرۆ و  وێڤە هەولبدە هەست ب وژدان و دلۆڤانیێ بكەی د ناڤ ناخێ خوە دا، داكو هەست ب ئارامییا دەروونی بكەی دناڤ وێ كۆما كەسان دا دەمێ هەموو دبێژن (ما بوچی ئەز؟) تۆ بێژە(ما بوچی ئەز نە؟) هەكە تۆ بوویە خودان وژدان و دلۆڤانی دێ هەست ب بەرپرسیارەتیێ ژی كەی.

]]> https://rojnameyaevro.com/ku/%d9%87%d8%a7%d8%b1%db%8c%d9%83%d8%a7%d8%b1%db%8c-%d8%a6%db%95%d8%b1%d9%83%db%95-%db%8c%d8%a7%d9%86-%d8%af%d9%84%db%86%da%a4%d8%a7%d9%86%db%8c%db%95%d8%9f/265208/feed/ 0 باشیا سـەربخۆ سـەرێ خۆدانـی دخـۆت! https://rojnameyaevro.com/ku/%d8%a8%d8%a7%d8%b4%db%8c%d8%a7-%d8%b3%d9%80%db%95%d8%b1%d8%a8%d8%ae%db%86-%d8%b3%d9%80%db%95%d8%b1%db%8e-%d8%ae%db%86%d8%af%d8%a7%d9%86%d9%80%db%8c-%d8%af%d8%ae%d9%80%db%86%d8%aa/262928/ https://rojnameyaevro.com/ku/%d8%a8%d8%a7%d8%b4%db%8c%d8%a7-%d8%b3%d9%80%db%95%d8%b1%d8%a8%d8%ae%db%86-%d8%b3%d9%80%db%95%d8%b1%db%8e-%d8%ae%db%86%d8%af%d8%a7%d9%86%d9%80%db%8c-%d8%af%d8%ae%d9%80%db%86%d8%aa/262928/#comments Mon, 18 May 2026 08:33:28 +0000 https://rojnameyaevro.com/ku/?p=262928 سیلاڤ بازێركی

جاران د گۆتن قەنجیێ بكە و د ئاڤێ دا بەردە دێ گەهیتە جهێ خوە لێ نهو قەنجیێ بكە پێدڤییە بو سزایێ قەنجیێ ژی یێ ئامادەبی! بەری چەند ڕۆژان پارچە ڤیدیۆیەكێ ب تەمامی ئەز مەندەهۆشكرم، د پارچە ڤیدیۆیێ دا ل ئێك ژ وەلاتێن بیانی زاڕۆكێ ژنەكێ ژ پەنجەرا ژۆرێ كەفتە خوارێ و دەملدەست زەلامەكی ئەو زاڕۆكە ڤەگرت و نەهێلا ب ئەردی بكەڤیت، لێ ژ ئەگەرێ ڤەگرتنا زەلامی یا توند زاڕوك تووشی هندەك ئاریشەیێن جەستەی بوو و دایكا زاڕۆكی سكالا ل سەر زەلامی تۆماركر ژ بەر كو زاڕۆكێ وێ ب شێوەیەكێ دروست نەڤەگرتیە!.
ئەڤجا ئەڤ كورتە ڤیدیۆیە چ ژ چیرۆكەكا ڕاستی دروست ببیت یان نە ئاماژەیەكا سۆڕ و سۆڕە بۆ ڕاستیا جڤاكێ ئەڤرۆ یێ جیهانێ ب گشتی! ب هیچ ڕەنگەكی نابیت مرۆڤ یێ چاڤەرێی پاداشتێ قەجیا خوە بیت بەلكو یێ سوپاسداربە ئەو قەنجیە بۆ تە ب خرابی نەزڤریت! بتنێ ژ بۆ ئارامكرنا دلێ خوە و ئەركێ خوە یێ مرۆڤایەتی و ڕەوشتێ خوە قەنجیێ بكە و هەتا ئەگەر ل ڤێ جیهانێ تو پەیڤەكا سوپاسیێ ژی بەرانبەر قەنجیا خوە گوهلێ نەبی باشیا تەیا سەر بخۆ دێ ڕەوشتێ كەسێن دەوڕووبەری تە بۆ تە دەتە دیاركرن، د ئایینێ مە یێ پیرۆزێ ئیسلامێ دا گەلەك فەرموودە دەربارەی ڤی بابەتی ژ پێخەمبەرێ خۆشتڤی»موحەمەدی»سلاڤ لێبن هاتینە ڤەگوهاستن د پەرتووكا «المعجم الكبیر _ فەرهەنگا مەزن» ژ لایێ ئیمام «تەبەرانی» ڤە هاتیە نڤیسین و هەر دیسا د پەرتووكا «مسند الإمام» ژلایێ ئیمام «ئەحمەدی» ڤە هاتیە نڤیسین كو دو ژ ژێدەرێن گرنگن بۆ فەرموودەیا «پێغەمبەری» سلاڤ لێبن دەمێ دبێژیت: (پەیوەندیێن خوە ل گەل وان كەسان موكوم بكەن یێن پەیوەندیێن خوە دگەل هەوە دا برین و ب لێبۆرین بن ل گەل وان كەسێن ستەم ل هەوە كری) لێبۆرین بەرانبەر ستەمێ و چاككرنا پەیوەندیەكا مڕۆڤایەتی یا هاتیە بڕین سینگەكێ بەرفرەه و دلەكێ مەزن دڤێت و گوهدانا فەرمۆدەیێن پێغەمبەری و دوویڤچوونا وان خێرەكا مەزنە و فێركرنا ڕەوشتەكێ بەرز و بلندە و مە گەلەك ب جوانی فێری باشیا سەربەخۆ دكەت، لێ د هەمان دەم دا پێدڤییە بزانیین هەمی لێبۆرین ڕامانا سەرژنوی دروستكرنا پەیوەندیان نادەن هندەك جاران ئەم ژبەر ڕەوشتێ خوە خۆدان هەلوەستێ لێبۆرینێنە هەتا وی ڕاددەی بێی كو ئەو لێبۆرینێ ژ مە بخوازن ئەم د ناخێ خوە دا یێن لێبۆرین؛ لێ ژ بۆ دوبارە دروستكرنا پەیوەندیەكا هاتیە برین پێدڤیە تو ژی ژ گوهۆرینا ڕەوشتێ وان یێ بەرێ پشتراست ببی و ل گەل هەلوەستێ خوە یێ لێبۆرینێ بها و كەڕامەتا خوە بەرز ڕابگری و ئێدی دەوروبەرێن خوە بنیاسی هەروەكی د ناڤ مە كوردان دا مەزنان گەلەك ب جوانی یا گۆتی:(هەتا تو مستەكا خوێ ل گەل هەڤالێ خوە نەخۆی تو نانیاسی) ئانكو هندی تە هەڤال هەبن ئەگەر تو نەكەفتبیە بەرتەنگیەكێ پشتڕاستبە تو وان نانیاسی.

