Rojnameya Evro » سه‌رجان مه‌حمود https://rojnameyaevro.com/ku Mon, 18 May 2026 22:32:54 +0000 ar hourly 1 https://wordpress.org/?v=4.0.38 بۆچی ترامپ ئێرشی كوردان دكەت؟ https://rojnameyaevro.com/ku/%d8%a8%db%86%da%86%db%8c-%d8%aa%d8%b1%d8%a7%d9%85%d9%be-%d8%a6%db%8e%d8%b1%d8%b4%db%8c-%d9%83%d9%88%d8%b1%d8%af%d8%a7%d9%86-%d8%af%d9%83%db%95%d8%aa%d8%9f/263031/ https://rojnameyaevro.com/ku/%d8%a8%db%86%da%86%db%8c-%d8%aa%d8%b1%d8%a7%d9%85%d9%be-%d8%a6%db%8e%d8%b1%d8%b4%db%8c-%d9%83%d9%88%d8%b1%d8%af%d8%a7%d9%86-%d8%af%d9%83%db%95%d8%aa%d8%9f/263031/#comments Mon, 18 May 2026 22:08:38 +0000 https://rojnameyaevro.com/ku/?p=263031 سەرجان مەحموود

دۆنالد ترامپ یێ سەرۆكێ ئەمریكا نێزیكی دو هەیڤانە‌ د هەر ئاخڤتنەكا‌ خوە دا ئێرشی كوردان دكەت و تەڤگەرێن كورد ئانكۆ ب گشتی هەموو كوردان ل سەر چەك و پارەی تۆمەتبار دكەت. سەرۆكێ ئەمریكا گەلەك جاران گۆتیە كو ئەو ناخوازیت ل رۆژهەلاتا ناڤین گوهۆ‌ڕینێن ستراتیژی ئەنجام بدەت. ئا‌قلمەندێ ترامپی ل رۆژهەلاتا ناڤین و كوردستانێ تۆماس باراكە، باراك ژی وەك ترامپی بازرگانە. ب ئەسلێ خوە عەرەبە ئەو ژ ئالیێ داگیركەرێن كوردستانێ ڤە دهێتە فینانسەكرن ئانكۆ د بیاڤێ ئابووری و پارەیی دا پشتەڤانیا وی دهێتە كرن و مرۆڤەك كەڤنەپەرەستە. سەرۆكێ ئەمریكا سیاسەتا خوە یا ل سەر رۆژهەلاتا ناڤین، ب تایبەت ژی كوردستانێ ب ڕێیا تۆم باراكی دمەشینیت.
د كۆنگرەیا ئەمریكایێ دا ب تایبەت ژی د ناڤا كۆماریخوازان دا ل سەر سیاسەتا ل رۆژهەلاتا ناڤین پارچەبوونەكا بەرچاڤ هەیە. پشكا هەری مەزن یا كۆنگرێسێ ئەمریكا ل دژی سیاسەتا ترامپ و تۆم باراكی نە. د ناڤا كۆماریخوازان دا ژی پشكا هەری زێدە سیاسەتا ترامپی ل سووریێ، ئیراقێ، ئیرانێ و توركیا دروست نابینن و داخوازا گوهۆ‌ڕینا تۆم باراكی دكەن.
ئەم وەرن سەر چیرۆكا كو بوویە ئەگەر ترامپ ئێرشی كوردان دكەت. خالا یەكەم ئەڤە كو ئەو كەسێ ل سەر چەك و پارەی زانیاریێن شاش داینە دۆنالد ترامپی ژی تۆم باراكە. تۆم باراك و هژمارەك ژ فەرماندارێن سێنتكۆمێ‌ ئەو چەكێن كو ترامپ بەحسێ وان دكەت و كوردان ب دزین ئانكۆ دەستەسەركرنا وان چەكان تۆمەتبار دكەت، سەرۆكێ ئەمریكا و وەزارەتا شەر بریار دابوون د دەمێ خوەنیشاندانێن ئیران و رۆژهەلاتێ كوردستانێ دا بۆ خوەنیشادەران بشینیت. تشتێ كو خۆیا دكەت راستە هژمارەك زێدە چەك و گۆژمەكێ‌ مەزن یا پارە هاتیە شاندن، لێ نەگەهشتنە دەستێ كوردان. وی دەمی ئەو چەك و پارەیێ كو ترامپ بەحسێ وان دكەت ل كیڤەنە؟ د دەستێ كی دانە ‌و كی پارە ‌و چەكان بۆ خوە برینە؟
ل دووڤ دەزگەهێن راگەهاندنا ئەمریكا و بەرپرسێن بەرێ یێن ئەمریكا و دۆستێن بەرێ یێن ترامپی، چەكێن وان د عومبارێن هێزێن ناڤەندی یێن ئەمریكا دانە ل سەر پێشنیاز و دەستپێشخەریا تۆم باراك و فەرماندارەكێ مەزن یێ سێنتكۆمێ هاتنە ‌ڕاگرتن و چ دەمەكێ بۆ هێزێن كوردان نەهاتنە شاندن.
گەلەك كەسێن نێزیكی ترامپی بەری نها دیاركرینە كو گەلەك جاران ترامپ ژی گەهشتیە ڤێ باوەریێ كو د راستی دا ئەو چەك و بۆ نەگەهشتینە دەستێ كوردان، ڤێجا ل ڤێرێ دڤێت ئەم ڤێ پرسێ بكەین، د دەمەكێ دا كو ترامپ ژی دزانیت چەك نەگەهشتینە دەستێ كوردان وی دەمی بۆچی ترامپ بەردەوام بەحسێ وان چەكان دكەت و ئێرشی كوردان دكەت؟ بەرسڤا ڤێ پرسێ گرێدای رەوشا نها یا ئەمریكا و ب تایبەتی ژی هەلبژارتنێن كۆنگرێسێ ئەمریكا یە، ئەمریكا بەر ب هەلبژارتنێن جڤاتا نوونەران و كۆنگرێسی ڤە دچیت، ترامپی نەشیا د شەڕێ ئیرانێ دا سەركەفتی بیت و ژ بەر ڤێ ئێكێ ژی نها ترامپی دڤێت ل ژێر چیرۆكا كو تۆم باراكی دروست كریە خوە ڤەشێریت و ژ بەر ڤێ ئێكێ ژی راستیێن هەی بۆ رایا گشتی ئاشكرا ناكەت، چونكی هەتا نها ئەمریكا ژی چو بەلگەیەك بەلاڤ نەكرینە كو نیشابدەت چەك بۆ كوردان هاتیە شاندن.

]]> https://rojnameyaevro.com/ku/%d8%a8%db%86%da%86%db%8c-%d8%aa%d8%b1%d8%a7%d9%85%d9%be-%d8%a6%db%8e%d8%b1%d8%b4%db%8c-%d9%83%d9%88%d8%b1%d8%af%d8%a7%d9%86-%d8%af%d9%83%db%95%d8%aa%d8%9f/263031/feed/ 0 مەتـرسـیا گـوهۆڕینێن دەڤـەرێ ل سـەر كـوردان https://rojnameyaevro.com/ku/%d9%85%db%95%d8%aa%d9%80%d8%b1%d8%b3%d9%80%db%8c%d8%a7-%da%af%d9%80%d9%88%d9%87%db%86%da%95%db%8c%d9%86%db%8e%d9%86-%d8%af%db%95%da%a4%d9%80%db%95%d8%b1%db%8e-%d9%84-%d8%b3%d9%80%db%95%d8%b1-%d9%83/262018/ https://rojnameyaevro.com/ku/%d9%85%db%95%d8%aa%d9%80%d8%b1%d8%b3%d9%80%db%8c%d8%a7-%da%af%d9%80%d9%88%d9%87%db%86%da%95%db%8c%d9%86%db%8e%d9%86-%d8%af%db%95%da%a4%d9%80%db%95%d8%b1%db%8e-%d9%84-%d8%b3%d9%80%db%95%d8%b1-%d9%83/262018/#comments Mon, 27 Apr 2026 22:15:53 +0000 https://rojnameyaevro.com/ku/?p=262018 سەرجان مەحموود

وەك دهێتە زانین ژ سالا 2003 ڤە هەم ئیراق هەم ژی رۆژهەلاتا ناڤین كەفتنە د ناڤ گوهۆ‌ڕینێن نوو دا، گوهۆرین ب سەرهلدانێن سالا 2011 ڤە ل هەموو رۆژهەلاتا ناڤین بەلاڤ بوو. دیزاینكرنا نوو یا رۆژهەلاتا ناڤین ب سەركێشیا ئەمریكا و ئسرائیلێ پێك دهێت، لێ د هەمان دەمی دا هەڤپەیمانیا پاراستنا ستاتویا ل رۆژهەلاتا ناڤین ب سەركێشیا بریتانیا ل هەنبەر گوهۆ‌رینان و دیزاینكرنا رۆژهەلاتا ناڤین راوەستیایە. وەلاتێن وەك پاكستان، توركیا، ئیران و ئیراق ژی پالپشتێن بریتانیانە، ئانكو د ئاستێ رۆژهەلاتا ناڤین و هەروەسا جیهانێ دا هندەك وەلات ل دژی گوهۆڕینێن ل دەڤەرێ نە چونكی سیستەمەك كەڤن هەیە كو بەرەڤانیێ ل بەرژەوەندیێن وان دكەت و وان نەڤێت سیستەمێ نها ژناڤ بچیت.
هەڤپەیمانیا ب سەركێشیا بریتانیا د رەوشا نها دا هەم ل دژی دەستكەفتێن كوردان هەم ژی ل دژی گەلێن ئیرانێ نە. هەتا ئاستەكێ بلند چین و رۆسیا ژی پشتەڤانیا سیستەمێ نها ل رۆژهەلاتا ناڤین دكەن. ئەم دشێین بێژین كو بریتانیا و هەڤپەیمانێن وێ دەستێن خوە درێژی ناڤ هەرێما كوردستانێ، ئیراقێ و سووریێ و رۆژئاڤایێ كوردستانێ ژی كرینە و ئەگەرێن ئالۆزیێن نها ژی بریتانیا ب خوەیە.
ئەڤ بابەت درێژە، ئەم بەرێ خوە بدەینە هەرێما كوردستانێ و ئالۆزیێن كو پشتی هەلبژارتنان ل هەرێما كوردستانێ گەشە كرینە. بنەمایا ئالۆزیێن ل هەرێما كوردستانێ و بنەمایا ئالۆزیێن كوردان ل گەل ئیراقێ د بنەمایێ خوە دا ڤەدگەریتە ڤە بۆ پیلانێن بریتانیا و توركیا. ئاخڤتنێن كو ل قادا سیاسی یا بەغدایێ و سلێمانیێ دا ل سەر پارچەكرنا ئیدارەیا هەرێما كوردستانێ دهێنەكرن و فشارێن ژ بۆ ئاڤاكرنا دو ئیدارەیێن جودا ل كوردستانێ بنەما خوە ژ پیلانێن بریتانیا و توركیا ڤەردگریت، بێگومان ئارمانجا وان ژی لاوازكرنا هەرێما كوردستانێ كو د راستی دا ئەم دشێین بێژین لاوازكرنا پێگەهێ كوردانە، وان دڤێت د گوهۆڕینێن نها ل دەڤەرێ دا كورد لاواز بن و نەگەهنە مافێن خوە.
هەرێما كوردستانێ وەك جیۆ‌پۆلیتیك ل دەڤەرەكا ستراتیژیە، ڕەخەكێ وێ رۆژهەلاتێ كوردستانێ و ئیران هەیە، ڕەخێ دی رۆژئاڤایێ كوردستانێ و سووریێ یە، ئالیێ دی ژی باكورێ كوردستانێ و توركیا یە. هەرێما كوردستانێ د هەمان دەمی دا ل ناڤەراستا پرۆژە و پلانا نوو یا هێلا وزێ یە كو ژ ئالیێ توركیا و بریتانیا ڤە نەخشێا ڤێ هێلێ هاتیە دارێتن.
گەلەك كەس و ئالی بابەتی ب تنێ وەك ئالۆزیێن د ناڤبەرا پارت و ئالیێن سیاسیێن كوردستانێ دا شرۆڤە دكەن، لێ پرسگرێك ژ وێ ئێكێ گەلەك مەزنترە و هەكە توركیا و بریتانیا بگەهنە ئارمانجا خوە و دو ئیدارەیی ب سەر هەرێما كوردستانێ دا بسەپینن دێ هەموو قەوارەیا سیاسی یا كوردستانێ ژی كەڤیتە ژێر مەترسیان و ئەو ئێك دێ هەبوونا كوردان ژی ئێخیتە ژێر مەترسیێ. ل گەل توركیا و بریتانیا، ئیران، ئیراق و سووریێ ژی پشتەڤانێ پرۆژەیێ پارچەكرنا كوردستانێ نە. مخابن پشك ژ كوردان ژی بوونە دارودەستێ پرۆژەیا پارچەكرنێ. ل ڤێرێ یا گرنگ ئەوە كو ئەم سازشێ ژ درووشما ئێك هەرێم، ئێك هێزا پێشمەرگە و ئێك حوكمەتێ نەكەین و وەكو تاكێن كورد ل هەرێما كوردستانێ و پارچەیێن دی هەردەم پشتەڤانیێ ل ئێكەتیا ناڤمالیا كوردی بكەین.

