Rojnameya Evro » دیدار و راپۆرت https://rojnameyaevro.com/ku Thu, 15 Oct 2026 10:28:55 +0000 ar hourly 1 https://wordpress.org/?v=4.0.38 ب فەرمانا مەلا مستەفا بارزانی پارە بۆ نووژەنكرنا دێرێن گوندێن دەڤەرا بەهدینان هاتە تەرخانكرن https://rojnameyaevro.com/ku/%d8%a8-%d9%81%db%95%d8%b1%d9%85%d8%a7%d9%86%d8%a7-%d9%85%db%95%d9%84%d8%a7-%d9%85%d8%b3%d8%aa%db%95%d9%81%d8%a7-%d8%a8%d8%a7%d8%b1%d8%b2%d8%a7%d9%86%db%8c-%d9%be%d8%a7%d8%b1%db%95-%d8%a8%db%86-%d9%86/271879/ https://rojnameyaevro.com/ku/%d8%a8-%d9%81%db%95%d8%b1%d9%85%d8%a7%d9%86%d8%a7-%d9%85%db%95%d9%84%d8%a7-%d9%85%d8%b3%d8%aa%db%95%d9%81%d8%a7-%d8%a8%d8%a7%d8%b1%d8%b2%d8%a7%d9%86%db%8c-%d9%be%d8%a7%d8%b1%db%95-%d8%a8%db%86-%d9%86/271879/#comments Thu, 15 Oct 2026 08:20:19 +0000 https://rojnameyaevro.com/ku/?p=271879 سالار محەمەد دۆسكی:

1-5

پێشمەرگەیێ‌ شۆڕشا ئیلۆنێ و زیندانیێ‌ سیاسی، شلیمۆن لاجین عودیشو، ل سالا 1955ێ‌ ل گوندێ‌ دێرجندیێ‌ سەر ب ناحیا فەیدیێ‌ ل باشورێ‌ باژێرێ‌ دهۆكێ‌ ژ دایك بوویە، ئاستێ‌ خواندنێ‌ هەتا قوناغا پێنجێ‌ سەرەتایی تەمام كریە، باپیرێ‌ وی ژ باكورێ‌ كوردستانێ‌ هاتیە دەڤەرێ‌ و دەمێ‌ فەرمانا مەسیحی یا ل سێمێلێ‌ ڕابووین قەستا گوندێ‌ دولبێ‌ كرن، ب فەرمانا عزرا چووینە گوندێ‌ وان و دەست ب چاندنێ‌ كریە، ل سالا 1961 دەمێ‌ شۆڕشا ئیلۆنێ‌ دەستپێكری گوند هاتە بەردان و بتنێ‌ دو مال مانە دناڤ گوندی و ئێك ژوانا مالا شلیمۆن لاجین بوو و مالا دی یا مامێ‌ وی بوو و دووڤدا مالا مامێ‌ وی چوو بەغدا و پاشی مالا شلیمۆن هاتە ڤەگوهاستن بۆ فەیدیێ‌ و پشتی شەرەكێ‌ جڤاكی دناڤبەرا مەلا حەجی مەلو و بریفكیا دا دروست بووی، شلیمۆنی گەهشتە ناڤ رێزێن پێشمەرگێ‌ كوردستانێ‌ ل شێخان و هێزا حسو دولەمەری.
شلیمۆن لاجین عودیشۆ، د دیدارەكێ‌ دا ل گەل بەرپرێ‌ دیرۆكێ‌ بۆ رۆژنامەیا ئەڤرۆ بەحسێ‌ پەیوەندیا خوە ل گەل شۆڕشا مەزنا ئیلۆنێ‌ دكەت و گۆت: برایێ‌ منێ‌ مەزن بنیامێ‌ ل سالا 1961 پەیوەندی ب شۆڕشا ئیلونێ‌ كریە و ل گەل شەهید هورمز مەلك چكو بوویە هەتا رۆژا هاتیە شەهیدكرن و ئەڤە بۆ دەرگەه ل ژیەكێ‌ بچوویك و گەنجاتیێ‌ ئەژی قەستا ناف رێزێن شۆڕشێ‌ بكەم و ببمە پێشمەرگە.
شلیمۆن لاجین عودیشۆ، پێشمەرگەیێ‌ شۆڕشا مەزنا ئیلۆنێ‌ ، بەردەوامی دا گۆتنێن خوە و ئاشكراكر كو دەمێ‌ هندەك عەرەب هاتینە كوشتن گوندێ‌ پێزانین هەبوون كو برایەكێ‌ من ل گەل شۆڕشا مەزنا ئیلۆنێ‌ و ئەگەر ب خێرا مالێن سەیدا قاسم و سەید سەعدون دا گوندێ‌ مە هێـە تۆپبارانكرن، ئاكنجیێن گوندێ‌ مە هەر هەمی مەسیحی بوون، و ل سالا 1961 دو مالێن موسلمان هاتنە گوندێ‌ مە و ئەم نێزیكی 30 مالا بووینە و ژین و ژیارا خەلكێ‌ گوندی ل سەر چاندنێ‌ و خودانكرنا تەرش و كەوالی بوو.
پێشمەرگەیێ‌ شۆڕشا ئیلونێ ئەو ژی گۆت: ل سالا 1967 من قەستا ناف رێزێن پێشمەرگەی كر ل سنورێ‌ هێزا شێخان و چوومە شكەفتێ‌ دەف حسۆ دولەمەری و گۆت هاتیە چێ‌؟ من گۆتێ‌ هاتیم ببمە پێشمەرگە و گەلەك داخاز كر، بزڤرم بەلێ‌ من هەر گۆتێ‌ من دڤێت ببمە پێشمەرگە، عەلی جۆقی، سلۆ خدر و بابە شێخ ل وێرێ‌ بوون و ئەوا داخاز كر بمینم و بكارێ‌ چێكرنا چایێ‌ رابم و ئەز هاتمە وەرگرتن و من چا بۆ دروستكر هەتا سالا1970 بەردەوام بووم ل سەر چێكرنا چایێ‌ ل شكەفتێ‌ و پشتی بەیانا 11ی ئادارێ‌ هاتیە راگەهاندن ئەم هاتینە شێخان و (عەلی جۆقی، عەلی شنگالی) رەوانەكرم بۆ پشكداریكرن د خولەكا ئەندازی یا راكرن و چاندنا مینان دا ل چومان و پشتی پشكداریكرن دخولێ‌ دا كو بۆ ماوێ‌ هەیڤەكێ‌ یا بەردەوام بوو و گەلەك تێدا پشكدار بوون ژ هەمی باژێرێن كوردستانێ‌ هەتا خەلكێ‌ شنگال، بەعشیقە ژی پشكداری تێدا كربوو.
شلیمۆن لاجین عودیشۆ، زێدەتر گۆت: ل سالا 1971 برایێ‌ شەهید (هورمز مەلك چكو)، (گورگیس مەلك چكو) هات و ئەز دیتم و داخاز ژ من كر ببمە زێرەڤانێ‌ ویێ‌ تایبەت، ( گورگیس مەلك چكو) ل سەر داخازا خودێ‌ ژێ‌ رازی (مەلا مستەفا بارزانی) ل جهێ‌ برایێ‌ خوە (هورمز مەلك چكو) بوو سەركردێ‌ بەتەلیونێ‌، بوومە زێرەڤانێ‌ وی و برایێ‌ منێ‌ خودێ‌ ژێ‌ رازی بۆ شوفێرێ‌ (گورگیس مەلك چكو) و مە هاتن و چوون كر و ئەم چووینە چومان و گلالە و بڤێ‌ رێكێ‌ بۆ جارا ئێكێ‌ بوو من رەحمەتی مەلا مستەفا بارزانی دیت و ئەم ب هەیڤان دماینە ل مالا مەلا مستەفا بارزانی، پتریا جاران ژ چارێ‌ ئێڤاری دا ل گەل مە روونتە خوار هەتا 11ی شەڤێ‌ و گەلەك جاران هەمی زێرەڤان چوون و بتنێ‌ ئەز ل گەل ملا مستەفا بارزانی، گورگیس ملك چكو، جەجیس فتحو الله ماین، جەجیس فەتحوللا دبنیات دا خەلكێ‌ وەلاتێ‌ لوبنان بوو و رۆژنامەڤان بوو بزمانێ‌ عەرەبی تاخفت، ل سالا 1972 د.جەجیس فەتحوللا گۆت ئەڤە 50 هزار دینار دێ‌ ل سەر هەژار و نووژەنكرنا دێر و جهێن ئاینی بەلاڤ كەن و ئەم هاتینە باژێرێ‌ دهۆكێ‌ و ئێكەم دێرا مە هاریكاری گەهاندیێ‌ بۆ نووژەنكرنێ‌ دێرا مریم عەزرا بوو ئەڤا دكەفتە تەنشت ئاڤاهیێ‌ ئەمنا بەعسیان، بیرا من دهێت گورگیس مەلك چەكو بناڤێ‌ مەلا مستەفا بارزانی 1000 دینار پێشكێشی دێرا تەنشت ئەمنا بەعسیان كرن، وی دەمی هاشم ئاكرەیی پارێزگارێ‌ دهۆكێ‌ بوو وی ژی 500 دینار هاریكاری پێشكێشی دێرێ‌ كرن، مە هاریكاریا مەلا مستەفا بارزانی ل سەر گوندێن مەسیحیان بەلاڤكر هەر ژ ئامێدیێ‌ هەتا دگەهیتە كانی ماسێ‌ و ئەو پارە دهاتە ڕادەستكرن بۆ دەستێ‌ قەشەی و دهاتە راسپاردن كو هەر كێماسی و پێدڤیەیا دێرێ‌ هەبیت دروست بكەت، هەر دێرەك ل دووف پێدڤیێن خوە پارە پێ‌ هاتە ڕادەستكرن و هندەك دێرا 300 دینار و هندەكا ژی 1000 دینار و بڤی ڕەنگی دیاری یا رەحمەتی مەلا مستەفا بارزانی ل سەر هەمی جهێن ئاینێ‌ مەسیحیان ل دەڤەرا بەهدینان هاتنە بەلاڤەكرن.
هەمان پێشمەرگەیێ‌ شۆڕشا مەزنا ئیلۆنێ‌ ئەو ژی گۆت: داخواز ژ مەترانی هاتەكرن كو پشكداری سمینارەكێ‌ یا گرێدایی ئاینێ‌ مەسیحان ل بەغدا بكەت و پێدڤی یە سەرەدانا وی باژێری بكەت، گورگیس مەلك چكو گۆتە شلیمۆنی نەچە بەغدا و دێ‌ تە دەستەسەركەن، مەتران (ماریا ئالا) گۆت دێ‌ هەر چمە بەغدا و چوو بەغدا مەتران پەیوەندیێن وی ل گەل رەحمەتی مەلا مستەفا بارزانی روح ب روح بوون، مەتران چوو دێرێ‌ و دوڤدا هندەك كەسێن ئەمنێ‌ هاتن و داخواز ژێ‌ كر بچنە دەف (نازم جاج) رازیكرن و برنە دەف و دەمێ‌ سەرەدان بۆ كر قەهەوە ئینان، مەترانی زانی ژەهر دناف قەهوێ‌ دایە گۆت یا من هەر چوو و هەما دێ‌ قەهوێ‌ ڤەخوم و ئێكسەر ڤەخوار و پشتی دەركەفتی گۆتە ئەوێن داخواز كریە وی جهی هەوە هوسا دڤیا؟، من زانی ژەهرا تێدا بەلێ‌ من ڤەخوار وێ‌ رۆژێ‌ ما ل بەغدا و رۆژا دوڤدا هات چوو گوندێ‌ دورێ‌ و رۆژا سیێ‌ هاتە ڤێرێ‌ و مەلا مستەفا بارزانی ئەم داخازكرینە گلالە وی دەمی ترۆمبێل هەتا دێرەلوكێ‌ دچوون و ژ دێرەلوكێ‌ هەتا بارزان ب دەوران و پیا بوو و دەمێ‌ ئەم چووینە بارزان مالا حەجی خالد، و دوڤدا ترۆمبێلێ‌ ئەم چووینە حاجی عومران و دەمژمێر 11 ئەم گەهشتینە حاجی عومران و خودێ‌ ژێ‌ رازی مەلا مستەفا بارزانی یێ‌ ڕاوستیایی بوو و ئەم چووینە دەستی و پێشوازی ل مەكر، و گۆت هەرن شیفێ‌ بخون و لێنانگەهێ‌ وی عەبدوللا بێدهی بوو.

]]> https://rojnameyaevro.com/ku/%d8%a8-%d9%81%db%95%d8%b1%d9%85%d8%a7%d9%86%d8%a7-%d9%85%db%95%d9%84%d8%a7-%d9%85%d8%b3%d8%aa%db%95%d9%81%d8%a7-%d8%a8%d8%a7%d8%b1%d8%b2%d8%a7%d9%86%db%8c-%d9%be%d8%a7%d8%b1%db%95-%d8%a8%db%86-%d9%86/271879/feed/ 0 هەر ل سـالا 1961 هەتا 1975ێ‌ پێنج جـاران گوندێ‌ مە هاتیە وێرانكرن https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af-3/271767/ https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af-3/271767/#comments Wed, 14 Oct 2026 08:23:08 +0000 https://rojnameyaevro.com/ku/?p=271767 هەڤدیتن: رەمەزان دەشتمری/ زاخۆ