]]> https://rojnameyaevro.com/ku/%d8%a8%d8%a7%d8%b4%db%8c%d8%a7-%d8%b3%d9%80%db%95%d8%b1%d8%a8%d8%ae%db%86-%d8%b3%d9%80%db%95%d8%b1%db%8e-%d8%ae%db%86%d8%af%d8%a7%d9%86%d9%80%db%8c-%d8%af%d8%ae%d9%80%db%86%d8%aa/262928/feed/ 0 ترێند https://rojnameyaevro.com/ku/%d8%aa%d8%b1%db%8e%d9%86%d8%af-3/262805/ https://rojnameyaevro.com/ku/%d8%aa%d8%b1%db%8e%d9%86%d8%af-3/262805/#comments Sat, 16 May 2026 21:56:29 +0000 https://rojnameyaevro.com/ku/?p=262805 سیلاڤ بازێركی

ئەڤرۆ جڤاك پتر ژیا پێدڤی گرنگیێ ب ترێندان ددەت ئەڤجا چ ترێندێن مۆزیك و سترانان بن، یان خوارن و شریناهی بن، یان جۆرە سەمایەك بیت، ئێكا هند ژمە چێدكەت د هەر بابەتەكی دا چاڤ گرتی ببینە كۆپیەك ژ ڕەفتارا وان كەسێن بەری مە ترێند ئەنجام داین، هەتا وی ڕاددەی دێ بینی پەرتووكەك ژی یا دبیتە ترێند، لێ چونكی ترێندە ماوەیەكێ كورت دێ زۆر بەرنیاس بیت و ب شێوەیەكێ بەردەوام دێ دەستخۆشی ل نڤیسەری هێتەكرن، لێ بۆ ماوەیەكێ درێژ پەرتووك ناژیت، دبیت كەسەكێ‌ نە خواندەڤانێ پەرتووكا بیت لێ چنكو پەرتووكێ ریكلامەكا باش یا بۆ هاتیەكرن ژ لایێ كەسێن بەرنیاس ڤە دبیت ئەڤ كەسە كەسێن بێ بنەما بن د ناڤ جڤاكی دا و چ ژ خواندنا پەرتووكان نەزانن، بتنێ كارێ وان چێكرنا ریكلامایە و ئەم وەكی خەلك بەرهەمی دكڕین نە ل دووف كوالێتیا بەرهەمی بەلكو ل دووف كوالێتیا ریكلاما بەرهەمی، ئەڤجا ب ئەگەرێ ریكلامەكا باش یان چاڤلێكرنێ دناڤ خەلكی دا پەرتووك دێ بیتە ترێند تۆ ژی یی ئامادەی وێ پەرتووكێ بكڕی بۆ گرتنا چەند وێنەیەكان دا خەلك بزانن تە ژی ئەڤ پەرتووكە یا هەی، پاشی دێ توز د دولابێ دا پەرتووكێ گریت، بێی كو كەسەكی كورتیەك یان بوچوونەك یان ڕەخنەیەك ل سەر ناڤەرۆكا پەرتووكێ دابیت.
ئەڤجا تۆ یێ نڤیسەر ل جهێ ڕیكلامێ بۆ بەرهەمێ خوە بكەی داكو پتر بەرنیاس ببیت، بهێلە خواندەڤان بڕیارێ بدەت ب دیتنا ناڤ و بەرگێ پەرتووكێ دێ گەلەك دەست خۆشیا بۆتە ئینیت، لێ هەكە خواندەڤانەكی ب دروستی خواند كورتی و بوچوون و ڕەخنێن وی/ێ دێ تە گەلەك زەنگینتر لێكەن، ئەڤجا هنگی ژ بەرهەمێ خوە بترسە هەكە بتنێ دەستخۆشی بۆ تە هاتن و بزانە خواندەڤان ب دروستی نە كەفتیە بەر خواندنێ.