]]> https://rojnameyaevro.com/ku/%d9%85%db%95%d8%aa%d9%80%d8%b1%d8%b3%d9%80%db%8c%d8%a7-%da%af%d9%80%d9%88%d9%87%db%86%da%95%db%8c%d9%86%db%8e%d9%86-%d8%af%db%95%da%a4%d9%80%db%95%d8%b1%db%8e-%d9%84-%d8%b3%d9%80%db%95%d8%b1-%d9%83/262018/feed/ 0 كـۆربـەندێ ئـەنتالیا و دبلـۆمـاسیا كـوردان https://rojnameyaevro.com/ku/%d9%83%d9%80%db%86%d8%b1%d8%a8%d9%80%db%95%d9%86%d8%af%db%8e-%d8%a6%d9%80%db%95%d9%86%d8%aa%d8%a7%d9%84%db%8c%d8%a7-%d9%88-%d8%af%d8%a8%d9%84%d9%80%db%86%d9%85%d9%80%d8%a7%d8%b3%db%8c%d8%a7-%d9%83/261579/ https://rojnameyaevro.com/ku/%d9%83%d9%80%db%86%d8%b1%d8%a8%d9%80%db%95%d9%86%d8%af%db%8e-%d8%a6%d9%80%db%95%d9%86%d8%aa%d8%a7%d9%84%db%8c%d8%a7-%d9%88-%d8%af%d8%a8%d9%84%d9%80%db%86%d9%85%d9%80%d8%a7%d8%b3%db%8c%d8%a7-%d9%83/261579/#comments Mon, 20 Apr 2026 21:32:58 +0000 https://rojnameyaevro.com/ku/?p=261579 سەرجان مەحموود

د درێژیا دیرۆكێ دا كوردان ل مەیدانا شەری ئانكۆ د ناڤا ئالۆزیان دا نە خەندقینە، هەتا ئاستەكێ بلند كوردان شیاینە هەبوونا خوە بپارێزن و تێكۆشینا خوە بمەشینن، لێ د هەمان دەمی دا پشتی شەری و ئالۆزیان دەمێ مێزا دانوستاندنان هاتیە دانان كوردان نەشیانە ببنە خوەدان هێزەكا مەزن ل مێزا دانوستاندنان و نەبوونە خوەدان گۆتن. ژ بەر ڤان ئەگەران ژی ئەم دبینین پارتێن كوردی ئانكۆ دۆزا كوردی ل سەر مێزا دانوستاندنان هەردەم هاتیە فەتساندن و دانوستاندن و دبلۆماسیێ تشتەك نەدایە كوردان، هێزێن هەرێمی ژی هەردەم بزاڤا ڤێ ئێكێ كرینە كو ب پشتەڤانیا هێزێن جیهانی كوردان ژ مافێن وان یێن رەوا دوور بكەن و مخابن ژ بەر بەرژەوەندیێن خوە هێزێن جیهانی ژی د گەلەك قووناغان دا پشتەڤانی ل مافێن رەوا یێن گەلێ كوردستانێ نەكرینە.
پشتی ڕاپەرین و شۆرشا مەزنا هەرێما باشورێ كوردستانێ و د ئاڤاكرنا ئیراقا نوو دا سەركردایەتیا كورد ب پلان و نەخشەكێ دیاركری شیایە جهێ خوە د ئاڤابوونا ئیراقا نوو دا بگریت و دەستكەفتێن شۆرشێ و ڕاپەرینێ بگەهینیتە مێزێن دانوستاندنان و ماف و ئازادیێن كوردان بدەتە قەبوولكرن. ئەم دزانین كو جارا ئێكێ سالا 2003 سەركردایەتیا كورد ب پێشەنگیا سەرۆك مەسعود بارزانی و سەركردایەتیا كوردی شیان كوردان بگەهیننە قادا جیهانێ و بنگەهەكا‌ بهێز یا دبلۆماسیا كوردان هاتە ئاڤاكرن، كورد شیان ئێدی د گەلەك كۆمبوونێن جیهانی دا پشكدارببن، هەر كەس دزانیت كو پشكداریا سەرۆكێن كوردان ژ سەرۆك بارزانی بگرە هەتا بەرێز نێچیرڤان بارزانی سەرۆكێ هەرێما كوردستانێ و رێزدار مەسرور بارزانی سەرۆكێ حوكمەتا هەرێما كوردستانێ وەكو نوونەرێن كوردان د كۆمبوونێن وەسا گرنگ و جیهانی دا بوویە جهێ دلخوەشیا كوردان و كوردان وەسا شیاینە هەبوونا خوە ب جیهانێ بدەنە قەبوول كرن. بێگومان ژ بۆ كوردان كۆنفرانس، كۆربەند و فۆرومێن سیاسی، ئابووری و دبلۆماسیێ گەلەك گرنگن، كورد دشێن د وان چالاكیێن نێڤدەولەتی دا داخوازیێن خوە، پێدڤیێن كوردستانێ و مافێن نەتەوا كوردی بكەنە رۆژەڤا جیهانێ و ببنە خوەدان پەیوەندیێن بهێز یێن دۆستاتی. ب ڤی رەنگی بەرژەوەندیێن كوردان ب بەرژەوەندیێن وەلاتێن زلهێز ڤە دهێنە‌ گرێدان و دەمێ كو كورد و هێزێن جیهانی ببنە خوەدان بەرژەوەندیێن هەڤپشك وی دەمی د گەلەك گوهۆڕینان دا كورد دێ بنە خوەدان رۆلەك كاریگەر، یا نها هەرێما كوردستانێ دكەت بۆ هەموو كوردان گرنگە.
دەمێ ئەم د ڤێ چارچووڤەیێ دا بەرێ خوە بدەینە پێنجەمین فۆروما دبلۆماسیا ئەنتالیا یا ل توركیا، بۆ كوردان گەلەك گرنگە و سەرۆكێ هەرێما كوردستانێ نێچیرڤان بارزانی شیا كۆربەندێ ئەنتالیا بكەتە‌ ناڤەندا دبلۆماسیا كوردی و دەنگ و رەنگێ كوردان گەهاندە ب دەهان سەرۆك، سەركردە و دەزگەهێن راگەهاندنێن جیهانێ.
د هەمان دەمی دا گۆتنێن كوردان ل سەر پێشهاتەیێن ل رۆژهەلاتێ ناڤین و جیهانێ ژی ل گەل سەرۆك و سەركردەیێن دەڤەرێ و جیهانێ پارڤەكر و بۆ هەموو جیهانێ نیشا دا كو ئێدی كوردان ژی نێرینا خوە یا تایبەت ل دۆر پێشهاتەیێن ل دەڤەرێ و جیهانێ هەنە. ئهۆ ئێك ڕێخۆشكریە كو كورد ژ تەماشەڤانیێ دەركەڤن و ببنە یاریكەرەك باش د ناڤ گوهۆڕینێن سیاسی یێن ل دەڤەرێ دا. ئانكو پشكداریا كوردان د چالاكیێن دبلۆماسیێ دا هەم دبیتە ئەگەرێ پاراستنا دەستكەفت و مافێن كوردان ل هەرێمێ و د هەمان دەمی بۆ بدەستخستنا مافێن كوردان ل پارچێن دی یێ كوردستانێ ژی دبیتە فاكتەرەكێ گەلەك گرنگ و كاریگەر و د روودانێن ل رۆژئاڤایێ كوردستانێ دا ئەو ئێك بۆ رەنگەكێ ئاشكرا بۆ هەموو جیهانێ دیار بوو.

]]> https://rojnameyaevro.com/ku/%d9%83%d9%80%db%86%d8%b1%d8%a8%d9%80%db%95%d9%86%d8%af%db%8e-%d8%a6%d9%80%db%95%d9%86%d8%aa%d8%a7%d9%84%db%8c%d8%a7-%d9%88-%d8%af%d8%a8%d9%84%d9%80%db%86%d9%85%d9%80%d8%a7%d8%b3%db%8c%d8%a7-%d9%83/261579/feed/ 0 شەڕێ دەڤەرێ چ ل گەل خوە دئینیت؟ https://rojnameyaevro.com/ku/%d8%b4%db%95%da%95%db%8e-%d8%af%db%95%da%a4%db%95%d8%b1%db%8e-%da%86-%d9%84-%da%af%db%95%d9%84-%d8%ae%d9%88%db%95-%d8%af%d8%a6%db%8c%d9%86%db%8c%d8%aa%d8%9f/260771/ https://rojnameyaevro.com/ku/%d8%b4%db%95%da%95%db%8e-%d8%af%db%95%da%a4%db%95%d8%b1%db%8e-%da%86-%d9%84-%da%af%db%95%d9%84-%d8%ae%d9%88%db%95-%d8%af%d8%a6%db%8c%d9%86%db%8c%d8%aa%d8%9f/260771/#comments Sun, 05 Apr 2026 22:37:06 +0000 https://rojnameyaevro.com/ku/?p=260771 سەرجان مەحموود

