Rojnameya Evro » دیدار و راپۆرت https://rojnameyaevro.com/ku Thu, 05 Nov 2026 10:04:28 +0000 ar hourly 1 https://wordpress.org/?v=4.0.38 داپیر و نەڤیێن وێ https://rojnameyaevro.com/ku/%d8%af%d8%a7%d9%be%db%8c%d8%b1-%d9%88-%d9%86%db%95%da%a4%db%8c%db%8e%d9%86-%d9%88%db%8e/273141/ https://rojnameyaevro.com/ku/%d8%af%d8%a7%d9%be%db%8c%d8%b1-%d9%88-%d9%86%db%95%da%a4%db%8c%db%8e%d9%86-%d9%88%db%8e/273141/#comments Wed, 04 Nov 2026 11:30:43 +0000 https://rojnameyaevro.com/ku/?p=273141 دایەخان بۆتانی

بەری بگەهمە ڤێ قۆناغا ژیانێ، دەمێ من گوهـ ل دانعەمر و مەزنان دبوو دگۆتن: “زارۆک گویزە، لێ نەڤی کاکلە!”، یان دەمێ ئاماژە ب وێ گۆتنێ دکر ئەوا دبێژیت: “ژ زارۆکی شرینتر، نەڤیە”، من وەسا هزر دکر کو ئەڤە بتنێ زێدەرۆییەکا دەربڕینێ یە. لێ دەمێ بۆ ئێکەم جار من نەڤیا خۆ کریە د هەمبێزا خۆ دا و بێهنا وێ یا پاقژ چوویە د ناخێ من دا، من زانی کا خودای چ موعجیزەیەکا سۆز و دلۆڤانیێ کریە د دلێ داپیران دا.
هەستێ داپیربوونێ تشتەکێ جودایە؛ هەستەکە ب چ پەیڤان ناهێتە سالۆخدان. هەروەکو خودای دەلیڤەیەکا دی یا دایکینیێ دايه‌ وێ، لێ ڤێ جارێ ب دلەکێ ئێمنتر و بێى فشارێن دەستپێکا گەنجاتیێ، پێشکێشی تە بکەت. داپیر وەسا هەست دکەت کو ئەڤ نەڤیە پارچەیەکە ژ گیانێ وێ، بەلکو جاران ژ بەر کووراتییا ڤێ ڤیانێ، گەلەک ب غیرەت و هەستیاری ڤە سەرەدەریێ ل گەل دکەت، تەنانەت دگەل دایک و بابێن وان ژی دکەڤیتە ململانێ کا کیژ پتر حەژێ دکەت! داپیر ئامادەیە هەمی داخوازیێن نەڤیێن خۆ بجھ بینیت، هەر تشتێ ب دلێ وان بیت بێ دوودلی بۆ بکەت، و چ جاران دلێ وان نەشکێنیت. نەڤی ژی ڤێ چەندێ زوی هەست پێ دکەن؛ وان باش یا زانی کو باوەشا داپیرێ، کانییا بێ مەرجا ڤیانێ و پەناگەها هەرە ئارامە ل دەمێ تەنگاڤییان.
دەمێ نەڤیەک نەخۆش دبیت یان بێتاقەت دبیت، دونیا ل بەر چاڤێن داپیرێ ڕەش دبیت؛ خەو ل چاڤێن وێ حەرام دبیت و ئەڤ برینە پتر ناخێ وێ دخۆت، جاران زێدەتر ژ دایکا زارۆکی ب خۆ! ئەڤە هەمی بەلگەیێن وێ ڤیانا پیرۆز و پاکن یا کو خودێ د دلێ مە دا چاندی.
لێ ڤێرێ پرسیارەکا هەستیارا هەژی تێهزرینێ هەیە: ئەرێ ئەڤ هەمی نازدارکرنه‌، د بەرژەوەندییا زارۆکی دایە؟ ئەرێ ئەڤ حەژێکرنا بێ سنوور نابیتە ئەگەرێ سستبوونا پەروەردێ و تێکچوونا کەسایەتییا وی و تێکدانا ڕەوشتێ وی؟
پێدڤیە ب وژدان دانپێدانێ ب وێ یەکێ بکەین کو زارۆک، هەر چەندە پێدڤی ب ئەڤین و سۆزێ یە، ب هەمان ئەندازە پێدڤی ب سنوور و ڕێنمایان ژی هەیە. ئەگەر داپیر ب ناڤێ “حەژێکرنێ” هەمی سنووران بشکێنیت و هەر شاشییەکا نەڤی دکەت بۆ جوان بکەت، زارۆک هێدی هێدی ژ قالبی دەردکەڤیت؛ دبیتە مرۆڤەکێ ڕککێش، خۆپەرست و بێ هەداری، کو باوەر دکەت پێدڤییە هەمی جیهان ل دویڤ حەزێن وی بزڤڕیت! ئەگەر ڤیان ب هوشمەندی نەهێتە ئاراستەکرن، دبیت ژ دەرمانەکێ شرین ببیتە ژەهرەکا نەدیار بۆ پاشەڕۆژا زارۆکی.
پەیاما من بۆ هەمی داپیرێن مە یێن جان و دلسۆز ئەوە کو ڕۆڵێ تە ل بەرامبەر نەڤیێن تە، گەلەک مەزنتر و پیرۆزترە ژ هندێ کو بتنێ ببیتە جهێ دانا شریناهییان و پڕکرنا بەرسینگێ وان ژ نازدارییان. باوەشا داپیرێ، پێدڤیە ببیتە ئێکەمین قوتابخانا ڕەوشتی و نیشتیمانی بۆ زارۆکی. دەمێ تە نەڤیێن خۆ ل دەورێن خۆ کۆم کرن، پێدڤیە وەکو مامۆستایەکی بی بۆ وان و فێر بکەى و هاریکاریا وان بکەى د خواندن و نڤیسینێ دا، ئەڤە هەمی ب شێوەیەکێ نەرم و سڤک.
ژ لایەکێ دی ڤە، ل شوینا شاشەیێن تەلەفۆنان، چیرۆک و سەرهاتیێن فۆلکلۆری یێن کوردی بۆ وان ڤەگێڕیت؛ وان فێری ڕێزگرتنا مەزنان و هەڤکاریێ و راستگۆییێ و جوامێریێ بکەت.
یا ژ هەمیێ گرنگتر، وی تۆڤێ پیرۆز د دلێ وان دا بچینیت کا ئەوان چەند پێدڤی ب پاراستنا ئاخ و وەلاتێ خۆ هەیە. بلا ژ دەڤێ تە ببهیسن کا ناڤێ “کورد” و “کوردستان” ب چ بهایەکێ گران و ب چ ڕەنجەکێ هاتیە پاراستن، دا کو هەر ژ زارۆکینیێ هەست ب شانازیێ بکەن ب زمانێ خۆ یێ شرینێ دایکێ و ب ناسنامەیا خۆ یا نەتەوەیی.
نەڤیێن مە، شتلێن نوی یێن جڤاکێ مەنە. بلا حەژێکرنا مە بۆ وان، نەبیتە بەربەست ل هەمبەر پێگەهشتنا وان، بەلکو بلا ببیتە ئەو ئاڤا زەلال یا کو وان دکەتە کەسایەتیێن خۆڕاگر و خودان ئیرادە.
خودایێ مەزن هەمی داپیرێن مە یێن دلۆڤان بپارێزیت، ئەوێن کو خانی و مالێن مە ب هەبوونا وان دبنە بهه‌شت، و بەرەکەتێ بێخیتە تەمەن و پاشەڕۆژا نەڤیێن وان، کو هیڤی و ڕۆناهییا سوباهییا وەلاتێ مەنە.

]]> https://rojnameyaevro.com/ku/%d8%af%d8%a7%d9%be%db%8c%d8%b1-%d9%88-%d9%86%db%95%da%a4%db%8c%db%8e%d9%86-%d9%88%db%8e/273141/feed/ 0 ل هەردو شۆڕەشان بامەڕنێ ١١٥ شەهیدێن سەنگـەری هەنـە https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%da%95%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273092/ https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%da%95%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273092/#comments Tue, 03 Nov 2026 21:07:21 +0000 https://rojnameyaevro.com/ku/?p=273092 سالار محەمەد دۆسكی:

