Rojnameya Evro » سولین کەریم چولی https://rojnameyaevro.com/ku Mon, 01 Jun 2026 07:08:02 +0000 ar hourly 1 https://wordpress.org/?v=4.0.38 ئاستێ تێگەهشتنێ ب باوەرنامەیێ ناهێتە پیڤان https://rojnameyaevro.com/ku/%d8%a6%d8%a7%d8%b3%d8%aa%db%8e-%d8%aa%db%8e%da%af%db%95%d9%87%d8%b4%d8%aa%d9%86%db%8e-%d8%a8-%d8%a8%d8%a7%d9%88%db%95%d8%b1%d9%86%d8%a7%d9%85%db%95%db%8c%db%8e-%d9%86%d8%a7%d9%87%db%8e%d8%aa%db%95/263429/ https://rojnameyaevro.com/ku/%d8%a6%d8%a7%d8%b3%d8%aa%db%8e-%d8%aa%db%8e%da%af%db%95%d9%87%d8%b4%d8%aa%d9%86%db%8e-%d8%a8-%d8%a8%d8%a7%d9%88%db%95%d8%b1%d9%86%d8%a7%d9%85%db%95%db%8c%db%8e-%d9%86%d8%a7%d9%87%db%8e%d8%aa%db%95/263429/#comments Sun, 31 May 2026 23:32:41 +0000 https://rojnameyaevro.com/ku/?p=263429 سولین کەریم چولى

د جڤاکی دا گەلەک جاران ئاستێ تێگەهشتن و سەرکەفتنا تاکەکەسی ب باوەرنامەیان ڤە گرێددەن، بتایبەتی ژی یێن ئافرەتان، هەرچەندە هەتا ڕادەیەکێ ئەڤ چەندە دبیت ڕاست بیت بەلێ نابیتە پیڤەرەک بو دیارکرنا ئاستێ تێگەهشتنێ، ژبەرکو هندەک کەس هەنە خودان باوەرنامەیێن بلندن، بەلێ ئاستێ تێگەهشتن و بەرفرەهیا هزرێن وان د ئەو پەڕی کێمیێ دایە.
ئەگەرێ ڤێ چەندێ ژی ئەوە کو ژینگەهـ و پەروەردە هزرێن زارۆکی ئاڤا دکەن، چونکی زارۆک هزر و دیتنا ئەو ژینگەها دناڤدا مەزن دبیت، وەکی دایک و بابێن خۆ، هەڤالێن خۆ، ماموستایێن خو وەردگریت و ل دووڤ ژیێ خو لسەر ئەوان هزر و دیتنان کەسایەتیا خو ئاڤا دکەن.
ئاڤاکرنا ئاستێ تێگەهشتنا تە ل دووڤ حەز و خولیا و کریارێن تە دمینیت، بو نمونە خواندنا پەرتوکێن جوراو جور، وێنەکێشان، ژەنینا ئامێرێن موزیکێ، پشکداریکرن د خول و سیمینارێن پێشخستنا کەسایەتیێ دا و سەحکرنا بابەتێن ب مفا. دیسان ژی ئەڤ چەندە بو ژینگەها تە یا زارۆکینی و تێگەهشتن و پشتەڤانیا دەیبابێن تە ڤە دگەڕیتەڤە.
بەلێ ئەڤە وێ چەندی ناگەهینیت کو ئاڤاکرنا کەسایەتیا مرۆڤی هەتا ژیەکێ دەستنیشانکریە و ل دووڤدا مەژیێ مە ناهێتە گوهوڕین و هزرێن مە بەرفرەهتر لێ ناهێن، بەروڤاژی مەژیێ مە بەردەوام د فێربونێ دایە و ئەم بەردەوام دشێین ئاستێ زانین و تێگەهشتنا خو بەرفرەهتر لێ بکەین و کەسایەتیەکا بهێز ئاڤا بکەین بێی خواندنا هیچ باوەرنامەیەکێ.