ئاگرێ ل رۆژهەلاتا ناڤین ئانكو ئاگرێ ل ئیرانێ رۆژ ب رۆژێ ڤەدگەریتە ڤە كارەساتێن مەزن و د رەوشا نها دا هەم ئالیێ ئیرانێ و هەم ژی ئەمریكا و ئسرائیل ب باشی نزانن دێ شەڕ بەر ب كیڤە چیت. ئیران هەر چەندە ل مەیدانا شەڕی بەر خوە ددەت ژی، لێ د بنگەهێ خوە دا ئیران گەلەك تەنگاڤ بوویە و زیانێن گەلەك مەزن گەهشتینە ژێرخانا ئابووری یا ئیرانێ. ل ئالیێ دی ل ئەمریكا ژی پشتەڤانیا بۆ شەڕی ئانكو دەستهەلاتا دۆنالد ترامپی رۆژ ب رۆژێ كێمتر دبیت، لێ ترامپ و كابینەیا وی ژی ناخوازن د رەوشا نها دا شەڕی راگرن، چونكی تشتێ وان دخواست هەتا نها بدەستڤە نەئیناینە.
د شەڕێ ئیرانێ دا ژی وەك هەموو شەرێن ل جیهانێ، بەری هەر تشتی راستی هاتنە بنپێكرن و هەردو ئالی ژی ل مەیدانا شەڕی وەستیانە،‌ لێ ب رێیا پرۆپاگاندەیێن نە راست هەول ددەن ئالیگرێن خوە ل سەر هێل بهێلن. هەتا نها ژی كەس نزانیت‌ ب دروستی ل ئیرانێ چ روو ددەت‌ و گەلێن ئیرانێ د رەوشەكا چاوا دانە، چونكی هێلا ئینتێرنێتێ ل ئیرانێ هاتیە بڕین و مرۆڤ دشێت بێژیت نها پەیوەندیێن گەلێن ئیرانێ ل گەل جیهانا دەرڤە تا رادەیەكێ نەمایە.
ل دووڤ هزرا من ئەمریكا چاڤەرێی ئیرانێ یە كو هندەك ژ داخوازیێن ترامپی قەبوول بكەت دا ئەمریكا ژی شەڕی بدەتە راگرتن. هەكە ئیران پێنگاڤەك بچووك ژی بهاڤێژیت بێگومان ترامپ ئامادەیە شەڕی راوەستینیت و بۆ رایا گشتی یا ئەمریكا و جیهانێ سەركەفتنا خوە راگەهینیت. ل هەمبەر دا ئیران ژی چاڤەرێیە ئەمریكا دكەت كو بێ شەرت و مەرج شەری راوەستینیت، هەكە د رەوشا نها دا ئەمریكا بێ روخاندنا سیستەمێ ئیرانێ شەری ب دووماهیك بینیت دێ ئیرانێ سەركەفتنا خوە راگەهینیت، لێ ئەڤ سەركەفتن سەركەفتنەكا‌ شكەستی یە، ژ بەر كو ئیران د وارێن ئابووری، سیاسی و جڤاكی دا جارەكا‌ دی نەشێت رابیتە سەرخوە و جڤاكێ وێ ل دەردۆرا دەستهەلاتا ئیسلامی دا كۆم نابیت. د هەمان دەمی دا ب سالان ژی ئیران نەشێت ئابووریا خوە سەرەراست بكەت و ژیانەكا نوو بۆ خەلكێ خوە دابین بكەت، ژ بەر ڤێ یەكێ ژی هەكە شەڕ بهێتە راگرتن ژی دبیت د ناڤ ئیرانێ دا ناكۆكیێن گەلەك مەزن روو بدەن، ژ بەر ڤێ یەكێ ژی دەستهەلاتا ئیرانێ پێدڤی روودانەكا جودایە دا سەركەفتنا خوە ل هەمبەر ئەمریكا و ئسرائیلێ راگەهینیت. ل گۆر باوەریا من د رەوشا نها دا سەركەفتیێ شەڕی ئسرائیلە و دەستهەلاتا ئسرائیلێ هەم ل لوبنان و سووریێ و هەم ژی ل ئیرانێ خوە گەهاندیە خەیالێن دیرۆكی یێن جوهیان و ب قاسی ئەردنیگاریا ئسرائیلێ ئاخ ل لوبنان و سووریێ داگیركریە ئانكۆ كریە ژێر كۆنترۆلا خوە. ل ئالیێ دی ژی وەك جڤاكا ئیسرائیلێ ژی ئەو یەك ل هۆلێ یە كو ئێدی جهێ ژیانا جوهیان تەنگ بوویە و ل هەنبەر جوهیان ئانكۆ ئسرائیلێ دژبەریەكا مەزن‌ ژ سەردەمێ شەرێ دویەم یێ جیهانێ زێدەتر پەیدا بوویە.
ئالیێ كوردی چ دكەت؟ گەلۆ سیاسەتا كو هەتا نها هێزێن كوردی كوردی مەشاندیە راستە و گەهشتینە ئارمانجا خوە یان نە؟ ئانكۆ پارتێن كوردی خوە بۆ هەر روودانەكێ بەرهەڤ كرینە یان نە؟ ل دووڤ هزرا من سیاسەتا تەماشەكرن و خوە بەرهەڤكرنا پارتێن كوردی ل رۆژهەلاتێ كوردستانێ هەتا نها سیاسەتەكا‌ راستە‌. سیاسەتا هەرێما كوردستانێ یا بێئالی بوون ژی ب راستی د جهێ خوە دایە. نابیت كورد ببنە پشكەك ژ ڤی شەڕی و پاشەرۆژا گەلێ كورد بكەنە ژێر مەترسیێ. لێ د رۆژێن دا‌هاتی دا چا‌وانیا برێڤەچوونا شەری دێ سیاسەتا كوردی ئانكۆ بژاردەیێن هێزێن كوردێن رۆژهەلات زەلالتر كەت.

]]> https://rojnameyaevro.com/ku/%d8%b4%db%95%da%95%db%8e-%d8%af%db%95%da%a4%db%95%d8%b1%db%8e-%da%86-%d9%84-%da%af%db%95%d9%84-%d8%ae%d9%88%db%95-%d8%af%d8%a6%db%8c%d9%86%db%8c%d8%aa%d8%9f/260771/feed/ 0 د ڤێ قووناغێ دا كوردان پێدڤی ب سەركەفتنا پارتی هەیە https://rojnameyaevro.com/ku/%d8%af-%da%a4%db%8e-%d9%82%d9%88%d9%88%d9%86%d8%a7%d8%ba%db%8e-%d8%af%d8%a7-%d9%83%d9%88%d8%b1%d8%af%d8%a7%d9%86-%d9%be%db%8e%d8%af%da%a4%db%8c-%d8%a8-%d8%b3%db%95%d8%b1%d9%83%db%95%d9%81%d8%aa%d9%86/254836/ https://rojnameyaevro.com/ku/%d8%af-%da%a4%db%8e-%d9%82%d9%88%d9%88%d9%86%d8%a7%d8%ba%db%8e-%d8%af%d8%a7-%d9%83%d9%88%d8%b1%d8%af%d8%a7%d9%86-%d9%be%db%8e%d8%af%da%a4%db%8c-%d8%a8-%d8%b3%db%95%d8%b1%d9%83%db%95%d9%81%d8%aa%d9%86/254836/#comments Thu, 30 Oct 2025 10:36:09 +0000 https://rojnameyaevro.com/ku/?p=254836 سەرجان مەحموود

د ڕەوشەكی دا كو ڕۆژهەلاتێ ناڤین كەڤتیە قۆناغا گوهەرینە و سیستەم و ئاوایێ برێڤەبرنێ ژ نو ڤە دهێتە دزایكرن و نووژەنكرن، ئیراق دكەڤیتە قۆناخا هەلبژارتنان. هەلبژارتنێن ئیراقێ بۆ مە كوردان ژ ئیراقیان زێدەتر گرنگە. پەیوەندیێن سونە و شیعەیان ئالۆزن و ڕۆژ ب ڕۆژ ئالۆزیێن د ناڤبەرا وان دا ب دەستكاریێن توركیا و ئیرانێ بەر ب شەرێ ناڤخۆی ڤە دچیت. دیسا د ڤان چار-پێنج سالێن دەربازبووی دا فشارێن دەستهەلاتا ئیراقێ و شیەیان بۆ سەر هەرێما كوردستانێ ڤێ یەكێ سەلماند كو دڤێت كورد ب هێزەكی مەزن و ب هەستەكی نشتیمانپەروەری و ب خوەراگریێ بچیتە بەغدایێ.
دەستهەلاتدارێن باغدایێ هەتا نها ژی ب فەدەرالیزمێ باوەر ناكن و هەتا كو ژ دەستێ وان دهێت ب فشار و یاریێن جودا جودا دخوازن هەرێما كوردستانێ لاواز بكەن و قەوارەیا سیاسی یا هەرێما كوردستانێ بێ باندۆر بكەن یان ژ ناڤببەن. یاریێن باغدایێ یێن ل سەر مووچە و بودجەیێ، دوبارە دەستپێكرنا ئاكنجیكرنا ئەرەبێن هاوردە ل دەڤەرێن كوردستانی یێن دەرڤەیێ ئیدارەیا هەرێما كوردستانێ و ب درۆنێن ئێرش ئینانا سەر كێلگەهێن پەترۆلێ یێن كوردستانێ نیشانا شەرەكی دەروونیە بۆ سەر هەرێما كوردستانێ و گەلێ كورد.
د ڤان سالێن بۆری دا بەرسڤێن سەركردایەتیا پارتی ب سەرۆكاتیا سەرۆك بارزانی و برێڤەبرنا سیاسەتا كریاری ژ ئالیێ سەرۆك وەزیرێن هەرێما كوردستانێ ڤە وەسا كر كو بەغدا نەشێت پلان و پرۆژەیێن خوە ب سەر هەرێما كوردستانێ دا بسەپینیت. د قۆناغا دەربازبووی دا هەبوونا پدك ل ئیراقێ و سیاسەتا پارتی و هەولا پاراستنا دەستكەفتێن كوردستانێ هەتا ئاستەكی باش ڕێ ل بەر یاریێن دەستهەلاتدارێن ئیراقێ گرت، بۆ كو د قۆناغا بهێت هەموو مەترسیێن ل سەر هەرێما كوردستانێ بهێنە ژناڤبرن و دەستێ كوردان ل بەغدا بهێز ببیت پێدڤیە گەلێ كورد ب ڕێژەیەكا مەزن پشكداریێ د پرۆسەیا دەنگدانێ دا بكەن و ببن پشت بۆ پارتی داكو دەستكەفت بهێنە پاراستن و د شەڕێ سیاسی ئانكۆ دپلۆماسیێ دا دەستێ پارتی بهێزتر ببیت بۆ كو ڕۆلا خوە ب ڕەنگەكی سەركەفتی بۆ جیبەجێكرنا مادەیا 140 دا بگەرینیت.
مە د دەستپێكا نڤیسا خوە دا بەحسا ژ نووڤە دزایكرنا ڕۆژهەلاتا ناڤین و ئالۆزیێن د ناڤبەرا شیعە و سونەیان دا كر. ژبۆ كو ئەم بشێن ببەن پشكەك ژ هێزا دیاركەر و مافێن گەلێ خوە بپارێزن ژ هەر دەمێ زێدەتر مە پێدڤی ب هێز و شارەزای و خوەراگریا پارتی هەیە و بۆ ڤێ چەندێ ژی دەنگێ مە دێ بۆ لیستا 275 یا پارتی بیت. سەركەفتنا پارتی دێ دەستێ كوردان ل قۆناغا ئاشتیا ل باكورێ كوردستانێ و توركیا ژی بهێزتر بكەت و د هەمان دەمێ دا دێ ب هێز بۆ پاراستنا دەستكەفتێن ڕۆژاڤایێ كوردستانێ ژی.