2-6

گاڤا ب جلكێن كوردی و بەرگز و دو دەرسۆك گرێددان بڤی رەنگی دهاتە پولێ‌ ڤە، مامۆستایێ‌ بیركاریێ‌ بوو، دیسا مامۆستا (سەعید محەمەد رەجب) بەرپرسێ‌ رێكخراوا حزبی بوو ل بامەرنێ‌، مامۆستا (محەمەد حسێن رەشید) جێگرێ‌ وی یێ‌ رێكخراوێ‌ بوو، مامۆستا (ئەحمەد عەبدلباقی) مامۆستایێ‌ شۆڕشێ‌ بوو، و پشتی رێككەفتا 11 ئادارێ‌ ببوو مامۆستا ل قوتابخانا بامەرنێ‌ بگشتی هەمی و مامۆستایێن مە كوردپەروەر بوون، نسكۆیا سالا 1975 كاودانێن خەلكی گەلەك نەخوش بوون و ژیان نەخوش بوو ئەڤە تشتەك بوو هاتیەكرن ب دەستێ‌ خەلكی نەبوو بەلكو ئەڤە رێكەفتنەكا دولی بوو دژی مللەتێ‌ كورد هاتیەكرن وی دەمی هەمی پێشمەرگەی چەكێ‌ خوە رادەستی حوكمەتێ‌ كر و هندەك ژی بەرەف وەلاتێ‌ ئیرانێ‌ چوون، وەكی وێنەی پێش چاڤێن منن ئەو رۆژ دەمێ‌ بڕیار هاتیەدان هەر كەسەكێ‌ دڤێت خوە رادەستی حوكمەتێ‌ بكەت، و هەر كەسەكێ‌ ژ خوە بترسیت و نەڤێت دشێت بچیتە ئیرانێ‌، و بیرا من دهێت هزاران پێشمەرگان كرە گری و نەبتنێ‌ پێشمەرگا بەلكو خەلكی بگشتی دكرنە گری و دیمەنەكێ‌ نەخوش بوو، و ئەم مەزن بووین ویا نەخوش بوو و خەلكی هەست ب بێ‌ ئومێدیێ‌ دكر، و ئەڤ شۆڕشا هوسایا مەزن هەما ب جارەكێ‌ نەمینت و خیانەت ل مللەتی بهێتەكرن، ب راستی بۆ خەلكی یا نەخوش بوو.
هەمان پێشمەرگەیێ‌ شۆڕشا گولانێ‌ ئەو ژی دیاركر كو ل دەسپێكا دروستبوونا شەری د ناڤبەرا سەركردایەتی یا شۆرشێ‌ و حوكمەتا ئیراقێ‌ دا ل سالا 1974 چەندین جاران بزاڤكرینە ببیتە پێشمەرگە و بابێ‌ وی ڕازی نەبوو، چونكە یێ‌ بتنێ‌ بوو و هەمی گاڤا دلێ‌ بابێ‌ وی ل گەل بوو، مستەفا بامەرنی گۆت: جارەكێ‌ چوومە بارەگایێ‌ فەرماندە (ئەسعەد خوشەڤی) ل بامەرنێ‌ وی دەمی ژ بەر فڕوكان بارەگا چووبوو گوندێ‌ (زێوا شێخ پیرامیس) چوومە وێرێ‌ ب مەرەما ببمە پێشمەرگە ل گەل شەهید (شەعبان غەفار)، چونكە كورمەتێ‌ من بوو و بابێ‌ من هاتە وێرێ‌ و گۆت من نەڤێت كورێ‌ من ببیتە پێشمەرگە، چونكە ئەزێ‌ بتنێ‌ مە و ئەو هاریكاریا من دكەت، و خودێ‌ ژێ‌ ڕازی (ئەسعەد خوشەڤی) گۆتە من هەرە هاری مالا خوە و بابێ‌ خوە بكە و ئەو بوومە ژ سەنگەرێن شەری فەرترە، وی دەمی من گەلەك حەز پێشمەرگەی دكر، چونكە گەلەك دپەیت بوون وەك سەركردێن لەشكری (ئەسعەد خوشەڤی) نموونە بوون، و گەلەكێ‌ پێ‌ داخباربووم وسەركردێ‌ لەشكریێ‌ دەڤەرا بەهدینان بگشتی بوو و مرۆڤەكێ‌ نموونە بوو، و خودان بڕیار بوو، چ بریارێن وی ل بیرا من نینن چونكە نەكەسەكێ‌ نێزیكی وی بووم بەلێ‌ دەمێ‌ ژێ‌ دبێژن هەر تشتەكێ‌ هاتبا پێش جەنابێ‌ وی بڕیاردا و مرۆڤەكێ‌ دادپەروەر بوو بۆ پێشمەرگەی و خەلكی بگشتی گەلەكێ‌ باش بوو، و هەر تشتەكێ‌ پێ‌ چێ‌ ببا تەخسیری نەدكر، و ئەگەر زانیاری هەبان ئێكێ‌ غەدرێ‌ ل كەسەكی دكەت گەلەك توڕە دبوو.
هەمان پێشمەرگەیێ‌ شۆڕشا گولانێ‌ بەحسێ‌ دەسپێكا خوە بۆ ناڤ رێزێن شۆڕشا گولانێ‌ دكەت و دبێژیت: ل سالا 1980 بوویمە پێشمەرگە ل شۆڕشا گولانا پێشكەفتنخواز 3/10/1980 بوویمە پێشمەرگە، ل سالا 1976 ئەم چووینە لەشكرییا ئیراقێ‌ و پشتی دو سالێن لەشكریێ‌ ئەم هاتینە تەسریحكرن ب بریارا (عائدون) دگۆتنە ئەوان كەسان ئەوێن بەری رێككەفتنا 11 ئادارێ‌ یا سالا 1970 ل دەڤەرێن ئازادكری بوون، لبن كونترۆلا پێشمەرگەی، دوڤدا دهاتن خوە رادەستی حوكمەتێ‌ دكر و دگۆتە ئەڤان كەسان (عائدون) و پشتی شەرێ‌ ئیراق و ئیرانێ‌ دەستپێكری دووبارە ئەم هاتینە گازیكرن بۆ چوونا لەشكریێ‌ و ئەم نەچووین و ئێكسەر ئەم چووین بووینە پێشمەرگە و هژمارا ئەوان كەسێن چووین بووینە پێشمەرگە، ئەم نەه كەس بووین، و ئەم هەر هەمی بامەرنی بوون و ئەم ل دەسپێكێ‌ چووینە باژێرێ‌ (نەجەف) ب مەرەما چوونا لەشكریێ‌ و چوونا مە بۆ ئەڤی باژێری ب مەرەما پاراستنا خێزانێن مە بوون، دا حوكمەت ئیزعاجا وان نەكەت، و دوڤدا مە بڕیار دا بچینە ناڤ رێزێن شۆڕشێ‌ و دەمژمێر شەشی ئێڤاری ئەم ژ بارەگایێ‌ لەشكری ل (نەجەف) دەركەفتین هاتینە بەغدا، و دوڤدا هاتینە دهۆكێ‌ و ئەم ل ترۆمبێلەكێ‌ سواربووین رەف بوو خودانێ‌ وێ‌ خودێ‌ ژێ‌ رازی بیت دگۆتنێ‌ (عەبو تلیلی) دەمێ‌ ئەم گەهشتینە دهۆكێ‌ ئەم چووینە خوارنگەهەكێ‌ مە تێشت خوار و ئەو ژی هاتە وێرێ‌ و من گۆتێ‌ مام (عەبدوللا) گۆت: بەلێ‌، مە گۆتێ‌ مەنابەیە ئامێدیێ‌؟، گۆت: بەلێ‌، من گۆتێ‌: ئەم دێ‌ چینە تەجنیدێ‌، گۆت: دێ‌ هەوە بەم، ئەم چووین و بەری ئەم بگەهینە ئامێدیێ‌ ئەم ل (بێبادێ‌) هاتینە خوار ژ ترۆمبێلێ‌ و شوفێری گۆت بۆ تەجنیدێ‌ هێشتا یامای، من گۆتێ‌: تەجنیدەك ل بەرێ‌ ڤە ژی یا هەیە و شنی زانی ئەم دێ‌ چینە ناڤ رێزێن شۆڕشێ‌ وی دەمی باوەری نەبوو، و ئەم نەدشیاین یا دلێ‌ خوە بۆ كەسێ‌ بێژین و هێشتا ل دهۆكێ‌ لەوما مە خوە ڤەشارت بوو، ل دەسپێكێ‌ ئەم چووینە گوندێ‌ (شەریفا) ل پشتا (بێبادێ‌) و مالا خویشكا من ل وی گوندی بوو و ئەم چووینە وێرێ‌ و مە فراڤین خوار و ئەم چووین ئەڤە 3/10/1980 ئەم سەر كەفتین چووینە ناڤ بەروارییا ل گوندێ‌ (خرابەی) كانیەك ل پشتا گوندی هەیە، بناڤێ‌ كانیا (بەستێ‌) مە ل سەر وێ‌ كانیێ‌ پێشمەرگە دیتن و مەفرەزا شەهید (سەعید سپینداری) خودێ‌ ژێ‌ رازی بیت ل وێرێ‌ بوو، و گەلەك مرۆڤێن نیاس ل گەل هەبوون و گەلەك كەیفا مە هات و پێشوازی ل مەهاتەكرن، و ئەم ماین ل گەل وێ‌ شەڤێ‌ و ئەم هەمی ب جلكێن ئەفندی بووین و رۆژا پاشتر مە مەفرەزەكا بامەرنی یا دیت یا (فەوزی عەلی تەیب بامەرنی)، ئەم چووینە ل گەل دا بخوە ب هنێرینە هندەك جلكان ژ بامەرنێ‌ و ئەم ل گەل هاتینە گوندێ‌(گیلكا) مە كەسەك هنارتە بامەرنێ‌ ب مەرەما ئینانا جلكێن كوردی بوومە.

]]> https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%da%95%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273092/feed/ 0 ل هەردو شۆڕەشان بامەرنێ ١١٥ شەهیدێن سەنگـەری هەنـە https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%d8%b1%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273040/ https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%d8%b1%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273040/#comments Tue, 03 Nov 2026 09:03:34 +0000 https://rojnameyaevro.com/ku/?p=273040 سالار محەمەد دۆسكی:

1-6

پێشمەرگەیێ‌ شۆڕشا گولانا پیشكەفتنخواز، مستەفا حسێن نەبی بامەرنی، ناسیار ب مستەفا بامەرنی، ل سالا 1957 ل بامەرنێ‌ ژ دایك بوویە، قوناغا سەرەتایی ل بامەرنێ‌ تەمام كریە، هێشتا ل ژیەكێ‌ بچوویك دكەڤیتە دناڤ رێكخستنێن پارتی دیموكراتی كوردستان دا، ل دەسپێكا سالێن هەشتێیان قەستا ناڤ رێزێن پێشمەرگەی دكەت، و دبیتە پێشمەرگە ل سەرهلدانا سالا 1991 رۆلەكێ‌ كاریگەر درزگاركرنا بارەگایێ‌ ئەمنا بەعسیا د و پاقژكرنا باژێرێ‌ دهۆكێ‌ ژ حوكمەتا بەعس دگێڕیت، پشتی سەرهلدانێ‌ ژی چەندین پلە و پوستێن ئەمنی و لەشكری وەردگریت، نوكە خانەنشین بوویە.
پێشمەرگەیێ‌ شۆڕشا گولانا پێشكەفتنخواز، مستەفا حسێن نەبی بامەرنی، د دیدارەكێ‌ دا ل گەل بەرپەرێ‌ دیرۆكێ‌ رۆژنامەیا ئەڤرۆ گۆت: مالا مە ل ناڤ شۆڕشێ‌ بوو وی دەمی بابێ‌ من نەدشیا پێشمەرگاتیێ‌ بكەت، بەلێ‌ هێشتا ل ژیەكێ‌ بچوویك من هەست ب تەپەسەریا مللەتێ‌ كورد كر، ل دەسپێكا شۆڕشا مەزنا ئیلۆنێ‌ ل سالا 1961 ئەم ژ بارمەنێ‌ ڕەڤین و چووینە ناڤ بەروارییا، دوڤدا ئەم هاتینە گوندێ‌ هەمزا ل دەڤەرا دۆسكیا هەتا بەیانا 11ی ئادارێ‌، وی دەمی ژیێ‌ من مەزنتر لێ‌ هات و ئێدی من باشتر هەست ب كوردینێ‌ دكر، و رەوشا سیاسی باشتر بن دەستیێ‌ و پێشتر ژی من هەست پێ‌ دكر، بەلێ‌ مە ئەو شیان نەبوون بێژین دێ‌ بینە پێشمەرگە و دا ژبیر نەكە هەر ل دەسپێكا شۆڕشا ئیلۆنێ‌ وەك پێشتر مە ئاماژە پێكری ئەڤە دهزر و بیر وباوەرێن من دا هەبوویە، چونكە ژیانا مە هەر هەمی ڕەڤین و باركرن و گوند سۆتن بوویە.
مستەفا بامەرنی زێدەتر گۆت: بامەرنێ‌ هەر د دەستێ‌ پێشمەرگەی دا بوو و بیرا من دهێت ل سالێن 1962 یان 1963 ، تەقەدم هاتیە بامەرنێ‌ و ئەم ڕەڤین چووینە ناڤ بەرواری سەرێ‌ مەتینی و لەشكرێ‌ ئیراقێ‌ و چەتە پێكڤە هاتنە بامەرنێ‌، و بگشتی دەڤەرا بامەرنێ‌ د دەستێ‌ پێشمەرگەی دا بوو، بیرا من ناهێت ئەزێ‌ بچوویك بووم بەلێ‌ ل دوڤ ئاخفتنێن مرۆڤێن ژ مە مەزنتر دبێژن ل سالا 1961 مەلا مستەفا بارزانی هاتیە بامەرنێ‌ و حەفت شەڤا مایە لبامەرنێ‌ و حوكمەتێ‌ بزاڤكرینە دانوستاندنێ‌ ل گەل بارزانی بكەت، ل دەسپێكێ‌ حوكمەتا ئیراقێ‌ گوندێ‌ (بەربانكێ‌) دەست نیشانكر بوو، هەر دو شاند ئێك دو بینن و دانوستاندنێ‌ بكەن، سەركردەكێ‌ لەشكرێ‌ ئیراقێ‌ بناڤێ‌(حەسەن عەبود) هاتبوو ڕاسپاردن ب ئەڤی كاری ڕابیت وەك لایەنێ‌ حوكمەتا ئیراقێ‌، خودێ‌ ژێ‌ رازی مەلا مستەفا بارزانی گۆتە ئەوی سەركردێ‌ لەشكری وەرە بامەرنێ‌ وی سەركردەی گۆت بوویێ‌ ژڤانێ‌ مە ل ڤی جهی (بەربانكێ‌)هاتیە دەستنیشانكرن، بارزانی گۆتێ‌: وەرە بامەرنێ‌ بووتە باشترە، ئەوی سەركردەیی گوهدارییا بارزانی كر و هاتە بامەرنێ‌ و دانوستاندن ل بامەرنێ‌ دەستپێكرن، و د دەمێ‌ دانوستاندنا دا دو فرۆكێن حوكمەتێ‌ هاتنە گوندێ‌(بەربانكێ‌) ئەو جهێ‌ ل دەسپێكێ‌ هاتیە دەستنیشانكرن تۆپبارانكر، شنی ئەوی سەركردێ‌ لەشكریێ‌ ئیراقێ‌ هەستپێكر كو بارزانی شارەزایی ل گەل حوكمەتا ئیراقێ‌ هەیە، و باش دنیاسیت و دزانی ئنیەتا حوكمەتا ئیراقێ‌ بەرامبەر خەلكێ‌ كوردستانێ‌ یا باش نینە، تایبەت شۆرشا مەزنا ئیلۆنێ‌ و مانا بارزانی ژی ل بامەرنێ‌ ب رۆژ شەفتەكێ‌ بوو و ب شەڤ دهاتە گوندی.
هەمان پێشمەرگەیێ‌ شۆڕشا گولانا پێشكەفتنخواز ئەو ژی گۆت: ل هەر دو شۆڕشێن ئیلۆن و گولانێ‌ پێشمەرگە گەلەك ل بامەرنێ‌ بوون، و ل هەر دو شۆڕشێن ئیلۆن و گولانێ‌ 115 شەهیدێن سەنگەری خەلكێ‌ بامەرنێ‌ هەنە، ژبلی شەهیدێن وەلاتی ئەوێن ب فرۆكان هاتینە كوشتن یان ل هەوا ئەنفالان هاتینە بەرزەكرن.
مستەفا بامەرنی هەروەسا گۆت: بیرا من دهێت جارەكێ‌ لەشكرێ‌ ئیراقێ‌ ل گەل هێزەكا چەتان هاتنە بامەرنێ‌ و ئەم بچوویك بووین و ئەز و برایێ‌ خوە نەخوش بووین و (سۆرك) ل مەهاتبوون، زڤستان بوو و خەلكێ‌ گوندی گەلەك ڕەڤی بوون چووبوونە پشتا گوندی، چەتە هاتنە مالا مە و بیرا من دهێت گۆتە بابێ‌ من دڤێت خێزانا خوە ژ خانی دەربێخی ئەم دێ‌ دەست ب سۆتنا خانی كەین، ل گەل ڤێ‌ چەندێ‌ هندەك ژ خەلكێ‌ بامەرنێ‌ چەتە بوون و ل گەل رێكانیا بوون و بابێ‌ من نیاسی و بەرەڤانی ژ مەكر و نەهێلان ئەو كار بهێتەكرن، و ژیێ‌ من دناڤبەرا چار بۆ پێنچ سالیێ‌ دا بوویە، گوندێ‌ بامەرنێ‌ بگشتی دناڤبەرا چار بۆ پێنچ جاران هاتیە سۆتن و كاڤلكرن، و هەتا نوكە جهێن خانیێن مە ماینە و حوكمەتا بەعس خرابكرن و ڕاستكرن و بەرێن خانیان بۆ پرۆژێن خوە ل گارەی و ئاشەوا ڤەگوهاستینە.
مستەفا بامەرنی، بەحسێ‌ روژانێن رێككەفتنا 11ی ئادارێ‌ یا سالا 1970ێ‌، د ناڤبەرا سەركردایەتیا شۆڕشا ئیلۆنێ‌ و حوكمەتا بەعس دا كر و گۆت: وی دەمی مالا مە ل گوندێ‌ (هەمزا) بوو ل دەڤەرا دۆسكیا و دەنگۆباسێ‌ رێككەفتنێ‌ و ئاشتیێ‌ مە ب رێكا رادیۆیا زانی، و ئەم هندەك مالێن (مەجلمەختی) یا پێكڤە ل وی گوندی بووین، و دەمێ‌ رێككەفتن هاتیە ڕاگەهاندن و دەوات و ئاهەنگ هاتنەكرن، وی دەمی گەنج بووم و گەلەك دەوات مە ل (هەمزا) كر و بێی رێكخستن ئاهەنگ هاتنەكرن، و خەلكێ‌ گوندی ب ئەڤێ‌ چەندێ‌ رابوون و دەواتكرن، پشتی رێككەفتنێ‌ ئەم دووبارە هاتینە بامەرنێ‌ و مە دەست ب ئاڤاكرنا خانیان كر، و ئەم ماین هەتا هەوا ئەنفالا ل سالا 1988ێ‌، بەلێ‌ ژبیر نەكەم ل سالا 1975 ئەم هەر ل بامەرنێ‌ بووین و ئەم ماوەكی چووینە گوندێ‌(هەمزا) بەلێ‌ ئەم هەر زڤرینە بامەرنێ‌ ڤە، وی دەمی ئەم ماینە ل بامەرنێ‌ و حوكمەت هات وی دەمی ئەز رێكخستی بووم بەلێ‌ نە ب بوومە پێشمەرگە، ل سالا 1974 ئەم قوتابی بووین و ب رێكا رێكخستنێن قوتابیان ئەم چووینە ناڤ رێزێن پارتی دیموكراتی كوردستان و شانەكا رێكخستنێ‌ یا سەر ب رێكخراوا بامەرنێ‌ ڤەبووین.