4-4

شەڕێ‌ هەرە دژوار كەتە پشتا بانیا گوندێ‌ شاوریكێ‌ و ئەڤی شەڕی هەتا دەمژمێر چواری ئێڤاری بەردەواكر. بەلێ‌ مروڤ وژدانا خوە خراب نەكەت ل ئەوی شەڕی دا خودێ‌ ژێ‌ ڕازی محەمەد ڕەشید ڕۆلەكی ئێكجار مەزن هەبی و ئەوی ب تڤەنگا خوە بەرسینگێ‌ لەشكری گرت و نەهێلا لەشكر ب گەهەیتە ناڤ گوندێ‌ شاوریكێ‌ دا هەتا پێشمەرگە گەهشتی جهێ‌ شەڕی و هەتا محەمەد ڕەشید ب دژواری هاتی بریندار كرن، ئەوی بەرەڤانی ژ گوندی كر و هەر وەسا خێزانا محەمەد ڕەشید خانم فەریدا فیشەك و تەقەمەنی بۆ پێشمەرگەیی دگەهاندنە چەپەرێن پێشمەرگەیی و دناڤ ئەوی شەڕی دا تلیلی ڤەددا و مورالا پێشمەرگەیی دناڤ ئەوی شەڕی دا بلند دكرن، هەر وەسا دەمێ‌ محەمەد ڕەشید هەڤژینێ‌ وێ‌ برینداریوی خانم فەریدا دەستدا چەكا زەلامێ‌ خوە و گوت: ئەز نە فەریدا مە ئەز محەمەد ڕەشیدم و دێ‌ دێ‌ ب تڤەنگا وی شەڕێ‌ دوژمنی كەم . ل هەیڤا نیسانا سالا 1987ی هێرشا لەشكرێ‌ حكومەتا ئیراقێ‌ و دگەل فەوجێن جاشان هیڕشی گوندێ‌ بوتیا ل پشتا باژێڕێ‌ دهوكێ‌ كرن، و ل پشتا بانیا گوندێ‌ باكوزێ‌ پێشمەرگەیی بەرسینگێ‌ ئەڤێ‌ هێرشێ‌ گرتن و تەقێ‌ دەستپێكر و ئەڤێ‌ شەڕی هەر ژ سپێدێ‌ هەتا چواری ئێڤاری ڤەكێشا و هێزا حكومەتا ئیراقێ‌ نەشیا ئارمانجا خوە ب جهـ بینن و ب سەرشوڕی پاشدا زڤڕین و د ئەڤی شەڕی دا سێ‌ چەكدارێن حكومەتا ئیراقێ‌ ب ساخی هاتنە ئێخسیركرن، و چەند جورێن چەكی بونە دەستكەفتیێن پێشمەرگەیی، بەلێ‌ پێشمەرگەیێ‌ قەهرەمان و چاڤنەترس چەتو كوچەر د ئەڤی شەڕی دا هات برینداركرن.
هەر دیسان ل ئێڤاریەكێ‌ شەهید محەمەد شەفیق گازی من و سلێمان و سەعدی عریف سالح كر و گوتە مە خوە بەرهەڤ بكن و ئەم دێ‌ بۆ جهەكێ‌ چین و ئەم بۆ گوندێ‌ زێوكا عەبو هاتین. دەمێ‌ بویە شەڤ مە شیف ل گوندی خوار و ئەم بۆ گوندێ‌ دویلیا هاتین دەمی ئەم نێزیكی جادا سەرەكی بوین مە هندەكا ب زمانێ‌ عەرەبی گازی مەكر و گوتن: ڕاوەستن و خوە ڕادەستی مە بكەن. هەر دەملدەست مە هەر چوار پێشمەرگەیان دەملدەست دەستدانە چەكێن خوە و مەژی تەقە ل ئەوان كرن. پشتی مە بەڕەڤانیەكا باش ژخوە كری و مە ئەو مەفرەزا ئیستخباراتێ‌ پاشڤە چوون و ئەمژی بۆ جهێ‌ ئەوان چوون و بەرێ‌ خوەدایێ‌ ئەوان هەژمارەكا ساجور و نارنجوك ل جهێ‌ خوەدا هێلابون. مەژی ئەو تەقەمەنی هەلگرتن و ب سلامەتی ژ ناڤ ئەوێ‌ بوسەیێ‌ قورتالبون.
هەر وەسا پێشمەرگەیێ‌ شوڕەشا گولانێ‌ شەفیق محەمەد گوت: دەمێ‌ ئەم پێشمەركە ل جەولا بۆ دەڤەرێ‌ دهاتن و یان دەمێ‌ ئەم ل بێهنڤەدانێ‌ تایبەت ل وەرزێ‌ زڤستانێ‌ و ل شەڤبێریێن دگەل هەڤال و كەس و كاراندا من چیڕوكێن فلكلوری دگوتن و مە دەمێن خوە یێن شەڤێن درێژ یێن زڤستانێ‌ دگەل ئەڤان چیڕوك و سوحبەت و سەرهاتیان دبوراندن. ل ڕاستی ل ئەوی دەمی حەزەكا مەزن یامن ل سەر چیڕوك و سەرهاتیێن كوردەواری هەبون بۆ نمونە چیڕۆكا درێژ یا قەمەر زەمان مە بۆ ماوێ‌ چەند شەڤان بۆ هەڤالان دگوتن و دئەوێ‌ چیڕوكێ‌ دا سێ‌ سەد و پێست ناڤ هەبون و نوكە چوار ژ ئەوان ناڤێن د ئەوێ‌ چیڕوكێ‌ دا ل بیرا من نەماینە.
هەر دیسان ل هاڤینا سالا 1987ی ئەم پێشمەرگەیێن لیژنا ناوچا دهوكێ‌ ب سەرپەرشتیا شەهید محەمەد شەفیق سەعدوللا و فەرماندە خالد كوچەر بۆ دەڤەرا گوندێ‌ سەرتەنگێ‌ هاتین و ب چەكا دوشكێ‌ و ب گولەیێن ئاربیجیان مە تەقە ل هەژمارەكا ترومبێن لەشكری كرن و زیانێن گیانی گەهشتنە ئەسكەرێ‌ حكومەتا ئیراقێ‌ و پێشمەرگە ژی د ئەڤێ‌ چالاكیێ‌ دا ب سلامەتی ئەڤ چالاكیە ئەنجامدا. ل پایزا سالا 1986ی ئەم چەند هەڤالێن پێشمەرگە پێكهاتیبون هەر ئێك ژ هەڤال محەمەد شەفیق، زوهەیر بامەرنی، توفیق محێ‌، سلێمان، سەعدی عریف سالح، شەفیق محێ‌ بۆ دەشتا سلێڤانەیا چوین و ب شەڤێ‌ ل بنێ‌ گوندێ‌ تركژا دەربازی جادا گشتی بوین و ل ئەوێ‌ شەڤێ‌ ئەم گەهشتن بۆ گەلیێ‌ گوندێ‌ مێرگەسۆرا و ب ڕۆژێ‌ د ئەوی گەلی دا ل هەشارێ‌ دا ماین و ل دەمێ‌ بویە شەڤ ئەم بۆ گوندێ‌ پەراڤێ‌ هاتین ل نێزیكی پروژێ‌ كومپانیا عەرەبی می چالاكیەك ئەنجامدا و پاشی ئەم بۆ لیژنا ناوچا دهوكێ‌ ب سلامەتی هاتین.
د ئەڤی ماوەیی یێ‌ پێشمەرگایەتیێ‌ دا سێ‌ جاران ئەز دگەل فەرماندە محەمەد خالد بوسەلی بۆ ڕۆژئاڤایێ‌ كوردستانێ‌ چوین. ئەم ژ بارەگایێ‌ لیژنا ناوچا زاخۆ ل حەفتەنینێ‌ بۆ گوندێ‌ سەناتێ‌ هاتین و ل شەڤێ‌ ل تەنگا خەزێ‌ ل ڕویبارێ‌ ئاڤا هیزل دەربازی باكورێ‌ كوردستانێ‌ بوین و هەر ل ئەوێ‌ شەڤێ‌ ئەم بۆ گوندێ‌ جلبیا گەهشتن و ل ئەوێ‌ نهالا دناڤبەرا گوندێ‌ جلبیا و گوندێ‌ بلك ادا ل هەشارێ‌ دا ماین. هەلبەت ل ئەوی دەمێ‌ ڕێكخستیێن پارتی گەلەك هاریكاری و پشتەڤانیا شۆڕشێ‌ دكرن. ل ڕۆژا دیتر بۆ خوارن و هاریكاری ئینان و ب هاریكاریا دەلیلن گوند بۆ گوندی بۆ بەر بنێ‌ چیایێ‌ جودی برن و ب شەڤێ‌ ل نێزیكی گوندێ‌ قەسركا گەلی ل پشتا باژێڕێ‌ جزیرێ‌ برین و ل ڕویبارێ‌ ئاڤا مەزن یاكو دبێژنێ‌ ڕویبارێ‌ دیجلە دەربازكرن. ب شەڤێ‌ ئەم ل تەنشت قەسرا عەلو دینو ماین و ل شەڤادیتر هەر ب ڕێكا هەڤالێن مە یێن ڕیكخسیێن پارتی ل بنێ‌ باژێڕێ‌ مسێبینێ‌ دەربازی سنورێ‌ ڕۆژئاڤایێ‌ كوردستانێ‌ بوین. هەر وەسا ل دەمێ‌ دونیا ل مە دبی شەڤ و ئەم دا ب ڕیكێ‌ چین خودێ‌ ژێ‌ ڕازی فەرماندە محەمەد خالد بوسەلی داب ۆ بێژت: ب هیچ ڕەنگەكێ‌ دەمێ‌ لەشكرێ‌ حكومەتا توركیا تەقێ‌ ل هەوە دكەت ناچێبت هوین بەرسڤا ئەوان بدەن ژبەر ئەم مێهڤانێن واینە و ئاریشەیا مە دگەل لەشكرێ‌ حكومەتا ئیراقێ‌ هەیە و هەر هات و بی شەڕێ‌ سینگ و سینگ ل ئەوی دەمی هەوە مافێ‌ بەرەڤانیكرنێ‌ ژ گیانێ‌ خوە هەیە هوین تەقێ‌ بكەن. پشتی بۆ ماوێ‌ چەند ڕۆژەكان مە چەك و تەقەمەنی هەر ب ئەوێ‌ ڕێكێ‌ ڤە بۆ كوردستانێ‌ هاتین و ئەو چەك و تەقەمەنی مە ڕادەستی بارەگایێ‌ لیژنا ناوچا زاخۆ كرن. مە بەردەوامی دا خزمەتا خوە یا پێشمەرگایەتیێ‌ كو ل ئەوی دەمی ئەز و برایێ‌ خوە شەهید توفیق پێكڤە پێشمەرگبون و دایكا من ل زاخۆ بو.
بەلێ‌ ل سپێدەهیت ڕۆژا 25/8/1988ی ئەز ل بێهنڤەدانێ‌ بوم و ل ئەوی دەمی ل گوندێ‌ پیربلا بوم دەمێ‌ مە زانی حكومەتا ئیراقێ‌ چەكێ‌ كێمیاروی یا ل دەڤەرێ‌ ڕەشاندێ‌ و خەلكێ‌ قەستا سەرسنوران كرن. ئەز ڕابوم و من قەستا گوندێ‌ ئەلانشێ‌ ل گەلیێ‌ پساغا كرن و چوومە مالا پسمامێ‌ خوە دینویێ‌ سۆفی و مە دەستێن زاڕۆكێن ئەوان گرتن و ل ڕاستا گوندێ‌ زێڤیا ئەم ڕادەستی لەشكرێ‌ توركیا بوین. ئەو خەلكێ‌ ئەم ل ئەوی گەلی دا هەژمارا دوازدە هزار كەسالن بون. پشتی بورینا چەند ڕۆژان ل گەلیێ‌ زێڤیادا ماین هەلبەت ل ئەوی ماوەیی لەشكرێ‌ توركیا هەمی ڕۆژان دا بەری ئەوی خەلكی دەنە ئەوێ‌ بەتەنێ‌ و ل بەر ئەوێ‌ هەتاڤێ‌ مینن هەتا كو ئێڤاری دا جارەكادیتر مە بۆ ئەوی گەلی زڤڕینن و ئەڤە ڕەفتارێن لەشكرێ‌ توركیا كو دگەل ئەوی خەلكی دكرن. ب راستی ل پێشچاڤێن مە مە دیتن لەشكرێ‌ توركیا بێرێزی ب ئەوی خەلكی دكرن و گەلەك جاران زەلام ژی دقوتان. ئەوبی پشتی چەند ڕۆژان ترومبێل ئینان و ئەو خەلكە سیاركرن، و بۆ كەمپا چەمێ‌ بەرئاڤا باژێڕێ‌ ئامەدێ‌ برن و مە دەمێ‌ خوە ل ناڤ كەمپێ‌ دا بوراندن.
هەتا سەرهلدانا بهارا سالا 1991ی ب سەربلندی و سەرفرازی ئەم بو هەرێما كوردستانێ‌ هاتین. من جارەكادیتر من دەستدا چەكێ‌ خەباتێ‌ بیمە پێشمەرگە هەتا سالا 2007ی ل دویف بریارا وەزارەتا پێشمەرگەیی ب پلەیا عریف هاتم خانەنشینكرن، بەلێ‌ دێ‌ بۆ دیروكێ‌ بێژم و بلا هەمی خواندەڤان گوهداریێ‌ ل سەر ئەڤێ‌ بێ‌ دادیێ‌ بكەن د ئەڤی ژیێ‌ پێشمەرگایەتیێ‌ دا و دگەل دوو برایێن من شەهیدێن سەنگەری ڕۆژهەلات و ڕۆژئاڤایێ‌ كوردستانێ‌ من شەقاندین ب ئەڤێ‌ پلەیا عریف بێمە خانەنشینكرن، بەلێ‌ زور سوپاس بۆ ڕۆژنامەیا ئەڤرو ب سەرەدانا مالا مە ل گوندێ‌ بالقوسێ‌ داین و ئەڤ دیدارا دیروكی دگەل من سازكرین و ئەڤەژی شانازیە بۆ خزمەت و خەباتا پێشمەرگەیێن قەهرەمان و ماندونەناس و بۆ دیروكێ‌ و نڤشێن نوی ب دەنە دیاركرن و دیروكا مە یا شوڕەشا ئەیلۆنێ‌ و گولانێ‌ د ناڤ گوڤار و پەرتوك و ڕۆژنامەیاندا بهێت تۆماركرن و ئەرشیفكرن و هەر ساخ و سەركەفتی بن.

]]> https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af-3/271767/feed/ 0 هەر ل سـالا 1961 هەتا 1975ێ‌ پێنج جـاران گوندێ‌ مە هاتیە وێرانكرن https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af-2/271594/ https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af-2/271594/#comments Tue, 13 Oct 2026 06:57:48 +0000 https://rojnameyaevro.com/ku/?p=271594 هەڤدیتن: رەمەزان دەشتمری/ زاخۆ