]]> https://rojnameyaevro.com/ku/%d8%af-%da%a4%db%8e-%d9%82%d9%88%d9%88%d9%86%d8%a7%d8%ba%db%8e-%d8%af%d8%a7-%d9%83%d9%88%d8%b1%d8%af%d8%a7%d9%86-%d9%be%db%8e%d8%af%da%a4%db%8c-%d8%a8-%d8%b3%db%95%d8%b1%d9%83%db%95%d9%81%d8%aa%d9%86/254836/feed/ 0 چێلێ نه‌دن https://rojnameyaevro.com/ku/%da%86%db%8e%d9%84%db%8e-%d9%86%d9%87%e2%80%8c%d8%af%d9%86/74897/ https://rojnameyaevro.com/ku/%da%86%db%8e%d9%84%db%8e-%d9%86%d9%87%e2%80%8c%d8%af%d9%86/74897/#comments Tue, 24 Jan 2017 10:56:09 +0000 http://evronews.net/ku/?p=74897 چیرۆكه‌كا گه‌له‌ك كه‌ڤنار هه‌یه‌ كۆ ب گه‌له‌ك زمانان دهێته‌ گۆتن و د ناڤا گه‌له‌ك نه‌ته‌وان دا به‌حس لێ هاتیه‌كرن. چیرۆك، چیرۆكا چێلا زه‌ره‌، رۆژه‌ك ل رۆژان ل سروشتێ شێر بێ خوارن دمینن و ژ به‌ر برسیبوونێ گه‌له‌ك بێ هێز دبه‌ن و د هه‌ر ئێرشه‌كا خوه‌ یا ل سه‌ر كۆمه‌ك زێده‌ چێل و جۆنه‌گا دا تووشى شكه‌ستنێ دهێن و نه‌شێن یه‌ك چێل ژى بخۆن، سه‌ده‌مێ وێ ژى ئه‌وه‌ كۆ چێل گه‌له‌ك ئێكگرتى بزاڤێ دكه‌ن و هه‌ڤدو دپارێزن. روێڤیێ فێلباز ژى برسیه‌ لێ ئیمكانێ وى یێ نێچیریێ نینه‌، دبینه‌ كۆ ره‌وشا شێران ژى ژ یا وى خرابتره‌ و دچیته‌ ل گه‌ل شێران و بۆ وان دبێژیت وه‌سا نابیت دڤێت ئه‌م پلانه‌ك ده‌ینن و ل دووڤ پلان و نه‌خشا خوه‌ ئه‌م ئێكگرتنا چێلان تێكبده‌ن، هه‌كه‌ نه‌ ئه‌مێ ژ برسیبوونێ بمرن، لێ دڤێت هوون د هه‌ر نێچیره‌كى دا بارێ من ژى بده‌ن، شێر مه‌رجێ روێڤى قه‌بوول دكه‌ن و دبێژن كا پلان و نه‌خشا خوه‌ بۆ مه‌ بێژه‌، روێڤى دبێژیت ئه‌زێ ب ناڤێ وه‌ بچیم ل گه‌ل چێلان و ژ وان را بێژم، چ ئاریشه‌یا برایێن شێر ل گه‌ل وه‌ دا نینه‌ و ب تنێ چێلا زه‌ر ئالۆزیان دروست دكه‌ت و شێر ژى ب تنێ چێلا زه‌ر ژ وه‌ دخوازن و هه‌كه‌ هوون چێلا زه‌ر بده‌ن شێر جاره‌كا دى ئێرش ناهینن سه‌ر وه‌ و دێ ژیانا وه‌ پاراستى بیت. ل سه‌ر ڤێ ئێكێ چێل د ناڤ خوه‌ دا كۆم دبه‌ن و بریار دده‌ن كۆ چێلا زه‌ر بده‌ن شێرا و خوه‌ ژ ئێرشێن وان رزگار بكه‌ن. د ئه‌نجامدا چێلا زه‌ر ته‌سلیمێ شێرا دكه‌ن و شێر پشتى كۆ چێلا زه‌ر دخۆن و جاره‌كا دى برسى دبن ئه‌ڤجا روێڤى دچیته‌ ل گه‌ل چێلان و دبێژیت چێلا سپى رۆژانه‌ شێرا تۆره‌ دكه‌ت و هه‌كه‌ هوون چێلا سپى نه‌دن دێ شێر جاره‌كا دى ئێرشا وه‌ بكه‌ن و چ ئاریشا شێران ل گه‌ل وه‌ دا نینه‌ و چێلا سپى بده‌ن خوه‌ رزگار بكه‌ن، دیسا چێل كۆم دبه‌ن و بریار دده‌ن چێلا سپى بده‌ن شێرا و شێر وێ ژى دخۆن و ب ڤى ره‌نگى گۆلكا ره‌ش، گایێ سۆر و گه‌له‌ك چێلێن دى دده‌ن شێرا و شێر گه‌له‌ك ب هێز دبه‌ن و چێل ژى وه‌ك هه‌ژمار كێم دبه‌ن و ئێكگرتنا وان لاواز دبیت و ئێك ب ئێك دبه‌ن خوارنا شێران و د داویێ دا چێل ل خوه‌ دزڤرن و دبێژن مه‌ ل كووده‌رێ شاشى كر كۆ ئه‌م وه‌سا به‌لاڤ بوون و تێكچوون و ئێك ژ وان دبێژیت دڤیا بۆ مه‌ چێلا زه‌ر نه‌دایه‌، رۆژا مه‌ چێلا زه‌ر دا شێرا مه‌ ئێكگرتنا خوه‌ ژ ده‌ست دا و ئێدى چ رێك نینه‌ كۆ ئه‌م ژ شێران رزگار ببه‌ن. چیرۆكا مه‌ كوردان ژى مخابن وه‌ك چیرۆكا چێلایه‌، دوژمنێن گه‌لێ كورد هێزێن خوه‌ ژ ده‌ستدانه‌ و كورد د درێژیا دیرۆكێ دا جارا ئێكێ یه‌ ئه‌و هنده‌ ب هێز دبه‌ن و هه‌م د وارێ سه‌ربازى، سیاسى و هه‌م ژى د وارێ دپلۆماسى و جڤاكى دا دبه‌ن خوه‌دان پێگه‌هه‌كا خورت، ئه‌ڤجا دوژمنێن گه‌لێ كورد دبینن كۆ ره‌وشا هه‌ى كوردان به‌ر ب ئێكگرتنێ ڤه‌ دبیت و ئێكگرتنا كوردان پێگه‌ها وان لاواز دكه‌ت و به‌ناما ئازادیا كوردان دگه‌هیته‌ ئاستا هه‌رى بلند و ئازادیا كوردان وه‌ك نه‌مانا خوه‌ دبینن و دخوازن چیرۆكا چێلا زه‌ر ل سه‌ر كوردان دا بجهبكه‌ن كۆ د درێژیا دیرۆكێ دا هه‌ر وه‌ك چێلا زه‌ر كوردان ژ هه‌ڤدو پارچه‌ كرنه‌ و كورد بوونه‌ خوارن بۆ وان. گه‌له‌ك ئاساییه‌ پارتێن كورد د هزر و نێرینێن خوه‌ دا ژ هه‌ڤدو جودابن و هه‌ریه‌ك خوه‌دان به‌رنامه‌ و ستراتیژیه‌كا تایبه‌ت بن لێ هه‌كه‌ نه‌ ده‌ره‌و بیت هه‌ر هه‌موو پارتێن كورد سه‌ده‌مێ هه‌بوونا خوه‌ بۆ ب ده‌ستخستنا ماف و ئازادیا كورد و كوردستانێ نیشا دده‌ن. هه‌كه‌ هه‌ما وه‌ك سه‌رێ ده‌رزیكێ ژى مه‌ره‌ما پارتێن كوردستانێ ب ده‌ستخستنا ئازادیا كورد و كوردستانێ بیت دڤێت د پرسێن نه‌ته‌وى دا ئێكگرتى بن و ل هه‌مبه‌ر داگركه‌ران خوه‌دان په‌یڤه‌كى نشتیمانى بن هه‌كه‌ نا وه‌ك چیرۆكا چێلا زه‌ر ئێك پارت ژى نه‌شێت خوه‌ ژ بوونا خوارنێ رزگاربكه‌ن. نابیت بۆ به‌رژه‌وه‌ندێن پارتیتى به‌رژه‌وه‌ند و خه‌یالێن كوردستانێ بهێنه‌ ئاڤێتن و ژبیركرن، نها ئه‌ركێ هه‌ر تاكه‌كى كورده‌ پارتێن كوردان بۆ ئێكگرتنێ هان بده‌ن و فشارێ بخه‌ن سه‌ر پارتێن كوردى دا كۆ كۆنگرێ نه‌ته‌وى بهێته‌ سازكرن. پرسا ل هه‌رێما كوردستانێ په‌رله‌مان بهێته‌ ئه‌كتیڤكرن، حوكمه‌ته‌كا كاریگه‌ر بهێته‌ ئاڤاكرن و سیاسه‌ته‌كا ئابوورى یا خومالى ل سه‌ر بنه‌ما چاندن، ئاژه‌ل، كه‌رتێن تایبه‌ت و كارگه‌هێن بچووك بهێته‌ دروستكرن و ب سیاسه‌ته‌كا زانستى یا په‌ترۆلێ را بهێته‌ خه‌ملاندن. هه‌ر پێنگاڤه‌كا ئێكگرتنێ ل هه‌رێما باشورێ كوردستانێ دێ ده‌لیڤا ده‌وله‌تبوونا كوردستانێ بهێزتر بكه‌ت. ل باكۆرێ كوردستانێ ژى ل هه‌مبه‌ر زۆردارى و سیاسه‌تا نه‌هێلا كوردان د مه‌یدانا ئابوورى، سیاسى و ئاڤه‌دانكرن و رێڤه‌برنێ دا دڤێت كۆنگرێ باكۆرێ كوردستانێ بهێته‌ سازكرن و هه‌موو پارت و سازیێن سڤیل جیهێن خوه‌ د ناڤ دا بگرن و سیاسه‌ته‌كا ده‌مدرێژ و ده‌مكورت بۆ پاشه‌رۆژا باكۆر بهێته‌ دروستكرن. ل رۆژهه‌لاتێ كوردستانێ ژى هه‌مان رێك پێدڤیه‌ و ئه‌ڤ رێك دێ كوردان ل هه‌مبه‌ر دوژمنان بهێز بكه‌ت. هه‌روه‌سا ل رۆژاڤا كوردستانێ ب سایا خه‌باته‌كا مه‌زن و خوینا ب سه‌دان لاوێن كورد ئه‌ڤرۆ ده‌سكه‌ڤته‌كا مه‌زن د ده‌ستێ كوردان دایه‌ و وه‌ك پارچێن دى یێن كوردستانێ نه‌بوونا هه‌ڤپه‌یمانیه‌ك ئانكۆ ئێكگرتنه‌ك كوردان ل هه‌مبه‌ر دوژمنان لاواز دكه‌ت و ئێكگرتنا ناڤمالا كوردى و سازكرنا كۆنگرێ نه‌ته‌وى ئانكۆ په‌رله‌مان و برێڤه‌برنه‌كا هه‌ڤپشك و ب هێز رێكا سه‌ركه‌ڤتنا رۆژاڤایه‌. پشتى ئه‌ڤ پێنگاڤ ل هه‌ر پارچه‌ هاتن ئاڤێتن مرۆڤ دشێت هزرێ د ئاڤاكرنا كۆنگرێ نه‌ته‌وى یێ كوردستانا مه‌زن دا بكه‌ت.

