Rojnameya Evro » شیرزاد نایف https://rojnameyaevro.com/ku Mon, 13 Jul 2026 11:28:14 +0000 ar hourly 1 https://wordpress.org/?v=4.0.38 دەمـا ئـۆپـوزسیۆن دارێ‌ د بن خـوەدا دبڕیت https://rojnameyaevro.com/ku/%d8%af%db%95%d9%85%d9%80%d8%a7-%d8%a6%d9%80%db%86%d9%be%d9%80%d9%88%d8%b2%d8%b3%db%8c%db%86%d9%86-%d8%af%d8%a7%d8%b1%db%8e%e2%80%8c-%d8%af-%d8%a8%d9%86-%d8%ae%d9%80%d9%88%db%95%d8%af%d8%a7-%d8%af/264870/ https://rojnameyaevro.com/ku/%d8%af%db%95%d9%85%d9%80%d8%a7-%d8%a6%d9%80%db%86%d9%be%d9%80%d9%88%d8%b2%d8%b3%db%8c%db%86%d9%86-%d8%af%d8%a7%d8%b1%db%8e%e2%80%8c-%d8%af-%d8%a8%d9%86-%d8%ae%d9%80%d9%88%db%95%d8%af%d8%a7-%d8%af/264870/#comments Mon, 29 Jun 2026 12:42:43 +0000 https://rojnameyaevro.com/ku/?p=264870 شێرزاد نایف

نە هەر كەسێ درووشمێ‌ ئۆپوزسیۆنیێ‌ بلندكر ئەو یێ‌ باشترە و شەڕەڤانە و شاما شەریفە!، نە هەر كەسێ ب ناڤێ «لاوان» پەیڤی ئەوی وەلاتەك ئاڤاكر. سەركەفتن نە ب درووشمانە و نە ب دەنگێ‌ بلندە، گەلەك جاران دەنگێ بلند ژناڤدا دیواران ب سەر خۆدا دئینیتە خار،
ئەڤە ژی ئەوبوو یاكو وی جامێری (شاسوار عەبدولواحید)، خۆدانێ‌ «نەوەی نوێ‌«، كری. كو پەیڤا (نەخێر) ل ڤێ دەمێ هەستیار گۆتی و دەربازی داخوازا ئاشكرا یا هەلوەشاندنا «هەرێما كوردستانێ» كری. ل دویڤدا خەلكەكێ‌ زۆر ل هەرێمێ‌ نیگەران كری و گەلەكان ب «خەونا ئەستەم». بناڤكری یانژی ب خەونا حێشتران!. چونكو هەرێما مە نەك كۆمپانیایەكە بهێتە كڕین و فرۆتن، و نەك بزاڤەكە و حزبكە كو بهێتە هەلوەشاندن، لێ‌ بەرێ خوینا شەهیدان، خەبات و قوربانیدانا بێ سنوورا نەتەوەیەكێ یە. دەما تو داخوازا هەلوەشاندنێ دكەی، ئەو تو حوكمەتێ ناهەلوەشێنی ئەو تو یێ‌ مللەتەكێ‌ مەزلۆم، دەستكەفتیێن وی، پێشمەرگەی كو دەستوورەكێ كو گەلێ ئیراقێ پەسەندكری دهەلوەشێنی.
ل ڤێرێ ئاراستەیا وی دكەڤێتە د خەفكەكا فەلسەفێ دا، كو جوداهیا (كانت) د ناڤبەرا ئارمانج و ئامرازان دا كری. هەڤڕكییا راستەقینە پرسیار دكەت؛ ئەم چاوا ئاریشەییا مووچەیان چارەسەر بكەین؟ ئەم چاوا پشكپشكانێ‌ بدویماهی بینین؟ لێ گۆتارا هەلوەشاندنا هەرێما كوردستانێ‌ پرسیارێن مەترسیدارتر دئینیتە پێش: بۆچی د بنیات دا هەرێم هەیە؟ و چاوا پەیدابوویە و بۆ كێ‌؟ ئێك نەشتەرگەریە، ئێكا دی ژی كوشتنە و دەنگێ تۆڕێن جڤاكی ژی د بێ رەحم بوون.
ل سەر فیسبۆكی و تیكتۆكی ئێكرێزی بژالەبوو، لێ پتریا وان ئێك بوون.. ئەو لاوێن سلێمانیێ یێن كو 15 كورسی داینە وی، وەشاندبوون كو؛ مە تو هەلبژارتی كو لێپرسینا گەندەلیێ بكەی، نەكو مالێ خراب كەی». مەسیحییان ژی نڤیسی بوون كو هەرێمێ‌ كنیشتەیێن مە ژ داعشێ پاراستبوون. ئارامگەها مە نەهەلوەشینە.
هەتا هەڤپەیمانیا مەسیحییان ل ئیراقێ‌ و هەرێمێ ئەو وەك مەترسیەكا هەستیار ل سەر ئاشتیێ‌ و مۆزاییكا جڤاكی» ل قەلەمدان. كێم جاران بەڤلێن تە و هەڤالێن تە ل سەر تشتەكی كۆك دبن، ب تنێ‌ هەكە تو ب خۆ هێلا سۆر دەربا نەكەی. بۆچی؟ چونكی هەرێم ئەڤرۆ هند راستیێن كو نەشێن دەستتێوەردانان بكە مینا هشیاریا نەتەوەیی گەهشتیە ئاستەكی كو «گەلێ كورد گەهشتیە ل رادەیەكی كو چ جاران بەر ب پاش ناڤەگەریت».
ژ لایەكێ‌ دی ڤە، چونكو هەولێر بوویە رووگەها ئارامیا دەڤەرێ و هەلوەشاندنا وێ واتە پەیدابوونا ئالۆزییان كو دوژمنان ئەو داخوازی دڤێت، ئەڤە ژی ب سایا سەرێ‌ پێشمەرگەی و سەركردایەتیا هەرێما كوردستانێ‌ تایبەت ژی دەمێ‌ كو ل بەرانبەر داعشێ راوەستییای و جیهان ب خۆڤە مەندەهۆشكری كو بێی هەرێم، ئالۆزی دێ‌ ڤەدگەریێت. لێ دوبەرەكی و پارادۆكسا مەزن ئەوە كو شاسوار ب خۆ ئەڤ دوبەرەكییە پەیداكر. كابرای وەكو دبێژن ب ناڤێ «ترامپێ كوردستانێ» و شەڕڤانێ گەندەلیێ خۆ تەڤلی سیاسەتێ كر. لێ دۆسیەیا وی وەكو «بازرگانێ پلە و پۆستان» هاتە كاڕاكر. هەتا وی رادەی رۆژنامەڤانەكا بەرێ یا (NRT) ئەو ب رسواكرنا رۆژنامەڤان و دزینا مافێن وان «ب فەرمانا وی ب خۆ» تاوانبار كریە.
چاوا كابرا دەولەتەكا مەدەنی دخوازیت ل دەمەكی كو ئەو ب خۆ د ناڤ سازییا خۆ دا و رەخنێ‌ ل دەرەڤە لێ دگریت؟ هەكە نە.. چاوا تو پێنچ مەهان ب تۆمەتا ناڤزراندنا ل دژی پەرلەمانتارەا ژن هاتیەگرتن؟ ئەڤرۆ ب ناڤزراندنا ل دژی وەلاتی دهێیە تاوانباركرن!؟ ئەڤ دۆسییە پرسەكا گران دئینیتە پیێش:ما خۆنە هەرێم كۆمپانیەكە دێ هەلوەشینی؟» لێ‌ هەرێم ب خوینا سەدان هزاران شەهیدان هاتیە بدەستڤەئینان. راستە حزب دهێن و دچن؛ لێ كوردستان و گەلێ كورد دێ‌ هەر مینیت. ل ڤێرێ ئەم دگەهینە ئەنجامێ (نیتچێ‌): هەر كەسێ‌ كو شەڕێ دڕندەیان دكەت، دڤێت هشیاری خۆ بیت نەكو ئەو ب خۆ ببیتە دڕندە!. تە دەست ب هێرشكرنا ل سەر دو مالباتان كر. هەتا كو تو گەهشتیە وی رادەی هێرشی مللەتەكی بكەی؟!. تە دەست ب لێگەڕیانا كورسیێ كر، لەورا یێ‌ ل بەر دگەریێی چەترا ل هنداڤی مە ژی ب سەرمە دا بینیە خار. لەروا خەلكی یێ‌ دبێژیت كو رۆژێن وی و هزرێن سنێلەیی بەر ب نەمانێ ڤە دچن. چونكی دیرۆك ڤان جۆرە هەڤڕكان تۆمار ناكەت، بەلكو كەسێن وەلاتی ئاڤا دكەن و ئەلەبتە ژی كەسێن تێكدەر ژی ب خرابی تۆمار دكەت.
كاك شاسوار، خەلكێ‌ كوردستانێ ئەڤرۆ ناپرسن: كا كی ل گەل پارتی یە یان ل دژی یەكێتێی یە؟ ئەو ئێك پرسیار دكەن: كی ل گەل هەرێمێ‌ یە یی یان كی ل دژی هەرێم یە؟ بەرسڤ ژی نە ل جەم مەدیایێ‌ یە، بەلكو ل جەم تەیە. ڤێجا تو هەلبژێرە: یان تو ببیە دەنگێ (نەخێر بۆ گەندەلیێ‌)، یانژی ناڤێ خۆ د ناڤ رۆپەلێن رەشێن یێن دیرۆكێ دا بنڤیسیە.

