Rojnameya Evro » سلێمان موحسن سندی https://rojnameyaevro.com/ku Tue, 14 Jul 2026 23:02:08 +0000 ar hourly 1 https://wordpress.org/?v=4.0.38 سـەردەمـێ مەسـرۆر بـارزانـی سەردەمێ ئیرادە، ئاڤاكرن و هێزا بەردەوامە https://rojnameyaevro.com/ku/%d8%b3%d9%80%db%95%d8%b1%d8%af%db%95%d9%85%d9%80%db%8e-%d9%85%db%95%d8%b3%d9%80%d8%b1%db%86%d8%b1-%d8%a8%d9%80%d8%a7%d8%b1%d8%b2%d8%a7%d9%86%d9%80%db%8c-%d8%b3%db%95%d8%b1%d8%af%db%95%d9%85%db%8e/266030/ https://rojnameyaevro.com/ku/%d8%b3%d9%80%db%95%d8%b1%d8%af%db%95%d9%85%d9%80%db%8e-%d9%85%db%95%d8%b3%d9%80%d8%b1%db%86%d8%b1-%d8%a8%d9%80%d8%a7%d8%b1%d8%b2%d8%a7%d9%86%d9%80%db%8c-%d8%b3%db%95%d8%b1%d8%af%db%95%d9%85%db%8e/266030/#comments Mon, 13 Jul 2026 10:35:26 +0000 https://rojnameyaevro.com/ku/?p=266030 سلێمان موحسن سندی

د حەفت سالێن بۆری دا، هەرێما كوردستانێ د ئێك ژ سەختترین و پڕ قەیرانترین قووناغێن دیرۆكا خۆ ڕا دەربازبوو. ژ پاشڤەكشێیا دارایی و بڕینا بودجەی، هەتا دگەهیتە گەمارۆیێ‌ و پلانگێڕیێن هەرێمی و نێڤدەولەتی. بەلێ ئەو تشتێ ئەڤ قووناغە جوداكر، هەبوونا سەرۆك وەزیرەكێ بوو كو ل دەوسا پاشڤەكشێ و خۆ ڕادەستكرنێ، ستراتیژییا «بەرگری و ئاڤاكرن» هەلبژارت. مەسرۆر بارزانی د ڤان حەفت سالان دا بتنێ سەرۆكێ حوكمەتێ نەبوو، بەلكو سیمبۆلا ئیرادەیەكا پۆلایی بوو ل دژی پەلێن نەهەوار.
خۆدان ئیرادە و پڕ خزمەت، بەردەوامی د ناڤبەرا ئاستەنگێن ناڤخۆیی و ناڤدەولەتی دا. سەرەرای هەمی وان ئاستەنگێن ئابووری، سیاسی و ساخلەمی «وەك پەتایا كۆرۆنایێ و بڕینا مافێن دارایی» كو ڕووبڕووی كابینەیا وی بووین، مەسرۆر بارزانی نەهێلا كەرتێ خزمەتگوزاری و ئاڤەدانی ڕابوەستیت.
شـۆڕشـا چـاكسازیـێ
ڕێكخستنا داهاتێ ناڤخۆ، ژ ناڤبرنا گەندەلیێ، و ب دیجیتالكرنا دامەزراوەیان. ژێرخانا ئابووری، گرنگیدان ب كەرتێ چاندنێ، گەشتوگوزار، وەرزش، پیشەسازی و هەمەجۆركرنا سەرچاوەیێن داهاتی. ئەڤ بەردەوامییە د خزمەتگوزاریێ دا د دەمەكێ دا بوو كو نەیارێن ناڤخۆ و دەرڤە گرە و ل سەر ڕۆخاندنا قەوارەیێ هەرێما كوردستانێ دكر.
پاشئێخستنا پێكئینانا حوكمەتێ درێژەدانا پلانگێڕییانە ئەڤ چەقبەستوویییا سیاسییا نها و ڕێگرتن ل پێكئینانا كابینەیا نوو یا حوكمەتا هەرێما كوردستانێ، ڕوودانەكا ژ نیشكێڤە نینە. ئەڤە پارچەیەكە ژ هەمان وێ زنجیرەیا پلانگێڕیێن دەرەكی و ناڤخۆیی كو دخوازن دامەزراوەیێن شەرعی یێن هەرێمێ پەك بخن و شەرعیەتا قەوارەی لاواز بكەن. نەیارێن گەلێ كوردستانێ دەمێ دیتن ب ڕێكا گەمارۆیا ئابووری و مووشەكبارانێ نەشیان ئیرادەیا سەرۆك وەزیران بشكێنن، نها پەنا برینە بەر دروستكرنا ڤالاهییا سیاسی و پەكخستنا پرۆسەیا دیموكراسی. بەلێ ئەڤ تاكتیكە ژی ل هەنبەر هشیارییا خەلكی و سووربوونا سەرۆك وەزیران دا سەركەفتی نابیت.
زەلامێ دەولەتداریێ تەسلیم نەبوونە ب ئەجێندایا وەلاتێن هەرێمی نەیارێن مەسرور بارزانی ژ ڕاستییەكا بەرچاڤ تێگەهشتن: ئەڤ سەركردەیە زەلامێ‌ سازشكرنێ نینە ل سەر مافێن دەستووری و نەتەوەیی یێن گەلێ كوردستانێ. ئەو خۆدان ئەقلیەتەكا دەولەتدارییا سەربەخۆیە و هەرگیز ناچیتە د بن بارێ چ ئەجێندا و فشارەكا وەلاتێن هەرێمی دا. ئەوی سەلماند كو پاراستنا سەروەرییا ئاخێ و كەرامەتا وەلاتیێ كوردستانێ ل سەرووی هەمی بەرژەوەندییەكا دەمییە. هێلێن سۆرێن هەر پێنگاڤەكا ل دژی قەوارەیێ هەرێما كوردستانێ بیت ل دەف مەسرۆر بارزانی، هێلا سۆرە. هەر ئەڤێ‌ ژی وەیە كری نەیار بەردەوام ترسا وان ژ مان و ب هێزبوونا ڤی هەرێمی هەبیت.
حەفت سالێن بۆری سەلماند كو مەسرۆر بارزانی ڕێبەرەكێ ستراتیژییە و د دەمێ قەیرانێن مەزن دا خۆدانێ بڕیارێن سەختە. دیرۆكێ‌ نڤیسی كو ئەو سەرۆك وەزیرێ نەهێلای شكۆ و شەرعیەتا كوردستانێ ل بەرانبەر باهۆزا پلانگێڕییان دا بچەمیت، و پڕۆژەیێ دەولەتداریێ و ب هێز مانەڤا قەوارەیێ هەرێما كوردستانێ پاراست.

]]> https://rojnameyaevro.com/ku/%d8%b3%d9%80%db%95%d8%b1%d8%af%db%95%d9%85%d9%80%db%8e-%d9%85%db%95%d8%b3%d9%80%d8%b1%db%86%d8%b1-%d8%a8%d9%80%d8%a7%d8%b1%d8%b2%d8%a7%d9%86%d9%80%db%8c-%d8%b3%db%95%d8%b1%d8%af%db%95%d9%85%db%8e/266030/feed/ 0