3-4

هەر ل بهارا سالا 1981ی ئەم ل دەڤەرا حەفتەنینێ‌ ل ئەوی گرێ‌ ل هنداڤی بارەگایێ‌ لیژنا ناوچا زاخۆ د ئەركی دا بوین، ل دەمەكێ‌ مە بەرێ‌ خوە دایێ‌ حكومەتا ئیراقێ‌ ب چەكێ‌ توپێن دویرهاڤێژ ئەو دەڤەر تەپبارانكر. د ئەوێ‌ توپبارنكرنێ‌ دا توپەك ل نێزیكی خالا مە یا نوبەداریێ‌ كەفت و د ئەگەرێ‌ دا ساچمەیەكێ‌ گولە توپێ‌ ل ئەڤێ‌ تەنشتا من كەفت و ئەز برینداركرم. من گازێ‌ هەڤالێ‌ خوە موستەفا برایێ‌ محەمەد میرزا كر و گوتێ‌: كاك موستەفا ئەز برنداربیم. ل ئەوی دەمی مە چ پێداوسیتیێن نوشداری نەبین. من بەرێ‌ خوەدایێ‌ هەڤالێ‌ مەكاك موستەفا میرزا شویشەیەكا گولاڤێ‌ ژ بەركا خوە ئیناتەدەر و ب ئەوێ‌ گولاڤێ‌ من برینا لەشێ‌ خوە دەرمانكر و هەر وەسا ئەو پارچا ساچمەیی ژی ژ برینێ‌ دەرخست، هەر ل وێرێ‌ من برینا لاشێ‌ خوە دەرمانكر، ژبەركو مە نیەتەكا سافی یا هەستا كوردینیێ‌ هەبی برینا لاشێ‌ من ب ئەوێ‌ گولاڤێ‌ ساخبی و هەر من هەست ب برینداریێ‌ نەدكر. پێشمەرگەیی دەست ب جەولا كر و خەلكەك زور قەستا ناڤ ڕێزێن پێشمەگەیی كرن و بەرە بەرە ڕێكخراوێن پێشمەرگەیی ل سنورێ‌ لیژنا ناوچا زاخۆ بەرفرەهبوون.
ل مەها ئەیلولا سالا 1980ی ئەم وەك پێشمەرگەیێن ڕێكخراوا شەهید محەمەد سالح ب سەرپەرشتیا فەرماندە محەمەد خالد بوسەلی بۆ دەڤەرێ‌ هاتین و ئێكەم چالاكییا لەشكری كو تێدا پشكداربویم ئەوژی بۆ لێدانا ڕەبیەكا لەشكرێ‌ ئیراقێ‌ ل تەنشتا گوندێ‌ بێرسڤی بو. دەمێ‌ ئەڤ ڕەبیە هاتی ڕاكرن و چەند جورێن چەكی بونە دەستكەفتیێن پێشمەرگەیی ئەوژی توپەكا شێست ملیم و چەكەك بیكەیسی و دگەل تو چەكێن ژ جورێ‌ كلاشینكوف بوون. ل ئەوی دەمی ئاگر بەریو خیڤەتا ڕەبیێ‌ و توپەكا شێست ملیم دبن خیڤەتێ‌ ڤەبوو. پێشمەرگەیێ‌ قەهرەمان و چاڤ نەترس عەبدوللا بوسەلی یێ‌ ناسیار ب چەرو ب لەز دەستا بن ئەوێ‌ خیڤەتێ‌ كر و ئەو توپا شێست ملیم دەستێ‌ خوە ئاڤێتێ‌ و ئیناتەدەرێ‌. لویلیا ئەوێ‌ توپێ‌ گەلەك یا شارهایی بی و دەمێ‌ عەبدوللایێ‌ دەستێ‌ خوە ئاڤیتێ‌ لەیلیا ئەوێ‌ توپێ‌ هەر پێنج تبلێن وی و دگەل كەفا دەستێ‌ وی سۆتن و دەستێ‌ وی مانە ب لویلیا ئەوێ‌ توپێ‌ ڤە. هەر دجهدا شوین دەست و تبلێن عەبدوللایێ‌ ل سەر لویلیا توپێ‌ ڤە مان و بونە نیشان و هندی ئەو توپە مایی دگەل مە نیشانا دەستێ‌ عەبدوللایی ل سەر لویلیا ئەوێ‌ توپێ‌ مابوو. هینگێ‌ ئەم بۆ دەڤەرێ‌ هاتین ل سەرێ‌ هەیڤا یادزە گوندێ‌ سەركو هاتین و پێشمەرگە ل ناڤ گوندێ‌ بەلاڤبوین و هەر مالەكێ‌ دوو پێشمەرگە لێ‌ بونە مێهڤان پشتی مە شیڤخواری و هەر مالەكا پێشمەرگە لێ‌ بویی مێهڤان نانێ‌ تێشتێ‌ و فراڤینێ‌ دناڤ جانتێن پێشمەرگەیی دا بەرهەڤ دكر، و پاشی ئەم ل مالا موختارێ‌ گوندی كۆمبوین و ل ئەوێ‌ شەڤێ‌ نڤستین و ل دەمێ‌ سپێدێ‌ ژ ناڤ گوندێ‌ سەركو دەركەتین و مە قەستا ئەوێ‌ نهالا دناڤبەرا گوندێ‌ سەركو و گوندێ‌ كەبەروكێ‌ دا ل بەر ئاڤا ڕویبارێ‌ دیڤڕویی مە خوەدا هەشارێ‌ و ل وێرێ‌ ماین. دگەل ڕۆژهەلاتنێ‌ مە دەست ب ئاگر هەلكرنێ‌ كر و چا بۆخوە چایێ‌ بەرهەڤ كین و خوارنا تێشتێ‌ خوین. ل ئەوی دوو پێشمەرگەیێن مە ب ناڤێ‌ سەعید و جەمیل بوسەلی ل سەرێ‌ ئەوی گرێ‌ ل هنداڤی مە زێرەڤان بون. مە هند دیت گارزی مە كرن و گوتن ب لەز خوە ئامادە بكەن ئەڤ هێرشا لەشكرێ‌ حكومەتا ئیراقێ‌ دەور و بەرێن مە گرتن. هەر ل ئەوی دەمی فەرماندە محەمەد خالد بوسەلی بڕیاردا و گوت: هەر پێشمەرگەیەك سینگ و سینگ ئەم دێ‌ هێرشی لەشكری كەین و ب تنێ‌ یامە دەستهەلاندە و دەستا بۆ دوژمنی شوڕناكەین. دەمێ‌ پێشمەرگەیی هێرشی لەشكری كری، و پشتی شەڕەكی دژوار لەشكرێ‌ حكومەتا ئیراقێ‌ پاشدا شكەست و پاشدا ب سەرشوڕی زڤرین، و گەلەك زیان گەهشتن لەشكرێ‌ ئیراقێ‌ و چەند جورێن چەكی بونە دەستكەفتیێن پێشمەرگەیی. د ئەڤی شەڕی دا كادرێ‌ ڕێكخراوا مە ب ناڤێ‌ سالح ئەحمەد هات برینداركرن. فەرماندە محەمەد خالد بوسەلی گوتە من شێخ ئەڤی برینداری ڕاكەن و بۆ گوندێ‌ سەركو ببەن و ژ ناڤ ئەڤی شەڕی دویر بكەن. ل ئەوی دەمی ئەز گەلەك ب هێز بون و من ئەو كادرێ‌ بریندار دا پشتا خوە و هەر ل جهێ‌ شەڕی ل ئەوێ‌ نهالا دویڤڕیی و بێ‌ ڕاوەستان ئەز دگەل ئەوی برینداری هەلباسكی ئەوێ‌ بەتەنێ‌ بوم هەتا من بریندار بێ‌ ڕاوەستان چووم هەتا من بۆ ناڤ زیارەتێ‌ گوندێ‌ سەركویی گەهاندی. پاشی مە ئەو بریندار ل تەرەكتورا هاولاتیەكێ‌ سیار كر، و گەهاندە گوندێ‌ چەمكێ‌ دەلا و ئەوبی ب هاریكاریا خەلكێ‌ گوندی ئەو بریندار مە ل دەوارەكا هێستر سیاركر و ل ڕویبارێ‌ ئاڤا خابیری دەربازكر، و مە گەهاند بۆ گوندێ‌ زوراڤا و ل مالا خودێ‌ ژێ‌ ڕازی قاسمێ‌ مەستێ‌ مە ئەو برندار ل مالا وان هێلا و ل وێرێ‌ ژلایێ‌ نوشدارێن شۆڕشێ‌ ڤە چارەسەریا ئەوی هات كرن. ئەوبو پشتی شەڕ ب دوماهیك هاتی پێشمەرگە بۆ بەرئاڤا ڕویبارێ‌ خاربیی هاتن و ل ئەوێ‌ شەڤێ‌ مە قەستا گوندێ‌ پیرەكا كر، و ل ئەوێ‌ شەڤێ‌ ل وێرێ‌ ماین. هەر ل ئەوێ‌ جەولا ئەم دگەل ڕێكخراوا شەهید محەمەد سالح ل دەڤەرێ‌ مە چالاكیەك ژ دژی لەشكرێ‌ حكومەتا ئیراقێ‌ ل دەڤەرا گوندێ‌ بێزهێ‌ ئەنجامدا .
ل دەستپێكا سالا 1983ی ئەز بۆ سنورێ‌ لیژنا ناوچا شێخان هاتم ڤەگوهاستن و ئەركێ‌ مە پێ‌ پێشمەرگایەتیێ‌ كەتە دگەل ڕیكخراوا شەهیدێن ڕكاڤا كو ل ئەوی دەمی فەرماندە محەمەد میرزا میرزا بەرپرسێ‌ ڕێكخراوێ‌ بوو. بۆ دەمێ‌ سالەكێ‌ ئەز ل سنورێ‌ لیژنا ناوچا شێخان مام و ل ئەوی ماوەیی مە پشككداری د چەند چالاكیێن لەشكری دا كر ئەوژی بۆ لێدانا ڕەبیەكا لەشكرێ‌ ئیراقێ‌ ل پشتا گوندێ‌ بانیێ‌ و لێدانا ڕەبیەكا لەشكری ل هنداڤی گوندێ‌ ئیمینكێ‌.
ل دەستپێكا سالا 1985ی ڕێكخراوا مە ئەوا ب ناڤێ‌ شەهیدێن ڕكاڤا بۆ سنورێ‌ لیژنا ناوچا دهوكێ‌ هات ڤەگوهاستن. ل سالا 1985ی ئەم پشكداری ڕزگاركرنا ناحیا مانگێشكێ‌ دا بوین. هەر دیسان ئەم پشكداربووین دگەل دگەل پێشمەرگەیێن لیژنا ناوچا زاخۆ ب توپا هەشتێ‌ دوو ملیم و توپا شێست ملیم یا فەوجا گوندێ‌ مەعەرەبێ‌ ل سەر ڕیكا زاخۆ و باتیفا توپبارانكرن و بۆ دەمێ‌ چەند رۆژكا جادا سەرەكێ‌ هات گرتن.
هەر ل هاڤینا سالا 1985ی ئەم پشكداربوین بۆ لێدا فەوجا گوندێ‌ مەلا عەرەب دا بوین و ل سالا 1985ی دەمێ‌ لێدانا سێ‌ ڕەبیێن لەشكری ل پشتا بانیا گوندێ‌ دێركێ‌ ل دەڤەرا مانگێشكێ‌ ڤە بەلێ‌ ب مخابنیڤە پێشمەرگەیی قەهرەمان و چاڤنەترس سەید محەمەد ئاڤهی هات شەهیدكرن. هەر وەسا خەما ژ هەمیێ‌ مزنتر ئەوبۆ هەڤالێ‌ مە یێ‌ دیتر ب ناڤێ‌ محەمەد بەندی ئەوژی هات شەهیدكرن ئەوبی مە ل شەڤا دوو ل ئەوان ڕەبیان دا و كو ژڤان بو ل رۆژا پێنج شەمبی ببتە زاڤا و داوەتا ئەوی بێت كرن. ڤێجا بەری شەهید ببیت گەلەك یێ‌ كەیف خوەشبوو و گوتبی مە پشتی ئەڤێ‌ داستانێ‌ خوین داخوازكرینە بێن داوەتا من هوین داوەتێ‌ ژی بكەن. بەلێ‌ ب مخابنیڤە نەگەهشت ببت زاڤا هات شەهیدكرن و ب زاڤاتیا خوە شاد نەبوو. پشتی بورینا چەند ماوەیەكی دیتر هەژمارەكا پێشمەرگەیێن لیژنا ناوچا دهوكێ‌ ژبۆ ئەنجامدانا چالاكیەكێ‌ ئەم بۆ ناڤ سەنتەرێ‌ باژێڕێ‌ دهوكێ‌ چوین. ب شەڤێ‌ ئەم بۆ تاخێ‌ (حەیی لعەسكەری) هاتین ب مەرەما دەستەسەركرنا ئەو كەسێن ڕەفیق و ئیستخبارات دەستەسەر بكەین، بەلێ‌ ئەوبی تەقە هاتكرن و ب مە حەسیان و ڕەڤین و خوە ژ ناڤ دەستێن مەدا قورتال كرن، و پشتی تەقەیەكا بیست خولەكێ‌ پێشمەرگە شیا ب سلامەتی ژناڤ باژێڕێ‌ دهوكی ب دەركەڤین و خوە بۆ بارەگایێ‌ لیژنا ناوچا دهوكی ب گەهینن. بیرهاتنەكا دیتر دێ‌ بۆ مێژیێ‌ بێژم ل هاڤینا سالا 1983ی هونەرمەند سەعید گاباری بۆ دەڤەرێ‌ هاتبوو و ل ئەوان گوندان سترانێن شوڕەشگێڕی بۆ خەلكێ‌ ئەوان گوندێن دەڤەرێ‌ دگوتن. ل شەڤا 10/7/1983ی سەعید گاباری ل گوندێ‌ شاوریكێ‌ بو و سپێدێ‌ دگەل ڕۆژهەلاتنێ‌ هێرشەكا مەزن یا لەشكرێ‌ حكومەتا ئیراقێ‌ بۆ گوندێ‌ شاوریكێ‌ ڤەهات ل دەستپێكا ئەڤی شەڕی خودێ‌ ژێ‌ ڕازی محەمەد ڕەشید برایێ‌ حەسەن عەلی خەنجەر و دگەل هەژمارەكا چەكدارێن هێزا بەرگیری مللی یا گوندێ‌ شاوریكێ‌ بەرسینگا ئەڤێ‌ هێرشا لەشكرێ‌ حكومەتا ئێراقێ‌ گرتن، و شەڕی هەری دژوار كەفتە بانیا گوندێ‌ شاوریكێ‌ و حكومەتێ‌ گوندێ‌ شاوریكێ‌ توپبارانكر، هەروەسان هەر ئێكسەر پێشمەرگەیێن ڕێكخراوا شەهید ئەحمەد حاجی حسێن ب سەرپەرشتیا فەرماندە سادق گەلناسكی ژ نهالا گوندێ‌ بروحەجەرا قەستا جهێ‌ شەڕی كرن، وگەهشتن ناڤ گوندی و بەرسینگا لەشكرێ‌ گرتن نەهێلان ب گەهیت ناڤ گوندی ژبەركو نیازا لەشكری ئەوبو گوندێ‌ شاوریكێ‌ ب سوژن. هەر وەسا ل ئەوی دەمی ئەز دگەل كاك محەمەد شەفیق ل گوندێ‌ دەرگەلێ‌ ل بێهنڤەدانێ‌ بوین و ئەمژی ل هانا ئەڤی شەڕی چوین.