]]> https://rojnameyaevro.com/ku/%d8%af%db%95%d9%85%d9%80%d8%a7-%d8%a6%d9%80%db%86%d9%be%d9%80%d9%88%d8%b2%d8%b3%db%8c%db%86%d9%86-%d8%af%d8%a7%d8%b1%db%8e%e2%80%8c-%d8%af-%d8%a8%d9%86-%d8%ae%d9%80%d9%88%db%95%d8%af%d8%a7-%d8%af/264870/feed/ 0 كەمپینەیـا سەیێن بـەردای https://rojnameyaevro.com/ku/%d9%83%db%95%d9%85%d9%be%db%8c%d9%86%db%95%db%8c%d9%80%d8%a7-%d8%b3%db%95%db%8c%db%8e%d9%86-%d8%a8%d9%80%db%95%d8%b1%d8%af%d8%a7%db%8c/262516/ https://rojnameyaevro.com/ku/%d9%83%db%95%d9%85%d9%be%db%8c%d9%86%db%95%db%8c%d9%80%d8%a7-%d8%b3%db%95%db%8c%db%8e%d9%86-%d8%a8%d9%80%db%95%d8%b1%d8%af%d8%a7%db%8c/262516/#comments Sun, 10 May 2026 20:57:19 +0000 https://rojnameyaevro.com/ku/?p=262516 شێرزاد نـایف

سەیێن مە یێن بووینە بەلایا سەرێ‌ مە، هینگی راوەستان هەتاكو زارۆیەكێ‌ مە كریە قوربان، هەر وەكو بەربەلاڤبوونا باژاری و ئاڤاهیان پێلا خۆ بۆ لایێ‌ جهێن وان ڤە وان بریە، یانكو ئەم چووینە د سنوورێ‌ جهنشینیا وان دا، هەلبەت هەبوونا سەی د سروشتێ‌ دا گەلەك مفایێن خۆ هەنە و ئەڤ مفایە ژی دڤێت ب مەرجێن خۆ ژێ‌ بهێنە وەرگرتن، مفایێ‌ ژ هەمیان فەرتر ئەوبوو كو ببیتە هەڤئەركێ‌ كەرێن پەزی و ب دلسۆزی ببیتە حەرەسەكێ‌ دلسۆز. دێ‌ شڤان و گاڤان خوارنێ‌ و هەستیان دەنێ‌ ئەو ژی دێ‌ بەرگریێ‌ ل دژی هێرشێن گورگان كەن و ل دژی هەر زیندەوەرەكێ‌ بیانی، هەر ژ بچویكاتیێ‌ وەختێ‌ كووچك و هەتا كو مەزن دبیت دێ‌ ل گەل مرۆڤی ژیانێ‌ كەت، چونكو دێ‌ مرۆڤی نیاسیت و د گەل مە دا ژیت. دبێژن مەترسیا وی ژی بۆ سەر وان كەسانە یێن لاواز و یێن دترسن و فۆبیا هەبیت. جارەكێ‌ نۆشدارەكێ‌ فیتەرنەری پسیارەك ژ من كر، ئەرێ‌ سەگ چاوا دزانیت مرۆڤ یێ‌ ژێ‌ دترسیت؟، هەلبەت من ب خۆ هزرا خۆ دا كاری و من گۆت كو وەختێ‌ مرۆڤ ژ سەیان دترسیت جۆرەكێ‌ خوهێ‌ ژ مرۆڤی دەردكەڤیت، بێهنا وێ‌ خوهێ‌ دچیتە سەری و زیكا دزانیت كو ئەڤ كەسە یێ‌ دترسیت و نەشێت زیانەكێ‌ بگەهینتە سەی. ئینا بەرسڤا من ب دلێ‌ وی بوو، ژبلی هندەك حالەتێن جودا هەبن هندەك سەگ هەنە كەسێ‌ ب چو حساب ناكەن.
ڤێجا چونكو بارودۆخێن ژیانێ‌ هاتینە گوهۆرین، سەیان ژی رێرەویا ئەركێن خۆ گوهارتینە، ژ بەر كێمبوونا خوارنێ‌ و بەرمایكان یێن برسی ژی بووین نەچاربووینە كو لەقا ل مرۆڤان بدەن. مانێ‌ ژیانا زیندەوەران ل دویڤ سروشتێ‌ ژینگەهان برێڤەدچیت. بۆ میناك مرۆڤی رویڤكا كوورە هەیە دبێژنێ‌ (الزائدە الدودیە) كو یا زێدەیە د لاشێ‌ مرۆڤی دا و مرۆڤی چو شۆل پێ‌ نینە، بەلێ‌ ل سەردەمێن بەرێ‌؛ دار و بەر و گیایێن زڤر دخوارن، ئەركێ‌ وێ‌ بوو ئەوان ل گەل گەدی هەرەسە بكەت، هەتا نها مایە بێ‌ كار، هەر دیسا بەلاعیم یێن مرۆڤی ژی فایدەێن خۆ هەیە وەكو فلتەرەكی یە بۆ پاراستنا هناڤێن مرۆڤی و گەلەك تشتێن دیتر ژی، مەمكین زەلامان وەكو تشتەكێ‌ زێدەیە، جۆرەكێ‌ دیرۆكێ‌ ژی دبێژیت وەختەكی كار پێ‌ هەبوو، ـ ڤێجا چ وەبیت یان نەوەبیت! ـ ئەڤجا زیندەوەر ب بۆرینا دەمی دهێنە گوهۆرین. ئەڤجا ئاریشەیا سەیێن هار نها ل هەمی دەڤەران هەیە، لێ‌ ل دەف مە ل هەرێمێ‌ و ل دهۆكێ‌ وەكو كێشەیەكا مەیە و نها چارەسەری ئەوە كو سەیێن خۆ ل ناڤا رووبەرەكی دا درۆپێچ بكەین و ب لەز ئالیەتەكێ‌ دانین داكو هێشتا خەلكێ‌ مە نەكەڤیتە بەر كێلبا وان یێن پیس هەكە دێ‌ پتر كەڤیتە بەر گل و گازندەیێن خەلكێ‌ و تایبەت ژی ل سەر سۆشیال میدیایێ‌.

]]> https://rojnameyaevro.com/ku/%d9%83%db%95%d9%85%d9%be%db%8c%d9%86%db%95%db%8c%d9%80%d8%a7-%d8%b3%db%95%db%8c%db%8e%d9%86-%d8%a8%d9%80%db%95%d8%b1%d8%af%d8%a7%db%8c/262516/feed/ 0 قەستەرەیەك بۆ شریانێن دهۆكێ‌ https://rojnameyaevro.com/ku/%d9%82%db%95%d8%b3%d8%aa%db%95%d8%b1%db%95%db%8c%db%95%d9%83-%d8%a8%db%86-%d8%b4%d8%b1%db%8c%d8%a7%d9%86%db%8e%d9%86-%d8%af%d9%87%db%86%d9%83%db%8e%e2%80%8c/257312/ https://rojnameyaevro.com/ku/%d9%82%db%95%d8%b3%d8%aa%db%95%d8%b1%db%95%db%8c%db%95%d9%83-%d8%a8%db%86-%d8%b4%d8%b1%db%8c%d8%a7%d9%86%db%8e%d9%86-%d8%af%d9%87%db%86%d9%83%db%8e%e2%80%8c/257312/#comments Wed, 24 Dec 2025 07:24:42 +0000 https://rojnameyaevro.com/ku/?p=257312 شێرزاد نایف