]]> https://rojnameyaevro.com/ku/%d8%aa%d8%b1%db%8e%d9%86%d8%af-3/262805/feed/ 0 ئـەوا تـو ژ من فێربـووی نـەفـرۆشە من https://rojnameyaevro.com/ku/%d8%a6%d9%80%db%95%d9%88%d8%a7-%d8%aa%d9%80%d9%88-%da%98-%d9%85%d9%86-%d9%81%db%8e%d8%b1%d8%a8%d9%80%d9%88%d9%88%db%8c-%d9%86%d9%80%db%95%d9%81%d9%80%d8%b1%db%86%d8%b4%db%95-%d9%85%d9%86/258558/ https://rojnameyaevro.com/ku/%d8%a6%d9%80%db%95%d9%88%d8%a7-%d8%aa%d9%80%d9%88-%da%98-%d9%85%d9%86-%d9%81%db%8e%d8%b1%d8%a8%d9%80%d9%88%d9%88%db%8c-%d9%86%d9%80%db%95%d9%81%d9%80%d8%b1%db%86%d8%b4%db%95-%d9%85%d9%86/258558/#comments Tue, 10 Feb 2026 09:40:41 +0000 https://rojnameyaevro.com/ku/?p=258558 سیلاڤ بازێركی

گەلەك جاران مە یا دیتی و گوهلێ بووی دەمێ كەسەك قەنجیێ ل گەل كەسەكی دكەت یان ڕێیەك نیشادابا یان دەرگەهێ خوە لێ ڤەكربا ب هەمی شێوازان جوان دا سوپاسییا وی كەت هەتا وی ڕاددەی دا بێژیتێ:“ قەنجیا تە چ جاران ژبیر ناكەم” لێ پشكەك ژ تاكەسێن جڤاكێ، ڕەوشتەكێ سەیر یێ هەی دێ بینی پێدڤی ب هاریكاریێنە و تو دێ ب دل و سینگەكێ بەرفرەهە دەستێ هاریكاریێ بوو درێژكەی؛ هەتا وی ڕاددەی تو یێ ئامادەی پاریێ دەڤێ زاڕۆیێ خوە بدەیێ؛ لێ هەر ئەڤ كەسە دێ تە ب خشیم ل قەلەمدەت! چنكو تە گەلەك ب هووری هاریكاریا وی كر و پشتی ژ ڕەوشا خوە یا بەرتەنگ خلاس دبیت هەر تە نا نیاسیت! هاریكاری منەت نینە لێ ژبیركرنا هاریكاریێ ژ كێم ڕەوشتیا تەیە.
لێ یا سەیرتر ئەوە دەمێ قوتابی كار و بەرهەمێ خوە ب سەر مامۆستایێن خوە دكەتە منەت و هەتا ل سەر دایك وبابێن خوە ژی دكەتە منەت! ئەرێ ئەڤە ژ پەوەردەیا شاش یا وان مامۆستا و دایك و بابایە یان ژ كێم ڕەوشتیا وییە؟ هەردەما تە دیت كەسەك كارێ خوە یان پارێ خوە ل سەر بابێ خوە دكەتە منەت هینگی بزانە ئەڤ كەسە بكەڤیتە چەند ڕەوشەكا دژوار دا نەیێ ژ هەژیە تو دەستێ هاریكاریێ بۆ درێژ بكەی
ل سەردەمێ “ئیمام شافعی” (٧٦٧ز_٨٢٠ز) ئیمام شافعی مامۆستایەكێ ناڤدار و نموونە بوو بتنێ قوتابی فێری زانستی نە دكرن، بەلكو فێری ڕەوشتی ژی دكرن ئانكو ب زانستی فێردكرن ب ڕەوشتی مەزن دكرن، ئەڤجا ئیمام شافعی قوتابیەكێ گەلەكێ زیرەك هەبوو هەموو وانەیێن زانستی و ڕەوشتی ژ ئیمام شافعی فێرببوو؛ ساڵ هاتن و چوون قوتابیێ ئیمام شافعی بوو مامۆستایەكێ ناڤدار ل دەڤەرێ و هێدی هێدی ڕەفتار و ڕەوشتێ وی هاتە گوهۆرین، لێ ژبەر زیرەكییا وی خەلكی ژ هەمی جهان قەست دكرێ، لێ ل دەمێ كەسەكی پرسیار ژێ كربا توو ژ كێ فێری ئەڤان وانەیان بوویە؟ كی مامۆستایێ تە بوو؟ ئەوی ناڤێ ئیمام شافعی نە د ئینا و هەروەكی ئەو ب خوە یێ گەهشتیە ڤی ئاستی بێی هیچ مامۆستایەك! دەمێ ئیمام شافعی ئەڤ چەندە زانی گەلەك ب ئارامی گۆت: (كرێتترین بێ ڕەوشتی ئەوە كەسەك تشتەكی ژ تە فێر ببیت و پاشی بكەتە منەت ل سەر تە) و پاشی هەر ئیمام شافعی گۆت: (ئەو كەسێ سوپاسیا وی نەكەت یێ ژێ فێر بووی سوپاسیا خوودێ ژی ناكەت).
بۆ زانینن ئەڤ سەرهاتیە د چ پەرتووكێن مێژووی دا نە هاتییە نڤیسین لێ هەر ژ كەڤن وەرە هەتا نوكە ئەڤ چیرۆكە د ناڤ زانایان دا یا بەربەلاڤە دەربارەی ڕەوشتێ قوتابیان، ئەڤجا ئەڤ چیرۆكە چ ڕاست بیت یان نە پەیاما سەرەكی د ڤێرێ دا ئەوە كو مامۆستا قوتابی فێری زانست و ڕەوشتی دكەت چ منەتان لێ ناكەت؛