]]> https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af-2/271594/feed/ 0 هەر ل سـالا 1961 هەتا 1975ێ‌ پێنج جـاران گوندێ‌ مە هاتە وێرانكرن https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af%db%8e/271392/ https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af%db%8e/271392/#comments Sun, 11 Oct 2026 09:39:09 +0000 https://rojnameyaevro.com/ku/?p=271392 هەڤدیتن: رەمەزان دەشتمری/ زاخۆ

1-4

د دیروكا كوردستانێ‌ دا دەم بۆ دەمی ئەڤ وەلاتە یێ‌ كەفتێە بەر هێرشێن داگیركەران، و زوردارییا ل مللەتێ‌ كورد هاتیەكرن، نەخاسمە ل هەرێما كوردستانێ‌ و گەلەك دەڤەر هاتینە ڕاگوهاستن و ڕەكەز عەرەب ل جهێ‌ ئەوان بنەجه بووینە، و ژ بەرخوەرێ‌ ئەڤێ‌ ئاخا پیروز بۆ خوە برینە و خوارینە وخەلكێ‌ دەڤەرێ‌ ژ جهێ‌ باب و باپیران بێ‌ بەهركربوون.
لەوما شۆڕشێن كوردی ئێك ل دویف ئێكێ‌ ل دەڤەرێن جودا جودا دەستداینە چەكێ‌ خەباتێ‌ ل دژی داگیركەران شوڕەش كرینە. هەكەر بێن و بەرێ‌ خوە ب دەینە شۆڕشا مەزنا ئەیلۆنێ‌ ب سەركردایەتییا بابێ‌ ڕوحی و نەتەوەیی مەلا موستەفا بارزانی، دەمێ‌ شۆڕشا ئەیلونێ‌ ل ڕۆژا 11/9/1961ی ئاگرێ‌ ئەوێ‌ شۆڕشێ‌ هەلبویی، و پێشمەرگەیێن قەهرەمان ب ئەوی چەكێ‌ ل بەردەست بەرسینگا هێزێن لەشكرێ‌ حكومەتا ئیراقێ‌ گرتن و ئاخا كوردستانێ‌ ژ بن پوستالێن داگیركەران رزگاركرن.
هەلبەت دەمێ‌ نسكوییا خیانەتكارییا جەزائیرێ‌ ل شەشی ئادارا سالا 1975ی هاتی مۆركرن. هەر ل پایزا سالا 1975ی حكومەتا ئیراقێ‌ دەست ب راكرن و ڤەگوهاستنا خەلكێ‌ گوندان كرن، و ل سەر مولك و حالێن ئەوان ڕاكرن و ل جهێ‌ گوندێن وان عەرەب ل ژێرییا ئیراقێ‌ ل سەر گوندێن وان ئاكنجیكرن. هەر وەسا دەڤەرێن چیایی ژی لەشكرێ‌ حكومەتا ئیراقێ‌ جهێ‌ بنكە و ئاخورێن خوە لێ‌ دروستكربوون، و خەلكێ‌ دەڤەرێ‌ ژ خێر و خوەشیێن جهێ‌ خوە یێن باب و باپیران بێ‌ بەركربون، دەما ئەم بێن و تەماشەیی دەشتا دوبانێ‌ سلێڤانەیا بكەین حكومەتا ئیراقێ‌ چەند كومەلگەهـ لێ‌ دروستكربوون و نەژاد عەرەب لێ‌ ڤەحەواندن.
ژبۆ هەڤیتنا پێشمەرگەیەكی دێرین و خودان خزمەت و قوربانیدان یێ‌ خەلكێ‌ دەڤەرا دەشتێ‌ مە وەك ڕۆژنامەیا ئەڤرو قەستا گوندێ‌ بالقوسێ‌ ل دەشتا سلێڤایەیان كر، و ئەم بوونە مێهڤانێن ئێك ژ ئەوان پێشمەرگەیێن قەهرەمان ب ئەڤی ئاوایی خوەدا ناسكرن و بەرسڤا پرسیارێن مە دان وگوت: ناڤێ‌ من شەفیق محێ‌ عەمەر یێ‌ ناسیار ب (شێخو بالقوسی) ل هەیڤا ئادارا سالا 1961ی ل گوندێ‌ بالقوسێ‌ سەر ب ناحیا باتێلێ‌ ژدایكبوویمە. وەكی بابێ‌ من بۆ من گۆتی كو ل هەیڤا ئادارا سالا 1961ی كادرێ‌ پارتی دیموكراتی كوردستان خودێ‌ ژێ‌ ڕازی شەفیق محەمەد سەعدوللا بۆ گوندێ‌ مە هات و ل مالا مە بۆ مێهڤان و ژبۆ كارێ‌ ڕێكخستنا پارتی هاتبوو، ل ئەوێ‌ شەڤێ‌ خودێ‌ ئەز دام و هاتم سەر دونیایێ‌ ل ئەوی دەمی ژبەر كو كوردینی گەلەك یاشرین بو لەوما بابێ‌ من ناڤێ‌ من كرە شەفیق و پێ‌ هاتمە ناڤكرن. هەلبەت ل وی دەمی زوربەیا خەلكێ‌ گوندێ‌ بالقوسێ‌ و دگەل گوندێن دەوربەران دناڤ ڕێزێن پارتی دیموكراتی كوردستان دا هاتبوون ڕێكخستن و ڤەژەنا پارتی ل دەڤەرێ‌ بەرفرەه بوو. ئەو بوو ل دەمێ‌ شۆڕشا مەزنا ئەیلولا ل ڕۆژا 11/9/1961ی دەستپێكری و باژێڕێ‌ زاخۆ هاتی ڕزگاركرن. ئەو زەلامێن ڕێكخستی ئەوێن ل گوندی و چەكدار ژئەوان كەسان خودێ‌ ژێ‌ ڕازی بابێ‌ من محێ‌ عەمەر و دگەل مامێ‌ من سەعید بالقوسی و عەبدولغەفار و گەلەك ئەوێن ل ئەوی دەمی چەك هەین وەكی قولەكا پێشمەرگەیی و قەستا ناڤ شۆڕشێ‌ كرن.
هەلبەت ل ئەوی دەمێ‌ بارەگایێ‌ هێزا زاخۆ ب سەركردایەتیا شەهید عیسا سوار ل گەلیێ‌ گوندێ‌ ئەرمشتێ‌ بوو. دەمێ‌ شۆڕشێ‌ دەستپێكری بابێ‌ من و دگەل گوندیێن مە دگەل بەتالیونا فەرماندە سەید عەبوش سلێڤانی ئەركێ‌ ئەوان ل چیایێ‌ بێخێری ل پشتا گوندێ‌ باڤیا بوو، ژبەر ئەوان كاودانان من نەشیا ل قوتابخانێ‌ ب خوینم و پشتی ئەز مەزن بوویم من كارێ‌ مالێ‌ وشڤانداری دكر. وەكی خودێ‌ ژێ‌ ڕازیێ‌ بابێ‌ من گوتی: هەر ل سالا 1961 هەتا 1975ێ‌ پێنج جاران گوندێ‌ مە هاتن وێران كرن، و ئەوژی سێ‌ جاران بدەستێن لەشكرێ‌ حكومەتا ئیراقێ‌ و جاشان هاتیە سۆتن و دوو جاران ژی هاتیە خرابكرن. هەلبەت دەمێ‌ هێرشا لەشكری بۆ گوندی دهات خەلكێ‌ گوندێ‌ بالقوسێ‌ و بۆ ئەوان گوندێن دەوران دهات خەلكێ‌ ئەوان گوندان نەچاردبوون مال و حال و زاڕوكێن خۆە ل ئەوان گەلییان دا دبرن و لێ‌ ئاكنجی دبوون. ل ئەوی دەمی خەلكێ‌ دەڤەرێ‌ دناڤ ئەڤان كاودانان دا دژیان و ل ئەوی ماوەیی ژیانا خوە ل ناڤ گەلی و شكەفتان دا ل بن دەنگێ‌ توپ و فڕوكەیێن جەنگی هاریكاری و پشتەڤانییا شوۆڕشێ‌ دكرن.
دەمێ‌ بەیانا سالا 1970 هاتی ڕاگەهاندن خەلكێ‌ گوندێ‌ باقوسێ‌ هاتن ل سەر گوندی ئاكنجی بوون و دەست ب ژین و ژیانەكا خوەش و بەرختەوەری كرن. دەمێ‌ سالا 1974ی ڕێكەفتنا بەیانا یازدەیی ئادارا سالا 1970ی دناڤبەرا سەركردایەتییا شۆڕشا مەزنا ئەیلولا و حكومەتا ئیراقێ‌ دا تێكچووین جارەكا دیتر شۆڕشێ‌ دەستپێكرەڤە، و خەلكێ‌ گوندێ‌ بالقوسێ‌ نەچاربوون و گوند چولكرن و ئاوارەیی چیایی بوون. دەڤەرا دەشتێ‌ هاتن بەردان و چولكرن، ل ئەوی دەمی مە مالا خوە بۆ گەلیێ‌ ئەرژا دناڤبەرا گوندێ‌ بالقوسێ‌ و گوندێ‌ باڤیا دا بر و ل شكەفتەكێ‌ دا ئاكنجی بوون. حكومەتا ئیراقێ‌ دەڤەر ب چەكێ‌ گران توپباران دكر. پاشی مە مالا خوە بۆ گوندێ‌ هاروینا بر و ل وێرێ‌ ئاكنجی بوون. دەمێ‌ نەكسە ب شۆڕشا ئەیلولێ‌ كەفتی ئەم جارەكا دیتر بۆ گوندێ‌ خوە بالقوسێ‌ هاتین، و ل ئەوی دەمی بابێ‌ من ئەمرێ‌ چوو بوو بەر دۆڤانیا خودێ‌.
ل هەیڤا نیسانا سالا 1975ی حكومەتا ئیراقێ‌ گوندێن ڕاكرن، و ئەم بۆ گوندێ‌ سكرینێ‌ سەر ب ناحیا سەرسینگی ڤەگوهاستن. هینگێ‌ برایێ‌ من عەمەر ژمن مەزنتر بوو مە نەشیا ل گوندێ‌ سكریرنێ‌ دەبارا ژیارا خوە بكەین. خودێ‌ ژێڕازی سەرەدانا ڕێڤەبەرییا ناحیا سەرسینگی كر، داكو ڕازی بیت ئەم مالا خوە ژ گوندێ‌ سكرینێ‌ بۆ باژێرێ‌ دهوكێ‌ ڤەگوهێزن. دەمێ‌ رێڤەبەرێ‌ ناحیێ‌ ڕازیبویی مە مالا خوە بۆ باژێڕێ‌ دهوكێ‌ ڤەگوهاست و هەر ل ئەوێ‌ سالێ‌ حكومەتا ئیراقێ‌ ئەز و برایێ‌ من عەمەر دەستەسەركرین، و نەفیكرن بۆ ژێرییا ئیراقێ‌ هاتینە ڤەگوهاستن، هەر وەسا برایێ‌ من عەمەر بۆ باژیرێ‌ سەماوا برن و ئەز ژی بۆ باژێرێ‌ كەربەلا برم و بۆ ماوێ‌ شەش هەیڤان ل باژێڕ كەربەلا ب تنێ‌ مام. ئەو بوو حكومەتا ئیراقێ‌ بڕیارەك دەرخست كو هەر كەسەكێ‌ بچیتە خزمەتا لەشكریێ‌ دناڤ ڕێزێن لەشكرێ‌ ئیراقێ‌ دا و بۆ ماوێ‌ چوار سالان خزمەتا لەشكریێ‌ بكەت، پشتی هینگێ‌ دێ‌ ب داویا وی یا سەربازی هێت بەردان و ب دوماهی هێت و مادێ‌ نەفیێ‌ ژی ل سەر نامینت.
ل ڤێرێ‌ من خوە كرە ئەز چوومە لەشكریێ‌ و جلكێن لەشكری كرنە بەرخوە. پشتی مەشق و ڕاهینانیێ‌ ل سەربازگەها كەربەلا ب دوماهیك هاتی ئەز بۆ فەوجا سێ‌ ل باكورێ‌ بەسرا هنارتم، ل مەها پێنج سالا 1979ی ئەفسەرەكێ‌ كورد ب ناڤێ‌ میلازم عوەمەر كو خەلكێ‌ باژێڕێ‌ كەركوكێ‌ بو دەستویرنامەیك یا حەفت ڕۆژی بۆ من دروست و گۆتە من شەفیق هەڕە ب گەهە خێزانا خوە ژبەر كو تۆ ب تنێ‌ ل ڤێریی و خیزانا تە ل پارێزگەها دهوكێ‌ نە و نەمینە ل ناڤ ڕیزێن لەشكرێ‌ ئیراقێ‌ دا و قەستا خێزانا خوە بكە.
دەمێ‌ من دەستوری وەرگرتی و ئەز هاتم من بۆ دهوكێ‌ و من قەستا مالێ‌ كر. ئەو بوو من ئەز قەستا ناڤ ڕێزێن شۆڕشا 26ی گولانێ‌ بكەم ل ڕۆژا 1/1/1979ی من خاترا خوە ژ دیكا و خوە برایێن خوە خواستن و ئەز بۆ باژێڕێ‌ زاخۆ هاتم و دگەل هەردوو هەڤالێن خوە رەمەزان بەنستانی و عەبدلجەبار بەنستانی ب شەڤێ‌ ئەم ژ ناڤ باژێرێ‌ زاخۆ دەركەتین، و بۆ گوندێ‌ هەورێزێ‌ چوین و هەر ل ئەوێ‌ شەڤێ‌ ئەم ل تەنگا خەرزێ‌ و ل ڕویبارێ‌ ئاڤا هیزلی دەرباز بو ین و بۆ گوندێ‌ بلكا ل باكەرێ‌ كوردستانێ‌ چوین و ل مالا فەرماندە حەمید شەریف مچولی بون مێهڤان ، بۆ ماوێ‌ هەشت ڕۆژان ل گوندێ‌ بلكا ماین ئەو بوو ب ڕیكا ڕیكخستیێن نهێنی یێن پارتی دیموكراتی كورستان ئەم گوند بۆ گوندی د گەهاندین گەهاندین هەتا ئەم بۆ بارەگایێ‌ سەركردایەتیا دەمكی یا پارتی ل كوماتەیی گەهشتین. ل ئەوی دەمی ئەو كەسێ‌ لەشكربا و قەستا ناڤ ڕیزێن شۆڕشێ‌ كربا سەركردایەتیێ‌ ڕێز لێ‌ دگرت، و هەر وەسا دەمێ‌ ئەم بۆ بارەگایێ‌ كوماتەیی گەهشتین من هەژمارت كو ب تنێ‌ پێنجی و دوو پێشمەرگە ل بارەگایێ‌ كوماتەیی هەبون، و ئەمژێ‌ سێ‌ كەس بوین هەژمارا مە بوونە پێنجی و پێنج پێشمەرگە ل بارەگایێ‌ كوماتی هەبون. پشتی ڤەكولین دگەل مە هاتی كرن و ئەم ژ خێزانێن بەرنیاس بون هەر ئێكسەر وەك پێشمەرگە هاتن وەرگرتن.