]]> https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%d8%b1%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273040/feed/ 0 ل سەر دەمێ‌ شۆڕشا ئیلۆنێ‌ و گولانێ‌ سێزدە جاران مـە خانی ئاڤاكرن https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-5/272926/ https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-5/272926/#comments Sun, 01 Nov 2026 21:50:21 +0000 https://rojnameyaevro.com/ku/?p=272926 هەڤدیتن: رەمەزان دەشتمری/ زاخۆ

5-5

ئەو دەمێ‌ هەڤژینێ‌ من و شەهید سادق عەمەر ژ ئیرانێ‌ بۆ مالێ‌ زڤڕین هەڤژینێ‌ من كچا خوە گولستان ناسنەكر و ڤێجا ڕۆدكك ژ چاڤێن هەڤژینێ‌ من سەهید ئەمین هاتن خوار و گوت: مروڤی زاڕۆك هەبن و زاڕۆكێن خوە ناسنەكەت بەلێ‌ ئەڤە ژی نەیا گرنگە ژبەر كو دوزا مللەتێ‌ كورد بارەكی گرانە ل سەر ملێن مە هەمیان و دڤێت ئەم خزمەتا مللەتی و شۆڕشێ‌ بكەین و قوربانیێ‌ بۆ بدین و خوە بۆ وەلاتێ‌ خوە ب دنە شەهیدكرن. ئەو بوو ل هەیڤا خزیرانا سالا 1981ی برایێ‌ من شەهید ئەسحەد جانگیر و دگەل شەهید سادق عەمەر بۆ ڕۆژئاڤایێ‌ كوردستانێ‌ چون و هەڤژینێ‌ من شەهید ئەمین جەهوەر ئەوژی بۆ ئەركێ‌ پێشمەرگایەتیێ‌ بۆ دەڤەرێ‌ چوو و هەر دیسان ئەركێ‌ مالێ‌ ما ل سەر ملێن مە ئەز وەك خانم هەوێ‌ هەم وەك ژن و هەم وەك زەلام من ئەركێ‌ مالێ‌ و كار و بارێن مێهڤانان ب ڕێڤەدبرن و مە نەهێلان چ كێماسی و قوسیری ل زاڕۆكێن مە پەیداببن. دەمێ‌ برایێ‌ من شەهید ئەسحەد جانكیر ژ ڕۆژئاڤایێ‌ كوردستانێ‌ بۆ مالێ‌ هاتین و ڤێجا بومە كرە سوحبەت و گوت: ئەز و دگەل شەهید یادق عەمەر و دگەل شەهید تەحلو و دگەل دوو پێشمەرگەیێن دیتر ب ناڤێ‌ عەلی و عەمەر كو ئەو خەلكێ‌ ڕۆژئاڤایێ‌ كوردستانێ‌ بین و بۆ ماوێ‌ دوو شەڤ و دوو ڕۆژان ل دەڤەرا چیایێ‌ سەناتێ‌ ژبەر لەشكرێ‌ دەولەتا توركیا دناڤ بەفرێ‌ دا ماین و مە نەشیا ب ڕێكێ‌ بچین و پاشی بۆ گوندێ‌ فنكێ‌ چوون و بۆ ماوێ‌ هەشت ڕۆژان ب ڕێكێ‌ ڤە ماین هەتا ل سنوری دەربازبین و بۆ باژیرێ‌ قایشلو گەهشتین و بەشداری خولەكا فێركرنا چەكی بوین.
ڤێجا هەتا برایێ‌ من ئەسحەد جانگیر هاتی شەهیدكرن ژی سەرمایا ئەوێ‌ بەفرێ‌ كارتیكرن و ل پشتاوی و لاشێ‌ وی كربی. بی سالا دیتر یا 1982ی ڤێجا مە مالێن خوە ژ گوندێ‌ مێرگا میرا بۆ وارێن كەهنی سپیێ‌ بۆ ناڤ ئاخا هەرێما كوردستانێ‌ ل بەرامبەری گوندێ‌ ئێكمالێ‌ و مەرگەهێ‌ هاتین و ڤێجا جارەكادیتر مە ئاڤاهی ل وارێن كەهنی سپیێ‌ ئاڤاكرن و تێڤە ڤەسترین. ل ئەوی دەمی شەهید سادق بەرپرسێ‌ ڕێكخراوا شەهید شەهباز سالح یا پێشمەرگەیی بی و هەر وەسا شەهید ئەمین جەهوەر و شەهید ئەسحەد جانگیر و دگەل هەمی كەس و كارێن مە دگەل ئەڤێ‌ ڕێكخراوێ‌ پێشمەرگەبوون.
ئەو بوو برایێ‌ من شەهید ئەسحەد جانگیر ژ ڕیكخراوا شەهید شەهباز سالح بۆ ڕیكخراوا عەین زالا یا سەر ب لیژنا ناوچا زاخۆ هات ڤەگوهاستن و بی جێگرێ‌ ئەڤێ‌ ڕێكخراوا پێشمەرگەیی و دەست ب كار و ئەركێ‌ خوەكر. ئەوبوو ل سالا 1986ی ڕێكخراوەك ب ناڤێ‌ ڕیكخراوا ڕێنجبەران هات پێكئینان و شەهید ئەسحەد جانگیر بی بەرپرسێ‌ ئەڤێ‌ ڕیكخراوێ‌ و دەست ب كریار و چالاكیێن لەشكەری كرن. ئەو بوو پشتی كچا من گولستانێ‌ خودێ‌ هەردوو كوڕین من هیڤیدار و سەربەست پەیدابین و پاشی ل بهارا سالا 1983ی جارەكادیتر مە مالێن خوە ژ وارێ‌ كەهنی سپیێ‌ بۆ زومێن هەرفتەیی ل پشتا حەفتەنینێ‌ ڤەگوهاستن. پشتی بورینا سێ‌ هەیڤان خەلكێ‌ ئەوێ‌ دەڤەرێ‌ تێكهاتن و چوون و گوتن ئەڤە لەشكرێ‌ دەولەتا توركیا بۆ سەر سنوری هاتن و ئەم نەچاربین ژ هەڕفتەیی ژی باركرن و بۆ گوندێ‌ كەشانێ‌ هاتین و بۆ ماوێ‌ بیست ڕۆژان ل گوندێ‌ گەشانێ‌ ل بن ئەوان دارگویزان ماین و پاشی جارەكادیتر مە مال باركرن و ئەم ل ناڤبەرا گوندێ‌ سیركوتكی و گوندێ‌ خیزاڤاكێ‌ ل جادا گشتی دەربازبین و بۆ بەرئاڤا ڕویبارێ‌ خابیری هاتن و ل ئەوێ‌ شەڤێ‌ ئەم بۆ گوندێ‌ تویكا گەهشتن و مە بێهنا خوە ل وێرێ‌ ڤەدا و هەتا ڕۆژا دیتر ل وێرێ‌ ماین.
هەتا ئەوی دەمی هەڤژینێ‌ من شەهید ئەمین جەهوەر و شەهید سادق عەمەر نە ل مال بین و د ئەركێ‌ پێشمەرگایەتیێ‌ دا دابین و من وەك زەلامان مال باردكر و خزمەتا مالێ‌ دكر. ئەو بوو پشتی بورینا سێ‌ ڕۆژان ئەم ل گوندێ‌ تویكا ماین و پاشی شەهید سادق و هەڤژینێ‌ من هاتن و تەرەكتورەك ئینان و مالێن مە ژ گوندێ‌ تویكا باركرن و بۆ گوندێ‌ خرخەبكا و گوندێ‌ كەرپتێ‌ هاتین و بۆ بەر ئاڤا ڕویبارێ‌ خابیری چوین و گەهشتن بۆ گوندێ‌ بەرزیركێ‌ و گوندێ‌ گوفكێ‌ و ل پرا گوندێ‌ دوگەرێ‌ دەربازبین و ل بەر بەرێ‌ ئێڤاری گەهشتن بۆ گوندێ‌ پاسێ‌ مە مالێن خوە كرنە د قوتابخانا گوندێ‌ پاسێ‌ ڤە و ل وێرێ‌ بنەجهبین. ب ڕاستی ڕولێ‌ خەلكێ‌ گوندێ‌ پاسێ‌ چ جاران نائێت ژبیركرن و گەلەك ڕێز ل مە گرتن و ب هەمی شێوەیان هاریكاریا مە كرن. بۆ ماوێ‌ سێ‌ سالان ئەم ل گوندێ‌ پاسێ‌ ماین و هەڤژینێ‌ من شەهید ئەمین جەهوەر هەمی دەمان د ئەركێ‌ پێشمەرگایەتیێ‌ دا بی و ئەز وەك زەلامان من كارێ‌ ب ڕێڤەدبر و زاڕۆكێن خوە پەروەردەدكرن. ڤێجا ل گوندێ‌ پاسێ‌ مە پسمامێ‌ من سەلیمێ‌ مام عەمەر و سالحێ‌ مام عیسایی كرنە زاڤا و ژن بۆ ئەوان ل وێرێ‌ ئینان. پشتی ئەوی ماوێ‌ ئەم ل گوندێ‌ پاسێ‌ ماین ئەوبی هەڤژینێ‌ من توشی نەخوشیەكا دل و هناڤا بی و ئەم نەچاربین ل سالا 1987ی هەڤژینێ‌ من ژبۆ چارەسەریێ‌ مە خوە ڕادەستی حكومەتا ئیراقێ‌ كر و ئەم ل ناحیا دەركارێ‌ ئاكنجی بین و هەڤژینێ‌ من سەرەدانا نوشداران كرن و پشتی ژ ئەوێ‌ نەخوشیێ‌ ساخبی و جارەكادیتر مە دەستێن زاڕۆكێن خوگرتن و قەستا ناڤ ڕێزێن شۆڕشێ‌ كرەڤە و ئەم ئەڤێ‌ جارێ‌ ل گوندێ‌ كەرپتێ‌ ل ناڤ مالا تیێ‌ خوە فەریق دا ئاكنجی بین.
ئەم هوسا ماین هەتا ئەنفالا ڕەش یا سالا 1988ی ب سەر مللەتی و شۆڕشێ‌ دا هاتی و ئەم ل ڕۆژا 28/8/1988ی بۆ ناحیا دەركادرێ‌ هاتین و هەڤژینێ‌ من خوە ل ناڤ گوندێ‌ دەركارا سەری ب نهێنی خۆە ڤەشارت و هەتا لێبورینا گشتی یا حكومەتا ئیراقێ‌ بۆ خەلكێ‌ كوردستانێ‌ دەرچویی و مەل دەركارێ‌ دەبارا ژیارا خوە ب ڕیڤەبر. ئەو بوو دەمێ‌ سەرهلدانێ‌ ل ڕۆژا 12/3/1991ی سەرهلدان ل ناحیا دەركارێ‌ دەستپێكری و هەڤژینێ‌ من شەهید ئەمین جەهوەر و دگەل شەهید سادق عەمەر و دەست ب سەرهلدانێ‌ كرن و كوردستان ئازادبوو. دەمێ‌ كوچا ملیۆنی ئەم بۆ دەڤەرا سەرسنوری چوین و ل دەڤەرا گوندێ‌ كەشانێ‌ ل بن بەرفر و باران و سەرمایێ‌ و ل بن نالیونان ڤە مە رۆژانێن خوە بوراندن. دەمێ‌ بریارا 688ی هاتی دان و دەڤەرا ئیمناهی پەیدابی ئەم بۆ گوندێ‌ دەركارێ‌ هاتین و جارەكادیتر هەڤژینێ‌ من شەهید ئەمین جەهوەر بی پێشمەرگە و بەرەڤانی ل كوردستانێ‌ هاتكرن. بەلێ‌ ب مخابنیڤە ل سالا 1997ی دەمێ‌ ڕامالینا چیایێ‌ مەتینی هەڤژینێ‌ من ئەمین جەهوەر سالح هات شەهیدكرن. بەلێ‌ مخابن و سەد جاران مخابن هەڤژینێ‌ من پلەیا وی یا پێشمەرگایەتیێ‌ ئامر فەوج بی و دەمێ‌ هەڤژینێ‌ من هاتی شەهید كرن كوڕێ‌ من یێ‌ بچویك ژیێ‌ وی شەش هەیڤ بین و هەڤژینێ‌ من ب نزمترین پلەیا پێشمەرگە و مووچێ‌ وێ‌ یێ‌ شەهیدیێ‌ ئەوژی مەبلەغێ‌ پێنج سەد دیناران دەینان و ئەم ئەڤی مەبلەغی وەردگرن.