]]> https://rojnameyaevro.com/ku/%da%86%db%8e%d9%84%db%8e-%d9%86%d9%87%e2%80%8c%d8%af%d9%86/74897/feed/ 0 به‌سه‌ ئێدى ئه‌م نه‌بن كوێله‌یێن خه‌لكى https://rojnameyaevro.com/ku/%d8%a8%d9%87%e2%80%8c%d8%b3%d9%87%e2%80%8c-%d8%a6%db%8e%d8%af%d9%89-%d8%a6%d9%87%e2%80%8c%d9%85-%d9%86%d9%87%e2%80%8c%d8%a8%d9%86-%d9%83%d9%88%db%8e%d9%84%d9%87%e2%80%8c%db%8c%db%8e%d9%86-%d8%ae%d9%87/74548/ https://rojnameyaevro.com/ku/%d8%a8%d9%87%e2%80%8c%d8%b3%d9%87%e2%80%8c-%d8%a6%db%8e%d8%af%d9%89-%d8%a6%d9%87%e2%80%8c%d9%85-%d9%86%d9%87%e2%80%8c%d8%a8%d9%86-%d9%83%d9%88%db%8e%d9%84%d9%87%e2%80%8c%db%8c%db%8e%d9%86-%d8%ae%d9%87/74548/#comments Sat, 14 Jan 2017 15:17:31 +0000 http://evronews.net/ku/?p=74548  
ئه‌م ب هنده‌ك پرسیاران ده‌ست ب نڤیسا خوه‌ بكه‌ن و خوه‌ بگه‌هینن هنده‌ك راستیان، سه‌ده‌مێن رێك نه‌كه‌ڤتنا پارت و ئالیێن سیاسى یێن هه‌رێما كوردستانێ چنه‌؟. پارتێن مه‌ ل پشت په‌ردا چ د ئاخفن؟. ره‌وشا ناڤخوه‌ ئاسته‌نگه‌ یان هێزێن ده‌رڤه‌ ده‌سته‌وه‌ردانێ دكه‌ن دا كۆ رێكه‌ڤتن چێنه‌بیت؟. به‌رسڤا ڤان پرسیاران حه‌تا ئاسته‌كى دیارن و وه‌سا خوه‌یا دكه‌ت دیسا ئه‌قلێ ئێكێ یێ كوردى ل سه‌ر كاره‌ و حه‌تا نها ژ بلى سه‌رۆكێ هه‌رێمێ چ كه‌سه‌كى دى ل هه‌رێما كوردستانێ بزاڤا بكارئینانا عه‌قلێ دویێ نه‌كریه‌ و حسابێن ل سه‌ر كورسیان و پارڤه‌كرنا ده‌هاتان ل پێش هه‌موو به‌رژه‌وه‌ندیێن نه‌ته‌وى و نشتیمانى راوه‌ستیایه‌. سه‌رۆكێ هه‌رێما كوردستانێ د ره‌وش و ده‌مه‌كى گه‌له‌ك گونجاى دا و پشتى سه‌ركه‌ڤتنا هێزێن پێشمه‌رگه‌ ل هه‌مبه‌رێ تیرۆرستێن ده‌اشێ، هزرێن خوه‌ ل سه‌ر پاشه‌رۆژا كوردستانێ ئینا زمان و هه‌ژماره‌ك پێشنیاز و رێچاره‌یان دا پێشیا پارت و ئالیێن سیاسی. ئه‌ڤجا ژ ده‌ستدانا ده‌لیڤا زێرین و ژناڤچوونا خه‌یالا ئاڤاكرنا ده‌وله‌تا كوردى دبیته‌ تاوانا پارت و ئالیێن سیاسى و چو ده‌مه‌كى نه‌شێن خوه‌ ژ بن بارێ ژ ده‌ستچوونا ڤێ ده‌لیڤا گرنگ و دیرۆكى رزگار بكه‌ن. شاند ل دووڤ شاندێن گرنگ و بریارده‌ر سه‌ره‌دانا هه‌رێما كوردستانێ دكه‌ن و به‌حسا رۆلێ گرنگ یێ كوردان د شه‌ڕێ ل دژى تیرۆرێ دا دكه‌ن و ب ئاشكرا یان ب زمانه‌كى دى ژ مه‌ دخوازن كۆ ئه‌م ئێكبگرن و ب ئێكگرتى ژ ره‌وشا هه‌ى مفایێ وه‌ربگرن، نها ئه‌ز باوه‌ر دكه‌م هه‌ر تاكه‌كى كوردستانێ ل هه‌مبه‌ر رێك نه‌كه‌ڤتنا پارتێن سیاسى گه‌له‌ك دلگرانن و ل به‌ندا ئێكگرتنا ناڤمالا كوردینه‌ و هه‌ر كه‌س دزانیت سه‌ده‌مێ ره‌وشا خراب یا ئابووریێ و نه‌بوونا په‌رله‌مانێ و حوكمه‌تێ ژ هه‌ڤ دووربوونا پارتێن كوردى و به‌رژه‌وه‌ندیێن ته‌نگ یێن پارتایه‌تیێ یه‌ و شه‌ر بۆ كورسیانه‌ و نه‌ بۆ دانینا پاشه‌رۆژه‌كا گه‌ش بۆ كورد و كوردستانێیه‌. مخابن حه‌تا نها ژى پارتێن مه‌ نه‌شیانه‌ په‌یوه‌ندیێن خوه‌ یێن ل گه‌ل وه‌لاتێن بیانى ل سه‌ر بنگه‌هه‌كا نشتیمانى دروست بكه‌ن و دوور ژ هێلێن سۆر خوه‌ نێزیكى وه‌لاتێن داگیركه‌ر دكه‌ن و نه‌ ب ئاشكرا بیت ژى دژاتیێ پارتێن دى دكه‌ن. ژ خوه‌ وه‌لاتێن داگركه‌ر ژى ناخوازن سنۆرێن هه‌یى بهێنه‌ گوهۆرین و ده‌وله‌ته‌كا كۆ باندۆرا خوه‌ ل وان بكه‌ت بهێته‌ راگه‌هاندن، لێ مه‌سه‌له‌ نه‌ خوه‌سته‌كا توركان، ئیرانێ یان ئیراقی یه‌ مه‌سه‌له‌ ئه‌م وه‌ك كورد چه‌ند دخوازن ده‌وله‌ته‌ك ئاڤا بكه‌ن و د ره‌وشا نها یا گونجاى دا بۆ راگه‌هاندنا ده‌وله‌تا كوردى مه‌ چ به‌رنامه‌ هه‌یه‌. وه‌ك كۆ نوونه‌رێ ئۆباما و وه‌زیرێ به‌رێ یێ ده‌رڤه‌ یێ فره‌نسا ژى گۆتن كورد ب ئێكگرتنا خوه‌ دشێن ژ ره‌وشا هه‌ى موفایێ وه‌ربگرن و خوه‌ بگه‌هینن خه‌یالێن خوه‌ و ب ئاشكرا ژى دیار كرن كۆ نه‌ ئوروپا، ئه‌مریكا یان وه‌لاته‌كى دى بۆ كوردان ده‌وله‌ت دروست ناكه‌ت و هه‌كه‌ كورد خوه‌ بكه‌ن یه‌ك ژى چ ده‌وله‌ت و هێزه‌كى نینه‌ بشێت ئاسته‌نگیێ ل هه‌مبه‌ر ئاڤاكرنا ده‌وله‌تا كوردى دروست بكه‌ت. یانى ئێدى به‌سه‌ بلا پارتێن مه‌ خوه‌ و گه‌لێ كورد نه‌ خاپینن و هه‌ما جاره‌كا ب تنێ بیت ژى ئه‌م خوه‌ ژ هزرێن پارتاتى دور بخه‌ن و گۆهداریا ئاغا خوه‌، ئه‌نفالان، شه‌هیدان و خه‌یالێن خوه‌ بكه‌ن. مافێ چ پارته‌كى نینه‌ خیانه‌تێ ل گه‌ل خه‌یالێن گه‌لێ كورد بكه‌ت، بلا ئێدى كه‌س چیرۆكان نه‌بێژیت و هه‌ر تشت ل مه‌یدانێیه‌ و سه‌رۆكێ هه‌رێمێ ب رێنماى و پێشنیارێن خوه‌ رێ ل به‌ر هه‌موو ده‌ره‌وان داخستیه‌ و یێن نه‌هێته‌ ناڤ ئێكرێزیێ مافێ وێ نینه‌ به‌حسا كورد و كوردستانێ ژى بكه‌ت. پارچێن دى یێن كوردستانێ د ره‌وشێن جودا جودا ژیان دكه‌ن، رۆژاڤا هێشتا ل ده‌ستپێكا قۆناغا پاراستنا ده‌سكه‌ڤتانه‌ و بجیهكرنا فه‌ده‌رالیزمێ حه‌تا ئۆتۆنۆمیێ ژى سه‌ركه‌ڤتنه‌كا مه‌زنه‌، ل باكۆر ب ده‌ستخستنا مافێن نه‌ته‌وى و نشتیمانى د چارچووڤا دستورێ دا مرۆڤ دشێت وه‌ك پێنگاڤا ئێكێ قه‌بوول بكه‌ت و پشته‌ڤانى لێ بكه‌ت، دیسان ل رۆژهه‌لاتێ كوردستانێ وه‌ك پێنگاڤا ئێكێ دروستكرنا به‌ره‌یه‌كى نشتیمانى ل پێشیا هه‌ر كاره‌كى دیه‌، لێ ره‌وشا باشۆرێ كوردستانێ ئانكۆ هه‌رێمێ یا ئاڤاكرنا ده‌وله‌ته‌كا سه‌ربخوه‌یه‌ و ژ بلى راگه‌هاندنا ده‌وله‌تا كوردى چ سیسته‌مه‌كى دى یان چاره‌كا دى نه‌ گونجاییه‌ و د ڤێ قووناغێ دا ناڤێ سه‌رفرازى راگه‌هاندنا ده‌وله‌تا كوردیه‌ و ئه‌ڤ ده‌وله‌ت دێ وێره‌كیێ بده‌ته‌ رۆژاڤا، باكۆر و رۆژهه‌لات و ب هه‌بوونا خوه‌ ده‌وله‌ته‌كا سه‌ربخوه‌ ل باشۆرێ كوردستانێ وه‌ك سروشت دێ پارچێن دى هان بده‌ت بۆ ئێكگرتنێ و به‌رێ وان بده‌ته‌ ئارمانجا پیرۆز یا گه‌لێ كوردستانێ. وه‌ك پێنگاڤا ئێكێ بلا ناسناما ده‌وله‌تا كوردى بكه‌ڤیته‌ د به‌ریكا هه‌ر كورده‌كى دا، پشتره‌ هه‌كه‌ ده‌سهلات نه‌ دیمۆكراتیك بوو و به‌رده‌وامى دا گه‌نده‌لیێ و ده‌رفه‌تا كار و سیسته‌ما خوه‌ندنێ پێشنه‌خست و ژیانا هه‌ر تاكه‌كى نه‌كره‌ گه‌ره‌نتیێ وێ ده‌مێ مافێ هه‌ر وه‌لاتیه‌كى كورده‌ ئه‌ڤجا ل دژى ده‌سهلاتداران سه‌رهلدانێ بكه‌ت. بلا مه‌ ده‌وله‌ت هه‌بیت هه‌كه‌ پێدڤى كر ئه‌م ل دژى ده‌وله‌تا خوه‌ ژى راوه‌ستن لێ كا ده‌ستپێكێ ئه‌م خوه‌ ژ ئه‌بدبوونا عه‌ره‌بان، تورك و فارسان ده‌رخن، یا دى مافێ مه‌ یێ وه‌شارتیه‌ و مافێ مه‌یێ هه‌رى دیمۆكراتیكه‌.

