Rojnameya Evro » زەكەریا حەمید https://rojnameyaevro.com/ku Mon, 06 Jul 2026 22:57:16 +0000 ar hourly 1 https://wordpress.org/?v=4.0.38 رامالینا گەندەلكارانە یان كۆدەتایا سیاسییە ل ئیراقێ؟ https://rojnameyaevro.com/ku/%d8%b1%d8%a7%d9%85%d8%a7%d9%84%db%8c%d9%86%d8%a7-%da%af%db%95%d9%86%d8%af%db%95%d9%84%d9%83%d8%a7%d8%b1%d8%a7%d9%86%db%95-%db%8c%d8%a7%d9%86-%d9%83%db%86%d8%af%db%95%d8%aa%d8%a7%db%8c%d8%a7-%d8%b3/265563/ https://rojnameyaevro.com/ku/%d8%b1%d8%a7%d9%85%d8%a7%d9%84%db%8c%d9%86%d8%a7-%da%af%db%95%d9%86%d8%af%db%95%d9%84%d9%83%d8%a7%d8%b1%d8%a7%d9%86%db%95-%db%8c%d8%a7%d9%86-%d9%83%db%86%d8%af%db%95%d8%aa%d8%a7%db%8c%d8%a7-%d8%b3/265563/#comments Mon, 06 Jul 2026 22:19:16 +0000 https://rojnameyaevro.com/ku/?p=265563 زەكەریا حەمید

گوهۆڕینێن ب لەز ئەوێن ل گۆڕەپانا سیاسی یا ئیڕاقێ‌ رویددەن.. كو جارەكا دی ناڤونیشانێن بریسقەدار بووینە مانشێتێن سەرەكی یێن دەزگەهێن راگەهاندنێ‌, لێ‌ پرسیارا جەوهەری ئەوا د مێشكێ‌ هەر تاكەكێ‌ ئیراقی دا دروست دبیت ئەڤەیە: ئەرێ‌ ئەڤ پێنگاڤێن سەرۆك وەزیرێن ئیراقێ‌ دهێنە هاڤێتن ب راستی ئیڕادەیا نیشتیمانییە بۆ رامالینا گەندەلكاران؟ یانژی ئەڤە تنێ‌ كۆدەتایەكا سیاسی یا سپییە كو ئارمانجا وێ‌ لادانا نەیارا و موكمكرنا كورسییا دەستهەلاتێ یە؟
ململانێ‌ ل ژێر سێبەرا درووشمێن گەشبین، دیرۆكا نوی یا ئیراقێ‌ نیشاددەت كو دۆسیێن گەندەلییێ‌ چ جاران تنێ‌ بابەتێن قانوونی یان دارایی نەبووینە, بەلكو هەرگاڤ وەك كارتێن فشارێ‌ یێن سیاسی دژی لایەنێن هەڤڕك هاتینە بكارئینان.
گەندەلی ل ئیراقێ‌ نەبوویە حالەتەكێ‌ تاكە كەسی, بەلكو یا بوویە سیستەمەكێ‌ رێكخراوەیی كو ل سەر بنەمایێ‌ پشكپشكانێ‌ (المحاصصە) دا دهێتە چەسپاندن، لەوما هێرشكرن ل سەر پشكەكێ‌ ژ ئەڤی سیستەمی بێی گوهۆڕینا بنەمایێن وێ‌ پتر نێزیكی پاقژكرنا حساباتێن سیاسیە نەك چاكسازی.. لێ‌ بوچی جاددا ئیراقی و چاڤدێرێن سیاسی یێن ب گۆمانن و هزر دكەن كو ئەڤە كودەتایەكا سیاسی یا سپیە.؟
ئەگەر ئەڤ هەوا رامالینا گەندەلكاران كو تنێ‌ ماسیێن بچویك, كەسێن پلە دو و پلە سێ‌ بیت.. وەكی وێ‌ چەندێ‌ یە كو مرۆڤ تایێن دارەكێ‌ ببڕیت و رەهـ و ریشالێن وێ‌ د ناڤ ئەردی دا بهێلیتەڤە, لەوا دڤێت نەهنگێن مەزن وەكی خۆدان حزبێن قەبە و كوتلەیێن سیاسی ژی بكەڤنە د ئەڤێ‌ تۆڕێ دا و بهێتە دادگەهكرن و هەمی سەروەت و سامانێ‌ وان ژی بهێتە دەستەسەركرن و بهێنە زیندانكرن و حزب و كوتلەیێن وان ژی دۆرپێچ بكەن ژ گۆڕپانا سیاسی.
زێدەباری هەمی گومانان گەشبینییا راستەقینە و پۆزەتیف د ئەڤێ‌ گێلەشوكێ دا ژ دایك دبیت، چونكی دیوارێن ترسێ‌ یێن دهێنە هەڕفاندن كو ئەڤە بۆ دەمێ‌ دو دەهەیان سالایە وەك كەلهەكا ئەفسانەیی هاتبوونە ئاڤاكرن, ئەڤرۆ ل بەر چاڤێن هەمییان هندەك ژ وان كەلهان ئەگەر نە هەڕفتبن ژی لێ‌ دەرزێن مەزن یێن كەفتینێ‌.. دەستپێكرنا پرۆسێ‌ ژ هەر ئاستەكی بیت ئەگەر یێن ئاستێ‌ بچویك و ماسیێن لاوەكی ژی دەسپێكربیت، ئاماژەیەكا رۆنە و زەنگەكا ئاگەهداركرنێ‌ یا بهێزە كو چ جاران ناڤەندێن گەندەلییێ‌ نەشێن بۆ هەتاهەتایی د ئارام بن و دیوارێ‌ ترسێ‌ هەنبەر وان یێ‌ هاتییە شكاندن.
لێ‌ ب دیتنا من هەتا ئەو رۆژا دادوەری و بڕیارێن دادگەهێ‌ دەردكەڤن, دێ‌ ئەڤ پرسیارە یا بەردەوام بیت د جاددەیا ئیراقی دا، ئەرێ‌ ئەڤە دەستپێكا پاقژكرنا ئیراقێ‌ یە, یان ژی تنێ‌ خۆلەكا نووییە یا ململانێیا خۆسەپاندنێ‌ ل بن پەردەیا چاكسازییێ‌ دا؟.

]]> https://rojnameyaevro.com/ku/%d8%b1%d8%a7%d9%85%d8%a7%d9%84%db%8c%d9%86%d8%a7-%da%af%db%95%d9%86%d8%af%db%95%d9%84%d9%83%d8%a7%d8%b1%d8%a7%d9%86%db%95-%db%8c%d8%a7%d9%86-%d9%83%db%86%d8%af%db%95%d8%aa%d8%a7%db%8c%d8%a7-%d8%b3/265563/feed/ 0