]]> https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-5/272926/feed/ 0 پشتی 18 سالیێ مرۆڤ به‌رپرسـیاره ژ ب ده‌سـتڤه‌ئینان و پاراسـتنا مـافێن خۆ https://rojnameyaevro.com/ku/%d9%be%d8%b4%d8%aa%db%8c-18-%d8%b3%d8%a7%d9%84%db%8c%db%8e-%d9%85%d8%b1%db%86%da%a4-%d8%a8%d9%87%e2%80%8c%d8%b1%d9%be%d8%b1%d8%b3%d9%80%db%8c%d8%a7%d8%b1%d9%87-%da%98-%d8%a8-%d8%af%d9%87%e2%80%8c/272898/ https://rojnameyaevro.com/ku/%d9%be%d8%b4%d8%aa%db%8c-18-%d8%b3%d8%a7%d9%84%db%8c%db%8e-%d9%85%d8%b1%db%86%da%a4-%d8%a8%d9%87%e2%80%8c%d8%b1%d9%be%d8%b1%d8%b3%d9%80%db%8c%d8%a7%d8%b1%d9%87-%da%98-%d8%a8-%d8%af%d9%87%e2%80%8c/272898/#comments Sun, 01 Nov 2026 21:26:41 +0000 https://rojnameyaevro.com/ku/?p=272898 هه‌ولێر، قائید میرۆ:

شاره‌زایه‌كا كه‌رتێ په‌روه‌ردێ د دیدارەکێ دا بۆ رۆژنامەیا ئەڤرۆ دیار کر، هه‌تا ته‌مه‌نێ 18 سالیێ زارۆكی چه‌ندین ماف هه‌نه‌ و پێدڤیه‌ ژلایێ خێزانێ و ده‌ستهه‌لاتێ مافێن زارۆكی بهێنه‌ دابین كرن.

ره‌هێل دزه‌یی، شاره‌زایا كه‌رتێ په‌روه‌ردێ بۆ رۆژناما ئه‌ڤرۆ دیار كر، دگه‌ل په‌یدابوونا مرۆڤی گۆهۆڕین ل سه‌ر مافێن مرۆڤی دا دهێن هه‌تا دگه‌هیته‌ قۆناغا هه‌ژده‌ سالیێ، دایك و باب به‌رپرسیارێن ئێكێ نه‌ ژ بۆ دابینكرنا مافێن زارۆكی و دووڤدا ده‌ستهه‌لات به‌رپرسیاره‌ ژ پاراستن و دابینكرنا هنده‌ك مافێن زارۆكی و گۆت؛ ل ده‌مێ هه‌بوونا خه‌مساریان ژی دایك و باب و ده‌ستهه‌لات به‌رپرسیارن زارۆكی بپارێزن.
رەهێل دزەیی گۆتژی؛ به‌لێ پشتی هه‌ژده‌ سالیێ مرۆڤ به‌رپرسیاره‌ ژ بده‌ستڤه‌ئینان و پاراستنا مافێن خۆ، هەر دگه‌ل ژدایكبۆنا زارۆكی پێدڤیه‌ دایك و باب خوارن و جهێ ساخله‌م و ژیانه‌كا هه‌ژی بۆ زارۆكی دابین بكه‌ت، دگه‌ل گه‌شه‌كرنا زارۆكی هێدی هێدی مافێن زارۆكی زێده‌ دبن.
شاره‌زایا كه‌رتێ په‌روه‌ردێ ئەو چەندە ژی دیار کر، ژبلی ژیانه‌كا گونجایی ئه‌ركێ دایك و بابایه‌ ده‌مێ خۆ ته‌رخان بكه‌ن بۆ وێ چه‌ندێ زارۆك بهێته‌ په‌روه‌رده‌كرن لدووڤ كه‌لتور و نه‌ریت و گۆهۆڕینێن جڤاكی و پێشكه‌فتنێن جیهانێ وگۆت؛ مخابن دناڤا جڤاكی دا هژماره‌كا زۆر یا هه‌ڤژینان به‌ری بڕیارێ بده‌ن بۆ چێكرنا زارۆكان هه‌ست ب ئه‌ڤێ به‌رپرسیاریه‌تیا مه‌زن ناكه‌ن.
ره‌هێل دزه‌یی د بەردەوامیا ئاخفتنێن خۆدا دیار کر، چێكرنا زارۆكان به‌رپرسیاریه‌تیه‌كا مه‌زن و گرنگه‌، پێدڤیه‌ به‌رهه‌ڤی و پلان هەبن به‌ری چێكرنا زارۆكی، هه‌روه‌سا به‌رهه‌ڤی بهێنه‌كرن د هه‌موو بیاڤه‌كی دا هنده‌ك پرسیار هه‌نه‌ و گۆت؛ به‌ری چێكرنا زارۆكی دڤێت دایك و باب ل خۆ بكه‌ن بۆ نمونه‌ ئەرێ ژلایێ ده‌روونیڤه‌ د به‌رهه‌ڤن بۆ چێكرنا زارۆكی یانژی ژلایێ ئابوریڤه‌ شیانێن دابینكرنا پێدڤیێن ژیانێ بۆ زارۆكی هه‌نه‌.
رەهێلێ دیار کر کو زارۆكی مافێ ئازادیا ده‌ربڕینێ هه‌یه‌ و پێدڤیه‌ دایك و باب گوهێ خۆ بده‌نه‌ زارۆكێن خۆ، هه‌روه‌سا به‌رسڤا هەموو پرسیارێن زارۆكی بده‌ن، ژبه‌ركو پرسیارێن زۆر د مه‌ژیێ زارۆكی دا په‌یدا دبن و دڤێت به‌رسڤا وان بهێته‌دان، هه‌تا دڤێت ب زمانه‌كێ ره‌وان دگه‌ل زارۆكی بئاخڤن، بۆ فێربوونا زارۆكی ب زمانه‌كێ پاقژ و ده‌وله‌مه‌ند، پێدڤیە ب رێزڤه‌ سه‌ره‌ده‌ری دگه‌ل زارۆكی بهێته‌كرن رێز ل حه‌زو داخوازیێن زارۆكی بهێته‌ گرتن، د هه‌مبه‌ردا ئه‌ركێ زارۆكیه‌ رێزێ ل كه‌سێن مه‌زنتر بگریت، بتایبه‌تی پێدڤیه‌ زارۆك رێزێ ل دایك و بابێن خۆ بگریت و جهێ خۆ پاقژ رابگریت و گۆت؛ ژبه‌ركو زارۆك سامانه‌كێ مرۆڤیه‌ و پاشه‌رۆژا جڤاك و هه‌ر نه‌ته‌وه‌یه‌كێ یا گرێدایی ئه‌ڤی شێوازیه‌ یێ سه‌ره‌ده‌ری دگه‌ل ئه‌ڤی سامانێ مرۆڤی دهێته‌كرن.
ره‌هێل دزه‌یی ئاماژه‌ پێ كر، یا گرنگه‌ ب ده‌ركرنا قانوونێ مافێن زارۆكی بهێنه‌ دیاركرن ژلایێ په‌رله‌مانی ڤه‌ و قانوون بۆ بهێنه‌ ده‌ركرن یێن تایبه‌ت ب مافێن زارۆكی و بهێنه‌ به‌رهه‌ڤكرن و جێبه‌جێكرن و گۆت؛ خاله‌كا دی یا گرنگ ئەرێ هه‌ڤژینان ده‌م هه‌یه‌ بۆ پێدڤیێن زارۆكی، چونكه‌ زارۆكی پێدڤی ب یاری كرنێ هه‌یه‌ و پێدڤی ب ده‌می هه‌یه‌ رۆژانه‌ چه‌ند ده‌مژمێران یاریا دگه‌ل زارۆكی بكه‌ن.
رەهێل دزەیی زێدەتر گۆت؛ هه‌روه‌سا زارۆكی مافێ خواندنێ هه‌یه‌ و دڤێت ده‌لیڤا خواندنێ بۆ بهێته‌ ره‌خساندن و دگه‌ل هه‌ڤ ته‌مه‌نێن خۆ، دگه‌ل ڤێ چه‌ندێ زارۆكی ماف هه‌یه‌ ده‌لیڤا خواندنێ بۆ بهێته‌ به‌رده‌ست كرن، به‌لێ د هه‌مبه‌ردا ئه‌ركێ زارۆكی یه‌ پێگیریێ ب رێنمایی و قانوونێن قوتابخانێ بكه‌ت و ئه‌ركێ خواندنێ جێبه‌جێ بكه‌ت، مافێ زارۆكی ژی یێ پاراستی بیت ژلایێ قوتابخانێ و خێزانێ، هه‌تا دڤێت خواندن ببیته‌ زۆری و هه‌تا قۆناغا ناڤنجی و پێدڤیێن خواندنێ بۆ بهێنه‌ دابین كرن.