پشتی كو سەروبەرێ‌ باژارێ‌ مە رێكوپێكتر بووی و جوانیەكا ژنشكەكێ‌ ڤە دایێ‌، ئاڤاهیێن جوان و خۆش و سەردەمانە لێ‌ ئاڤابووین، هەروەسا ترومبێلێن مە؛ هەڤوەلاتیان ژی بووینە یێن (های لایی)، ئێدی یا مای ئەم زێدەتر هزر ل خۆشكرن و بەرفرەهكرنا جادەیێن خۆ بكەین. نەخاسمە ل دەمێن سپێدەهیان و هەروەسا ئێڤاری و مەغرەبییان، جاران هند ترومبێل دكەڤنە پشتی ئێك، وەلێ‌ دهێت ئەرك و كار و ژڤانێن مە تێدچن و ئاریشە دورست دبن، یان هەلوەستێن تەنگاڤ چێدبن. نەساخەك هەبیت، خۆدێ‌ نەكەت كارەساتەك؛ گەلەك گرنگە رێكێن یەدەك هەبن، یان هەر چ نەبیت گەلەك د ناڤ قەربالغێ‌ دا گیرۆ نەبیت، لێ‌ سروشتێ‌ باژارێ‌ مە جوگرافیەكا چیایی یا سەخت هەیە، چەپوچیر. گەلەك ژۆردانیێن ئاسێ‌ هەنە. جۆیێن ئاڤێ‌ و كەند و كوور، تو پێدڤی ب دانانا ستوون و پرانی، لێ‌ دروستكرنا پران ژی مەزاختنەكا زۆر پێ‌ دڤێت. بەلێ‌ ژ بەر گرنگیا بابەتی جادەیێن مە جاران وەلێ‌ دهێن رێیا 10 خۆلەكان جاران دگەهیتە سێ‌ دەمژمێران، چونكو جاددە دوسایدێن درێژن چو فلكە و فەتحە نین، تو نەچاری دوور بچی و بڤەگەرییە رەخێ‌ دی یێ‌ بەرانبەر جهێ‌ كو تو ژێ‌ هاتی. هەتا نها باشە گەلەك ئاریشەیێن جادەیێن مە هاتینە چارەسەركرن ب سایا سەرێ‌ حوكمەتا مە یا پڕی بزاڤ ب سوپاسی ڤە. بەلێ‌ ئەڤێن ماین ژی دكارین د سێ‌ جهێن ستراتیژیك دا كورت بكەین، هەكە ئەو بهێنە چارەسەركرن، دێ‌ قەربالغا سەنتەرێ‌ باژاری وێڤەتر بەت و ل وان دران دێ‌ بژالە بیت. ئەو جه ژی ئێك ژ وان ب خۆشحالی ڤە، ڤان رۆژان مە داخۆیانیێن باش بهیستن كو دێ‌ پرا (ئالۆكا) فرەهكەن؛ ئەڤە دێ‌ وەكو تۆڕەكا قەستەرێ‌ بۆ شرینا مەزنا داویا باژاری ڤەكەن كو جۆبارێن خوینێ‌ (ترومبێلان) ڤەكەت. ئەڤە ئێك.. یا دویێ‌ ئەوە جادەیا كەمەرا دهۆكێ‌ ل داویا گوندێ‌ فرەنسی ل بن چیایێ‌ زاوا؛ هەكە ڤەكەن كو دەرباز ببیتە رەخێ‌ دی یێ‌ دهۆكێ‌. دێ‌ 70% قەربالغێ‌ كێم كەت. هەرچەندە دبیت ئەڤ چەندە یا ب زەحمەت بیت و سەرەرای هندێ‌ كو ئەڤە نە تایبەتمەندیا مەیە وەكو نڤیسەرەك، لێ‌ ژبەركو رێكا مەیە رۆژانە ئەم دبینین، ئەم نزانین ژی كانێ‌ چو گرێدان ب جێبەجێكرنا ماددێ‌ 140 ڤە هەیە. هەكە هەبیت ژی ئەڤە دكەڤیتە سەر ملێن پەرلەمانتارێن مە ل بەغدا كو دیاركەن، (للضرورة احكام)، گو هەر بۆ پێدڤیا خەلكی یە، هەمی وەلاتیێن ئیراقی پێدڤی ڤێ‌ رێكێ‌ دبن چو گەشتیار بن یان سەرەدان، یان ئەڤێ‌ رێكێ‌ بگەهیننە گوندێ‌ (قەسارا) و بەری هینگی ژی چقەك ژێ‌ بچیتە رەخێ‌ (مالتایی). خالا دیتر ژی یاكو وەكو (نشتەرگەریا قەیسەری) یە، یانكو (الولادە من الخاصرە)!، ئەڤە ژی یا د ناڤ ماستەر پلانا دهۆكێ‌ دا هەی، ئەو ژی دروستكرنا تۆنێلەكی ل رەخێ‌ دهۆكێ‌. بۆ دەرئێخستنا قەبارەكێ‌ مەزنێ‌ ترومبیلان ژ ناڤا مالبچویكێ‌ جادەیێن (درێژودرێژ). كو دێ‌ دهۆكێ‌ كەتە دونیایەكا دی، رێكا دەمژمێرەكێ‌ دێ‌ كەتە 10 خۆلەك.. هەروەسا دێ‌ باژارێ‌ دهۆكێ‌ دوجاركی مەزن بیت، هەكە ئەڤە بهێنەكرن؛ دهۆك دێ‌ ژ دانعەمرەكی بیتە گەنجەكێ‌ سنێلە و بێهنا وی دێ‌ فرەهتر بیت.

]]> https://rojnameyaevro.com/ku/%d9%82%db%95%d8%b3%d8%aa%db%95%d8%b1%db%95%db%8c%db%95%d9%83-%d8%a8%db%86-%d8%b4%d8%b1%db%8c%d8%a7%d9%86%db%8e%d9%86-%d8%af%d9%87%db%86%d9%83%db%8e%e2%80%8c/257312/feed/ 0 رۆژا ئـالایـێ‌ كـوردستانـێ‌ و دیتنەکا زمـانـی https://rojnameyaevro.com/ku/%d8%b1%db%86%da%98%d8%a7-%d8%a6%d9%80%d8%a7%d9%84%d8%a7%db%8c%d9%80%db%8e%e2%80%8c-%d9%83%d9%80%d9%88%d8%b1%d8%af%d8%b3%d8%aa%d8%a7%d9%86%d9%80%db%8e%e2%80%8c-%d9%88-%d8%af%db%8c%d8%aa%d9%86%db%95/256920/ https://rojnameyaevro.com/ku/%d8%b1%db%86%da%98%d8%a7-%d8%a6%d9%80%d8%a7%d9%84%d8%a7%db%8c%d9%80%db%8e%e2%80%8c-%d9%83%d9%80%d9%88%d8%b1%d8%af%d8%b3%d8%aa%d8%a7%d9%86%d9%80%db%8e%e2%80%8c-%d9%88-%d8%af%db%8c%d8%aa%d9%86%db%95/256920/#comments Wed, 17 Dec 2025 09:05:12 +0000 https://rojnameyaevro.com/ku/?p=256920 شێرزاد نایف