]]> https://rojnameyaevro.com/ku/%d8%a6%d9%80%db%95%d9%88%d8%a7-%d8%aa%d9%80%d9%88-%da%98-%d9%85%d9%86-%d9%81%db%8e%d8%b1%d8%a8%d9%80%d9%88%d9%88%db%8c-%d9%86%d9%80%db%95%d9%81%d9%80%d8%b1%db%86%d8%b4%db%95-%d9%85%d9%86/258558/feed/ 0 داڕیژە https://rojnameyaevro.com/ku/%d8%af%d8%a7%da%95%db%8c%da%98%db%95/258322/ https://rojnameyaevro.com/ku/%d8%af%d8%a7%da%95%db%8c%da%98%db%95/258322/#comments Sat, 07 Feb 2026 21:35:24 +0000 https://rojnameyaevro.com/ku/?p=258322 سیلاڤ بازێركی

لڤێ‌ دووماهیێ‌ جۆرە ڤیدیۆیەك ل قوتابخانەیان یا بوویە تڕێند، ماموستا دێ داخوازێ ژ دایك و بابێن قوتابییان كەت د پارچە ڤیدیۆیەكی دا هەستێ خوە بەرامبەر زاڕوكێ خوە دەرببڕن، زاڕۆك و ماموستا ب گوهلێ بوونا هەستێ ڕاستەقینە یێ دایك و بابان زۆر كاریگەر دبوون هەتا وی ڕاددەی جاران ڕۆندك خوە د چاڤێ وان دا نە دگرت،چونكو ڤیانا دایك و باب و جەگەرا وان پاقژترین و ب وەفادارترین ڤیانە، ڤیانەكا خوینێ و ڕوحی یە، ڤیانەكا بێی بەرژەوەندیە، ئەرێ ما ئەڤ ڤیانە نەیا ژ هەژی یە ڕۆندك بۆ بهێنە ڕێژتن؟
هەكە ل گەل هەر دل گرانیەكا ب هەر ئەگەرەكئ هەی دناڤبەرا ژن و مێران دا یان د ناڤبەرا خۆشكۆ برایان دا یان هەڤالان دا لایەك دەستبەرداری توڕەییا خوە بیت هەتا هەكە یێ دروست بیت ژی ئەو كەسە چەند خودان سینگەكێ بەر فرەهە یێ بشێت ل سەر كەرب و توڕەییا خوە زال بیت و چ بڕیاران ل دەمێ توڕەیێ نە دەت و دووماهیا ژیێ خوە ل نێزیك ببینیت هەر وەكی(عەلیێ كوڕێ ئەبو تالبی) دبێژیت: بۆ دونیا خوە وەسا بكە هەر وەكی چ جاران نامری و بۆ ئاخرەتا خوە وسا بكە هەر وەكی سوباهی دێ مری، ئەڤجا مادەم هەر دێ ژ ئەڤێ جیهانێ بار كەین سلبوون و دلگرانییا ل گەل كەسێن دیت چ مفا هەیە؟ ڕابە و هەستێ خوە بۆ بەرامبەری خوە ب داڕێژە بلا ڕۆندكێن ڤیانەكا پاقژ بهێنە ڕێتن نەكو ڕۆندكێن ل سەر لێڤا كێلیا گۆڕی، مادەم ئەم ئێك خوین ومللەتین ئەم هەر ئێك كەسین و نابینە دوو.
هەتا پێغەمبەرێ مە(موحەمەد) ی سلاڤ لێبن دەربارەی ئەڤی بابەتی گۆتییە: ل دەمێ دو كەس ژ ئێك و دو دلگران دبن یێ ژ هەموویان باشتر ئەوە یێ ل دەستپێكێ ل گەل یێ دی باخڤیت (ئیمام بوخاری و ئیمامموسلم) ڤەگۆهاستیە، لێ ل ئەڤی سەردەمی ب تەمامی بەرۆڤاژی فەرمودەیا پێغەمبەری هزر دكەن دبیت دو كەسان ڤیانا ئاشبوونی هەبیت، لێ هەر ئێك هزر دكەت هەكە ئەو ل دەستپێكێ هەستێ خوە ب داڕێژیت دێ ب سڤكاتی هێتە دیتن، ئەڤجا ئەڤ تێگەهە و هزار تێگەهێن دی بووینە ژەنگ ل سەر جڤاكی.