]]> https://rojnameyaevro.com/ku/%d8%a8%d9%87%e2%80%8c%d8%b3%d9%87%e2%80%8c-%d8%a6%db%8e%d8%af%d9%89-%d8%a6%d9%87%e2%80%8c%d9%85-%d9%86%d9%87%e2%80%8c%d8%a8%d9%86-%d9%83%d9%88%db%8e%d9%84%d9%87%e2%80%8c%db%8c%db%8e%d9%86-%d8%ae%d9%87/74548/feed/ 0 ئاڤاكرن یان كوشتن؟ https://rojnameyaevro.com/ku/%d8%a6%d8%a7%da%a4%d8%a7%d9%83%d8%b1%d9%86-%db%8c%d8%a7%d9%86-%d9%83%d9%88%d8%b4%d8%aa%d9%86%d8%9f/74113/ https://rojnameyaevro.com/ku/%d8%a6%d8%a7%da%a4%d8%a7%d9%83%d8%b1%d9%86-%db%8c%d8%a7%d9%86-%d9%83%d9%88%d8%b4%d8%aa%d9%86%d8%9f/74113/#comments Mon, 02 Jan 2017 09:25:37 +0000 http://evronews.net/ku/?p=74113 ل جیهانا پێشكه‌ڤتى به‌لكى ژى كارێ هه‌رى زه‌حمه‌ت و هه‌ستیار ئاڤاكرنا مرۆڤه‌كیه‌، ئاڤاكرنا مرۆڤ هه‌ر ژ دیرۆكێ ڤه‌ ل دوڤ هه‌مو باوه‌ریان كاره‌كى پیرۆز و خێرێیه‌. هه‌ر وه‌لاته‌ك پاشه‌رۆژا خوه‌ ب زارۆیێن خوه‌ را گرێ دده‌ت و ب وى هزرى هه‌ر ژ ده‌ما ره‌وزا یێ ڤه‌ ده‌ست ب په‌روه‌رده‌ كرنا زارۆیان دكه‌ن و هه‌م ژ ئالیێ كه‌لتور و هه‌م ژى ژ ئالیێ زانستى ڤه‌ دخوازن جیله‌كى ئانكۆ تاكه‌كى ئاڤاكرى دروست بكه‌ن كو چاوێن وان ل پشت نه‌مینیت. ئه‌م ژى وه‌ك نه‌ته‌وا كورد خوه‌دان چاند ئانكۆ كه‌لتۆره‌كى گه‌له‌ك دێرین و كه‌ڤنارن، هه‌ر چه‌نده‌ ژ ئالیێ ئۆلى و ده‌سهلاتدار و داگركه‌ران ڤه‌ هنده‌ك تایبه‌تمه‌ندیێن دور ژ چاندا مه‌ كه‌ڤتبیته‌ د ناڤ ژیان و ئه‌قلێ مه‌ دا ژى لێ دیسان ئه‌م دشێن بێژن ئه‌م خوه‌دان چه‌نده‌كا دێرین و ب هێزن. چاند ژیانه‌، هزركرنه‌، حه‌زكرنه‌ و ناسكرنه‌، چاندا مه‌ كوردان وه‌ك ژ ناڤێ خوه‌ دهێت چاندا چاندنیێیه‌. ئه‌م ڤه‌گه‌رن ده‌ستپێكا بابه‌تێ، ئاڤاكرنا تاكه‌ كه‌سى ئانكۆ مرۆڤه‌كى كاره‌كى گه‌له‌ك پیرۆزه‌ و ل وه‌لاتێن پێشكه‌ڤتى په‌روه‌رده‌ ژ هه‌مو كاران گرینگتره‌. په‌روه‌رده‌ وه‌ك ژێرخانا ئابۆرى، سیاسه‌ت، پیشه‌ و جڤاكه‌كا مۆده‌رن یا ل سه‌ر چاندا خوه‌ یا ره‌سه‌ن دهێته‌ دیتن و د ڤێ چارچووڤێ دا نێزیكى ئاڤاكرنێ دبه‌ن. ل وه‌لاتێ مه‌ ژى ئاڤاكرنا تاكى ل هێڤیا خوه‌دێیه‌، تاكه‌ وه‌ك ره‌نگ و شێوه‌ تشته‌كییه‌ و وه‌ك هزر و ئه‌قل ژى تشته‌كى گه‌له‌ك جودایه‌ یانى د ناڤ كه‌ساتیكى دا دو كه‌س هه‌یه‌. ئه‌م وه‌سا بێژن خوه‌دنا بێ پلان ئانكۆ نه‌بوونا ستراتیژیا ده‌م درێژ یا خوه‌دنێ فێربوونه‌ك دده‌ت لێ زانستیێ چێ ناكه‌ت و ڤالاهیه‌ك د مێژسك و شیانێن مرۆڤان دا دهێلیت و تاكه‌ كه‌س ڤێ ڤالاهیێ ب ته‌له‌ڤیزیۆن و ئینته‌رنه‌تێ تژى دكه‌ت. گه‌له‌ك جاران كه‌سێن كو ب وه‌لاتیێن كورد را سه‌ره‌ده‌ریێ دكه‌ن و هه‌ڤالتیا كوردان دكه‌ن، دبێژن خه‌لكێ وه‌ ژ ئالیێ خه‌یالى ڤه‌ گه‌له‌ك ب هێزن لێ هزر و فێربونێن وان ل گه‌ل جڤاكێ ئاسته‌نگه‌ ل هه‌مبه‌ر پێنگاڤ ئاڤێتنا وان، ئه‌ڤ یه‌ك راسته‌خۆ ب په‌روه‌رده‌ و ئاڤاكرنا تاكه‌ كه‌سى ڤه‌ گرێداییه‌ و سیسته‌ما خوه‌دن و ژیانا جڤاكى و مالباتێ نه‌ ئاڤاكه‌ره‌ و كه‌سان به‌ر ب خه‌یالان ڤه‌ هان دده‌ن و ته‌له‌ڤیزیۆن و ئینه‌ته‌رنه‌ت ژى رێ خۆش دكه‌ت بۆ خه‌یالێن دور و كور. مه‌ گه‌له‌ك جاران د نڤیسێن خوه‌ دا به‌حسا چاند، دیرۆك و زانستیێ كریه‌، ئه‌ڤ هه‌رسێ بابه‌ت پێكڤه‌ گرێداینه‌ و هه‌ڤودو بهێز دكه‌ن، یانى چاندا ره‌سه‌ن، دیرۆكا كه‌ڤنار و زانستا سه‌رده‌مێ…. یا یه‌كێ ب هه‌بوونا خوه‌ مله‌ته‌ك دكه‌ته‌ مله‌ت و ره‌نگه‌، ژیانه‌، زمانه‌ و ناسنامه‌یه‌، یا دویێ خوه‌ زانینه‌، دیرۆكه‌، ده‌رسه‌، ئه‌زمۆنه‌ و هه‌بوونه‌، یا سێیێ پێشڤه‌چوون، خوه‌ گیهاندنا جیهانێ و بكارئینانا ئه‌قلێیه‌، ئه‌ڤ هه‌رسێ تایبه‌تمه‌ند هه‌كه‌ ب دروستى هه‌ڤدو خوه‌دان بكه‌ن و ل خوه‌ندنێ بهێنه‌ چاندن دێ ئاڤاكرنا تاكه‌ كه‌سى ل گه‌ل خوه‌ دا بهینیت. سیسته‌مێن هه‌ر وه‌لاته‌كى پێشكه‌ڤتى هانده‌ره‌ د ئاڤاكرنا تاكه‌ كه‌سى دا، سیسته‌م ده‌رفه‌تا كار، خوه‌ندنێ، ژیانه‌كا باش و ئافرینه‌ریێ دده‌ته‌ پێشیا تاكه‌ن خوه‌، ده‌ما گه‌نجه‌ك ل سیسته‌ما وه‌لاتێ خوه‌ بنێریت و خوه‌ د سیسته‌مێ دا ببینیت و هه‌ست پێ بكه‌ت ژیانا وى د گه‌ره‌نتیێ دایه‌ و پیشه‌ و خوه‌ندنا وى ب رێزدارى ڤه‌ دهێته‌ پێشوازى كرن ب ره‌نگه‌كى ئه‌كتیڤ خوه‌ دكه‌ته‌ د ناڤا سیته‌مێ دا و دبیته‌ مۆتۆرا سه‌ركه‌ڤتنا سیسته‌ما خوه‌. دبێژن هه‌رێما كوردستانێ ژى سیسته‌مه‌ك هه‌یه‌ لێ كه‌س نزانه‌ چ سیسته‌مه‌ و وه‌سا دیاره‌ سیسته‌مه‌كا ڤه‌شارتییه‌، مرۆڤ دشێت وه‌سا ژى بێژیت سیسته‌مه‌كا مه‌ یا پلاستیكى هه‌یه‌، وه‌ك قایشێیه‌ به‌ر ب هه‌ر ئالیكى ڤه‌ دچیت، مه‌ ژى خوه‌ندنگه‌ه هه‌نه‌، ره‌وزا هه‌نه‌، زانكۆ هه‌نه‌ و تژییه‌ خوه‌نده‌كار، سالێن ده‌ستپێكێ ب كوردیه‌ و پشتره‌ ل زانكۆ زمانێ خوه‌ندنێ دبیته‌ ئینگیلیز و عه‌ره‌بى و ئه‌م ل به‌ندێ نه‌ پیسپۆر ژێ ده‌ركه‌ڤن. ده‌ما خوه‌ندن ته‌مام ژى دبیت ژ به‌ر ده‌لیڤێن كارى نینه‌ و كه‌رتێ ته‌یبه‌ت هه‌ر ب ئاڤاكرنا قه‌سران را مژوله‌ خوه‌نده‌كار به‌رێ خوه‌ دده‌ن چایخانه‌ یان چاوێن خه‌ به‌ردده‌ن چونا ده‌رڤه‌یێ وه‌لاتی. ژ ئه‌نجاما ڤێ یه‌كێ ژى رۆژ ب رۆژ ده‌رمانخانه‌، نه‌خوه‌شخانه‌، چایخانه‌، كافى و سۆمنخانه‌ و خوارنگه‌ه زێده‌ دبه‌ن. وه‌ك كو براده‌ره‌كى دگۆت، مه‌ ده‌رمانخانه‌ و نه‌خوه‌شخانه‌ گه‌له‌كن ژ به‌ر كو ئه‌م ژ ئالیێ ده‌رونى ڤه‌ نه‌ساخن، مه‌ گه‌له‌ك زێده‌ چایخانه‌ و كافى هه‌نه‌ ژ به‌ر كو ئه‌م بێكارن و به‌تالن و مه‌ گه‌له‌ك سۆمنخانه‌ و خوارنگه‌ه هه‌نه‌ ژ به‌ر كو ئه‌م چاڤ برسى نه‌ و تێربونا مه‌ زه‌حمه‌ته‌. وه‌ك ئاخاڤتنا داوى هێڤیدارم ئه‌م لاوێن كورد، زارۆیێن كورد ئاڤا بكه‌ن نه‌ كو بده‌ن كوشتنێ و فێرى كوشتنا برایێن خوه‌ بكه‌ن. نا بۆ براكوژى و خوه‌كوژی… ئالیێ مافدار یێ براكوژیێ، خوه‌كوژیێ نینه‌.