ئالا ب خۆ نیشانە و ب رامانا ناڤێ‌ خۆ واتەیا وێ‌ ژی ئالایە.. چاوا؟ پەیڤا نیشان ب ئیدیۆمێ‌ خۆڤە نیشانە؟ یانكو عەلامەت.. مانێ‌ عەلەم ژ عەلامەت هاتیە!. ئالا ژی ژ عەلم هاتیە.. عالەم = ئالام = ئالا، هەر مینا هەمی مللەت و نەتەوەیێن..
گرنگیا ساخكرنا رۆژا ئالایێ‌ كوردستانێ‌ ئەم ناخوازین بتنێ‌ ساخكرنەكا رۆتینی بیت، هەما وەكو ئەركەكێ‌ هشك ل سەر ملێن خۆ دابنین ب تنێ‌. پتریا خەلكێ‌ مە خۆ یێ‌ گەهشتینە یۆبیلا زێرینا ژیێ‌ خۆ.. سالەها سالە ئەم یێن ل بن سیبەرا ئەڤی ئالای دا دژین. پیرۆزیا وی د دل و جەرگێ مە دا؛ پتر بوویە. تایبەت ل دەمێ‌ كو ئەم ب ئێكجاری ل بن ستەما سەركوتكەر یا رژێما رۆخیایی ئەو تاما پیرۆزیێ‌ یا جاران دخوازین هەر بمینیت و هەر ژی دێ‌ مینیت، دبیت من و تە تامكربیتە ئەوێ‌ پیرۆزیێ‌ و قرچەك ل وێ‌ تێهناتیێ‌ دابیت؛ یاكو چو جاران ژبیر نەكەین، هەلبەت هینگی ژ رەوشەنبیریا زانینا ئالایێ‌ كوردستانێ‌ نەهند ل ئاستەكی بوو، بەلكو پتر خەلكێ‌ مە ئالایێ‌ زەر دنیاسی و تەقدیس دكر، كو رەنگێ‌ پارتی بوو. نەخاسمە هێشتا ستاندەركرنا ئالایێ‌ كوردستانێ‌ نەهاتبوو كرن د ناڤ پەرلەمانەكێ‌ كوردستانی دا. مە بهیست بوو ئالایێ‌ كوردستانێ‌ هەیە و یێ‌ قەدەغەبوو.
ئەڤجا دەربارەی چیرۆكا پەیدابوونا ئالایێ‌ كوردستانێ‌، كو ل بەرییا پتری 100 سالان ئەڤ ئالایە هاتیە هەبوونێ‌ و بەرییا هینگی ژی د درێژاهیا دیرۆكێ‌ دا ئالا هەبوو د شەڕان دا دهاتە بلندكرن، بەلێ‌ ب هندەك شكل و دیزاینەكا دیتر بوو. راستە مە چو كیانێن رەسمی نەبوون، بەلێ‌ وەكو مللەت و نەتەوە هەبوویە. دەربارەی ئالایێن هەڤچەرخ یێن كو هەتا نها هاتیە بلندكرن، ب بەراوردی ل گەل ئالایێ‌ ئیراقێ‌ ئەم دێ‌ بینین كو ئالایێ‌ كوردستانێ‌ بەرییا ئالایێ‌ ئیراقێ‌ ڤە هاتیە نیگاركرن. چونكو ئالایێ‌ ئیراقێ‌ ل1921 هاتیە هەبوونێ‌..! لێ‌ یێ‌ مە یێ‌ كوردستانێ‌ ل سالا 1919 جارا ئێكێ‌ ل ئیستەنبۆلێ‌ ژ لایێ‌ رێكخراوەكا كوردی ڤە هاتبوو دروستكرن. ب هزرا دروستكرنا كیانەكی بۆ كوردان و ئەڤ ئالایە ژی ئێك ژ وان بنەمایان بوو، سەرۆكێ‌ وێ‌ ژی (ئەمین عالی بەگ) بوو و نڤیسەرێ‌ وێ‌ رێكخراوێ‌ ژی (زین العابدین) بوو. ناڤێن وان ب پیتێن زێڕین ل قەلەمددەین و ناڤێن وان ب شەكر دئینن، وەكو خۆ ل ڤی ئالای كرینە خۆدان و بۆ مە دیرۆكەك ئافراندین و خەملاندین.., ب وێ‌ دیزاین و رەنگان بوو؛ نێزیكی ئەڤێ‌ دەڤەرێ‌ یا هندوئەورۆپی.. چونكو ل هەمی دەڤەرێ‌ رەنگێ‌ سپی یێ‌ (هەڤپشكە) ئاماژا دلساخی و نیازپاكیێ یە.. یا مە رۆژا د نیڤێ‌ دا.. هەردەم هێمایێ‌ كوردان بوویە… پشتی هینگی مانێ‌ وێ‌ رێكخراوێ‌ سەرنەگرت؛ بەلێ‌ هەبوونا وێ‌ ما هەر وەكو میناكا ریفراندۆمێ‌… پشتی هینگی (كۆمەلا خۆیبوون) دەركەفت و پشتەڤانیا شۆرەشا (ئاگرین) كر، ل باكۆرێ‌ كوردستانی دیسا ئەڤ ئالایە بۆ شۆڕەشێ‌ هاتە هەلدان.. ئەڤە ژی بۆ دەمێ‌ سێ‌ چار سالان هاتبوو هلدان.. بەلێ‌ پشتی تێكچوونا ئەڤێ‌ شۆرشێ‌ ژی هەر ئەڤ ئالایە ل رۆژهەلاتێ‌ كوردستانێ‌ هاتە هلدان. وەكو سالا 1932 گۆڤارا هاوار ژ لایێ‌ جەلادەت بەدرخان دەردكەڤت.. ل سەر بەرگێ‌ وێ‌ هاتە دانان. و هاتە وەشاندن و ل گەل شعر و هەلبەستان هەم (مدحەت بەدرخان) و (كامیران بەدرخان ژی)… گوهۆرین تێدا نەهاتینە كرن، تنێ‌ د رۆژێ‌ دا پیچەكێ‌ گوهۆرینێن سڤك هەبووینە. جار رەنگێ‌ كەسك دبرنە سەری و جار یێ‌ سۆر ژ بەر نەبوونا قانوونەكێ‌ لێ‌ پشتی سالا 1999 قانوونا ژمارە 14 ژ پەرلەرمانێ‌ كوردستانێ‌ دەركەفت و ل سەر ئەڤا نها هاتیە راوەستاندن و پەژراندن.
• ئەو بوو سەرەدەمێ‌ زێرنێ‌ خۆ ل كۆمارا كوردستان ل مهابادێ‌ ئالایێ‌ كوردستانێ‌ بۆ جارا ئێكێ‌ ب دروستی كەتیە سەر سكەیێ‌ خۆ یێ‌ دروست.. و ئەوبوو بۆیەرێن گەلەك ب سەردا چوون.
دەربارەی رەوشەنبیریا زانینا ناڤێ‌ ئالایی، مە د زمانێ‌ كوردی دا پتریا جاران سێ‌ زاراڤ هەنە، ئەو ژی ئێك ژ وان (درەفش) كوردیەكا خومالی یە، ب گۆرەی داخۆیانیا زمانزانەكێ‌ پێشچاڤ یێ‌ دهۆكێ‌. هەر وەسا ژی (پەرچەم) ژی بۆ بكارئینانێ‌ دروستە، چونكو فارس ژی ئەڤێ‌ بكاردئینن. هەروەسا (بەیداخ) ژی هەیە، لێ‌ پیچەكا گومانێ‌ ل سەر هەیە. وەكو دی هەما (ئالا) ژ هەمیان پتر دهێتە بكارئینان.
د زمانێن دەوروبەری كوردستانێ‌ دا ئالایی پێنچ مورادف هەنە یانكو پەیڤێن وەكهەڤ و شوونگر, پتریا وان ژی عەرەبیبنە: هەكە بهێن تەماشە بكەین دێ‌ دیاركەین كو ئەڤەنە هەروەكو مە ل دەسپێكێ‌ ژی ئاماژی پێ‌ دای:
1ـ پەیڤا (عەلەم) یانكو ژ (عەلامەت) هاتیە، نیشانە ئاماژێ‌ ب تشتەكی ددەت یێ‌ دیارە، ڤێجا پەیڤا (ئالا) رەه و رویشالێن وێ‌ ژ چو هاتیە؟ عەلەم = ئالام = ئالا میم ژێ‌ هاتیە ڤەكرن و عەین بوویە (ئــــ). چونكو د زمانێ‌ كوردی دا پیتا (ع) پتریا جاران ناهێتە خواندن، د ئەسل دا، هەكە گەلەك پێدڤی نەبیت. نەبەس د كوردیێ‌ دا بەلكو د زمانێ‌ فارسی ژی دا وەكو كوردیێ‌ یە، هەروەسا ژی د ئینگلیزیێ‌ ژی دا و گەلەك زمانێن (هندوئەورۆپی) دا نینە، د توركیێ‌ دا هەما ئێكجار ناهێتە خواندن كێم نەبیت.
د زمانێ‌ فارسیێ‌ دا گەلەك سڤك دئێتە خواندن.
بۆچی د زمانێ‌ كوردی یێ‌ كەڤن دا باب و باپیرێن مە گەلەك ئەڤە پیتا (ع) بكارنەدئینا؟!. وەكو میناكا عەشق، عیراق، عقرە، عمادیە، عومەر.
چونكو دەولەتێن عەرەبی گەلەكن ب ژمارا خۆ 22 دەولەتن. ژبەر هندێ‌ كارتێكرن ل سەر فارسیێ‌ و توركیێ‌ و فارسیێ‌ كریە. بۆ نموونە توركی هەما ناڤێ‌ وان ب خۆ (ئۆسمانی یە). تایبەت ژی هەكە پیتا (ع) ل نیڤا پەیڤێ‌ بێت دهێتە گوهۆرین..
چونكو ئەو ب خۆ پیتا (ع) ب خۆ تەعریبكرنە (عەرەب).. بەلێ‌ ب خۆشبەختانە پەیڤا (ئالا) هاتیە تەكریدكرن.. كوردیكرن.!!. ڤێجا دا بێهێنە سەر مرادفێن پەیڤا (عەلەم) د گەلەك زمانان دا: 1ـ رایە 2ـ بەیرەق 3ـ لیوا 4ـ ساریە 5ـ عەلەم. هەكە بهێن سەر رامانا وان دێ‌ دیار بیت كو ـ رایە یەعنی .. (یری) دبینیت. جهێ‌ دیتنێ‌ یە. روئیەت. ـ (بەیرەق) ژ بەراق هاتیە ژ بەرق.. دبرسقیت.. مرۆڤ زوی دبینیت. ـ
ـ (لیوا) ژ (یلوی)، لەویی، لێك دزڤریت وەكو با لێدەت.
ـ (ساریە) ستوونە یا كو ئالایی رادكەت.
د زمانێ‌ فارسی دا, ئالا دهێتە بكارئینان وەكو كوردیێ‌..
پەرچەم ژی وەكو مە دیاركری دهێتە بكارئینان، ـ د زمانێ‌ توركی دا (بایراك) دهێتە بكارئینان، ئالام، منارە، كۆببە، ئیشارەت، ئیز = عزـ نیشان، ئالامەت، سەمبۆل…
هەلبەت زمانێ‌ توركی و یێ‌ فارسی ژی ژ زمانێ‌ كوردی فەقیرترە. وەكو دی ژی پیتا (ع) د زمانێ‌ عەرەبی دا پیتا عەرەبكرنێ‌ یە (تەعریب)، لێ‌ تشتێ‌ هەری باش ئەوە نەشیایە ئالایی ژی تەعریب بكەت.
ئەزێ‌ پشتراستم كو پرانیا خەلكێ‌ مە دزانن كا ئەڤ رەنگە ژ كیڤە هاتینە.. چونكو د ناڤ پیرۆزیێن دەولەتێ‌ دا.. خوینا شەهیدان ل سەرێ‌ ئالای دهێتە دانان، سپیاتیی د دلسۆزیا تاكێ‌ كورد دایە. كەسكاتی دەلالەتا ژینگەها كوردستانێ‌ و جوانیا سروشتێ‌ وێ‌ دهێتە ناسین.. بەلێ‌
خوازم فۆكسا خۆ بێخمە سەر رۆژا ل نیڤێ‌ یا زەر.. كو هەم نیشانا (سەلاحەدینێ‌ ئەیۆبی) بوویە قارەمانێ‌ دیرۆكا رۆژهەلاتا ناڤین… هەروەسا هەبوونا هێمایێ‌ رۆژێ‌ ل ناڤ شوینوارێن كوردستانێ‌ دا و دیانەتا زەرادەشتی. گرۆڤەك ژی هنگ هەمی (دەرگەهێ‌ رۆژێ‌) یێ‌ كو هەتا ئەڤرۆ ل مویسل ئەو ناڤ مایە دبێژنێ‌ (باب الشمس) .. ئەو تیشكێن ل دەوروبەر.. هەلبەت بۆ زانین وەكو ئەز دزانم ل دەسپێكێ‌ 21 تیشك نەبوون، كو دەلالەتا نەڤرۆزێ‌ یە. بەلێ‌ یا من زانی كو جەنابێ‌ سەرۆك بارزانی وەسا پەژراندیە.
ڤێجا دەربارەی ئالایێ‌ پارتی.. و گرنگیا وی ل ناڤ مە دا ب پشتراستی ڤە دبێژم هەكە ل پتر نەبیت ژ ئالایێ‌ كوردستانێ‌ ل ئاستێ‌ وی یە، چونكو وەختەكی بەس مە رەنگێ‌ زەر ژێ دگرت. ئەو رۆژا ل نیڤا ئالایێ‌ كوردستانێ‌ نیشانا پارتی و بارزانی یە چونكو شوینتبلێن وان د ناڤا هەنە و هەمی كوردستان شانازیێ‌ پێ‌ دبەت.

