Rojnameya Evro » زكری مووسا https://rojnameyaevro.com/ku Mon, 06 Apr 2026 22:59:04 +0000 ar hourly 1 https://wordpress.org/?v=4.0.38 سوپـاس ڕۆژ ئـاڤـا https://rojnameyaevro.com/ku/%d8%b3%d9%88%d9%be%d9%80%d8%a7%d8%b3-%da%95%db%86%da%98-%d8%a6%d9%80%d8%a7%da%a4%d9%80%d8%a7/260822/ https://rojnameyaevro.com/ku/%d8%b3%d9%88%d9%be%d9%80%d8%a7%d8%b3-%da%95%db%86%da%98-%d8%a6%d9%80%d8%a7%da%a4%d9%80%d8%a7/260822/#comments Mon, 06 Apr 2026 22:47:38 +0000 https://rojnameyaevro.com/ku/?p=260822 زكری مووسا

هەر ل دەستپێکا شەڕێ دناڤبەرا ئەمریکاو ئسرائیلێ دا ژ لایەکێ ڤە و ئیرانێ ژلایەکێ دیڤە، هەرێما کوردستانێ بوویه ئارمانجا هێرشێن نە ڕەوا یێن گرۆپێن میلیشیایێن ل ناڤ ئیراقێ، ئەڤ هێرشە نەڕەوا و بێهێجەتن و شەڕ فرۆشتنەکا ئاشکرایە و ڕاکێشانا دوژمناتییەکا نەتەوەیی و تائیفینە.
ل دستپێکا هێرشان هێجەتا هەبوونا هێزێن ئەمریکی ل هەرێما کوردستانێ و ئەو هێرش بۆ بەرژەوەندییێن ئەمریکا بوون، لێ نهە ب ڕەنگەکێ کریاری شێوەیێ هەرەمەکی وەرگرتییەو هەموو ژێرخان و گەڕەک و خانی و جاددە و وەلاتییێن هەرێما کوردستانێ دکەنە ئارمانج. ئەڤ چەندە بزاڤەکا رۆن و ئاشکرا یا میلیشیانە بۆ پێڤەکرنا خەلکێ کوردستانێ یە د شەڕەکی دا کو چو پەیوەندی ب خەلکێ کوردستانێ و ئیراقێ ڤە ژی نینە.
بێدەنگی و بێهەلوەستییا حوکمەتا ئیراقێ ل بەرانبەری ئەڤێ زولما نەڕەوا، بێهنفرەهییا هەرێما کوردستانێ و بزاڤکرن بۆ هندێ کو کوردستان نەبیتە پشکەک ژ ڤێ ئالۆزی و تێکچوونان جهێ دەستخۆشیێ یە، تەناهی ب هەر بهایەکێ هەبیت دڤێت بهێتە پاراستن، ئەڤەیە ستراتیژی و سیاسەتا دروست.
دگەل ئەوێ تاریاتییێ و وان گەفێن ڕۆژانە دژی هەرێما کوردستانێ، دیمەنەکێ رۆن ژی هەیە، ل پارچەیەکا دی یا کوردستانێ خڕڤەبوون و گەرمییەکا ڕەسەن و خۆمالی یا کوردی بۆ پشتەڤانییا هەرێما کوردستانێ هەیە، ل تاخ و کۆلان و جاددە و ناڤ مالێن کوردان ل قامشلۆ، عەفرین، دێرکێ، عامۆدێ، کۆبانێ، حەسەکێ و باژێڕ و باژێڕک و گوندێن دی یێن ڕوژئاڤایێ کوردستانێ، دناڤ دلێن ئافرەت و زەلام و ژیر و گەنج و زاڕۆیان دا هەڤسۆزییەکا رەسەن بۆ پشتەڤانییا هەرێما کوردستانێ هەیە، و ل وێرێ ب ڕەنگەکێ بەرچاڤ ڕۆژانە د ڕژیێنە سەر جادەیان و دەنگێ پشتەڤانیا خۆ بۆ هەرێما کوردستانێ و سەرۆک بارزانی بلند دکەن. چەند مەهان بەری نهە خویشک و برایێن وان ژی ل هەرێما کوردستانێ و ئەورۆپا بۆ پشتەڤانیکرنا رۆژئاڤایێ کوردستانێ هاتنە سەر جادەیان و نهە ژی ئەو بۆ خویشک و برایێن خۆ ل هەرێما کوردستانێ دهێنە سەر جادەیان دەنگێ هەڤخەمی و هەڤسۆزی و پشتەڤانیێ بلند دکەن.
ئەڤە نیشانا زێندیی یا گیانێ کوردینیێ و هەڤدەنگییا نەتەوەیی یە،ب تێکڕاییا رویدانان، هەمی وان هێزان و وان کەلیشەیێن شەڕانی یێن ل دەڤەرێ هەین نەشیاینە کار ل سەر هندێ بکەن کو کوردان ژ ئارمانج و هیڤیێن وان ڤەقەتینن. توخیبێن سیاسی یێن هاتینە سەپاندن پشتی سەدەیەکێ نەشیاینە هەستێ نەتەوەکی ژ پشتگوهڤە بهاڤێژن کو ئاشتی و پێکڤە ژیان و دادپەروەری دڤێت.
ل ڤێرە پێدڤی یە هەر تاکەک ژ مە پێزانین و سوپاسیێن خۆ بۆ کوردێن ڕۆژئاڤا بهنێریت، بۆ مێرانییا وان، بۆ هەلوەستێ وان، و بۆ زێدەباری ئەوی دۆخێ دژوار یێ ئەو تێدا دژین، لێ چرکە بۆ چرکەیێ دلێ وان بۆ هەرێما کوردستانێ لێددەت. ئەڤ ئێکدەنگی و هەڤگرتنە هێزا سەرەکی یا گەلێ کوردە ل هەمی پارچەیێن کوردستانێ و ب پستڕاستی ژی دێ کاریگەری ل سەر سەمتا رویدان و مانا دۆزا گەلێ کوردستانێ بجھ هێلیت. پاشەڕۆژ یا پڕە ژ رویدانێن مەزن و دەرگەهێن ڤەکری و روناهی، ژ بەر هندێ پێدڤیە ئەو گیانێ هەڤپشک یێ گەلێ کوردستانێ هەبیت و بهێزتر بیت.

هەر بژیت دەنگێ قەهرەمان یێ ڕۆژئاڤا و هەر بژیت ئێکگرتنا گەلێ کوردستانێ…

]]> https://rojnameyaevro.com/ku/%d8%b3%d9%88%d9%be%d9%80%d8%a7%d8%b3-%da%95%db%86%da%98-%d8%a6%d9%80%d8%a7%da%a4%d9%80%d8%a7/260822/feed/ 0