]]> https://rojnameyaevro.com/ku/%d9%be%d8%b4%d8%aa%db%8c-18-%d8%b3%d8%a7%d9%84%db%8c%db%8e-%d9%85%d8%b1%db%86%da%a4-%d8%a8%d9%87%e2%80%8c%d8%b1%d9%be%d8%b1%d8%b3%d9%80%db%8c%d8%a7%d8%b1%d9%87-%da%98-%d8%a8-%d8%af%d9%87%e2%80%8c/272898/feed/ 0 ل سەر دەمێ‌ شۆڕشا ئیلۆنێ‌ و گولانێ‌ سێزدە جاران مـە خانی ئاڤاكرن https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-4/272840/ https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-4/272840/#comments Sun, 01 Nov 2026 08:57:29 +0000 https://rojnameyaevro.com/ku/?p=272840 هەڤدیتن: رەمەزان دەشتمری/ زاخۆ

4-5

پشتی بورینا بیست ڕۆژان جارەكادیتر مە مالێن خوە باركرن و بۆ قەزا پێشەبابێ‌ هاتین و ل گوندێ‌ محەمەدێ‌ كودڕەشێ‌ ل ئەوی دەمێ‌ مالا شەهید محو گەودا ژی ل ئەوی گوندی بوو. ل ئەوی گوندی هندەك ئاڤاهی بومە ڤالەكرن و ل ئەوێ‌ زڤستانێ‌ ئەم ل ئەوی گوندی ماین. ڤێجا ل ئەوێ‌ زڤستانێ‌ و بەفرێ‌ و بارانێ‌ داركێشا مالێ‌ ئەز بیم ژبەركو ژنماما من پیروز و هەڤژینا سادق عەمەر ئەو خودان بچویك شیربین. ڤێجا ڕۆژانە ئەز دا وەرێسێ‌ خوە هەلگرم و بۆ ئاقاری چم و پشتیەك دارا بۆ مالێ‌ ئینم و ل بەرخودا سوژین. خانم هەوێ‌ كەنی گوت: ڕۆژەكێ‌ مامێ‌ عەمەر گوتە من هەوێ‌ كچا من: جهێ‌ دارا گەلەك یا دویرە و دەست و تبلێن تە دقەڕسن و هەما تو هەرە دەف ئەوێ‌ گوڤا پەزی و بێژە كیشكە محەمەدێ‌ كودڕەشێ‌ و ناڤێ‌ من بینە و ژ وێرێ‌ بومە دارا بینە. ڤێجا دەمێ‌ ئەز بۆ ئەوێ‌ گوڤێ‌ چویم و من بەرێ‌ خوەدایێ‌ زەلامەك یێ‌ ل دەرێ‌ كوتانێ‌ راوەستایە و كەپەنەك یێ‌ ل سەرملێن وی و منژی سلاڤ كرێ‌ و گوتێ‌ كا محەمەدێ‌ پوتڕەش مامێ‌ عەمەر یا گوتی: هەڕە دەف وی بومە دارا بینە. من دیت ئەوی زەلامی سلاڤا من وەرگرت و گوت خالو: ئەزم محەمەد وەرە تە چەند دار بڤێن بۆخوە ببە. من پشتێ‌ دارا كریتە دناڤ وەریسی دا و دا پشتا خوە و بۆ مالێ‌ ئینان. مام عەمەر گوت مامو تە محەمەد دیت.
خانم هەوێ‌ گوت من گوتە مام عمەر: دەمێ‌ من قەستا گوڤا پەرزی كری و من گوت: كا محەمەدێ‌ پوتڕەشێ‌؟ ئەوی زەلاكی گوت كچامن: ئەز محەمەد وەرە بۆخوە دارا ژ ڤێرێ‌ ببە. مام عەمەر گوت مامو: تە چەوا گوت: محەمەدێ‌ پوتڕەشێ‌. ناڤێ‌ وی محەمەدێ‌ كودڕەشێ‌ یە ئەو كەسەك مالدار و ناندەهێ‌ ئەڤی گوندی یە. ل ئەوێ‌ زڤستانێ‌ ئەم ل گوندێ‌ محەمەدێ‌ كودڕەشێ‌ ماین ل دەمێ‌ وەرزێ‌ بهارێ‌ دەستپێكری و كوچەرات بەرەف زوزانێن خوە بچن. مام عەمەر گوت: ئەم دێ‌ ژ ئەڤی گوندی باركەین و بۆ ناڤ ئەڤی گوندێ‌ مەسیحیان چین. ل ئەوی دەمی هەڤژینێ‌ من شەهید ئەمین و شەهید سادق عەمەر ئەو بۆ ئەركێ‌ پێشمەرگایەتیێ‌ چوبین و نە ل مال بین. ئەم ئەڤێن دیتر ل مالێ‌ مابین و دەست ب مال باركرنێ‌ كرن بۆ گوندێ‌ گەزنەخێ‌ چوین. ئەڤ گوندە خەلكێ‌ وێ‌ مەسیحی بین و دەمێ‌ ئەم گەهشتین بۆ ناڤ گوندی خەلكێ‌ ئەڤی گوندێ‌ هاتن بەراهیكا مە و خێرهاتن ل مەكرن و ڕابین گوڤەكا پەرزی بۆمە ڤالەكرن و هەر ئێكسەر ئەم ڕابین و مە ئەو ئاڤاهی لێكدا و ب سەر و بەركر و ب ئاخێ‌ و تەقتێ‌ هوینین و مە مال كرە تێڤە. پشتی بورینا ماوێ‌ هەیڤەكێ‌ ئەم ل گوندێ‌ گەزنەخێ‌ ماین و مەزنێ‌ ئەوی گوندێ‌ بۆ لایێ‌ مام عەمەر هات و گوتێ‌: ئەم دێ‌ بۆ زوزانا چین و و ئەو جهێ‌ ئەم بچینێ‌ دبێژنێ‌: مێرگا بونا و دێ‌ ل ئەڤی وەرزێ‌ هاڤێنێ‌ ل وێرێ‌ مینن. مەژی دگەل مالێن دگەل ئەوان باركرن و ئەم بۆ وارگەهێن ئەوان چوین و مە دوو كوین ڤەدان و ل وێرێ‌ ماین. هەتا ئەوی دەمی ژی ئەز هەڤژینێ‌ خوە شەهید ئەمین جەهوەر دناڤ مالا مام عەمەر دابین و مە دگەل ئەوان دخوار و ڤەدخوار و دنڤستین. پاشی مە ژ ئەوی واری ژی باركر و بۆ وارێ‌ كانی مەهندا چوین و ل وێرێ‌ ئاكنجی بین. ئەڤە ل هاڤینا سالا 1977ی بی ئەڤا ئەز بەحس لێ‌ دكەم. ل شەڤەكێ‌ ل دومژمێر دوازدەیی شەڤێ‌ مە بەرێ‌ خوەدایێ‌ هندەك كەسێن چەكدار هاتن خوە نێزیكی كوینێ‌ مام عەمەر كرن و تەقە ل مەكرن. بی قێری و قلیزێن و ئەم لێك جقجقین و دێ‌ چ كن و چ ناكین؟ مام عەمەر گوت: گەلی ژنا ڕابن ب لەز ئاگرا هەلبكن و دارێن بزوتا ل ئەڤان جهان ب ڕەشینن كو دا ب زانن ئەم دهشیارن و ئەم یێ‌ بەرەڤانیێ‌ ژ خوە دكن. خانم هەوێ‌ گوت: دەملدەست ئەز ڕابیم و من ئاگرێ‌ دارا د كوچكی دا هەلكر و دەست ئاڤێت بزوتێن ئاگری و ل ئەوان جهان ڕەشاندن. هەر وەسا پسمامێ‌ من سەلیم ب تنێ‌ ئەوی چەك هەبی و ب تنێ‌ تەقە ل ئەوان چەكداران دكر و بەڕەڤانێ‌ ژمە دكر. پشتی تەقە ب دوماهیك هاتی و سوپاس بۆ خودایێ‌ مەزن گیانێ‌ مە هات پاراستن بەلێ‌ ئەم پیچەكێ‌ ترسیاین و ل ئەوێ‌ شەڤێ‌ خەو ب چاڤێن مە نەكەفت و هەتا سحارێ‌ سپێدێ‌ هشیار ماین. دەمێ‌ بویە سپێدە مام عەمەر بڕیار دا ئەم ژ ئەڤی واری باربكەین و مە دەست ب مالێ‌ و باركرنێ‌ كر و ئەم جارەكادیتر بۆ گوندێ‌ گەزنەخێ‌ زڤرین و د ئاڤاهیێ‌ خوەڤە ماین. ئێدی مە بارەوی نەهات و ڤێجا ب شەڤێ‌ من دەستدا چەكی و دگەل زەلامان ل دەرێ‌ ئاڤاهی نوبەرداری ل مالێ‌ دكر. پاشی ئەو چەكدار هاتن ناسكرن ئەوێن ل ئەوێ‌ شەڤێ‌ تەقە ل مالا مام عەمەر كرین و ئەوژی دەركەتن چەكدارێن ئێكەتی نیشتمانی كوردستان و دڤیان دەست نەخوەشیێ‌ بۆ مام عەمەر پەیدا بكەن. ب ڕاستی قەنجی و وەفاداریا خەلكێ‌ كوچەرێن گەودا نائێن ژبیرن و پتر ژ پێنجی زەلامان هاتن و گوتن مام عەمەر ئەم دێ‌ مالا تە ژ ئەڤی گوندی باركەین و بنە گوندێ‌ خوە و دێ‌ نوبەداریێ‌ ل تە گرین. ئەو بوو ل ئەوێ‌ هاڤینێ‌ من كچەك ب ناڤێ‌ گولستان هەبوو و ژیێ‌ وی شەش هەیڤ بین و هەڤژینێ‌ من شەهید ئەمین و شەهید سادق عەمەر وەك پێشمەرگە بۆ ڕۆژهەلاتا كوردستانێ‌ چوون و بۆ ماوێ‌ دوو سالان ل ڕۆژهەلاتا كوردستانێ‌ مابین و ل مە نەزڤڕین. ل ئەوی دەمی برایێ‌ من شەهید ئەسحەد جانكیر و دگەل هەڤژینا خوە خانم لەتیفا هەردوو ل هەیڤا چوار سالا 1980ی بۆ ناڤ شۆڕشێ‌ هاتن و قەستا مالێن مەكرن. ل ئەوێ‌ شەڤێ‌ ل دەفمە مان. برایێ‌ من شەهید ئەسحەد جانكیر گوتە مام عەمەر ئەڤە سێ‌ ڕۆژە ئەم یێ‌ ب ڕێكێ‌ دئێن هەتا ئەم بۆ ڤێرێ‌ گەهشتین و ئەم دێ‌ مالێن هەوە ژڤێرێ‌ باركەین و خوە نێزیكی سنوری كەین. مام عەمەر گوتە شەهید ئەسحەد جانگیر مامو: ئەم نوكە نەشێن ژڤێرێ‌ باربكەین و تو دبینی شەهید سادق عەمەر و شەهید ئەمین جەهوەر یێن ل بۆ ئیرانێ‌ چوین ما ئەم دێ‌ چەوا شێن ئەڤی عەرز و عیالی ژڤێرێ‌ شێن ببین. پشتی بورینا دوازدە ڕۆژان برایێ‌ من ئەسحەد ڕابی مالێن مە و دگەل مالا میرزایێ‌ فەتۆ ترومبێلەك دگوتنێ‌: قامیون ئینان و مە مال كرنە تێدا و مە ژ گوندێ‌ گەزنەخێ‌ باركرن و خەلكێ‌ دەڤەرێ‌ ژی هاریكاریا مە كر و جارەكادیتر مالێن خوە بۆ گوندێ‌ مێرگا میرا ئینان و ل وێرێ‌ ئاكنجی بووین.
خانم هەوێ‌ شاهین ئەوژی دا دیاركرن و گوت: ئەز دێ‌ ئەڤێ‌ بۆ مێژویێ‌ بێژم: مە چ داهاتی نەبی و مالا خەسی و خەزیرێن من ژمە دویر بین و ئەز نەچار بیم من هریا پەزی دئینا و شەدكر و ددڕست و دكرنە دوخین و ل ناڤ گوندێ‌ گەزنەخێ‌ مە دفرۆتن و ئەو پارە من بۆ هەڤژینێ‌ خوە پێلاڤ پێ‌ دكرین و دكرنە پێخوە و د ب ئەڤی ئاوایی مە پچەكێ‌ دشیا دەبارا ژیارا خوە یا ڕۆژنە بكەین. ڤێجا دەمێ‌ هەڤژینێ‌ من بۆ بێهنڤەدانێ‌ بۆ مالێ‌ هاتی و ل مالێن مە دگەڕیان و نزانین مالێن مە ژ گوندێ‌ گەزنەخێ‌ بۆ كیڤە چووینە. ئەو ڕابین گوند بۆ گوندی پرسیار كرن و بۆ ماوێ‌ حەفتیەكێ‌ ل مالێن مە گەڕیان هەتا ب سەر مالێن مە هلبوین. ئەو دەمێ‌ هەڤژینێ‌ من شەهید ئەمین بۆ مالێ‌ هاتی ئەوی كچا خوە ناسنەكرن و ژبەركو ژیێ‌ كچا من گولستان ببو نێزینی سێ‌ سالان و هەتا ئەوی دەمی ئەم دناڤ مالا مام عەمەر دابین و مە دگەل ئێك دخوار و ڤەدخوار. ڤێجا دەمێ‌ ئەم ل گوندێ‌ مێرگا میرا ئاكنجی بوین برایێ‌ شەهید ئەسحەد چانگیر و دگەل زەلامێن خەلكێ‌ ئەوان گوندان بۆ ئاڤاهی چێكرن كو هەر ئاڤاهیەك ژ دوو ژوران پێكدهات و مە مالێن خوە كرنە تێڤە و ڤێجا وەرزێ‌ پایزێ‌ دەستپێكر و زەلامان ژی دەست ب كومڤەكرنا داران بۆ ئاگری و سوپێ‌ بۆ وەرزێ‌ زڤستانێ‌ كرن.