]]> https://rojnameyaevro.com/ku/%d8%b1%db%86%da%98%d8%a7-%d8%a6%d9%80%d8%a7%d9%84%d8%a7%db%8c%d9%80%db%8e%e2%80%8c-%d9%83%d9%80%d9%88%d8%b1%d8%af%d8%b3%d8%aa%d8%a7%d9%86%d9%80%db%8e%e2%80%8c-%d9%88-%d8%af%db%8c%d8%aa%d9%86%db%95/256920/feed/ 0 پـایتەختێ‌ قونسلخانەیێن ئـەمـریكی https://rojnameyaevro.com/ku/%d9%be%d9%80%d8%a7%db%8c%d8%aa%db%95%d8%ae%d8%aa%db%8e%e2%80%8c-%d9%82%d9%88%d9%86%d8%b3%d9%84%d8%ae%d8%a7%d9%86%db%95%db%8c%db%8e%d9%86-%d8%a6%d9%80%db%95%d9%85%d9%80%d8%b1%db%8c%d9%83%db%8c/256764/ https://rojnameyaevro.com/ku/%d9%be%d9%80%d8%a7%db%8c%d8%aa%db%95%d8%ae%d8%aa%db%8e%e2%80%8c-%d9%82%d9%88%d9%86%d8%b3%d9%84%d8%ae%d8%a7%d9%86%db%95%db%8c%db%8e%d9%86-%d8%a6%d9%80%db%95%d9%85%d9%80%d8%b1%db%8c%d9%83%db%8c/256764/#comments Mon, 15 Dec 2025 09:32:50 +0000 https://rojnameyaevro.com/ku/?p=256764 شـێرزاد نـایف

گرێدانا هەڤالینیا ئەمریكی ب هەرێمێ‌ ڤە پتر جهێ‌ خۆشحالیا (الدولە العمیقە) یا ئەمریكی یە، هەكە سەرۆكەكێ‌ ساخلەت مەزاجی ژی هەبیت، دێ‌ ژ وی سنووری بۆریت. چونكو ئەو پتر پێدڤی ب مالەكا مەزنە شیتكا كەمەرا خۆ لێ‌ ڤەكەت و پالدەت، هزرێن خۆ ل نێزیكی جهێ‌ بۆیەران بكەت. هەكە چو نەكەت ژی هەبوونا ناڤێ‌ وێ‌ ب خۆ ل دەڤەرا رۆژهەلاتا ناڤین مینا (كێتكا میرا یا ب زنجیرا.. گەر بەردەمە تە دێ‌ كەت پخ!!) یانكو گەفەكە ل هنداڤی سەرێ‌ زلهێزێن دەڤەرێ‌ كو خۆ زال نەكەن و سەربۆرا سەدام حسێن و رژێما سووریێ‌ و رێكخراوا داعش دوبارە نەبنەڤە!، چونكو ئاڤاكرنا ڤی رووبەری ل هەولێرێ‌ زێدەباری هەبوونا پتریا قونسلخانەیێن دەولەتێن جیهانێ‌. دێ‌ بێ‌ دەستی بنە مەتالەك ل بەرانبەر هەر هێرش و هەرەشەكێ‌ ل سەر هەرێما كوردستانێ‌، چونكو مادەم كوردستان ب كەتوارێ‌ خۆ یێ‌ جوگرافی ڤە ل ناڤ دەڤەرەكا ئالۆز دایە و یێن خرابیێ‌ پترن ژ یێن باشیێ‌، دڤێت مەزنترین هێز هەبن، هەر چو نەبیت هەكە هاریكاریا مە نەكەن، دێ‌ بەرگریێ‌ ژ خۆ كەن ئەم ژی دێ‌ كەڤینە بن خیڤەتا وان، یانژی دێ‌ بنە دیدەڤان ل سەر ستەما ستەمكاران, ل داویێ‌ ژی دبنە ستوونەك بۆ راگرتنا كوردستانێ‌ و گەلێ كوردستانێ‌. چونكو نها بۆ دەمێ‌ پێشدا ژی ئەمریكا ل دویڤ پێشبینیان و ئەو پلانا ئەمریكا دادنیت، دێ‌ مینیت خۆدانا بریاریێ‌ ل دەڤەرێ‌. ئەو مۆشەكێن هاتینە ئاراستەكرن و لێدان ل هەولێرێ‌ یان ئەو هێرشێن دۆرنان بۆ سەر كێلگەهیێن هەرێمێ‌ دەستپێكەكا مەترسیدار بوون، بەلێ‌ پشتی راگەهاندنا ڤەبوونا وێ‌ قونسلخانەیا ئەمریكی پشتراستیەك دایە خەلكێ‌ هەرێمێ‌ كو دێ‌ د پاراستی بن. مینا جاران نەما ئێدی وەختێ‌ رژێما ئیراقێ‌ غازێن ژەهراوی و قەدەغەكری ل گەلێ‌ خۆ دای كو ل كوردان دینی، ڤێ‌ دونیایێ‌ میەك ل خۆ شاش نەكر، چونكو چاڤێن دونیایێ‌ د ڤەكری نەبوون. بەلێ‌ ئەڤرۆ ئەڤە ئەمریكی یێن ل پایتەختێ‌ كونسلخانەیێن خۆ ل ڤێرە. هەكە گوهێن كۆچكا سپی د كەڕ بن، ماخۆنە كونسلێ‌ ئەمریكی ژی یێ‌ كەڕە؟!. ژ بەر هندێ‌ ب ڤەبوونا ئەڤێ‌ كونسلخانێ‌ دێ‌ پایتەختێ‌ كوردستانێ‌ كەتە پایتەختێ‌ هێزا جیهانێ‌.

]]> https://rojnameyaevro.com/ku/%d9%be%d9%80%d8%a7%db%8c%d8%aa%db%95%d8%ae%d8%aa%db%8e%e2%80%8c-%d9%82%d9%88%d9%86%d8%b3%d9%84%d8%ae%d8%a7%d9%86%db%95%db%8c%db%8e%d9%86-%d8%a6%d9%80%db%95%d9%85%d9%80%d8%b1%db%8c%d9%83%db%8c/256764/feed/ 0 نفشێ‌ نوی دەنگ ب مستەفا بارزانی دا https://rojnameyaevro.com/ku/%d9%86%d9%81%d8%b4%db%8e%e2%80%8c-%d9%86%d9%88%db%8c-%d8%af%db%95%d9%86%da%af-%d8%a8-%d9%85%d8%b3%d8%aa%db%95%d9%81%d8%a7-%d8%a8%d8%a7%d8%b1%d8%b2%d8%a7%d9%86%db%8c-%d8%af%d8%a7/255414/ https://rojnameyaevro.com/ku/%d9%86%d9%81%d8%b4%db%8e%e2%80%8c-%d9%86%d9%88%db%8c-%d8%af%db%95%d9%86%da%af-%d8%a8-%d9%85%d8%b3%d8%aa%db%95%d9%81%d8%a7-%d8%a8%d8%a7%d8%b1%d8%b2%d8%a7%d9%86%db%8c-%d8%af%d8%a7/255414/#comments Sun, 16 Nov 2025 11:54:56 +0000 https://rojnameyaevro.com/ku/?p=255414 شێرزاد نایف