ئەگەر وەکی دایکەک د شیانێن تە دا نەبویە هەتا نها خواندنا خۆ ب دووماهیک بینی و باوەرنامەیا زانکویێ یان پەیمانگەهێ ب دەستخوڤە بینی، ڕێکێ نەدە ئەڤ چەندە ڕێگریێ ل پێشڤەبرن و ئاڤاکرنا کەسایەتی و تێگەهشتنا تە بکەت، ژبەرکو تو دشێی خو ئاڤا بکەی و تە کەسایەتیەکا بهێز هەبیت و کەسەکا تێگەهشتی بی بێی هەبونا هیچ باوەرنامەیەکێ. ل ئەڤی سەردەمی و نفشێ نها پێدڤی ب دایکێن تێگەهشتی و بهێز و هشیار هەیە، دایکەک وەها کو پێزانین لسەر پتریا بابەتان هەبیت، د هەست و پێدڤیێن دەروونی یێن خو و زارۆکێن خو بگەهیت، و پشتەڤانیا خەون و هیڤیێن زارۆکێن خو بکەت کو دبیت گەلەک ژ یێن وێ جیاوازتر بن.
گەلەک گرنگە دگەل پێشڤەبرن و بلندکرنا ئاستێ خو، بو زارۆکێ خو ژی ژینگەهەکا هاندەر و پشتەڤان ل گورەی پێدڤی و گوهوڕینێن سەردەمی بەرهەڤ بکەی کو د پاشەڕوژێ دا ببیتە کەسەکێ تێگەهشتی و هزر بەرفرەهـ بێی هەبونا هەر باوەرنامەیەکێ.
گەهشتن ب ئاستەکێ بلند ژ بو پەروەردەکرنا نفشەکێ تێگەهشتی و ل دووڤ سەردەمی دەم و نیەتەکا ژدل پێ دڤێت.
یا گرنگە ئەم بزانین ئەم مروڤین و نەشێین کامل بین ئانکو دێ توشی بێزاریێ و شکەستن و پەشیمان بونێ بین، بەلێ پێدڤیە نەهێلین ئەڤ چەندە کارتێکرنێ ل مە بکەت و دەستا نەداهێلین. گەشتا سەرکەفتن و پێشڤەچونێ یا بەردەوامە و دەم پێدڤێت، دڤێت شانازیێ ب هەر پێنگاڤ و دەستکەفتەکا خۆ بکەین خو ئەگەر یا بچووک ژی بیت.

]]> https://rojnameyaevro.com/ku/%d8%a6%d8%a7%d8%b3%d8%aa%db%8e-%d8%aa%db%8e%da%af%db%95%d9%87%d8%b4%d8%aa%d9%86%db%8e-%d8%a8-%d8%a8%d8%a7%d9%88%db%95%d8%b1%d9%86%d8%a7%d9%85%db%95%db%8c%db%8e-%d9%86%d8%a7%d9%87%db%8e%d8%aa%db%95/263429/feed/ 0 تێکـدانا وێنەیـێ خێزانـێ د مـەژیێ زارۆکـی دا https://rojnameyaevro.com/ku/%d8%aa%db%8e%da%a9%d9%80%d8%af%d8%a7%d9%86%d8%a7-%d9%88%db%8e%d9%86%db%95%db%8c%d9%80%db%8e-%d8%ae%db%8e%d8%b2%d8%a7%d9%86%d9%80%db%8e-%d8%af-%d9%85%d9%80%db%95%da%98%db%8c%db%8e-%d8%b2%d8%a7%d8%b1/261932/ https://rojnameyaevro.com/ku/%d8%aa%db%8e%da%a9%d9%80%d8%af%d8%a7%d9%86%d8%a7-%d9%88%db%8e%d9%86%db%95%db%8c%d9%80%db%8e-%d8%ae%db%8e%d8%b2%d8%a7%d9%86%d9%80%db%8e-%d8%af-%d9%85%d9%80%db%95%da%98%db%8c%db%8e-%d8%b2%d8%a7%d8%b1/261932/#comments Mon, 27 Apr 2026 08:24:28 +0000 https://rojnameyaevro.com/ku/?p=261932 سولین کەریم چولی

خێزان ئانکو ئارامی، حەژێکرن و باوەری بو هەر تاکەکێ، بتایبەتی بو زارۆکان، ئەو پێناسەیا مەزن ددەنە خێزانێ و ئەو شێوازێ پەیوەندیێن خێزانی پێ دپارێزن، راستەوخۆ کارتێکرنێ دکەنە سەر هزر و دیتنا زارۆکێن مە بۆ رامانا پەیڤا خێزان و چاوانیا سەرەدەریکرنێ دگەل ئەندامێن وێ.