]]> https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-4/272840/feed/ 0 ل سەر دەمێ‌ شۆڕشا ئیلۆنێ‌ و گولانێ‌ سێزدە جاران مـە خانی ئاڤاكرن https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-3/272779/ https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-3/272779/#comments Tue, 27 Oct 2026 23:02:55 +0000 https://rojnameyaevro.com/ku/?p=272779 هەڤدیتن: رەمەزان دەشتمری/ زاخۆ

3-5

هوین دێ‌ من خەندقینن و ڤێجا دسەر ئەڤی حالی ڕا كەنیا مە پێ‌ دهات. دەمێ‌ ژنماما هەوێ‌ دەربازی ئاڤێ‌ كرین و چەهڤێن ئەوێ‌ ڤەكرین و ڤێجا وەكی بیها دناڤ ئاڤێ‌ دا دڕەجفی و هەوێ‌ گوتە محەمەد میرزایێ‌ دایێ‌: هەر وەكی تە ئەز دەربازكرم و محەمەد میرزایی گوتی: بەلێ‌ دایێ‌ من تو ب سلامەتی دەربازی ئەڤێ‌ ئاڤا ڕیبارێ‌ كری ، ڤێجا مە بەرێ‌ خوە دایێ‌ چا و شەكر و ئازوقێ‌ مە هەمی یێ‌ شل بووی و ئەوێ‌ شەڤێ‌ ئەم ل وارێ‌ زێرێ‌ ماین و مە كەل و پەل و ئازوقێ‌ خوە بەر هەوا كر هەتا سحارێ‌ ئەو ئازوقە زوها بوو و دگەل ڕۆژهەلاتنێ‌ جارەكادیتر مە دەست ب باركرنێ‌ كر و ئەم چووین. دەمێ‌ ئەم گەهشتین بۆ ڕاستا گوندێ‌ پیروسێ‌ و خەلكێ‌ گوندێ‌ هاتن بەرمەڤە و دەوارێن هێستر بومە ئینان و ئەم ل دەوارا سیاربین وئەم دگەل خوە برن و ئەم بۆ ملا دەریێ‌ زێڕ چوین و ڤێجا خەلكێ‌ ئەوێ‌ دەڤەرێ‌ نان و ماست و خیار بومە ئینان و مە ل ملا دەریێ‌ زێڕ بێهنا خوە ڤەدا و ڕوینشتن خوار. ل ڤێرێ‌ زاروكان گوتن: ئەم بریسینە. ئەز هینگێ‌ بێ‌ زاڕۆك بوم و ئەز گەلەكا سرت و زیروك بیم. دەمێ‌ زاڕۆكا گوتی ئەم برسینە. ئەز و شەهید سادق عەمەر و هەڤژینێ‌ خوە ئەمین جەهوەر بۆ ئەوان بەتەنا چوین و مە هندەك قوپكێن كەرەنگا خرڤەكرن و ئینان و مە كوچك چێكر و ئاگر و هەلكر و دەست ب ئامادەكرنا خوارنەكا سڤك بۆ خوە بەرهەڤكر و مە پێكڤە ئەو خوارن خوار.
پشتی نیڤرو مامێ‌ عەمەر گوت: خوە بەرهەڤ بكەن و دێ‌ دەست ب باركرنێ‌ بكەین و مە خوە لێكدا و ئەم بۆ سەرێ‌ ئەوی چیایی چوون و دەمێ‌ ئەم گەهشتن سەرێ‌ چیایی و مە ل وێرێ‌ بێهنا خوە ڤەدا. مامێ‌ عەمەر گوت گەلی مروڤان كا ل خوە ب زڤڕن و هوین هەتا كیرێ‌ دبینن و مە ژی گوتە مام عەمەری ئەم چ جها نابینن و ل بەراهیكا مە هەمی چیانە. مام عەمەر گوت: ئەو چیایێ‌ هەنێ‌ هوین دبینن ئەو سنورێ‌ ئیراقێ‌ و توركیایە و ئەڤە ئەم دێ‌ چین و نزانین دێ‌ بەرێ‌ مە بۆ كیڤە كەڤت؟، چێدبیت و ئەم ئێدێ‌ نەزڤڕن و چێدبیت ژی ئەم دەهـ ڕۆژێن دیتر ب زڤڕنە بۆ مەملەكێ‌ خوە، بەس ژ ڤێرێ‌ و پێڤە جهـ و مەملەكەتێ‌ مە بلا ل بیرا مە نەبیت.
مە بەرێ‌ خۆەدایێ‌ خانم هەوێ‌ بەردا گری و ڕۆندك ژ چاڤان هاتن خوار و ب كزگریوكی ڤە گوت: من بەرێ‌ خوە دایێ‌ مام عەمەر و محەمەد میرزا و عەڤدلێ‌ محو و سادق و ئەمین ڕوینشتن خوار و گرین. ل ئەوی دەمێ‌ گریا مە ژنا ژی هات و ڤێجا ئەم بۆ حالێ‌ خوە و زەلامێن خوە گرین. ب ڕاستی ئەو دیمەن چ جاران ژ پێشچاڤێن من ناچن كو بۆ ئەوی دیمەنی ل سەرێ‌ ئەوی چیایێ‌ من ب چاڤێن خوە دیتی. پشتی بێهنڤەدانەكێ‌ ئەم ماین و گوتن: خوە بەرهەڤ كەن و دا ژ ڤێرێ‌ بچین. مە خوە لێكدا و ئەم بۆ گوندێ‌ شاهویان چوین. ل ئەوی دەمی مالا مامێ‌ قاسم حامد ل گوندی بوو و دەمێ‌ ئەم بۆ ناڤ گوندی گەهشتین ل مالا مامێ‌ قاسم بوین مێهڤان و ل ئەوێ‌ شەڤێ‌ ل وێرێ‌ ماین. ل دەمێ‌ سپێدێ‌ ل ناڤ گوندی بی دەنگ و گوتن: دێ‌ لەشكرێ‌ دەولەتا دێ‌ بۆ ناڤ گوندی هێت. مام عەمەر گوت: ب لەز خوە بەرهەڤ بكەن و دێ‌ باركەین و ژ ناڤ گوندی دەركەڤین. مام قاسم گوت عەمەر پسمام: هەوە خوارنا تێشتێ‌ نەخوار. مام عەمەر گوت: ئەم دێ‌ ژناڤ گوندی دەركەڤین بەری لەشكر ب گەهیت بۆ ناڤ گوندی و دا چ زیان نەگەهنە مە و گوند ژی یێ‌ پاراستی بیت. ڤێجا دەمێ‌ ئەم ل دەوارا سیاربین و مە دا ڕێكێ‌ مە گوهـ ل دەنگێ‌ فروكویێن دەولەتا توركیا بوین و وەكی كاروانی كوچەراتی بین ڕێز و بۆ ماوێ‌ دوو دەمژمێران ئەم ب ڕێكێ‌ چوین و ڤێجا ب ڕێكێ‌ ڤە زەلاما گوتە مامێ‌ عەمەر ئەڤە ئەم دێ‌ بۆ كیڤە چین؟ مامێ‌ عەمەر گوت: ل ئەڤی گوندی كەسەك هەبوو ناڤێ‌ ئەوی تاهر بوو و گەلەگ جاران ل دەمێ‌ ئەم ل گوندێ‌ دەركارێ‌ ئەو زەلام دهاتە گوندێ‌ مە و ل مالا مە دبی مێهڤان و مە ئێك و دوو ناس دكر و ئەم دێ‌ قەستا ئەوی دەستەبرایێ‌ خوە كەین. دەمێ‌ ئەم گەهشتن بۆ گوندێ‌ محەمدێ‌ عەلو كو كوچەرێن گەودا ل ئەوی گوندی بین و ئەڤ گوندی سەر ب قەزا پێشەبابێ‌ ڤەبی. دەمێ‌ ئەم گەهشتن بنێ‌ گوندێ‌ مە بەرێ‌ خوەدایێ‌ زەلامەك ل بەر مەڤە هات و مامێ‌ عەمەر گوت: ئها ئەڤە دەستەبرایێ‌ من تاهرە ئەوێ‌ مە بەحسا ئەوی كری. ڤێجا ئەوی زەلامێ‌ ناڤێ‌ وی تاهر هەما خوە د مامێ‌ عەمەر وەركر و هەر ماچیكر ڤێجا ژ كەیفاندا ڕۆندك ژ چاڤێن مە هاتن خوار.
ئەم بۆ ناڤ گوندی چوین و زەلامێن گوندێ‌ محەمەدێ‌ عەلو هاتن جەلەبا دەوارێن مە گرتن و ئەم ل ناڤ مالێن گوندێ‌ بەلاڤ كرین. ب ڕاستی مرۆڤ بۆ خودێ‌ بێژیت: خەلكێ‌ ئەڤی گوندی گەلەك قەدر و قیمەتێ‌ مە گرتن و ڕەفتارەكا گەلەك جوان بۆمە گرتن. ئەم بۆ ماوێ‌ پارزدە ڕۆژان ل گوندێ‌ محەمەدێ‌ عەلو ماین. بێ‌ ڕۆژا شازدێ‌ گوتن: ئەم دێ‌ ژ ئەڤی گوندی ژی باركەین و ئەو دەمێ‌ ئەم ل گوندێ‌ محەمەدێ‌ عەلو دونیا ل مە ببوو هاڤین بی و مە باركر بۆ وارێ‌ تەڕی چوین و ڤێجا نهالەكا گەلەك كویربوو و ب تنێ‌ مە عەسمان ددیت. ل ئەوی وارێ‌ تەڕێ‌ بۆمە كوین ڤەدان و ئەم ل وێرێ‌ ئاكنجی بووین. ڤێجا ڕۆژانە ئەم ژنك دا ب ئەوی ئاقاری كەڤین و مە داركێن گوینیا خڕڤە دكرن و دئینان و مە خوارن ل سەر ئەوی ئاگرێ‌ دارێن گوینیا بەرهەڤ دكر، و مە نانێ‌ سێهلێ‌ دپەحت و ڤێجا ل وێرێ‌ تل و لەپێن مە هەمی بین دەڤرو شەق شەق بین و كول بین و كێم و عەدابێ‌ جهێ‌ برینێن دەستێ‌ من پەیدابین. ب هەر حالێ‌ هەیی ل ئەوان چەند ڕۆژا مە ل وارێ‌ تەڕێ‌ ل ئەوێ‌ نهالا كویردا بوراندن. ل دەمەكێ‌ مام عەمەر گوتە دەستەبرایێ‌ خوە تاهری: ئەڤ جهە وارگەهێن هاڤینێ‌ نە و ل وەرزێ‌ سەرما و زڤستانێ‌ كەسەك نەشێت ل ئەڤی جهی ب قەتینیت. تاهری گوتە مام عەمەری: مە گوندەك دیتر ل خوارێ‌ هەیە بەلێ‌ دڤێت بو هەر مالەكێ‌ یان خێزانەكێ‌ پێنج گوینیكێن ئاری و پێنج تەنەكێن ڕوینی و پێنج گوینیكێن برنجی ئانكو قویتێ‌ پێنج هەیڤان بەرهەڤ بكەن ژبەركو ل ئەڤی گوندی گەلەك بەفر دباریت و ڕێ‌ و ڕیبار دهێنە گرتن و ژیانا ئەڤێ‌ دەڤەرێ‌ ب ئەڤی شێوەیی دبورینن و هزرا خوە و یا زڤستانا درێژ بكەن. مام عەمەر گوت: ئەم چەند مال دگەل ئێكن و ب ڕاستی مە هند پارە نینن كو بۆ ماوێ‌ پێنج هەیڤان ئازوقەیی ل سەر ئێك ب كڕین.