]]> https://rojnameyaevro.com/ku/%d8%a6%d8%a7%da%a4%d8%a7%d9%83%d8%b1%d9%86-%db%8c%d8%a7%d9%86-%d9%83%d9%88%d8%b4%d8%aa%d9%86%d8%9f/74113/feed/ 0 به‌س دو رۆژ ببه‌ن كورد https://rojnameyaevro.com/ku/%d8%a8%d9%87%e2%80%8c%d8%b3-%d8%af%d9%88-%d8%b1%db%86%da%98-%d8%a8%d8%a8%d9%87%e2%80%8c%d9%86-%d9%83%d9%88%d8%b1%d8%af/73771/ https://rojnameyaevro.com/ku/%d8%a8%d9%87%e2%80%8c%d8%b3-%d8%af%d9%88-%d8%b1%db%86%da%98-%d8%a8%d8%a8%d9%87%e2%80%8c%d9%86-%d9%83%d9%88%d8%b1%d8%af/73771/#comments Sun, 25 Dec 2016 16:24:45 +0000 http://evronews.net/ku/?p=73771 رۆژێن گه‌رم یێن كۆ باندۆرا خوه‌ ل پێشه‌رۆژا مه‌ بكه‌ت نێزیك دبه‌ن و د ڤێ قۆناغێ دا ئه‌مێ بریارێ بده‌ن و راگه‌هینن كا ئه‌م چنه‌ و ئه‌م چ دخوازن و هێژایێ چ ژیانه‌كى نه‌. راسته‌ وه‌لاتێن زلهێز و داگركه‌رێن كوردستانێ هه‌ر یه‌ك خوه‌دان پرۆژه‌ و پلانه‌كى نه‌ و هه‌ر یه‌ك ژ وان ل دوڤ پلانێن خوه‌ پاشه‌رۆژه‌ك بۆ كورد و كوردستانێ دیار كرنه‌ و حه‌تا ژ ده‌ستێ وان بهێت دێ بزاڤێ بكه‌ن دا كۆ پلانا وان ل سه‌ر كوردان بهێته‌ بجیه كرن، ده‌ما ئه‌م ل ره‌وشا پارچه‌ى و حسابێن بچوك یێن پارتێن خوه‌ دنێرن گه‌له‌ك هێسان ئه‌م دشێن بێژن كۆ ره‌وشا ناڤخۆ یا مه‌ زه‌مینه‌ بۆ داگركه‌ران خۆش دكه‌ت دا كۆ بریارێ ل سه‌ر ناڤێ مه‌ بده‌ن.
ئه‌م مه‌راق دكه‌ن، ب راستى پرۆژه‌ و پلانێن پارتێن كوردى بۆ پاشه‌رۆژێ چنه‌؟ گه‌لۆ پارتێن مه‌ دێ كینگێ خوه‌ سپى بكه‌ن و ره‌ش و كرێتى و گه‌مارێن داگركه‌ران ژ سه‌ر خوه‌ باڤێژن؟ پرسیارا داوى ژى ئه‌ڤه‌ سه‌رۆكێ هه‌رێمێ پێشنیاره‌ك و پلانه‌ك گه‌له‌ك رۆن و ئاشكرا دا پێشیا هه‌مو ئالیێن سیاسى و ئه‌ز دشێم بێژم ب وێره‌كانه‌ ته‌پا ئاڤێته‌ ناڤ گۆراپانێ، ئه‌ڤجا چ بیانۆیه‌ك ل به‌ر ده‌ستێ چ ئالیه‌كى دا نه‌مایه‌ و دڤێت پارتێن كوردى د زوترین ده‌م دا به‌رسڤا سه‌رۆكاتیا هه‌رێم بده‌ن و هه‌لویستێن خوه‌ ئاشكرا بكه‌ن. یانى هه‌كه‌ هه‌بیت نه‌خشه‌چاره‌یه‌ك بۆ پاشه‌رۆژا كوردان دڤێت ب زه‌لالى راگه‌هینن، تشتێ كۆ ئه‌ز دبینم چ نه‌خشه‌رێیه‌ك بۆ پاشه‌رۆژا كوردستانێ ل به‌ر ده‌ستێن ئالیێن سیاسى یێن كوردستانێ دا نینه‌ و هه‌ر ئالیه‌ك ل ده‌ڤێ داگركه‌رێن كوردستانێ دنێرن و نه‌شێن رویێن خوه‌ سپى بكه‌ن. یانى ب تنێ دو رۆژ هه‌ما دو رۆژ به‌سن بلا هزر بكه‌ن كۆ كوردن و باوه‌ر بكه‌ن هه‌كه‌ به‌س دو رۆژ پارتێن مه‌ هه‌ست ب كوردبونا خوه‌ بكه‌ن و سۆز و په‌یمانێن كۆ دانه‌ شه‌هیدان و گه‌لێ كورد ببیر بهینن دێ گه‌له‌ك زه‌لال یه‌كگرتنا ناڤ مالا كوردى دروست ببیت و وێ ده‌مێ ئه‌مێ بشێن ب سه‌ر بلندى ل هه‌مبه‌ر داگركه‌ران و وه‌لاتێن زلهێز ب ده‌نگه‌كى بلند راگه‌هینن كۆ ئه‌م ده‌وله‌تا خوه‌ یا سه‌ربخوه‌ رادگه‌هینن و دیسان باوه‌ر بكه‌ن ده‌ما ده‌وله‌تێ راگه‌هینن چ هێزه‌ك نه‌شێت ببیته‌ رێگر و ده‌سته‌وه‌ردانێ بكه‌ت. یانى ئاریشا مه‌ یا سه‌ره‌كى ئه‌وه‌ كۆ مه‌ كوردبونا خوه‌ ژ بیر كریه‌ و تنێ پاراتایه‌تیا مه‌ د ئه‌قلێ مه‌ دا مایه‌ و ئه‌قلێ پارتایه‌تى د پرسێن چاره‌نیوساز دا كێمه‌ و نه‌ساخیه‌ و بچوكه‌.
ده‌ما په‌یڤ دهێته‌ سه‌ر راگه‌هاندنا ده‌وله‌تا كوردى ژ هه‌ر سه‌ریه‌ك هزره‌كى نه‌ساخ و ژ هه‌ر ده‌وى ئاخاڤتنه‌كا بریندار ده‌ردكه‌ڤیت و سه‌ده‌مێ وێ ژى نه‌بونا ئه‌قلێ باسیت و ره‌سه‌ن یێ كوردبونێیه‌، هه‌كه‌ نا بۆ چ د قۆناغه‌كى وه‌سا دا كۆ ئه‌م ژ هه‌ر ده‌مێ زێده‌تر نێزیكى خه‌ونا شه‌هیدان و هه‌ر تاكه‌كى كورد بونه‌ كۆ ئه‌و ژى ده‌وله‌تا كوردیه‌، ئه‌م نه‌شێن پێكڤه‌ دانشن و ب یه‌ك ده‌نگى و یه‌ك هه‌لویستى ب ده‌نگه‌كى بلند ده‌وله‌تا خوه‌ یا سه‌ربخوه‌ راناگه‌هینن. هه‌كه‌ ده‌ستێ ده‌وله‌تێن داگركه‌ر د ناڤا مه‌ دا نه‌بیت بۆ چ هزر و به‌رنامێن پارتێن مه‌ ئه‌و هنده‌ شێلى نه‌.
د ئاستێ نێڤده‌وله‌تى دا تشتێ كۆ خوه‌یا دكه‌ت ژ بلى ده‌وله‌تێن داگركه‌ر یێن پارچێن كوردستانێ چ رێگرى ل به‌رده‌م كوردان دا نه‌مایه‌ و د ره‌وشا نها دا ده‌وله‌تێن زلهێز ژى د ناڤ دا پرانیا وه‌لاتێن ئوروپا ده‌ما ده‌وله‌ته‌كا كوردى بهێته‌ راگه‌هاندن دێ نه‌ ل دژ بن، لێ هه‌كه‌ ئه‌م ب یه‌كگرتى ده‌وله‌تا خوه‌ دروست نه‌كن نه‌ ئوروپا و نه‌ ژى وه‌لاتێن زلهێز چ ئالیه‌ك بۆ مه‌ ده‌وله‌ته‌كا سه‌ربخوه‌ دروست ناكن.
دو رێ ل پێشیا مه‌ هه‌یه‌، رێكا یه‌كێ یه‌كگرتنا ناڤ مالا كوردى و یه‌ك هه‌لویستییه‌، ئه‌ڤ رێك دێ مه‌ به‌ر ب ده‌وله‌تا كوردستانێ ڤه‌ ببیت و بۆ گهیشتنا ڤێ رێكێ وه‌ك مه‌ ده‌ستپێكێ گۆت ب تنێ دو رۆژ به‌سن و به‌س دێ هزر ل كوردبونا خوه‌ بكه‌ن نه‌ كۆ ل پارتایه‌تی. رێكا دویێ به‌رده‌وامى دانا ره‌وشا نها یا پارچه‌كرى و شێلى بونا هه‌لویستان و گۆهدارى كرنا داگركه‌رانه‌ كۆ ئه‌ڤ رێك ژى دێ ده‌لیڤا زێرین ژ به‌ر ده‌ستێ ب فرینیت و به‌لكى ب سه‌دان سالێن دى ده‌لیڤه‌كا وه‌سا بۆ مه‌ دروست نابیت. ئه‌ڤجا ته‌پ ل گۆراپابا پارتێن سیاسى یێن كوردستانێیه‌، دشێن ته‌پا باڤێژن گۆلا خوه‌ و توشى خوساره‌ته‌كى دیرۆكى ببه‌ن و دشێن ب هه‌ڤرێزى پاساتان بده‌ن هه‌ڤدو و ب زیره‌كانه‌ گۆلێ بۆ خوه‌ تۆمار بكه‌ن و سه‌ركه‌ڤن.