]]> https://rojnameyaevro.com/ku/%d8%af%d8%a7%da%95%db%8c%da%98%db%95/258322/feed/ 0 خـانی یـان مـال؟ https://rojnameyaevro.com/ku/%d8%ae%d9%80%d8%a7%d9%86%db%8c-%db%8c%d9%80%d8%a7%d9%86-%d9%85%d9%80%d8%a7%d9%84%d8%9f/257656/ https://rojnameyaevro.com/ku/%d8%ae%d9%80%d8%a7%d9%86%db%8c-%db%8c%d9%80%d8%a7%d9%86-%d9%85%d9%80%d8%a7%d9%84%d8%9f/257656/#comments Sun, 11 Jan 2026 09:04:19 +0000 https://rojnameyaevro.com/ku/?p=257656 سیلاڤ بازێركی

د كوردەواریێ دا ئاخافتنەكا گەلەكا جوان یا هەی هەر دەمێ كەسەك قەنجیێ ل گەل كەسەكی بكەت ل جهێ پەیڤا”سوپاس” یان “دەست خوەش”دێ بێژیت”مالا تە ئاڤا” ئەرێ بوچی نابێژیت “خانیێ تە ئاڤا”؟ چونكی د ناڤبەرا پەیڤا مال و خانی دا جوداهیەكا زۆر یا هەی، د ژیانێ دا دبیت ئارمانجا پترییا مە ئاڤاكرن و بدەستڤەئینانا خانیەكێ جوان و خۆش و ب ڕێك و پێك بیت، لێ دبینم گەلەك كەسان خانیێن ب ڤی شێوەی ئاڤاكرینە و جوانترین كەلوپەل تێدا بكارئیناینە لێ مالەكا ئاڤا د ناڤا وی خانیدانینە! كورد دبێژن مال ب مێڤانا یا ئاڤایە لێ د نهو دا هندەك مال یێن هەین هەتا ب ئەندامێن خێزانا خوە د ئاڤا نین! هەر ئەندامەكێ خێزانێ دێ ل قولاچكا ژۆرا خوە ل گەل مۆبایلا خوە ڕووینیت هەتا دەمێ خوارن و ڤەخوارنا هەمی ئەندامێن خێزانێ ژی دگەل ئێك نینە، دبیت مە هەموویان ژ باب و باپیرێن خوە گوهلێ ببیت ل دەمێ ژیانا گوندان كێم ڕۆژ هەبوون پێشمەرگە یان رێڤینگەك ل مالێ نە ببا مێهڤان خودانێ مالێ ژی ب سینگەكێ بەرفرهە دێ پێشوازییا مێهڤانی كەت هەتا ئەگەر ب نانەكا ب ترسی ژی با ئەرێ د نهوو دا كی ژمە یێ بەرهەڤە ڕێڤینگەكی ل مالا خوە بحەوینیت سەرەڕای هندێ كۆ مە ژوورێن ڤالا ژی هەنە ئاخفتنا ژنەكا بیانی یا دانعەمر سەرنجا من ڕاكێشا دەمێ دگۆت: ئەگەر تەمەن زڤریبا ڤە دا خووشیێ ب هەمی وی تشتی بەم یێ من هەی ئانكو ل سەر وان قەنەپێت بها گران دا ڕوینم د ئەوان قازان و سێنێن جوان دا، دا خوارنێ لێنم و خۆم چەندا سەیرە دایكەك د خانیێ خوە ڤە ڕێكێ نەدەت زاڕوك ب ئازادی یاریان بكەت یان هەتا وی ڕاددەی خانی و ناڤمالیا وێ یا بوو گرنگە هەتا ب هاتنا مێهڤانا یا دلخوەش نینە اها د ئەڤێ ڕەوشێ دا خانیێ هەی بەلێ مال نینە، خانی پارچەیەكا ئەردی و دیوار و بانە بەلێ پا“ مال دیوار و دیكۆر نینن مال دەنگێ دایكوبابێن تەیە گرنژین و دەنگێ یاریێن زاڕۆكێن تەیە”یا ب ساناهیە تو خانیەكی ئاڤا بكەی ڕێك یا دیارە، لێ یا ب ساناهی نینە تو مالەكێ ئاڤاكەی چنكو مال پێدڤی ب ستووینێن بهێز هەیە پێدڤی ب دایكوبابێن خۆراگر و خوە گۆری كەر هەیە، چ جاران خوەزیا ب كۆچك و خانی و دیكۆرێن ژیانا چ كەسان نە خوازە چنكو تو نزانی د ناڤا وان خانیان دا مالەكا چاوا هەیە هندی تو خانیێ نوی و سەردەم ئاڤا بكەی و هندی تو باوەرنامەیان ب دەستخوەڤە بینی و هندی گەشتان بكەی تو بەختەوەر نابی هەتا تە مالەكا ئارام نەبیت ئەگەر تە خێزان نەبیت تو ژی نینی ئەگەر تو هەبی ژی دێ ب هەبوونەكا پشت شكەستی هەبی! مالا تە پشتا تەیە و هێزا تەیە، دێ چەند پەروەردەیەكا بهێز بیت ئەگەر دایك باب بێژنە كچ و كۆرێن خوە: ئەگەر دلێ هەوە شكەست بزڤرنە مال ئەگەر هەوە هەست ب تنێبوونێ كر، بزڤرنە مال ئەگەر هەوە هەست ب ماندیبوونێ كر بزڤرنە مال ل هەر جهەكێ هوون ئاسێ بوون بزڤرنە مال … بزڤرنە مال ڕامان ئەو نینە دەستا ژ وێ ڕێكا توو چوویێ بەردەی بزڤرنە مال داكو هێزا خوە نویژەن بكەن دا بزانن هەوە هێز و پشت تێرا بارگرانیا ژیانێ یا هەی، بزڤرنە مال ڕامانا نازداركرنا كچ و كوڕ نادەت چونكی نازداركرن و پشتەڤانی دو تشتێن ژێكجودانە، چەندا بێ خۆدان و شكەستیە ئەو كچا مالا وێ دەرگەهێ خوە لێ گرتی و ب دلەكێ سار و شكەستی ل دەڤ هەڤژینێ خوە دژیت ئێدی هەر بایەكێ ژیانێ دشێت وێ كچێ بهەڕفینیت یان بهێزتر بكەت! چونكی هندەك كەس خوە ڕادەستی نەخۆشیان دكەن و هندەك كەس ژی ب نە خۆشیان بهێز دكەڤن، ئەڤجا بڕیار د دەستێ مەدایە ئەگەر تو دایكەكا بێ هێز و ناخ هەڕفتی بی دێ زارۆیێت تە د چاوا بن، لەوما پترییا دایكان ژ بۆ خاترا زاڕۆكێن خوە بهێز مینە و خوە ل بەر هەر بارگرانیەكا ژیانێ گرتیە دایكە ستوونا ب هێزا مالێ.