پاراستنا پەیوەندیێن خێزانی یێن ساخلەم لایەنەکێ هەرە گرنگە بو ئاڤاکرنا زارۆکەکێ دەروون ساخلەم. ژبەرهندێ، پێدڤییە زارۆک ژ ناکۆکی و کێشەیێن خێزانی بهێنە دویرخستن، و ب چو ڕەنگان ب خرابی بەحسێ ئەندامێن خێزانێ ل دەف وان نەهێتە کرن؛ داکو زارۆک نەبنە ئامرازەک بۆ تۆلڤەکرنێ یان درێژەپێدانا دوژمنداریێ.
مخابن، ئەڤ دیاردەیە ل دەف گەلەک دایکان و جاران بابان ژی دهێتە دیتن، ب تایبەتی دەمێ بابەت (مەت) بیت، بکارئینانا ناڤێن نەگونجایی و پێناسەیەکا کرێت بۆ مەتان ل دەف زارۆکان بکاردئینن، ب مەرەما کرێتکرنا وێنەیێ مەتێ لبەر چاڤێن زارۆکی، هەتا وی ڕادەی کو دایک وێنەیێ ماران نیشا زارۆکێ خو ددەت و دبێژیتێ ئەڤە مەتێت تەنە!.
ئەڤ پێناسەیا کێم بها بو مەتان، و گەلەک جاران بو خالەتان ژی، هەر د کەڤندا هەبوو، و مخابن هەتا نوکە ژی یا بەردەوامە. کو وەک کەسێن تێکدەر، دووڕی، حەسوود، و ب چەندین ناڤێن دی دهێنە ناڤکرن. ئەڤ چەندە هەتا چ ڕادە یا ڕاست بیت، یا گرنگە نەبنە پشکەک ژ بەلاڤکرن و چاندنا ئەڤان هزران. ژبەرکو زارۆک د سیاسەتا خێزانێ و ناکوکیێن وێ ناگەهیت، و بناڤکرنا ئەندامێن خێزانێ ب ناڤێن نەشیاو، وێنە و بهایێ راستەقینە یێ خێزانێ لبەر چاڤ و هزرێن زارۆکی تێکددەت و هەستێ پشتەڤانی و حەزژێکرنا خێزانی ژ دەست ددەت.
هەروەسا ب بۆرینا دەمی، ئەڤ رەفتارە کارتێکرنێ دکەنە سەر ئاڤاکرنا پەیوەندیەکا ساخلەم و ب باوەر د ناڤبەرا زارۆکی و ئەندامێن خێزانێ دا، و دروستکرنا پەیوەندیێن جڤاکی د پاشەرۆژێ دا.
گەلەک گرنگە زارۆک بخۆ د پرۆسێسا گەشەپێدانا پەیوەندیێن خێزانی دا دەرباز ببیت؛ دا کو بێ ترس و گەف، حەزژێکرن و ڤیانا خۆ بۆ ئەندامێن خێزانێ دیار بکەت. ب بۆرینا دەمی و ب هاریکاریا مە، زارۆک دێ شێت بخۆ بڕیارێ ل سەر بەردەوامیا پەیوەندیان یان باشی و خرابیا کەسان دەت.
پێدڤییە ل سەر مە وەک دایک و باب، ئەم ب ڕێزڤە بەحسێ ئەندامێن خێزانا خۆ ل بەرامبەر زارۆکێن خۆ بکەین و وان ژ ئالۆزی و پێکدادانێن خێزانی بپارێزین. هەروەسا، ئەرکێ مە یێ سەرەکی ئەوە کو زارۆکێن خۆ ل سەر بنەمایێ حەژێکرن، ڕێزگرتن و نیاسینا گرنگیا خێزانێ پەروەردە بکەین.