]]> https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-3/272779/feed/ 0 ل سەر دەمێ‌ شۆڕشا ئیلۆنێ‌ و گولانێ‌ سێزدە جاران مـە خانی ئاڤاكرن https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-2/272667/ https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-2/272667/#comments Mon, 26 Oct 2026 21:24:48 +0000 https://rojnameyaevro.com/ku/?p=272667 هەڤدیتن: رەمەزان دەشتمری/ زاخۆ

2-5

ئەو بوو ب شەڤێ‌ چەند مالەك ژ خەلكێ‌ گوندێ‌ منینی بڕیاردان بۆ سەرسنوری بچن. ل ئەوی دەمی مالا مامێ‌ من عەمەرێ‌ سالح پێكڤە بریاردان ئەوژی بۆ سەر سنوری بچن. من بەرێ‌ خوەدایێ‌ هەڤژینێ‌ من جەهوەر گوتەمن هەوێ‌: منژی بڕیار یا دایی ئەزژی دگەل مالا مامێ‌ عەمەر بچم و تو ژی ل مالا بابێ‌ من بمینە. من گوتە هەڤژینێ‌ خوە ئەمینی: مانێ‌ مە چ زاڕۆك نینن و ئەز ژی زەگوردم و ئەز ل ڤێرێ‌ نامینم و ئەز ژی دێ‌ دگەل هەوە ئێم. دەمێ‌ بویە شەڤ من و هەڤژینێ‌ خوە و دگەل مالا مامێ‌ عەمەر سالح و دگەل مالا حەجی رەمەزان و هندەك مالێن دیتر یێن خەلكێ‌ گوندێ‌ منینێ‌ خوە بەرهەفكرن و من هندەك جلك و بۆخوە و هەڤژینێ‌ خوە ئەمینی كرنە دناڤ بوخچكەكێ‌ دا و كرنە د پارزینی دا و من دا پشتا خوە ئەم ژ ناڤ گوندێ‌ منینێ‌ دەركەتین و مە دا رێكێ‌ و بۆ ئەوی چیایی چوین.ل نیڤا شەڤێ‌ ل نێزیكی بەرێ‌ سپێدێ‌ ئەم گەهشتن جهەكێ‌ بێژنێ‌ ئاڤڕوكێ‌ سەیی كو ئەو جهە یێ‌ وارگەهێن مالا عەجەمێ‌ یێن وەرزێ‌ هاڤینێ‌ بوون. ل ئەوی دەمی بیرا من دهێت دونیا بهاربو و شەڤ گەلەك یا ساربو و ل ئەوێ‌ شەڤێ‌ ئەم ل ئاڤڕوكی ماین. ل ڕۆژادیتر دگەل ڕۆژهەلاتنێ‌ ئەم ژ ئاڤڕوكی بۆ سەر سنوری چوین. ل ئەوێ‌ ڕۆژێ‌ هەمیێ‌ ئەم ب ڕێگێ‌ چوین هەتا بەربەرێ‌ ئیڤاری ئەم گەهشتن بۆ جهەكێ‌ دبێژنێ‌: ئاڤروكێ‌ چونكیا و مە بەرێ‌ خوە دایێ‌ ئەڤە مالا عەبدولا محو چونكی و مالا میرزایێ‌ فەتویێ‌ مالا عەجەمێ‌ و مالا محەمەد میرزا میرزا ئەوژی یێن ل ئاڤڕوكێ‌ چونكیا داناین و چاڤەڕێ‌ نە كو دەوارێن هێستر ژ گوندێ‌ بێجوهێ‌ بۆ ئەوان بێن و مالێن خوە باربكەن و بۆ گوندێ‌ بێجوهێ‌ بچن، پشتی بویە شەڤ تاری ئەم ژ ئەوی جهێ‌ ئاڤروكێ‌ بۆ گوندێ‌ بێجوهێ‌ چوین و ژبەر لەشكرێ‌ دەولەتا توركیا گوتنە مە ناچێبیت هوین باخڤن و دەنگ ژهەوە نەهێت دا لەشكرێ‌ توركیا ب مە نە حەسیێت. ئەم چەندەكێ‌ ب ڕیڤەچوین. ل دەمەكێ‌ من بەرێ‌ خوەدایێ‌ سەلیم كوڕێ‌ مامێ‌ عەمەر گوتەمن هەوێ‌: ئەز برسیمە. پانێ‌ ناڤێ‌ منژی هەوێ‌ بی و ناڤێ‌ دایكا سەلیم ژی هەوێ‌ بی. هەڤژینێ‌ من ئەمین گوتەمن هەوێ‌: چ نان دگەل تە نینە و تو ب دەیە سەلیمی و برسیە و نەشێت ب ڕیكێ‌ بێت. من گوتە هەڤژینێ‌ خوە ئەمینی: ئەڤە هندەك نان و شەكر یا دگەل من هەیی و ئەز ڕاوەستام و من هندەك نان و شەكر ژناڤ بوخچكا خوە ئیناتە دەر و كرە بالولك و كرە ددەستێ‌ كورێ‌ مامێ‌ خوە سلیم دا. و هەر دیسان ل ئەوێ‌ شەڤێ‌ ئەم ب ڕیكێ‌ چوین و دەمژمێر دوازدەیی شەڤێ‌ گەهشتین بۆ ناڤ گوندێ‌ بێچوهێ‌ و ل مالا مامێ‌ قاسمێ‌ حامد بوین مێهڤان و مە شیڤ ل مالا مامێ‌ قاسم خوار و ل ئەوێ‌ شەڤێ‌ ل گوندێ‌ بێجوهێ‌ ماین.
ل دەمێ‌ بویە سپێدە گۆتن خوە لێك بدەن و ئەم دێ‌ ژ گوندێ‌ بێجوهێ‌ بۆ دەڤەرا تەنینا سندیاچین و بەركو لەشكرێ‌ دەولەتا توركیا دێ‌ بۆ ناڤ گوندێ‌ بێجوهێ‌ هێت و دێ‌ مە دەستەسەركەن. ل سپێدێ‌ دگەل ڕۆژهەلاتنێ‌ هندەك دەوارێن هێستر ئینان و ژن و زاڕۆك لێ‌ سیاركرن و ئەز و دگەل هەڤژینا میرزا میرزایی ب پیان دگەل زەلامان چوین. دەمێ‌ ئەم بۆ پشتا گوندێ‌ بێجوهێ‌ چوین و مە بەرێ‌ خودایێ‌ ئەحمەد میرزا هندەك پەز یێ‌ ل بەراهیكا ئەوی یە ئەوژی دێ‌ دگەل مە ئێت. من دیت ئەحمەدی گازی دایكا خوەكر و گوتێ‌: ئودا نوكە هوین برسی نە و ب ڕاوەستن ئەز دێ‌ هندەك شیری دوشم و بخون و پاشی هەڕن. منژی گوتێ‌ برایێ‌ ئەحمەد باوەربكە ئەم دبرسینە. ئەحمەد ڕابی تژی ترارەكێ‌ شیر دوت و مە ل ئەوێ‌ چولێ‌ نان و شیر خوار و ئەم بۆ ئەوێ‌ ڕێكێ‌ چوین و ئەم چەندەكێ‌ ب ڕیكێ‌ چوین و گەلەك وەستیان و ل دەمەكێ‌ مە بەرێ‌ خوەدایێ‌ مامێ‌ عەمەر هندەك دەوارێن هێستر بۆمە هنارتن و ئەم لێ‌ سیاربین و بی پشتی نیڤرو ئەم بۆ دەڤەرا تەنینا سندیا گەهشتن. مە بەرێ‌ خوەدایێ‌ ل دەور و بەرێن مە هێشتا بەرفر نە حەلیابی و هێشتا یا مایی و ئەم ل ناڤ ئەوان كافلان دا ڕوینشتن خوار. بۆ ماوێ‌ پازدە ڕۆژان ئەم ل دەڤەرا تەنینا سندیا ماین و ل ئەوی دەمی مالا مامێ‌ عەمەر و مالا محەمەد میرزایێ‌ دوو خیڤەت ڤەدابین و ئەز و هەڤژینێ‌ خوە ئەمین دناڤ مالا مامێ‌ عەمەر دابین و مە دگەل ئەوان خوار و ڤەدخوار.
هەر وەسا ئەم دچوون دبن ئەوان كەڤیێن بەفرێ‌ ڤە و مە بەفر دكولا هەتا مە بفرا پاقژ دئیناتە دەر و ئەو بەفرە مە بۆ ناڤ خوارنێ‌ و چایێ‌ ب كار دئینات. پشتی بورینا چواردە ڕۆژان ئەم ل تەنینا سندیا ماین و ل ڕۆژا پازدێ‌ مە ژ وێرێ‌ باركر و ئەم چوون جهەكێ‌ دبێژنێ‌: سماقوكا ئەوژی وارگەهێن هاڤێنێ‌ یێن زوزانێن گوندێ‌ هەدریشێ‌ بون و هەر دیسان مالا مامێ‌ عەمەر و مالا عەڤدلێ‌ محو چونكی و مالا محەمەد میرزایی بون. مە مالێن خوە ل بن ئەوان داران دەینان و چ خوارنا وەسا دكەل مەدا نەبی و ل سحاریان ئەم دا ڕابین هندەك بەلگێن مێوان بكەین و ساڤارێ‌ بكەینە دناڤدا و بكەینە ئیپراخ ئەڤە خوارنا مە یا سەرەكی بی. هەر وەسا ڕۆژانە هەڤژینێ‌ من ئەمین و سەلیمێ‌ مامێ‌ عەمەر دا ڕۆژانە بۆ گوندێ‌ هەدریشێ‌ چین و هەر ئێك دا شیراكەك ماستی دتە ملێ‌ خوە و بۆمە ئینن. ڤێجا هەتا گەهشتبان ئەو ماستە هندە دشلقا و وەكی توراقێ‌ ترش دبی و دبی ئاڤەدەو و ئەم نەچاردبین ب تنێ‌ خوارنا مە ساڤار و ئەو ماستێ‌ شلوقەبی و ئەم د ئەڤی حالی دا ماین هەتا پشتی سێزدە ڕۆژان جارەكادیتر ل سحاریەكێ‌ مامێ‌ عەمەر گوت: خوە لێك بدەن و ئەڤرو دێ‌ ژ ئەڤی واری باركەین و بۆ جهەك دیتر چین. ڤێجا ژ وارێ‌ سماقوكا ئەم بۆ وارێن ئاشێ‌ چەفشی ئەوژی وارگەهێن زوزانێن گوندێ‌ هەدریشیا بین دەمێ‌ ئەم گەهشتین بەر لێڤا ڕویبارێ‌ ئاڤا خابیری خودێ‌ ژێڕازیا هەوێ‌ دایكا فەرماندە محەمەد میرزا گوت: ب هیچ ڕەنگەكێ‌ ئەز ل ئەڤێ‌ ئاڤێ‌ دەرباز نابم و دێ‌ كەڤم دناڤ ئەڤی ڕویباری دا. ئەم ژنك ل دەوارێن هێسترا سیاربین و ل ئەوی ئاڤا ڕویبارێ‌ خابیری دەربازبین. فەرماندە محەمەد میرزایی گوتە دایكا خوە هەوێ‌: ئەرێ‌ ئودا ما چێدبیت تو ب تنێ‌ ل ڤێرێ‌ بمینی و كا تو ل ئەڤێ‌ هێسترێ‌ سیاربە دا تەژی دەرباز بكەین. خودێ‌ ژێڕازیا دەیكا محەمەد میرزا خوە گریاند و گوت : ئەبەد چێنابت ئەز نەشێم ل دەوارێ‌ سیار ببم و دێ‌ كەڤم دناڤ ئەڤی ڕویبارێ‌ خابیری دا و دێ‌ خەندقم. مەحمەد میرزا نەچاربی ڕابین هەردو چاڤێن دایكا خوە گرێدان و ل دەوارێ‌ سیاركرن و هەر ملەكێ‌ دایكا محەمەد میرزایی هەوێ‌ زەلاما ملەك گرتن و هەتا شیان ژنماما هەوێ‌ ل ڕویبارێ‌ ئاڤا خابیری دەرباز بكەن و ڤێجا ژنماما هەوێ‌ هەر دكرە قێڕی و خەبەر دگوتن و دگوت:

]]> https://rojnameyaevro.com/ku/%d9%84-%d8%b3%db%95%d8%b1-%d8%af%db%95%d9%85%db%8e%e2%80%8c-%d8%b4%db%86%da%95%d8%b4%d8%a7-%d8%a6%db%8c%d9%84%db%86%d9%86%db%8e%e2%80%8c-%d9%88-%da%af%d9%88%d9%84%d8%a7%d9%86%db%8e%e2%80%8c-%d8%b3-2/272667/feed/ 0 تۆماركرنا گرێبه‌ستا هه‌ڤژینا دویێ ل ده‌رڤه‌ی هه‌رێمێ چو ئاریشه‌ ل سه‌ر نینه‌ https://rojnameyaevro.com/ku/%d8%aa%db%86%d9%85%d8%a7%d8%b1%d9%83%d8%b1%d9%86%d8%a7-%da%af%d8%b1%db%8e%d8%a8%d9%87%e2%80%8c%d8%b3%d8%aa%d8%a7-%d9%87%d9%87%e2%80%8c%da%a4%da%98%db%8c%d9%86%d8%a7-%d8%af%d9%88%db%8c%db%8e-%d9%84/272608/ https://rojnameyaevro.com/ku/%d8%aa%db%86%d9%85%d8%a7%d8%b1%d9%83%d8%b1%d9%86%d8%a7-%da%af%d8%b1%db%8e%d8%a8%d9%87%e2%80%8c%d8%b3%d8%aa%d8%a7-%d9%87%d9%87%e2%80%8c%da%a4%da%98%db%8c%d9%86%d8%a7-%d8%af%d9%88%db%8c%db%8e-%d9%84/272608/#comments Sun, 25 Oct 2026 22:24:33 +0000 https://rojnameyaevro.com/ku/?p=272608 هه‌ولێر، قائید میرۆ:

پارێزه‌ره‌كی دیار کر کو ئینانا هه‌ڤژینا دویێ و تۆماركرنا گرێبه‌ستا هه‌ڤژینیێ ل دادگه‌هێن ده‌رڤه‌ی ئیداره‌یا حوكمه‌تا هه‌رێما كوردستانێ چو ئاریشه‌ لسه‌ر نینه‌ و گۆت؛ ئه‌گه‌ر هه‌ڤژینا ئێكێ سكالایێ ژی تۆمار بكه‌ت ل دادگه‌هێن هه‌رێمێ، پشتی سه‌لماندنا هه‌بوونا گرێبه‌ستا دادگه‌هێن ده‌ڤه‌رێن دی یێن ئیراقێ ئێكسه‌ر سكالا دێ هێته‌ راگرتن.

پارێزه‌ر شالاو ئه‌بوبه‌كر عه‌لی د دیدارەکێ دا بۆ رۆژنامەیا ئه‌ڤرۆ دیاركر، پشتی بڕیارا مه‌رجداركرنا ئیانا هه‌ڤژینا دویێ ژلایێ په‌رله‌مانێ كوردستانێ ڤه‌ نوكه‌ پتریا وان كه‌سێن هه‌ڤژینه‌كێ زێده‌تر دئینن بۆ كارۆبارێن قانوونی سه‌ره‌دانا دادگه‌هێن ده‌ڤه‌رێن كوردستانی یێن ده‌رڤه‌ی حوكمه‌تا هه‌رێما كوردستانێ یانژی ل پارێزگه‌هێن ناڤه‌ڕاست و باشوورێ ئیراقێ دكه‌ن و ل ئه‌ڤان دادگه‌هان گرێبه‌ستا هه‌ڤژینیێ تۆمار دكه‌ن.
پارێزەری دیار کر ژی، ژلایێ قانوونی ڤه‌ هه‌ر زه‌لامه‌كێ گرێبه‌ستا هه‌ڤژینیێ ل ئه‌ڤان دادگه‌هان تۆماربكه‌ت چو ئاریشه‌ نینه‌، ئه‌گه‌ر پشتی تۆماركرنا گرێبه‌ستێ هه‌ڤژینا ئێكێ سكالایێ تۆمار بكه‌ت چو سزا ناچنه‌ سه‌ر زه‌لامی، ژبه‌ركو گرێبه‌ست ل دادگه‌هه‌كا فه‌رمی هاتیه‌ تۆماركرن و دادگه‌هێ رازیبوون لسه‌ر گرێبه‌ستێ كریه‌ و گۆت؛ له‌وڕاژی مه‌هركرنا هه‌ڤژینا دویێ ل دادگه‌هێن ده‌رڤه‌ی هه‌رێما كوردستانێ نابیته‌ تاوان، ژبه‌ركو ژلایێ قانوونی ڤه‌ تۆماركرنا گرێبه‌ستا هه‌ڤژینا دویێ ل هه‌ر دادگه‌هه‌كا ئیراقێ بیت چو ئاریشه‌یێن قانوونی لسه‌ر نینه‌ و به‌رۆڤاژی قانوونا ئیراقێ نینه‌.
پارێزه‌ر شالاو ئه‌بوبه‌كر گۆتژی؛ ل گوره‌ی بڕیارا دادگه‌ها ته‌میز یا هه‌رێما كوردستانێ، ئەگەر هەڤژینا ئێکی سکالایێ ل سەر زەلامێ خۆ ل دادگەهێن ڤەکۆلینێ تۆمار بکەت، و زەلامی گرێبه‌ستەکا فەرمی یا دادگەهێ هه‌بیت چ ل هەرێما کوردستانێ بیت یان ل دەرڤەی هەرێمێ ل عێراقێ، سکالا دێ هێتە ڕاگرتن و قۆناغا ڤەکۆلینێ ژی دێ ب دوماهی هێت.
پارێزەری د بەردەوامیا ئاخفتنێن خۆ دا دیار کر، ژبەرکو پشتی قانوونا بارێ كه‌سی ل هه‌رێما كوردستانێ هاتیه‌ راستڤه‌كرن و ئینانا هه‌ڤژینا دویێ هاتیه‌ مه‌رجداكرن، ئه‌گه‌ر رازیبوونا هه‌ڤژینا ئێكێ ژی لسه‌ر هه‌بیت، ب مه‌رجێ هه‌بوونا به‌هانه‌یێن شه‌رعی و قانوونی كو ژلایێ لیژنا ساخله‌می بهێته‌ سه‌لماندن رێك دهێته‌دان بۆ ئینانا زێده‌تری هه‌ڤژینه‌كێ و گۆت؛ ئه‌ڤه‌ژی بۆ ئه‌گه‌رێ وێ چه‌ندێ زه‌لامێن هه‌رێما كوردستانێ بۆ ئینانا هه‌ڤژینا دویێ بچنه‌ دادگه‌هێن ده‌رڤه‌ی حوكمه‌تا هه‌رێمێ و خۆ قورتال بكه‌ن ل ئه‌ڤێ ئاریشه‌یێ.

]]> https://rojnameyaevro.com/ku/%d8%aa%db%86%d9%85%d8%a7%d8%b1%d9%83%d8%b1%d9%86%d8%a7-%da%af%d8%b1%db%8e%d8%a8%d9%87%e2%80%8c%d8%b3%d8%aa%d8%a7-%d9%87%d9%87%e2%80%8c%da%a4%da%98%db%8c%d9%86%d8%a7-%d8%af%d9%88%db%8c%db%8e-%d9%84/272608/feed/ 0 ئەگەرێن دەروونی و ژینگەهی دبنە هۆکارێن هزرکرنا زێدە https://rojnameyaevro.com/ku/%d8%a6%db%95%da%af%db%95%d8%b1%db%8e%d9%86-%d8%af%db%95%d8%b1%d9%88%d9%88%d9%86%db%8c-%d9%88-%da%98%db%8c%d9%86%da%af%db%95%d9%87%db%8c-%d8%af%d8%a8%d9%86%db%95-%d9%87%db%86%da%a9%d8%a7%d8%b1%db%8e/272597/ https://rojnameyaevro.com/ku/%d8%a6%db%95%da%af%db%95%d8%b1%db%8e%d9%86-%d8%af%db%95%d8%b1%d9%88%d9%88%d9%86%db%8c-%d9%88-%da%98%db%8c%d9%86%da%af%db%95%d9%87%db%8c-%d8%af%d8%a8%d9%86%db%95-%d9%87%db%86%da%a9%d8%a7%d8%b1%db%8e/272597/#comments Sun, 25 Oct 2026 22:11:23 +0000 https://rojnameyaevro.com/ku/?p=272597 بێوار حەمدی:

دەرونناسەکی دیار کر، دەمێ مرۆڤ هزرێن زێدە دکەت، پتر سەرنجێ ددەتە سەر ڕوودانێن ڕابردوو و پەشێمانییێ و گۆت؛ چەندین ئەگەرێن دەروونی و ژینگەهی هەنە کو دبنە ئەگەرێ هزرکرنا زێدە، و گەلەک جاران ژی دبنە ئەگەرێ تێکچوونا ژیانا ڕۆژانە.

سەبارەت هزرکرنا زێدە دەروونناس یاسر سەعید، د دیدارەکێ دا دیار کر کو مەبەست ژ هزرکرنا زێدە، ئانکۆ ئاسێبوونا مەژییە دناڤ بازنەیەکا بەردەوام و نە پێدڤی یا هزران دا، و د ڤی دەمی دا مرۆڤ پتر تەرکیزێ دکەتە سەر ڕوودانێن بۆری و پەشێمانی و دلگرانیێ و گۆت: چەندین ئەگەرێن دەروونی و ژینگەهی هەنە کو دبنە ئەگەرێ هزرکرنا زێدە، وەکو: نەبوونا پشتڕاستیێ ل دور پاشەڕۆژ و بڕیاران، هەولدانا وێ چەندێ کو هەموو تشت بێ کێماسی بن، فشارێن دەروونی و ئەزموونێن نەخۆش و کێمبوونا باوەریێ ب خۆ.
یاسر ئەو چەندە ژی دا زانین، دەما کو هزر دبنە ئەگەرێ تێکچوونا ژیانا ڕۆژانە وەکو، نڤستن، کار و پەیوەندی بۆ ماوەیەکێ درێژ و بەردەوام، بێگومان دێ نەخۆشیێن دەروونی ژێ پەیدابن، وەکو نەخۆشیێن: ترس و دوودلیا بەردەوام، خەمۆکی، تێکچوونا واسواسا دەروونی، و تێکچوونا خەوێ.
دەروونناس یاسر سەعید دیار کر ژی، گەلەک رێ هەنە ژ بۆ چارەسەرکرنا هزرکرنا زێدە، ژ وان ژی: هشیاری و نیاسینا هزران؛ تێگەهشتن ل سەر وێ چەندێ کو ئەڤە بتنێ هزرن و نە ڕاستینە؛ ئەنجامدانا راهێنانێن هشیاریێ ب ڕێیا تەکنیکێن هەناسەدانێ و وەرزشێ؛ تەرخانکرنا ١٥ هەتا ٢٠ خولەکان د ڕۆژێ دا تنێ بۆ هزرکرنێ و گۆت؛ ئەگەر ژ ڤی دەمی پتر لێهات، دڤێت هزر بهێنە نڤیسین و پاشخستن بۆ دەمەکێ دی؛ هەروەسا سەرەدان و وەرگرتنا ڕاوێژا ڕاوێژکارێ دەروونی.

]]> https://rojnameyaevro.com/ku/%d8%a6%db%95%da%af%db%95%d8%b1%db%8e%d9%86-%d8%af%db%95%d8%b1%d9%88%d9%88%d9%86%db%8c-%d9%88-%da%98%db%8c%d9%86%da%af%db%95%d9%87%db%8c-%d8%af%d8%a8%d9%86%db%95-%d9%87%db%86%da%a9%d8%a7%d8%b1%db%8e/272597/feed/ 0