]]> https://rojnameyaevro.com/ku/%d8%ae%d9%80%d8%a7%d9%86%db%8c-%db%8c%d9%80%d8%a7%d9%86-%d9%85%d9%80%d8%a7%d9%84%d8%9f/257656/feed/ 0 بارسڤكکرنا سەقەت https://rojnameyaevro.com/ku/%d8%a8%d8%a7%d8%b1%d8%b3%da%a4%d9%83%da%a9%d8%b1%d9%86%d8%a7-%d8%b3%db%95%d9%82%db%95%d8%aa/257535/ https://rojnameyaevro.com/ku/%d8%a8%d8%a7%d8%b1%d8%b3%da%a4%d9%83%da%a9%d8%b1%d9%86%d8%a7-%d8%b3%db%95%d9%82%db%95%d8%aa/257535/#comments Thu, 08 Jan 2026 07:40:14 +0000 https://rojnameyaevro.com/ku/?p=257535 سیلاڤ بازێركی

زیرەكییا چێكری د نهۆ دا گەلەك ژ بارێ قوتابی و مامۆستا فەرمانبەر و هەموو كەسان یێ سڤككری، لێ بارسڤكرنەكا سەقەت ! ڕاستە بەرسڤا هەر پرسیارەكێ ل بەر دەستێ مەیە، لێ كانێ ڕۆلێ مێشكێ مە؟ كانێ یە هزر و بۆچوونێن مە؟ كانێ یە كارێ دەستێن مە، دبینم تایبەت د ناڤ تەخا گەنجان دا ب تەمامی مافێ هزر و بۆچوونێتن خوە یێن ڕادەستی زیرەكیا چێكری كرین ! تشتێ دبیتە كارەسات بوو سالێن بهێن ئەوە دەمێ قوتابیێ زانكۆیێ بەرسڤا هەموو پرسیارێن مامۆستایێ خوە یان هەتا ڤەكۆلینا خوە یا دەرچوونێ ژی ژ زیرەكیا چێكری ب دەستڤە دئینیت! هەكە مامۆستا پرسیارا بەرسڤ و ڤەكۆلینا وی بكەت هەر نوزانیت ب دروستی ئەو بەرسڤا زیرەكیا چێكری دایێ دەربارەی چییە! پێدڤیە د ناڤ جڤاكێ دا ب تایبەت قوتابیان بكارئینانا چێكری یا سنووردار بیت ژلایێ جهێن شۆلەژێ، لێ كانێ ئەو جهێن شۆلەژێ؟ ئەرێ زیرەكیا چێكری پتر جهێ مفاییە یان جهێ زیانێ یە؟ هەلبەت بۆ وی كەسی جهێ مفاییە یێ بزانیت بكاربینیت و خوە ڕادەستی زیرەكییا چێكری نەكەت د هەر بابەتەكی دا پەنایێ بۆ زیرەكییا چێكری نەبەت و بكەتە پشكەك ژ ژیانا خوە یا ڕۆتینی، ئەڤە بتنێ ژ لایێ نڤیسین و بەرسڤا پرسیاران ڤە بۆ ژلایێ دروستكرنا وێنەیان ڤە زیان و مەترسیێن مەزنتر ل پێشییا مە هەنە كاریگەرییا فلتەڕێن “Snapchat” بەرانبەر دروستكرنا وێنەیان ب زیرەكیا چێكری ”Ai”زوڕ یا بچووكە هەتا وی ڕاددەی زیرەكییا چێكری بكاردئینن ژبۆ دروستكرنا وێنەیێ خوە یێ تایبەت ئەوی وێنەی ژبۆ ناساندنا خوە د تۆرێن خوە یێن جڤاكی دا بكاردئینن وێنەیەكێ هۆسا هەروەكی چەندین نشتەرگەریێن جوانكاریێ ئەنجامداین دبیت وێنەیەكێ جوان بیت، لێ ل دەمێ تو خوە د قۆدیكێ دا دبینی و وی وێنەی دا ئێدی دێ بەڕاوردییا جوانیا خوە یا سروشتی ل گەل جوانیا دەستكرد كەی! تایبەت ژلایێ كچان ڤە دبیت كار بگەهیتە وی ڕاددەی پەنایێ ژبۆ نشتەگەریێن جوانكاریێ ببەت و هەكە د شیان دا نەبیت ژی تێچوویێن نشتەگەریێ بدەت دێ‌ ژلایێ دەڕوونی ڤە تووشی تێكچوونان بیت هەتا ئێدی ب سروشتێ خوە یا رازی نابیت، ژبلی هندێ كو دشێت گەلەك ب جوانی وێنەیێ تە دگەل وێنەیێ كەسەكێ دی بلڤین بێخیت یان هەر ڕەفتار و جه و وێنەیێ تە بڤێت تێدا بكاربینی، ئەرێ ئەڤە هەتا چ ڕاددە ل گەل جڤاكا مە د گونجیت؟ ڕاستە گەلەك مفایێن خوە ژی یێن هەیین، لێ ب زیان و مفا ڤە نهۆ یا د ناڤ هەر مالەكێ دا هەی و ل بەردەستێ هەر تەخەك و هەر تاكە كەسەكێ ڤێ جڤاكێ دا هەیە.