دەستەواژەیەكێ‌ د ناڤ گۆتارا داویێ‌ یا سیاسەتمەدارێ‌ مەزن فازل میرانی دا سرنجا من راكێشا دەمێ‌ وەسف دكەت كو ئەڤ گەنجێن مە كو بۆ جارا ئێكێ‌ یە دەنگێن خۆ داین و چووینە د ناڤ پرۆسەیا دیمۆكراسیێ‌ دا، دەنگێ‌ خۆ ب نەمر مستەفا بارزانی داین، من هەژی دیت كو ل دویڤ ئەڤی چقی (تای) بچم، پەلەكە گەشتر لێ‌ بكەم، ل سەر رابوەستم و چقێن وێ‌ نیشا هەمان نفشی بدەم، ئەڤ نفشێ‌ مە یێ‌ خۆشتڤی ل بەر دلێ‌ مە، یێ‌ كو ئەڤرۆ بوویە دۆستێ‌ ئەقلێ‌ دەستكرد. سەردەمێ‌ مۆبایلێ‌ و تەكنۆلۆجیێ‌ و ئەپلكەیشنان و نووچەیێن گەرم ب دەنگ و رەنگێن خۆڤە، ل ناڤ جەرگێ‌ نووچەی دانە، ب راستەوخۆ ب چەڕكەیان دبینن و دزانن، هزرا خۆ دكەم بەراورد دكەم ل گەل سالێن حەفتێ‌ و هەشتێان دەمێ‌ هەمی مالان نە رادیۆ و نە تلفزیۆن هەیین، مە تێلە ب ئێڕیەلێ‌ رادیۆیێ‌ ڤە گرێددان و بلند دكرن، كو گوهێ‌ خۆ بدەینە ئێزگەهێ‌ دەنگێ‌ كوردستانا ئیراقێ‌، دەنگێ‌ مسعود سەڕنی و سەباح بەیتوللا و تالب سەعید نهێلی
و ئەحمەد بریفكانی و گەلەكێن دیتر..هتد. ڤێجا دبوو خشخا پێلێن رادیۆیێ‌ تەویش ل سەر هەبوون، ل رەخەكێ‌ دی ژی رادیۆیا كوردی ل بەغدا هەبوو، یان تلفزیۆنا ئیراقێ‌ دەمێ‌ چو جاران ناڤێ كوردان نە دئینان و هەكە ئینابا ژی ب خرابی دئینان، ب تنێ‌ ناڤێ‌ كوردان ئینابا كەیفا مە دهات خۆ هەكە خەبەر ژی گۆتبانە، تنێ‌ دا دونیا بزانیت كو كورد هەنە، ئەم د خەما هندێ‌ نەبووین هەكە ئەم ب (موخرب) ژی داناباینە نیاسین. یان هەكە ناڤێ‌ دهۆكێ‌ و زاخۆ و هەولێر و سلێمانیێ‌ ل ناڤ بەلاڤۆكا دەرمانخانەیێن نۆبەردار ژی ئینابا، هەلبەت ناڤێ‌ كەركووكێ‌ ژی نە دئینان، چونكو بێهنەكا كوردی ژێ‌ دهات، دگۆتنێ‌ (ئەلتەئمیم)، ئەم گەلەك پێ‌ دئێشایین، ژ خۆ ئینانا ناڤێ‌ مستەفا بارزانی بۆ مە ل ئاستێ‌ پیرۆزیێن ئایینی بوو، یان ئینانا ناڤێن (مسعود و ئدریس) هەر وەكو چاوا پەڕێن پرتووكێن ئایینی د پیرۆز دهاتنە پاراستن و بلند راگرتن، وەسا بوو، نها تو دبینی گەلەك خەلكێ‌ مە یێن ژدایكبوویێن سالێن هەشتێ و حەفتێان ناڤێن كوڕێن وان ئێك مسعودە و برایێ‌ وی ئیدریسە، ئەڤە بوویە كلتۆرەك، هەتا وی رادەی سەرهاتیەكا مالەكێ‌ ل دهۆكێ‌ خێزانەك ژ گوندێ‌ (بالەتە) نە و نها ژی كەسێن بەرنیاسن ل دهۆكێ‌ (مسعود و ئدریس) بالەتەی، گۆتن جارەكا بەرپرسەكێ‌ بەعسی ل دەمێ‌ گەریانا مالێن وەلاتیان چووبوو و پسیارا ناڤێن وان كربوون، گۆتیێ‌ هنگۆ (مسعود و ئدریس) هەنە، ئەرێ‌ هنگۆ (مەلا مستەفا) ژی نینە؟!.. ڤێجا ئەڤە وەسفەكا بچویك بوو ژ وێ‌ ژیانا مە بری، بۆ نفشێ‌ مە یێ‌ نوكە؛ دئینم زمان دا بزانن دیرۆكا بابێن وان ئەڤە بوو دڤێت هەر ب وێ‌ گەرم و گۆڕیێ‌ بن، ژ بەر هندێ‌ ژی مە هاندانا وان كر كو دەنگی ب پارتی و بارزانی بدەن، مینا دبێژن كۆڕێن شێران ژی هەر شێرن، یان تو چ بهاڤێژیە زەڤیا خۆ و بچینی دێ‌ هەر وی بەرهەمی هەلینی، ئەڤەیە پەیاما مە بۆ كۆر و برایێن مە یێن ژ مە بچویكتر نفشێن مە یێن داهاتی!.

]]> https://rojnameyaevro.com/ku/%d9%86%d9%81%d8%b4%db%8e%e2%80%8c-%d9%86%d9%88%db%8c-%d8%af%db%95%d9%86%da%af-%d8%a8-%d9%85%d8%b3%d8%aa%db%95%d9%81%d8%a7-%d8%a8%d8%a7%d8%b1%d8%b2%d8%a7%d9%86%db%8c-%d8%af%d8%a7/255414/feed/ 0 دەنگێ پێشمەرگەی ب دو دەنگایە https://rojnameyaevro.com/ku/%d8%af%db%95%d9%86%da%af%db%8e-%d9%be%db%8e%d8%b4%d9%85%db%95%d8%b1%da%af%db%95%db%8c-%d8%a8-%d8%af%d9%88-%d8%af%db%95%d9%86%da%af%d8%a7%db%8c%db%95/254444/ https://rojnameyaevro.com/ku/%d8%af%db%95%d9%86%da%af%db%8e-%d9%be%db%8e%d8%b4%d9%85%db%95%d8%b1%da%af%db%95%db%8c-%d8%a8-%d8%af%d9%88-%d8%af%db%95%d9%86%da%af%d8%a7%db%8c%db%95/254444/#comments Tue, 21 Oct 2025 07:45:08 +0000 https://rojnameyaevro.com/ku/?p=254444 شێرزاد نـایف

ل وان سالێن كو هێرشێن توند یێن رێخراوا تیرۆرستی یا داعش هاتینە سەر وەلاتێ‌ مە، ئەم ل ناڤ سەنگەرێن بەریگریكرنێ‌ ل دژی چەكدارێن كو ب ناڤێ‌ (قەلەرەشكێن داعش) ژلایێ‌ رۆژنامەڤانەكێ‌ كورد ڤە دهاتنە بناڤكرن، مرۆڤ جاران دكەفتە د هندەك هەلوەستێن گەلەكێن بەرتەنگ و مەترسیدار دا، ل وان شەڤێن ڕەش و تاڕی و بێسەروبەریێ‌ دا، ركێڤا ڤان تیرۆرستان دژوار و توند دبوون، ئەركەكێ‌ گەلەكێ‌ مەزن د ستویێ‌ مە دابوو، مە بەرەیەكێ‌ گەلەكێ‌ دوور و درێژ پڕكربوو، هەمی كەفتبوونە د ئامادەباشیەكا توند دا، هندە جاران ئەم ل دۆر دزڤڕین مە ژ دویرڤە تەماشەی رۆناهیا ئەسمانی یا باژارێن مە یێن ئارام دكر، مە دزانی كو مللەتەكێ‌ مەزن، سڤیل، بێ‌ چەك یێ‌ ل سەر بەختێ‌ مە، ڤێجا مە هزر ل مامۆستایێن زانكۆیێ‌ دكر، ل زارۆیان، ژنان، پیران، هاتن و چوونا جڤاكی و لڤینا وی دكر، سازی و ئاڤاهی و پرۆژە و ..هتد. وەسا ب ئارامی دژیان، ئەم د بەرهەڤ بووین سینگێ‌ خۆ بكەینە مەتال و مە بخێر هاتن ل مرنێ‌ دكر، مە دزانی كو ژبلی گیانێ‌ مرۆڤان، شەرەف و كەرامەتا ڤی مللەتی، سامانێن مەزن هەنە، كەسێ‌ های ژ چو مولك و مالی نە مابوو، هەر كەس یێ‌ بەرهەڤ بوو، هەر تشتەكێ‌ هەی بەخش بكەت پێخەمەت ژ داگیركەرێن تیرۆرست بهێنە قورتالكرن، هینگی بهایێ‌ پێشمەرگەی بۆ خەلكی دیاردبوو، دەنگێ‌ وی هینگی وەكو تاجەكێ‌ بوو د بەر سەرێ‌ هەر تاكەكی ڕا، رۆژانە هەڤال و هەڤسەنگەرێن مە شەهید دكەفتن، ل ڤێرە و وێراهەنێ‌، ئەڤ دەنگێ‌ پێشمەرگەی هێشتا مایە، بەلێ‌ ئەڤرۆ نە تنێ‌ شەڕی ب چەكی دكەت، بەلكو ب دەنگێ‌ خۆ ژی ل شوینا گولە و فیشەكان ئاراستەی دوژمنان بكەت، ئەڤرۆ دێ‌ ئەو دەنگ بنە مۆشەكێن بالیستی یێن دەنگدەران و ئەوێ‌ لیستێ‌ هەلبژێرن یا كو ئەڤ ئازادییە ل سەر تەبەكەكا زێری پێشكێشی وی كری، ئەڤجا دلسۆزیا پێشمەرگەی ژ وێ‌ رەنج و خەباتا جارانە یا كو ژ پێش پتری سەد سالان خەبات ژ لایێ‌ دانەر و رێچكا لیستا ئەڤرۆ یا 275 ڤە هاتیە دانان، ئەڤرۆ ژی هەر ئەو رێبازا شێخ عەبدولسەلام بارزانی و ئەحمەد بارزانی و قازی محەمەد و یێن بەرییا وان ژی، ل سەر دەستێن بابێ‌ نەتەوا كورد مستەفا بارزانی ل سەر شانێ‌ وی هاتیە راكرن، ئەڤجا هەر ئەو پێشمەرگەنە ب وێ‌ دلسۆزیێ‌ دەنگێ‌ خۆ دێ‌ دەن. ل ڤێرە دخوازم میناكەكێ‌ دیاربكەم كو دوهی من چاڤ ب پێشمەرگەی كر، گۆتی بەس ئەڤرۆ من 43 كەس ژ خێزانا خۆ هەژمارتینە و راسپاردینە كو دەنگێ‌ خۆ بدەن و ئەوێ‌ لیستێ‌ بهەلبژێرن یا كو ئەڤ رێباز گرتیە بەر، ژبەر هندێ‌ دەنگی پێشمەرگەی دو دەنگە و ئەركێ‌ وی دو ئەركە، ئەو شێرێن ئەڤرۆنە و كۆڕێن شێرێن دوهینە.