]]> https://rojnameyaevro.com/ku/%d9%87%db%95%d8%b1-%d9%84-%d8%b3%d9%80%d8%a7%d9%84%d8%a7-1961-%d9%87%db%95%d8%aa%d8%a7-1975%db%8e%e2%80%8c-%d9%be%db%8e%d9%86%d8%ac-%d8%ac%d9%80%d8%a7%d8%b1%d8%a7%d9%86-%da%af%d9%88%d9%86%d8%af%db%8e/271392/feed/ 0 پشتی چـار سالێن تەناهی و خۆشیێ حوکمەتا ئیراقێ ل سالا ١٩٧٤ ژ سۆزێن خوە لێڤەبوو https://rojnameyaevro.com/ku/%d9%be%d8%b4%d8%aa%db%8c-%da%86%d9%80%d8%a7%d8%b1-%d8%b3%d8%a7%d9%84%db%8e%d9%86-%d8%aa%db%95%d9%86%d8%a7%d9%87%db%8c-%d9%88-%d8%ae%db%86%d8%b4%db%8c%db%8e-%d8%ad%d9%88%da%a9%d9%85%db%95%d8%aa%d8%a7-6/271314/ https://rojnameyaevro.com/ku/%d9%be%d8%b4%d8%aa%db%8c-%da%86%d9%80%d8%a7%d8%b1-%d8%b3%d8%a7%d9%84%db%8e%d9%86-%d8%aa%db%95%d9%86%d8%a7%d9%87%db%8c-%d9%88-%d8%ae%db%86%d8%b4%db%8c%db%8e-%d8%ad%d9%88%da%a9%d9%85%db%95%d8%aa%d8%a7-6/271314/#comments Thu, 08 Oct 2026 06:57:30 +0000 https://rojnameyaevro.com/ku/?p=271314 سێمێل، سالار محەمەد دۆسكی:

9-9

ئێكێ‌ ئێكمالی هات و گۆت ب چ رەنا نابیت هوون ل ڤێرە بن و ئەم ئیناینە مالا خوە و داخ ێزانا وی دەستێ‌ من دەرمان بكەت و هەر هێشتا ئەم ل وێرێ‌ خزمەكێ‌ مە هات زەلامێ‌ خویشكا قادر و سالحی. ئەم ژ وێرێ‌ ژی ئینام و ئەز كت كتە سوپاسی یا گوندێ‌ ئێكمالێ‌ دكەم وی گوندی گەلەك ماندیبوون ب خەلكی ڤە برینە و خانمەك هەبوو بناڤێ‌(مەقبیلا) نوكە ژی یا ساخە و دبێژن یا بێ‌ چارەبووی خودێ‌ ژێ‌ رازی بیت وێ‌ گەلەك هاریكاریا پێشمەرگەی كریە و ئەو نوژدارەكا دروست بوو وێ‌ دەستێ‌ من دەرمانكر، وی دەمی دەرمان هەبوون و زەعیم عەلی بەرپرسێ‌ لەشكریێ‌ دەڤەرێ‌ بوو، ل گەل خودێ‌ ژێ‌ رازی حەمدی بەگ و ل گەل دەستەكا پێشمەرگەی ب هاریكاریا رێكخستنێن نهێنی ل كانی ماسێ‌ چوبوون دەرمانخانا كانی ماسێ‌ شەلاند بوو و دەرمان گەلەك مشەبوون، دەرمان هاتبوونە ڕادەستكرن بۆ بەرپرسێ‌ رێكخراوەكێ‌ ل ئێكمالێ‌ و بەرپرسێ‌ رێكخراوێ‌ هەبوو ل شێلازا و هەر دەمێ‌ پێدڤی پێ‌ هەبا و بریندارەك هەبا چووبا كیش گوندی دەرمانێ‌ حازر بوو و برینا من گولەكێ‌ دەستێ‌ من سمت بوو و گولە د دەستێ‌ من دا نەما بوو و ئەڤە شیانێن خودێ‌ نە و ییێن كەسەكێ‌ دی نە و كی دشێت گولەكێ‌ ل دەستێ‌ وی بكەڤیت و هەستی نەشكێت و ئەڤە بتنێ‌ شیانێن خودێ‌ بووینە و من گوه نەدا برینێ‌ و بوومن دەرمانكر و رۆژا پاشتر هندەك پێشمەرگە هاتن دا من ژ جادا دناڤبەرا ئورمانا و رابینا دەربازكەن و كەمینە جارەكا دی دانابوو و زڤراند مە شێلازا و رۆژا پاشتر ئەم دەربازكرین و ئەم ل توركیا بووین و برایێن من ئەو ل وێرێ‌ بوون و ئەم چووینە توركی و من هەڤال هەبوون و ترۆمبێل بوومە ئینان و هەڤالەكێ‌ من ل ترۆمبێلەكێ‌ سواركرم و ڤەگوهاستمە جێلەمێرگێ‌ و ب شەڤێ‌ ل مالەكێ‌ نوژدار بوومن ئینا و دا دەستێ‌ من دەرمان كەت، و بەرێ‌ خودا برینا من و هەر تەماشەكرێ‌ و گۆتە من مام ئەو نوژدارێ‌ دەستێ‌ تە دەرمان كری نوژدارەكێ‌ گەلەك زیرەك بوو، و برینا تە ساخ بوویە و مەقبیلایێ‌ گەلەك باش دەرمانكر بوو و چ هەودان یان هەر نەخوشیەك نە كەفت بوویێ‌ و گەلەك ب باشی هاتبوو چارەسەكرن، ئەڤە ل سالا 1979ێ‌ بوویە.
هەمان پێشمەرگە گۆتژی: ل سالا 1995 ژی ل گوندێ‌ برجینی ل دەڤەرا دوسكیا بریندار بوویمە و جارا سیێ‌ ئەز ئامر فەوج بووم ل كەپكێ‌ حەمە ئاغای ل وێرێ‌ ژی بریندار بوویمە.
ل دور نەخوشترین رۆژێن ژیانا وی ژی هەمان پێشمەرگە گۆت: ل سالا 1977ێ‌، ئەز و قادر تیلەری ژ زاویتە یا باكورێ‌ كوردستانێ‌ هاتینە دەڤەرا بەرواری یا و مە پوستەك ئینا بوو و ئەم قورتال بووین، و ئەم هاتینە گوندێ‌ هدێنە و زڤستان بوو و بەفر بوو و بەفرەكا گران بوو و چەند رۆژ ئەم ماینە ل وێرێ‌ و مەتەكا مە ل وێرێ‌ بوو و نەهێلا ئەم بچین و ئەم نەچار بووین و مە گۆت دێ‌ چین، سپێدێ‌ گەلەك بەرهەڤیێن مەكرن و نان و گاز و هەر پێدڤیەكێ‌ مرۆڤی پێدڤی پێ‌ هەبیت بوومە بەرهەڤكرن و دانە مە و ئەم چووین و ئەم شارەزابووین لایێ‌ توركیا و بەرامبەر ئاشیتێ‌ و مەدا رێ‌ دناڤبەرا هدێنە و ئورە و ئاشیتێ‌ هەر هەمی یا بناڤۆدەنگە ب بەفرینێ‌ و سارمایێ‌ و ئەم چووین هەتا بوویە دەمژمێر 12ی نیڤرۆ ئەم گەهشتینە كانیا و ژ وێرێ‌ وێ‌ ڤە ئەم چووین و ئەمێ‌ پیەكی ڕادكەین و ئێكی دانین، و گەهشتینە سنوری و هەتا جهێن بێرێن وانژی كو دبێژنێ‌ بێرا حەجی عەمەری، و گەهشتینە وێرێ‌ دونیا بو تاری و چ جاران ئەم نەچووینە ئاشیتێ‌ و مالێن مە ل زاویتە نە و ئەم قولپینە خوارێ‌ و چیا هەمی بەفرە و گەلەك هاتن و چوونا بزحمەتە و هەتا پیەكێ‌ خوە دكەینە تێدا پێ‌ دی ما ل هەوا و هەتا ئەو من تینتەدەرێ‌ ئەزێ‌ تەوارێ‌ دچم وی تینمە دەرێ‌ و هوسا بەفرۆ و باران و گەلەك بزحمەت بوو و قادر گەلەك بێ‌ سەرۆبەر بوو و چوو ناڤ بەفرێ‌ دا و چووم دا بینمە دەرێ‌ گۆت ئەز خلاس ئەز نەشێم بهێم و ئەم ژ خوە بێ‌ هیڤی بووین و مە گۆت ئەم دێ‌ مرین و خلاس و ئەم پیچەكێ‌ ماین و ئەز رابووم و یا بووشەف و من دیت جهێن پستالێن لەشكری ل جهێن بەفرین یا دیار و بەرچاڤە و من پێشتر گۆتێ‌ قادر هلو هێدی هێدا دا دەربازبین ئەوی گۆت ئەز خلاس ئەز نەشێم ئێك پێنگاڤ ب هاڤێژم و ئەز خلاس بووم و تەماشە دكەمێ‌ و جهێ‌ پوستالا دبینم و من گۆتێ‌ قادر ڕابە ئەڤە شین دەوسێن جەندرمانە و ئەم هێدی هێدی چووین ل دووڤ دەوسا پستالان و ئەم نوزانین دێ‌ چینە ناڤ جەندرما یان دێ‌ جینە ناڤ قەرەقولەكێ‌ دا و ئەم ب ج رەنگا نوزانین و بتنێ‌ یامە قورتالكرنا روحێ‌ بوو ژ مرنێ‌ دناڤ بەفرێ‌ دا و بتنێ‌ خودێ‌ هاریكارە و چەكێ‌ مللێ‌ مە و بتنێ‌ خودێ‌ هاریكارە و ئەم ژ خوە بێ‌ هیڤی بوون، و ئەم ماوەكی دەربازبووین و روناهیەك مە دیت و من گۆتێ‌ قادر ئەم دێ‌ چین قەستا ڤێ‌ روناهیێ‌ كەین و ئەم چووینە راستا روناهیێ‌ و مە دیت رویبارەك ژوور دا دهێتە خوارێ‌ و دوڤدا مە دیت رویبارێ‌ ئاشیتێ‌ یە و پرەكە یا دەربازبوونا مرۆڤ و پەزی بوویە و ئەم دەربازبووین و من گۆتێ‌ قادر ئەڤە نە قەرەقولە ئەڤە مالە و ئەم دێ‌ چین ب هیڤیا خودێ‌ ڤە و ئەم پرێ‌ دەربازبووین و ل پەنجەرێ‌ را مە بەرێ‌ خوە دا و مە دەرگەه قوتا و دەرگەه ڤەكر و ئەم دیتین و گەلەك ژ بەر مە عاجز بوون، و ئێكسەر گورێن مە ئێخستن و نەهێلان ئەم گەلەك خوە نێزیكی ئاگری بكەین دا پێن مە سەقەت نەبن و هێدی هێدی پێن مە گەرم بوون و نەیا باش بوو ئێكسەر ژ سەرمایێ‌ پێن خوە گەرم بكەی و دا پێ‌ پیچ نەبن و ناڤێ‌ وی جەمیل بوو و ناڤێ‌ دایكا وی نەهاری بوو و یا بەرنیاس بوو و دوڤدا جەمیل بۆ دوستێ‌ من و ئەم ماین هەتا بوویە سپێدێ‌ و پشتی مە تێشتا خوە خاری ئەم دەربازبووین، و چووینە گوندێ‌ زاویتە ل باكورێ‌ كوردستانێ‌ و بتنێ‌ ئەڤە دەلیڤەكا نەخوش بوو ، ژ چەندین دەلیڤان و گەلكە جاران ئەم تووشی دەلیڤێن نەخوش و بەرتەنگ بووینە.
ل دووماهیێ‌، سدقی تیلەری گۆت: پەیڤا من یا دووماهیێ‌ و مجاملێ‌ ناگەم و ئاخفتنەكا كوردی یا بەربەلاڤ هەیە و دبێژیت پشتی دو كور و كچەكا ئانكو چ نەما، ئەگەر ئەز بێژم غەدرە نەبوویە بەلێ‌ غەدرە یا بووی و یا دبیت ژی بەلێ‌ ئەز بخوە نە ل گەل وێ‌ چەندێ‌ مە بتنێ‌ مرۆڤ یێ‌ مفادار بیت و ئەز نە ل گەل ڤێ‌ بۆچوونێ‌ مە، ئەڤرۆ بلا ڤی گوندی هەمی مفاداربن و ژیانا خەلكێ‌ ڤی گوندی یا خوش بیت و كەیف خوش بن بلا دلێ‌ پێنجا بمینت و یێ‌ نەخوش بیت و ل دەف من پتری گرنگە، داخوازا من ژ خواندەڤان و گەنجێن مە ئەوە دبێژمێ‌ ئەم ب دوماهی هاتین چ باش چ خراب لدوف شیان و زانینا وە مە ئینایە هەتا ئەم گەهشتینە ڤێ‌ پلێ‌ و گەلەكێن وەكی مە ژی چووینە و ئەم ژی دێ‌ چین و ئەڤ مللەتە ئەمانەتێ‌ خودێ‌ یە و بلا ئەڤ ئەمانەتە بهێتە پاراستن. و بلا ئەڤ مللەتە چاڤدێری لێ‌ بهێتەكرن.

]]> https://rojnameyaevro.com/ku/%d9%be%d8%b4%d8%aa%db%8c-%da%86%d9%80%d8%a7%d8%b1-%d8%b3%d8%a7%d9%84%db%8e%d9%86-%d8%aa%db%95%d9%86%d8%a7%d9%87%db%8c-%d9%88-%d8%ae%db%86%d8%b4%db%8c%db%8e-%d8%ad%d9%88%da%a9%d9%85%db%95%d8%aa%d8%a7-6/271314/feed/ 0 ئاڤاکرنا پرەکێ بۆ پێكڤه‌ژیانێ ب ساناهیترە ژ دانانا ئاسته‌نگان بۆ جودابوونێ https://rojnameyaevro.com/ku/%d8%a6%d8%a7%da%a4%d8%a7%da%a9%d8%b1%d9%86%d8%a7-%d9%be%d8%b1%db%95%da%a9%db%8e-%d8%a8%db%86-%d9%be%db%8e%d9%83%da%a4%d9%87%e2%80%8c%da%98%db%8c%d8%a7%d9%86%db%8e-%d8%a8-%d8%b3%d8%a7%d9%86%d8%a7%d9%87/271248/ https://rojnameyaevro.com/ku/%d8%a6%d8%a7%da%a4%d8%a7%da%a9%d8%b1%d9%86%d8%a7-%d9%be%d8%b1%db%95%da%a9%db%8e-%d8%a8%db%86-%d9%be%db%8e%d9%83%da%a4%d9%87%e2%80%8c%da%98%db%8c%d8%a7%d9%86%db%8e-%d8%a8-%d8%b3%d8%a7%d9%86%d8%a7%d9%87/271248/#comments Tue, 06 Oct 2026 22:09:25 +0000 https://rojnameyaevro.com/ku/?p=271248 شاكر ئه‌تروشی:

چالاکڤانەکا بیاڤێ ئافرەتان دیار کر کو خێزان بنەمایێ سەرەکی یێ ئاڤاکرنا جڤاکەکێ ساخلەمە، ژێکڤەبوونا خێزانێ ب تنێ ژمارەیەک نینە ل سەر کاغەزێ، بەلکو تێکدانا هەست و دەروونێ زارۆکان و پێکهاتەیا جڤاکییە و گۆت؛ قەیرانێن دارایی، کاریگەریێن نەدروست یێن سۆشیال میدیایێ و لاوازیا دیالۆکێ بووینە ئەگەرێ پاشڤەچوونا پەیوەندیێن خێزانی.