]]> https://rojnameyaevro.com/ku/%d8%a8%d9%87%e2%80%8c%d8%b3-%d8%af%d9%88-%d8%b1%db%86%da%98-%d8%a8%d8%a8%d9%87%e2%80%8c%d9%86-%d9%83%d9%88%d8%b1%d8%af/73771/feed/ 0 سه‌را مالباتێن شه‌هیدان بده‌ن https://rojnameyaevro.com/ku/%d8%b3%d9%87%e2%80%8c%d8%b1%d8%a7-%d9%85%d8%a7%d9%84%d8%a8%d8%a7%d8%aa%db%8e%d9%86-%d8%b4%d9%87%e2%80%8c%d9%87%db%8c%d8%af%d8%a7%d9%86-%d8%a8%d8%af%d9%87%e2%80%8c%d9%86/73402/ https://rojnameyaevro.com/ku/%d8%b3%d9%87%e2%80%8c%d8%b1%d8%a7-%d9%85%d8%a7%d9%84%d8%a8%d8%a7%d8%aa%db%8e%d9%86-%d8%b4%d9%87%e2%80%8c%d9%87%db%8c%d8%af%d8%a7%d9%86-%d8%a8%d8%af%d9%87%e2%80%8c%d9%86/73402/#comments Sat, 17 Dec 2016 16:34:22 +0000 http://evronews.net/ku/?p=73402  

هه‌ر ساله‌كا نوو ل پرانیا جیهانێ نووبوونان ل گه‌ل خوه‌ دا دهینیت و هنده‌ك گوهۆرین د ژیان، ره‌وش و هزر دا دروست دكه‌ت. ل گه‌ل مه‌ كوردان نه‌ ساله‌كى نوو نه‌ ژى سه‌دساله‌كى نوو ژى چ گوهۆرینێن وه‌سا مه‌زن ب خوه‌ را ناهینیت و ئه‌قل و ژیان و شێوازێ هزرا مه‌ هه‌ر یا ل سه‌ر هێلا باڤك و باپیرانه‌. ده‌ما كو ئه‌م ل دیرۆكا خوه‌ دزڤرن و خوه‌ندنێ د رۆپه‌لێن دیرۆكێ دا دكه‌ن گه‌له‌ك ئاشكرا ده‌ردكه‌ڤیته‌ هۆلێ كو ژ ده‌ما ئیمپاراتۆریا مه‌زنا كوردان مه‌دان ڤه‌ بگره‌ حه‌تا ده‌وله‌تا مه‌زنا مه‌روانیان و سه‌رداما سولتانێ ئۆسمانیان یاووز سولتان سه‌لیم و هه‌رى داوى د ده‌ما شه‌ڕێ جیهانا ئیكێ د قۆناغا پارچه‌بوونا ئۆسمانیان دا ده‌لیڤێن زێرین كه‌ڤتنه‌ د ده‌ستێ كوردان دا و ئه‌و ده‌لیڤێن زێرین ژ ئالیێ سه‌ركردێن وێ ده‌مێ یێن كوردان ڤه‌ نه‌هاتیه‌ دیتن ئانكو ژ به‌ر نه‌بوونا ئێكگرتنه‌كا ناڤمالا كوردى ده‌لیڤێن زێرین ژ به‌ر ده‌ستێن كوردان هه‌لیایه‌ و چوویه‌. د رۆپه‌لێن دیرۆكێ دا هه‌رجار شه‌رێن ئاشیره‌تێن كورد ئانكۆ هه‌ڤدو قه‌بوولنه‌كرنا سه‌رۆك عه‌شیران بوویه‌ سه‌ده‌مێ لاوازبوونا ناڤمالا كوردى و دوژمنێن كوردان شیانه‌ ژ ره‌وشا و پارچه‌ یێ كوردان مفایێ وه‌ربگرن و كوردان بخه‌ن ژێر بنده‌ستێن خوه‌. د ده‌ما مه‌دان دا ئاشیرێن كورد چوونه‌ گه‌ل دوژمنێن خوه‌ و ژ ناڤمالێ ڤه‌ ده‌ریێ ژ ناڤبرنا ئیمپاراتۆریا مه‌دیا بۆ دوژمنان ڤه‌كرنه‌، هه‌ر سه‌ده‌مێ ژناڤچوونا ده‌وله‌تا مه‌روانیان ژى هه‌مان سه‌ده‌مه‌. دیسا خیانه‌تا شێخ ئیدریسێ به‌دلیس ژى ب هه‌مان ره‌نگیه‌ و ئه‌ڤرۆ ژى مخابن ئه‌م دیسا به‌ر ب دیرۆكا باڤك و كالان ڤه‌ دچن. هنده‌ك ئالیێن سیاسى مافێ ده‌وله‌تبوونا كوردان وه‌ك تاوانه‌كى مه‌زن دبینن و ژیانا خولامتى ئانكو ئه‌بدبوون وه‌ك قه‌ده‌را كوردان قه‌بوول دكه‌ن و ئه‌و مافێ ده‌وله‌تبوونێ بۆ هه‌ر نه‌ته‌وه‌كى ماف دبینن، لێ ده‌ما كورد دخوازن ببه‌ن ده‌وله‌ت وه‌ك قه‌باحه‌ت ئانكو تاوان دبینن و ناڤێ ڤێ ئێكێ ژى وه‌ك پێكڤه‌ژیانا نه‌ته‌وان ب ناڤ دكه‌ن. گه‌له‌ك باشه‌ هه‌موو نه‌ته‌و پێكڤه‌ژیان بكه‌ن، لێ بۆ چ ناڤێ وێ ده‌وله‌تا كو نه‌وته‌وێن مه‌زۆپۆتامیا و كوردستانێ پێكڤه‌ژیان بكه‌ن نه‌ كوردستان بیت. بۆ چ كوردستانى بوون و ئاڤاكرنا ده‌وله‌تا كوردان تاوانه‌؟ ئه‌ڤ چه‌ند نڤیسه‌ ئه‌م باحسا هێلێن سۆر دكه‌ن، من ئێك مه‌ره‌م ژ هێلێن سۆر یێن نه‌ته‌وى هه‌یه‌ ئه‌و ژى پاراستنا ده‌سكه‌ڤت و خوه‌ گه‌هاندنا ئارمانجێن پیرۆز یێن نه‌ته‌وى نه‌. دڤێت هێلێن سۆر چبن؟ هێلێن سۆر نرخ و روومه‌تێن نه‌ته‌وینه‌، نرخێن نه‌ته‌وى ئاخ، ئال، سنۆر، خوین و پاراستنا ده‌وله‌مه‌دیێن كوردستانێ نه‌. هێلێن سۆر ژى هه‌ر ل سه‌ر نرخێن نه‌ته‌وى دهێته‌ دیار كرن. یانى هێلا سۆر پاراستنا ئاغا كوردستانێ، بلد راگرتنا ئالا كوردستانێ، خوه‌دى ده‌ركه‌ڤتنا ده‌سكه‌فت و هه‌ر بهۆسته‌ك سنۆرێ كوردستانێ و ده‌وله‌مه‌ندیێن ژێر عه‌رد و سه‌ر عه‌ردێ یێن كوردستانێ نه‌. وه‌رن ئه‌م ب ره‌نگه‌كى دى ل پرسا نه‌ته‌وى و پرسگرێكێن ده‌وله‌تبوونێ راوه‌ستن. نها پرسیار ئه‌ڤه‌ مافێ كوردان یا ده‌وله‌تبوونێ هه‌یه‌ یان نا؟ بۆ هه‌ر نه‌ته‌وه‌كى ئاڤاكرنا ده‌وله‌تێ مافه‌كى ره‌وایه‌ لێ بۆ چ داخوازا ئاڤاكرنا ده‌وله‌ته‌ك سه‌ربخوه‌ بۆ كوردان تاوانه‌؟ گه‌لۆ به‌رناما وان ئالیێن سیاسى چیه‌، چ بۆ كوردان دخوازن و خوینا لاوێن كورد ب ده‌هان سالان بۆ چ دانه‌ رژاندن؟. جیهان ئاماده‌یه‌ ده‌وله‌ته‌كا كوردى ل باشۆر و رۆژئاڤا كوردستانێ هه‌مبێز بكه‌ت و ب ده‌هان سه‌ركرده‌ و بریارده‌رێن جیهانێ ئیشاره‌تا وێ ئێكێ دده‌ن كو دێ كورد ل هه‌رێما باشورێ كوردستانێ و رۆژئاڤا كوردستانێ ببه‌ن دو ده‌وله‌تێن سه‌ربخوه‌. ئه‌ڤ ئیشاره‌تا یه‌ك واته‌یا خوه‌ هه‌یه‌، ئه‌ى كورد خوه‌ رێك بخه‌، یه‌كگرتنا ناڤمالا خوه‌ دروست بكه‌ت و هه‌وپه‌یمانیه‌كا دژوار یا نیشتمانى ئاڤا بكه‌ت، ئه‌زێ رێز ل داخوازا ته‌ بگرم. لێ هنده‌ك ئالیێن سیاسى ل باشۆر، باكۆر و رۆژئاڤا وه‌ك كو ئاڤاكرنا ده‌وله‌تا سه‌ربخوه‌ یا كوردستانێ خیانه‌ت بیت خوه‌ ژێ ددزن و ژ دوژمن زێده‌تر دژاتیا ده‌وله‌تا كوردى دكه‌ن. پرسیارا من ژى ئه‌ڤه‌ ئاڤاكرنا ده‌وله‌تا كوردى خیانه‌ته‌ یان دژاتیا ئاڤاكرنا ده‌وله‌تا كوردى؟ ئه‌ز ڤێ پرسێ ژ وژدانێ هه‌ر تاكه‌ كه‌سه‌كى كوردان دپرسم؟ هه‌روه‌سا داخواز ژ وان ئالیێن سیاسى دكه‌م كو بچن سه‌را مالباتێن شه‌هیدان بده‌ن و ژ وانرا بێژن مه‌ زارۆیێن وه‌ بۆ ده‌ره‌وێن دیمۆكراسیێ و دژاتیا ده‌وله‌تا كوردى دایه‌ كوشتن، كا دێ به‌رسڤا كه‌سوو كارێن شه‌هیدان چبیت؟. وه‌ك كورده‌ك وه‌ك رۆژنامه‌ڤانه‌ك ژ پرچا سه‌رێ خوه‌ حه‌تا خوینا د گیانێ خوه‌ دا ل گه‌ل ئاڤاكرنا ده‌وله‌تا كوردى مه‌ و ژ عه‌رد حه‌تا ئه‌زمان پشته‌ڤانێ پێشمه‌رگه‌، گه‌ریلا و شه‌رڤانێن كوردم. ب هه‌موو گیانا خوه‌ و ئوژدانێ خوه‌ ڤه‌ دۆست و هه‌ڤالێ ده‌وله‌تا كوردى و پارێزڤانێ ده‌سكه‌ڤتێن باشۆر، باكۆر و رۆژئاڤا كوردستانێ مه‌ و بێ جوداهى ژ باكۆر حه‌تا باشۆر ژ رۆژئاڤا حه‌تا رۆژهه‌لات شه‌هیدان وه‌ك قبلا خوه‌ دبینم. دیسا براكوژى یان خوه‌كوژى وه‌ك مرنا خوه‌ دبینم. هێڤى دكه‌م هه‌ر تاكه‌ كه‌سه‌ك كوردستانێ بێ هه‌ماسه‌تا هه‌ڤالتیا ئالیه‌ك سیاسى هنده‌ك هزر ل دیرۆك و مافێن خوه‌ بكه‌ت و پرسیارێ ژ ئوژدانێ خوه‌ بكه‌ت. گه‌لۆ چ دخوازیت و ئوژدانێ وى چ بۆ وى دبێژیت.

]]> https://rojnameyaevro.com/ku/%d8%b3%d9%87%e2%80%8c%d8%b1%d8%a7-%d9%85%d8%a7%d9%84%d8%a8%d8%a7%d8%aa%db%8e%d9%86-%d8%b4%d9%87%e2%80%8c%d9%87%db%8c%d8%af%d8%a7%d9%86-%d8%a8%d8%af%d9%87%e2%80%8c%d9%86/73402/feed/ 0