]]> https://rojnameyaevro.com/ku/%d8%aa%db%8e%da%a9%d9%80%d8%af%d8%a7%d9%86%d8%a7-%d9%88%db%8e%d9%86%db%95%db%8c%d9%80%db%8e-%d8%ae%db%8e%d8%b2%d8%a7%d9%86%d9%80%db%8e-%d8%af-%d9%85%d9%80%db%95%da%98%db%8c%db%8e-%d8%b2%d8%a7%d8%b1/261932/feed/ 0 پاراستنا دەروونێ زارۆکی د دەمێ شەڕی دا https://rojnameyaevro.com/ku/%d9%be%d8%a7%d8%b1%d8%a7%d8%b3%d8%aa%d9%86%d8%a7-%d8%af%db%95%d8%b1%d9%88%d9%88%d9%86%db%8e-%d8%b2%d8%a7%d8%b1%db%86%da%a9%db%8c-%d8%af-%d8%af%db%95%d9%85%db%8e-%d8%b4%db%95%da%95%db%8c-%d8%af%d8%a7/260954/ https://rojnameyaevro.com/ku/%d9%be%d8%a7%d8%b1%d8%a7%d8%b3%d8%aa%d9%86%d8%a7-%d8%af%db%95%d8%b1%d9%88%d9%88%d9%86%db%8e-%d8%b2%d8%a7%d8%b1%db%86%da%a9%db%8c-%d8%af-%d8%af%db%95%d9%85%db%8e-%d8%b4%db%95%da%95%db%8c-%d8%af%d8%a7/260954/#comments Tue, 07 Apr 2026 22:05:36 +0000 https://rojnameyaevro.com/ku/?p=260954 سولين كه‌ريم چۆلى

دەمێ شەڕ ل دەوروبەرێن باژێرێن مە، یان ل جهەکێ نێزیک روو ددەت، ئەم هەست ب نیگەرانی و ترسێ دکەین بتایبەتی ئەگەر ئەم دایک و باب بین، ژبەرکو هزرا پاراستنا زارۆکێن خو دکەین ب هەر شێوەیەکێ بیت.
لێ پێدڤیە ژبیر نەکەین زارۆکێن مە ژی ژ وێ نیگەرانیێ د بێ بەهر نینن  و دشێن هەست ب نەئارامیا دەوروبەرێن خو بکەن، هەتا ئەگەر ئەم بزاڤان ژی بکەین نوچەیان ژ وان ڤەشێرین یان ل دەف وان بەحس نەکەین، ب هەر رێیەکێ بیت زارۆکی گوهـ ل نوچەیان و گفتوگۆیێن مەزنان دبیت، یان هەست ب گوهورینا ڕەفتارێن دایک و بابێ خۆ دکەت.
ژبەرڤێ چەندێ د ڤان بارودوخان دا دڤێت ئەم ب هشیاری  بەرسڤا پرسیارێن زارۆکێن خو بدەین، ژبەرکو گەلەک جاران خەیالێن وان ترسا وان مەزنتر لێ دکەت، هەتا ئەگەر شەڕ ل باژێرێ وان ژی نەبیت، هەستکرن ب مەترسیێ زارۆکان نە ئارام دکەت و دەست ب خەیالکرنا دیمەنێن ترسناک دکەن و هزر دکەن کو تشتەکێ خراب دێ ب سەرێ خیزانا وان هێت.
ئەو پرسیارێن د مێشکێ زارۆکێن مە دا دهێن و دچن:
ئەرێ شەڕ دێ گەهیتە باژێرێ مە و ئەم ل ڤێرێ د پاراستینە؟ بۆچی خەڵک شەڕی دکەن…؟ گەلەک جاران ژی ترس و نە ئارامیا وان  ب شێوەیەکێ دی دەردکەڤیت شوینا پرسیاران: کێم خەوی و زێدەتر گرێدان ب دایک و بابێ خۆڤە بێدەنگبون و نەئارامیەکا بەردەوام.
ڕۆلێ دایک و بابا د پاراستنا ئارامیا زارۆکان دا:
ژبەرکو زارۆک دایک و بابێ خو وەکی پێگەها ئارامیێ دبینن، لەورا هەر کارڤەدانەک و ترسەکا ژلایێ وانڤە، نیگەرانیا زارۆکی زێدەتر لێ دکەت، ژبەر ڤێ چەندێ ڕۆلێ دایک و بابا گەلەک یێ گرنگە د پاراستنا هەست و ئارامیا زارۆکاندا د دەمێن ئاڵوز و کارڤەدانێن نە جاڤەڕێکری دا.
ئەم دشێین ب ڤان چەند ڕێیان ترس و نیگەرانیا زارۆیێن خو کێمتر لێ بکەین:
-1 ب ئارامی گوهداریا پرسیارێن وان بکەن:
بهێلین زارۆک پرسیارێن خۆ بکەن، بێی کو وان پاشڤە ببەن، ژبەرکو گەلەک جاران ئەو بتنێ پێدڤی ب پشتڕاسکرنێ نە.