]]> https://rojnameyaevro.com/ku/%d8%a8%d8%a7%d8%b1%d8%b3%da%a4%d9%83%da%a9%d8%b1%d9%86%d8%a7-%d8%b3%db%95%d9%82%db%95%d8%aa/257535/feed/ 0 زاڕۆك و هزر https://rojnameyaevro.com/ku/%d8%b2%d8%a7%da%95%db%86%d9%83-%d9%88-%d9%87%d8%b2%d8%b1/255038/ https://rojnameyaevro.com/ku/%d8%b2%d8%a7%da%95%db%86%d9%83-%d9%88-%d9%87%d8%b2%d8%b1/255038/#comments Mon, 03 Nov 2025 21:07:03 +0000 https://rojnameyaevro.com/ku/?p=255038 سیلاڤ بازێركی

پترییا سەمیانێن زاڕۆكان بۆ ڕازیكرنا زاڕۆكی ب ڕێیەكا ئێكسەر و ب ساناهی پەنایێ دبەنە بەر دڕەو كرنێ، بۆ نموونە ل جهێ بێژیتە زاڕۆكی دێ تە بەمە نەخۆشخانێ دێ بێژیتێ دێ تە بەمە جهێ یارییان، دبیت ئەڤە گەلەك یا نۆرمال بیت ل دەڤ مە و ب چاڤەكێ سڤك تەماشە بكەینی، لێ د ڕاستی دا درەو هەر درەوە تۆ دگەل مەزنان یان زاڕۆكان درەوێ بكەی هەر دێ بیتە ئەگەرێ شكاندنا ئەوێ ستوینا باوەریێ، ب دیتنا من درەوكرن دگەل زاڕۆكێ خوە كاریگەرییا وێ خرابترە دگەل درەوكرنێ دگەل مەزنان تۆ دێ چەند دایكەكا شكەستی ئەگەر ئەو زاڕۆكێ ژ خوینا تە باوەری بتە نەبیت! ئەرێ تۆ كەسایەتییا وی زاڕۆكی چاوا ئاڤادكەی ئەگەر هەر ژ دەستپێكا ژیانا وی تە ئەو فێری درەوان كر؟
ل جهێ ڕازیكرنا زاڕۆكی ب ڕێكەكا ێكسەر ب درەوكرنێ هوون وەك دایك و بابێن ڕەوشەنبیر هەر تشتەكی ب جوانی بۆ زاڕۆكێ خوە شلۆڤە بكەن دبیت پرسیاریێن زاڕۆكی تە ماندی بكەن، لێ تۆ یێ كەسایەتیا زاڕۆكی ئاڤا دكەی و وی فێری شێوازێ ئاخفتن و دەربرینێ دكەی و ب ڕاستیژی پرسیارێن زاڕۆكان ژێدەرێ فەلسەفێ نە!
زانەیەك دبێژیت: هەكە تۆ نە شیای بابەتەكی ب تەمامی بۆ زاڕۆكەكێ پێنج سالی شلۆڤەبكەی باش بزانە ل وی دەمی تۆ ب خوە د وی بابەتی نە گەهشتیە!
دبیت گەلەك دایك و باب بێژن ئەم چ جاران درەوێ دگەل زاڕۆكێن خوە ناكەین، لێ هەر زاڕۆكێ مە درەوان دكەت چەندین پسپۆرێن بۆارێ پەروەردەكرنا زاڕۆكان ل دۆر ئەڤێ چەندێ دبێژن زاڕۆك ل ژیێ ٣_٥ سالیێ نەشێت جووداهیێ د ناڤبەرا خەیالا هزرێن خوە و ڕاستیێ دا بكەت، لەوما دێ بینی گەلەك جاران زاڕۆك ئاخفتنێن خەیالی د بێژیت ئەڤ چەندە ب هیچ رەنگەكی تا تەمەنێ پێنج سالیێ نابیتە درەو چونكی د ئەڤی تەمەنی دا جووداهی دناڤبەرا خەیال و ڕاستیێ دا ژ شیانێن زاڕۆكی مەزنترە.
لەوما تۆ وەك سەمیانێ زاڕۆكی بەردەوام دانوستاندنێ دگەل بكە تێكەلی هزر و خەیالێن زاڕۆكی ببە و وی بۆ جیهانا راستی ئامادە بكە، ب ڕاستی ژی خۆشی و هەستەكێ تایبەت یێ د دانوستاندنا دگەل زاڕۆكی دا هەی ژبەر كو هەر تشتەكێ د دل و مێشكێ وان دا پێكۆلێ دكەن ب هەر رێكەكا هەبیت بیننە سەر زمانێ خوە، لەزێ بكە و خۆشیێ ژ پەروەردەكرنا زاڕۆكێ خوە وەربگرە، ژبەركو ب ڕاستی ژی زاڕۆك گەلەك زووتر ژوێ یا ئەم هزر بۆ دكەین مەزن دبن.
ل دووماهیێ‌ ئاهەنگەكا هونەری ب پشكداریا هونەرمەندێ‌ پێشمەرگە (شاكر ئاكرەیی) و هەلبەستڤان (شەعبان سلێمان) و سترانبێژ (هشیار كۆچەر) هاتە گێڕان.