زهیلا یوسف سلێڤانه‌یی، چالاكڤان د بۆارێ ئافره‌تان دا و ئه‌نداما به‌رێ یا مه‌كته‌با سكرتاریه‌تا ئێكه‌تیا ئافره‌تێن كوردستانێ، د دیداره‌كێ دا بۆ رۆژنامه‌یا ئه‌ڤرۆ دیار كر كو ئه‌گه‌رێن زێده‌بوونا ڕێژه‌یا به‌ردانێ په‌یوه‌ندی ب قه‌یرانێن دارایی، بێكاری، نه‌بوونا ده‌رفه‌تێن كاری و فشارێن ئابووری ڤه‌ هه‌‌نه‌، و ئەڤه‌ دبنه‌ ئه‌گه‌رێ دروستبوونا كێشه‌یێن ناڤ مالێ.
زهیلایێ دیار کر کو بكارئینانا نه‌دروست یا تۆڕێن جڤاكی، سه‌رهلدانا خیانه‌تێن ئه‌لكترونی، هه‌لبژارتنا پێشوه‌خت یا هه‌ڤژینه‌كێ ده‌ستكرد ل تۆڕێن جڤاکی، به‌راوردكرنا ژیانا ڕاسته‌قینه‌ ب وێنه‌یێن ڕۆگه‌ش و خاپینه‌ر، نه‌بوونا تێگه‌هشتن و هشیاریا هزری، لاوازیا قۆناغا دیالۆكێ، نه‌زانینا چاوانیا چاره‌سه‌ركرنا ئاریشه‌یێن خێزانی د ده‌مێ خۆ دا، هه‌روەسا مایتێكرنا كه‌سێن ژ ده‌رڤه‌ی خێزانێ و ده‌ستێوه‌ردانا نه‌گونجایی یا كه‌س و كاران یان هه‌ڤالان دناڤ په‌یوه‌ندیا هه‌ڤژینان دا، هۆكارن بۆ ڤێ چه‌ندێ.
ده‌‌رباره‌ی ڕۆلێ ڕێكخراوێن ئافره‌تان، زهیلایێ دیار کر، ڕێكخراوێن ئافره‌تان شیاینه‌ هەتا راددەکێ ب ئه‌ركێ خۆ ڕاببن، ئەڤە ژی ب رێیا پشكداریکرن د ڤه‌كۆلین و چاڤدێریا ئاماران دا، هەروەسا دابینكرنا ڕاوێژكاریێن ده‌روونی و دادوه‌ری بۆ ژنان و گۆت؛ لێ كارێ وان پتر ل سه‌ر ئاستێ باژێرێن مه‌زن بوویه‌ و پێدڤییه‌‌ پتر بچنه‌ دناڤ ناوچه‌یێن پارێزگه‌هان و گوندان، چونکە کاریگه‌ری و شیانێن وان ژ بۆ گه‌هشتنا ڕاسته‌قینه‌ بۆ چینێن هه‌ژار و كێم ده‌رامه‌ت هێشتا یا سنوورداره‌.
سەبارەت هه‌لویستێ حوكمه‌تێ و حزبان زهیلایێ دیار کر کو حوكمه‌ت ب ڕێیا دادگه‌هێ دامه‌زراوه‌یێن چاڤدێریا خێزانی هنده‌ك کاران جێبەجێ دکەت، لێ پشته‌ڤانیا ئابووری و هاریكاریێن مفا ژێ وەرگرتنێ هێشتا د کێمن، حزب ژی ل جهێ کو ڤێ ئاریشێ بکەنە خەمه‌‌كا جڤاكی یا ڕاسته‌قینه‌ و ب ڕژدی کار بۆ بکەن، زۆر جاران ڤی بابه‌تی ژ بۆ به‌رژه‌وه‌ندیێن سیاسی یان تنێ وەکو ڤه‌كۆلینه‌كێ بكاردئینن و ب هه‌ماهه‌نگیه‌كا به‌‌رفرەهـ و بەردەوام کار بۆ کێمکرنا دیاردا جودابوونێ ناکەن.
چالاکڤانا ئافرەتان دیار کر ژی، كاریگه‌ریا سۆشیال میدیایێ و دروستكرنا وێنه‌یه‌كێ خه‌یالی و زێده‌ڕۆیی د پێشكێشكرنا نموونەیێن ژیانا هه‌ڤپشكدا، مرۆڤی نەچار دكه‌ت كو بێ هیڤی ببیت ژ هه‌ڤژینێ خۆ یێ ڕاسته‌قینه‌‌.
زهیلایێ دیار کر ژی، ئاسانکرنا پەیوەندی و نیاسینێن نەڕاستەقینە دبنە ئەگەرێ پشتگوهـ خستنا ئەركێن خێزانی و گۆت؛ بەری ژن و مێر بڕیارا ژێکڤەبۆنێ و بەردانێ بدەن، پێدڤیە ل سەر مێزەکێ بێدەنگ و بێی ئالیگر کۆم ببن و سەرەدانا ڕاوێژکارەکێ دەروونی یان خێزانی بکەن و گۆت؛ هەموو ئاریشە دگەل ئارامگرتنێ و لێکتێگەهشتنێ دهێنە چارەسەرکرن. خێزان بنەمایێ ئاڤاکرنا جڤاکەکێ ساخلەمە و ژێکڤەبوونا وێ تنێ ژمارەیەک نینە ل سەر کاغەزێ، بەلکو تێکدانا هەست و دەروونێ زارۆکان و پێکهاتەیا جڤاکییە بەری هەر تشتەکی دی.
چالاكڤانا بۆارێ ئافره‌تان زێدەتر گۆت؛ ژ بۆ ڤێ چەندێ، دڤێت هەموو ئالی (تاک، خێزان، ڕێکخراو و حکوومەت، دەزگەهێن راگەهاندنێ) ب ئارمانجەکا نیشتمانی و مرۆڤایەتی بزاڤێ بکەن بۆ پاراستنا پیرۆزیا ڤێ پەیوەندیێ، چونکە ئاڤاکرنا پرەکێ ژ بۆ پێكڤه‌ژیانێ گه‌له‌ك ژ ئاڤاکرنا ئاسته‌نگان ژ بۆ جودابوونێ ب ساناهیتر و پیرۆزتره‌‌.
چالاکڤانێ گۆتژی: بۆ چاره‌سه‌ریا ڤێ چه‌ندێ، پێدڤییه‌ خولێن هشیاریێ بۆ وان گه‌نجێن خێزانێ پێکدئینن بهێنە ڤەکرن، داكو تێگه‌هشتنه‌كا دروست ده‌رباره‌ی ئارمانجا ژیانا هه‌ڤپشك هه‌بیت. هه‌روه‌سا پێدڤییه‌ پشته‌ڤانیا خێزانێن نوو ب ڕێیا دابینكرنا ده‌رفه‌تێن كاری و پالپشتیا دارایی یا حكوومی بهێته‌ کرن، و بهایێن خێزانی ب ڕێیا پرۆگرامێن مۆدێرن یێن په‌روه‌رده‌یی و ڕاگه‌هاندنێ دا بێنه‌ پاراستن.

]]> https://rojnameyaevro.com/ku/%d8%a6%d8%a7%da%a4%d8%a7%da%a9%d8%b1%d9%86%d8%a7-%d9%be%d8%b1%db%95%da%a9%db%8e-%d8%a8%db%86-%d9%be%db%8e%d9%83%da%a4%d9%87%e2%80%8c%da%98%db%8c%d8%a7%d9%86%db%8e-%d8%a8-%d8%b3%d8%a7%d9%86%d8%a7%d9%87/271248/feed/ 0 كـورد ل هه‌نبه‌ر هـه‌ڤڕكییا نـاسنامـه‌یـێ https://rojnameyaevro.com/ku/%d9%83%d9%80%d9%88%d8%b1%d8%af-%d9%84-%d9%87%d9%87%e2%80%8c%d9%86%d8%a8%d9%87%e2%80%8c%d8%b1-%d9%87%d9%80%d9%87%e2%80%8c%da%a4%da%95%d9%83%db%8c%db%8c%d8%a7-%d9%86%d9%80%d8%a7%d8%b3%d9%86%d8%a7%d9%85/271198/ https://rojnameyaevro.com/ku/%d9%83%d9%80%d9%88%d8%b1%d8%af-%d9%84-%d9%87%d9%87%e2%80%8c%d9%86%d8%a8%d9%87%e2%80%8c%d8%b1-%d9%87%d9%80%d9%87%e2%80%8c%da%a4%da%95%d9%83%db%8c%db%8c%d8%a7-%d9%86%d9%80%d8%a7%d8%b3%d9%86%d8%a7%d9%85/271198/#comments Tue, 06 Oct 2026 21:17:48 +0000 https://rojnameyaevro.com/ku/?p=271198  

ئازەر ئاراز

هه‌ڤڕكییا ره‌وشه‌نبیری یا كو گه‌نگه‌شه‌ دكه‌ین، ئه‌و ره‌وشه‌نبیرینه‌ یێن تووشی رەوشه‌نبیریێن گشتگیربووین، ئه‌وێن سیسته‌مێ‌ دكتاتۆری ل سه‌ر یێن دی سه‌پاندی، وه‌كو ره‌وشه‌نبیرییا كوردی یا ژ قووناخێن خواندنێ‌، جاده‌یێ‌، هەتا مزگه‌فتێ‌، ده‌زگه‌هێن راگه‌هاندنێ‌، فه‌رمانگه‌هێن میری… ده‌ستپێدكه‌ت، د ئه‌نجام دا چه‌ند كۆم ده‌ردكه‌ڤن، پتریا خه‌لكی ئازاد و موكر ل دژی رەوشه‌نبیرییا زال خۆرادگرن، كۆما هه‌لپه‌رست و به‌رژه‌وه‌ندخواز یا درووشمێ‌ وێ‌ (كێ‌ دادێ‌ مه‌هركر، هه‌ما بابوویه‌)! ئه‌ڤ كۆمه‌ د به‌رزه‌بوونه‌ك ره‌وشه‌نبیری دایه‌، لێ‌ زیان و كارتێكرنێن وێ‌ كۆمێ‌ ل سه‌ر جڤاكێ‌ دوێرانكه‌رن، ئه‌و كرمێ‌ دارینه‌، هێڤێنێ‌ خرابن!
یا سه‌یر ئه‌وه‌ ل هانده‌ران و ل ده‌مێ‌ نه‌مانا وی سیسته‌می و سه‌رباری گوهۆرینێن مه‌زن و ئازادیا نیمچە رها، لێ‌ هه‌ر كارێتێكرنا پێكهاتی سیسته‌مێ‌ سه‌پاندی د هزرا مه ‌دا دمینیت، و ل سه‌ر شێوازێ‌ وێ‌ تێكدان و مانده‌لكرنێ‌ سه‌ره‌ده‌ریێ‌ ل گه‌ل هه‌ڤدو دكه‌ین، هەتاكو ل وه‌لاتێن ئازاد (ئەورۆپا و ئەمەریکا) و دووره‌ده‌ستێ‌ داگیركه‌ران زارۆیێن خۆ ب ناڤێن داگیركه‌ری ناڤدكه‌ین و فێری زمانێ‌ وان دكه‌ین!
ده‌مێ‌ دانپێدانكرن و رێزلێنان ل داهێنه‌ر و به‌هره‌مه‌ندێ‌ كورد وه‌كو كورد دهێته‌كرن، هینگێ‌ دبیته‌ قوربانیێ‌ ناسنامه‌ییا نه‌ته‌وه‌یی د به‌رژه‌وه‌ندا ناسنامه‌یا سه‌پاندی یان بده‌ستڤه‌ئینای دا، ئانكو ده‌مێ‌ داهێنه‌رێ‌ كورد خۆ ب كورد دده‌ته‌ نیاسین، تووشی جۆره‌ها فشاران دبیت! ئه‌ڤ هه‌ستدارییه‌ ژ ناخی هه‌ر داهێنه‌ره‌كێ‌ كورد د هه‌ر واره‌كی دا دخۆت، كو بوویه‌ ئه‌گه‌رێ‌ گرتن، ئه‌شكه‌نجه‌دان، دویرئێخستن.. هەتا دگه‌هیته‌ كوشتن و تیرۆركرنێ‌ وه‌كو (ئەحمەد موختار جاف، مووسا عه‌نته‌ر، مه‌لا جه‌میلێ‌ رۆژبه‌یانی، سالح یوسفی، مه‌عشۆقێ‌ غه‌زنه‌وی (شێخێ‌ جانگۆرییان)…، ب باشترین حال تووشی هه‌ڕه‌شه‌ و مانده‌لكرنێ‌ دبیت ژ نێزیكترین هه‌ڤال و هه‌ڤپیشه‌یێن خۆ، ئانكو تاكێ‌ كورد هه‌رده‌ما ناسنامه‌یا خۆ یا نه‌ته‌وه‌یی ئاشكراكر، هه‌می تشت لێ‌ وه‌رگه‌ڕیا هەتاكو كوردێن سه‌ر ب پارت و كۆم و رێكخراوێن ئیسلامی ڤه‌، نابیت وه‌ك كورد سه‌ره‌ده‌ریێ‌ بكه‌ن، لێ‌ بۆ هه‌می ملله‌تێن دی ره‌وایه‌!
تركی كێشه‌ یا تراژیدییه‌، نه‌تنێ‌ نڤێسه‌ر و هونه‌رمه‌ند به‌لكو مێوه‌ و كه‌سكاتی فرۆش، ڤیابیت ب كوردی نه‌په‌یڤیت، پێگۆتنا شوینیێ‌ و سترانگۆتنا شاهیێ‌ ب كوردی تاوانه‌، ب فه‌رمانا ده‌وله‌تێ‌ تاوانا جوداخوازیێ‌ و تێكدانا ئێمناهییا نیشتیمانی.. له‌و گرتن و ئه‌شكه‌نجه‌ و كوشتن سزایه‌، تاكو پۆلیسه‌ك دشێت پشكنینا هه‌ر ماله‌كا كوردان بكه‌ت و ناڤمالیێ‌ تێكبده‌ت، ب به‌هانه‌یا ده‌نگێ‌ سترانه‌كا كوردی ژێ‌ هاتییه‌ بهیستن! دا پێكڤه‌ ل كاودان و ره‌وشا هنده‌ك داهێنه‌رێن كوردێن ناسنامه‌یا خۆ ئاشكراكرین بنێرن، كا ده‌وله‌تێ‌ ب فه‌رمی و خه‌لكی چاوا سه‌ره‌ده‌ری ل گه‌ل كریه‌، و ئه‌ڤ سه‌ره‌ده‌رییه‌ به‌رهه‌می چ دژوارە رەش هزره‌!؟
1- یه‌لـماز گۆنه‌ی: ناڤدارترین سینه‌ماكارێ‌ كورده‌، ل سالا 1982ێ‌ خه‌لاتێ‌ (تایێ‌ زێرین) ل فیستڤالا كان یا فره‌نسی ب ناڤێ‌ تركی نه‌ كوردستانێ‌ وه‌رگرت، پشتی مرنا وی ل فره‌نسا ب مه‌هوه‌شه‌كا كوردی هاته‌ تانجكرن! د ده‌مه‌كی دا ده‌وله‌تا ترك مافێ‌ وەلاتیبوونێ‌ ژێ‌ ستاندبوو.
2- یه‌شار كه‌مال: رۆماننڤیسێ‌ كوردێ‌ – تركبووی، به‌ربژارێ‌ هه‌رده‌میێ‌ خه‌لاتێ‌ نۆبلێ‌، ئه‌وێ‌ وه‌غه‌ركری بێی وه‌رگریت، من گرتی ئه‌وی خه‌لاتێ‌ نۆبلێ‌ وه‌رگرتبا، ئه‌رێ‌ وه‌كو نڤیسه‌ره‌كێ‌ كورد یان ترك دا هێته‌ پۆلینكرن؟ هه‌لبه‌ت دا وه‌كو ترك هێته‌ پۆلینكرن، هه‌روه‌كو ل سالا 1978خه‌لاتێ‌ باشترین نڤێسه‌رێ‌ بیانی بناڤێ‌ تركی ل فره‌نسا وه‌رگرتی.
3- ئه‌حمه‌د كایا: د وارێ‌ سترانێ‌ دایه‌، لێ‌ ئه‌ڤه‌ ژ یه‌شار و گونای و گه‌له‌ك داهێنه‌ر و ناڤدارێن كورد جودایه‌، بابه‌ت د شێوه‌یێ‌ ئاشكراكرنا وی دایه‌ بۆ ناسنامه‌یا خۆ یا نه‌ته‌وه‌یی و كارڤه‌دانا وێ‌ ل سه‌ر یێ‌ دی یێ‌ نه‌كورد! ئه‌وا ژیان و جهـ لێ‌ سه‌روبنكرین، ئه‌وی ل سالا 1999 بڕیاردا ئێكه‌م ئه‌لبۆما خۆ ب زمانێ‌ كوردی ده‌ربێخیت، ل ده‌مێ‌ وه‌رگرتنا خه‌لاتێ‌ مۆزیكژه‌نێ‌ سالێ‌ ژ كه‌نالێ‌ شۆ، ئه‌وی راگه‌هاند كو دێ‌ ئه‌لبۆما خۆ ب زمانێ‌ كوردی ده‌رئێخیت، ئه‌وی ل پێش هه‌ڤپیشه‌یێن خۆ یێن هونه‌رمه‌ند ب خۆشی و بشكورین ڤه‌ گۆت!.
لێ‌ پشتی چه‌ند خۆله‌كێن بێده‌نگییا گوهشی و هێش كایا ل سه‌ر خوانه‌یێ‌/ ستێج/، هه‌ڤالێن وی هه‌ره‌شه‌ ل سه‌ركرن و داخوازا ده‌رئێخستنا وی ژ هۆلێ‌ و وه‌لاتی كرن، به‌لكو ژ كه‌رب و دژاتییا وی ده‌ست ب گۆتنا سروودا نه‌ته‌وه‌ییا تركی كرن!
كایای خه‌لات دانا و ب زێره‌ڤانییا پۆلیسان بۆ دادگه‌هێ‌ هاته‌ هاژۆتن، دا ب شه‌ش هه‌یڤان ب تاوانا نفشپه‌رێسیێ‌ و جوداخوازیێ‌ بهێته‌ سزادان. ئه‌وێ‌ ب نه‌چاری به‌ره‌ڤ هانده‌ران راته‌قیایی، دا ل نێزیك یەلماز گۆنای ل كۆڕستانا مه‌زنان (Pere-Lachaise / پیرلاشیز) ل پاریس بهێته‌ ڤه‌شارتن.
4- مالفا: دا ژ سینه‌ما و رۆمان و سترانێ‌ به‌ره ب هونه‌رێ‌ شێوه‌كاری ڤە بچین، هونه‌رمه‌ندێ‌ جیهانی عومه‌ر حه‌مدی یێ‌ ب (مالفا) به‌رنیاس، ئه‌وێ‌ وەغەر ژ حه‌سه‌كێ‌ دەستپێکری، ئێک ژ باشترین ده‌هـ نیگاركێشێن جیهانییه‌، سه‌رۆكاتییا لیژنا (گالیری ئارت فورم) یا هونه‌رێ‌ هه‌ڤچه‌رخ ل ڤییه‌ننا دكر، تابلۆیێن وی ب بوهایێن گران هاتنه‌ فرۆشتن، لێ‌ ئه‌و دهێته‌ نیاسین ب هونه‌رمه‌نده‌كێ‌ نه‌مسایی یێ‌ بنیات سووری، و سووریا ب (کۆمارا ئەرەبییا سووری) دهێتە نیاسین.
5- به‌همه‌نێ‌ قوبادی: ده‌رهێنه‌رێ‌ رژد كو ب كورد بهێته‌ نیاسین و گازیكرن، ئه‌و باشترین ده‌رهێنه‌رێ‌ كورده‌، ل ئیتالیا داخوازا سه‌رخۆبوونا كوردستانێ‌ كر، نها چوونا وی بۆ ناڤ ئیرانێ‌ قه‌ده‌غه‌یه‌.
6- دلشاد مەریوانی: چنکو زارۆکێن سلێمانیێ فێری رێزمان و رێنڤیسا لاتینی دکرن، ئیراقێ بێسەروشوین کر.
7- د. جەمال نەبەز: زانایێ ناڤدارێ کورد ل سالا 1953، چنکو ل دواناڤەندییا هەولێرێ وانە ب زمانێ کوردی بۆ خویندکاران دگۆتن، هاتە دوورئێخستن بۆ باژارۆکێ زوبێر ل بەسرا.
خویندکارێن زانکۆیا سلێمانیێ د خۆنیشادانەکا مەزن دا، داخوازا خواندنێ ب زمانێ کوردی کر، لەورا چەندین خویندکار هاتنە جانگۆریکرن و ل سالێن هەشتێیان زانکۆیا سلێمانیێ ڤەگوهاستنە هەولێرێ و ناڤێ وێ کرنە زانکۆیا سەلاحەددین.