-2 ب شێوەیەکێ سادە بەرسڤا زاروکان بدەن:
ب زمانەکێ گونجایی و لدووڤ تەمەنێ وان بەرسڤا پرسیارێن وان بدەن.
-3 پشتڕاسکرن و پاراستنا بەردەوام:
زارۆکێن خو ب بەردەوامی پشتڕاست بکەن کو د پاراستینە و کەسانێن بەرپرسیار ئارامیا باژێڕی و کۆمەلگەهێ د پارێزن.
-4 دویرخستنا زارۆکان ژ نوچەیێن ترسناک:
گوهداریکرن و تەماشاکرنا نوچەیێن ترسناک لدەف زارۆکی، نە ئارامی و نیگەرانیا وان زێدەتر لێ دکەت. باشترە زارۆک بهێنە دویرکرن.
-5 بەردەوامی دان ب ڕوتینا ڕوژانە:
نەهێلین ئەڤ چەندە کارتێکرنێ ل ژیانا هەوە یا ڕوژانە بکەت و ڕوتینا خێزانا خو بەردەوام بکەن، وەکی خواندن، دەرکەفتن، یاریکرن، بوراندنا دەمێ خێزانی پێکڤە، داکو زارۆکێن وە هەست ب ئارامیێ بکەن.
زارۆکان پێتڤی ب بەرسڤ و شلوڤەکرنەکا دویر و درێژ نینە، هند بەسە هەست ب ئارامی و پاراستنێ بکەن ژلایێ دایک و باباڤە، دەمێ دایک و باب ب ئارامی بەرسڤا زارۆکێن خو ددەن، زارۆک پشتڕاست دبن کو ل دەمێن دژوار و نە چاڤەڕێکری دا ژی ئەو بتنێ نامینن و د پاراستینە.

]]> https://rojnameyaevro.com/ku/%d9%be%d8%a7%d8%b1%d8%a7%d8%b3%d8%aa%d9%86%d8%a7-%d8%af%db%95%d8%b1%d9%88%d9%88%d9%86%db%8e-%d8%b2%d8%a7%d8%b1%db%86%da%a9%db%8c-%d8%af-%d8%af%db%95%d9%85%db%8e-%d8%b4%db%95%da%95%db%8c-%d8%af%d8%a7/260954/feed/ 0 زارۆکێ تە نە نۆشدارێ تە یێ دەروونییە! https://rojnameyaevro.com/ku/%d8%b2%d8%a7%d8%b1%db%86%da%a9%db%8e-%d8%aa%db%95-%d9%86%db%95-%d9%86%db%86%d8%b4%d8%af%d8%a7%d8%b1%db%8e-%d8%aa%db%95-%db%8c%db%8e-%d8%af%db%95%d8%b1%d9%88%d9%88%d9%86%db%8c%db%8c%db%95/259597/ https://rojnameyaevro.com/ku/%d8%b2%d8%a7%d8%b1%db%86%da%a9%db%8e-%d8%aa%db%95-%d9%86%db%95-%d9%86%db%86%d8%b4%d8%af%d8%a7%d8%b1%db%8e-%d8%aa%db%95-%db%8c%db%8e-%d8%af%db%95%d8%b1%d9%88%d9%88%d9%86%db%8c%db%8c%db%95/259597/#comments Wed, 25 Feb 2026 08:18:40 +0000 https://rojnameyaevro.com/ku/?p=259597 سولین کەریم چولی

گەلەک جاران دایک و باب زارۆکێن خوە وەک کەسەکێ مەزن یان هەڤال دبینن و بابەتێن گەلەک ژ ژیێ وان مەزنتر و ب زەحمەت بۆ تێگەهشتنێ بۆ بەحس دکەن، ئەڤجا ب هەر مەرەمەکێ بیت، لێ دەمێ زارۆک گەنگەشە، خەلەتی، زەحمەتی و ئاستەنگێن ئابوری یێن دایک و بابێ خوە دبینیت و بۆ دهێنە گۆتن تووشی شۆک و برینێن دەروونى یێن زارۆکینیێ دبیت و بۆ دەمەکێ درێژ دگەل دمینیت و کارتێکرنێ ل کەسایەتی و ژیانا وی یا ڕۆژانە دکەت.