]]> https://rojnameyaevro.com/ku/%d8%b2%d8%a7%da%95%db%86%d9%83-%d9%88-%d9%87%d8%b2%d8%b1/255038/feed/ 0 بارگرانیا زانینێ https://rojnameyaevro.com/ku/%d8%a8%d8%a7%d8%b1%da%af%d8%b1%d8%a7%d9%86%db%8c%d8%a7-%d8%b2%d8%a7%d9%86%db%8c%d9%86%db%8e/250442/ https://rojnameyaevro.com/ku/%d8%a8%d8%a7%d8%b1%da%af%d8%b1%d8%a7%d9%86%db%8c%d8%a7-%d8%b2%d8%a7%d9%86%db%8c%d9%86%db%8e/250442/#comments Thu, 14 Aug 2025 09:33:10 +0000 https://rojnameyaevro.com/ku/?p=250442 سیلاڤ بازێركی

‏‎چ پێ نەڤێت زانینا زانست و زانیارییان پیرۆزییەكا تایبەت یا هەی، لێ دناڤبەرا زانین و بارگرانییێدا هاوكێشەیەكا ڕاستەقینە یا هەی ئەو ژی كۆ چەند مرۆڤ پتر بزانیت بەرپرسیارەتی و بارگرانیا مە مەزنتر لێ دهێت وەكی كا چاوا ماموستا بەرپرسیارە ژ قوتابیان و ڕێڤەبەر بەرپرسیارە ژ ماموستایان و ڕێڤەبەرییا پەروەردێ بەرپرسیارە ژ هەموو ماموستا و ڕێڤەبەر و قوتابیان ئانكو یێ ژ هەموویان پلە بەرز تر ژ هەموویان بارگران ترە!
لێ ل ڤێرێ مەرەما من بارگرانیا زانینا زانست و زانیاریان نینە، ئەو كەسە چەند یێ بار گرانە یێ ب هەموو هێزا خوە خێزان هێلای ئێكگرتی و دبن چەنگێن خوەڤە پاراستی تەماشەی ئەو ژنا د تەمەنەكێ گەنج دا هەڤژینێ خوە ژ دەستدای كو ژیانا خوە بۆ خێزان و زاڕۆكێن خوە تەرخان كری چەند یا بارگرانە یان كوڕەكێ نەخریێ دایكا خوە كانێ چاوا پشتی كەفتن یان ژ دەست دانا بابێ خوە كەفتیە دبن فشارەكا ئێكجار دژۆار دا ژبلی خەما ژدەستدانا بابێ وی ئێدی ئەو بەرپرسیارە ژ هەر ڕەوشەكا خێزانا خوە ئەڤجا چ ژلایێ ئابووری ڤەبیت یان ژلایێ ئێكگرتنا خێزانێ ڤە بیت چونكی باب ستوینا ماڵێ یە و ئەگەر ستوین ژ بابی بهێتە گوهۆڕین بۆ كوڕی چ پێ نەڤێت كارەكێ ب ساناهی نینە مرۆڤ ل وی دەمی چەند یێ بار گرانە دەمێ هەلگرێ هندەك ئاریشەیێن نهێنی بیت یێن كۆ ب گۆتنا وان ڕەوش بەرەڤ خراب بوونێ ڤە دچیت و ب بێدەنگبوونێ بارێ تە ڕۆژ بۆ ڕۆژێ گرانتر لێ دهێت و هەر ئەڤ بارگرانیە یە وە دكەت كو د تەمەنەكێ گەنجاتیێ دا زووتر نیشانێن پیراتیێ ل سەر تە دیار بكەن و جاران دبنە ئەگەرێ تێكچوون و نەخۆشیێن دەروونی، ل دەمێ هەر خێزانەكا ئێكگرتی ببینی بزانە كەسەك یێ/ا هەی ژیانا خوە یا بۆ ئێكگرتنا ڤێ خێزانێ تەرخانكری.

]]> https://rojnameyaevro.com/ku/%d8%a8%d8%a7%d8%b1%da%af%d8%b1%d8%a7%d9%86%db%8c%d8%a7-%d8%b2%d8%a7%d9%86%db%8c%d9%86%db%8e/250442/feed/ 0