]]> https://rojnameyaevro.com/ku/%d9%83%d9%80%d9%88%d8%b1%d8%af-%d9%84-%d9%87%d9%87%e2%80%8c%d9%86%d8%a8%d9%87%e2%80%8c%d8%b1-%d9%87%d9%80%d9%87%e2%80%8c%da%a4%da%95%d9%83%db%8c%db%8c%d8%a7-%d9%86%d9%80%d8%a7%d8%b3%d9%86%d8%a7%d9%85/271198/feed/ 0 پشتی چـار سالێن تەناهی و خۆشیێ حوکمەتا ئیراقێ ل سالا ١٩٧٤ ژ سۆزێن خوە لێڤەبوو https://rojnameyaevro.com/ku/%d9%be%d8%b4%d8%aa%db%8c-%da%86%d9%80%d8%a7%d8%b1-%d8%b3%d8%a7%d9%84%db%8e%d9%86-%d8%aa%db%95%d9%86%d8%a7%d9%87%db%8c-%d9%88-%d8%ae%db%86%d8%b4%db%8c%db%8e-%d8%ad%d9%88%da%a9%d9%85%db%95%d8%aa%d8%a7-5/271184/ https://rojnameyaevro.com/ku/%d9%be%d8%b4%d8%aa%db%8c-%da%86%d9%80%d8%a7%d8%b1-%d8%b3%d8%a7%d9%84%db%8e%d9%86-%d8%aa%db%95%d9%86%d8%a7%d9%87%db%8c-%d9%88-%d8%ae%db%86%d8%b4%db%8c%db%8e-%d8%ad%d9%88%da%a9%d9%85%db%95%d8%aa%d8%a7-5/271184/#comments Tue, 06 Oct 2026 21:02:05 +0000 https://rojnameyaevro.com/ku/?p=271184  

سێمێل، سالار محەمەد دۆسكی:

8-9

دەنگێ‌ شڤان پەروەری ل سەر دیاربەكرێ‌ را چوو و تشتەكێ‌ نورمال بوو و ل دەسپێكێ‌ دەمێ‌ ئەم چووین و ئەگەر ئێكی ناڤێ‌ شڤانی گۆتبا دا بەن و كاودانێن خەلكی گەلەك باش بوون و ئەو بوو سەرهلدان دروست بوو و هەڤالان گۆتن خوە بەرهەڤ بكەن و ئەگەر پێدڤی پێ‌ بوون وئەم دێ‌ چینە كوردستانێ‌، جەنابێ‌ سەرۆكی گازیكر گۆت بلا بهێن و ئەو مرۆڤێن مە ئەوێن دیاربەكر گۆت توناچی و راستی هێشتا ئەز بەرپرسێ‌ كەمپێ‌ ژی نەبووم و موختار بووم و ل قەرەقول و میتێ‌ یێ‌ بەرنیاس بووم و من هاریكاریا هەمیان دكر، و خەلك نیاسی و توركان ژی گەلەك رێز ل مەدگرت و ئەز مام و دوڤدا من هەستكر بهێم دیسا سەفین دزەی وی دەمی بەرپرسێ‌ مەكتبا پارتی دیموكراتی كوردستان بوو ل ئەنقرە ئەوی نەهێلا بهێم و من گۆتێ‌ كاك سەفین شەرم دكەم نەچم و رەنگە خەلك پاشی هزر بكەت كو من دڤیا بچمە دەرڤە لەوما نە چوویمە كوردستانێ‌ و من گۆتێ‌ شەرم دكەن، گۆت نەخێر نێچیرڤان ل سەرسنگێ‌ یە و فازل میرانی بەرپرسێ‌ بەرەی كوردستانی یە ل دهۆكێ‌ و دێ‌ كاغەزەكێ‌ پاشی بۆ ئێك ژوانا نڤیسم و دێ‌ بێژم من هێلایە ل وێرێ‌ و ئەز هێلامە ل وێرێ‌ و جارەكێ‌ سەفین پەیوەندی كر و گۆت ئەز و والیێ‌ دیاربەكر دێ‌ سەرەدانا هەوە كەین و مە پێشوازی یا وان كر و قەدرێ‌ وان گرت و زارۆكا گول دانێ‌ و د.كەمال كەركووكی و شاندەكێ‌ پەرلەمانێ‌ كوردستانێ‌ سەرەدانا مە كر و سالا 1993 هاتمە كوردستانێ‌ و من چەند زارۆك هەبوون، و من ناڤێن كوردی دانە سەر (نێچیرڤان، زێرەڤان، مەلەڤان، كامیران، بارزان، مژەدەڤان) دەمێ‌ هاتیمە كوردستانێ‌ ئەحمەد مكائیل هەبوو بەرپرسێ‌ نڤێسینگەها پارتی دیموكراتی كوردستان بوو ل دیاربەكرێ‌ وی ژی دیت من خوە وەستاند چونكە خەلكێ‌ مە هەمی نەیێ‌ خراب بوو و گۆتنەكا هەی دبێژیت شولكەرێ‌ خوە بە خوشتڤیێ‌ خەلكی بە و كارێ‌ خوە بكە دێ‌ ل بەر خەلكی ژی شرین بی و بەرامبەر هندەك خەلك ژی هەنە دحەسیدن و ئەوا بخوە شیان نین نەڤێن مرۆڤ ژی چ بكەت و ئەڤە یا بەربەلاڤە، سەفین دزەی ب فاكسێ‌ كاغەزەك ل سەر من بۆ كاك فازل میرانی هنارتە باژێرێ‌ دهۆكێ‌ شەسەد و نوت و تشتەك خێزان ل دیاربەكر مابوون و ئەو ژی ل ترۆمبێلا سوار بوون و پاسەك بتنێ‌ بوومن ما و مالەكا دی ژی هاتە ل گەل من و حەفت تێلەڤزیونێن توركیا هاتن و دیدارێن رۆژنامەڤانی ل گەل من ئەنجامدان و رۆژانەمە و ڕادیو و پرسیاركر بۆچی هوون هاتن و بۆچی دێ‌ چن و حوكمەتا توركیا چەند قەدرێ‌ هەوە گرت؟ هەر هەمان شەڤ ئەو دەنگ و باس هاتنە بەلاڤەكرن، و من گۆتێ‌ سەدام حسێنی كێمیا هاڤێتە مللەتێ‌ مە و من گۆتێ‌ ئەم هاتینە دەولەتا موسلمانا توركیا و ئەم هاتینە دەڤەرەكا كوردنشین ئەو ژی دیاربەكرە و سوپاسی ڤە سەرۆك كوماری دەرگەهێن سنوری بوومە ڤەكرن، و ئەم سوپاسیا سەرۆك كۆماری دكەین و هەتا هەتایێ‌ سوپاسیا خەلكێ‌ دیاربەكر دكەین هەر ژ بچوویكی هەتا مەزنی و دەمێ‌ دەرگەهێن خوە بوومە ڤەكرین و هند رێز و قیمەت داینە مە و پشتەڤانیا خەلكێ‌ مەكرین بێ‌ جوداهی و سوپاسیا خەلكێ‌ مێردینێ‌ و موشێ‌ و قزرتەپە ژی دكەین و هەمی كوردستانا توركیا و تایبەت دیاربەكر، و هوسا هاتە بەلاڤەكرن و مە خواترا خوە خواست و خەلك هاتنە براهیم خەلیل بەراهی یا مە و هاتمە گەڤەركێ‌ و چەند رۆژەك دەرباز بوون چوومە دەف فازل میرانی و گازی من كر، و رەشید كورەماركی سكرتێر بوو و ئێڤار بوو و جامێری گەلەك قەدرێ‌ من گرت و كاغەزا سەفینی من داڤێ‌ وی دەمی دو كاغەز نڤێسین ئێك بو بەرەی كوردستانی و ئێك بۆ حەبیب كەلەش بەرپرسێ‌ دارایی بوو ل لقێ‌ ئێك یا پارتی دیموكراتی كوردستان و گۆت مام كا تە چ كار ڤێت دێ‌ دەینە تە من گۆتێ‌ جارێ‌ ئەم شنی هاتینە و ئەم هاتین چووین مە گوندێ‌ خوە ئاڤاكر و پاشی شەرێن ناڤخویی دروست بوون و ماوەكی سەر ب لژنا دهۆكێ‌ ڤە بووم و پاشی بوومە معان و ئامر فەوج ل لگەل لیوا 19 سەربەست تروانشی ئامر لیوایێ‌ مە بوو و دووڤ دا ماوەكی بوری كرمە ئامر فەوج ل پێشابیرێ‌ و ماوەك پێڤە چوو بوومە ئامر بەتلیۆن و ماوەكێ‌ دی دەربازبوو هاتمە ڤەگوهاستن بۆ دهۆكێ‌ بوومە ئەندامێ‌ هێزێ‌ و ماوەكێ‌ دی دەربازبوو ئەز هاتمە ڤەگوهاستن بۆ زاویتە و دوڤدا بوومە ئەندامێ‌ هێزێ‌ و بەرپرسێ‌ دیڤچوونێ‌ یێ‌ لەشكری بووم، 2011 هاتمە خانەنشینكرن و مە پوست وەرگرتین و سێ‌ جاران بریندار بوویمە، ل سالا 1979ل توركیا ئەز و برایەكێ‌ خوە و قادرێ‌ برایێ‌ سالحی و مە ندەك كار هەبوون و هندەك پێدڤیان ژی بۆ مال ب بەین و مە پوستەك ژی ژ دەف عەلی عوبەیدوللا مایی ئینا بوو ئەم ل سنوری دەربازبووین ل دەف جادا بێگوڤا ئەوا دچیت بۆ كانی ماسێ‌ كەمینە هاتبوو دانان و ئەم نێزیك ئێك بووین و ئەوا دەینەكر و مە ژی دەینەكر و ئەم بن زڤرین و دەربازبووین ل چیایێ‌ گامێركی دەڤەرا بەرواری یا خانیەكێ‌ شڤانا بوو و درەنگی شەڤێ‌ بوو و باران و بەفر بوو و ئەم چووینە وێرێ‌ و ئەم وەستیای بووین و باران و بەفر بوو و سپێدێ‌ برایێ‌ من زێرەڤان بوو و چوو ئاڤ ئینا و گۆت رابنە ڤە تێشتێ‌ بخون و مە تێشت دانا بەرخوە دەنگێ‌ فرۆكا هات و من بەرێ‌ خوە دایێ‌ چەند فرۆكە ب سەركەفتن و مە تێشت هێلا و مە ساجورێن خوە هەلگرتن و مە تەماشەكرێ‌ فرۆكە هاتن و راستا گوندێ‌ خانكێ‌ هندەك پێشمەرگە دیتن و پێڤە مژوویل بوون و دو فرۆكە راست هاتنە مە و دورمە زڤرین و مغاویر بەردانە خوارێ‌ و ئەڤە سالا 1979ێ‌ بە، شیانێن كەسەكێ‌ دا نینە بڤی رەنی قورتال بیت و بتنێ‌ ئەڤە شیانێن خودێ‌ نە و گازیكرن و ب دەستی دگۆت خوە رادەست بكەن مادێ‌ كیڤە چن؟، هەر چەوا بیت و گولەك ب من كەفت و ب وێ‌ برینێ‌ ڤە چووم و دەربازبووم و فرۆكە هنداڤی سەرێ‌ مە دهاتن و بەفرو و گەلەك نەخوش بوو و مە خوە ل تەحتێن هێسێ‌ دا ل چیایێ‌ مەتینی هەتا بوویە مەغرەب و تاری ئەم شنی چووینە ناڤ مێلخاجیا بووین وی دەمی گەلەك دلسوز هەبوون خەلكێ‌ گوندان و هەر ئێڤاری قەستا دەردورێن گوندا دكرن كا كیش پێشمەرگە دێ‌ ژ كیش ئالی ڤە هێت دا ببتە مالا خوە نانەكی بدەتێ‌ و من دوست هەبوون ل وی گوندی و هەر ئێڤاری ب وێ‌ برینێ‌ ڤە ئەم چووینە وێرێ‌ و من گۆت دێ‌ نانەكی خوین و دەستێ‌ خوە دەرمان كەین.