]]> https://rojnameyaevro.com/ku/%d8%af%db%95%d9%86%da%af%db%8e-%d9%be%db%8e%d8%b4%d9%85%db%95%d8%b1%da%af%db%95%db%8c-%d8%a8-%d8%af%d9%88-%d8%af%db%95%d9%86%da%af%d8%a7%db%8c%db%95/254444/feed/ 0 د ناڤبەرا فێستیڤالێ‌ و بانگەشەیێ‌ دا https://rojnameyaevro.com/ku/%d8%af-%d9%86%d8%a7%da%a4%d8%a8%db%95%d8%b1%d8%a7-%d9%81%db%8e%d8%b3%d8%aa%db%8c%da%a4%d8%a7%d9%84%db%8e%e2%80%8c-%d9%88-%d8%a8%d8%a7%d9%86%da%af%db%95%d8%b4%db%95%db%8c%db%8e%e2%80%8c-%d8%af%d8%a7/253717/ https://rojnameyaevro.com/ku/%d8%af-%d9%86%d8%a7%da%a4%d8%a8%db%95%d8%b1%d8%a7-%d9%81%db%8e%d8%b3%d8%aa%db%8c%da%a4%d8%a7%d9%84%db%8e%e2%80%8c-%d9%88-%d8%a8%d8%a7%d9%86%da%af%db%95%d8%b4%db%95%db%8c%db%8e%e2%80%8c-%d8%af%d8%a7/253717/#comments Wed, 08 Oct 2025 08:48:19 +0000 https://rojnameyaevro.com/ku/?p=253717 شێرزاد نایف

ژیان ب كار و بزاڤ و لیڤینێ‌ دهێتە ڤەژاندن، جڤاكا مە یا كوردستانی ژی گەلەك یا پێگیرە ب كار و ئەرك و پێگیریێن خۆ ڤە، ل دەمەكی مرۆڤێ دێ‌ چیت قەستا باژارەكێ‌ دی كەت، دێ‌ بینیت وەكو سوباتەكێ‌ یە دەربارەی وان بزاڤێن تەڤایی یێن د ناڤونیشانێن بابەتی دا ب فۆنتێ‌ مەزن هاتینە دیاركرن، پشتی هینگی دێ‌ هێتە هەرێما كوردستانێ‌، مرۆڤ دزانیت كو خەلكەك ل ڤی وەلاتی هەیە، حەزا خۆ پێشئێخستنێ‌ هەیە بگەهیتە ئارمانج و خەونێن خۆ، كو زویكا خۆ بگەهینتە رادەیێ‌ هەمی وەلاتێن پێشكەفتی ژ بەر وێ‌ ستەم و بهۆژاندنێ‌ یا كو ب درێژیا سالان لێ‌ هاتیەكرن، هەتا وی رادەی تایبەتمەندیا وی ئینایە بەر مرنێ‌!, مرۆڤ نەچارە بۆ خۆ ل ئیمرجنسیەكێ‌ بگەریێت و ژیانا خۆ بڤەژینیت، ئەڤ ڤەژاندنە هەلبەت ژ لڤینێ‌ دهێت، ئەڤ لڤینە من وەسا خواست دیاربكەم كو ل ناڤ باژارێن بیانی بەراوەردی یا مە ژ وان زیقترە، نە دەنگەكە و نە لڤینەك، ل هندەك جهان تو هەست پێ‌ ناكەی كو بانگەشەیەك یا بۆ هەلبژارتنان دهێتەكرن، یان ژی بزاڤێن رەوشەنبیری چ بایەخەك هەر پێ‌ نینە، مە ژی ئەڤرۆ وەكو دەزگەهێ خانی ل پارێزگەها دهۆكێ‌ وەكو شەهیانەكێ‌ د ناڤ شەهیانەكا دی دا هەیە، بلندكرنا ناڤ و هەبوونا چاندا كوردی وەكو هەرسال كریە فێستیڤال ب زمانێ‌ راگەهاندنێ‌ پێشڤەچوونا وەلاتێ‌ خۆ نیشا جیهانێ‌ بدەین، نە تنێ‌ د بیاڤێ‌ ئاڤەدانیێ‌ و ئاڤاكرنا گوند و باژاران دا، بەلكو ب خامەیێ‌ خۆ ژی ئەمین خۆدانێن پەیڤا رەسەن و رەوشەنبیریا ئازاد و هزرا ڤەكری ئەم یێن هەیین و دێ‌ هەر هەبین، ئەڤرۆ هەمی ئاهەنگێن مە تەڤلی هەڤ بوون، ژ رەخەكی ڤە وێنە و ئالا و پۆستەرێن كاندیدان باژارێ‌ مە دخەملینن و ژ رەخەكێ‌ دی ڤە، بەریكانە و ماراسۆنا بیاڤێ‌ هزری یە و بلند راگرتنا زمانێ‌ كوردی یێ‌ شرینە، ئەز ژێ‌ یێ‌ خۆ دبینم هندی لەزێ‌ دكەم و سكرێتەرێ‌ پانزینێ‌ دگڤێشم دا كو ڤێڕا بگەهم، دا بگەهمە كۆنگرەیێ‌ بانگەشێ‌ و پشتی هینگی بگەهمە سمینارێ‌!، لێ‌ دبینم بەرانبەری خۆ كامیرەیێن چاڤدێریكرنا لەزاتیێ‌ من دراوەستینن، یان لافیتەكا وەغەركرنێ‌ دكەڤیتە بەر چاڤێن من، كو پشكداریێ‌ د ریورەسمێن خاكسپاردنێ‌ دا بكەم، ل داویێ‌ دبینم هەردو ژی قانوونێن یەكسانن، كەس نە ژ كامیرێ‌ قورتال دبیت و نە ژی ژ مرنێ‌، تنێ‌ كار و بزاڤێن مرۆڤی ناڤەكی ل پاش مرۆڤی دهێلن، كا چاوا ئەحمەدێ‌ خانی بەریا سەدان سالان ناڤەك بۆ خۆ و بۆ وەلاتێ‌ خۆ هێلا، ئەڤرۆ مە ب ناڤێ‌ وی شانازیە و فیستەڤالە!.

]]> https://rojnameyaevro.com/ku/%d8%af-%d9%86%d8%a7%da%a4%d8%a8%db%95%d8%b1%d8%a7-%d9%81%db%8e%d8%b3%d8%aa%db%8c%da%a4%d8%a7%d9%84%db%8e%e2%80%8c-%d9%88-%d8%a8%d8%a7%d9%86%da%af%db%95%d8%b4%db%95%db%8c%db%8e%e2%80%8c-%d8%af%d8%a7/253717/feed/ 0 شـەڕكـرن ب هـونـەری https://rojnameyaevro.com/ku/%d8%b4%d9%80%db%95%da%95%d9%83%d9%80%d8%b1%d9%86-%d8%a8-%d9%87%d9%80%d9%88%d9%86%d9%80%db%95%d8%b1%db%8c/252849/ https://rojnameyaevro.com/ku/%d8%b4%d9%80%db%95%da%95%d9%83%d9%80%d8%b1%d9%86-%d8%a8-%d9%87%d9%80%d9%88%d9%86%d9%80%db%95%d8%b1%db%8c/252849/#comments Sun, 21 Sep 2025 20:38:50 +0000 https://rojnameyaevro.com/ku/?p=252849 شێرزاد نایف