داکو بشێین زارۆکێن خوە ژ ڤان کاریگەریان و برینێن دەروونى بپارێزین، پێدڤییە ئەم وەک دایک و باب خوە ژ ڤان خەلەتیان دوور بکەین:
-1 بەحسکرنا زەحمەتی و ئاستەنگێن ئابووری بۆ زارۆکی؛ زارۆکی پێدڤی ب ئارامی و پاراستنێ هەیە، بەلێ دەمێ زەحمەتیێن دایک و بابێ خوە دزانیت ژ لایێ ئابووری ڤە ئارامیا زارۆکی ژناڤ دچیت و ب خەم دکەڤیت و نیگەران دبیت بۆ بابەتەکێ کو دڤێت ب هیچ شێوەیەکێ پێزانین ل سەر نەبن.
-2 بەحسکرنا ئاریشە و کێماسیێن پەیوەندیا هەڤژینیێ؛ ب زانینا ئەڤێ چەندێ ئارامیا هەستێن زارۆکی و وێنەیێ دایک و بابێ وی د چاڤێن زارۆکی دا تێک دچیت. گەلەک گرنگە زارۆکێن خوە ژ ڤێ چەندێ دویر بکەین و چ جاران وەک کەسەکێ مەزن بکار نەئینین بۆ ڤالاکرنا دل و هزرێن خوە.
-3 بەحسکرنا خەلەتی و پەشیمانیێن خوە؛ زارۆکێن مە نە هەڤال و نۆژدارێ مە یێ دەروونی یە کو مێشکێ وان تژی بکەین ژ نەخۆشی و خەلەتیێن خوە کو ئەم ژێ د پەشیمانین.
-4 بەحسکرنا نهێنیێن خوە یان کەسانێن دی؛ ڤەشارتنا نهێنیان بارەکێ گەلەک گرانە ل سەر مێشکێ زارۆکی، ژبەرکو بکارئینانا زارۆکی وەک سندوقا خوە یا نهێنیان کارتێکرنەکا خراب ل مێشک و دەروونێ زارۆکی دکەت.
-5 بەحسکرنا نەخۆشی و برینێن خوە یێن دەروونى یێن زارۆکینیێ؛ هەروەکی مە گوتی زارۆکێن مە نە نۆژدارێن دەروونی نە، مێشکێ وان نەشێت ب دروستی د نەخۆشی و برینێن مە یێن دەروونى بگەهیت. بەروڤاژی ئەڤ چەندە دبیتە ئەگەرێ نەخۆشی و زەحمەتیان د دەروون و هزرێن زارۆکی دا.
-6 بەحسکرنا ترس و کێم باوەری ب خوەبوونێ؛ ب ڤێ چەندێ زارۆک ژیانێ و ئاستەنگیێن وێ ب ترس دبینیت، و باوەریا وی ب خوە کێم دبیت، ژبەرکو ئەم نموونەیێن سەرەکی نە بۆ زارۆکێن خۆ، دیتنا مە و سەرەدەریا مە دگەل ئاستەنگێن ژیانێ د زارۆکێن مە دا ڕەنگڤەدەت.
دەرئەنجام:
زارۆکێن مە ئەمانەتن، و ئەرکێ مەیە وەک دایک و باب دل و دەروونێ وان بپارێزین ب هەر شێوەیەکێ بیت. ژیان چەندا ب زەحمەت و ب ئاستەنگ بیت دڤێت زارۆک ب زارۆکینیا خوە ب ساخلەمی و ب دروستی بژیت و دویر بیت ژ نەخۆشی و خرابی و قەرەبالغیا ژیانێ. دەمێ زارۆکێن مە دگەهنە ژیەکێ گونجایی، ئەم دشێین ل دووڤ بارودۆخ و پێدڤیێن وان سەربۆر و خەلەتیێن خوە بۆ دیار بکەین وەک وانەیەکا ژیانێ.

]]> https://rojnameyaevro.com/ku/%d8%b2%d8%a7%d8%b1%db%86%da%a9%db%8e-%d8%aa%db%95-%d9%86%db%95-%d9%86%db%86%d8%b4%d8%af%d8%a7%d8%b1%db%8e-%d8%aa%db%95-%db%8c%db%8e-%d8%af%db%95%d8%b1%d9%88%d9%88%d9%86%db%8c%db%8c%db%95/259597/feed/ 0