]]> https://rojnameyaevro.com/ku/%d9%be%d8%b4%d8%aa%db%8c-%da%86%d9%80%d8%a7%d8%b1-%d8%b3%d8%a7%d9%84%db%8e%d9%86-%d8%aa%db%95%d9%86%d8%a7%d9%87%db%8c-%d9%88-%d8%ae%db%86%d8%b4%db%8c%db%8e-%d8%ad%d9%88%da%a9%d9%85%db%95%d8%aa%d8%a7-5/271184/feed/ 0 یارییێن ئه‌لكترۆنی كاریگه‌رییێن نه‌رێنی ل سه‌ر زاڕۆكان هه‌نه‌ https://rojnameyaevro.com/ku/%db%8c%d8%a7%d8%b1%db%8c%db%8c%db%8e%d9%86-%d8%a6%d9%87%e2%80%8c%d9%84%d9%83%d8%aa%d8%b1%db%86%d9%86%db%8c-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%db%8c%db%8e%d9%86-%d9%86%d9%87/271004/ https://rojnameyaevro.com/ku/%db%8c%d8%a7%d8%b1%db%8c%db%8c%db%8e%d9%86-%d8%a6%d9%87%e2%80%8c%d9%84%d9%83%d8%aa%d8%b1%db%86%d9%86%db%8c-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%db%8c%db%8e%d9%86-%d9%86%d9%87/271004/#comments Mon, 05 Oct 2026 10:19:29 +0000 https://rojnameyaevro.com/ku/?p=271004 هه‌ولێر، قائید میرۆ:

مامۆستایه‌كا زانكۆیێ هۆشداریێ لدۆر مه‌ترسیێن یاریێن ئه‌لكترۆنی دده‌ت و ئاشكرا كر، یاریێن ئه‌لكترۆنی بووینه‌ مه‌ترسیه‌كا مه‌زن لسه‌ر زارۆكان و چه‌ندین تاوان دهێنه‌ ئه‌نجامدان ژ ئه‌گه‌رێ زارڤه‌كرنا دیمه‌نێن ناڤا یاریێن ئه‌لكترۆنی و گۆت؛ هنده‌ك زه‌لام بناڤێ زارۆكان دهێنه‌ دناڤ ئه‌ڤان یاریان و دگه‌ل زارۆكێن خه‌لكی ب بهانه‌یا یاریێ داخوازا تشتێن نهێنی یێن دایك و بابان ژ زارۆكان دكه‌ن.

دلان ئیسماعیل، مامۆستایا زانكۆیێ د دیدارەکێ دا بۆ رۆژنامەیا ئه‌ڤرۆ دیار كر، یاریێن ئه‌لكترۆنی ژ ئه‌گه‌رێ وان گرافیكێن ناڤدا بشێوه‌یه‌كی هاتینه‌ چێكرن، زارۆك و سنێله‌ پێڤه‌ دهێنه‌ گرێدان و ئالۆده‌ی ئه‌ڤان جورێن یاریان دبن، بتایبه‌تی هنده‌ك یارییێن ئه‌لكترۆنی هه‌نه‌ زۆر د مه‌ترسیدارن بۆ سه‌ر ژیانا زارۆكی و پاشه‌ڕۆژا وان و گۆت؛ چونكه‌ هنده‌ك یاری هه‌نه‌ خوین تێدا نینه به‌رۆڤاژی یاری هه‌نه‌ ده‌مێ زارۆك ئه‌ڤێ یاریێ ئه‌نجام دده‌ت و كه‌سه‌كی دكوژین خوین دهێته‌ دیتن ئه‌ڤه‌ زۆر یا ب مه‌ترسیه‌ بۆ زارۆكی.
ماموستا دلانێ دیارکر ژی پتریا وان یاریا دیمه‌نێن كوشتن و خوینێ تێدانه‌، له‌وڕا پێدڤیه‌ سه‌میانێن وان هشیاری زارۆكێن خۆ بن، ژبه‌ركو مه‌ژیێ زارۆكی بشێوه‌یه‌كێ باش گه‌شه‌ نه‌كریه‌ نابیت دیمه‌نێن كوشتن و لێدان و خوین به‌ربوونێ ببینیت، به‌رۆڤاژی ده‌مێ زارۆك ئه‌ڤان یاریان دكه‌ت زارۆك به‌رده‌وام بزاڤان دكه‌ت دیمه‌نێن دناڤا وان یاریان د ژیانا رۆژانه‌دا دوباره‌ بكه‌ت.
ماموستایا زانکۆیێ دیار کر ژی، كاره‌سات ئه‌وە دیمه‌نێن مه‌ترسیدارێن دناڤا یاریێن ئه‌لكترۆنی بۆ زارۆكی ئاسایی دكه‌ت و زارۆك به‌رده‌وام دخوازیت تامێ ژێ وه‌ربگریت و گۆت؛ بكارئینانا چه‌كی و چه‌قویێ و ئامیرێن ترسناك مه‌ترسی بۆ سه‌ر ژیانا زارۆكا په‌یداكریه‌، ته‌مه‌نێ زارۆك و سنێلان ته‌مه‌نێ تاقیكرنێ یه‌ و بزاڤان دكه‌ن هه‌موو تشتێ د ژیانا رۆژانه‌دا دبینن تاقی بكه‌ن.
مامۆستایا زانكۆیێ زێدەتر گۆت؛ ئه‌و زارۆكێن بن چاڤدێریا دایك و بابا یاریێن ئه‌لكترۆنی دكه‌ن مه‌ترسی كێمتر هه‌نه‌ بۆسه‌ر ژیانا وان، به‌لێ ئه‌ڤێن بشێوه‌یه‌كێ به‌رده‌وام یاریێن ئه‌لكترۆنی دكه‌ن، چو چاڤدێری لسه‌ر نینه‌ ئه‌ڤه‌ كاره‌ساته‌، هنده‌ك یاری هه‌نه‌ نابیت ته‌مه‌نێ خوار پازده‌ سالیێ پشكداریێ تێدا بكه‌ن، به‌لێ مخابن ئه‌م یێ دبینین زارۆكێن ته‌مه‌نێ وان زرۆ بچوویك دچنه‌ دناڤا ئه‌ڤان یاریان.
ماموستایا زانکۆیێ گۆتژی؛ له‌وڕا ئه‌ركێ دایك و بابانه‌ ئاگه‌هداری ئه‌ڤان یاریا بن و چاڤدێریا زارۆكێن خۆ بكه‌ن، دیتنا ئه‌ڤان دیمه‌نێن ترسناك كاریگه‌ریێن نه‌رێنی دێ لسەر ژیانازارۆکێن وان په‌یداكه‌ت، هه‌روه‌سا بگشتی یاریێن ئه‌لكترۆنی د سه‌رده‌مێ نوكه‌دا مه‌ترسی هه‌یه‌ و كاریگه‌ریێن خراب هه‌نه‌ بۆ سه‌ر زارۆكی.
دلان ئیسماعیل د بەردەوامیا ئاخفتنێن خۆدا دیار کر، ژبلی كو زارۆك تووشی تاوانێن كوشتنێ و ئه‌شكه‌نجه‌دانێ دبیت ب رێیا یاریێن ئه‌لكترۆنی چه‌ندین تاوانێن دیژی هه‌نه‌ ژ وانژی ده‌مێ ته‌مه‌نێ زارۆكی مه‌زن دبیت فێری یاریێن خرابتر دبیت، هه‌روه‌سا فێری ئاخفتنێن نه‌ هه‌ژی و ره‌فتارێن دویر ژ كه‌لتور و ره‌وشت و تیتالێن جڤاكێ كوردی دبیت.
دلانێ خاله‌كا دی یا هه‌ره‌ گرنگ دا زانین ئەوژی، هنده‌ك ژ وان یاریێن ئه‌لكترۆنی ب رێیا ئه‌كترۆنی ئاخفتن ژی دناڤبه‌را یاریكه‌رادا هه‌نه‌ ئه‌ڤه‌یه‌ كاره‌ساتا مه‌زن، هنده‌ك تاوانبارا ته‌مه‌نه‌كێ مه‌زن هه‌یه‌ و بناڤێ زارۆكان دهێنه‌ دناڤا ئه‌ڤان یاریان و دگه‌ل زارۆكا داخوازا ژمارێن نهێنی یێن ڤیزه‌ كارت و هژمارا بانكی و هه‌ر تشته‌كی دكه‌ن ژ زارۆكان و گۆت؛ واته‌ بناڤێ زارۆكان دهێنه‌ یاریێ به‌لێ ئه‌و بخۆ نه‌زارۆكن و داخوازا نهێنیێن دایك و بابێن وان ژ زارۆكان دكه‌ن.
دلان ئیسماعیل ماموستایا زانکۆیێ گۆت؛ پێدڤیه‌ دایک و باب خێزان زۆر هشیاری زارۆكێن خۆ بن پێشكه‌فتنا ته‌كنه‌لۆژیایێ و هاتنا جوره‌ها یاریێن ئه‌لكترۆنی كارڤه‌دانێن خراب هه‌نه‌.

]]> https://rojnameyaevro.com/ku/%db%8c%d8%a7%d8%b1%db%8c%db%8c%db%8e%d9%86-%d8%a6%d9%87%e2%80%8c%d9%84%d9%83%d8%aa%d8%b1%db%86%d9%86%db%8c-%d9%83%d8%a7%d8%b1%db%8c%da%af%d9%87%e2%80%8c%d8%b1%db%8c%db%8c%db%8e%d9%86-%d9%86%d9%87/271004/feed/ 0 چاوانیا ئاڤاکرنا کەساتیەکا بهێز د جڤاکی دا https://rojnameyaevro.com/ku/%da%86%d8%a7%d9%88%d8%a7%d9%86%db%8c%d8%a7-%d8%a6%d8%a7%da%a4%d8%a7%da%a9%d8%b1%d9%86%d8%a7-%da%a9%db%95%d8%b3%d8%a7%d8%aa%db%8c%db%95%da%a9%d8%a7-%d8%a8%d9%87%db%8e%d8%b2-%d8%af-%d8%ac%da%a4%d8%a7/271001/ https://rojnameyaevro.com/ku/%da%86%d8%a7%d9%88%d8%a7%d9%86%db%8c%d8%a7-%d8%a6%d8%a7%da%a4%d8%a7%da%a9%d8%b1%d9%86%d8%a7-%da%a9%db%95%d8%b3%d8%a7%d8%aa%db%8c%db%95%da%a9%d8%a7-%d8%a8%d9%87%db%8e%d8%b2-%d8%af-%d8%ac%da%a4%d8%a7/271001/#comments Mon, 05 Oct 2026 10:17:59 +0000 https://rojnameyaevro.com/ku/?p=271001 بێگۆمان ھەموو کەسان دڤێت کەسایەتیەکا بهێز هەبیت و بۆ ڤێ مەرەمێ ژی هەر کەسەك بەردەوام پێکۆلا بهێزبوونا کەسایەتیا خوە دکەت، چونکی کەسایەتیا بھێز دناڤ جڤاکی دا پێگەهێ خوە یێ تایبەت هەیە و دبیته جهێ باوەریێ و ڕاوێژپێکرنێ و دناڤ خەلکی دا ڕێزەکا زێدەتر لێ دهێتە گرتن، مرۆڤ دشێت ب چەندین ڕێیان کەسایەتیا خوە بهێز بکەت ئەڤە ژی هندەك ژ وان ڕێکێن سەرەکی نە وەکو:

-1 خوە بنیاسە:
ژ بۆ ئاڤاکرنا کەسایەتیەکا بهێز، ل دەستپێکێ پێدڤیە مرۆڤ خوە بنیاسیت، ئانکو خالێن خوە یێن بهێز و لاواز دەستنیشان بکەت، و کار ل سەر بهێزکرنا خالێن خوە یێن بهێز بکەت و خالێن خوە یێن لاواز کێم بکەت.

-2 لایەنێ نەرێنی ل دەف خوە نەھێلە:
ئەگەر ھەموو دەمان هزر ل لایەنێ نەرێنی بکەی تو نەشێی کەسایەتیا خوە بھێز بکەی، لێ هزرکرنا ئەرێنی دێ یا کاریگەر بیت ژ بۆ بنیات و دەستپێکەکا باش بۆ ئاڤاکرنا کەسایەتیەکا بهێز.
-3 کارێن خوە یێن گرنگ دیار بکە:
ھەر دەمێ مرۆڤ شیا پرۆگرامەکێ باش بۆ ژیانا خوە داڕێژیت، ئانکو مرۆڤ ب شێوەیەکێ بڕێك و پێك دەمێ خوە بۆ تشتێن ب مفا دابەش بکەت، نەکو دەمێ خوە ب تشتێن بێ مفاڤە ببورینیت، بێگۆمان خەلك ژی ڕێزێ ل ڤان جۆرە کەسان دگرن.

-4 بلندکرنا ئاستێ باوەری بخوە بوونێ:
ئەو کەسێن پێکۆلان دکەن کو کەسایەتیەکا بهێز هەبیت، ل سەر وان پێدڤیە کو باوەری بخوە هەبیت ژ بۆ وێ چەندێ کو بشێن باوەریا خەلکی ژی ب دەست خوەڤە بینن.

-5 بۆ ئاڤاکرنا کەسایەتیەکا بهێز:
مرۆڤ پێدڤی ب چەندین خالێن دی یە وەکو ل دەمێ ئاخفتنێ پێدڤیە مرۆڤ یێ نەرم و ئارام بیت، دڤێت مرۆڤی ڕەوشتەکێ جوان هەبیت و یێ دوور بیت ژ ئاخڤتنێن نە شرین، پێدڤیە مرۆڤ بشێتە خوە و تۆڕە نەبیت، هەروەسا دڤێت مرۆڤ ڕەوشەکا ئارام بۆ وان کەسان دورست بکەت یێن کو ئاریشە هەین و مرۆڤ هاریکاریا وان بکەت، و ل دەمێ کو مرۆڤ شاشیەکێ دکەت پێدڤیە مرۆڤ داخوازا لێبورینێ بکەت و وێ شاشیێ دوبارە نەکەت.

]]> https://rojnameyaevro.com/ku/%da%86%d8%a7%d9%88%d8%a7%d9%86%db%8c%d8%a7-%d8%a6%d8%a7%da%a4%d8%a7%da%a9%d8%b1%d9%86%d8%a7-%da%a9%db%95%d8%b3%d8%a7%d8%aa%db%8c%db%95%da%a9%d8%a7-%d8%a8%d9%87%db%8e%d8%b2-%d8%af-%d8%ac%da%a4%d8%a7/271001/feed/ 0