هەبوون بەلانسەكا خۆزایی یە، قانوونێن هەژی هەبوونێ‌ ل دویڤ خۆدا ئیناینە، هەكە خۆدێ‌ وەكو هەمی مرۆڤان هەمی تشت نە دابنە تە، باش بزانە ئەوی تشتەكێ‌ دیتر ب تە ڕا بەخشییە، رەنگە جۆراتی و كوالیتیا وی ل ئاستێ‌ وان هەمی تشتان بیت یێن كو خەلكی هەنە و تە نینن، بەلێ‌ تە ئەو نیعمەت هەیە بەلێ‌ ئەوان نینە!,. هەكە تە دیت تو یێ‌ ژ هەبوونا خۆ د ژیانێ‌ دا دهێتە دوورئێخستن و تە ئەو سالۆخەت نینن وەكو كەرب و كین و داگیرانێ‌ و بەهرخوارنا كەسێن ژ خۆشەرم، یان مینا گەلەكێن دەوربەر، تە رویەكێ‌ قاهیم نەبیت وەكو وان، یان خۆ تە چەكەك ژی نەبیت تو شەڕِی پێ‌ بكەی؛ بەرگریێ‌ بۆ خۆ پێ‌ بكەی، باش بزانە تە تشتەكێ‌ دیتر هەیە ل ناڤا تەدا لێ‌ هێشتا تو ب سەر هەلنەبووی، لێ‌ بگەڕە دێ‌ ل دەف خۆ بینە، ببینە و پەیدا بكە و كۆمبوونێن مفابەخش ل گەل خۆ بكە، رێیەكێ‌ ببینە كو بكاربینی، د ئەنجامدا دێ‌ بسەركەڤی، من ب خۆ هەڤالەك یێ‌ هەی گەلەك جۆرێن هونەری ل دەف وی هەبوون، وەختێ‌ لێ‌ قەومی ئەوی بكارئینان، تابلۆیێن خۆ نیگاركرن و پەیكەر دروستكرن، سەرەنج بۆ خۆ ڕاكێَشان، شیا تێدا هەكە ل سەر هەڤدژان بسەرنەكەفتبیت ژی، لێ‌ ئەو شیایە وان بێدەنگ بكەت یان ژ ناڤ ئەردێ‌ خۆ كربنەدەر. ئەوی ب هونەرێ‌ خۆ شەڕ كریە، یان ئەڤ سترانبێژێ‌ لبنانی (فەزل شاكر) یێ‌ ڤان رۆژان د ناڤ زیندانەكا چار دیوار دا شیا هونەرێ‌ خۆ بكەتە ڤۆلكانەك ل سەر یۆتیۆبی و ب ملیۆنان فۆلۆیان بدەست خۆڤە بینیت. ئەڤجا باش بزانە چەندی جۆرێ‌ هێرش و هەرەشەیێ‌ ل سەر تە یێ‌ مەزن و توند بیت، قەبارێ‌ وی چەند بیت. ئەو تەمەتی وی هونەری یە یێ‌ كو ل دەف تە هەی, بكاربینە. ئەڤە قانوونێن دونیایێنە باوەرنەكە ژێ‌ دەربكەڤن یان قانوونەكا دیتر هەبیت، بۆ میناك ل شەڕێ‌ دژی رێكخراوا تیرۆرستی یا داعش ب وی رەنگێ‌ هۆڤ و مەزن و مەترسیدار هاتین، گەلەك خەلكی هزر كر ئێدی ئەم ب وان ئیمكانیاتێن خۆ یێن كێم نكارین سەربكەڤین، بەلێ‌ مە هونەرێ‌ ئیرادەیێ‌ بكارئینا و شیایین بسەربكەڤین و هەمی جیهانێ‌ سەرسۆرمان بكەین كو مە هێزەك هەیە پێشمەرگەیە كەسێ‌ گوه ل ناڤێ‌ وی نەببوو ب ئەوی قەربارێ‌ كو نها هەی، ئەو هێز ژی ئیرادەبوو، چونكو مەرج ئەو نینە تە چەك و كەلوپەل هەبن. مەرج ئەوە تە جۆرێ‌ ئیرادێ‌ هەبیت، میناك ژی لەشكرێ‌ ئیراقێ‌ چەكەكێ‌ زۆر هەبوو، بەلێ‌ شەڕ نەكر چونكو ئیرادە نەبوو. لەورا باوەركە ئەز و تو وەكو ئێكین بەلێ‌ دمینیت بزانین چاوا ئەقلێ‌ خۆ ڤەكەین و هونەرێ‌ خۆ بكاربینین.

]]> https://rojnameyaevro.com/ku/%d8%b4%d9%80%db%95%da%95%d9%83%d9%80%d8%b1%d9%86-%d8%a8-%d9%87%d9%80%d9%88%d9%86%d9%80%db%95%d8%b1%db%8c/252849/feed/ 0 خـۆڕاگـرییا داربـه‌ڕویـێ‌ ژ رهـ و رویشالێن وێ‌ یه‌ https://rojnameyaevro.com/ku/%d8%ae%d9%80%db%86%da%95%d8%a7%da%af%d9%80%d8%b1%db%8c%db%8c%d8%a7-%d8%af%d8%a7%d8%b1%d8%a8%d9%80%d9%87%e2%80%8c%da%95%d9%88%db%8c%d9%80%db%8e%e2%80%8c-%da%98-%d8%b1%d9%87%d9%80-%d9%88-%d8%b1%d9%88/250774/ https://rojnameyaevro.com/ku/%d8%ae%d9%80%db%86%da%95%d8%a7%da%af%d9%80%d8%b1%db%8c%db%8c%d8%a7-%d8%af%d8%a7%d8%b1%d8%a8%d9%80%d9%87%e2%80%8c%da%95%d9%88%db%8c%d9%80%db%8e%e2%80%8c-%da%98-%d8%b1%d9%87%d9%80-%d9%88-%d8%b1%d9%88/250774/#comments Wed, 20 Aug 2025 09:10:34 +0000 https://rojnameyaevro.com/ku/?p=250774 شێرزاد نایف

وه‌كهه‌ڤیا پارتی دیمۆكراتی كوردستان ب داربه‌ڕویێ‌ وه‌سفه‌كا گه‌له‌ك ژیرانه‌یه‌، كو ژ لایێ‌ سه‌رۆكێ‌ ڤێ‌ حزبێ‌ ڤه‌ هاتیه‌كرن، ئه‌ڤرۆ ب هه‌لكه‌فتا بیره‌وه‌ریا دامه‌زراندنا وێ‌ ڤه‌، دبیته‌ زه‌مینه‌كا گه‌له‌كا به‌رهه‌ڤ بۆ تۆماركرنا ئه‌ڤێ‌ مژارێ‌ د ناڤ رۆپه‌لێن ڤێ‌ رۆژنامه‌یێ‌ دا، چیرۆكا سروشتی یا چیرۆكا ڤێ‌ دامه‌رزاندنێ‌ بیرا مه‌ ل وان هه‌می پێنگاڤ و قۆناغان دئینیت، یێن كو پارتی تێدا هاتیه‌ هه‌بوونێ‌!. ل ده‌سپێكا چاندنا ئه‌ڤێ‌ دارێ‌ جۆره‌كێ‌ ره‌سه‌ن ژ (نه‌مامكێ‌ ـ شتلێ‌) هاتبوو ژێگرتن، كو ژ خۆزاییا ده‌ڤه‌رێ‌ هاتیه‌ و دانه‌رێ‌ وێ‌ ژی ژ ناڤ كۆمارا كوردستان ـ مهابادێ‌ دا ئینایه‌ دی، كو ل 16 ته‌باخا 1946 پارتی دیمۆكراتی كوردستان ل وێرێ‌ هاتیه‌ دامه‌زراندن و هه‌ر ل وێرێ‌ ژی وێرسێ‌ خه‌باتێ‌ و هه‌لگرێ‌ ئالایێ‌ وێ‌ حزبێ‌ په‌یدابوویه‌ و چاڤێن خۆ ل دونیایێ‌ ڤه‌كرینه‌، ل مهابادا مێژوو كو ئه‌و ژی سه‌رۆك مه‌سعود بارزانی یه‌، كو هه‌ر ل گه‌ل برایێ‌ خۆ یێ‌ مه‌زن شه‌هید ئدریس بارزانی ملێ‌ خۆ داینه‌ به‌ر ئه‌ڤی ئه‌ركێ‌ مه‌زن پشتی وه‌غه‌را بارزانیێ‌ مه‌زن، هه‌روه‌كو پاكێچه‌كا خودایی بوو كه‌فتیه‌ د ناڤ ڤێ‌ دۆزێ‌ دا و وه‌كو زه‌ره‌وره‌ته‌ك ب سیسته‌مه‌كێ‌ سیاسیی یێ‌ دیمۆكراسی و گونجای ب جۆره‌كێ‌ لیبرالیه‌كا ژێگرتی سه‌ركه‌فتن ئینا، شیا مینا په‌لگازكێ‌ په‌لان رابكه‌ت و نه‌سۆژیت، د ناڤ زه‌ڤیا ئه‌لغامان دا ده‌رباز دبیت و ب سلامه‌تی ژێ‌ ده‌ردكه‌ڤیت. ئه‌ڤێ‌ دارێ‌ ره‌ه و رویشالێن وێ‌ مابوون پشتی ڤه‌گه‌ریانا بارزانیێ‌ باب ژ ئێكه‌تیا سۆڤیێتێ‌ و ب سۆتنێ‌ و بڕینێ‌ نه‌هاتبوو ژناڤبرن و بارزانیێ‌ نه‌مر و هه‌ڤالێن خۆ 12 سالان ل وه‌لاتێ‌ په‌نابه‌ریێ‌ ته‌ڤلی خواندنا چاوانیا چاندنا وێ‌ دارێ‌ ببوون ژ پشته‌ڤانیا له‌شكری و مه‌شق و راهێنانان و فێربوونا زانستێ‌ سیاسه‌تێ‌، پاشی وه‌رزێ‌ چاندنێ‌ ل سالا 1958 زه‌مینه‌ بۆ وان ره‌ه و ریشالان خۆشبوو، پاشی ب وێ‌ ره‌نگێ‌ باش یێ‌ كو لێكۆلینێن چاندنێ‌ ته‌كه‌زیێ‌ ل سه‌ر دكه‌ن كو ره‌هێن وێ‌ باش ب ئاخێ‌ بهێنه‌ نخافتن، هه‌مان شێوه‌ ل بن كه‌پرا پارتی ملله‌تێ‌ كورد كۆم ڤه‌بوو، ره‌نگڤه‌دانا به‌رهنگاریبوونێ‌ ژی شۆره‌شا ئیلۆنێ‌ بوو كو هه‌می ره‌خ و چانێن كوردستانێ‌ ب خۆڤه‌ گرتبوون و بارزانیی نه‌مر بوو سه‌ركێشێ‌ وان مینا وێ‌ سه‌خبێریا سروشتی یاكو ئه‌و دارا به‌رێ ئه‌و ئارمانج ژێ‌ ده‌ركه‌فتن.

]]> https://rojnameyaevro.com/ku/%d8%ae%d9%80%db%86%da%95%d8%a7%da%af%d9%80%d8%b1%db%8c%db%8c%d8%a7-%d8%af%d8%a7%d8%b1%d8%a8%d9%80%d9%87%e2%80%8c%da%95%d9%88%db%8c%d9%80%db%8e%e2%80%8c-%da%98-%d8%b1%d9%87%d9%80-%d9%88-%d8%b1%d9%88/250774/feed/ 0